Vamana-Purana, Saromahatmya 27

इति श्रीवामनपुराणे सरोमाहात्म्ये षड्विंशो ऽध्यायः सनत्कुमार उवचा । अथैनमब्रवीद् देवस्त्रैलोक्याधिपतिर्भवः । आश्वासनकरं चास्य वाक्यविद् वाक्यमुत्तमम्

iti śrīvāmanapurāṇe saromāhātmye ṣaḍviṃśo 'dhyāyaḥ sanatkumāra uvacā / athainamabravīd devastrailokyādhipatirbhavaḥ / āśvāsanakaraṃ cāsya vākyavid vākyamuttamam

Sanskrit only: no published translation is held for this verse.

अहो तुष्टो ऽस्मि ते राजन् स्तवेनानेन सुव्रत । बहुनात्र किमुक्तेन मत्समीपे वसिष्यसि

aho tuṣṭo 'smi te rājan stavenānena suvrata / bahunātra kimuktena matsamīpe vasiṣyasi

Sanskrit only: no published translation is held for this verse.

उषित्वा सुचिरं कालं मम गात्रोद्भवः पुनः । असुरो ह्यन्धको नाम भविष्यसि सुरान्तकृत्

uṣitvā suciraṃ kālaṃ mama gātrodbhavaḥ punaḥ / asuro hyandhako nāma bhaviṣyasi surāntakṛt

Sanskrit only: no published translation is held for this verse.

हिरण्याक्षगृहे जन्म प्राप्य वृद्धिं गमिष्यसि । पूर्वाधर्मेण घोरेण वेदनिन्दाकृतेन च

hiraṇyākṣagṛhe janma prāpya vṛddhiṃ gamiṣyasi / pūrvādharmeṇa ghoreṇa vedanindākṛtena ca

Sanskrit only: no published translation is held for this verse.

साभिलाषो जगन्मातुर्भविष्यसि यदा तदा । देहं शुलेन हत्वाहं पावयिष्यामि समार्बुदम्

sābhilāṣo jaganmāturbhaviṣyasi yadā tadā / dehaṃ śulena hatvāhaṃ pāvayiṣyāmi samārbudam

Sanskrit only: no published translation is held for this verse.

तत्राप्यकल्मषो भूत्वा स्तुत्वा मां भक्तितः पुनः । ख्यातोगणाधिपो भूत्वा नाम्ना भृङ्गिरिटिः स्मृतः

tatrāpyakalmaṣo bhūtvā stutvā māṃ bhaktitaḥ punaḥ / khyātogaṇādhipo bhūtvā nāmnā bhṛṅgiriṭiḥ smṛtaḥ

Sanskrit only: no published translation is held for this verse.

मत्सन्निधाने स्थित्वा त्वं ततः सिद्धिं गमिष्यसि । वेनप्रोक्तं स्तवमिमं कीर्तयेद् यः शृणोति च

matsannidhāne sthitvā tvaṃ tataḥ siddhiṃ gamiṣyasi / venaproktaṃ stavamimaṃ kīrtayed yaḥ śṛṇoti ca

Sanskrit only: no published translation is held for this verse.

नाशुभं प्राप्नुयात् किञ्चिद् दीर्घमायुरवाप्नुयात् । यथा सर्वेषु देवेषु विशिष्टो भगवाञ्शिवः

nāśubhaṃ prāpnuyāt kiñcid dīrghamāyuravāpnuyāt / yathā sarveṣu deveṣu viśiṣṭo bhagavāñśivaḥ

Sanskrit only: no published translation is held for this verse.

तथा स्तवो वरिष्ठो ऽयं स्तवानां वेननिर्मितः । यशोराज्यसुखैश्वर्यधनमानाय कीर्तितः

tathā stavo variṣṭho 'yaṃ stavānāṃ venanirmitaḥ / yaśorājyasukhaiśvaryadhanamānāya kīrtitaḥ

Sanskrit only: no published translation is held for this verse.

श्रोतव्यो भक्तिमास्थाय विद्याकामैश्च यत्नतः । व्याधितो दुःखितो दीनश्चौरराजभयान्वितः

śrotavyo bhaktimāsthāya vidyākāmaiśca yatnataḥ / vyādhito duḥkhito dīnaścaurarājabhayānvitaḥ

Sanskrit only: no published translation is held for this verse.

राजकार्यविमुक्तो वा मुच्यते महतो भयात् । अनेनैव तु देहेन गणानां श्रेष्ठतां व्रजेत्

rājakāryavimukto vā mucyate mahato bhayāt / anenaiva tu dehena gaṇānāṃ śreṣṭhatāṃ vrajet

Sanskrit only: no published translation is held for this verse.

तेजसा यशसा चैव युक्तो भवति निर्मलः । न राक्षसाः पिशाचा वा न भूता न विनायकाः

tejasā yaśasā caiva yukto bhavati nirmalaḥ / na rākṣasāḥ piśācā vā na bhūtā na vināyakāḥ

Sanskrit only: no published translation is held for this verse.

विघ्नं कुर्युर्गृहे तत्र यत्रायं पठ्यते स्तवः । श्रुणुयाद् या स्तवं नारी अनुज्ञां प्राप्य भर्तृतः

vighnaṃ kuryurgṛhe tatra yatrāyaṃ paṭhyate stavaḥ / śruṇuyād yā stavaṃ nārī anujñāṃ prāpya bhartṛtaḥ

Sanskrit only: no published translation is held for this verse.

मातृपक्षे पितुः पक्षे पूज्या भवति देववत् । श्रुणुयाद् यः स्तवं दिव्यं कीर्तयेद् वा समाहितः

mātṛpakṣe pituḥ pakṣe pūjyā bhavati devavat / śruṇuyād yaḥ stavaṃ divyaṃ kīrtayed vā samāhitaḥ

Sanskrit only: no published translation is held for this verse.

तस्य सर्वाणि कार्याण सिद्धिं गच्छन्ति नित्यशः । मनसा चिन्तितं यच्च यच्च वाचानुकीर्तितम्

tasya sarvāṇi kāryāṇa siddhiṃ gacchanti nityaśaḥ / manasā cintitaṃ yacca yacca vācānukīrtitam

Sanskrit only: no published translation is held for this verse.

सर्वं संपद्यते तस्य स्तवनस्यानुकीर्तनात् । मनसा कर्मणा वाचा कृतमेनो विनश्यति । वरं वरय भद्रं ते यत्त्वया मनसेप्सितम्

sarvaṃ saṃpadyate tasya stavanasyānukīrtanāt / manasā karmaṇā vācā kṛtameno vinaśyati / varaṃ varaya bhadraṃ te yattvayā manasepsitam

Sanskrit only: no published translation is held for this verse.

वेन उवाच अस्य लिङ्गस्य माहात्म्यात् तथा लिङ्गस्य दर्शनात् । मुक्तो ऽहं पातकैः सर्वैस्तव दर्शनतः किल

vena uvāca asya liṅgasya māhātmyāt tathā liṅgasya darśanāt / mukto 'haṃ pātakaiḥ sarvaistava darśanataḥ kila

Sanskrit only: no published translation is held for this verse.

यदि तुष्टो ऽसि मे देव यदि देयो वरो मम । देवस्वभक्षणाञ्जातं श्वयोनौ तव सेवकम्

yadi tuṣṭo 'si me deva yadi deyo varo mama / devasvabhakṣaṇāñjātaṃ śvayonau tava sevakam

Sanskrit only: no published translation is held for this verse.

एतस्यापि प्रसादं त्वं कर्तुमर्हसि शङ्कर । एतस्यापि भयान्मध्ये सरसो ऽहं निमञ्जितः

etasyāpi prasādaṃ tvaṃ kartumarhasi śaṅkara / etasyāpi bhayānmadhye saraso 'haṃ nimañjitaḥ

Sanskrit only: no published translation is held for this verse.

देवैर्निवारितः पूर्वं तीर्थे ऽस्मिन् स्नानकारणात् । अयं कृतोपकारश्च एतदर्थे वृणोम्यहम्

devairnivāritaḥ pūrvaṃ tīrthe 'smin snānakāraṇāt / ayaṃ kṛtopakāraśca etadarthe vṛṇomyaham

Sanskrit only: no published translation is held for this verse.

तस्यैतद् वचनं श्रुत्वा तुष्टः प्रोवाच शङ्करः । एषो ऽपि पापिनिर्मुक्तो भविष्यति न संशयः

tasyaitad vacanaṃ śrutvā tuṣṭaḥ provāca śaṅkaraḥ / eṣo 'pi pāpinirmukto bhaviṣyati na saṃśayaḥ

Sanskrit only: no published translation is held for this verse.

प्रसादान्मे महाबाहो शिवलोकं गमिष्यति । तथा स्तवमिमं श्रुत्वा मुच्यते सर्वपातकैः

prasādānme mahābāho śivalokaṃ gamiṣyati / tathā stavamimaṃ śrutvā mucyate sarvapātakaiḥ

Sanskrit only: no published translation is held for this verse.

कुरुक्षेत्रस्य माहात्म्यं सरसो ऽस्य महीपते । मम लिङ्गस्य चोत्पत्तिं श्रुत्वा पापैः प्रमुच्यते

kurukṣetrasya māhātmyaṃ saraso 'sya mahīpate / mama liṅgasya cotpattiṃ śrutvā pāpaiḥ pramucyate

Sanskrit only: no published translation is held for this verse.

सनत्कुमार उवाच इत्येवमुक्त्वा भगवान् सर्वलोकनमस्कृतः । पश्यतां सर्वलोकानां तत्रैवान्तरधीयत

sanatkumāra uvāca ityevamuktvā bhagavān sarvalokanamaskṛtaḥ / paśyatāṃ sarvalokānāṃ tatraivāntaradhīyata

Sanskrit only: no published translation is held for this verse.

स च श्वा तत्क्षणादेव स्मृत्वा जन्म पुरातनम् । दिव्यमूर्तिधरो भूत्वा तं राजानमुपस्थितः

sa ca śvā tatkṣaṇādeva smṛtvā janma purātanam / divyamūrtidharo bhūtvā taṃ rājānamupasthitaḥ

Sanskrit only: no published translation is held for this verse.

कृत्वा स्नानं ततो वैन्यः पितृदर्शनलालसः । स्थाणतीर्थे कुटीं शून्यां दृष्ट्वा शोकसमन्वितः

kṛtvā snānaṃ tato vainyaḥ pitṛdarśanalālasaḥ / sthāṇatīrthe kuṭīṃ śūnyāṃ dṛṣṭvā śokasamanvitaḥ

Sanskrit only: no published translation is held for this verse.

दृष्ट्वा वेनो ऽब्रवीद् वाक्यं हर्षेण महतान्वितः । सत्पुत्रेण त्वया वत्स त्रातो ऽहं नरकार्मवात्

dṛṣṭvā veno 'bravīd vākyaṃ harṣeṇa mahatānvitaḥ / satputreṇa tvayā vatsa trāto 'haṃ narakārmavāt

Sanskrit only: no published translation is held for this verse.

त्वयाभिषिञ्चितो नित्यं तीर्थस्थपुलिने स्थितः । अस्य साधोः प्रसादेन स्थाणोर्देवस्य दर्शनात्

tvayābhiṣiñcito nityaṃ tīrthasthapuline sthitaḥ / asya sādhoḥ prasādena sthāṇordevasya darśanāt

Sanskrit only: no published translation is held for this verse.

मुक्तापापश्च स्वर्लोकं यास्ये यत्र शिवः स्थितः । इत्येवमुक्त्वा राजानं प्रतिष्ठाप्य महेश्वरम्

muktāpāpaśca svarlokaṃ yāsye yatra śivaḥ sthitaḥ / ityevamuktvā rājānaṃ pratiṣṭhāpya maheśvaram

Sanskrit only: no published translation is held for this verse.

स्थाणुतीर्थे ययौ सिद्धिं तेन पुत्रेण तारितः । स च श्वा परमां सिद्धिं स्थाणुतीर्थप्रभावतः

sthāṇutīrthe yayau siddhiṃ tena putreṇa tāritaḥ / sa ca śvā paramāṃ siddhiṃ sthāṇutīrthaprabhāvataḥ

Sanskrit only: no published translation is held for this verse.

विमुक्तः कलुषैः सर्वैर्जगाम भवमन्दिरम् । राजा पितृऋणैर्मुक्तः परिपाल्य वसुन्धराम्

vimuktaḥ kaluṣaiḥ sarvairjagāma bhavamandiram / rājā pitṛṛṇairmuktaḥ paripālya vasundharām

Sanskrit only: no published translation is held for this verse.

पुत्रानुत्पाद्य धर्मेण कृत्वा यज्ञं निरर्गलम् । दत्त्वाकामांश्चविप्रेभ्यो भुक्त्वा भोगान् पृथग्विधान्

putrānutpādya dharmeṇa kṛtvā yajñaṃ nirargalam / dattvākāmāṃścaviprebhyo bhuktvā bhogān pṛthagvidhān

Sanskrit only: no published translation is held for this verse.

सुहृदो ऽथ ऋणैर्मुक्त्वा कामैः संतर्प्य च स्त्रियः । अभिषिच्य सुतं राज्ये कुरुक्षेत्रं ययौ नृपः

suhṛdo 'tha ṛṇairmuktvā kāmaiḥ saṃtarpya ca striyaḥ / abhiṣicya sutaṃ rājye kurukṣetraṃ yayau nṛpaḥ

Sanskrit only: no published translation is held for this verse.

तत्र तप्त्वा तपो घोरं पूजयित्वा च शङ्करम् । आत्मेच्छया तनुं त्यक्त्वा प्रयातः परमं पदम्

tatra taptvā tapo ghoraṃ pūjayitvā ca śaṅkaram / ātmecchayā tanuṃ tyaktvā prayātaḥ paramaṃ padam

Sanskrit only: no published translation is held for this verse.

एतत्प्रभावं तीर्थस्य स्थाणोर्यः शृणुयान्नरः । सर्वपापविनिर्मुक्तः प्रयाति परमां गतिम्

etatprabhāvaṃ tīrthasya sthāṇoryaḥ śṛṇuyānnaraḥ / sarvapāpavinirmuktaḥ prayāti paramāṃ gatim

Sanskrit only: no published translation is held for this verse.