Varāha Purāṇa 119

अथ भोज्यनियमविधिः ।। धरण्युवाच ।। एवं कर्मविधिं श्रुत्वा सर्व संसारमोक्षणम् ।। प्रसन्नवदनं देवं पुनर्वाक्यमुवाच ह

atha bhojyaniyamavidhiḥ || dharaṇyuvāca || evaṃ karmavidhiṃ śrutvā sarva saṃsāramokṣaṇam || prasannavadanaṃ devaṃ punarvākyamuvāca ha

Sanskrit only: no published translation is held for this verse.

एवं महौजसं कर्म तव मार्गानुसारतः ।। त्वत्तस्तु प्रापणविधिस्तव प्रीत्या मया श्रुतः

evaṃ mahaujasaṃ karma tava mārgānusārataḥ || tvattastu prāpaṇavidhistava prītyā mayā śrutaḥ

Sanskrit only: no published translation is held for this verse.

केन द्रव्येण संयुक्तं तन्ममाचक्ष्व माधव ।। वसुधाया वचः श्रुत्वा वराहः प्रीतमानसः

kena dravyeṇa saṃyuktaṃ tanmamācakṣva mādhava || vasudhāyā vacaḥ śrutvā varāhaḥ prītamānasaḥ

Sanskrit only: no published translation is held for this verse.

उवाच धर्मसंयुक्तं धर्मज्ञो वाक्यकोविदः ।। श्रीवराह उवाच ।। येन मन्त्रेण संयुक्तो मम प्रापणकं नयेत्

uvāca dharmasaṃyuktaṃ dharmajño vākyakovidaḥ || śrīvarāha uvāca || yena mantreṇa saṃyukto mama prāpaṇakaṃ nayet

Sanskrit only: no published translation is held for this verse.

सप्त व्रीहींस्ततो गृह्य पयसा सह संयुतम् ।। परमं तस्य शाकानि मधूकोदुम्बरं तथा

sapta vrīhīṃstato gṛhya payasā saha saṃyutam || paramaṃ tasya śākāni madhūkodumbaraṃ tathā

Sanskrit only: no published translation is held for this verse.

एते चान्ये च बहवः शतशोऽथ सहस्रशः ।। कर्मण्याश्च त एतेषां ये मया परिकीर्त्तिताः

ete cānye ca bahavaḥ śataśo'tha sahasraśaḥ || karmaṇyāśca ta eteṣāṃ ye mayā parikīrttitāḥ

Sanskrit only: no published translation is held for this verse.

व्रीहीणां च प्रवक्ष्यामि उपयोग्यानि माधवि ।। एकाग्रं मानसं कृत्वा प्रापणं शृणु सुन्दरि

vrīhīṇāṃ ca pravakṣyāmi upayogyāni mādhavi || ekāgraṃ mānasaṃ kṛtvā prāpaṇaṃ śṛṇu sundari

Sanskrit only: no published translation is held for this verse.

धर्मचिल्लिकशाकं च सुगन्धं रक्तमालिकौ ।। दीर्घशालिमहाशाली वरकुङ्कुममाक्षिकौ

dharmacillikaśākaṃ ca sugandhaṃ raktamālikau || dīrghaśālimahāśālī varakuṅkumamākṣikau

Sanskrit only: no published translation is held for this verse.

आमोदा शिवसुन्दर्यौ शिरीकाकुलशालिकाः ।। विविधं यावकान्नं च ज्ञेयान्येतानि कर्मणि

āmodā śivasundaryau śirīkākulaśālikāḥ || vividhaṃ yāvakānnaṃ ca jñeyānyetāni karmaṇi

Sanskrit only: no published translation is held for this verse.

कर्मण्या मुद्गमाषा वै तिलकङ्गुकुलित्थकाः ।। गवेधुकं महामोहं मकुष्ठमथवाहिजाम्

karmaṇyā mudgamāṣā vai tilakaṅgukulitthakāḥ || gavedhukaṃ mahāmohaṃ makuṣṭhamathavāhijām

Sanskrit only: no published translation is held for this verse.

श्यामाकमिति चोक्तानि कर्मण्यानि वसुन्धरे ।। कर्मण्यानि च शाकानि विजानीहि वसुन्धरे।

śyāmākamiti coktāni karmaṇyāni vasundhare || karmaṇyāni ca śākāni vijānīhi vasundhare|

Sanskrit only: no published translation is held for this verse.

एतानि प्रतिगृह्णामि यच्च भागवतं प्रियम्।। मार्गमांसं वरं छागं शासं समनुयुज्यते

etāni pratigṛhṇāmi yacca bhāgavataṃ priyam|| mārgamāṃsaṃ varaṃ chāgaṃ śāsaṃ samanuyujyate

Sanskrit only: no published translation is held for this verse.

एतानि प्रापणे दद्यान्मम चैतत्प्रियावहम्।। युञ्जानो वितते यज्ञे ब्राह्मणे वेदपारगे

etāni prāpaṇe dadyānmama caitatpriyāvaham|| yuñjāno vitate yajñe brāhmaṇe vedapārage

Sanskrit only: no published translation is held for this verse.

भागो ममास्ति तत्रापि पशूनां छागलस्य च।। माहिषं वर्जयेन्मह्यं क्षीरं दधि घृतं ततः

bhāgo mamāsti tatrāpi paśūnāṃ chāgalasya ca|| māhiṣaṃ varjayenmahyaṃ kṣīraṃ dadhi ghṛtaṃ tataḥ

Sanskrit only: no published translation is held for this verse.

वर्जयेत्तत्र मांसानि यजुषा वैष्णवोऽश्नुते ।। परं पायसमपि वर्ज्यानि तन्मांसं चेतकः खुरे

varjayettatra māṃsāni yajuṣā vaiṣṇavo'śnute || paraṃ pāyasamapi varjyāni tanmāṃsaṃ cetakaḥ khure

Sanskrit only: no published translation is held for this verse.

पक्षिणां च प्रवक्ष्यामि ये प्रयोज्या वसुन्धरे ।। ये चैव मम क्षेत्रेषु उपयुज्यन्ति नित्यशः

pakṣiṇāṃ ca pravakṣyāmi ye prayojyā vasundhare || ye caiva mama kṣetreṣu upayujyanti nityaśaḥ

Sanskrit only: no published translation is held for this verse.

लावकं वार्त्तिकं चैव प्रशस्तं च कपिञ्जलम् ।। एते चान्ये च बहवः शतशोऽथ सहस्रशः

lāvakaṃ vārttikaṃ caiva praśastaṃ ca kapiñjalam || ete cānye ca bahavaḥ śataśo'tha sahasraśaḥ

Sanskrit only: no published translation is held for this verse.

मम कर्मणि योग्या ये ते मया परिकीर्त्तिताः ।। यस्त्वेतत्तु विजानीयात्कर्मकर्ता तथैव च

mama karmaṇi yogyā ye te mayā parikīrttitāḥ || yastvetattu vijānīyātkarmakartā tathaiva ca

Sanskrit only: no published translation is held for this verse.

नापराध्नोति स नरो मम चोक्तं वचः प्रिये ।। ते च भोज्याश्च मङ्गल्या मम भक्तसुखावहाः

nāparādhnoti sa naro mama coktaṃ vacaḥ priye || te ca bhojyāśca maṅgalyā mama bhaktasukhāvahāḥ

Sanskrit only: no published translation is held for this verse.

ततो यष्टव्यमेवं हि य इच्छेत् सिद्धिमुत्तमाम् ।। य एतेन विधानेन यजिष्यति वसुन्धरे

tato yaṣṭavyamevaṃ hi ya icchet siddhimuttamām || ya etena vidhānena yajiṣyati vasundhare

Sanskrit only: no published translation is held for this verse.

प्राप्नुवन्ति परां सिद्धिं ममैव कृतकर्मिणः ।। इति श्रीवराहपुराणे भगवच्छास्त्रे प्रापणद्रव्य कर्मण्य भोज्यनियमविधिर्नामोनविंशत्यधिकशततमोऽध्यायः

prāpnuvanti parāṃ siddhiṃ mamaiva kṛtakarmiṇaḥ || iti śrīvarāhapurāṇe bhagavacchāstre prāpaṇadravya karmaṇya bhojyaniyamavidhirnāmonaviṃśatyadhikaśatatamo'dhyāyaḥ

Sanskrit only: no published translation is held for this verse.