Varāha Purāṇa 121

अथ जन्माभावः ।। श्रीवराह उवाच ।। येन गर्भं न गच्छेत तच्छृणुष्व वसुन्धरे ।। कथयिष्यामि ते ह्येवं सर्वधर्मविनिश्चयम्

atha janmābhāvaḥ || śrīvarāha uvāca || yena garbhaṃ na gaccheta tacchṛṇuṣva vasundhare || kathayiṣyāmi te hyevaṃ sarvadharmaviniścayam

Sanskrit only: no published translation is held for this verse.

कृत्वापि विपुलं कर्म आत्मानं न प्रशंसति ।। करोति बहुकर्माणि शुद्धेनैवान्तरात्मना

kṛtvāpi vipulaṃ karma ātmānaṃ na praśaṃsati || karoti bahukarmāṇi śuddhenaivāntarātmanā

Sanskrit only: no published translation is held for this verse.

कृत्वा तु मम कर्माणि समर्थोऽनुग्रहे रतः ।। कार्याकार्ये विजानाति सर्वधर्मेषु निष्ठितः

kṛtvā tu mama karmāṇi samartho'nugrahe rataḥ || kāryākārye vijānāti sarvadharmeṣu niṣṭhitaḥ

Sanskrit only: no published translation is held for this verse.

शीतोष्णवातवर्षादिक्षुत्पिपासासहश्च यः ।। यो दरिद्रो निरालस्यः सत्यवागनसूयकः

śītoṣṇavātavarṣādikṣutpipāsāsahaśca yaḥ || yo daridro nirālasyaḥ satyavāganasūyakaḥ

Sanskrit only: no published translation is held for this verse.

स्वदारनिरतो नित्यं परदारविवर्जकः ।। सत्यवादी विशुद्धात्मा नित्यं च भगवत्प्रियः

svadāranirato nityaṃ paradāravivarjakaḥ || satyavādī viśuddhātmā nityaṃ ca bhagavatpriyaḥ

Sanskrit only: no published translation is held for this verse.

संविभाज्य विशेषज्ञो नित्यं ब्राह्मणवत्सलः ।। प्रियभाषी द्विजानां च मम कर्मपरायणः

saṃvibhājya viśeṣajño nityaṃ brāhmaṇavatsalaḥ || priyabhāṣī dvijānāṃ ca mama karmaparāyaṇaḥ

Sanskrit only: no published translation is held for this verse.

कुयोनिं तु न गच्छेत मम लोकं स गच्छति ।। अन्यच्च ते प्रवक्ष्यामि तच्छृणुष्व वसुन्धरे

kuyoniṃ tu na gaccheta mama lokaṃ sa gacchati || anyacca te pravakṣyāmi tacchṛṇuṣva vasundhare

Sanskrit only: no published translation is held for this verse.

यो वियोनिं न गच्छेत मम कर्मपरायणः ।। जीवहिंसानिवृत्तस्तु सर्वभूतहितः शुचिः

yo viyoniṃ na gaccheta mama karmaparāyaṇaḥ || jīvahiṃsānivṛttastu sarvabhūtahitaḥ śuciḥ

Sanskrit only: no published translation is held for this verse.

सर्वत्र समतायुक्तः समलोष्ठाश्मकांचनः ।। बाल्ये स्थितोऽपि वयसि क्षान्तो दान्तः शुभे रतः

sarvatra samatāyuktaḥ samaloṣṭhāśmakāṃcanaḥ || bālye sthito'pi vayasi kṣānto dāntaḥ śubhe rataḥ

Sanskrit only: no published translation is held for this verse.

नित्यं नैव विजानाति परेणापकृतं क्वचित् ।। कर्त्तव्यं संस्मरेत्सर्वं मम सत्यं च जल्पति

nityaṃ naiva vijānāti pareṇāpakṛtaṃ kvacit || karttavyaṃ saṃsmaretsarvaṃ mama satyaṃ ca jalpati

Sanskrit only: no published translation is held for this verse.

व्यलीकाद्विनिवृत्तो यस्तथ्येतिकृतनिश्चयः ।। नित्यं च वृत्तिमान्कश्चित्परोक्षेऽपि न चाक्षिपेत्

vyalīkādvinivṛtto yastathyetikṛtaniścayaḥ || nityaṃ ca vṛttimānkaścitparokṣe'pi na cākṣipet

Sanskrit only: no published translation is held for this verse.

ऋतुकालेऽपि गच्छेद्यः अपत्यार्थे स्वकां स्त्रियम् ।। ईदृशास्तु नरा भद्रे मम कर्मपरायणाः

ṛtukāle'pi gacchedyaḥ apatyārthe svakāṃ striyam || īdṛśāstu narā bhadre mama karmaparāyaṇāḥ

Sanskrit only: no published translation is held for this verse.

ते वियोनिं न गच्छन्ति मम गच्छन्ति सुन्दरि ।। पुनरन्यत्प्रवक्ष्यामि तच्छृणुष्व वसुन्धरे

te viyoniṃ na gacchanti mama gacchanti sundari || punaranyatpravakṣyāmi tacchṛṇuṣva vasundhare

Sanskrit only: no published translation is held for this verse.

पुरुषाणां प्रसन्नानां यश्च धर्मः सनातनः ।। मनुनाप्यन्यथा दृष्टो ह्यन्यथांगिरसेन च

puruṣāṇāṃ prasannānāṃ yaśca dharmaḥ sanātanaḥ || manunāpyanyathā dṛṣṭo hyanyathāṃgirasena ca

Sanskrit only: no published translation is held for this verse.

शुक्रेण चान्यथा दृष्टो गौतमेनापि चान्यथा ।। सोमेन चान्यथा दृष्टो रुद्रेणाप्यन्यथा पुनः

śukreṇa cānyathā dṛṣṭo gautamenāpi cānyathā || somena cānyathā dṛṣṭo rudreṇāpyanyathā punaḥ

Sanskrit only: no published translation is held for this verse.

शङ्खेन चान्यथा दृष्टो लिखितेनापि चान्यथा ।। कश्यपेनान्यथा दृष्टो धर्मेणाप्यन्यथा धरे ।

śaṅkhena cānyathā dṛṣṭo likhitenāpi cānyathā || kaśyapenānyathā dṛṣṭo dharmeṇāpyanyathā dhare |

Sanskrit only: no published translation is held for this verse.

अग्निना वायुना चैव दृष्टो धर्मोऽन्यथा धरे ।। यमेन चान्यथा दृष्ट इन्द्रेण वरुणेन च

agninā vāyunā caiva dṛṣṭo dharmo'nyathā dhare || yamena cānyathā dṛṣṭa indreṇa varuṇena ca

Sanskrit only: no published translation is held for this verse.

कुबेरेणान्यथा दृष्टः शाण्डिल्येनापि चान्यथा ।। पुलस्त्येनान्यथा दृष्ट आदित्येनापि चान्यथा

kubereṇānyathā dṛṣṭaḥ śāṇḍilyenāpi cānyathā || pulastyenānyathā dṛṣṭa ādityenāpi cānyathā

Sanskrit only: no published translation is held for this verse.

पितृभिश्चान्यथा दृष्टो ह्यन्यथापि स्वयम्भुवा ।। आत्मनात्मनि धर्मेण ये नरा निश्चितव्रताः

pitṛbhiścānyathā dṛṣṭo hyanyathāpi svayambhuvā || ātmanātmani dharmeṇa ye narā niścitavratāḥ

Sanskrit only: no published translation is held for this verse.

स्वकं पालयते धर्मं स्वमतेनैव भाषितम् ।। परवादं न कुर्वीत सर्वधर्मेषु निश्चितम्

svakaṃ pālayate dharmaṃ svamatenaiva bhāṣitam || paravādaṃ na kurvīta sarvadharmeṣu niścitam

Sanskrit only: no published translation is held for this verse.

न निन्देद्धर्मकार्याणि आत्मधर्मपथे स्थितः ।। एभिर्गुणैः समायुक्तो मम कर्माणि कारयेत्

na nindeddharmakāryāṇi ātmadharmapathe sthitaḥ || ebhirguṇaiḥ samāyukto mama karmāṇi kārayet

Sanskrit only: no published translation is held for this verse.

वियोनिं स न गच्छेत मम लोकाय गच्छति ।। पुनरन्यत्तु वक्ष्यामि तच्छृणुष्वेह माधवि

viyoniṃ sa na gaccheta mama lokāya gacchati || punaranyattu vakṣyāmi tacchṛṇuṣveha mādhavi

Sanskrit only: no published translation is held for this verse.

तरन्ति पुरुषा येन गर्भसंसारसागरम् ।। जितेन्द्रिया जितक्रोधा लोभमोहविवर्जिताः

taranti puruṣā yena garbhasaṃsārasāgaram || jitendriyā jitakrodhā lobhamohavivarjitāḥ

Sanskrit only: no published translation is held for this verse.

आत्मोपकारका नित्यं देवातिथिगुरुप्रियाः ।। हिंसादीनि न कुर्वन्ति मधुमांसविवर्जकाः

ātmopakārakā nityaṃ devātithigurupriyāḥ || hiṃsādīni na kurvanti madhumāṃsavivarjakāḥ

Sanskrit only: no published translation is held for this verse.

मनसा ब्राह्मणीं चैव यो गच्छेन्न कदाचन ।। विप्राय कपिलां दद्याद्वृद्वं सान्त्वेन पालयेत्

manasā brāhmaṇīṃ caiva yo gacchenna kadācana || viprāya kapilāṃ dadyādvṛdvaṃ sāntvena pālayet

Sanskrit only: no published translation is held for this verse.

सर्वेषां चैव पुत्राणां न विशेषं करोति यः ।। संक्रुद्धं ब्राह्मणं दृष्ट्वा यस्तु तत्र प्रसादयेत्

sarveṣāṃ caiva putrāṇāṃ na viśeṣaṃ karoti yaḥ || saṃkruddhaṃ brāhmaṇaṃ dṛṣṭvā yastu tatra prasādayet

Sanskrit only: no published translation is held for this verse.

यः स्पृशेत्कपिलां भक्त्या कुमारीं न च दूषयेत् ।। अग्निं न च क्रमेत्पद्भ्यां न च पुत्रेण भाषयेत्

yaḥ spṛśetkapilāṃ bhaktyā kumārīṃ na ca dūṣayet || agniṃ na ca krametpadbhyāṃ na ca putreṇa bhāṣayet

Sanskrit only: no published translation is held for this verse.

जलेन मेहयेद्यस्तु गुरुभक्तो न जल्पकः ।। एवं धर्मेण संयुक्तो यो नु मां प्रतिपद्यते

jalena mehayedyastu gurubhakto na jalpakaḥ || evaṃ dharmeṇa saṃyukto yo nu māṃ pratipadyate

Sanskrit only: no published translation is held for this verse.

स च गर्भं न गच्छेत मम लोकं स गच्छति

sa ca garbhaṃ na gaccheta mama lokaṃ sa gacchati

Sanskrit only: no published translation is held for this verse.

इति श्रीवराहपुराणे जन्माभावो नामैकविंशत्यधिकशततमोऽध्यायः

iti śrīvarāhapurāṇe janmābhāvo nāmaikaviṃśatyadhikaśatatamo'dhyāyaḥ

Sanskrit only: no published translation is held for this verse.