Vamana-Purana, Saromahatmya 7

इति श्रीवामनपुराणे सरोमाहात्म्ये षष्ठो ऽध्यायः लोमहर्षण उवाच । एवं स्तुतो ऽथ भगवान् वासुदेव उवाच ताम् । अदृश्यः सर्वभूतानां तस्याः संदर्शने स्थितः

iti śrīvāmanapurāṇe saromāhātmye ṣaṣṭho 'dhyāyaḥ lomaharṣaṇa uvāca / evaṃ stuto 'tha bhagavān vāsudeva uvāca tām / adṛśyaḥ sarvabhūtānāṃ tasyāḥ saṃdarśane sthitaḥ

Sanskrit only: no published translation is held for this verse.

श्रीभगवानुवाच मनोरथांस्त्वमदिते यानिच्छस्यभिवाञ्छितान् । तांस्त्वं प्राप्यसि धर्मज्ञे मत्प्रसादान्न संशयः

śrībhagavānuvāca manorathāṃstvamadite yānicchasyabhivāñchitān / tāṃstvaṃ prāpyasi dharmajñe matprasādānna saṃśayaḥ

Sanskrit only: no published translation is held for this verse.

शृणु त्वं च महाभागे वरो यस्ते हृति स्थितः । मद्दर्शनं हि विफलं न कदाचिद् भविष्यति

śṛṇu tvaṃ ca mahābhāge varo yaste hṛti sthitaḥ / maddarśanaṃ hi viphalaṃ na kadācid bhaviṣyati

Sanskrit only: no published translation is held for this verse.

यश्चेह त्वद्वने स्थित्वा त्रिरात्रं वै करिष्यति । सर्वे कामाः समृध्यन्ते मनसा यानिहेच्छति

yaśceha tvadvane sthitvā trirātraṃ vai kariṣyati / sarve kāmāḥ samṛdhyante manasā yānihecchati

Sanskrit only: no published translation is held for this verse.

दूरस्थो ऽपि वनं यस्तु अदित्याः स्मरते नरः । सो ऽपि याति परं स्थानं किं पुनर्निवसन् नरः

dūrastho 'pi vanaṃ yastu adityāḥ smarate naraḥ / so 'pi yāti paraṃ sthānaṃ kiṃ punarnivasan naraḥ

Sanskrit only: no published translation is held for this verse.

यश्चेह ब्राह्मणान् पञ्च त्रीन् वा द्वावेकमेव वा । भोजयेच्छ्रद्धया युक्ताः स याति परमां गतिम्

yaśceha brāhmaṇān pañca trīn vā dvāvekameva vā / bhojayecchraddhayā yuktāḥ sa yāti paramāṃ gatim

Sanskrit only: no published translation is held for this verse.

अदितिरुवाच यदि देव प्रसन्नस्त्वं भक्त्या मे भक्तवत्सल । त्रैलोक्याधिपतिः पुत्रस्तदस्तु मम वासवः

aditiruvāca yadi deva prasannastvaṃ bhaktyā me bhaktavatsala / trailokyādhipatiḥ putrastadastu mama vāsavaḥ

Sanskrit only: no published translation is held for this verse.

हृतं राज्यं हृतश्चास्य यज्ञभाग इहासुरैः । त्वयि प्रसन्ने परद तत् प्राप्नोतु सुतो मम

hṛtaṃ rājyaṃ hṛtaścāsya yajñabhāga ihāsuraiḥ / tvayi prasanne parada tat prāpnotu suto mama

Sanskrit only: no published translation is held for this verse.

हृतं राज्यं न दुःखाय मम पुत्रस्य केशव । प्रपन्नदायविभ्रंशो बाधां मे कुरुते हृति

hṛtaṃ rājyaṃ na duḥkhāya mama putrasya keśava / prapannadāyavibhraṃśo bādhāṃ me kurute hṛti

Sanskrit only: no published translation is held for this verse.

श्रीभगवानुवाच कृतः प्रसादो हि मया तव देवि यथेप्सितम् । स्वांशेन चैव ते गर्भे संभविष्यामि कश्यपात्

śrībhagavānuvāca kṛtaḥ prasādo hi mayā tava devi yathepsitam / svāṃśena caiva te garbhe saṃbhaviṣyāmi kaśyapāt

Sanskrit only: no published translation is held for this verse.

तव गर्भे समुद्भूतस्ततस्ते ये त्वरातयः । तानहं च हनिष्यामि निवृत्ता भव नन्दिनि

tava garbhe samudbhūtastataste ye tvarātayaḥ / tānahaṃ ca haniṣyāmi nivṛttā bhava nandini

Sanskrit only: no published translation is held for this verse.

अदितिरुवाच प्रसीद देवदेवेश नमस्ते विश्वभावन । नाहं त्वामुदरे वोढुमीश शक्ष्यामि केशव । यस्मिन् प्रतिष्ठितं सर्वं विश्वयोनिस्त्वमीश्वरः

aditiruvāca prasīda devadeveśa namaste viśvabhāvana / nāhaṃ tvāmudare voḍhumīśa śakṣyāmi keśava / yasmin pratiṣṭhitaṃ sarvaṃ viśvayonistvamīśvaraḥ

Sanskrit only: no published translation is held for this verse.

अहं त्वां च वहिष्यामि आत्मानं चैव नन्दिनि । न च पीडां करिष्यामि स्वस्ति ते ऽस्तु व्रजाम्यहम्

ahaṃ tvāṃ ca vahiṣyāmi ātmānaṃ caiva nandini / na ca pīḍāṃ kariṣyāmi svasti te 'stu vrajāmyaham

Sanskrit only: no published translation is held for this verse.

इत्युक्त्वान्तर्हिते देवे ऽदितिर्गर्भं समादधे । गर्भस्थिते ततः खृष्णे चचाल सरला क्षितिः । चकम्पिरे महाशैला जग्मुः क्षोभं महाब्धयः

ityuktvāntarhite deve 'ditirgarbhaṃ samādadhe / garbhasthite tataḥ khṛṣṇe cacāla saralā kṣitiḥ / cakampire mahāśailā jagmuḥ kṣobhaṃ mahābdhayaḥ

Sanskrit only: no published translation is held for this verse.

यतो यतो ऽदितिर्याति ददाति पदमुत्तमम् । ततस्ततः क्षितिः खेदान्ननाम द्विजपुङ्गवाः

yato yato 'ditiryāti dadāti padamuttamam / tatastataḥ kṣitiḥ khedānnanāma dvijapuṅgavāḥ

Sanskrit only: no published translation is held for this verse.

दैत्यानामपि सर्वेषां गर्भस्थे मधुसूदने । बभूव तेजसो हानिर्यथोक्तं परमेष्ठिना

daityānāmapi sarveṣāṃ garbhasthe madhusūdane / babhūva tejaso hāniryathoktaṃ parameṣṭhinā

Sanskrit only: no published translation is held for this verse.