Varāha Purāṇa 117

अथ द्वात्रिंशदपराधाः।। श्रीवराह उवाच।। शृणु भद्रे महाश्चर्यमाहारविधिनिश्चयम् ।। आहारं चाप्यनाहारं तच्छृणुष्व वसुन्धरे

atha dvātriṃśadaparādhāḥ|| śrīvarāha uvāca|| śṛṇu bhadre mahāścaryamāhāravidhiniścayam || āhāraṃ cāpyanāhāraṃ tacchṛṇuṣva vasundhare

Sanskrit only: no published translation is held for this verse.

भुञ्जानो याति चाश्नाति मम योगाय माधवि ।। अशुभं कर्म कृत्वापि पुरुषो धर्ममाश्रितः

bhuñjāno yāti cāśnāti mama yogāya mādhavi || aśubhaṃ karma kṛtvāpi puruṣo dharmamāśritaḥ

Sanskrit only: no published translation is held for this verse.

आहारं चैव धर्मज्ञ उपभुञ्जीत नित्यशः ।। सर्वे चात्रैव कर्मण्या व्रीहयः शालयस्तथा

āhāraṃ caiva dharmajña upabhuñjīta nityaśaḥ || sarve cātraiva karmaṇyā vrīhayaḥ śālayastathā

Sanskrit only: no published translation is held for this verse.

अकर्मण्यानि वक्ष्यामि येन भोज्यंति मां प्रति ।। तेन वै भुक्तमार्गेण अपराधो महौजसः

akarmaṇyāni vakṣyāmi yena bhojyaṃti māṃ prati || tena vai bhuktamārgeṇa aparādho mahaujasaḥ

Sanskrit only: no published translation is held for this verse.

प्रथमं चापराधान्नं न रोचेत मम प्रिये ।। भुक्त्वा तु परकीयान्नं तत्परस्तन्निवर्त्तनः

prathamaṃ cāparādhānnaṃ na roceta mama priye || bhuktvā tu parakīyānnaṃ tatparastannivarttanaḥ

Sanskrit only: no published translation is held for this verse.

द्वितीयस्त्वपराधोऽयं धर्मविघ्नाय वै भवेत् ।। गत्वा मैथुनसंयागं यो नु मां स्पृशते नरः

dvitīyastvaparādho'yaṃ dharmavighnāya vai bhavet || gatvā maithunasaṃyāgaṃ yo nu māṃ spṛśate naraḥ

Sanskrit only: no published translation is held for this verse.

तृतीयमपराधं तु कल्पयामि वसुंधरे ।। दृष्ट्वा रजस्वलां नारीमस्माकं यः प्रपद्यते

tṛtīyamaparādhaṃ tu kalpayāmi vasuṃdhare || dṛṣṭvā rajasvalāṃ nārīmasmākaṃ yaḥ prapadyate

Sanskrit only: no published translation is held for this verse.

चतुर्थमपराधं तु दृष्टं नैव क्षपाम्यहम् ।। स्पृष्ट्वा तु मृतकं चैव असंस्कारकृतं तु वै

caturthamaparādhaṃ tu dṛṣṭaṃ naiva kṣapāmyaham || spṛṣṭvā tu mṛtakaṃ caiva asaṃskārakṛtaṃ tu vai

Sanskrit only: no published translation is held for this verse.

पंचमं चापराधं च न क्षमामि वसुंधरे ।। दृष्ट्वा तु मृतकं यस्तु नाचम्य स्पृशते तु माम्

paṃcamaṃ cāparādhaṃ ca na kṣamāmi vasuṃdhare || dṛṣṭvā tu mṛtakaṃ yastu nācamya spṛśate tu mām

Sanskrit only: no published translation is held for this verse.

षष्ठं तं चापराधं वै न क्षमामि वसुंधरे ।। ममार्चनस्य काले तु पुरीषं यस्तु गच्छति

ṣaṣṭhaṃ taṃ cāparādhaṃ vai na kṣamāmi vasuṃdhare || mamārcanasya kāle tu purīṣaṃ yastu gacchati

Sanskrit only: no published translation is held for this verse.

सप्तमं चापराधं तु कल्पयामि वसुंधरे ।। यस्तु नीलेन वस्त्रेण प्रावृतो मां प्रपद्यते

saptamaṃ cāparādhaṃ tu kalpayāmi vasuṃdhare || yastu nīlena vastreṇa prāvṛto māṃ prapadyate

Sanskrit only: no published translation is held for this verse.

अष्टमं चापराधं च कल्पयामि वसुन्धरे ।। ममैवार्च्चनकाले तु यस्त्वसमं प्रभाषते

aṣṭamaṃ cāparādhaṃ ca kalpayāmi vasundhare || mamaivārccanakāle tu yastvasamaṃ prabhāṣate

Sanskrit only: no published translation is held for this verse.

नवमं चापराधं तं न रोचामि वसुन्धरे ।। अविधानं तु यः स्पृश्य मामेव प्रतिपद्यते

navamaṃ cāparādhaṃ taṃ na rocāmi vasundhare || avidhānaṃ tu yaḥ spṛśya māmeva pratipadyate

Sanskrit only: no published translation is held for this verse.

दशमश्चापराधोऽयं मम चाप्रियकारकः ।। क्रुद्धस्तु यानि कर्माणि कुरुते कर्मकारकः

daśamaścāparādho'yaṃ mama cāpriyakārakaḥ || kruddhastu yāni karmāṇi kurute karmakārakaḥ

Sanskrit only: no published translation is held for this verse.

एकादशापराधं तु कल्पयामि वसुंधरे ।। अकर्मण्यानि पुण्यानि यस्तु मामुपकल्पयेत्

ekādaśāparādhaṃ tu kalpayāmi vasuṃdhare || akarmaṇyāni puṇyāni yastu māmupakalpayet

Sanskrit only: no published translation is held for this verse.

द्वादशं चापराधं तं कल्पयामि वसुंधरे ।। यस्तु रक्तेन वस्त्रेण कौसुम्भेनोपगच्छति

dvādaśaṃ cāparādhaṃ taṃ kalpayāmi vasuṃdhare || yastu raktena vastreṇa kausumbhenopagacchati

Sanskrit only: no published translation is held for this verse.

त्रयोदशं चापराधं कल्पयामि वसुन्धरे ।। अन्धकारे च मां देवि यः स्पृशेत कदाचन

trayodaśaṃ cāparādhaṃ kalpayāmi vasundhare || andhakāre ca māṃ devi yaḥ spṛśeta kadācana

Sanskrit only: no published translation is held for this verse.

चतुर्द्दशापराधं तु कल्पयामि वसुन्धरे ।। यस्तु कृष्णेन वस्त्रेण मम कर्माणि कारयेत्

caturddaśāparādhaṃ tu kalpayāmi vasundhare || yastu kṛṣṇena vastreṇa mama karmāṇi kārayet

Sanskrit only: no published translation is held for this verse.

अपराधं पंचदशं कल्पयामि वसुंधरे ।। अधौतेन तु वस्त्रेण यस्तु मामुपकल्पयेत्

aparādhaṃ paṃcadaśaṃ kalpayāmi vasuṃdhare || adhautena tu vastreṇa yastu māmupakalpayet

Sanskrit only: no published translation is held for this verse.

षोडशं त्वपराधानां कल्पयामि वरानने ।। स्वयमन्नं तु यो ह्ययादज्ञानादपि माधवि

ṣoḍaśaṃ tvaparādhānāṃ kalpayāmi varānane || svayamannaṃ tu yo hyayādajñānādapi mādhavi

Sanskrit only: no published translation is held for this verse.

अपराधं सप्तदशं कल्पयामि वसुन्धरे ।। यस्तु मात्स्यानि मांसानि भक्षयित्वा प्रपद्यते

aparādhaṃ saptadaśaṃ kalpayāmi vasundhare || yastu mātsyāni māṃsāni bhakṣayitvā prapadyate

Sanskrit only: no published translation is held for this verse.

अष्टादशापराधं च कल्पयामि वसुंधरे ।। जालपादं भक्षयित्वा यस्तु मामुपसर्पति

aṣṭādaśāparādhaṃ ca kalpayāmi vasuṃdhare || jālapādaṃ bhakṣayitvā yastu māmupasarpati

Sanskrit only: no published translation is held for this verse.

एकोनविंशापराधं कल्पयामि वसुंधरे ।। यस्तु मे दीपकं स्पृष्ट्वा मामेव प्रतिपद्यते

ekonaviṃśāparādhaṃ kalpayāmi vasuṃdhare || yastu me dīpakaṃ spṛṣṭvā māmeva pratipadyate

Sanskrit only: no published translation is held for this verse.

विंशकं चापराधं तं कल्पयामि वरानने ।। श्मशानं यस्तु वै गत्वा मामेव प्रतिपद्यते

viṃśakaṃ cāparādhaṃ taṃ kalpayāmi varānane || śmaśānaṃ yastu vai gatvā māmeva pratipadyate

Sanskrit only: no published translation is held for this verse.

एकविंशापराधं तं कल्पयामि वसुन्धरे ।। पिण्याकं भक्षयित्वा तु यो मामेवाभिगच्छति

ekaviṃśāparādhaṃ taṃ kalpayāmi vasundhare || piṇyākaṃ bhakṣayitvā tu yo māmevābhigacchati

Sanskrit only: no published translation is held for this verse.

द्वाविंशं चापराधं तं कल्पयामि प्रिये सदा ।। यस्तु वाराह मांसानि प्रापणेनोपपादयेत्

dvāviṃśaṃ cāparādhaṃ taṃ kalpayāmi priye sadā || yastu vārāha māṃsāni prāpaṇenopapādayet

Sanskrit only: no published translation is held for this verse.

अपराधं त्रयोविंशं कल्पयामि वसुन्धरे ।। सुरां पीत्वा तु यो मर्त्यः कदाचिदुपसर्पति

aparādhaṃ trayoviṃśaṃ kalpayāmi vasundhare || surāṃ pītvā tu yo martyaḥ kadācidupasarpati

Sanskrit only: no published translation is held for this verse.

अपराधं चतुर्विंशं कल्पयामि वसुन्धरे ।। यः कुसुम्भं च मे शाकं भक्षयित्वोपचक्रमे

aparādhaṃ caturviṃśaṃ kalpayāmi vasundhare || yaḥ kusumbhaṃ ca me śākaṃ bhakṣayitvopacakrame

Sanskrit only: no published translation is held for this verse.

अपराधं पंचविंशं कल्पयामि वसुन्धरे ।। परप्रावरणेनैव यस्तु मामुपसर्पति

aparādhaṃ paṃcaviṃśaṃ kalpayāmi vasundhare || paraprāvaraṇenaiva yastu māmupasarpati

Sanskrit only: no published translation is held for this verse.

अपराधेषु षड्विंशं कल्पयामि वसुन्धरे ।। नवान्नं यस्तु भक्षेत न देवान्न पितॄन्यजेत्

aparādheṣu ṣaḍviṃśaṃ kalpayāmi vasundhare || navānnaṃ yastu bhakṣeta na devānna pitṝnyajet

Sanskrit only: no published translation is held for this verse.

सप्तविंशं चापराधं कल्पयामि गुणान्विते ।। उपानहौ च प्रपदे तथा वापीं च गच्छति

saptaviṃśaṃ cāparādhaṃ kalpayāmi guṇānvite || upānahau ca prapade tathā vāpīṃ ca gacchati

Sanskrit only: no published translation is held for this verse.

अपराधं त्वष्टविंशं कल्पयामि गुणान्विते ।। शरीरं मर्द्दयित्वा तु यो मामाप्नोति माधवि

aparādhaṃ tvaṣṭaviṃśaṃ kalpayāmi guṇānvite || śarīraṃ marddayitvā tu yo māmāpnoti mādhavi

Sanskrit only: no published translation is held for this verse.

एकोनविंशापराधो न स स्वर्गेषु गच्छति ।। अजीर्णेन समाविष्टो यस्तु मामुपगच्छति

ekonaviṃśāparādho na sa svargeṣu gacchati || ajīrṇena samāviṣṭo yastu māmupagacchati

Sanskrit only: no published translation is held for this verse.

त्रिंशकं चापराधं तं कल्पयामि यशस्विनि ।। गन्धपुष्पाण्यदत्त्वा तु यस्तु धूपं प्रयच्छते

triṃśakaṃ cāparādhaṃ taṃ kalpayāmi yaśasvini || gandhapuṣpāṇyadattvā tu yastu dhūpaṃ prayacchate

Sanskrit only: no published translation is held for this verse.

एकत्रिंशं चापराधं कल्पयामि मनस्विनि ।। विना भेर्यादिशब्देन द्वारस्योद्धाटनं मम

ekatriṃśaṃ cāparādhaṃ kalpayāmi manasvini || vinā bheryādiśabdena dvārasyoddhāṭanaṃ mama

Sanskrit only: no published translation is held for this verse.

महापराधं जनीयाद्द्वात्रिंशं तं मम प्रिये ।। अन्यच्च शृणु वक्ष्यामि दृढव्रतमनुत्तमम्

mahāparādhaṃ janīyāddvātriṃśaṃ taṃ mama priye || anyacca śṛṇu vakṣyāmi dṛḍhavratamanuttamam

Sanskrit only: no published translation is held for this verse.

कृत्वा चावश्यकं कर्म मम लोकं च गच्छति ।। नित्ययुक्तश्च शास्त्रज्ञो मम कर्मपरायणः

kṛtvā cāvaśyakaṃ karma mama lokaṃ ca gacchati || nityayuktaśca śāstrajño mama karmaparāyaṇaḥ

Sanskrit only: no published translation is held for this verse.

अहिंसापरमश्चैव सर्वभूतदयापरः ।। सामान्यश्च शुचिर्दक्षो मम नित्यं पथि स्थितः

ahiṃsāparamaścaiva sarvabhūtadayāparaḥ || sāmānyaśca śucirdakṣo mama nityaṃ pathi sthitaḥ

Sanskrit only: no published translation is held for this verse.

निगृह्य चेन्द्रियग्राममपराधविवर्जितः ।। उदारो धार्मिकश्चैव स्वदारेषु सुनिष्ठितः

nigṛhya cendriyagrāmamaparādhavivarjitaḥ || udāro dhārmikaścaiva svadāreṣu suniṣṭhitaḥ

Sanskrit only: no published translation is held for this verse.

शास्त्रज्ञः कुशलश्चैव मम कर्मपरायणः।। चातुर्वर्ण्यस्य मे भद्रे सन्मार्गेषु व्यवस्थितः

śāstrajñaḥ kuśalaścaiva mama karmaparāyaṇaḥ|| cāturvarṇyasya me bhadre sanmārgeṣu vyavasthitaḥ

Sanskrit only: no published translation is held for this verse.

आचार्यभक्ता देवेषु भक्ता भर्तरि वत्सला।। संसारेष्वपि वर्त्तन्ती गच्छन्ती त्वग्रतो यदि

ācāryabhaktā deveṣu bhaktā bhartari vatsalā|| saṃsāreṣvapi varttantī gacchantī tvagrato yadi

Sanskrit only: no published translation is held for this verse.

मम लोकस्थिता सा वै भर्त्तारं प्रसमीक्षते।। पुरुषो यदि मद्भक्तः स्त्रियं त्यक्त्वा च गच्छति

mama lokasthitā sā vai bharttāraṃ prasamīkṣate|| puruṣo yadi madbhaktaḥ striyaṃ tyaktvā ca gacchati

Sanskrit only: no published translation is held for this verse.

स ततोऽत्र प्रतीक्षेत भार्यां भर्त्तरि वत्सलाम्।। अन्यच्च ते प्रवक्ष्यामि कर्मणां कर्म चोत्तमम्

sa tato'tra pratīkṣeta bhāryāṃ bharttari vatsalām|| anyacca te pravakṣyāmi karmaṇāṃ karma cottamam

Sanskrit only: no published translation is held for this verse.

ऋषयो मां न पश्यन्ति मम कर्मपथे स्थिताः ।। द्रष्टव्या मम लोकेषु ऋषयोऽपि वरानने

ṛṣayo māṃ na paśyanti mama karmapathe sthitāḥ || draṣṭavyā mama lokeṣu ṛṣayo'pi varānane

Sanskrit only: no published translation is held for this verse.

किं पुनर्मानुषा ये च मम कर्मव्यवस्थिताः ।। अन्यदेवेषु ये भक्ता मूढा वै पापचेतसः

kiṃ punarmānuṣā ye ca mama karmavyavasthitāḥ || anyadeveṣu ye bhaktā mūḍhā vai pāpacetasaḥ

Sanskrit only: no published translation is held for this verse.

मम मायाविमूढास्तु न प्रपद्यन्ति माधवि ।। मां तु ये वै प्रपद्यन्ते मोक्षकामा वसुन्धरे

mama māyāvimūḍhāstu na prapadyanti mādhavi || māṃ tu ye vai prapadyante mokṣakāmā vasundhare

Sanskrit only: no published translation is held for this verse.

तानहं भावसंसिद्धान्बुद्ध्वा संविभजामि वै ।। येन त्वं परया शक्त्या धारितासि मया धरे

tānahaṃ bhāvasaṃsiddhānbuddhvā saṃvibhajāmi vai || yena tvaṃ parayā śaktyā dhāritāsi mayā dhare

Sanskrit only: no published translation is held for this verse.

तेनेदं कथितं देवि आख्यानं धर्मसंयुतम् ।। पिशुनाय न दातव्यं न च मूर्खाय माधवि

tenedaṃ kathitaṃ devi ākhyānaṃ dharmasaṃyutam || piśunāya na dātavyaṃ na ca mūrkhāya mādhavi

Sanskrit only: no published translation is held for this verse.

ततो न चोपदिष्टाय न शठाय प्रदापयेत ।। नादीक्षिताय दातव्यं नोपसर्प्याय यत्नतः

tato na copadiṣṭāya na śaṭhāya pradāpayeta || nādīkṣitāya dātavyaṃ nopasarpyāya yatnataḥ

Sanskrit only: no published translation is held for this verse.

शठाय च न दातव्यं नास्तिकाय न माधवि ।। वर्जयित्वा भागवतं मम कर्मपरायणम्

śaṭhāya ca na dātavyaṃ nāstikāya na mādhavi || varjayitvā bhāgavataṃ mama karmaparāyaṇam

Sanskrit only: no published translation is held for this verse.

एतत्ते कथितं देवि मम धर्मं महौजसम् ।। सर्वलोकहितार्थाय किमन्यत्परिपृच्छसि

etatte kathitaṃ devi mama dharmaṃ mahaujasam || sarvalokahitārthāya kimanyatparipṛcchasi

Sanskrit only: no published translation is held for this verse.

इति श्रीवराहपुराणे द्वात्रिंशदपराधकथनं नाम सप्तदशाधिकशततमोऽध्यायः

iti śrīvarāhapurāṇe dvātriṃśadaparādhakathanaṃ nāma saptadaśādhikaśatatamo'dhyāyaḥ

Sanskrit only: no published translation is held for this verse.