Varāha Purāṇa 120

श्रीवराह उवाच ।। शृणुष्व परमं गुह्यं पूर्वं पृष्टं त्वया धरे ।। देवि सर्वं प्रवक्ष्यामि संसारतरणं महत्

śrīvarāha uvāca || śṛṇuṣva paramaṃ guhyaṃ pūrvaṃ pṛṣṭaṃ tvayā dhare || devi sarvaṃ pravakṣyāmi saṃsārataraṇaṃ mahat

Sanskrit only: no published translation is held for this verse.

स्नानं कृत्वा यथान्यायं मम कर्मपरायणाः।। उपसर्पन्ति ये भक्त्या कदन्नाशा जितेन्द्रियाः

snānaṃ kṛtvā yathānyāyaṃ mama karmaparāyaṇāḥ|| upasarpanti ye bhaktyā kadannāśā jitendriyāḥ

Sanskrit only: no published translation is held for this verse.

यश्चैवमुच्यते भद्रे मम रूपं सनातनम् ।। अहमेव वरारोहे सर्वभूतसनातनम्

yaścaivamucyate bhadre mama rūpaṃ sanātanam || ahameva varārohe sarvabhūtasanātanam

Sanskrit only: no published translation is held for this verse.

अधश्चोर्ध्वं च तिर्यक् च अहमेव व्यवस्थितः ।। दिशां च विदिशां चैव उपर्युपरि भामिनि

adhaścordhvaṃ ca tiryak ca ahameva vyavasthitaḥ || diśāṃ ca vidiśāṃ caiva uparyupari bhāmini

Sanskrit only: no published translation is held for this verse.

सर्वथा वन्दनीयास्ते मम भक्तेन सर्वदा ।। क्रियासमूह युक्तेन यदीच्छेत्परमां गतिम्

sarvathā vandanīyāste mama bhaktena sarvadā || kriyāsamūha yuktena yadīcchetparamāṃ gatim

Sanskrit only: no published translation is held for this verse.

अन्यच्च ते प्रवक्ष्यामि गुह्यं लोके महद्यशः ।। यथा वै वन्दनीयास्ते मम मार्गानुसारिणः

anyacca te pravakṣyāmi guhyaṃ loke mahadyaśaḥ || yathā vai vandanīyāste mama mārgānusāriṇaḥ

Sanskrit only: no published translation is held for this verse.

कृत्वापि परमं कर्म बुद्धिमादाय तद्विधाम् ।। ततः पूर्वमुखो भूत्वा पुनर्गृह्य जलाञ्जलिम्

kṛtvāpi paramaṃ karma buddhimādāya tadvidhām || tataḥ pūrvamukho bhūtvā punargṛhya jalāñjalim

Sanskrit only: no published translation is held for this verse.

ओं नमो नारायणेत्युक्त्वा इमं मन्त्रमुदीरयेत्

oṃ namo nārāyaṇetyuktvā imaṃ mantramudīrayet

Sanskrit only: no published translation is held for this verse.

यजामहे धर्मपरायणोद्भवं नारायणं सर्वलोकप्रधानम् ।। ईशानमाद्यं पुरुषं पुराणं संसारमोक्षाय कृपाकरं तम्

yajāmahe dharmaparāyaṇodbhavaṃ nārāyaṇaṃ sarvalokapradhānam || īśānamādyaṃ puruṣaṃ purāṇaṃ saṃsāramokṣāya kṛpākaraṃ tam

Sanskrit only: no published translation is held for this verse.

ततः पश्चान्मुखो भूत्वा पुनर्गृह्य जलांजलिम् ।। द्वादशाक्षरमुच्चार्य इमं मन्त्रमुदीरयेत् । 120.१० ।। मन्त्रा ऊचुः ।। यथा तु देवः प्रथमादिकर्त्ता पुराण कल्पश्च यथा विभूतिः ।। तथा स्थितं चादिमनन्तरूपममोघसंकल्पमनन्तमीडे

tataḥ paścānmukho bhūtvā punargṛhya jalāṃjalim || dvādaśākṣaramuccārya imaṃ mantramudīrayet | 120.10 || mantrā ūcuḥ || yathā tu devaḥ prathamādikarttā purāṇa kalpaśca yathā vibhūtiḥ || tathā sthitaṃ cādimanantarūpamamoghasaṃkalpamanantamīḍe

Sanskrit only: no published translation is held for this verse.

ततस्तेनैव कालेन पुनर्गृह्य जलांजलिम् ।। तेनैव चास्य योगेन भूत्वा चैवोत्तरामुखः ।। नमो नारायणेत्युक्त्वा इमं मंत्रमुदीरयेत्

tatastenaiva kālena punargṛhya jalāṃjalim || tenaiva cāsya yogena bhūtvā caivottarāmukhaḥ || namo nārāyaṇetyuktvā imaṃ maṃtramudīrayet

Sanskrit only: no published translation is held for this verse.

ततस्तेनैव कालेन भूत्वा वै दक्षिणामुखः ।। नमः पुरुषोत्तमायेत्युक्त्वा इमं मन्त्रमुदीरयेत्

tatastenaiva kālena bhūtvā vai dakṣiṇāmukhaḥ || namaḥ puruṣottamāyetyuktvā imaṃ mantramudīrayet

Sanskrit only: no published translation is held for this verse.

यजामहे यज्ञमहो रूपं तु सत्यं ऋतं च कालादिमरूपमाद्यम्।। अनन्यरूपं च महानुभावं संसारमाक्षोय कृतावतारम्

yajāmahe yajñamaho rūpaṃ tu satyaṃ ṛtaṃ ca kālādimarūpamādyam|| ananyarūpaṃ ca mahānubhāvaṃ saṃsāramākṣoya kṛtāvatāram

Sanskrit only: no published translation is held for this verse.

काष्ठकृत्यस्ततो भूत्वा कृत्वा चेन्द्रियनिग्रहम्।। अच्युते तु मनः कृत्वा इमं मंत्रमुदाहरेत्

kāṣṭhakṛtyastato bhūtvā kṛtvā cendriyanigraham|| acyute tu manaḥ kṛtvā imaṃ maṃtramudāharet

Sanskrit only: no published translation is held for this verse.

यजामहे सोमपं भवन्तं ते सोमार्कनेत्रं शतपत्रनेत्रम्।। जगत्प्रधानं ननु लोकनाथं मृत्युत्रिसंसारविमोक्षणं च

yajāmahe somapaṃ bhavantaṃ te somārkanetraṃ śatapatranetram|| jagatpradhānaṃ nanu lokanāthaṃ mṛtyutrisaṃsāravimokṣaṇaṃ ca

Sanskrit only: no published translation is held for this verse.

त्रिषु सन्ध्यास्वनेनैव विधिना कुर्यान्मम च कर्म तत्।। बुद्ध्या युक्त्या च मत्या च यदीच्छेत्परमां गतिम्

triṣu sandhyāsvanenaiva vidhinā kuryānmama ca karma tat|| buddhyā yuktyā ca matyā ca yadīcchetparamāṃ gatim

Sanskrit only: no published translation is held for this verse.

गुह्यानां परमं गुह्यं योगानां परमो निधिः ।। सांख्यानां परमं सांख्यं कर्मणां कर्म चोत्तमम्

guhyānāṃ paramaṃ guhyaṃ yogānāṃ paramo nidhiḥ || sāṃkhyānāṃ paramaṃ sāṃkhyaṃ karmaṇāṃ karma cottamam

Sanskrit only: no published translation is held for this verse.

एतन्न दद्यान्मूर्खाय पिशुनाय शठाय च ।। दीक्षितायैव दातव्यं सुशिष्याय दृढाय च

etanna dadyānmūrkhāya piśunāya śaṭhāya ca || dīkṣitāyaiva dātavyaṃ suśiṣyāya dṛḍhāya ca

Sanskrit only: no published translation is held for this verse.

एतन्मरणकालेऽपि गुह्यं विष्णुप्रभाषितम् ।। बुद्ध्या धारयितव्यं न विस्मर्त्तव्यं कदाचन

etanmaraṇakāle'pi guhyaṃ viṣṇuprabhāṣitam || buddhyā dhārayitavyaṃ na vismarttavyaṃ kadācana

Sanskrit only: no published translation is held for this verse.

य एतत्पठते नित्यं कल्पोच्छ्रायी दृढव्रतः ।। ममापि हृदये नित्यं स तिष्ठति न संशयः

ya etatpaṭhate nityaṃ kalpocchrāyī dṛḍhavrataḥ || mamāpi hṛdaye nityaṃ sa tiṣṭhati na saṃśayaḥ

Sanskrit only: no published translation is held for this verse.

य एतेन विधानेन त्रिसन्ध्यं कर्म कारयेत् ।। तिर्यग्योनिविनिर्मुक्तो मम लोकं स गच्छति

ya etena vidhānena trisandhyaṃ karma kārayet || tiryagyonivinirmukto mama lokaṃ sa gacchati

Sanskrit only: no published translation is held for this verse.

इति श्रीवराहपुराणे भगवच्छास्त्रे त्रिसन्ध्यामन्त्रोपस्थानकरणं नाम विंशत्यधिकशततमोऽध्यायः

iti śrīvarāhapurāṇe bhagavacchāstre trisandhyāmantropasthānakaraṇaṃ nāma viṃśatyadhikaśatatamo'dhyāyaḥ

Sanskrit only: no published translation is held for this verse.