Vamana-Purana, Saromahatmya 25

इति श्रीवामनपुराणे सरोमाहात्म्ये चतुर्विंशो ऽध्यायः सनत्कुमार उवाच स्थाणोर्वटस्योत्तरतः सुक्रतीर्थं प्रकीर्तितम् । स्थाणोर्वटस्य पूर्वेण सोमतीर्थं द्विजोत्तम

iti śrīvāmanapurāṇe saromāhātmye caturviṃśo 'dhyāyaḥ sanatkumāra uvāca sthāṇorvaṭasyottarataḥ sukratīrthaṃ prakīrtitam / sthāṇorvaṭasya pūrveṇa somatīrthaṃ dvijottama

Sanskrit only: no published translation is held for this verse.

स्थाणोर्वटं दक्षिणतो दक्षतीर्थमुदाहृतम् । स्थाणोर्वटात् पश्चिमतः स्कन्दतीर्थं प्रतिष्ठितम्

sthāṇorvaṭaṃ dakṣiṇato dakṣatīrthamudāhṛtam / sthāṇorvaṭāt paścimataḥ skandatīrthaṃ pratiṣṭhitam

Sanskrit only: no published translation is held for this verse.

एतानि पुण्यतीर्तानि मध्ये स्थाणुरिति स्मृतः । तस्य दर्शनमात्रेण प्राप्नोति परमं पदम्

etāni puṇyatīrtāni madhye sthāṇuriti smṛtaḥ / tasya darśanamātreṇa prāpnoti paramaṃ padam

Sanskrit only: no published translation is held for this verse.

अष्टम्यां च चतुर्दश्यां यस्त्वेतानि परिक्रमेत् । पदे पदे यज्ञफलं स प्राप्नोति न शंशयः

aṣṭamyāṃ ca caturdaśyāṃ yastvetāni parikramet / pade pade yajñaphalaṃ sa prāpnoti na śaṃśayaḥ

Sanskrit only: no published translation is held for this verse.

एतानि मुनिभिः साध्यैरादित्यैर्वसुभिस्तदा । मरुद्भिर्वह्निभिश्चैव सेवितानि प्रयत्नतः

etāni munibhiḥ sādhyairādityairvasubhistadā / marudbhirvahnibhiścaiva sevitāni prayatnataḥ

Sanskrit only: no published translation is held for this verse.

अन्ये ये प्राणिनः केचित् प्रविष्टाः स्थाणुमुत्तमम् । सर्वपापविनिर्मुक्ताः प्रयान्ति परमां गतिम्

anye ye prāṇinaḥ kecit praviṣṭāḥ sthāṇumuttamam / sarvapāpavinirmuktāḥ prayānti paramāṃ gatim

Sanskrit only: no published translation is held for this verse.

अस्ति तत्संनिधौ लिङ्गं देवदेवस्य शूलिनः । उमा च लिङ्गरूपेण हरपार्श्वं न मुञ्चति

asti tatsaṃnidhau liṅgaṃ devadevasya śūlinaḥ / umā ca liṅgarūpeṇa harapārśvaṃ na muñcati

Sanskrit only: no published translation is held for this verse.

तस्य दर्शनमात्रेण सिद्धिं प्राप्नोति मानवः । वटस्य उत्तरे पार्श्वे तक्षकेण महात्मना

tasya darśanamātreṇa siddhiṃ prāpnoti mānavaḥ / vaṭasya uttare pārśve takṣakeṇa mahātmanā

Sanskrit only: no published translation is held for this verse.

प्रतिष्ठितं महालिङ्गं सर्वकामप्रदायकम् । वटस्य पूर्वदिग्भागे विश्वकर्मकृतं महत्

pratiṣṭhitaṃ mahāliṅgaṃ sarvakāmapradāyakam / vaṭasya pūrvadigbhāge viśvakarmakṛtaṃ mahat

Sanskrit only: no published translation is held for this verse.

लिङ्गं प्रत्यङ्मुखं दृष्ट्वा सिद्धिमाप्नोति मानवः । तत्रैव लिङ्गरूपेण स्थिता देवी सरस्वती

liṅgaṃ pratyaṅmukhaṃ dṛṣṭvā siddhimāpnoti mānavaḥ / tatraiva liṅgarūpeṇa sthitā devī sarasvatī

Sanskrit only: no published translation is held for this verse.

प्रणम्य तां प्रयत्नेन बुद्धिं मेधां च विन्दति । वटपार्श्वे स्थितं लिङ्गं ब्रह्मणा तत् प्रतिष्ठितम्

praṇamya tāṃ prayatnena buddhiṃ medhāṃ ca vindati / vaṭapārśve sthitaṃ liṅgaṃ brahmaṇā tat pratiṣṭhitam

Sanskrit only: no published translation is held for this verse.

दृष्ट्वा वटेश्वरं देवं प्रयाति परमं पदम् । ततः स्थाणुवटं दृष्ट्वा कृत्वा चापि प्रदक्षिणम्

dṛṣṭvā vaṭeśvaraṃ devaṃ prayāti paramaṃ padam / tataḥ sthāṇuvaṭaṃ dṛṣṭvā kṛtvā cāpi pradakṣiṇam

Sanskrit only: no published translation is held for this verse.

प्रदिक्षिणीकृता तेन सप्तद्वीपा वसुंधरा । स्थाणोः पश्चिमदिग्बागे नकुलीशो गणः स्मृतः

pradikṣiṇīkṛtā tena saptadvīpā vasuṃdharā / sthāṇoḥ paścimadigbāge nakulīśo gaṇaḥ smṛtaḥ

Sanskrit only: no published translation is held for this verse.

तमभ्यर्च्य प्रयत्नेन सर्वपापैः प्रमुच्यते । तस्य दक्षिणदिग्भागे तीर्थं रुद्रकरं स्मृतम्

tamabhyarcya prayatnena sarvapāpaiḥ pramucyate / tasya dakṣiṇadigbhāge tīrthaṃ rudrakaraṃ smṛtam

Sanskrit only: no published translation is held for this verse.

तस्मिन् स्नातः सर्वतीर्थे स्नातो भवति मानवः । तस्य चोत्तरदिग्भागे रावणेन महात्मना

tasmin snātaḥ sarvatīrthe snāto bhavati mānavaḥ / tasya cottaradigbhāge rāvaṇena mahātmanā

Sanskrit only: no published translation is held for this verse.

प्रतिष्ठितं महालिङ्गं गोकर्णं नाम नामतः । आषाढमासे या कृष्णा भविष्यति चतुर्दशी । तस्यां योर्ऽचति गोकर्णं तस्य पुण्यफलं शृणु

pratiṣṭhitaṃ mahāliṅgaṃ gokarṇaṃ nāma nāmataḥ / āṣāḍhamāse yā kṛṣṇā bhaviṣyati caturdaśī / tasyāṃ yor'cati gokarṇaṃ tasya puṇyaphalaṃ śṛṇu

Sanskrit only: no published translation is held for this verse.

कामतो ऽकामतो वापि यत् पापं तेन संचितम् । तस्माद् विमुच्यते पापात् पूजयित्वा हरं शुचिः

kāmato 'kāmato vāpi yat pāpaṃ tena saṃcitam / tasmād vimucyate pāpāt pūjayitvā haraṃ śuciḥ

Sanskrit only: no published translation is held for this verse.

कौमारब्रह्मचर्येण यत्पुण्यं प्राप्यते नरैः । तत्पुण्यं सकलं तस्य अष्टम्यां योर्ऽचयेच्छिवम्

kaumārabrahmacaryeṇa yatpuṇyaṃ prāpyate naraiḥ / tatpuṇyaṃ sakalaṃ tasya aṣṭamyāṃ yor'cayecchivam

Sanskrit only: no published translation is held for this verse.

अजरश्चामरश्चैव कल्पयित्वा बभूव ह

ajaraścāmaraścaiva kalpayitvā babhūva ha

Sanskrit only: no published translation is held for this verse.

आषाढस्य तु मासस्य शुक्ला या चाष्टमी भवेत् । तस्यां पूज्य सोपवासो ह्यमृतत्वमवाप्नुयात्

āṣāḍhasya tu māsasya śuklā yā cāṣṭamī bhavet / tasyāṃ pūjya sopavāso hyamṛtatvamavāpnuyāt

Sanskrit only: no published translation is held for this verse.

खरेण पूजितं लिङ्गं तस्मिन् स्थाने द्विजोत्तम । तं पूजयित्वा यत्नेन सर्वकामानवाप्नुयात्

khareṇa pūjitaṃ liṅgaṃ tasmin sthāne dvijottama / taṃ pūjayitvā yatnena sarvakāmānavāpnuyāt

Sanskrit only: no published translation is held for this verse.

दूषणस्त्रिशिराश्चैव तत्र पूज्य महेश्वरम् । यथाभिलषितान् कामानापतुस्तौ मुदान्वितौ

dūṣaṇastriśirāścaiva tatra pūjya maheśvaram / yathābhilaṣitān kāmānāpatustau mudānvitau

Sanskrit only: no published translation is held for this verse.

चैत्रमासे सिते पक्षे यो नरस्तत्र पूजयेत् । तस्य तौ वरदौ देवौ प्रयच्छेते ऽभिवाञ्छितम्

caitramāse site pakṣe yo narastatra pūjayet / tasya tau varadau devau prayacchete 'bhivāñchitam

Sanskrit only: no published translation is held for this verse.

स्थाणोर्वटस्य पूर्वोण हस्तिपादेश्वरः शिवः । तं दृष्ट्वा मुच्यते पापैरन्यजन्मनि संभवैः

sthāṇorvaṭasya pūrvoṇa hastipādeśvaraḥ śivaḥ / taṃ dṛṣṭvā mucyate pāpairanyajanmani saṃbhavaiḥ

Sanskrit only: no published translation is held for this verse.

तस्य दक्षिणतो लिङ्गं हारीतस्य ऋषेः स्थितम् । यत् प्रणण्य प्रयत्नेन सिद्धिं प्राप्नोति मानवः

tasya dakṣiṇato liṅgaṃ hārītasya ṛṣeḥ sthitam / yat praṇaṇya prayatnena siddhiṃ prāpnoti mānavaḥ

Sanskrit only: no published translation is held for this verse.

तस्य दक्षिणपार्श्वे तु वापीतस्य महात्मनः । लिह्गं त्रैलोक्यविख्यातं सर्वपापहरं शिवम्

tasya dakṣiṇapārśve tu vāpītasya mahātmanaḥ / lihgaṃ trailokyavikhyātaṃ sarvapāpaharaṃ śivam

Sanskrit only: no published translation is held for this verse.

कङ्गालरूपिणा चापि रुद्रेण सुमहात्मना । प्रतिष्ठितं महालिङ्गं सर्वपापप्रणशनम्

kaṅgālarūpiṇā cāpi rudreṇa sumahātmanā / pratiṣṭhitaṃ mahāliṅgaṃ sarvapāpapraṇaśanam

Sanskrit only: no published translation is held for this verse.

भुक्तिदं मुक्तिदं प्रोक्तं सर्वकिल्बिषनाशनम् । लिङ्गस्य दर्शनाच्चैव अग्निष्टोमफलं लभेत्

bhuktidaṃ muktidaṃ proktaṃ sarvakilbiṣanāśanam / liṅgasya darśanāccaiva agniṣṭomaphalaṃ labhet

Sanskrit only: no published translation is held for this verse.

तस्य पश्चिमदिग्भागे लिङ्गं सिद्धप्रतिष्ठितम् । सिद्धेश्वरं तु विख्यातं सर्वसिद्धिप्रदायकम्

tasya paścimadigbhāge liṅgaṃ siddhapratiṣṭhitam / siddheśvaraṃ tu vikhyātaṃ sarvasiddhipradāyakam

Sanskrit only: no published translation is held for this verse.

तस्य दक्षिणदिग्बागे मृकण्डेन महात्मना । तत्र प्रतिष्ठितं लिङ्गं दर्शनात् सिद्धिदायकम्

tasya dakṣiṇadigbāge mṛkaṇḍena mahātmanā / tatra pratiṣṭhitaṃ liṅgaṃ darśanāt siddhidāyakam

Sanskrit only: no published translation is held for this verse.

तस्य पूर्वे च दिग्भागे आदित्येन महात्मना । प्रतिष्ठितं लिङ्गवरं सर्वकिल्बिषनाशनम्

tasya pūrve ca digbhāge ādityena mahātmanā / pratiṣṭhitaṃ liṅgavaraṃ sarvakilbiṣanāśanam

Sanskrit only: no published translation is held for this verse.

चित्राङ्गदस्तु गन्धर्वो रम्भा चाप्सरसां वरा । परस्परं सानुरागौ स्थाणुदर्शनकाङ्क्षिणौ

citrāṅgadastu gandharvo rambhā cāpsarasāṃ varā / parasparaṃ sānurāgau sthāṇudarśanakāṅkṣiṇau

Sanskrit only: no published translation is held for this verse.

दृष्ट्वा स्थाणुं पूजयित्वा सानुरागौ परस्परम् । आराध्य वरदं देवं प्रतिष्ठाप्य महेश्वरम्

dṛṣṭvā sthāṇuṃ pūjayitvā sānurāgau parasparam / ārādhya varadaṃ devaṃ pratiṣṭhāpya maheśvaram

Sanskrit only: no published translation is held for this verse.

चित्राङ्गदेश्वरं दृष्ट्वा तथा रम्भेश्वरं द्विज । सुभगो दर्शनीयश्च कुले जन्म समाप्नुयात्

citrāṅgadeśvaraṃ dṛṣṭvā tathā rambheśvaraṃ dvija / subhago darśanīyaśca kule janma samāpnuyāt

Sanskrit only: no published translation is held for this verse.

तस्य दभिणतो लिङ्गं वज्रिणा स्थापितं पुरा । तस्य प्रसादात् प्राप्नोति मनसा चिन्तितं फलम्

tasya dabhiṇato liṅgaṃ vajriṇā sthāpitaṃ purā / tasya prasādāt prāpnoti manasā cintitaṃ phalam

Sanskrit only: no published translation is held for this verse.

पराशरेण मुनिना ततैवाराध्य शङ्करम् । प्राप्तं कवित्वं परमं दर्शनाच्छङ्करस्य च

parāśareṇa muninā tataivārādhya śaṅkaram / prāptaṃ kavitvaṃ paramaṃ darśanācchaṅkarasya ca

Sanskrit only: no published translation is held for this verse.

वेदव्यासेन मुनिना आराध्य परमेश्वरम् । सर्वज्ञत्वं ब्रह्मज्ञानं प्राप्तं देवप्रसादतः

vedavyāsena muninā ārādhya parameśvaram / sarvajñatvaṃ brahmajñānaṃ prāptaṃ devaprasādataḥ

Sanskrit only: no published translation is held for this verse.

स्थाणोः पश्चिमदिग्भागे वायुना जगदायुना । प्रतिष्ठितं महालिङ्गं दर्शनात् पापनाशनम्

sthāṇoḥ paścimadigbhāge vāyunā jagadāyunā / pratiṣṭhitaṃ mahāliṅgaṃ darśanāt pāpanāśanam

Sanskrit only: no published translation is held for this verse.

तस्यापि दक्षिणे भागे लिङ्गं हिमवतेश्वरम् । प्रतिष्ठितं पुण्यकृतां दर्शनात् सिद्धिकारकम्

tasyāpi dakṣiṇe bhāge liṅgaṃ himavateśvaram / pratiṣṭhitaṃ puṇyakṛtāṃ darśanāt siddhikārakam

Sanskrit only: no published translation is held for this verse.

तस्यापि पश्चिमे भागे कार्तवीर्येण स्थापितम् । लिङ्गं पापहरं सद्यो कार्तनात् पुण्यमाप्नुयात्

tasyāpi paścime bhāge kārtavīryeṇa sthāpitam / liṅgaṃ pāpaharaṃ sadyo kārtanāt puṇyamāpnuyāt

Sanskrit only: no published translation is held for this verse.

तस्याप्युत्तरदिग्भागो सुपार्श्वे स्थापितं पुनः । आराध्य हनुमांश्चाप सिद्धिं देवप्रसादतः

tasyāpyuttaradigbhāgo supārśve sthāpitaṃ punaḥ / ārādhya hanumāṃścāpa siddhiṃ devaprasādataḥ

Sanskrit only: no published translation is held for this verse.

तस्यैव पूर्वदिग्भागे विष्णुना प्रभविष्णुना । आराध्य वरदं देवं चक्रं लब्धं सुदर्शनम्

tasyaiva pūrvadigbhāge viṣṇunā prabhaviṣṇunā / ārādhya varadaṃ devaṃ cakraṃ labdhaṃ sudarśanam

Sanskrit only: no published translation is held for this verse.

तस्यापि पूर्वादिघ्भागे मित्रेण वरुणेन च । प्रतिष्ठितौ लिङ्गवरौ सर्वकामप्रदायकौ

tasyāpi pūrvādighbhāge mitreṇa varuṇena ca / pratiṣṭhitau liṅgavarau sarvakāmapradāyakau

Sanskrit only: no published translation is held for this verse.

एतानि मुनिभिः साध्यैरादित्यैर्वसुभिस्तथा । सेवितानि प्रयत्नेन सर्वपापहराणि वै

etāni munibhiḥ sādhyairādityairvasubhistathā / sevitāni prayatnena sarvapāpaharāṇi vai

Sanskrit only: no published translation is held for this verse.

खर्णलिङ्गस्य पश्चात्तु ऋषिभिस्तत्त्वदर्शिभिः । प्रतिष्ठितानि लिङ्गानि येषां संख्या न विद्यते

kharṇaliṅgasya paścāttu ṛṣibhistattvadarśibhiḥ / pratiṣṭhitāni liṅgāni yeṣāṃ saṃkhyā na vidyate

Sanskrit only: no published translation is held for this verse.

तथा ह्युत्तरतस्तस्य यावदोघवती नदी । सहस्रमेकं लिङ्गानां देवपश्चिमतः स्थितम्

tathā hyuttaratastasya yāvadoghavatī nadī / sahasramekaṃ liṅgānāṃ devapaścimataḥ sthitam

Sanskrit only: no published translation is held for this verse.

तस्यापि पूर्वदिग्भागे बालखिल्यैर्महात्मभिः । प्रतिष्ठिता रुद्रकोटिर्यावत्संनिहितं सरः

tasyāpi pūrvadigbhāge bālakhilyairmahātmabhiḥ / pratiṣṭhitā rudrakoṭiryāvatsaṃnihitaṃ saraḥ

Sanskrit only: no published translation is held for this verse.

दक्षिणेन तु देवस्य गन्धर्वैर्यक्षकिन्नरैः । प्रतिष्ठितानि लिङ्गानि येषां संख्या न विद्यते

dakṣiṇena tu devasya gandharvairyakṣakinnaraiḥ / pratiṣṭhitāni liṅgāni yeṣāṃ saṃkhyā na vidyate

Sanskrit only: no published translation is held for this verse.

तिस्रः कोट्योर्ऽधकोटी च लिङ्गानां वायुरब्रवीत् । असंख्याताः सहस्राणि ये रुद्राः स्थाणुमाश्रिताः

tisraḥ koṭyor'dhakoṭī ca liṅgānāṃ vāyurabravīt / asaṃkhyātāḥ sahasrāṇi ye rudrāḥ sthāṇumāśritāḥ

Sanskrit only: no published translation is held for this verse.

एतज्ज्ञात्वा श्रद्दधानः स्थाणुलिङ्गं समाश्रयेत् । यस्य प्रसादात् प्राप्नोति मनसा चिन्तितं फलम्

etajjñātvā śraddadhānaḥ sthāṇuliṅgaṃ samāśrayet / yasya prasādāt prāpnoti manasā cintitaṃ phalam

Sanskrit only: no published translation is held for this verse.

अकामो वा सकामो वा प्रविष्टः स्थाणुमन्दिरम् । विमुक्तः पातकैर्घोरैः प्राप्नोति परमं पदम्

akāmo vā sakāmo vā praviṣṭaḥ sthāṇumandiram / vimuktaḥ pātakairghoraiḥ prāpnoti paramaṃ padam

Sanskrit only: no published translation is held for this verse.

चैत्रे मासे त्रयोदश्यां दिव्यनक्षत्रयोगतः । शुक्रार्कचन्द्रसंयोगे दिने पुण्यतमे शुभे

caitre māse trayodaśyāṃ divyanakṣatrayogataḥ / śukrārkacandrasaṃyoge dine puṇyatame śubhe

Sanskrit only: no published translation is held for this verse.

प्रतिष्ठितं स्थाणुलिङ्गं ब्रह्मणा लोकधारिणा । ऋषिभिर्देवसंघैश्च पूजितं शाश्वतीः समाः

pratiṣṭhitaṃ sthāṇuliṅgaṃ brahmaṇā lokadhāriṇā / ṛṣibhirdevasaṃghaiśca pūjitaṃ śāśvatīḥ samāḥ

Sanskrit only: no published translation is held for this verse.

तस्मिन् काले निराहारा मानवाः श्रद्धयान्विताः । पूजयन्ति शिवं ये वै ते यान्ति परमं पदम्

tasmin kāle nirāhārā mānavāḥ śraddhayānvitāḥ / pūjayanti śivaṃ ye vai te yānti paramaṃ padam

Sanskrit only: no published translation is held for this verse.

तदारूढमिदं ज्ञात्वा ये कुर्वन्ति प्रदक्षिणम् । प्रदक्षिणीकृता तैस्तु सप्तद्वीपा वसुंधरा

tadārūḍhamidaṃ jñātvā ye kurvanti pradakṣiṇam / pradakṣiṇīkṛtā taistu saptadvīpā vasuṃdharā

Sanskrit only: no published translation is held for this verse.