Varāha Purāṇa 102

गुडधेनुमाहात्म्यम् होतोवाच - गुडधेनुं प्रवक्ष्यामि सर्वकामार्थसाधिनीम् । अनुलिप्ते महीपृष्ठे कृष्णाजिनकुशास्तृते

guḍadhenumāhātmyam hotovāca - guḍadhenuṃ pravakṣyāmi sarvakāmārthasādhinīm | anulipte mahīpṛṣṭhe kṛṣṇājinakuśāstṛte

Sanskrit only: no published translation is held for this verse.

तस्योपरिकृतं वस्त्रं गुडमानीय पुष्कलम् । कृत्वा गुडमयीं धेनुं सवसाङ्‌कास्यदेहिनीम्

tasyoparikṛtaṃ vastraṃ guḍamānīya puṣkalam | kṛtvā guḍamayīṃ dhenuṃ savasāṅ‌kāsyadehinīm

Sanskrit only: no published translation is held for this verse.

सौवर्णे मुखशृङ्गे च दन्ताश्च मणिमौक्तिकैः । ग्रीवा रत्नमयी त्वस्या घ्राणं गन्धमयन्तथा

sauvarṇe mukhaśṛṅge ca dantāśca maṇimauktikaiḥ | grīvā ratnamayī tvasyā ghrāṇaṃ gandhamayantathā

Sanskrit only: no published translation is held for this verse.

शृङ्गे त्वगुरुकाष्ठेन पृष्ठं ताम्रमयं तथा । पुच्छं क्षौममयं तस्याः सर्वाभरणभूषिताम्

śṛṅge tvagurukāṣṭhena pṛṣṭhaṃ tāmramayaṃ tathā | pucchaṃ kṣaumamayaṃ tasyāḥ sarvābharaṇabhūṣitām

Sanskrit only: no published translation is held for this verse.

इक्षुपादां रौप्यखुरां कम्बलं पट्टसूत्रकम् । आच्छाद्य पट्टवस्त्रेण घण्टाचामरभूषिताम्

ikṣupādāṃ raupyakhurāṃ kambalaṃ paṭṭasūtrakam | ācchādya paṭṭavastreṇa ghaṇṭācāmarabhūṣitām

Sanskrit only: no published translation is held for this verse.

प्रशस्तपत्रश्रवणां नवनीतस्तनीं बुधः । फलैर्नानाविधस्तस्या उपशोभाम्प्रकल्पयेत्

praśastapatraśravaṇāṃ navanītastanīṃ budhaḥ | phalairnānāvidhastasyā upaśobhāmprakalpayet

Sanskrit only: no published translation is held for this verse.

उत्तमा गुडधेनुः स्यात्सदा धारचतुष्टयम् । भागार्धेन तु तौल्येन चतुर्थांशेन वत्सकम्

uttamā guḍadhenuḥ syātsadā dhāracatuṣṭayam | bhāgārdhena tu taulyena caturthāṃśena vatsakam

Sanskrit only: no published translation is held for this verse.

मध्यमा च तदर्धेन भारेणैकेन चाधमा । वित्तहीनो यथाशक्त्या शतैरष्टाभिरेव च

madhyamā ca tadardhena bhāreṇaikena cādhamā | vittahīno yathāśaktyā śatairaṣṭābhireva ca

Sanskrit only: no published translation is held for this verse.

अत ऊर्ध्वन्तु कर्तव्या गृहवित्तानुसारतः । गन्धपुष्पादिभिः पूज्य ब्राह्मणाय निवेदयेत् ॥ श्रोत्रियाय प्रदातव्या सहस्रकनकेन तु । तदर्धेन महाराज तस्याप्यर्धेन वा पुनः

ata ūrdhvantu kartavyā gṛhavittānusārataḥ | gandhapuṣpādibhiḥ pūjya brāhmaṇāya nivedayet || śrotriyāya pradātavyā sahasrakanakena tu | tadardhena mahārāja tasyāpyardhena vā punaḥ

Sanskrit only: no published translation is held for this verse.

शतेन वा शतार्धेन यथाशक्त्या निवेदयेत् । गन्धपुष्पदिभिः पूज्य मुद्रिकाकर्णपत्रकैः

śatena vā śatārdhena yathāśaktyā nivedayet | gandhapuṣpadibhiḥ pūjya mudrikākarṇapatrakaiḥ

Sanskrit only: no published translation is held for this verse.

छत्रिकापादुके दत्त्वा इमं मन्त्रमुदीरयेत् । गुडधेनो महावीर्ये सर्वसम्पत्प्रदे शुभे

chatrikāpāduke dattvā imaṃ mantramudīrayet | guḍadheno mahāvīrye sarvasampatprade śubhe

Sanskrit only: no published translation is held for this verse.

दानादस्माच्च भोदेवि भक्ष्यभोज्यं प्रयच्छ मे । प्राङ्‌मुखोवापि दाता च ब्राह्मणाय निवेदयेत्

dānādasmācca bhodevi bhakṣyabhojyaṃ prayaccha me | prāṅ‌mukhovāpi dātā ca brāhmaṇāya nivedayet

Sanskrit only: no published translation is held for this verse.

वाचा कृतं कर्मकृतं मनसा यद्विचिन्तितम् । मानकूटं तुलाकूटं कन्यागोऽर्थे उदाहृतम्

vācā kṛtaṃ karmakṛtaṃ manasā yadvicintitam | mānakūṭaṃ tulākūṭaṃ kanyāgo'rthe udāhṛtam

Sanskrit only: no published translation is held for this verse.

अनृतं नाशमायाति गुडधेनो द्विजार्पिता । दीयमानां प्रपश्यन्ति ते यान्ति परमां गतिम् ॥ यत्र क्षोरवहा नद्यो घृतपायसकर्दमाः । ऋषयो मुनयः सिद्धास्तत्र गच्छन्ति धेनुदाः

anṛtaṃ nāśamāyāti guḍadheno dvijārpitā | dīyamānāṃ prapaśyanti te yānti paramāṃ gatim || yatra kṣoravahā nadyo ghṛtapāyasakardamāḥ | ṛṣayo munayaḥ siddhāstatra gacchanti dhenudāḥ

Sanskrit only: no published translation is held for this verse.

दश पूर्वान्दश परानात्भानञ्चैकविंशतिम् । विष्णुलोकं नयत्याशु गुडधेनोः प्रसादतः

daśa pūrvāndaśa parānātbhānañcaikaviṃśatim | viṣṇulokaṃ nayatyāśu guḍadhenoḥ prasādataḥ

Sanskrit only: no published translation is held for this verse.

अयने विषुवे पुण्ये व्यतीपाते दिनक्षये । सर्वदैव प्रदातव्या पात्रं दृष्ट्‍वा महामते

ayane viṣuve puṇye vyatīpāte dinakṣaye | sarvadaiva pradātavyā pātraṃ dṛṣṭ‍vā mahāmate

Sanskrit only: no published translation is held for this verse.

श्रद्धान्वितेन दातव्या भुक्तिमुक्तिफलप्रदा । सर्वकामप्रदा नित्यं सर्वपापहरास्मृता

śraddhānvitena dātavyā bhuktimuktiphalapradā | sarvakāmapradā nityaṃ sarvapāpaharāsmṛtā

Sanskrit only: no published translation is held for this verse.

गुडधेनोः प्रसादात्तु सौभाग्यमखिल भवेत् । वैष्णवं पदमाप्नोति दौर्गत्यन्तस्य नश्यति

guḍadhenoḥ prasādāttu saubhāgyamakhila bhavet | vaiṣṇavaṃ padamāpnoti daurgatyantasya naśyati

Sanskrit only: no published translation is held for this verse.

दशद्वादशसाहस्रा दश चाष्टौ च जन्मनि । न शोकदुःखदौर्गत्यं तस्य सञ्जायते क्वचित्

daśadvādaśasāhasrā daśa cāṣṭau ca janmani | na śokaduḥkhadaurgatyaṃ tasya sañjāyate kvacit

Sanskrit only: no published translation is held for this verse.

इति पठति शृणोति चेह सम्यक् मतिमपि ददाति योजनानाम् । स इह विभवैश्चिरं वसित्वा वसति चिरं दिवि देवतादिपूज्यः

iti paṭhati śṛṇoti ceha samyak matimapi dadāti yojanānām | sa iha vibhavaiściraṃ vasitvā vasati ciraṃ divi devatādipūjyaḥ

Sanskrit only: no published translation is held for this verse.