Varāha Purāṇa 107

अथ नवनीतधेनुदानमाहात्म्यम् ।। होतोवाच ।। नवनीतमयीं धेनुं शृणु राजन्प्रयत्नतः ।। यां श्रुत्वा सर्वपापेभ्यो मुच्यते नात्र संशयः

atha navanītadhenudānamāhātmyam || hotovāca || navanītamayīṃ dhenuṃ śṛṇu rājanprayatnataḥ || yāṃ śrutvā sarvapāpebhyo mucyate nātra saṃśayaḥ

Sanskrit only: no published translation is held for this verse.

गोमयेनानुलिप्तायां भूमौ गोचर्ममानतः ।। चर्म कृष्णमृगस्येव तस्योपरि च धारयेत्

gomayenānuliptāyāṃ bhūmau gocarmamānataḥ || carma kṛṣṇamṛgasyeva tasyopari ca dhārayet

Sanskrit only: no published translation is held for this verse.

कुम्भं तु नवनीतस्य प्रस्थमात्रस्य धारयेत् ।। वत्सं चतुर्थभागस्य तस्यामुत्तरतो न्यसेत्

kumbhaṃ tu navanītasya prasthamātrasya dhārayet || vatsaṃ caturthabhāgasya tasyāmuttarato nyaset

Sanskrit only: no published translation is held for this verse.

कृत्वा विधानेन च राजसिंह सुवर्णशृङ्गी सुमुखा च कार्या ।। नेत्रे च तस्या मणिमौक्तिकैस्तु कृत्वा तथान्यच्च गुडेन जिह्वाम्

kṛtvā vidhānena ca rājasiṃha suvarṇaśṛṅgī sumukhā ca kāryā || netre ca tasyā maṇimauktikaistu kṛtvā tathānyacca guḍena jihvām

Sanskrit only: no published translation is held for this verse.

ओष्ठौ च पुष्पैश्च फलैश्च दन्ताः प्रकल्प्य सास्नां च सितैश्च सूत्रैः ।। जिह्वां तथा शर्करया प्रकल्प्य फलानि दन्ताः कम्बलं पट्टसूत्रम्

oṣṭhau ca puṣpaiśca phalaiśca dantāḥ prakalpya sāsnāṃ ca sitaiśca sūtraiḥ || jihvāṃ tathā śarkarayā prakalpya phalāni dantāḥ kambalaṃ paṭṭasūtram

Sanskrit only: no published translation is held for this verse.

नवनीतस्तनीं राजन्निक्षुपादां प्रकल्पयेत् ।। ताम्रपृष्ठां रौप्यखुरां दर्भरोमकृतच्छविम्

navanītastanīṃ rājannikṣupādāṃ prakalpayet || tāmrapṛṣṭhāṃ raupyakhurāṃ darbharomakṛtacchavim

Sanskrit only: no published translation is held for this verse.

स्वर्णशृङ्गीं रौप्यखुरां पंचरत्नसमन्विताम् ।। चतुर्भिस्तिलपात्रैश्च संवृतां सर्वतो दिशि

svarṇaśṛṅgīṃ raupyakhurāṃ paṃcaratnasamanvitām || caturbhistilapātraiśca saṃvṛtāṃ sarvato diśi

Sanskrit only: no published translation is held for this verse.

आच्छाद्य वस्त्रयुग्मेन गन्धपुष्पैरलंकृताम् ।। दीपांश्च दिक्षु प्रज्वाल्य ब्राह्मणाय निवेदयेत्

ācchādya vastrayugmena gandhapuṣpairalaṃkṛtām || dīpāṃśca dikṣu prajvālya brāhmaṇāya nivedayet

Sanskrit only: no published translation is held for this verse.

मन्त्रास्त एव जप्तव्याः सर्वधेनुषु ये स्मृताः ।। पुरा देवासुरैः सर्वैः सागरस्य तु मन्थने

mantrāsta eva japtavyāḥ sarvadhenuṣu ye smṛtāḥ || purā devāsuraiḥ sarvaiḥ sāgarasya tu manthane

Sanskrit only: no published translation is held for this verse.

उत्पन्नं दिव्यममृतं नवनीतमिदं शुभम् ।। आप्यायनं तु भूतानां नवनीत नमोऽस्तु ते

utpannaṃ divyamamṛtaṃ navanītamidaṃ śubham || āpyāyanaṃ tu bhūtānāṃ navanīta namo'stu te

Sanskrit only: no published translation is held for this verse.

एवमुच्चार्य तां दद्याद्ब्राह्मणाय कुटुम्बिने ।। धेनुं च दत्त्वा सुदुघां सोपधानां नयेद्गृहम्

evamuccārya tāṃ dadyādbrāhmaṇāya kuṭumbine || dhenuṃ ca dattvā sudughāṃ sopadhānāṃ nayedgṛham

Sanskrit only: no published translation is held for this verse.

हविरेवं रसं चैव विप्रवर्यस्य भूपते।। भुक्त्वा तिष्ठेद्दिनं राजन् धेनुदस्त्रीणि वै द्विजः

havirevaṃ rasaṃ caiva vipravaryasya bhūpate|| bhuktvā tiṣṭheddinaṃ rājan dhenudastrīṇi vai dvijaḥ

Sanskrit only: no published translation is held for this verse.

यः प्रपश्यति तां धेनुं दीयमानां नरोत्तम ।। सर्वपापविनिर्मुक्तः शिवसायुज्यतां व्रजेत्

yaḥ prapaśyati tāṃ dhenuṃ dīyamānāṃ narottama || sarvapāpavinirmuktaḥ śivasāyujyatāṃ vrajet

Sanskrit only: no published translation is held for this verse.

पितृभिः पूर्वजैः सार्द्धं भविष्यद्भिश्च मानवः ।। विष्णुलोकं व्रजत्याशु यावदाभूतसंप्लवम्

pitṛbhiḥ pūrvajaiḥ sārddhaṃ bhaviṣyadbhiśca mānavaḥ || viṣṇulokaṃ vrajatyāśu yāvadābhūtasaṃplavam

Sanskrit only: no published translation is held for this verse.

य इदं शृणुयाद्भक्त्या श्रावयेद्वापि मानवः ।। सर्वपापविशुद्धात्मा विष्णुलोके महीयते

ya idaṃ śṛṇuyādbhaktyā śrāvayedvāpi mānavaḥ || sarvapāpaviśuddhātmā viṣṇuloke mahīyate

Sanskrit only: no published translation is held for this verse.

इति श्रीवराहपुराणे श्वेतविनीताश्वोपाख्याने नवनीतधेनुदानमाहात्म्यंनाम सप्ताधिकशततमोऽध्यायः

iti śrīvarāhapurāṇe śvetavinītāśvopākhyāne navanītadhenudānamāhātmyaṃnāma saptādhikaśatatamo'dhyāyaḥ

Sanskrit only: no published translation is held for this verse.