Varāha Purāṇa 108

अथ लवणधेनुदानमाहात्म्यम् ।। होतोवाच ।। लवणधेनुं प्रवक्ष्यामि तां निबोध नृपोत्तम ।। षोडशप्रस्थसंयुक्तां धेनुं कृत्वा तु मानवः

atha lavaṇadhenudānamāhātmyam || hotovāca || lavaṇadhenuṃ pravakṣyāmi tāṃ nibodha nṛpottama || ṣoḍaśaprasthasaṃyuktāṃ dhenuṃ kṛtvā tu mānavaḥ

Sanskrit only: no published translation is held for this verse.

अनुलिप्ते महीपृष्ठे कृष्णाजिनकुशोत्तरे ।। धेनुं लवणमयीं कृत्वा षोडशप्रस्थसंयुताम्

anulipte mahīpṛṣṭhe kṛṣṇājinakuśottare || dhenuṃ lavaṇamayīṃ kṛtvā ṣoḍaśaprasthasaṃyutām

Sanskrit only: no published translation is held for this verse.

वत्सं चतुर्भी राजेन्द्र इक्षुपादांश्च कारयेत् ।। सुवर्णमुखशृङ्गाणि खुरा रौप्यमयास्तथा

vatsaṃ caturbhī rājendra ikṣupādāṃśca kārayet || suvarṇamukhaśṛṅgāṇi khurā raupyamayāstathā

Sanskrit only: no published translation is held for this verse.

मुखं गुडमयं तस्या दन्ताः फलमया नृप ।। जिह्वां शर्करया राजन्घ्राणं गन्धमयं तथा ।। नेत्रे रत्नमये कुर्यात्कर्णौ पत्रमयौ तथा ।। श्रीखण्डमयकोष्ठौ च नवनीतमयाः स्तनाः

mukhaṃ guḍamayaṃ tasyā dantāḥ phalamayā nṛpa || jihvāṃ śarkarayā rājanghrāṇaṃ gandhamayaṃ tathā || netre ratnamaye kuryātkarṇau patramayau tathā || śrīkhaṇḍamayakoṣṭhau ca navanītamayāḥ stanāḥ

Sanskrit only: no published translation is held for this verse.

सूत्रपुच्छां ताम्रपृष्ठां दर्भरोमां पयस्विनीम् ।। कांस्योपदोहां राजेन्द्र घंटाभरणभूषिताम्

sūtrapucchāṃ tāmrapṛṣṭhāṃ darbharomāṃ payasvinīm || kāṃsyopadohāṃ rājendra ghaṃṭābharaṇabhūṣitām

Sanskrit only: no published translation is held for this verse.

सुगन्धपुष्पधूपैश्च पूजयित्वा विधानतः ।। आच्छाद्य वस्त्रयुग्मेन ब्राह्मणाय निवेदयेत्

sugandhapuṣpadhūpaiśca pūjayitvā vidhānataḥ || ācchādya vastrayugmena brāhmaṇāya nivedayet

Sanskrit only: no published translation is held for this verse.

नक्षत्रग्रहपीडां च सर्वकालं प्रदापयेत् ।। ग्रहणे वाथ संक्रान्तौ व्यतीपाते तथायने

nakṣatragrahapīḍāṃ ca sarvakālaṃ pradāpayet || grahaṇe vātha saṃkrāntau vyatīpāte tathāyane

Sanskrit only: no published translation is held for this verse.

द्विजाय साधुवृत्ताय वेदवेदाङ्गवेदिने ।। द्विजाय साधुवृत्ताय कुलीनाय च धीमते

dvijāya sādhuvṛttāya vedavedāṅgavedine || dvijāya sādhuvṛttāya kulīnāya ca dhīmate

Sanskrit only: no published translation is held for this verse.

वेदवेदाङ्गविदुषे श्रोत्रियायाहिताग्नये ।। ईदृशाय प्रदातव्या तथाऽमत्सरिणे नृप

vedavedāṅgaviduṣe śrotriyāyāhitāgnaye || īdṛśāya pradātavyā tathā'matsariṇe nṛpa

Sanskrit only: no published translation is held for this verse.

इष्ट्वा चैवं च मन्त्रं तु पुच्छदेशोपविश्य च ।। छत्रकोपानहौ देये मुद्रिकाकर्णमात्रकैः

iṣṭvā caivaṃ ca mantraṃ tu pucchadeśopaviśya ca || chatrakopānahau deye mudrikākarṇamātrakaiḥ

Sanskrit only: no published translation is held for this verse.

आच्छाद्य वस्त्रयुग्मेन दक्षिणां कम्बलं ददेत् ।। पूर्वोक्तेन विधानेन स्वशक्त्या कनकेन तु

ācchādya vastrayugmena dakṣiṇāṃ kambalaṃ dadet || pūrvoktena vidhānena svaśaktyā kanakena tu

Sanskrit only: no published translation is held for this verse.

ब्राह्मणं पूज्य विधिवत्पूर्वोक्तविधिना नृप ।। सदक्षिणं च गोपुच्छं दत्त्वा ब्राह्मणहस्तके

brāhmaṇaṃ pūjya vidhivatpūrvoktavidhinā nṛpa || sadakṣiṇaṃ ca gopucchaṃ dattvā brāhmaṇahastake

Sanskrit only: no published translation is held for this verse.

इमं मन्त्रं समुच्चार्य ततस्तां प्रतिपादयेत् ।। इमां गृहाण भो विप्र रुद्ररूपां नमोऽस्तु ते

imaṃ mantraṃ samuccārya tatastāṃ pratipādayet || imāṃ gṛhāṇa bho vipra rudrarūpāṃ namo'stu te

Sanskrit only: no published translation is held for this verse.

रसज्ञा सर्वभूतानां सर्वदेवनमस्कृता ।। कामं पूरय मे देवि रुद्ररूपे नमोऽस्तु ते

rasajñā sarvabhūtānāṃ sarvadevanamaskṛtā || kāmaṃ pūraya me devi rudrarūpe namo'stu te

Sanskrit only: no published translation is held for this verse.

दत्त्वा धेनुं तु लवणेनैकाहं चैव तिष्ठति ।। स्वयं त्रिरात्रं विप्रेण तथैव लवणाशिना

dattvā dhenuṃ tu lavaṇenaikāhaṃ caiva tiṣṭhati || svayaṃ trirātraṃ vipreṇa tathaiva lavaṇāśinā

Sanskrit only: no published translation is held for this verse.

सहस्रेण शतेनाथ स्वशक्त्या कनकेन तु ।। दत्त्वेमां स्वर्गमाप्नोति यत्र देवो वृषध्वजः

sahasreṇa śatenātha svaśaktyā kanakena tu || dattvemāṃ svargamāpnoti yatra devo vṛṣadhvajaḥ

Sanskrit only: no published translation is held for this verse.

य इदं शृणुयाद्भक्त्या श्रावयेद्वापि मानवः ।। मुच्यते सर्वपापेभ्यो रुद्रलोकं च गच्छति

ya idaṃ śṛṇuyādbhaktyā śrāvayedvāpi mānavaḥ || mucyate sarvapāpebhyo rudralokaṃ ca gacchati

Sanskrit only: no published translation is held for this verse.

इति श्रीवराहपुराणे श्वेतविनीताश्वोपाख्याने लवणधेनुमाहात्म्यं नाम अष्टाधिकशत तमोऽध्यायः

iti śrīvarāhapurāṇe śvetavinītāśvopākhyāne lavaṇadhenumāhātmyaṃ nāma aṣṭādhikaśata tamo'dhyāyaḥ

Sanskrit only: no published translation is held for this verse.