Varāha Purāṇa 113

अथ भगवत्स्तुतिः ।। ॐ नमो वराहाय नमो ब्रह्मपुत्राय सनत्कुमाराय नमः

atha bhagavatstutiḥ || oṃ namo varāhāya namo brahmaputrāya sanatkumārāya namaḥ

Sanskrit only: no published translation is held for this verse.

नमस्तस्मै वराहाय लीलयोद्धरते महीम् ।। सुरमध्यगतो यस्य मेरुः खणखणायते

namastasmai varāhāya līlayoddharate mahīm || suramadhyagato yasya meruḥ khaṇakhaṇāyate

Sanskrit only: no published translation is held for this verse.

दंष्ट्राग्रेणोद्धृता गोरुदधिपरिवृता पर्वतैर्निम्नगाभिर्भक्तानां भीतिहानौ सुरनरकदशास्यान्तकः क्रोडरूपी ।। विष्णुः सर्वेश्वरोऽयं यमिह हतमला लीलया प्राप्नुवन्ति त्यक्तात्मानो न पापे प्रभु भवतु मुदितारातिपक्षक्षितीशम्

daṃṣṭrāgreṇoddhṛtā gorudadhiparivṛtā parvatairnimnagābhirbhaktānāṃ bhītihānau suranarakadaśāsyāntakaḥ kroḍarūpī || viṣṇuḥ sarveśvaro'yaṃ yamiha hatamalā līlayā prāpnuvanti tyaktātmāno na pāpe prabhu bhavatu muditārātipakṣakṣitīśam

Sanskrit only: no published translation is held for this verse.

यस्मिन्काले क्षितिः पूर्वकल्पे वाराह मूर्तिना ।। उद्धृता च यया भक्त्या पप्रच्छ परमेश्वरम्

yasminkāle kṣitiḥ pūrvakalpe vārāha mūrtinā || uddhṛtā ca yayā bhaktyā papraccha parameśvaram

Sanskrit only: no published translation is held for this verse.

धरण्युवाच ।। कल्पे कल्पे भवानेव मां समुद्धरते भवान् ।। न बाहुश्चेष्टते मूर्तिर्मादृशीं गां च केशव

dharaṇyuvāca || kalpe kalpe bhavāneva māṃ samuddharate bhavān || na bāhuśceṣṭate mūrtirmādṛśīṃ gāṃ ca keśava

Sanskrit only: no published translation is held for this verse.

स तेन सान्त्वितायां वै पृथिव्यां यः समागतः ।। सनत्कुमारस्तत्क्षेत्रे दृष्ट्वा तां संस्थितां महीम्

sa tena sāntvitāyāṃ vai pṛthivyāṃ yaḥ samāgataḥ || sanatkumārastatkṣetre dṛṣṭvā tāṃ saṃsthitāṃ mahīm

Sanskrit only: no published translation is held for this verse.

स्वस्ति वाच्याह पुण्याग्रे प्रत्युवाच वसुन्धराम् ।। सनत्कुमार उवाच ।। यं दृष्ट्वा वर्द्धसे देवि त्वं च यस्यासि माधवि

svasti vācyāha puṇyāgre pratyuvāca vasundharām || sanatkumāra uvāca || yaṃ dṛṣṭvā varddhase devi tvaṃ ca yasyāsi mādhavi

Sanskrit only: no published translation is held for this verse.

विष्णुना धार्यमाणा च किं त्वया दृष्टमद्भुतम् ।। एतदाचक्ष्व तत्त्वेन यत्ते हरिमुखाच्छ्रुतम्

viṣṇunā dhāryamāṇā ca kiṃ tvayā dṛṣṭamadbhutam || etadācakṣva tattvena yatte harimukhācchrutam

Sanskrit only: no published translation is held for this verse.

ब्रह्मपुत्रवचः श्रुत्वा पृथिवी वाक्यमब्रवीत् ।। धरण्युवाच ।। यद्गुह्यं स मया पृष्टो यच्च मे सम्प्रभाषितम्

brahmaputravacaḥ śrutvā pṛthivī vākyamabravīt || dharaṇyuvāca || yadguhyaṃ sa mayā pṛṣṭo yacca me samprabhāṣitam

Sanskrit only: no published translation is held for this verse.

शृणु तत्त्वेन विप्रेन्द्र गुह्यं धर्मं महौजसम् ।। भगवत्प्रोक्तधर्मेषु यद्गुह्यं कथयाम्यहम्

śṛṇu tattvena viprendra guhyaṃ dharmaṃ mahaujasam || bhagavatproktadharmeṣu yadguhyaṃ kathayāmyaham

Sanskrit only: no published translation is held for this verse.

तेन मे कथितं ह्येतत्संसारात्तु विमोक्षणम् ।। विष्णुभक्तेन यत्कार्यं यत्क्रिया परितिष्ठता

tena me kathitaṃ hyetatsaṃsārāttu vimokṣaṇam || viṣṇubhaktena yatkāryaṃ yatkriyā paritiṣṭhatā

Sanskrit only: no published translation is held for this verse.

उवाच परमं गुह्यं धर्माणां व्याप्तनिश्चयम् ।। अयं धर्मो मया ह्येतच्छ्रुते धर्मे सनातने

uvāca paramaṃ guhyaṃ dharmāṇāṃ vyāptaniścayam || ayaṃ dharmo mayā hyetacchrute dharme sanātane

Sanskrit only: no published translation is held for this verse.

ततो महीवचः श्रुत्वा ब्रह्मपुत्रो महातपाः ।। कोकामुखे मम क्षेत्रं जपन्तो ब्रह्मवादिनः

tato mahīvacaḥ śrutvā brahmaputro mahātapāḥ || kokāmukhe mama kṣetraṃ japanto brahmavādinaḥ

Sanskrit only: no published translation is held for this verse.

तान्सर्वानानयामास यत्र देवी व्यवस्थिता ।। सनत्कुमारः पूतात्मा प्रत्युवाच महीं प्रति

tānsarvānānayāmāsa yatra devī vyavasthitā || sanatkumāraḥ pūtātmā pratyuvāca mahīṃ prati

Sanskrit only: no published translation is held for this verse.

सनत्कुमार उवाच ।। यन्मया पूवर्मुक्तासि कथयस्व वरानने।। अप्रमेयगतिं चैव धर्ममाचक्ष्व तत्त्वतः

sanatkumāra uvāca || yanmayā pūvarmuktāsi kathayasva varānane|| aprameyagatiṃ caiva dharmamācakṣva tattvataḥ

Sanskrit only: no published translation is held for this verse.

ततस्तस्य वचः श्रुत्वा प्रणम्य ऋषिपुंगवम् ।। उवाच परमप्रीता धात्री मधुरया गिरा

tatastasya vacaḥ śrutvā praṇamya ṛṣipuṃgavam || uvāca paramaprītā dhātrī madhurayā girā

Sanskrit only: no published translation is held for this verse.

धरण्युवाच ।। शृण्वन्तु ऋषयः सर्वे यत्तद्विष्णुमुखाच्छ्रुतम् ।। बाढमित्येव तां देवि स्वस्ति ब्रूहीति सोऽब्रवीत्

dharaṇyuvāca || śṛṇvantu ṛṣayaḥ sarve yattadviṣṇumukhācchrutam || bāḍhamityeva tāṃ devi svasti brūhīti so'bravīt

Sanskrit only: no published translation is held for this verse.

नष्टचन्द्रानिले लोके नष्टभास्करतारके ।। स्तम्भिताश्च दिशः सर्वा न प्राज्ञायत किञ्चन

naṣṭacandrānile loke naṣṭabhāskaratārake || stambhitāśca diśaḥ sarvā na prājñāyata kiñcana

Sanskrit only: no published translation is held for this verse.

न वाति पवनस्तत्र नैव चाग्निर्न विद्युतः ।। न किंचित्तत्र विद्येत न तारा न च राशयः

na vāti pavanastatra naiva cāgnirna vidyutaḥ || na kiṃcittatra vidyeta na tārā na ca rāśayaḥ

Sanskrit only: no published translation is held for this verse.

वेदेषु चैव नष्टेषु मत्स्यो भूत्वा रसातलम् ।। प्रविश्य तानथोत्कृष्य ब्रह्मणे दत्तवानसि

vedeṣu caiva naṣṭeṣu matsyo bhūtvā rasātalam || praviśya tānathotkṛṣya brahmaṇe dattavānasi

Sanskrit only: no published translation is held for this verse.

अन्यद्देवः कूर्मरूपस्त्वं समुद्रस्य मन्थने ।। धृतवानसि कौर्मेण मन्दरं मधुसूदन

anyaddevaḥ kūrmarūpastvaṃ samudrasya manthane || dhṛtavānasi kaurmeṇa mandaraṃ madhusūdana

Sanskrit only: no published translation is held for this verse.

पुनर्वराहरूपेण मां गच्छन्तीं रसातले ।। उज्जहारेकदंष्ट्रेण भवानेव महार्णवात्

punarvarāharūpeṇa māṃ gacchantīṃ rasātale || ujjahārekadaṃṣṭreṇa bhavāneva mahārṇavāt

Sanskrit only: no published translation is held for this verse.

अन्यद्धिरण्यकशिपुर्वरदानेन दर्पितः ।। असावपि नृसिंहेण वपुरास्थाय नाशितः

anyaddhiraṇyakaśipurvaradānena darpitaḥ || asāvapi nṛsiṃheṇa vapurāsthāya nāśitaḥ

Sanskrit only: no published translation is held for this verse.

पुनर्निःक्षत्ररूपेण त्वयाऽहं विकृता पुरा ।। जामदग्न्येन रामेण त्वया दृष्टा सकृत्प्रभो

punarniḥkṣatrarūpeṇa tvayā'haṃ vikṛtā purā || jāmadagnyena rāmeṇa tvayā dṛṣṭā sakṛtprabho

Sanskrit only: no published translation is held for this verse.

पुनश्च रावणो रक्षः क्षयितं स्वेन तेजसा ।। बलिश्च बद्धो भगवन्त्वया वामनरूपिणा

punaśca rāvaṇo rakṣaḥ kṣayitaṃ svena tejasā || baliśca baddho bhagavantvayā vāmanarūpiṇā

Sanskrit only: no published translation is held for this verse.

न च जानाम्यहं देव तव किंचिद्विचेष्टितम् ।। उद्धृत्य मां कथं देव सृजसे किंच कारणम्

na ca jānāmyahaṃ deva tava kiṃcidviceṣṭitam || uddhṛtya māṃ kathaṃ deva sṛjase kiṃca kāraṇam

Sanskrit only: no published translation is held for this verse.

सृष्ट्वा किमादिशः सर्वां न प्राज्ञायत किंचन ।। न वाति पवनस्तत्र न चैवाग्निर्ज्वलत्यपि

sṛṣṭvā kimādiśaḥ sarvāṃ na prājñāyata kiṃcana || na vāti pavanastatra na caivāgnirjvalatyapi

Sanskrit only: no published translation is held for this verse.

अंशवश्चन विद्यन्ते न नक्षत्रा न वा ग्रहाः ।। न चैवाङ्गारकस्तत्र न शुक्रो न बृहस्पतिः

aṃśavaścana vidyante na nakṣatrā na vā grahāḥ || na caivāṅgārakastatra na śukro na bṛhaspatiḥ

Sanskrit only: no published translation is held for this verse.

शनैश्चरो बुधो नात्र न चेन्द्रो धनदो यमः ।। वरुणोऽपि न विद्येत नान्ये केचिद्दिवौकसः

śanaiścaro budho nātra na cendro dhanado yamaḥ || varuṇo'pi na vidyeta nānye keciddivaukasaḥ

Sanskrit only: no published translation is held for this verse.

वर्जयित्वात्र त्रीन्देवान् ब्रह्मविष्णुमहेश्वरान् ।। पृथिवी भारसन्तप्ता ब्रह्माणं शरणं गता

varjayitvātra trīndevān brahmaviṣṇumaheśvarān || pṛthivī bhārasantaptā brahmāṇaṃ śaraṇaṃ gatā

Sanskrit only: no published translation is held for this verse.

गत्वा च शरणं देवी दैन्यं वदति माधवी ।। प्रसीद मम देवेन्द्र मग्नाहं भारपीडिता

gatvā ca śaraṇaṃ devī dainyaṃ vadati mādhavī || prasīda mama devendra magnāhaṃ bhārapīḍitā

Sanskrit only: no published translation is held for this verse.

सपर्वतवनैः सार्द्धं मां तारय पितामह ।। पृथिव्या वचनं श्रुत्वा ब्रह्मा लोकपितामहः

saparvatavanaiḥ sārddhaṃ māṃ tāraya pitāmaha || pṛthivyā vacanaṃ śrutvā brahmā lokapitāmahaḥ

Sanskrit only: no published translation is held for this verse.

मुहुर्तं ध्यानमास्थाय पृथिवीं तामुवाच ह ।। नाहं तारयितुं शक्तो विषमस्थां वसुन्धरे

muhurtaṃ dhyānamāsthāya pṛthivīṃ tāmuvāca ha || nāhaṃ tārayituṃ śakto viṣamasthāṃ vasundhare

Sanskrit only: no published translation is held for this verse.

लोकनाथं सुरश्रेष्ठमादिकर्त्तारमञ्जसा ।। लोकेशं धन्विनं श्रेष्ठं याहि मायाकरण्डकम्

lokanāthaṃ suraśreṣṭhamādikarttāramañjasā || lokeśaṃ dhanvinaṃ śreṣṭhaṃ yāhi māyākaraṇḍakam

Sanskrit only: no published translation is held for this verse.

सर्वेषामेव नः कार्यं यच्च किञ्चित्प्रवर्त्तते ।। सर्वांस्तारयितुं शक्तः कि पुनस्त्वां वसुन्धरे

sarveṣāmeva naḥ kāryaṃ yacca kiñcitpravarttate || sarvāṃstārayituṃ śaktaḥ ki punastvāṃ vasundhare

Sanskrit only: no published translation is held for this verse.

अनन्तशयने देवं शयानं योगशायिनम् ।। ततः कमलपत्राक्षी नानाभरणभूषिता

anantaśayane devaṃ śayānaṃ yogaśāyinam || tataḥ kamalapatrākṣī nānābharaṇabhūṣitā

Sanskrit only: no published translation is held for this verse.

कृताञ्जलिपुटा देवी प्रसादयति माधवम् ।। धरण्युवाच ।। अहं भारसमायुक्ता ब्रह्माणं शरणङ्गता

kṛtāñjalipuṭā devī prasādayati mādhavam || dharaṇyuvāca || ahaṃ bhārasamāyuktā brahmāṇaṃ śaraṇaṅgatā

Sanskrit only: no published translation is held for this verse.

प्रत्याख्याता भगवता तेनाप्युक्तमिदं वचः ।। नाहं तारयितुं शक्तः सुश्रोणि व्रज माधवम्

pratyākhyātā bhagavatā tenāpyuktamidaṃ vacaḥ || nāhaṃ tārayituṃ śaktaḥ suśroṇi vraja mādhavam

Sanskrit only: no published translation is held for this verse.

स त्वां तारयितुं शक्तो मग्नासि यदि सागरे ।। प्रसीद मम देवेश लोकनाथ जगत्प्रभो

sa tvāṃ tārayituṃ śakto magnāsi yadi sāgare || prasīda mama deveśa lokanātha jagatprabho

Sanskrit only: no published translation is held for this verse.

भक्त्या त्वां शरणं यामि प्रसीद मम माधव।। त्वमादित्यश्च चन्द्रश्च त्वं यमो धनदस्तु वै

bhaktyā tvāṃ śaraṇaṃ yāmi prasīda mama mādhava|| tvamādityaśca candraśca tvaṃ yamo dhanadastu vai

Sanskrit only: no published translation is held for this verse.

वासवो वरुणश्चासि ह्यग्निर्मारुत एव च ।। अक्षरश्च क्षरश्चासि त्वं दिशो विदिशो भवान्

vāsavo varuṇaścāsi hyagnirmāruta eva ca || akṣaraśca kṣaraścāsi tvaṃ diśo vidiśo bhavān

Sanskrit only: no published translation is held for this verse.

मत्स्यः कूर्म्मो वराहश्च नरसिंहोऽसि वामनः ।। रामो रामश्च कृष्णश्च बुद्धः कल्की महात्मवान्

matsyaḥ kūrmmo varāhaśca narasiṃho'si vāmanaḥ || rāmo rāmaśca kṛṣṇaśca buddhaḥ kalkī mahātmavān

Sanskrit only: no published translation is held for this verse.

एवं पश्यसि योगेन श्रूयते त्वं महायशाः ।। युगायुग सहस्राणि व्यतीतान्यसि संस्थितः

evaṃ paśyasi yogena śrūyate tvaṃ mahāyaśāḥ || yugāyuga sahasrāṇi vyatītānyasi saṃsthitaḥ

Sanskrit only: no published translation is held for this verse.

पृथिवी वायुराकाशमापोज्योतिश्च पञ्चमम्।। शब्दस्पर्शस्वरूपोऽसि रसो गन्धोऽसि नो भवान्

pṛthivī vāyurākāśamāpojyotiśca pañcamam|| śabdasparśasvarūpo'si raso gandho'si no bhavān

Sanskrit only: no published translation is held for this verse.

सग्रहाणि च ऋक्षाणि कलाकाष्ठामुहूर्त्तकाः

sagrahāṇi ca ṛkṣāṇi kalākāṣṭhāmuhūrttakāḥ

Sanskrit only: no published translation is held for this verse.

सग्रहा ये च नक्षत्रा कला कालमुहूर्त्तकाः ।। ज्योतिश्चक्रं ध्रुवश्चाऽसि सर्वेषु द्योतते भवान्

sagrahā ye ca nakṣatrā kalā kālamuhūrttakāḥ || jyotiścakraṃ dhruvaścā'si sarveṣu dyotate bhavān

Sanskrit only: no published translation is held for this verse.

मासः पक्षमहोरात्रमृतुः संवत्सराण्यपि

māsaḥ pakṣamahorātramṛtuḥ saṃvatsarāṇyapi

Sanskrit only: no published translation is held for this verse.

कला काष्ठापि षण्मासाः षड्रसाश्चापि संयमः ।। सरितः सागराश्च त्वं पर्वताश्च महोरगाः

kalā kāṣṭhāpi ṣaṇmāsāḥ ṣaḍrasāścāpi saṃyamaḥ || saritaḥ sāgarāśca tvaṃ parvatāśca mahoragāḥ

Sanskrit only: no published translation is held for this verse.

त्वं मेरुर्मन्दरो विन्ध्यो मलयो दर्दुरो भवान् ।। हिमवान्निषधश्चासि सचक्रोऽसि वरायुधः

tvaṃ merurmandaro vindhyo malayo darduro bhavān || himavānniṣadhaścāsi sacakro'si varāyudhaḥ

Sanskrit only: no published translation is held for this verse.

धनुषां च पिनाकोऽसि सांख्ययोगोऽसि चोत्तमः ।। परम्परोऽसि लोकानां नारायणः परायणः

dhanuṣāṃ ca pināko'si sāṃkhyayogo'si cottamaḥ || paramparo'si lokānāṃ nārāyaṇaḥ parāyaṇaḥ

Sanskrit only: no published translation is held for this verse.

संक्षिप्तश्चैव विस्तारो गोप्ता यज्ञश्च शश्वतः।। यज्ञानां च महायज्ञो यूपानामसि संस्थितः

saṃkṣiptaścaiva vistāro goptā yajñaśca śaśvataḥ|| yajñānāṃ ca mahāyajño yūpānāmasi saṃsthitaḥ

Sanskrit only: no published translation is held for this verse.

वेदानां सामवेदोऽसि साङ्गोपाङ्गो महाव्रतः ।। गर्जनं वर्षणं चासि त्वं वेधा अनृतानृते

vedānāṃ sāmavedo'si sāṅgopāṅgo mahāvrataḥ || garjanaṃ varṣaṇaṃ cāsi tvaṃ vedhā anṛtānṛte

Sanskrit only: no published translation is held for this verse.

अमृतं सृजसे विष्णो येन लोकानधारयत् ।। त्वं प्रीतिस्त्वं परा प्रीतिः पुराणः पुरुषो भवान्

amṛtaṃ sṛjase viṣṇo yena lokānadhārayat || tvaṃ prītistvaṃ parā prītiḥ purāṇaḥ puruṣo bhavān

Sanskrit only: no published translation is held for this verse.

धेयाधेयं जगत्सर्वं यच्च किंचित् प्रवर्त्तते ।। सप्तानामपि लोकानां त्वं नाथस्त्वमसंग्रहः

dheyādheyaṃ jagatsarvaṃ yacca kiṃcit pravarttate || saptānāmapi lokānāṃ tvaṃ nāthastvamasaṃgrahaḥ

Sanskrit only: no published translation is held for this verse.

आदित्यस्त्वं युगावर्त्तास्त्वं तपस्वी महातपाः ।। अप्रमाणः प्रमेयोऽसि ऋषीणां च महानृषिः

ādityastvaṃ yugāvarttāstvaṃ tapasvī mahātapāḥ || apramāṇaḥ prameyo'si ṛṣīṇāṃ ca mahānṛṣiḥ

Sanskrit only: no published translation is held for this verse.

अनन्तश्चासि नागानां सर्पाणामसि तक्षकः ।। उद्वहः प्रवहश्चासि वरुणो वारुणो भवान्

anantaścāsi nāgānāṃ sarpāṇāmasi takṣakaḥ || udvahaḥ pravahaścāsi varuṇo vāruṇo bhavān

Sanskrit only: no published translation is held for this verse.

क्रीडाविक्षेपणश्चासि गृहेषु गृहदेवताः ।। सर्वात्मकः सर्वगतो वर्द्धनो मन एव च

krīḍāvikṣepaṇaścāsi gṛheṣu gṛhadevatāḥ || sarvātmakaḥ sarvagato varddhano mana eva ca

Sanskrit only: no published translation is held for this verse.

साङ्गस्त्वं विद्युतीनां च वैद्युतानां महाद्युतिः ।। युगे मन्वन्तरे चापि वृक्षाणां च वनस्पतिः

sāṅgastvaṃ vidyutīnāṃ ca vaidyutānāṃ mahādyutiḥ || yuge manvantare cāpi vṛkṣāṇāṃ ca vanaspatiḥ

Sanskrit only: no published translation is held for this verse.

श्रद्धासि त्वं च देवेश दोषहन्तासि माधव ।। अण्डजोद्भिज्जस्वेदानां जरायूनां च माधव

śraddhāsi tvaṃ ca deveśa doṣahantāsi mādhava || aṇḍajodbhijjasvedānāṃ jarāyūnāṃ ca mādhava

Sanskrit only: no published translation is held for this verse.

गरुडोऽसि महात्मानं वहसि त्वं परायणः ।। दुन्दुभिर्नेमिघोषैश्च आकाशममलो भवान्

garuḍo'si mahātmānaṃ vahasi tvaṃ parāyaṇaḥ || dundubhirnemighoṣaiśca ākāśamamalo bhavān

Sanskrit only: no published translation is held for this verse.

जयश्च विजयश्चासि गृहेषु गृहदेवताः ।। सर्वात्मकः सर्वगतश्चेतनो मन एव च

jayaśca vijayaścāsi gṛheṣu gṛhadevatāḥ || sarvātmakaḥ sarvagataścetano mana eva ca

Sanskrit only: no published translation is held for this verse.

भगस्त्वं विषलिङ्गश्च परस्त्वं परमात्मकः ।। सर्वभूतनमस्कार्यो नमो देव नमो नमः

bhagastvaṃ viṣaliṅgaśca parastvaṃ paramātmakaḥ || sarvabhūtanamaskāryo namo deva namo namaḥ

Sanskrit only: no published translation is held for this verse.

मां त्वं मग्नामसि त्रातुं लोकनाथ इहार्हसि ।। आदिकालात्मकः कृष्णः सर्वलोकात्मको विभुः

māṃ tvaṃ magnāmasi trātuṃ lokanātha ihārhasi || ādikālātmakaḥ kṛṣṇaḥ sarvalokātmako vibhuḥ

Sanskrit only: no published translation is held for this verse.

य इदं पठते स्तोत्रं केशवस्य दृढव्रतः ।। व्याधितो मुच्यते रोगाद्बद्धो मुच्येत बन्धनात्

ya idaṃ paṭhate stotraṃ keśavasya dṛḍhavrataḥ || vyādhito mucyate rogādbaddho mucyeta bandhanāt

Sanskrit only: no published translation is held for this verse.

अपुत्रो लभते पुत्रं दरिद्रो धनमाप्नुयात् ।। अभार्यो लभते भार्यामपतिः पतिमाप्नुयात्

aputro labhate putraṃ daridro dhanamāpnuyāt || abhāryo labhate bhāryāmapatiḥ patimāpnuyāt

Sanskrit only: no published translation is held for this verse.

उभे सन्ध्ये पठेत्स्तोत्रं माधवस्य महात्मनः ।। स गच्छेद्विष्णुलोकं च नात्र कार्या विचारणा

ubhe sandhye paṭhetstotraṃ mādhavasya mahātmanaḥ || sa gacchedviṣṇulokaṃ ca nātra kāryā vicāraṇā

Sanskrit only: no published translation is held for this verse.

एवं तु अक्षरोक्तोऽपि भवेत्तु परिकल्पना ।। तावद्वर्षसहस्राणि स्वर्गलोके महीयते

evaṃ tu akṣarokto'pi bhavettu parikalpanā || tāvadvarṣasahasrāṇi svargaloke mahīyate

Sanskrit only: no published translation is held for this verse.

इति श्रीवराहपुराणे विष्णुस्तवनं नाम त्रयोदशाधिकशततमोऽध्यायः

iti śrīvarāhapurāṇe viṣṇustavanaṃ nāma trayodaśādhikaśatatamo'dhyāyaḥ

Sanskrit only: no published translation is held for this verse.