Varāha Purāṇa 125

मा रोदीर्वच्मि भद्रं ते तवाहं सा प्रियाऽभवत् ।। गङ्गातीरं समासाद्य मुनिर्जातोऽस्महं तथा

mā rodīrvacmi bhadraṃ te tavāhaṃ sā priyā'bhavat || gaṅgātīraṃ samāsādya munirjāto'smahaṃ tathā

Sanskrit only: no published translation is held for this verse.

परिव्राजवचः श्रुत्वा निषादो विगतज्वरः ।। श्लक्ष्णं वचनमादाय प्रत्युवाच द्विजोत्तमम्

parivrājavacaḥ śrutvā niṣādo vigatajvaraḥ || ślakṣṇaṃ vacanamādāya pratyuvāca dvijottamam

Sanskrit only: no published translation is held for this verse.

किमिदं भाषसे विप्र अव्यक्तं यत्कदाचन ।। न भावं वा यद्धटितं स्त्रियः पुंस्त्वं सदैव हि

kimidaṃ bhāṣase vipra avyaktaṃ yatkadācana || na bhāvaṃ vā yaddhaṭitaṃ striyaḥ puṃstvaṃ sadaiva hi

Sanskrit only: no published translation is held for this verse.

निषादस्य वचः श्रुत्वा ब्राह्मणो दुःखमूर्च्छितः ।। उवाच मधुरं वाक्यं गङ्गातीरे च धीवरम्

niṣādasya vacaḥ śrutvā brāhmaṇo duḥkhamūrcchitaḥ || uvāca madhuraṃ vākyaṃ gaṅgātīre ca dhīvaram

Sanskrit only: no published translation is held for this verse.

शीघ्रं गच्छ स्वकं देशमेतान् गृह्य स्वबालकान् ।। सर्वेषां च यथासंख्यं स्नेहः कर्त्तव्य एव च

śīghraṃ gaccha svakaṃ deśametān gṛhya svabālakān || sarveṣāṃ ca yathāsaṃkhyaṃ snehaḥ karttavya eva ca

Sanskrit only: no published translation is held for this verse.

स तेन चोदितो ह्येवं निषादो नावगच्छति ।। मधुरं स्वरमादाय प्रत्युवाच द्विजोत्तमम्

sa tena codito hyevaṃ niṣādo nāvagacchati || madhuraṃ svaramādāya pratyuvāca dvijottamam

Sanskrit only: no published translation is held for this verse.

किं त्वया दुष्कृतं कर्म कृतं पूर्वं पुरातनम् ।। मम यद्भाषसे चैव स्त्रीत्वं प्राप्तोऽसि तत्कथम्

kiṃ tvayā duṣkṛtaṃ karma kṛtaṃ pūrvaṃ purātanam || mama yadbhāṣase caiva strītvaṃ prāpto'si tatkatham

Sanskrit only: no published translation is held for this verse.

केन दोषेण प्राप्तस्त्वं स्त्रीत्वं भूत्वा पुमान् पुनः ।। पुंस्त्वं चैव कथं प्राप्त एतदाचक्ष्व पृच्छतः

kena doṣeṇa prāptastvaṃ strītvaṃ bhūtvā pumān punaḥ || puṃstvaṃ caiva kathaṃ prāpta etadācakṣva pṛcchataḥ

Sanskrit only: no published translation is held for this verse.

एवं तस्य वचः श्रुत्वा स ऋषिः संशितव्रतः ।। उवाच मधुरं वाक्यं मायातीर्थजलेचरम्

evaṃ tasya vacaḥ śrutvā sa ṛṣiḥ saṃśitavrataḥ || uvāca madhuraṃ vākyaṃ māyātīrthajalecaram

Sanskrit only: no published translation is held for this verse.

निषाद शृणु तत्त्वेन मत्कथां च प्रजल्पतः ।। न मया दुष्कृतं किंचित्कृतं कुत्रापि तत्त्वतः

niṣāda śṛṇu tattvena matkathāṃ ca prajalpataḥ || na mayā duṣkṛtaṃ kiṃcitkṛtaṃ kutrāpi tattvataḥ

Sanskrit only: no published translation is held for this verse.

एकभक्तं मयाचारे अभक्ष्यं चैव वर्जितम् ।। स मयाराधितो देवो लोकनाथो जनार्दनः ।। कर्मभिर्बहुभिश्चैव मया दर्शनकाङ्क्षिणा

ekabhaktaṃ mayācāre abhakṣyaṃ caiva varjitam || sa mayārādhito devo lokanātho janārdanaḥ || karmabhirbahubhiścaiva mayā darśanakāṅkṣiṇā

Sanskrit only: no published translation is held for this verse.

अथ दीर्घेण कालेन मया दृष्टो जनार्द्दनः ।। वरेण छन्दयामास बहुधा मायया ततः

atha dīrgheṇa kālena mayā dṛṣṭo janārddanaḥ || vareṇa chandayāmāsa bahudhā māyayā tataḥ

Sanskrit only: no published translation is held for this verse.

मया नाभीप्सितस्तस्माद्दीयमानो वरस्ततः।। मायां मे दर्शय विभो विष्णो प्रणतवत्सल

mayā nābhīpsitastasmāddīyamāno varastataḥ|| māyāṃ me darśaya vibho viṣṇo praṇatavatsala

Sanskrit only: no published translation is held for this verse.

ततो मां भाषते विष्णुर्मायां दृष्ट्वा ह्यलं द्विज ।। मया पुनः पुनश्चोक्तो मम प्रीत्या प्रदर्शय

tato māṃ bhāṣate viṣṇurmāyāṃ dṛṣṭvā hyalaṃ dvija || mayā punaḥ punaścokto mama prītyā pradarśaya

Sanskrit only: no published translation is held for this verse.

ततोऽहं तेन चाप्युक्तस्तर्हि द्रक्षत्यलं भवान् ।। गच्छ कुब्जाम्रके गङ्गां स्नात्वेत्यंतर्हितोऽभवत्

tato'haṃ tena cāpyuktastarhi drakṣatyalaṃ bhavān || gaccha kubjāmrake gaṅgāṃ snātvetyaṃtarhito'bhavat

Sanskrit only: no published translation is held for this verse.

अहं मायाप्रलोभेन गङ्गातीरमुपागतः ।। दण्डं कुण्डीं च वस्त्रं च तीरे संस्थाप्य यत्ननः ।। ततः स्नानविधानेन निमग्नस्तज्जलेऽमले

ahaṃ māyāpralobhena gaṅgātīramupāgataḥ || daṇḍaṃ kuṇḍīṃ ca vastraṃ ca tīre saṃsthāpya yatnanaḥ || tataḥ snānavidhānena nimagnastajjale'male

Sanskrit only: no published translation is held for this verse.

न तत्र किंचिज्जानामि किमिदं किं प्रवर्त्तते ।। निषादीगर्भसम्भूतस्तव पत्न्यभवं ततः

na tatra kiṃcijjānāmi kimidaṃ kiṃ pravarttate || niṣādīgarbhasambhūtastava patnyabhavaṃ tataḥ

Sanskrit only: no published translation is held for this verse.

केनचित्कारणेनात्र प्रविष्टो जाह्नवीजले ।। स्नात्वाऽपश्यं पूर्ववच्च तावज्जातो ऋषिस्त्वहम्

kenacitkāraṇenātra praviṣṭo jāhnavījale || snātvā'paśyaṃ pūrvavacca tāvajjāto ṛṣistvaham

Sanskrit only: no published translation is held for this verse.

निषाद पश्य कुण्डीं च मात्रां वस्त्रं यथा पुरा ।। पंचाशद्वर्षदेशीयो जातोऽस्मि त्वद्गृहे वसन् ।। दण्डवस्त्रादि यत्किंचिन्न जीर्णं गङ्गया हृतम्

niṣāda paśya kuṇḍīṃ ca mātrāṃ vastraṃ yathā purā || paṃcāśadvarṣadeśīyo jāto'smi tvadgṛhe vasan || daṇḍavastrādi yatkiṃcinna jīrṇaṃ gaṅgayā hṛtam

Sanskrit only: no published translation is held for this verse.

एवं तेन ततश्चोक्ता निषादोऽदृश्यतां गतः ।। ये च ते बालकास्तत्र तेषां कश्चिन्न दृश्यते

evaṃ tena tataścoktā niṣādo'dṛśyatāṃ gataḥ || ye ca te bālakāstatra teṣāṃ kaścinna dṛśyate

Sanskrit only: no published translation is held for this verse.

स ततो ब्राह्मणो देवि तपस्तपति निश्चितम् ।। ऊर्ध्वश्वासोर्द्धबाहुश्च वायुभक्षपरायणः

sa tato brāhmaṇo devi tapastapati niścitam || ūrdhvaśvāsorddhabāhuśca vāyubhakṣaparāyaṇaḥ

Sanskrit only: no published translation is held for this verse.

तस्य प्रतिष्ठमानस्य अपराह्णं तु जायते ।। ततः प्रमुच्यते तोयं देवि कृत्वा यथोचितम्

tasya pratiṣṭhamānasya aparāhṇaṃ tu jāyate || tataḥ pramucyate toyaṃ devi kṛtvā yathocitam

Sanskrit only: no published translation is held for this verse.

कर्मण्यानि च पुष्पाणि आहृत्य श्रद्धयान्वितः ।। अर्चयित्वा यथान्यायं वीरासनमुपागतः

karmaṇyāni ca puṣpāṇi āhṛtya śraddhayānvitaḥ || arcayitvā yathānyāyaṃ vīrāsanamupāgataḥ

Sanskrit only: no published translation is held for this verse.

वृतस्तु ब्राह्मणैर्मुख्यैर्गङ्गास्नानेषु वै द्विजः ।। ऊचुस्ततो द्विजास्तत्र तपस्विनमनिंदितम्

vṛtastu brāhmaṇairmukhyairgaṅgāsnāneṣu vai dvijaḥ || ūcustato dvijāstatra tapasvinamaniṃditam

Sanskrit only: no published translation is held for this verse.

पूर्वाह्णे स्थापयित्वात्र मात्रां कुण्डीं त्रिदण्डकम् ।। इतो गतोऽसि ब्रह्मेन्द्र स्थापयित्वा तु धीवरान् ।। विस्मृतं किं त्वया स्थानं कथं शीघ्रं न चागतः

pūrvāhṇe sthāpayitvātra mātrāṃ kuṇḍīṃ tridaṇḍakam || ito gato'si brahmendra sthāpayitvā tu dhīvarān || vismṛtaṃ kiṃ tvayā sthānaṃ kathaṃ śīghraṃ na cāgataḥ

Sanskrit only: no published translation is held for this verse.

ततो विप्रवचः श्रुत्वा तूष्णीमासीन्मुनिस्तदा ।। ब्राह्मणानुगतं स्थानमात्मनात्मानुसंस्थितः

tato vipravacaḥ śrutvā tūṣṇīmāsīnmunistadā || brāhmaṇānugataṃ sthānamātmanātmānusaṃsthitaḥ

Sanskrit only: no published translation is held for this verse.

एतस्मिन्नंतरे देवि स च ब्राह्मणपुंगवः ।। अद्य पंचाशद्वर्षाणि अमावास्याद्य चैव हि

etasminnaṃtare devi sa ca brāhmaṇapuṃgavaḥ || adya paṃcāśadvarṣāṇi amāvāsyādya caiva hi

Sanskrit only: no published translation is held for this verse.

कथमेतावतङ्कालं मामूचुर्ब्राह्मणाश्च किम् ।। पूर्वाह्ने स्थापयित्वा त्वं स्वां मात्रां चापराह्णिके ।। कथं कालेऽनुसम्प्राप्तः किमेतदिति भाषते

kathametāvataṅkālaṃ māmūcurbrāhmaṇāśca kim || pūrvāhne sthāpayitvā tvaṃ svāṃ mātrāṃ cāparāhṇike || kathaṃ kāle'nusamprāptaḥ kimetaditi bhāṣate

Sanskrit only: no published translation is held for this verse.

एतस्मिन्नंतरे देवि ब्राह्मणाय ततो मया ।। दर्शयित्वा निजं रूपं तमवोचमिदं धरे

etasminnaṃtare devi brāhmaṇāya tato mayā || darśayitvā nijaṃ rūpaṃ tamavocamidaṃ dhare

Sanskrit only: no published translation is held for this verse.

किमिदं भ्रांतरूपोऽसि किं वा त्वं दृष्टवानसि ।। पश्यामि त्वां व्यग्रमिव सावधानो भव स्वयम्

kimidaṃ bhrāṃtarūpo'si kiṃ vā tvaṃ dṛṣṭavānasi || paśyāmi tvāṃ vyagramiva sāvadhāno bhava svayam

Sanskrit only: no published translation is held for this verse.

एवमुक्तः स तु मया भूमौ कृत्वा शिरः स्वकम् ।। उवाच दुःखितो दीनो निःश्वस्य च मुहुर्मुहुः

evamuktaḥ sa tu mayā bhūmau kṛtvā śiraḥ svakam || uvāca duḥkhito dīno niḥśvasya ca muhurmuhuḥ

Sanskrit only: no published translation is held for this verse.

अहो देव द्विजा एते मां वदन्ति जगद्गुरो।। पूर्वाह्णे स्थापयित्वा त्वं वस्त्रं दण्डकमण्डलू ।। आगतोऽस्यपराह्ने किं स्थलं विस्मृतवानसि

aho deva dvijā ete māṃ vadanti jagadguro|| pūrvāhṇe sthāpayitvā tvaṃ vastraṃ daṇḍakamaṇḍalū || āgato'syaparāhne kiṃ sthalaṃ vismṛtavānasi

Sanskrit only: no published translation is held for this verse.

अहं व्याधस्य वै भूत्वा भार्या च व्याधयोनिजा ।। पंचाशद्वर्षपर्यंतं तत्र स्थित्वा ततः किल

ahaṃ vyādhasya vai bhūtvā bhāryā ca vyādhayonijā || paṃcāśadvarṣaparyaṃtaṃ tatra sthitvā tataḥ kila

Sanskrit only: no published translation is held for this verse.

तस्माच्चैव त्रयः पुत्रास्तिस्रश्चापि च कन्यकाः ।। जातान्येवमपत्यानि दुष्टकर्मकृतस्तथा

tasmāccaiva trayaḥ putrāstisraścāpi ca kanyakāḥ || jātānyevamapatyāni duṣṭakarmakṛtastathā

Sanskrit only: no published translation is held for this verse.

स्नातुं कदाचिद्गङ्गायां गतोऽहं तीरभूमिगः ।। स्थापयित्वाद्य स्वं वस्त्रं मग्नः स्नास्यन् जलेऽमले।। उन्मज्य स्वयं पुनश्चैव प्राप्तो रूपं मुनिस्तुतम्

snātuṃ kadācidgaṅgāyāṃ gato'haṃ tīrabhūmigaḥ || sthāpayitvādya svaṃ vastraṃ magnaḥ snāsyan jale'male|| unmajya svayaṃ punaścaiva prāpto rūpaṃ munistutam

Sanskrit only: no published translation is held for this verse.

किं मया विकृतं कर्म सेवमानेन माधव ।। तपश्च तप्यमानेन किं मया विकृतं कृतम्

kiṃ mayā vikṛtaṃ karma sevamānena mādhava || tapaśca tapyamānena kiṃ mayā vikṛtaṃ kṛtam

Sanskrit only: no published translation is held for this verse.

भक्षितं किमकर्मण्यं सेवमानेन चाच्युत ।। व्यभिचारश्च मे तत्र को जातस्तु तवार्च्चने

bhakṣitaṃ kimakarmaṇyaṃ sevamānena cācyuta || vyabhicāraśca me tatra ko jātastu tavārccane

Sanskrit only: no published translation is held for this verse.

एतदाचक्ष तत्त्वेन येनाहं नरकं गतः।। एतच्चिन्ताव्याकुलोऽहं निबोध भगवन्मम

etadācakṣa tattvena yenāhaṃ narakaṃ gataḥ|| etaccintāvyākulo'haṃ nibodha bhagavanmama

Sanskrit only: no published translation is held for this verse.

मायालुब्धेन हि मया पूर्वं विज्ञापितो ह्यसि ।। नान्यत्स्मरामि पापं च नरके येन पातितः

māyālubdhena hi mayā pūrvaṃ vijñāpito hyasi || nānyatsmarāmi pāpaṃ ca narake yena pātitaḥ

Sanskrit only: no published translation is held for this verse.

ततस्तस्य वचः श्रुत्वा कारुण्यपरिदेवितम् ।। उक्तवानस्मि तं विप्रं दुःखसंतप्तमानसम्

tatastasya vacaḥ śrutvā kāruṇyaparidevitam || uktavānasmi taṃ vipraṃ duḥkhasaṃtaptamānasam

Sanskrit only: no published translation is held for this verse.

मा दुःखं कुरु विप्रेन्द्र आत्मदोषसमुद्भवम् ।। विकर्म न कृतं किंचिदपि मे विप्र पूजने ।। येन दुःखमनुप्राप्तं तिर्यग्योनिं च वै गतः

mā duḥkhaṃ kuru viprendra ātmadoṣasamudbhavam || vikarma na kṛtaṃ kiṃcidapi me vipra pūjane || yena duḥkhamanuprāptaṃ tiryagyoniṃ ca vai gataḥ

Sanskrit only: no published translation is held for this verse.

उक्तमेव मया पूर्वं शृणु ब्राह्मणपुङ्गव ।। वरान् वरय भो ब्रह्मन् त्वं मायां वृतवानसि

uktameva mayā pūrvaṃ śṛṇu brāhmaṇapuṅgava || varān varaya bho brahman tvaṃ māyāṃ vṛtavānasi

Sanskrit only: no published translation is held for this verse.

ददामि दिव्यभोगान्वै भौमान्वापि तवेप्सितम् ।। तांस्तु नेच्छसि मायाया दर्शनं वृतवानसि

dadāmi divyabhogānvai bhaumānvāpi tavepsitam || tāṃstu necchasi māyāyā darśanaṃ vṛtavānasi

Sanskrit only: no published translation is held for this verse.

दृष्टा तु वैष्णवी माया या त्वया ब्राह्मणेप्सिता ।। न गतो दिवसश्रेष्ठ नापराह्णेऽपि कुत्रचित् ।। वर्षाणि चैव पंचाशान्निषादस्य गृहेऽपि न

dṛṣṭā tu vaiṣṇavī māyā yā tvayā brāhmaṇepsitā || na gato divasaśreṣṭha nāparāhṇe'pi kutracit || varṣāṇi caiva paṃcāśānniṣādasya gṛhe'pi na

Sanskrit only: no published translation is held for this verse.

अन्यच्च ते प्रवक्ष्यामि तच्छृणुष्व द्विजोत्तम ।। या एषा वैष्णवी माया त्वया ब्राह्मण ईप्सिता

anyacca te pravakṣyāmi tacchṛṇuṣva dvijottama || yā eṣā vaiṣṇavī māyā tvayā brāhmaṇa īpsitā

Sanskrit only: no published translation is held for this verse.

त्वया न तत्कृतं किंचिच्छुभं वाशुभमेव वा ।। सर्वं मायामयं तत्र विस्मयात्परितप्यसे

tvayā na tatkṛtaṃ kiṃcicchubhaṃ vāśubhameva vā || sarvaṃ māyāmayaṃ tatra vismayātparitapyase

Sanskrit only: no published translation is held for this verse.

यत्त्वया दुष्कृतं कर्म व्यभिचारश्च तत्र वै ।। अर्च्चनं च न ते भ्रष्टं तपश्चैव न नाशितम्

yattvayā duṣkṛtaṃ karma vyabhicāraśca tatra vai || arccanaṃ ca na te bhraṣṭaṃ tapaścaiva na nāśitam

Sanskrit only: no published translation is held for this verse.

भवान्तरे कृतं यच्च येनेदं प्राप्तवान्महत् ।। दुःखं तच्च तवाख्यास्ये शृणु ब्राह्मणसत्तम

bhavāntare kṛtaṃ yacca yenedaṃ prāptavānmahat || duḥkhaṃ tacca tavākhyāsye śṛṇu brāhmaṇasattama

Sanskrit only: no published translation is held for this verse.

मम भक्ता द्विजाः शुद्धा यत्त्वया नाभिवादिताः ।। तत्पापादीदृशो भोगस्तव जातो हि दुःखदः

mama bhaktā dvijāḥ śuddhā yattvayā nābhivāditāḥ || tatpāpādīdṛśo bhogastava jāto hi duḥkhadaḥ

Sanskrit only: no published translation is held for this verse.

ये च भागवताः शुद्धास्ते नूनं मम मूर्त्तयः ।। तान्विप्रान्ये नमस्यन्ति ते मामेव नमस्यते ।। विदितोऽस्मीह विप्रेन्द्र तैरहं नात्र संशयः

ye ca bhāgavatāḥ śuddhāste nūnaṃ mama mūrttayaḥ || tānviprānye namasyanti te māmeva namasyate || vidito'smīha viprendra tairahaṃ nātra saṃśayaḥ

Sanskrit only: no published translation is held for this verse.

मम दर्शनकामा ये ते मे भक्ता द्विजास्तथा ।। शुद्धा भागवताः पूज्या द्रष्टव्याः सर्वदा नृभिः

mama darśanakāmā ye te me bhaktā dvijāstathā || śuddhā bhāgavatāḥ pūjyā draṣṭavyāḥ sarvadā nṛbhiḥ

Sanskrit only: no published translation is held for this verse.

विशेषेण कलौ ब्रह्मन्द्विजरूपो ह्यवस्थितः ।। तस्माद्ब्राह्मणभक्ता ये ते मद्भक्ता न संशयः

viśeṣeṇa kalau brahmandvijarūpo hyavasthitaḥ || tasmādbrāhmaṇabhaktā ye te madbhaktā na saṃśayaḥ

Sanskrit only: no published translation is held for this verse.

यो मां प्राप्तमिहेच्छेत यस्यावाच्यं न विद्यते ।। अनन्यमानसो भूत्वा मद्भक्तेषु नियोजयेत्

yo māṃ prāptamiheccheta yasyāvācyaṃ na vidyate || ananyamānaso bhūtvā madbhakteṣu niyojayet

Sanskrit only: no published translation is held for this verse.

गच्छ ब्राह्मण सिद्धोऽसि यदा प्राणान्विमोक्ष्यसि ।। तदाऽऽगन्ताऽसि मत्स्थानं श्वेतद्वीपं न सशंयः

gaccha brāhmaṇa siddho'si yadā prāṇānvimokṣyasi || tadā''gantā'si matsthānaṃ śvetadvīpaṃ na saśaṃyaḥ

Sanskrit only: no published translation is held for this verse.

एवमुक्त्वा वरारोहे तत्रैवान्तर्हितोऽभवम् ।। सोऽपि द्विजस्तनुं त्यक्त्वा मायातीर्थे यशस्विनि ।। कृत्वा सुदुष्करं कर्म श्वेतद्वीपमुपागतः

evamuktvā varārohe tatraivāntarhito'bhavam || so'pi dvijastanuṃ tyaktvā māyātīrthe yaśasvini || kṛtvā suduṣkaraṃ karma śvetadvīpamupāgataḥ

Sanskrit only: no published translation is held for this verse.

धन्वी तूणी शरी खड्गी मायाबलपराक्रमः ।। मां च पश्यति वै नित्यं मायाबलसुसंस्थितम्

dhanvī tūṇī śarī khaḍgī māyābalaparākramaḥ || māṃ ca paśyati vai nityaṃ māyābalasusaṃsthitam

Sanskrit only: no published translation is held for this verse.

मायया किं तव धरे न मायां ज्ञातुमर्हसि।। मम मायां न जानन्ति देवदानवराक्षसाः

māyayā kiṃ tava dhare na māyāṃ jñātumarhasi|| mama māyāṃ na jānanti devadānavarākṣasāḥ

Sanskrit only: no published translation is held for this verse.

एतत्ते कथितं भूमे मायाख्यानं महौजसम् ।। मायाचक्रमिति ख्यातं सर्वपुण्यसुखावहम्

etatte kathitaṃ bhūme māyākhyānaṃ mahaujasam || māyācakramiti khyātaṃ sarvapuṇyasukhāvaham

Sanskrit only: no published translation is held for this verse.

आख्यानानां महाख्यानं तपसां च परन्तपः ।। पुण्यानां परमं पुण्यं गतीनां च परा गतिः

ākhyānānāṃ mahākhyānaṃ tapasāṃ ca parantapaḥ || puṇyānāṃ paramaṃ puṇyaṃ gatīnāṃ ca parā gatiḥ

Sanskrit only: no published translation is held for this verse.

नित्यं पठेद्यो भक्तेषु अभक्तेषु न कीर्तयेत् ।। मा पठेन्नीचमध्येषु मा पठेच्छास्त्रदूषके

nityaṃ paṭhedyo bhakteṣu abhakteṣu na kīrtayet || mā paṭhennīcamadhyeṣu mā paṭhecchāstradūṣake

Sanskrit only: no published translation is held for this verse.

अग्रतः पृच्छता शूद्रमद्भक्तेषु तथाग्रतः ।। पठते शोभते विप्रो न तु ये शास्त्रदूषकाः

agrataḥ pṛcchatā śūdramadbhakteṣu tathāgrataḥ || paṭhate śobhate vipro na tu ye śāstradūṣakāḥ

Sanskrit only: no published translation is held for this verse.

कल्यमुत्थाय यो भूमे पठते च दृढव्रतः ।। तेन द्वादश वर्षाणि ममाग्रे पठितं भवेत्

kalyamutthāya yo bhūme paṭhate ca dṛḍhavrataḥ || tena dvādaśa varṣāṇi mamāgre paṭhitaṃ bhavet

Sanskrit only: no published translation is held for this verse.

अथ पूर्णेन कालेन पुमान्पंचत्वमागतः ।। मद्भक्तो जायते देवि वियोनिं न च गच्छति

atha pūrṇena kālena pumānpaṃcatvamāgataḥ || madbhakto jāyate devi viyoniṃ na ca gacchati

Sanskrit only: no published translation is held for this verse.

य एवं शृणुयान्नित्यं महाख्यानं वसुन्धरे ।। न स जायेत मन्दात्मा वियोनिं नैव गच्छति

ya evaṃ śṛṇuyānnityaṃ mahākhyānaṃ vasundhare || na sa jāyeta mandātmā viyoniṃ naiva gacchati

Sanskrit only: no published translation is held for this verse.

एतत्ते कथितं भद्रे त्वया यत्पूर्वमीप्सितम् ।। मुच्यमाना वरारोहे किमन्यत्परिपृच्छसि

etatte kathitaṃ bhadre tvayā yatpūrvamīpsitam || mucyamānā varārohe kimanyatparipṛcchasi

Sanskrit only: no published translation is held for this verse.