Varāha Purāṇa 106

अथ दधिधेनुदान माहात्म्यम् ।। होतोवाच ।। दधिधेनोर्महाराज विधानं शृणु सांप्रतम् ।। अनुलिप्ते महीभागे गोमयेन नराधिपः

atha dadhidhenudāna māhātmyam || hotovāca || dadhidhenormahārāja vidhānaṃ śṛṇu sāṃpratam || anulipte mahībhāge gomayena narādhipaḥ

Sanskrit only: no published translation is held for this verse.

गोचर्ममात्रं तु पुनः पुष्पप्रकरशोभिते ।। कुशैरास्तीर्य वसुधां कृष्णाजिनकुशोत्तरीम्

gocarmamātraṃ tu punaḥ puṣpaprakaraśobhite || kuśairāstīrya vasudhāṃ kṛṣṇājinakuśottarīm

Sanskrit only: no published translation is held for this verse.

दधिकुम्भं तु संस्थाप्य सप्तधान्यचयोपरि ।। चतुर्थांशेन वत्सं तु सौवर्णं मुखमण्डितम्

dadhikumbhaṃ tu saṃsthāpya saptadhānyacayopari || caturthāṃśena vatsaṃ tu sauvarṇaṃ mukhamaṇḍitam

Sanskrit only: no published translation is held for this verse.

आच्छाद्य वस्त्रयुग्मेन पुष्पगन्धैस्तु पूजिताम् ।। ब्राह्मणाय कुलीनाय साधुवृत्ताय धीमते

ācchādya vastrayugmena puṣpagandhaistu pūjitām || brāhmaṇāya kulīnāya sādhuvṛttāya dhīmate

Sanskrit only: no published translation is held for this verse.

क्षमादिगुणयुक्ताय दद्यात्तां दधिधेनुकाम् ।। पुच्छदेशोपविष्टस्तु मुद्रिकाकर्णभूषणैः

kṣamādiguṇayuktāya dadyāttāṃ dadhidhenukām || pucchadeśopaviṣṭastu mudrikākarṇabhūṣaṇaiḥ

Sanskrit only: no published translation is held for this verse.

पादुकोपानहौ छत्रं दत्त्वा मंत्रमिमं पठेत् ।। दधिक्राव्णेति मंत्रेण दद्याद्धेनुं सुपूजिताम्

pādukopānahau chatraṃ dattvā maṃtramimaṃ paṭhet || dadhikrāvṇeti maṃtreṇa dadyāddhenuṃ supūjitām

Sanskrit only: no published translation is held for this verse.

एवं दधिमयीं धेनुं दत्त्वा राजर्षिसत्तम ।। एकाहारी दिनं तिष्ठेद्दध्ना च नृपनन्दन

evaṃ dadhimayīṃ dhenuṃ dattvā rājarṣisattama || ekāhārī dinaṃ tiṣṭheddadhnā ca nṛpanandana

Sanskrit only: no published translation is held for this verse.

यजमानो वसेद्राजंस्त्रिरात्रं च द्विजोत्तमः ।। दीयमानां प्रपश्यन्ति ते यान्ति परमं पदम्

yajamāno vasedrājaṃstrirātraṃ ca dvijottamaḥ || dīyamānāṃ prapaśyanti te yānti paramaṃ padam

Sanskrit only: no published translation is held for this verse.

य इदं शृणुयाद्भक्त्या श्रावयेद्वापि मानवः ।। सोऽश्वमेधफलं प्राप्य विष्णुलोकं च गच्छति

ya idaṃ śṛṇuyādbhaktyā śrāvayedvāpi mānavaḥ || so'śvamedhaphalaṃ prāpya viṣṇulokaṃ ca gacchati

Sanskrit only: no published translation is held for this verse.

इति श्रीवराहपुराणे श्वेतविनीताश्वापोख्याने दधिधेनुदानमाहात्म्यंनाम षडधिकशततमोऽध्यायः

iti śrīvarāhapurāṇe śvetavinītāśvāpokhyāne dadhidhenudānamāhātmyaṃnāma ṣaḍadhikaśatatamo'dhyāyaḥ

Sanskrit only: no published translation is held for this verse.