Vamana-Purana, Saromahatmya 4

ब्रह्मोवाच यदर्थमिह संप्राप्त भवन्तः सर्व एव हि । चिन्तयाम्यहमप्यग्रे तदर्थं च महाबला

brahmovāca yadarthamiha saṃprāpta bhavantaḥ sarva eva hi / cintayāmyahamapyagre tadarthaṃ ca mahābalā

Sanskrit only: no published translation is held for this verse.

भविष्यति च वः सर्वं काङ्क्षितं यत् सुरोत्तमाः । बलेर्दानवमुख्यस्य यो ऽस्य जेता भविष्यति

bhaviṣyati ca vaḥ sarvaṃ kāṅkṣitaṃ yat surottamāḥ / balerdānavamukhyasya yo 'sya jetā bhaviṣyati

Sanskrit only: no published translation is held for this verse.

न केवलं सुरादीनां गतिर्मम स विश्वकृत् । त्रैलोक्यस्यापि नेता च देवानामपि स प्रभुः

na kevalaṃ surādīnāṃ gatirmama sa viśvakṛt / trailokyasyāpi netā ca devānāmapi sa prabhuḥ

Sanskrit only: no published translation is held for this verse.

यः प्रभुः सर्वलोकानां विश्वेशश्च सनातनः । पूर्वजो ऽयं सदाप्याहुरादिदेवं सनातनम्

yaḥ prabhuḥ sarvalokānāṃ viśveśaśca sanātanaḥ / pūrvajo 'yaṃ sadāpyāhurādidevaṃ sanātanam

Sanskrit only: no published translation is held for this verse.

तन्देवापि महात्मानं न विदुः को ऽप्यसाविति । देवानास्मान् श्रुतिं विश्वं स वेत्ति पुरुषोत्तमः

tandevāpi mahātmānaṃ na viduḥ ko 'pyasāviti / devānāsmān śrutiṃ viśvaṃ sa vetti puruṣottamaḥ

Sanskrit only: no published translation is held for this verse.

तस्यैव तु प्रसादेन प्रवक्ष्ये परमां गतिम् । यत्र योगं समास्थाय तपश्चरति दुश्चरम्

tasyaiva tu prasādena pravakṣye paramāṃ gatim / yatra yogaṃ samāsthāya tapaścarati duścaram

Sanskrit only: no published translation is held for this verse.

क्षीरोद्सयोत्तरे कूले उदीच्यां दिशि विश्वकृत् । अमृतं नाम परमं स्थानमाहुर्मनीषिणः

kṣīrodsayottare kūle udīcyāṃ diśi viśvakṛt / amṛtaṃ nāma paramaṃ sthānamāhurmanīṣiṇaḥ

Sanskrit only: no published translation is held for this verse.

भवन्तस्तत्र वै गत्वा तपसा शंसितव्रताः । अमृतं स्थानमासाद्य तपश्चरत दुश्चरम्

bhavantastatra vai gatvā tapasā śaṃsitavratāḥ / amṛtaṃ sthānamāsādya tapaścarata duścaram

Sanskrit only: no published translation is held for this verse.

ततः श्रोष्यथ संघुष्टां स्निग्धगम्भीरनिः स्वनाम् । उष्णान्ते तोयदस्येव तोयपूर्णस्य निःस्वनम्

tataḥ śroṣyatha saṃghuṣṭāṃ snigdhagambhīraniḥ svanām / uṣṇānte toyadasyeva toyapūrṇasya niḥsvanam

Sanskrit only: no published translation is held for this verse.

रक्तां पुष्टक्षरां रम्यमाभयां सर्वदा शिवाम् । वाणीं परमसंस्कारं वदतां ब्रह्मवादिनाम्

raktāṃ puṣṭakṣarāṃ ramyamābhayāṃ sarvadā śivām / vāṇīṃ paramasaṃskāraṃ vadatāṃ brahmavādinām

Sanskrit only: no published translation is held for this verse.

दिव्यां सत्यकरीं सत्यां सर्वकल्मषनाशिनीम् । सर्वदेवाधिदेवस्य ततो ऽसौ भावितात्मनः

divyāṃ satyakarīṃ satyāṃ sarvakalmaṣanāśinīm / sarvadevādhidevasya tato 'sau bhāvitātmanaḥ

Sanskrit only: no published translation is held for this verse.

तस्य व्रतसमाप्त्यां तु योगव्रतविसर्जने । अमोघं तस्य देवस्य विश्वतेजो महात्मनः

tasya vratasamāptyāṃ tu yogavratavisarjane / amoghaṃ tasya devasya viśvatejo mahātmanaḥ

Sanskrit only: no published translation is held for this verse.

कस्य किं वो वरं देवा ददामि वरदः स्थितः । स्वागतं वः सुरश्रेष्ठा मत्समीपमुपागताः

kasya kiṃ vo varaṃ devā dadāmi varadaḥ sthitaḥ / svāgataṃ vaḥ suraśreṣṭhā matsamīpamupāgatāḥ

Sanskrit only: no published translation is held for this verse.

ततो ऽदितिः कश्यपश्च गृह्णीयातां वरं तदा । प्रणम्य शिरसा पादौ तस्मै देवाय धीमते

tato 'ditiḥ kaśyapaśca gṛhṇīyātāṃ varaṃ tadā / praṇamya śirasā pādau tasmai devāya dhīmate

Sanskrit only: no published translation is held for this verse.

भगवानेव नः पुत्रो भवत्विति प्रसीद नः । उक्तश्च परया वाचा तथास्त्वति स वक्ष्यति

bhagavāneva naḥ putro bhavatviti prasīda naḥ / uktaśca parayā vācā tathāstvati sa vakṣyati

Sanskrit only: no published translation is held for this verse.

देवा ब्रुवन्ति ते सर्वे कस्यपो ऽदितिरेव च । तथास्त्विति सुराः सर्वे प्रणम्य शिरसा प्रभुम् । श्वेतद्वीपं समुद्दिश्य गताः सौम्यदिशं प्रति

devā bruvanti te sarve kasyapo 'ditireva ca / tathāstviti surāḥ sarve praṇamya śirasā prabhum / śvetadvīpaṃ samuddiśya gatāḥ saumyadiśaṃ prati

Sanskrit only: no published translation is held for this verse.

ते ऽचिरेणैव संप्राप्ताः क्षीरोदं सरितां पतिम् । यथोद्दिष्टं भगवता ब्रह्मणा सत्यवादिना

te 'cireṇaiva saṃprāptāḥ kṣīrodaṃ saritāṃ patim / yathoddiṣṭaṃ bhagavatā brahmaṇā satyavādinā

Sanskrit only: no published translation is held for this verse.

ते क्रान्ताः सागरान् सर्वान् पर्वतांश्च सकाननान् । नदीश्च विविधा दिव्याः पृथिव्यां ते सुरोक्तमाः

te krāntāḥ sāgarān sarvān parvatāṃśca sakānanān / nadīśca vividhā divyāḥ pṛthivyāṃ te suroktamāḥ

Sanskrit only: no published translation is held for this verse.

अपश्यन्त तमो घोरं सर्वसत्त्वविवर्जितम् । अभास्करममर्यादं तमसा सर्वतो वृतम्

apaśyanta tamo ghoraṃ sarvasattvavivarjitam / abhāskaramamaryādaṃ tamasā sarvato vṛtam

Sanskrit only: no published translation is held for this verse.

अमृतं स्थानमासाद्यकश्यपेन महात्मना । दीक्षिताः कामदं दिव्यं व्रतं वर्ष सहस्रकम्

amṛtaṃ sthānamāsādyakaśyapena mahātmanā / dīkṣitāḥ kāmadaṃ divyaṃ vrataṃ varṣa sahasrakam

Sanskrit only: no published translation is held for this verse.

प्रसादार्थं सुरेशाय तस्मै योगाय धीमते । नारायणाय देवाय सहस्राक्षाय भूतये

prasādārthaṃ sureśāya tasmai yogāya dhīmate / nārāyaṇāya devāya sahasrākṣāya bhūtaye

Sanskrit only: no published translation is held for this verse.

ब्रह्मचर्येण मौनेन स्थानवीरासनेन च । क्रमेण च सुराः सर्वे तप उग्रं समास्थिताः

brahmacaryeṇa maunena sthānavīrāsanena ca / krameṇa ca surāḥ sarve tapa ugraṃ samāsthitāḥ

Sanskrit only: no published translation is held for this verse.

कश्यपस्तत्र भगवान् प्रसादार्थं महात्मनः । उदीरयत वेदोक्तं यमाहुः परमं स्तवम्

kaśyapastatra bhagavān prasādārthaṃ mahātmanaḥ / udīrayata vedoktaṃ yamāhuḥ paramaṃ stavam

Sanskrit only: no published translation is held for this verse.