Vamana-Purana, Saromahatmya 26

प्राणो ऽपानः मसानश्च उदानो व्यान एव च । उन्मेषश्च निमेषश्च क्षुतं जृम्भितमेव च

prāṇo 'pānaḥ masānaśca udāno vyāna eva ca / unmeṣaśca nimeṣaśca kṣutaṃ jṛmbhitameva ca

Sanskrit only: no published translation is held for this verse.

लोहितान्तर्गतो दृष्टिर्महावक्त्रो महोदरः । शुचिरोमा हरिश्मश्रुरूर्ध्वकेशश्चलाचलः

lohitāntargato dṛṣṭirmahāvaktro mahodaraḥ / śuciromā hariśmaśrurūrdhvakeśaścalācalaḥ

Sanskrit only: no published translation is held for this verse.

गीतवादित्रनृत्यज्ञो गीतवादित्रकप्रियः । मत्स्यो जालो जलौकाश्च कालः केलिकला कलिः

gītavāditranṛtyajño gītavāditrakapriyaḥ / matsyo jālo jalaukāśca kālaḥ kelikalā kaliḥ

Sanskrit only: no published translation is held for this verse.

अकालश्च विकालश्च दुष्कालः काल एव च । मृत्युश्च मृत्युकर्ता च यक्षो यक्षभयङ्करः

akālaśca vikālaśca duṣkālaḥ kāla eva ca / mṛtyuśca mṛtyukartā ca yakṣo yakṣabhayaṅkaraḥ

Sanskrit only: no published translation is held for this verse.

संवर्तको ऽन्तकश्चैव संवर्तकबलाहकः । घण्टो घण्टी माहघण्टी चिरी माली च मातलिः

saṃvartako 'ntakaścaiva saṃvartakabalāhakaḥ / ghaṇṭo ghaṇṭī māhaghaṇṭī cirī mālī ca mātaliḥ

Sanskrit only: no published translation is held for this verse.

ब्रह्मकालयमाग्नीनां दण्डी मुण्डी त्रिमुण्डधृक् । चतुर्युगश्चतुर्वेदश्चातुर्हेत्रप्रवर्तकः

brahmakālayamāgnīnāṃ daṇḍī muṇḍī trimuṇḍadhṛk / caturyugaścaturvedaścāturhetrapravartakaḥ

Sanskrit only: no published translation is held for this verse.

चातुराश्रम्यनेता च चातुर्वर्ण्यकरस्तथा । नित्यमक्षप्रियो धूर्तो गणाध्यक्षो गणाधिपः

cāturāśramyanetā ca cāturvarṇyakarastathā / nityamakṣapriyo dhūrto gaṇādhyakṣo gaṇādhipaḥ

Sanskrit only: no published translation is held for this verse.

रक्तमाल्याम्बरधरो गिरिको गिरिकप्रियः । शिल्पं च शिल्पिनां श्रेष्ठः सर्वशिल्पप्रवर्तकः

raktamālyāmbaradharo giriko girikapriyaḥ / śilpaṃ ca śilpināṃ śreṣṭhaḥ sarvaśilpapravartakaḥ

Sanskrit only: no published translation is held for this verse.

भगनेत्राङ्कुशश्चण्डः पूष्णो दन्तविनाशनः । स्वाहा स्वधा वषट्कारो नमस्कारो नमो नमः

bhaganetrāṅkuśaścaṇḍaḥ pūṣṇo dantavināśanaḥ / svāhā svadhā vaṣaṭkāro namaskāro namo namaḥ

Sanskrit only: no published translation is held for this verse.

गूढव्रतो गुह्यतपास्तारकास्तारकामयः । धाता विधाता संधाता पृथिव्या धरणो ऽपरः

gūḍhavrato guhyatapāstārakāstārakāmayaḥ / dhātā vidhātā saṃdhātā pṛthivyā dharaṇo 'paraḥ

Sanskrit only: no published translation is held for this verse.

ब्रह्म तपश्च सत्यं च व्रतचर्य मथार्जवम् । भूतात्मा भूतकृद् भूतिर्भूतभव्यभवोद्भवः

brahma tapaśca satyaṃ ca vratacarya mathārjavam / bhūtātmā bhūtakṛd bhūtirbhūtabhavyabhavodbhavaḥ

Sanskrit only: no published translation is held for this verse.

भूर्भुवः स्वरृतं चैव ध्रुवो दान्तो महेश्वरः । दीक्षितो ऽदीक्षितः कान्तो दुर्दान्तो दान्तसंभवः

bhūrbhuvaḥ svarṛtaṃ caiva dhruvo dānto maheśvaraḥ / dīkṣito 'dīkṣitaḥ kānto durdānto dāntasaṃbhavaḥ

Sanskrit only: no published translation is held for this verse.

चन्द्रावर्तो युगावर्तः संवर्तकप्रवर्तकः । बिन्दुः कामो ह्यणुः स्थूलः कर्णिकारस्रजप्रियः

candrāvarto yugāvartaḥ saṃvartakapravartakaḥ / binduḥ kāmo hyaṇuḥ sthūlaḥ karṇikārasrajapriyaḥ

Sanskrit only: no published translation is held for this verse.

गोनर्दे गोप्रतारश्च गोवृषेश्वरवाहनः

gonarde gopratāraśca govṛṣeśvaravāhanaḥ

Sanskrit only: no published translation is held for this verse.

त्रैलोक्यगोप्ता गोविन्दो गोमार्गो मार्ग एव च । स्थिरः श्रेष्ठश्च स्थाणुश्च विक्रोशः क्रोश एव च

trailokyagoptā govindo gomārgo mārga eva ca / sthiraḥ śreṣṭhaśca sthāṇuśca vikrośaḥ krośa eva ca

Sanskrit only: no published translation is held for this verse.

दुर्वारणो दुर्विषहो दुःसहो दुरतिक्रमः । दुर्द्धर्षो दुष्प्रकाशश्च दुर्दुर्शो दुर्जयो जयः

durvāraṇo durviṣaho duḥsaho duratikramaḥ / durddharṣo duṣprakāśaśca durdurśo durjayo jayaḥ

Sanskrit only: no published translation is held for this verse.

शशाङ्कानलशीतोष्णः क्षुत्तृष्णा च निरामयः । आधयो व्याधयश्चैव व्याधिहा व्याधिनाशनः

śaśāṅkānalaśītoṣṇaḥ kṣuttṛṣṇā ca nirāmayaḥ / ādhayo vyādhayaścaiva vyādhihā vyādhināśanaḥ

Sanskrit only: no published translation is held for this verse.

समूहश्च समूहस्य हन्ता देवः सनातनः । शिखण्डी पुण्डरीकाक्षः पुण्डरीकवनालयः

samūhaśca samūhasya hantā devaḥ sanātanaḥ / śikhaṇḍī puṇḍarīkākṣaḥ puṇḍarīkavanālayaḥ

Sanskrit only: no published translation is held for this verse.

त्र्यम्बको दण्डधारश्च उग्रदंष्ट्रः कुलान्तकः । विषापहः सुरश्रेष्ठः सोमपास्त्वं मरुत्पते । अमृताशी जगन्नातो देवदेव गणेश्वरः

tryambako daṇḍadhāraśca ugradaṃṣṭraḥ kulāntakaḥ / viṣāpahaḥ suraśreṣṭhaḥ somapāstvaṃ marutpate / amṛtāśī jagannāto devadeva gaṇeśvaraḥ

Sanskrit only: no published translation is held for this verse.

मधुश्च्युतानां मधुपो ब्रह्मवाक् त्वं घृतच्युतः । सर्वलोकस्य भोक्ता त्वं सर्वलोकपितामहः

madhuścyutānāṃ madhupo brahmavāk tvaṃ ghṛtacyutaḥ / sarvalokasya bhoktā tvaṃ sarvalokapitāmahaḥ

Sanskrit only: no published translation is held for this verse.

हिरण्यरेताः पुरुषस्त्वमेकः त्वं स्त्री पुमांस्त्वं हि नपुंसकं च । बालो युवा स्थविरो देवदंष्ट्रा त्वन्नो गिरिर्विश्वकृद् विश्वहर्ता

hiraṇyaretāḥ puruṣastvamekaḥ tvaṃ strī pumāṃstvaṃ hi napuṃsakaṃ ca / bālo yuvā sthaviro devadaṃṣṭrā tvanno girirviśvakṛd viśvahartā

Sanskrit only: no published translation is held for this verse.

त्वं वै धाता विश्वकृतां वरेण्यस् त्वां पूजयन्ति प्रणताः सदैव । चन्द्रादित्यौ चक्षुषी ते भवान् हि त्वमेव चाग्निः प्रपितामहश्च । आराध्य त्वां सरखतीं वाग्लभन्ते अहोरात्रे निमिषोन्मेषकर्ता

tvaṃ vai dhātā viśvakṛtāṃ vareṇyas tvāṃ pūjayanti praṇatāḥ sadaiva / candrādityau cakṣuṣī te bhavān hi tvameva cāgniḥ prapitāmahaśca / ārādhya tvāṃ sarakhatīṃ vāglabhante ahorātre nimiṣonmeṣakartā

Sanskrit only: no published translation is held for this verse.

न ब्रह्मा न च गोविन्दः पौराणा ऋषयो न ते । माहात्म्यं वेदितुं शक्ता यातातथ्येन शङ्कर

na brahmā na ca govindaḥ paurāṇā ṛṣayo na te / māhātmyaṃ vedituṃ śaktā yātātathyena śaṅkara

Sanskrit only: no published translation is held for this verse.

पुंसां शतसहस्राणि यत्समावृत्य तिष्ठति । महतस्तमसः पारे गोप्ता मन्ता भवान् सदा

puṃsāṃ śatasahasrāṇi yatsamāvṛtya tiṣṭhati / mahatastamasaḥ pāre goptā mantā bhavān sadā

Sanskrit only: no published translation is held for this verse.

यं विनिद्रा जितश्वासाः सत्त्वस्थाः संयतेन्द्रियाः । ज्योतिः पश्यन्ति युञ्जानास्तस्मै योगात्मने नमः

yaṃ vinidrā jitaśvāsāḥ sattvasthāḥ saṃyatendriyāḥ / jyotiḥ paśyanti yuñjānāstasmai yogātmane namaḥ

Sanskrit only: no published translation is held for this verse.

या मूर्तयश्च सूक्ष्मास्ते न शक्या या निदर्शितुम् । ताभिर्मां सततं रक्ष पिता पुत्रमिवौरसम्

yā mūrtayaśca sūkṣmāste na śakyā yā nidarśitum / tābhirmāṃ satataṃ rakṣa pitā putramivaurasam

Sanskrit only: no published translation is held for this verse.

रक्ष मां रक्षणीयो ऽहं तवानघ नमो ऽस्तु ते । भक्तानुकम्पी भगवान् भक्तश्चाहं सदा त्वयि

rakṣa māṃ rakṣaṇīyo 'haṃ tavānagha namo 'stu te / bhaktānukampī bhagavān bhaktaścāhaṃ sadā tvayi

Sanskrit only: no published translation is held for this verse.

जटिने दण्डिने नित्यं लम्बोदरशारीरिणे । कमण्डलुनिषङ्गाय तस्मै रुद्रात्मने नमः

jaṭine daṇḍine nityaṃ lambodaraśārīriṇe / kamaṇḍaluniṣaṅgāya tasmai rudrātmane namaḥ

Sanskrit only: no published translation is held for this verse.

यस्य केशेषु जीमूता नद्याः सर्वाङ्गसन्धिषु । कुक्षौ समुद्रश्चत्वारस्तस्मै तोयात्मने नमः

yasya keśeṣu jīmūtā nadyāḥ sarvāṅgasandhiṣu / kukṣau samudraścatvārastasmai toyātmane namaḥ

Sanskrit only: no published translation is held for this verse.

संभक्ष्य सर्वभूतानि युगान्ते पर्युपस्थिते । यः शेते जलमध्यस्थस्तं प्रपद्ये ऽम्बुशायिनम्

saṃbhakṣya sarvabhūtāni yugānte paryupasthite / yaḥ śete jalamadhyasthastaṃ prapadye 'mbuśāyinam

Sanskrit only: no published translation is held for this verse.

प्रविश्य वदनं राहोर्यः सोमं पिबते निशि । ग्रसत्यर्कं च खर्भानू रक्षितस्तव तेजसा

praviśya vadanaṃ rāhoryaḥ somaṃ pibate niśi / grasatyarkaṃ ca kharbhānū rakṣitastava tejasā

Sanskrit only: no published translation is held for this verse.

ये चात्र पतिता गर्भा रुद्रगन्धस्य रक्षेण । नमस्ते ऽस्तु खधा खाहा प्राप्नुवन्ति तदद्भुते

ye cātra patitā garbhā rudragandhasya rakṣeṇa / namaste 'stu khadhā khāhā prāpnuvanti tadadbhute

Sanskrit only: no published translation is held for this verse.

ये ऽङ्गुष्ठमात्राः पुरुषा देहस्थाः सर्वदेहिनाम् । रक्षन्तु ते हि मां नित्यं ते मामाप्याययन्तु वै

ye 'ṅguṣṭhamātrāḥ puruṣā dehasthāḥ sarvadehinām / rakṣantu te hi māṃ nityaṃ te māmāpyāyayantu vai

Sanskrit only: no published translation is held for this verse.

ये नदीषु समुद्रेषु पर्वतेषु गुहासु च । वृभमूलेषु गोष्ठेषु कान्तारगहनेषु च

ye nadīṣu samudreṣu parvateṣu guhāsu ca / vṛbhamūleṣu goṣṭheṣu kāntāragahaneṣu ca

Sanskrit only: no published translation is held for this verse.

चतुष्पथेषु रथ्यासु चत्वरेषु सभासु च । हस्त्यश्वरथशालासु जीर्णोद्यानालयेषु च

catuṣpatheṣu rathyāsu catvareṣu sabhāsu ca / hastyaśvarathaśālāsu jīrṇodyānālayeṣu ca

Sanskrit only: no published translation is held for this verse.

ये च पञ्चसु भूतेषु दिशासु विदिशासु च । चन्द्रार्कयोर्मध्यागता ये च चन्द्रार्करश्मिषु

ye ca pañcasu bhūteṣu diśāsu vidiśāsu ca / candrārkayormadhyāgatā ye ca candrārkaraśmiṣu

Sanskrit only: no published translation is held for this verse.

रसातलगता ये च ये च तस्मात् परं गताः । नमस्तेभ्यो नमस्तेभ्यो नमस्तेभ्यश्च नित्यशः

rasātalagatā ye ca ye ca tasmāt paraṃ gatāḥ / namastebhyo namastebhyo namastebhyaśca nityaśaḥ

Sanskrit only: no published translation is held for this verse.

येषां न विद्यते संख्या प्रमाणं रूपमेव च । असंख्येयगणा रुद्रा नमस्तेभ्यो ऽस्तु नित्यशः

yeṣāṃ na vidyate saṃkhyā pramāṇaṃ rūpameva ca / asaṃkhyeyagaṇā rudrā namastebhyo 'stu nityaśaḥ

Sanskrit only: no published translation is held for this verse.

प्रसीद मम भद्रं ते तव भावगतस्य च । त्वयि मे हृदयं देव त्वयि बुद्धिर्मतिस्त्वयि

prasīda mama bhadraṃ te tava bhāvagatasya ca / tvayi me hṛdayaṃ deva tvayi buddhirmatistvayi

Sanskrit only: no published translation is held for this verse.

स्तुत्वैवं स महादेवं विरराम द्विजोत्त्मः

stutvaivaṃ sa mahādevaṃ virarāma dvijottmaḥ

Sanskrit only: no published translation is held for this verse.