Varāha Purāṇa 112

अथोभयतोमुखीगोदानहेमकुम्भदानपुराणप्रशंसाः ।। होतोवाच ।। अतः परं महाराज शृणूभयमुखीं ततः ।। विधानं तद्वरारोहे धरण्या कथितं पुरा

athobhayatomukhīgodānahemakumbhadānapurāṇapraśaṃsāḥ || hotovāca || ataḥ paraṃ mahārāja śṛṇūbhayamukhīṃ tataḥ || vidhānaṃ tadvarārohe dharaṇyā kathitaṃ purā

Sanskrit only: no published translation is held for this verse.

तदहं सम्प्रवक्ष्यामि तव पुण्यफलं महत् ।। धरण्युवाच ।। या त्वया कपिला प्रोक्ता पूर्वमुत्पादिता प्रभो

tadahaṃ sampravakṣyāmi tava puṇyaphalaṃ mahat || dharaṇyuvāca || yā tvayā kapilā proktā pūrvamutpāditā prabho

Sanskrit only: no published translation is held for this verse.

होमधेनुः सदा पुण्या सा ज्ञेया कतिलक्षणा ।। कियत्यः कपिलाः प्रोक्ताः स्वयमेव स्वयम्भुवा

homadhenuḥ sadā puṇyā sā jñeyā katilakṣaṇā || kiyatyaḥ kapilāḥ proktāḥ svayameva svayambhuvā

Sanskrit only: no published translation is held for this verse.

प्रसूयमाना दानेन किं पुण्यं स्याच्च माधव ।। एतदिच्छाम्यहं श्रोतुं विस्तरेण जगद्गुरो

prasūyamānā dānena kiṃ puṇyaṃ syācca mādhava || etadicchāmyahaṃ śrotuṃ vistareṇa jagadguro

Sanskrit only: no published translation is held for this verse.

श्रीवराह उवाच ।। शृणुष्व देवि तत्त्वेन पवित्रं पापनाशनम् ।। यच्छ्रुत्वा सर्वपापेभ्यो मुच्यते नात्र संशयः

śrīvarāha uvāca || śṛṇuṣva devi tattvena pavitraṃ pāpanāśanam || yacchrutvā sarvapāpebhyo mucyate nātra saṃśayaḥ

Sanskrit only: no published translation is held for this verse.

कपिला ह्यग्निहोत्रार्थे यज्ञार्थे च वरानने ।। उद्धृत्य सर्वतेजोभिर्ब्रह्मणा निर्मिता पुरा

kapilā hyagnihotrārthe yajñārthe ca varānane || uddhṛtya sarvatejobhirbrahmaṇā nirmitā purā

Sanskrit only: no published translation is held for this verse.

पवित्राणां पवित्रं च मङ्गलानां च मङ्गलम् ।। पुण्यानां परमं पुण्यं कपिला च वसुन्धरे

pavitrāṇāṃ pavitraṃ ca maṅgalānāṃ ca maṅgalam || puṇyānāṃ paramaṃ puṇyaṃ kapilā ca vasundhare

Sanskrit only: no published translation is held for this verse.

तपसस्तप एवाग्र्यं व्रतानां व्रतमुत्तमम् ।। दानानामुत्तमं दानं निधीनां ह्येतदक्षयम्

tapasastapa evāgryaṃ vratānāṃ vratamuttamam || dānānāmuttamaṃ dānaṃ nidhīnāṃ hyetadakṣayam

Sanskrit only: no published translation is held for this verse.

पृथिव्यां यानि तीर्थानि गुह्यान्यायतनानि च ।। पवित्राणि च पुण्यानि सर्वलोकेषु सुन्दरि

pṛthivyāṃ yāni tīrthāni guhyānyāyatanāni ca || pavitrāṇi ca puṇyāni sarvalokeṣu sundari

Sanskrit only: no published translation is held for this verse.

होतव्यान्यग्निहोत्राणि सायं प्रातर्द्विजातिभिः ।। कपिलाया घृतेनेह दध्ना क्षीरेण वा पुनः

hotavyānyagnihotrāṇi sāyaṃ prātardvijātibhiḥ || kapilāyā ghṛteneha dadhnā kṣīreṇa vā punaḥ

Sanskrit only: no published translation is held for this verse.

जुह्वते ह्यग्निहोत्राणि मन्त्रैश्च विविधैः सदा ।। पूजयन्नतिथींश्चैव परां भक्तिमुपागताः

juhvate hyagnihotrāṇi mantraiśca vividhaiḥ sadā || pūjayannatithīṃścaiva parāṃ bhaktimupāgatāḥ

Sanskrit only: no published translation is held for this verse.

ते यान्त्यादित्यवर्णैश्च विमानैर्द्विजसत्तमाः ।। सूर्य मण्डलमध्यात्तु ब्रह्मणा निर्मिता पुरा

te yāntyādityavarṇaiśca vimānairdvijasattamāḥ || sūrya maṇḍalamadhyāttu brahmaṇā nirmitā purā

Sanskrit only: no published translation is held for this verse.

कपिला या पिङ्गलाक्षी सूर्यसौख्यप्रदायिनी ।। सिद्धिबुद्धिप्रदा धेनुः कपिलानन्तरूपिणी

kapilā yā piṅgalākṣī sūryasaukhyapradāyinī || siddhibuddhipradā dhenuḥ kapilānantarūpiṇī

Sanskrit only: no published translation is held for this verse.

पूर्वोक्ता यास्तु कपिलाः सर्वलक्षणलक्षिताः ।। सर्वा ह्येता महाभागास्तारयन्ति न संशयः

pūrvoktā yāstu kapilāḥ sarvalakṣaṇalakṣitāḥ || sarvā hyetā mahābhāgāstārayanti na saṃśayaḥ

Sanskrit only: no published translation is held for this verse.

संगमेषु प्रशस्ताश्च सर्वपापविनाशनाः ।। अग्निपुच्छा अग्निमुखी अग्निलोमानलप्रभा

saṃgameṣu praśastāśca sarvapāpavināśanāḥ || agnipucchā agnimukhī agnilomānalaprabhā

Sanskrit only: no published translation is held for this verse.

तथाग्नायी तथा देवी सुवर्णाख्या प्रवर्तते ।। गृहीत्वा कपिलां शूद्रात्कामतः सदृशः पिबेत्

tathāgnāyī tathā devī suvarṇākhyā pravartate || gṛhītvā kapilāṃ śūdrātkāmataḥ sadṛśaḥ pibet

Sanskrit only: no published translation is held for this verse.

पतितैः स हि विज्ञेयश्चाण्डालसदृशोऽधमः ।। तस्मान्न प्रतिगृह्णीयाच्छ्रूद्राद्विप्रः प्रतिग्रहम्

patitaiḥ sa hi vijñeyaścāṇḍālasadṛśo'dhamaḥ || tasmānna pratigṛhṇīyācchrūdrādvipraḥ pratigraham

Sanskrit only: no published translation is held for this verse.

दूरात्ते परिहर्त्तव्याः श्वभिस्तुल्या इवाध्वरे ।। पर्वकाले हि सर्वे वै वर्जिताः पितृदैवतैः

dūrātte pariharttavyāḥ śvabhistulyā ivādhvare || parvakāle hi sarve vai varjitāḥ pitṛdaivataiḥ

Sanskrit only: no published translation is held for this verse.

असम्भाष्याः प्रतिग्राह्या शूद्रास्ते पापकर्मणः ।। पिबन्ति यावत् कपिलां तावत्तेषां पितामहः

asambhāṣyāḥ pratigrāhyā śūdrāste pāpakarmaṇaḥ || pibanti yāvat kapilāṃ tāvatteṣāṃ pitāmahaḥ

Sanskrit only: no published translation is held for this verse.

भूमेर्मलं समश्नन्ति जायन्ते विड्भुजश्चिरम् ।। तासां क्षीरं घृतं वापि नवनीतमथापि वा

bhūmermalaṃ samaśnanti jāyante viḍbhujaściram || tāsāṃ kṣīraṃ ghṛtaṃ vāpi navanītamathāpi vā

Sanskrit only: no published translation is held for this verse.

उपजीवन्ति ये शूद्रास्तेषां गतिमतः शृणु ।। कपिलाजीविनः शूद्राः क्रूरा गच्छन्ति रौरवम्

upajīvanti ye śūdrāsteṣāṃ gatimataḥ śṛṇu || kapilājīvinaḥ śūdrāḥ krūrā gacchanti rauravam

Sanskrit only: no published translation is held for this verse.

रौरवे तु महारौद्रे वर्षकोटिशतं धरे ।। ततो विमुक्ताः कालेन शुनो योनिं व्रजन्ति हि

raurave tu mahāraudre varṣakoṭiśataṃ dhare || tato vimuktāḥ kālena śuno yoniṃ vrajanti hi

Sanskrit only: no published translation is held for this verse.

शुनो योन्या विमुक्तास्तु विष्ठाभुक्कृमयस्ततः ।। विष्ठास्थानेषु पापिष्ठः सुदुर्गन्धिषु नित्यशः

śuno yonyā vimuktāstu viṣṭhābhukkṛmayastataḥ || viṣṭhāsthāneṣu pāpiṣṭhaḥ sudurgandhiṣu nityaśaḥ

Sanskrit only: no published translation is held for this verse.

भूयोभूयो जायमानस्तथोत्तारं न विन्दति ।। ब्राह्मणश्चैव यो विद्वान्कुर्यात्तेषां प्रतिग्रहम्

bhūyobhūyo jāyamānastathottāraṃ na vindati || brāhmaṇaścaiva yo vidvānkuryātteṣāṃ pratigraham

Sanskrit only: no published translation is held for this verse.

ततः प्रभृत्यमेध्यान्तः पितरस्तस्य शेरते ।। न तं विप्रं तु सम्भाषेन्न चैवैकासनं विशेत्

tataḥ prabhṛtyamedhyāntaḥ pitarastasya śerate || na taṃ vipraṃ tu sambhāṣenna caivaikāsanaṃ viśet

Sanskrit only: no published translation is held for this verse.

स नित्यं वर्जनीयो हि दूरात्तु ब्राह्मणैर्धरे ।। यस्तेन सह सम्भाषेत्तथा चैकासनं व्रजेत्

sa nityaṃ varjanīyo hi dūrāttu brāhmaṇairdhare || yastena saha sambhāṣettathā caikāsanaṃ vrajet

Sanskrit only: no published translation is held for this verse.

प्राजापत्यं चरेत्कृच्छ्रं तेन शुष्यति स द्विजः।। एकस्य गोप्रदानस्य सहस्रांशेन पूर्यते

prājāpatyaṃ caretkṛcchraṃ tena śuṣyati sa dvijaḥ|| ekasya gopradānasya sahasrāṃśena pūryate

Sanskrit only: no published translation is held for this verse.

किमन्यैर्बहुभिर्दानैः कोटिसंख्यानविस्तरैः ।। श्रोत्रियाय दरिद्राय सुवृत्तायाहिताग्नये

kimanyairbahubhirdānaiḥ koṭisaṃkhyānavistaraiḥ || śrotriyāya daridrāya suvṛttāyāhitāgnaye

Sanskrit only: no published translation is held for this verse.

आसन्नप्रसवां धेनुं दानार्थं प्रतिपालयेत ।। कपिलार्द्धप्रसूता वै दातव्या च द्विजन्मने

āsannaprasavāṃ dhenuṃ dānārthaṃ pratipālayeta || kapilārddhaprasūtā vai dātavyā ca dvijanmane

Sanskrit only: no published translation is held for this verse.

जायमानस्य वत्सस्य मुखं योन्यां प्रदृश्यते ।। तावत्सा पृथिवी ज्ञेया यावद्गर्भं न मुञ्चति

jāyamānasya vatsasya mukhaṃ yonyāṃ pradṛśyate || tāvatsā pṛthivī jñeyā yāvadgarbhaṃ na muñcati

Sanskrit only: no published translation is held for this verse.

धेन्वा यावन्ति रोमाणि सवत्साया वसुन्धरे ।। तावत्यो वर्षकोट्यस्तु ब्रह्मवादिभिरर्चिताः

dhenvā yāvanti romāṇi savatsāyā vasundhare || tāvatyo varṣakoṭyastu brahmavādibhirarcitāḥ

Sanskrit only: no published translation is held for this verse.

वसन्ति ब्रह्मलोके वै ये नित्यं कपिलाप्रदाः ।। सुवर्णशृङ्गीं यः कृत्वा रौप्ययुक्तखुरां तथा

vasanti brahmaloke vai ye nityaṃ kapilāpradāḥ || suvarṇaśṛṅgīṃ yaḥ kṛtvā raupyayuktakhurāṃ tathā

Sanskrit only: no published translation is held for this verse.

ब्राह्मणस्य करे दत्त्वा सुवर्णं रौप्यमेव च ।। कपिलायास्तदा पुच्छं ब्राह्मणस्य करे न्यसेत्

brāhmaṇasya kare dattvā suvarṇaṃ raupyameva ca || kapilāyāstadā pucchaṃ brāhmaṇasya kare nyaset

Sanskrit only: no published translation is held for this verse.

उदकं च करे दत्त्वा वाचयेच्छुद्धया गिरा ।। ससमुद्रवना तेन सशैलवनकानना

udakaṃ ca kare dattvā vācayecchuddhayā girā || sasamudravanā tena saśailavanakānanā

Sanskrit only: no published translation is held for this verse.

रत्नपूर्णा भवेद्दत्ता पृथिवी नात्र संशयः ।। पृथिवीदानतुल्येन दानेनैतेन वै नरः

ratnapūrṇā bhaveddattā pṛthivī nātra saṃśayaḥ || pṛthivīdānatulyena dānenaitena vai naraḥ

Sanskrit only: no published translation is held for this verse.

नन्दितो याति पितृभिर्विष्ण्वाख्यं परमं पदम् ।। ब्रह्मस्वहारी गोघ्नो वा भ्रूणहा पापदेहकः

nandito yāti pitṛbhirviṣṇvākhyaṃ paramaṃ padam || brahmasvahārī goghno vā bhrūṇahā pāpadehakaḥ

Sanskrit only: no published translation is held for this verse.

महापातकयुक्तोऽपि वंचको ब्रह्मदूषकः ।। निन्दको ब्राह्मणानां च तथा कर्मावदूषकः

mahāpātakayukto'pi vaṃcako brahmadūṣakaḥ || nindako brāhmaṇānāṃ ca tathā karmāvadūṣakaḥ

Sanskrit only: no published translation is held for this verse.

महापातकयुक्तोऽपि गवां दानेन शुध्यति ।। यश्चोभयमुखीं दद्यात्प्रभूतकनकान्विताम्

mahāpātakayukto'pi gavāṃ dānena śudhyati || yaścobhayamukhīṃ dadyātprabhūtakanakānvitām

Sanskrit only: no published translation is held for this verse.

तद्दिनं पायसाहारं पयसा वापि वा भवेत् ।। सुवर्णस्य सहस्रेण तदर्द्धेनापि भामिनि

taddinaṃ pāyasāhāraṃ payasā vāpi vā bhavet || suvarṇasya sahasreṇa tadarddhenāpi bhāmini

Sanskrit only: no published translation is held for this verse.

तस्याप्यर्द्धशतेनाथ पंचाशच्च ततोऽर्द्धकम् ।। यथाशक्त्या प्रदातव्या वित्तशाठ्यं विवर्जयेत्

tasyāpyarddhaśatenātha paṃcāśacca tato'rddhakam || yathāśaktyā pradātavyā vittaśāṭhyaṃ vivarjayet

Sanskrit only: no published translation is held for this verse.

इमां गृह्णोभयमुखीमुभयत्र शमोऽस्तु वै ।। ददे वंशविवृद्ध्यर्थं सदा स्वस्तिकरी भव

imāṃ gṛhṇobhayamukhīmubhayatra śamo'stu vai || dade vaṃśavivṛddhyarthaṃ sadā svastikarī bhava

Sanskrit only: no published translation is held for this verse.

प्रतिगृह्णामि त्वां धेनो कुटुम्बार्थे विशेषतः ।। शुभं भवतु मे नित्यं देवधात्रि नमोऽस्तु ते

pratigṛhṇāmi tvāṃ dheno kuṭumbārthe viśeṣataḥ || śubhaṃ bhavatu me nityaṃ devadhātri namo'stu te

Sanskrit only: no published translation is held for this verse.

मे नित्यं स्वस्ति भवतु रुद्राङ्गेति नमोनमः ।। ॐ द्योस्त्वा ददातु पृथिवी त्वा प्रति गृह्णतु

me nityaṃ svasti bhavatu rudrāṅgeti namonamaḥ || oṃ dyostvā dadātu pṛthivī tvā prati gṛhṇatu

Sanskrit only: no published translation is held for this verse.

क इदं कस्मा अदादिति जपित्वा वै वसुन्धरे ।। विसृज्य ब्राह्मणं देवि तां धेनुं तद्गृहं नयेत्

ka idaṃ kasmā adāditi japitvā vai vasundhare || visṛjya brāhmaṇaṃ devi tāṃ dhenuṃ tadgṛhaṃ nayet

Sanskrit only: no published translation is held for this verse.

एवं प्रसूयमानां यो गां ददाति वसुन्धरे ।। पृथिवी तेन दत्ता स्यात्सप्तद्वीपा न संशयः

evaṃ prasūyamānāṃ yo gāṃ dadāti vasundhare || pṛthivī tena dattā syātsaptadvīpā na saṃśayaḥ

Sanskrit only: no published translation is held for this verse.

वदन्ति तां चन्द्रसमानवक्त्रां प्रतप्तजाम्बूनदतुल्यवर्णाम् ।। महासितत्त्वां तनुवृत्तमध्यां सेवन्त्यजस्रं कुलिता हि देवाः

vadanti tāṃ candrasamānavaktrāṃ prataptajāmbūnadatulyavarṇām || mahāsitattvāṃ tanuvṛttamadhyāṃ sevantyajasraṃ kulitā hi devāḥ

Sanskrit only: no published translation is held for this verse.

प्रातरुत्थाय यो मर्त्यः कल्पं चेदं समाहितः ।। जितेन्द्रियः शुचिर्भूत्वा पठेद्भक्त्या समन्वितः

prātarutthāya yo martyaḥ kalpaṃ cedaṃ samāhitaḥ || jitendriyaḥ śucirbhūtvā paṭhedbhaktyā samanvitaḥ

Sanskrit only: no published translation is held for this verse.

श्राद्धकाले पठेद्यस्तु इदं पावनमुत्तमम् ।। तस्यान्नं संस्कृतं तद्धि पितरोऽश्नन्ति धीमतः

śrāddhakāle paṭhedyastu idaṃ pāvanamuttamam || tasyānnaṃ saṃskṛtaṃ taddhi pitaro'śnanti dhīmataḥ

Sanskrit only: no published translation is held for this verse.

अमायां वाथ यः कश्चिद्द्विजानामग्रतः पठेत् ।। पितरस्तस्य तृप्यन्ति वर्षाणां शतमेव च

amāyāṃ vātha yaḥ kaściddvijānāmagrataḥ paṭhet || pitarastasya tṛpyanti varṣāṇāṃ śatameva ca

Sanskrit only: no published translation is held for this verse.

यश्चैतच्छृणुयान्नित्यं तद्गतेनान्तरात्मना ।। संवत्सरकृतं पापं तत्क्षणादेव नश्यति

yaścaitacchṛṇuyānnityaṃ tadgatenāntarātmanā || saṃvatsarakṛtaṃ pāpaṃ tatkṣaṇādeva naśyati

Sanskrit only: no published translation is held for this verse.

होतोवाच ।। इदं रहस्यं राजेन्द्र वराहेण पुरातनम् ।। धरण्यै कथितं राजन्धेनुमाहात्म्यमुत्तमम्

hotovāca || idaṃ rahasyaṃ rājendra varāheṇa purātanam || dharaṇyai kathitaṃ rājandhenumāhātmyamuttamam

Sanskrit only: no published translation is held for this verse.

मया ते कथितं सर्वं सर्वपापप्रणाशनम् ।। द्वादश्यां माघमासस्य शुक्लायां तिलधेनुदः

mayā te kathitaṃ sarvaṃ sarvapāpapraṇāśanam || dvādaśyāṃ māghamāsasya śuklāyāṃ tiladhenudaḥ

Sanskrit only: no published translation is held for this verse.

सर्वकामसमृद्धार्थो वैष्णवं पदमाप्नुयात्।। द्वादश्यां श्रावणे मासि शुक्लायां राजसत्तम

sarvakāmasamṛddhārtho vaiṣṇavaṃ padamāpnuyāt|| dvādaśyāṃ śrāvaṇe māsi śuklāyāṃ rājasattama

Sanskrit only: no published translation is held for this verse.

धेनूनां फलमुद्दिश्य सर्वकामप्रदं नृणाम् ।। अथवा पीड्यसेऽत्यन्तं क्षुधया पार्थिवोत्तम

dhenūnāṃ phalamuddiśya sarvakāmapradaṃ nṛṇām || athavā pīḍyase'tyantaṃ kṣudhayā pārthivottama

Sanskrit only: no published translation is held for this verse.

इदानीं कार्त्तिकी चेयं वर्त्तते च नराधिप ।। ब्रह्माण्डं सर्वसम्पन्नं भूतरत्नौषधैर्युतम्

idānīṃ kārttikī ceyaṃ varttate ca narādhipa || brahmāṇḍaṃ sarvasampannaṃ bhūtaratnauṣadhairyutam

Sanskrit only: no published translation is held for this verse.

देवदानवयक्षैस्तु युक्तमेतत्सदा विभो ।। एतद्धेममयं कृत्वा सर्वबीजरसान्वितम्

devadānavayakṣaistu yuktametatsadā vibho || etaddhemamayaṃ kṛtvā sarvabījarasānvitam

Sanskrit only: no published translation is held for this verse.

सरत्नं पुरुषः कृत्वा कार्त्तिक्यां द्वादशी दिने।। अथवा पंचदश्यां च कार्त्तिकस्य विशेषतः

saratnaṃ puruṣaḥ kṛtvā kārttikyāṃ dvādaśī dine|| athavā paṃcadaśyāṃ ca kārttikasya viśeṣataḥ

Sanskrit only: no published translation is held for this verse.

पुरोहिताय गुरवे दद्याद्भक्तिसमन्वितः ।। ब्रह्माण्डोदरवर्तीनि यानि भूतानि पार्थिव

purohitāya gurave dadyādbhaktisamanvitaḥ || brahmāṇḍodaravartīni yāni bhūtāni pārthiva

Sanskrit only: no published translation is held for this verse.

तानि दत्तानि तेन स्युः समासात्कथितं तव ।। यो यज्ञे यजते राजन् सहस्रशतदक्षिणैः

tāni dattāni tena syuḥ samāsātkathitaṃ tava || yo yajñe yajate rājan sahasraśatadakṣiṇaiḥ

Sanskrit only: no published translation is held for this verse.

सैकदेशो यजेत्तस्य ब्रह्माण्डस्य विशेषतः ।। यः पुनः सकलं चेदं ब्रह्माण्डं यजते नरः

saikadeśo yajettasya brahmāṇḍasya viśeṣataḥ || yaḥ punaḥ sakalaṃ cedaṃ brahmāṇḍaṃ yajate naraḥ

Sanskrit only: no published translation is held for this verse.

तेन चेष्टं हुतं दत्तं पठितं कीर्त्तितं भवेत् ।। एवं श्रुत्वा ततो राजा हेमकुम्भप्रकल्पितम्

tena ceṣṭaṃ hutaṃ dattaṃ paṭhitaṃ kīrttitaṃ bhavet || evaṃ śrutvā tato rājā hemakumbhaprakalpitam

Sanskrit only: no published translation is held for this verse.

ब्रह्माण्डमृषये प्रादात्सविधानं च तत्क्षणात् ।। सर्वकामैः सुसंवीतो ययौ स्वर्गं नराधिपः

brahmāṇḍamṛṣaye prādātsavidhānaṃ ca tatkṣaṇāt || sarvakāmaiḥ susaṃvīto yayau svargaṃ narādhipaḥ

Sanskrit only: no published translation is held for this verse.

तस्मात्त्वमपि राजेन्द्र तद्दत्त्वा तु सुखी भव ।। एवमुक्तो वसिष्ठेन सोऽप्येवमकरोन्नृपः

tasmāttvamapi rājendra taddattvā tu sukhī bhava || evamukto vasiṣṭhena so'pyevamakaronnṛpaḥ

Sanskrit only: no published translation is held for this verse.

जगाम परमां सिद्धिं यत्र गत्वा न शोचति ।। श्रीवराह उवाच ।। इयं ते कथिता देवि संहिता सर्वकामिका

jagāma paramāṃ siddhiṃ yatra gatvā na śocati || śrīvarāha uvāca || iyaṃ te kathitā devi saṃhitā sarvakāmikā

Sanskrit only: no published translation is held for this verse.

वराहाख्या वरारोहे सर्वपातकनाशिनी ।। सर्वज्ञादुत्थिता चेयं ततो ब्रह्मा बुबोध ह

varāhākhyā varārohe sarvapātakanāśinī || sarvajñādutthitā ceyaṃ tato brahmā bubodha ha

Sanskrit only: no published translation is held for this verse.

ब्रह्मा स्वसूनवे प्रादात्पुलस्त्याय महात्मने।। सोऽपि रामाय च प्रादाद्भार्गवाय महात्मने

brahmā svasūnave prādātpulastyāya mahātmane|| so'pi rāmāya ca prādādbhārgavāya mahātmane

Sanskrit only: no published translation is held for this verse.

असावपि स्वशिष्याय प्रादादुग्राय धारिणि ।। उग्रोऽपि मनवे प्रादादेष वः कीर्तितो मया

asāvapi svaśiṣyāya prādādugrāya dhāriṇi || ugro'pi manave prādādeṣa vaḥ kīrtito mayā

Sanskrit only: no published translation is held for this verse.

सम्बन्धः पूर्वकल्पीयो द्वितीयं शृणु साम्प्रतम् ।। सर्वज्ञाल्लब्धवानस्मि त्वं च मत्तो धराधरे

sambandhaḥ pūrvakalpīyo dvitīyaṃ śṛṇu sāmpratam || sarvajñāllabdhavānasmi tvaṃ ca matto dharādhare

Sanskrit only: no published translation is held for this verse.

त्वत्तश्च तपसा सिद्धा वेत्स्यन्ते कपिलादयः ।। क्रमेण यावद्व्यासेन ज्ञातमेतद्भविष्यति

tvattaśca tapasā siddhā vetsyante kapilādayaḥ || krameṇa yāvadvyāsena jñātametadbhaviṣyati

Sanskrit only: no published translation is held for this verse.

तस्यापि शिष्यो भविता नाम्ना वै रोमहर्षणिः ।। असौ शुनकपुत्राय कथयिष्यति नान्यथा

tasyāpi śiṣyo bhavitā nāmnā vai romaharṣaṇiḥ || asau śunakaputrāya kathayiṣyati nānyathā

Sanskrit only: no published translation is held for this verse.

अष्टादश पुराणानि वेद द्वैपायनो गुरुः ।। ब्राह्मं पाद्मं वैष्णवं च शैवं भागवतं तथा

aṣṭādaśa purāṇāni veda dvaipāyano guruḥ || brāhmaṃ pādmaṃ vaiṣṇavaṃ ca śaivaṃ bhāgavataṃ tathā

Sanskrit only: no published translation is held for this verse.

तथान्यं नारदीयं च मार्कण्डेयं च सप्तमम् ।। आग्नेयमष्टमं प्रोक्तं भविष्यं नवमं तथा

tathānyaṃ nāradīyaṃ ca mārkaṇḍeyaṃ ca saptamam || āgneyamaṣṭamaṃ proktaṃ bhaviṣyaṃ navamaṃ tathā

Sanskrit only: no published translation is held for this verse.

दशमं ब्रह्मवैवर्त्त लैङ्गमेकादशं स्मृतम् ।। वाराहं द्वादशं प्रोक्तं स्कान्दं चापि त्रयोदशम्

daśamaṃ brahmavaivartta laiṅgamekādaśaṃ smṛtam || vārāhaṃ dvādaśaṃ proktaṃ skāndaṃ cāpi trayodaśam

Sanskrit only: no published translation is held for this verse.

चतुर्दशं वामनकं कौर्मं पंचदशं स्मृतम् ।। मात्स्यं च गारुडं चैव ब्रह्माण्डं च ततः परम्

caturdaśaṃ vāmanakaṃ kaurmaṃ paṃcadaśaṃ smṛtam || mātsyaṃ ca gāruḍaṃ caiva brahmāṇḍaṃ ca tataḥ param

Sanskrit only: no published translation is held for this verse.

य एतत्पाठयेद्भक्त्या कार्तिक्यां द्वादशीदिने ।। तस्य नूनं भवेत्पुत्रो ह्यपुत्रस्यापि धारिणि

ya etatpāṭhayedbhaktyā kārtikyāṃ dvādaśīdine || tasya nūnaṃ bhavetputro hyaputrasyāpi dhāriṇi

Sanskrit only: no published translation is held for this verse.

यस्येदं तिष्ठते गेहे लिखितं पूज्यते सदा ।। तस्य नारायणो देवः स्वयं तिष्ठति धारिणि

yasyedaṃ tiṣṭhate gehe likhitaṃ pūjyate sadā || tasya nārāyaṇo devaḥ svayaṃ tiṣṭhati dhāriṇi

Sanskrit only: no published translation is held for this verse.

यश्चैतच्छृणुयाद्भक्त्या नैरन्तर्येण मानवः ।। श्रुत्वा तु पूजयेद्यस्तु शास्त्रं वाराहसंज्ञितम्

yaścaitacchṛṇuyādbhaktyā nairantaryeṇa mānavaḥ || śrutvā tu pūjayedyastu śāstraṃ vārāhasaṃjñitam

Sanskrit only: no published translation is held for this verse.

श्रुत्वा तु पूजयेच्छास्त्रं तथा विष्णुं सनातनम् ।। गन्धैः पुष्पैस्तथा वस्त्रैर्ब्राह्मणानां च तर्पणैः

śrutvā tu pūjayecchāstraṃ tathā viṣṇuṃ sanātanam || gandhaiḥ puṣpaistathā vastrairbrāhmaṇānāṃ ca tarpaṇaiḥ

Sanskrit only: no published translation is held for this verse.

यथाशक्त्या नृपो ग्रामैः पूजयेद्वत्सकं धरे ।। सर्वपापविनिर्मुक्तो विष्णुसायुज्यमाप्नुयात्

yathāśaktyā nṛpo grāmaiḥ pūjayedvatsakaṃ dhare || sarvapāpavinirmukto viṣṇusāyujyamāpnuyāt

Sanskrit only: no published translation is held for this verse.

प्रत्यक्षधेनुर्दातव्या सहिरण्या नृपोत्तम ।। सर्वदा सर्वधेनूनां प्रदानं राजसत्तम

pratyakṣadhenurdātavyā sahiraṇyā nṛpottama || sarvadā sarvadhenūnāṃ pradānaṃ rājasattama

Sanskrit only: no published translation is held for this verse.

सर्वपापप्रशमनं भुक्तिमुक्तिप्रदायकम् ।। एतत्ते सर्वमाख्यातं समासाद्बहुविस्तरम्

sarvapāpapraśamanaṃ bhuktimuktipradāyakam || etatte sarvamākhyātaṃ samāsādbahuvistaram

Sanskrit only: no published translation is held for this verse.

इति श्रीवराहपुराणे श्वेतविनीताश्वोपाख्याने उभयतोमुखीगोदान हेमकुम्भदान पुराणप्रशंसनंनाम द्वादशाधिकशततमोऽध्यायः

iti śrīvarāhapurāṇe śvetavinītāśvopākhyāne ubhayatomukhīgodāna hemakumbhadāna purāṇapraśaṃsanaṃnāma dvādaśādhikaśatatamo'dhyāyaḥ

Sanskrit only: no published translation is held for this verse.