Varāha Purāṇa 103

होतोवाच तद्वच्च शर्कराधेनुं शृणु राजन् यथार्थतः । अनुलिप्ते महीपृष्ठे कृष्णाजिनकुशोत्तरे

hotovāca tadvacca śarkarādhenuṃ śṛṇu rājan yathārthataḥ | anulipte mahīpṛṣṭhe kṛṣṇājinakuśottare

Sanskrit only: no published translation is held for this verse.

धेनुं शर्करया राजन्कृत्वा भारचतुष्टयम् । उत्तमा कथ्यते सद्भिश्चतुर्थांशेन वत्सकम्

dhenuṃ śarkarayā rājankṛtvā bhāracatuṣṭayam | uttamā kathyate sadbhiścaturthāṃśena vatsakam

Sanskrit only: no published translation is held for this verse.

तदर्धं मध्यमा प्रोक्ता कनिष्ठा भारकेण तु । तद्वद्वत्सं प्रकुर्वीत चतुर्थांशेन तत्त्वतः

tadardhaṃ madhyamā proktā kaniṣṭhā bhārakeṇa tu | tadvadvatsaṃ prakurvīta caturthāṃśena tattvataḥ

Sanskrit only: no published translation is held for this verse.

अथ कुर्यादष्टशतैरूर्ध्वं नृपतिसत्तम । स्वशक्त्या कारयेद्‌धेनुं तथात्मानं पीडयेत्

atha kuryādaṣṭaśatairūrdhvaṃ nṛpatisattama | svaśaktyā kārayed‌dhenuṃ tathātmānaṃ pīḍayet

Sanskrit only: no published translation is held for this verse.

सर्वबीजानि संस्थाप्य चतुर्दिक्षु समन्ततः । सुवर्णस्य मुखं शृङ्गे मौक्तिकैर्नयने तथा

sarvabījāni saṃsthāpya caturdikṣu samantataḥ | suvarṇasya mukhaṃ śṛṅge mauktikairnayane tathā

Sanskrit only: no published translation is held for this verse.

गुडेन तु मुख काये जिह्वा पिष्टमयी तथा । कम्बलं पट्टसूत्रेण कण्ठाभरणभूषिताम्

guḍena tu mukha kāye jihvā piṣṭamayī tathā | kambalaṃ paṭṭasūtreṇa kaṇṭhābharaṇabhūṣitām

Sanskrit only: no published translation is held for this verse.

इक्षुपादां रौप्यखुरां तवनीतस्तनीं तथा । प्रशस्तपत्रश्रवणां सितचामरपभूषिताम्

ikṣupādāṃ raupyakhurāṃ tavanītastanīṃ tathā | praśastapatraśravaṇāṃ sitacāmarapabhūṣitām

Sanskrit only: no published translation is held for this verse.

पञ्चरत्नसमायुक्तां वस्त्रेणाच्छादितां तथा । गन्धपुष्पैरलंकृत्य ब्राह्मणाय निवेदयेत्

pañcaratnasamāyuktāṃ vastreṇācchāditāṃ tathā | gandhapuṣpairalaṃkṛtya brāhmaṇāya nivedayet

Sanskrit only: no published translation is held for this verse.

श्रोत्रियाय दरिद्राय साधुवृत्ताय धीमते । वेदवेदाङ्‌गविदुषे साग्निकाय कुटुम्बिने । अदुष्टाय प्रदातव्या न तु मत्सरिणे द्विजे

śrotriyāya daridrāya sādhuvṛttāya dhīmate | vedavedāṅ‌gaviduṣe sāgnikāya kuṭumbine | aduṣṭāya pradātavyā na tu matsariṇe dvije

Sanskrit only: no published translation is held for this verse.

अयने विषुवे पुण्ये व्यतीपाते दिनक्षये । एषु पुण्येषु कालेषु थथाविभवशक्तितः

ayane viṣuve puṇye vyatīpāte dinakṣaye | eṣu puṇyeṣu kāleṣu thathāvibhavaśaktitaḥ

Sanskrit only: no published translation is held for this verse.

सत्पात्रञ्च द्विजं दृष्ट्‍वा आगतं श्रोत्रियं गृहे । तादृशाय प्रदातव्या पुच्छदेशे विमृष्य च

satpātrañca dvijaṃ dṛṣṭ‍vā āgataṃ śrotriyaṃ gṛhe | tādṛśāya pradātavyā pucchadeśe vimṛṣya ca

Sanskrit only: no published translation is held for this verse.

पूर्वाभिमुखमास्थाय अथवा स उदङ्मुखः । गां पूर्वाभिमुखीं कृत्वा वत्समुत्तरतो न्यसेत्

pūrvābhimukhamāsthāya athavā sa udaṅmukhaḥ | gāṃ pūrvābhimukhīṃ kṛtvā vatsamuttarato nyaset

Sanskrit only: no published translation is held for this verse.

दानकाले तु ये मन्त्रास्तान्पठित्वा समर्पयेत् । सम्पूज्य विधिवद्विप्रं मुद्रिकाकर्णभूषणैः

dānakāle tu ye mantrāstānpaṭhitvā samarpayet | sampūjya vidhivadvipraṃ mudrikākarṇabhūṣaṇaiḥ

Sanskrit only: no published translation is held for this verse.

स्वशक्त्या दक्षिणा देया वित्तशाठ्यविवर्ज्जितः । हस्ते तु दक्षिणां दत्त्वा गन्धपुष्पसचन्दनाम् । धेनुं समर्पयेत्तस्य मुखञ्च च विलोकयेत्

svaśaktyā dakṣiṇā deyā vittaśāṭhyavivarjjitaḥ | haste tu dakṣiṇāṃ dattvā gandhapuṣpasacandanām | dhenuṃ samarpayettasya mukhañca ca vilokayet

Sanskrit only: no published translation is held for this verse.

एकाहं शर्कराहारो ब्राह्मणस्त्रिदिनं वसेत् । सर्वपापहरा धेनुः सर्वकामप्रदायिनी

ekāhaṃ śarkarāhāro brāhmaṇastridinaṃ vaset | sarvapāpaharā dhenuḥ sarvakāmapradāyinī

Sanskrit only: no published translation is held for this verse.

सर्वकामसमृद्धस्तु जायते नात्र संशयः । दीयमानं प्रपश्यन्ति ते यान्ति परमां गतिम्

sarvakāmasamṛddhastu jāyate nātra saṃśayaḥ | dīyamānaṃ prapaśyanti te yānti paramāṃ gatim

Sanskrit only: no published translation is held for this verse.

य इदं शृणुयाद् भक्त्या पठते वापि मानवः । मुच्यते सर्वपापेभ्यो विष्णुलोकं स गच्छति

ya idaṃ śṛṇuyād bhaktyā paṭhate vāpi mānavaḥ | mucyate sarvapāpebhyo viṣṇulokaṃ sa gacchati

Sanskrit only: no published translation is held for this verse.