Vamana-Purana, Saromahatmya 6

हूयते च पुनर्द्वाभ्यां तुभ्यं होत्रात्मने नमः । इति श्रीवामनपुराणे सरोमाहात्म्ये पञ्चमो ऽध्यायः लोमहर्षण उवाच । नारायणस्तु भगवाञ्छ्रुत्वैवं परमं स्तवम् । ब्रह्मज्ञेन द्विजेन्द्रेण कश्यपेन समीरितम्

hūyate ca punardvābhyāṃ tubhyaṃ hotrātmane namaḥ / iti śrīvāmanapurāṇe saromāhātmye pañcamo 'dhyāyaḥ lomaharṣaṇa uvāca / nārāyaṇastu bhagavāñchrutvaivaṃ paramaṃ stavam / brahmajñena dvijendreṇa kaśyapena samīritam

Sanskrit only: no published translation is held for this verse.

उपाच वचनं सम्यक् तुष्टः पुष्टपदाक्षरम् । श्रीमान् प्रीतमना देवो यद्वदेत् प्रभुरीश्वरः

upāca vacanaṃ samyak tuṣṭaḥ puṣṭapadākṣaram / śrīmān prītamanā devo yadvadet prabhurīśvaraḥ

Sanskrit only: no published translation is held for this verse.

वरं वृणुध्वं भद्रं वो वरदो ऽस्मि सुरोत्तमाः । कश्यप उवाच प्रीतो ऽसि नः सुरश्रेष्ठ सर्वेषामेव निश्चयः

varaṃ vṛṇudhvaṃ bhadraṃ vo varado 'smi surottamāḥ / kaśyapa uvāca prīto 'si naḥ suraśreṣṭha sarveṣāmeva niścayaḥ

Sanskrit only: no published translation is held for this verse.

वासवस्यानुजो भ्राता ज्ञातीनां नन्दिवर्धनः । अदित्या अपि च श्रीमान् भगवानस्त वै सुतः

vāsavasyānujo bhrātā jñātīnāṃ nandivardhanaḥ / adityā api ca śrīmān bhagavānasta vai sutaḥ

Sanskrit only: no published translation is held for this verse.

अदितिर्देवमाता च एतमेवार्थमुत्तमम् । पुत्रार्थं वरदं प्राह भगवन्तं वरार्थिनी

aditirdevamātā ca etamevārthamuttamam / putrārthaṃ varadaṃ prāha bhagavantaṃ varārthinī

Sanskrit only: no published translation is held for this verse.

देवा ऊचुः निःश्रेयसार्थं सर्वेषां दैवतानां महेश्वर । त्राता भर्ता च दाता च शरणं भव नः सदा

devā ūcuḥ niḥśreyasārthaṃ sarveṣāṃ daivatānāṃ maheśvara / trātā bhartā ca dātā ca śaraṇaṃ bhava naḥ sadā

Sanskrit only: no published translation is held for this verse.

ततस्तानब्रवीद्विष्णुर्देवान् कश्यपमेव च । सर्वेषामेव युष्माकं ये भविष्यन्ति शत्रवः । मुहूर्तमपि ते सर्वे न स्थास्यन्ति ममाग्रतः

tatastānabravīdviṣṇurdevān kaśyapameva ca / sarveṣāmeva yuṣmākaṃ ye bhaviṣyanti śatravaḥ / muhūrtamapi te sarve na sthāsyanti mamāgrataḥ

Sanskrit only: no published translation is held for this verse.

हत्वासुरागणन् सर्वान् यज्ञभागाग्रभेजिनः । हव्यादांश्च सुरान् सर्वान् कव्यादांश्च पितृनपि

hatvāsurāgaṇan sarvān yajñabhāgāgrabhejinaḥ / havyādāṃśca surān sarvān kavyādāṃśca pitṛnapi

Sanskrit only: no published translation is held for this verse.

करिष्ये विबुधश्रेष्ठाः पारमेष्ठ्येन कर्मणा । यथायातेन सार्गेण निवर्तध्वं सुरोत्तमाः

kariṣye vibudhaśreṣṭhāḥ pārameṣṭhyena karmaṇā / yathāyātena sārgeṇa nivartadhvaṃ surottamāḥ

Sanskrit only: no published translation is held for this verse.

लोमहर्षण उवाच एवमुक्ते तु देवेन विष्णुना प्रभविष्णुना । ततः प्रहृष्टमनसः पूजयन्ति स्म तं प्रभुम्

lomaharṣaṇa uvāca evamukte tu devena viṣṇunā prabhaviṣṇunā / tataḥ prahṛṣṭamanasaḥ pūjayanti sma taṃ prabhum

Sanskrit only: no published translation is held for this verse.

विश्वेदेवा महात्मानः कश्यपो ऽदितिरेव च । नमस्कृत्य सुरेशाय तस्मै देवाय रंहसा

viśvedevā mahātmānaḥ kaśyapo 'ditireva ca / namaskṛtya sureśāya tasmai devāya raṃhasā

Sanskrit only: no published translation is held for this verse.

प्रयाताः प्राग्दिशं सर्वे विपुलं कश्यपाश्रमम् । ते कश्यपाश्रमं गत्वा कुरुक्षेत्रवनं महात्

prayātāḥ prāgdiśaṃ sarve vipulaṃ kaśyapāśramam / te kaśyapāśramaṃ gatvā kurukṣetravanaṃ mahāt

Sanskrit only: no published translation is held for this verse.

प्रसाद्य ह्यदितिं तत्र तपसे तां न्ययोजयन्। थ सा चचार तपो घोरं वर्षाणामयुतं तदा

prasādya hyaditiṃ tatra tapase tāṃ nyayojayan/ tha sā cacāra tapo ghoraṃ varṣāṇāmayutaṃ tadā

Sanskrit only: no published translation is held for this verse.

तस्या नाम्ना वनं दिव्यं सर्वकामप्रदं शुभम् । आराधनाय कृष्णस्य वाग्जिता वायुभोजना

tasyā nāmnā vanaṃ divyaṃ sarvakāmapradaṃ śubham / ārādhanāya kṛṣṇasya vāgjitā vāyubhojanā

Sanskrit only: no published translation is held for this verse.

दैत्यैर्निराकृतान् दृष्ट्वा तनयानृषिसत्तमाः । वृथापुत्राहमिति सा निर्वेदात् प्रणयाद्धरिम् । तुष्टाव वाग्भिरग्र्याभिः परमार्थवबोधिनी

daityairnirākṛtān dṛṣṭvā tanayānṛṣisattamāḥ / vṛthāputrāhamiti sā nirvedāt praṇayāddharim / tuṣṭāva vāgbhiragryābhiḥ paramārthavabodhinī

Sanskrit only: no published translation is held for this verse.

शरण्यं शरणं विष्णुं प्रणता भक्तवत्सलम् । देवदैत्यमयं चादिमध्यमान्तस्वरूपिणम्

śaraṇyaṃ śaraṇaṃ viṣṇuṃ praṇatā bhaktavatsalam / devadaityamayaṃ cādimadhyamāntasvarūpiṇam

Sanskrit only: no published translation is held for this verse.

अदितिरुवाच नमः कृत्यार्तिनाशाय नमः पुष्करमालिने । नमः परमकल्याण कल्याणायादिवेधसे

aditiruvāca namaḥ kṛtyārtināśāya namaḥ puṣkaramāline / namaḥ paramakalyāṇa kalyāṇāyādivedhase

Sanskrit only: no published translation is held for this verse.

नमः पङ्कजनेत्राय नमः पङ्कजनाभये । नमः पङ्कजसंभूतिसंभवायात्मयोनये

namaḥ paṅkajanetrāya namaḥ paṅkajanābhaye / namaḥ paṅkajasaṃbhūtisaṃbhavāyātmayonaye

Sanskrit only: no published translation is held for this verse.

श्रियः कान्ताय दान्ताय दान्तदृश्याय चक्रिणे । नमः पद्मासिहस्ताय नमः कनकरेतसे

śriyaḥ kāntāya dāntāya dāntadṛśyāya cakriṇe / namaḥ padmāsihastāya namaḥ kanakaretase

Sanskrit only: no published translation is held for this verse.

तथात्मज्ञानयज्ञाय योगिचिन्त्याय योगिने । निर्गुणाय विशेषाय हरये ब्रह्मरूपिणे

tathātmajñānayajñāya yogicintyāya yogine / nirguṇāya viśeṣāya haraye brahmarūpiṇe

Sanskrit only: no published translation is held for this verse.

जगच्च तिष्ठते यत्र जगतो यो न दृस्यते । नमः स्थूलातिसूक्ष्माय तस्मै देवाय शार्ङिड्णे

jagacca tiṣṭhate yatra jagato yo na dṛsyate / namaḥ sthūlātisūkṣmāya tasmai devāya śārṅiḍṇe

Sanskrit only: no published translation is held for this verse.

यं न पश्यन्ति पश्यन्तो जगदप्यखिलं नराः । अपश्यद्भिर्जगद्यश्च दृश्यते हृदि संस्थितः

yaṃ na paśyanti paśyanto jagadapyakhilaṃ narāḥ / apaśyadbhirjagadyaśca dṛśyate hṛdi saṃsthitaḥ

Sanskrit only: no published translation is held for this verse.

बहिर्ज्योति रलक्ष्यो यो लक्ष्यते ज्योतिषः परः । यस्मिन्नेव यतश्चैव यस्यैतदखिलं जगत्

bahirjyoti ralakṣyo yo lakṣyate jyotiṣaḥ paraḥ / yasminneva yataścaiva yasyaitadakhilaṃ jagat

Sanskrit only: no published translation is held for this verse.

तस्मै समस्तजगताम् अमराय नमो नमः । आद्यः प्रजापतिः सो ऽपि पितॄणां परमः पतिः । पतिः सुराणां यस्तस्मै नमः कृष्णाय वेधसे

tasmai samastajagatām amarāya namo namaḥ / ādyaḥ prajāpatiḥ so 'pi pitṝṇāṃ paramaḥ patiḥ / patiḥ surāṇāṃ yastasmai namaḥ kṛṣṇāya vedhase

Sanskrit only: no published translation is held for this verse.

यः प्रवृत्तैर्निवृत्तैश्च कर्मस्तस्मै विरज्यते । स्वर्गापवर्गफलदो नमस्तस्मै गदाभृते

yaḥ pravṛttairnivṛttaiśca karmastasmai virajyate / svargāpavargaphalado namastasmai gadābhṛte

Sanskrit only: no published translation is held for this verse.

यस्तु संचित्यमानो ऽपि सर्वं पापं व्यपोहति । नमस्तस्मै विशुद्धाय परस्मै हरिमेधसे

yastu saṃcityamāno 'pi sarvaṃ pāpaṃ vyapohati / namastasmai viśuddhāya parasmai harimedhase

Sanskrit only: no published translation is held for this verse.

ये पश्यन्त्यखिलाधारमीशानमजमव्ययम् । न पुनर्जन्ममरणं प्राप्नुवन्ति नमामि तम्

ye paśyantyakhilādhāramīśānamajamavyayam / na punarjanmamaraṇaṃ prāpnuvanti namāmi tam

Sanskrit only: no published translation is held for this verse.

यो यज्ञो यज्ञपरमैरिज्यते यज्ञसंस्थितः । तं यज्ञपुरुषं विष्णुं नमामि प्रभुमीश्वरम्

yo yajño yajñaparamairijyate yajñasaṃsthitaḥ / taṃ yajñapuruṣaṃ viṣṇuṃ namāmi prabhumīśvaram

Sanskrit only: no published translation is held for this verse.

गीयते सर्ववेदेषु वेदविद्भिर्विदां गतिः । यस्तस्मै वेदवेद्याय नित्याय विष्णवे नमः

gīyate sarvavedeṣu vedavidbhirvidāṃ gatiḥ / yastasmai vedavedyāya nityāya viṣṇave namaḥ

Sanskrit only: no published translation is held for this verse.

यतो विश्वं समुद्भूतं यस्मिन् प्रलयमेष्यति । विश्वोद्भवप्रतिष्ठाय नमस्तस्मै महात्मने

yato viśvaṃ samudbhūtaṃ yasmin pralayameṣyati / viśvodbhavapratiṣṭhāya namastasmai mahātmane

Sanskrit only: no published translation is held for this verse.

आब्रह्मस्तम्बपर्यन्तं व्याप्तं येन चराचरम् । मायाजालसमुन्नद्धं तमुपेन्द्रं नमाम्यहम्

ābrahmastambaparyantaṃ vyāptaṃ yena carācaram / māyājālasamunnaddhaṃ tamupendraṃ namāmyaham

Sanskrit only: no published translation is held for this verse.

यो ऽत्र तोयस्वरूपस्थो बिभर्त्यखिलमीश्वरः । विश्वं विश्वपतिं विष्णुं तं नमामि प्रजापतिम्

yo 'tra toyasvarūpastho bibhartyakhilamīśvaraḥ / viśvaṃ viśvapatiṃ viṣṇuṃ taṃ namāmi prajāpatim

Sanskrit only: no published translation is held for this verse.

मूर्त तमो ऽसुरमयं तद्विधो विनिहन्ति यः । रात्रिजं सूर्यरूपी च तमुपेन्द्रं नमाम्यहम्

mūrta tamo 'suramayaṃ tadvidho vinihanti yaḥ / rātrijaṃ sūryarūpī ca tamupendraṃ namāmyaham

Sanskrit only: no published translation is held for this verse.

यस्याक्षिणि चन्द्रसूर्यौ सर्वलोकशुभाशुभम् । पश्यतः कर्म सततं तमुपेन्द्रं नमाम्यहम्

yasyākṣiṇi candrasūryau sarvalokaśubhāśubham / paśyataḥ karma satataṃ tamupendraṃ namāmyaham

Sanskrit only: no published translation is held for this verse.

यस्मिन् सर्वेश्वरे सर्वं सत्यमेतन्मयोदितम् । नानृतं तमजं विष्णुं नमामि प्रभवाव्ययम्

yasmin sarveśvare sarvaṃ satyametanmayoditam / nānṛtaṃ tamajaṃ viṣṇuṃ namāmi prabhavāvyayam

Sanskrit only: no published translation is held for this verse.

यद्येतत्सत्यमुक्तं मे भूयश्चातो जनार्दन । सत्येन तेन सकलाः पूर्यन्तां मे मनोरथाः

yadyetatsatyamuktaṃ me bhūyaścāto janārdana / satyena tena sakalāḥ pūryantāṃ me manorathāḥ

Sanskrit only: no published translation is held for this verse.