Library·Varāha Purāṇa·127
अथ ब्राह्मणदीक्षासूत्रवर्णनम् ।। सूत उवाच ।। एवं धर्मांस्ततः श्रुत्वा बहुमोक्षार्थकारणात् ।। प्रत्युवाच ततो भूमिर्लोकनाथं जनार्दनम्
atha brāhmaṇadīkṣāsūtravarṇanam || sūta uvāca || evaṃ dharmāṃstataḥ śrutvā bahumokṣārthakāraṇāt || pratyuvāca tato bhūmirlokanāthaṃ janārdanam
Sanskrit only: no published translation is held for this verse.
अहो प्रभावः क्षेत्रस्य कथ्यमानोऽतिपुष्कलम् .।। अहं भारभराक्रान्ता लघुर्जातास्मि धावती
aho prabhāvaḥ kṣetrasya kathyamāno'tipuṣkalam .|| ahaṃ bhārabharākrāntā laghurjātāsmi dhāvatī
Sanskrit only: no published translation is held for this verse.
विमोहा च विशुद्धा च शृण्वानाहं त्विमां प्रभो ।। अहं लोकेषु विख्याता मुखात्तव विनिस्सृता
vimohā ca viśuddhā ca śṛṇvānāhaṃ tvimāṃ prabho || ahaṃ lokeṣu vikhyātā mukhāttava vinissṛtā
Sanskrit only: no published translation is held for this verse.
पुनः पृच्छामि ते देव संशयं धर्मसंहितम् ।। येन धर्मविधानेन दीक्षा प्राप्यते पुष्कला
punaḥ pṛcchāmi te deva saṃśayaṃ dharmasaṃhitam || yena dharmavidhānena dīkṣā prāpyate puṣkalā
Sanskrit only: no published translation is held for this verse.
एतन्मे परमं गुह्यं परं कौतूहलं च मे ।। धर्मसंग्रहणार्थाय तद्भवान्वक्तुमर्हसि
etanme paramaṃ guhyaṃ paraṃ kautūhalaṃ ca me || dharmasaṃgrahaṇārthāya tadbhavānvaktumarhasi
Sanskrit only: no published translation is held for this verse.
ततो महीवचः श्रुत्वा मेघदुन्दुभिनिःस्वनः ।। वराहरूपी भगवान्प्रत्युवाच वसुन्धराम्
tato mahīvacaḥ śrutvā meghadundubhiniḥsvanaḥ || varāharūpī bhagavānpratyuvāca vasundharām
Sanskrit only: no published translation is held for this verse.
श्रीवराह उवाच ।। शृणु तत्त्वेन मे देवि मम धर्मं सनातनम् ।। देवा एतन्न जानन्ति ये च योगव्रते स्थिता।
śrīvarāha uvāca || śṛṇu tattvena me devi mama dharmaṃ sanātanam || devā etanna jānanti ye ca yogavrate sthitā|
Sanskrit only: no published translation is held for this verse.
एतं धर्मं वरारोहे मङ्गल्यं मुखनिःसृतम् ।। अहमेको विजानामि मद्भक्ता ये जना भुवि
etaṃ dharmaṃ varārohe maṅgalyaṃ mukhaniḥsṛtam || ahameko vijānāmi madbhaktā ye janā bhuvi
Sanskrit only: no published translation is held for this verse.
यच्च पृच्छसि मे भद्रे दीक्षां भागवतीं कथाम् ।। तच्छृणुष्व वरारोहे कर्मसंसारमोक्षणम्
yacca pṛcchasi me bhadre dīkṣāṃ bhāgavatīṃ kathām || tacchṛṇuṣva varārohe karmasaṃsāramokṣaṇam
Sanskrit only: no published translation is held for this verse.
मयोक्तां लभते कश्चिद्दीक्षां चैव सुखावहाम् ।। चातुर्वर्ण्यविधानेन तां दीक्षां शृणु सुन्दरि
mayoktāṃ labhate kaściddīkṣāṃ caiva sukhāvahām || cāturvarṇyavidhānena tāṃ dīkṣāṃ śṛṇu sundari
Sanskrit only: no published translation is held for this verse.
हरन्ति मनुजा येन गर्भसंसारसागरात् ।। मयि शान्तं मनः कृत्वा तदुत्कृष्टं च सुन्दरि
haranti manujā yena garbhasaṃsārasāgarāt || mayi śāntaṃ manaḥ kṛtvā tadutkṛṣṭaṃ ca sundari
Sanskrit only: no published translation is held for this verse.
अभिगच्छेद्गुरुं देवि शाधि शिष्योऽस्मि मां गुरो ।। तदाज्ञां तु पुरस्कृत्य दीक्षाद्रव्यानथाहरेत्
abhigacchedguruṃ devi śādhi śiṣyo'smi māṃ guro || tadājñāṃ tu puraskṛtya dīkṣādravyānathāharet
Sanskrit only: no published translation is held for this verse.
लाजा मधु कुशाश्चैव घृतं चामृतसन्निभम् ।। गन्धं सुमनसो धूपं दीपं प्रापणकादिकम्
lājā madhu kuśāścaiva ghṛtaṃ cāmṛtasannibham || gandhaṃ sumanaso dhūpaṃ dīpaṃ prāpaṇakādikam
Sanskrit only: no published translation is held for this verse.
कृष्णाजिनं च पालाशं दण्डं चैव कमण्डलुम् ।। घटं वासः पादुके च शुक्लयज्ञोपवीतकम्
kṛṣṇājinaṃ ca pālāśaṃ daṇḍaṃ caiva kamaṇḍalum || ghaṭaṃ vāsaḥ pāduke ca śuklayajñopavītakam
Sanskrit only: no published translation is held for this verse.
यन्त्रिकामर्घपात्रं च चरुस्थालीं सदर्विकाम् ।। तिलव्रीहियवांश्चैव विविधं च फलोदकम्
yantrikāmarghapātraṃ ca carusthālīṃ sadarvikām || tilavrīhiyavāṃścaiva vividhaṃ ca phalodakam
Sanskrit only: no published translation is held for this verse.
भक्ष्यभोज्यान्नपानं च कर्मण्यांश्चैव संचयान् ।। दीक्षिता यदि भुञ्जन्ति मम कर्मपरायणाः
bhakṣyabhojyānnapānaṃ ca karmaṇyāṃścaiva saṃcayān || dīkṣitā yadi bhuñjanti mama karmaparāyaṇāḥ
Sanskrit only: no published translation is held for this verse.
यानि कानि च बीजानि रत्नानि विविधानि च ।। कांचकादीनि सुश्रोणि तानिं शीघ्रमुपाहरेत्
yāni kāni ca bījāni ratnāni vividhāni ca || kāṃcakādīni suśroṇi tāniṃ śīghramupāharet
Sanskrit only: no published translation is held for this verse.
एतान्येवोपहार्याणि गुरुमूले ततः परम् ।। स्नात्वा मङ्गलसंयुक्तो दीक्षाकामश्च ब्राह्मणः
etānyevopahāryāṇi gurumūle tataḥ param || snātvā maṅgalasaṃyukto dīkṣākāmaśca brāhmaṇaḥ
Sanskrit only: no published translation is held for this verse.
गुरोस्तु चरणौ गृह्य ब्रूहि किं करवाणि ते ।। ततस्तु गुर्वनुज्ञातो वेदिं कुर्याच्च पुष्कलाम्
gurostu caraṇau gṛhya brūhi kiṃ karavāṇi te || tatastu gurvanujñāto vediṃ kuryācca puṣkalām
Sanskrit only: no published translation is held for this verse.
ब्राह्मणो दीक्षमाणस्तु चतुरस्रां तु षोडशहस्तां कृत्वा तत्र च कलशोपरि युञ्जेत्
brāhmaṇo dīkṣamāṇastu caturasrāṃ tu ṣoḍaśahastāṃ kṛtvā tatra ca kalaśopari yuñjet
Sanskrit only: no published translation is held for this verse.
प्रतिष्ठाप्य विधानेन धान्योपरिदृढं नवम् ।। जलेन पूरितं मन्त्रैः पुष्पपल्लवशोभितम्
pratiṣṭhāpya vidhānena dhānyoparidṛḍhaṃ navam || jalena pūritaṃ mantraiḥ puṣpapallavaśobhitam
Sanskrit only: no published translation is held for this verse.
तस्योपरि तिलैः पूर्णपात्रं स्थाप्य विधानतः ।। पूजयेन्मां गुरुं द्रव्यैः शिष्येणैवोपकल्पितैः
tasyopari tilaiḥ pūrṇapātraṃ sthāpya vidhānataḥ || pūjayenmāṃ guruṃ dravyaiḥ śiṣyeṇaivopakalpitaiḥ
Sanskrit only: no published translation is held for this verse.
तत्रार्चनविधिं कृत्वा गुरुधर्मविनिश्चयः ।। पूर्वोक्तानि च द्रव्याणि वेदिमध्यमुपाहरेत्
tatrārcanavidhiṃ kṛtvā gurudharmaviniścayaḥ || pūrvoktāni ca dravyāṇi vedimadhyamupāharet
Sanskrit only: no published translation is held for this verse.
चतुरः कलशान्दद्याच्चतुष्पार्श्वेषु सुन्दरि ।। वारिपूर्णान्द्विजाञ्छुद्धान्सहकारविभूषितान्
caturaḥ kalaśāndadyāccatuṣpārśveṣu sundari || vāripūrṇāndvijāñchuddhānsahakāravibhūṣitān
Sanskrit only: no published translation is held for this verse.
सर्वतः शुक्लसूत्रेण वेष्टयेत तथानघे ।। पूर्ण पात्राणि चत्वारि चतुष्पार्श्वेषु स्थापयेत्
sarvataḥ śuklasūtreṇa veṣṭayeta tathānaghe || pūrṇa pātrāṇi catvāri catuṣpārśveṣu sthāpayet
Sanskrit only: no published translation is held for this verse.
एवं मन्त्रं ततः कृत्वा दद्याद्दीक्षाप्रयोजकः ।। स च मन्त्रो यथान्यायं येन वा तुष्यते गुरुः
evaṃ mantraṃ tataḥ kṛtvā dadyāddīkṣāprayojakaḥ || sa ca mantro yathānyāyaṃ yena vā tuṣyate guruḥ
Sanskrit only: no published translation is held for this verse.
यथान्यायं च संगृह्य गुरुकर्मविनिश्चितः ।। प्रपद्यावसथं विष्णोर्दीक्षाणां परिकाङ्क्षिणः
yathānyāyaṃ ca saṃgṛhya gurukarmaviniścitaḥ || prapadyāvasathaṃ viṣṇordīkṣāṇāṃ parikāṅkṣiṇaḥ
Sanskrit only: no published translation is held for this verse.
उपस्पृश्य यथान्यायं भूत्वा पूर्वमुखस्ततः ।। सर्वांस्तु श्रावयेच्छिष्यान्दीक्षणार्थं न संशयः
upaspṛśya yathānyāyaṃ bhūtvā pūrvamukhastataḥ || sarvāṃstu śrāvayecchiṣyāndīkṣaṇārthaṃ na saṃśayaḥ
Sanskrit only: no published translation is held for this verse.
यस्तु भागवतान्दृष्ट्वा स्वयं भागवतः शुचिः ।। अभ्युत्थानं न कुर्वीत तेनाहं तु विहिंसितः
yastu bhāgavatāndṛṣṭvā svayaṃ bhāgavataḥ śuciḥ || abhyutthānaṃ na kurvīta tenāhaṃ tu vihiṃsitaḥ
Sanskrit only: no published translation is held for this verse.
कन्यां दत्त्वा पुनस्तांस्तु कर्मणा नोपपादयेत् ।। अष्टौ पितृगणास्तेन हिंसिता नात्र संशयः
kanyāṃ dattvā punastāṃstu karmaṇā nopapādayet || aṣṭau pitṛgaṇāstena hiṃsitā nātra saṃśayaḥ
Sanskrit only: no published translation is held for this verse.
भार्यां प्रियसखीं यस्तु साध्वीं हिंसति निर्घृणः ।। न तेन तां प्राप्नुवन्ति हिंसका दुष्टयोनिजाः
bhāryāṃ priyasakhīṃ yastu sādhvīṃ hiṃsati nirghṛṇaḥ || na tena tāṃ prāpnuvanti hiṃsakā duṣṭayonijāḥ
Sanskrit only: no published translation is held for this verse.
ब्रह्मघ्नश्च कृतघ्नश्च गोघ्नश्च कृतपातकाः ।। एताञ्छिष्यान् विवर्जेत उक्ता ये चान्यपातकाः
brahmaghnaśca kṛtaghnaśca goghnaśca kṛtapātakāḥ || etāñchiṣyān vivarjeta uktā ye cānyapātakāḥ
Sanskrit only: no published translation is held for this verse.
बिल्ववृक्षोदुम्बरौ च तथा चान्ये कदाचन ।। कर्मण्याश्चैव ये वृक्षा न च्छेत्तव्याः कदाचन
bilvavṛkṣodumbarau ca tathā cānye kadācana || karmaṇyāścaiva ye vṛkṣā na cchettavyāḥ kadācana
Sanskrit only: no published translation is held for this verse.
यदीच्छेत्परमां सिद्धिं मोक्षधर्मं सनातनम् ।। भक्ष्याभक्ष्यं च तं शिष्यं वेदितव्यं तदन्तरे
yadīcchetparamāṃ siddhiṃ mokṣadharmaṃ sanātanam || bhakṣyābhakṣyaṃ ca taṃ śiṣyaṃ veditavyaṃ tadantare
Sanskrit only: no published translation is held for this verse.
करीरस्य वधः शस्तः फलान्यौदुम्बरस्य च ।। सद्योभक्षा भवेत्तेन अभक्ष्या पूतिवासिका
karīrasya vadhaḥ śastaḥ phalānyaudumbarasya ca || sadyobhakṣā bhavettena abhakṣyā pūtivāsikā
Sanskrit only: no published translation is held for this verse.
न भक्षणीयं वाराहं मांसं मत्स्याश्च सर्वशः ।। अभक्ष्या ब्राह्मणैरेते दीक्षितैश्च न संशयः
na bhakṣaṇīyaṃ vārāhaṃ māṃsaṃ matsyāśca sarvaśaḥ || abhakṣyā brāhmaṇairete dīkṣitaiśca na saṃśayaḥ
Sanskrit only: no published translation is held for this verse.
परीवादं न कुर्वीत न हिंसां वा कदाचन ।। पैशुन्यं न च कर्त्तव्यं स्तैन्यं वापि कदाचन
parīvādaṃ na kurvīta na hiṃsāṃ vā kadācana || paiśunyaṃ na ca karttavyaṃ stainyaṃ vāpi kadācana
Sanskrit only: no published translation is held for this verse.
अतिथिं चागतं दृष्ट्वा दूराध्वानं गतं क्वचित् ।। संविभागस्तु कर्त्तव्यो येन केनापि पुत्रक
atithiṃ cāgataṃ dṛṣṭvā dūrādhvānaṃ gataṃ kvacit || saṃvibhāgastu karttavyo yena kenāpi putraka
Sanskrit only: no published translation is held for this verse.
गुरुपत्नी राजपत्नी ब्राह्मणस्त्री कदाचन ।। मनसापि न गन्तव्या एवं विष्णुः प्रभाषते
gurupatnī rājapatnī brāhmaṇastrī kadācana || manasāpi na gantavyā evaṃ viṣṇuḥ prabhāṣate
Sanskrit only: no published translation is held for this verse.
कनकादीनि रत्नानि यौवनस्था च कामिनी ।। तत्र चित्तं न कर्तव्यमेवं विष्णुः प्रभाषते
kanakādīni ratnāni yauvanasthā ca kāminī || tatra cittaṃ na kartavyamevaṃ viṣṇuḥ prabhāṣate
Sanskrit only: no published translation is held for this verse.
दृष्ट्वा परस्य भाग्यानि आत्मनो व्यसनं तथा ।। तत्र मन्युर्न कर्त्तव्यं एवं धर्मः सनातनः
dṛṣṭvā parasya bhāgyāni ātmano vyasanaṃ tathā || tatra manyurna karttavyaṃ evaṃ dharmaḥ sanātanaḥ
Sanskrit only: no published translation is held for this verse.
एवं ततः श्रावयीत दीक्षाकामं वसुन्धरे ।। छत्रं चोपानहं चैव मनसा चोपकल्पयेत्
evaṃ tataḥ śrāvayīta dīkṣākāmaṃ vasundhare || chatraṃ copānahaṃ caiva manasā copakalpayet
Sanskrit only: no published translation is held for this verse.
द्वे द्वे औदुम्बरस्य पत्रे वेदिमध्ये तु स्थापयेत् ।। क्षुरं चैव वरारोहे जलपूर्णं च भाजनम्
dve dve audumbarasya patre vedimadhye tu sthāpayet || kṣuraṃ caiva varārohe jalapūrṇaṃ ca bhājanam
Sanskrit only: no published translation is held for this verse.
ममावाहनपूर्वं तु मन्त्रेण विधिनार्चयेत् ।। मन्त्रः- ॐ सप्त सागराश्च सप्तद्वीपानि सप्त पवर्ताश्च दश स्वर्गसहस्राश्च समस्ताश्च नमोऽस्तु सर्वास्ते हृदये वसन्ति।। यश्चैतद्वर्षति पुनरुन्नमति
mamāvāhanapūrvaṃ tu mantreṇa vidhinārcayet || mantraḥ- oṃ sapta sāgarāśca saptadvīpāni sapta pavartāśca daśa svargasahasrāśca samastāśca namo'stu sarvāste hṛdaye vasanti|| yaścaitadvarṣati punarunnamati
Sanskrit only: no published translation is held for this verse.
ॐ भगवन्वासुदेव ममैतत्सारय युक्तं वराहरूपसृष्टेन पृथिव्यां तु मन्त्रानुस्मरणं च आज्ञापयानुभावनास्माकमाज्ञप्तमनुचिन्तयित्वा भगवन्नागच्छ दीक्षाकामविप्रस्त्वत्प्रसादात्तु दीक्षति
oṃ bhagavanvāsudeva mamaitatsāraya yuktaṃ varāharūpasṛṣṭena pṛthivyāṃ tu mantrānusmaraṇaṃ ca ājñāpayānubhāvanāsmākamājñaptamanucintayitvā bhagavannāgaccha dīkṣākāmaviprastvatprasādāttu dīkṣati
Sanskrit only: no published translation is held for this verse.
एतन्मन्त्रमुदाहृत्य शिरसा जानुभ्यामवनिं गतेन भवितव्यम्
etanmantramudāhṛtya śirasā jānubhyāmavaniṃ gatena bhavitavyam
Sanskrit only: no published translation is held for this verse.
ॐ स्वागतं स्वागतवानिति
oṃ svāgataṃ svāgatavāniti
Sanskrit only: no published translation is held for this verse.
तत एतेन मन्त्रेण आनयित्वा वसुन्धरे ।। अर्घ्यं पाद्यं च दातव्यं मन्त्रेण विधिनिश्चयात्
tata etena mantreṇa ānayitvā vasundhare || arghyaṃ pādyaṃ ca dātavyaṃ mantreṇa vidhiniścayāt
Sanskrit only: no published translation is held for this verse.
मन्त्रः- अकृतघ्ने देवानसुराकृतघ्नरुद्रेण ब्राह्मणाय च लब्धं सर्वमिमां भगवतेऽस्तु दत्तं प्रतिगृह्णीष्व च लोकनाथ
mantraḥ- akṛtaghne devānasurākṛtaghnarudreṇa brāhmaṇāya ca labdhaṃ sarvamimāṃ bhagavate'stu dattaṃ pratigṛhṇīṣva ca lokanātha
Sanskrit only: no published translation is held for this verse.
एवं भूमे ततो दत्त्वा अर्घ्यं पाद्यं च कर्मणा।। क्षुरं गृहीत्वा यथान्यायमिमं मन्त्र मुदीरयेत्
evaṃ bhūme tato dattvā arghyaṃ pādyaṃ ca karmaṇā|| kṣuraṃ gṛhītvā yathānyāyamimaṃ mantra mudīrayet
Sanskrit only: no published translation is held for this verse.
मन्त्रः – एवं वरुणः पातु शिष्य ते वपतः शिरः ।। जलेन विष्णुयुक्तेन दीक्षा संसारमोक्षणम्
mantraḥ – evaṃ varuṇaḥ pātu śiṣya te vapataḥ śiraḥ || jalena viṣṇuyuktena dīkṣā saṃsāramokṣaṇam
Sanskrit only: no published translation is held for this verse.
एकस्य कलशं दद्यात्कर्मकारस्य सुन्दरि ।। निष्कलं तु शिरः कृत्वा शोणितेन विवर्जितम्
ekasya kalaśaṃ dadyātkarmakārasya sundari || niṣkalaṃ tu śiraḥ kṛtvā śoṇitena vivarjitam
Sanskrit only: no published translation is held for this verse.
पुनः स्नानं ततः कृत्वा शीघ्रमेव न संशयः।। एतस्य विधिवत्कृत्वा दीक्षाकामस्य सुन्दरि
punaḥ snānaṃ tataḥ kṛtvā śīghrameva na saṃśayaḥ|| etasya vidhivatkṛtvā dīkṣākāmasya sundari
Sanskrit only: no published translation is held for this verse.
दत्त्वा संसारमोक्षाय सर्वकामविनिश्चितः।। जानुभ्यामवनिं गत्वा इमं मन्त्रमुदीरयेत्
dattvā saṃsāramokṣāya sarvakāmaviniścitaḥ|| jānubhyāmavaniṃ gatvā imaṃ mantramudīrayet
Sanskrit only: no published translation is held for this verse.
मन्त्रः - ॐ वेदाम्यहं भागवतांश्च सर्वान् सुदीक्षिता ये गुरवश्च सर्वे ।। विष्णुप्रसादेन च लब्धदीक्षा मम प्रसीदन्तु नमामि सर्वान् ।।५५। नत्वा तु भगवद्भक्तान् प्रज्वाल्य च हुताशनम् ।। घृतेन मधुमिश्रेण लाजाकृष्णतिलैस्तथा
mantraḥ - oṃ vedāmyahaṃ bhāgavatāṃśca sarvān sudīkṣitā ye guravaśca sarve || viṣṇuprasādena ca labdhadīkṣā mama prasīdantu namāmi sarvān ||55| natvā tu bhagavadbhaktān prajvālya ca hutāśanam || ghṛtena madhumiśreṇa lājākṛṣṇatilaistathā
Sanskrit only: no published translation is held for this verse.
सप्तवारांस्ततो दत्त्वा विंशतिं च तिलोदनम् ।। जानुभ्यामवनिं गत्वा इमं मन्त्रमुदाहरेत्।।५७।। मन्त्रः – अश्विनौ दिशः सोमसूर्यौ साक्षिमात्रं वयं प्रसन्नाः शृण्वन्तु मे सत्यवाक्यं वदामि
saptavārāṃstato dattvā viṃśatiṃ ca tilodanam || jānubhyāmavaniṃ gatvā imaṃ mantramudāharet||57|| mantraḥ – aśvinau diśaḥ somasūryau sākṣimātraṃ vayaṃ prasannāḥ śṛṇvantu me satyavākyaṃ vadāmi
Sanskrit only: no published translation is held for this verse.
सत्येन धार्यते भूमिर्भूमिः सत्येन तिष्ठति ।। सत्येन गच्छते सूर्यो वायुः सत्येन वाति च
satyena dhāryate bhūmirbhūmiḥ satyena tiṣṭhati || satyena gacchate sūryo vāyuḥ satyena vāti ca
Sanskrit only: no published translation is held for this verse.
एवं सत्यं ततः कृत्वा ब्राह्मणा वीक्षणं पुनः।। गुरुं प्रसादेयत्तत्र मन्त्रेण विधिनार्च्चयन्
evaṃ satyaṃ tataḥ kṛtvā brāhmaṇā vīkṣaṇaṃ punaḥ|| guruṃ prasādeyattatra mantreṇa vidhinārccayan
Sanskrit only: no published translation is held for this verse.
तिस्रः प्रदक्षिणाः कृत्वा देवं भागवतं गुरुम् ।। गुरुपादौ तु संगृह्य इमं मन्त्रमुदीरयेत्
tisraḥ pradakṣiṇāḥ kṛtvā devaṃ bhāgavataṃ gurum || gurupādau tu saṃgṛhya imaṃ mantramudīrayet
Sanskrit only: no published translation is held for this verse.
मन्त्रः – गुरुदेवप्रसादेन लब्धा दीक्षा यदृच्छया ।। यच्चैवापकृतं किंचिद्गुरुर्मर्षयतां मम
mantraḥ – gurudevaprasādena labdhā dīkṣā yadṛcchayā || yaccaivāpakṛtaṃ kiṃcidgururmarṣayatāṃ mama
Sanskrit only: no published translation is held for this verse.
एवं प्रसादयित्वा तु शिष्यो मन्त्रेण सुन्दरि ।। वेदिमध्ये स्थापयित्वा भूत्वा पूर्वमुखस्ततः
evaṃ prasādayitvā tu śiṣyo mantreṇa sundari || vedimadhye sthāpayitvā bhūtvā pūrvamukhastataḥ
Sanskrit only: no published translation is held for this verse.
शिष्यमेव यतो दृष्ट्वा गृहीत्वा च कमण्डलुम् ।। शुक्लयज्ञोपवीतं च इमं मन्त्रमुदाहरेत्
śiṣyameva yato dṛṣṭvā gṛhītvā ca kamaṇḍalum || śuklayajñopavītaṃ ca imaṃ mantramudāharet
Sanskrit only: no published translation is held for this verse.
मन्त्रः – विष्णुप्रसादेन गतोऽसि सिद्धिं प्राप्ता च दीक्षा सकमण्डलुश्च ।। गृहीत्वा तु कराभ्यां युक्तोऽसि कर्मणा क्रियायां चैव
mantraḥ – viṣṇuprasādena gato'si siddhiṃ prāptā ca dīkṣā sakamaṇḍaluśca || gṛhītvā tu karābhyāṃ yukto'si karmaṇā kriyāyāṃ caiva
Sanskrit only: no published translation is held for this verse.
ततो मुखपदं कृत्वा दीक्षितो गुरुणा तथा ।। सर्वप्रदक्षिणं कृत्वा इमं मन्त्रमुदाहरेत्
tato mukhapadaṃ kṛtvā dīkṣito guruṇā tathā || sarvapradakṣiṇaṃ kṛtvā imaṃ mantramudāharet
Sanskrit only: no published translation is held for this verse.
अधोऽधो भूत्वा यद्यहं भ्राम्यल्लँब्धो गुरुर्विष्णुदीक्षा च लब्धा ।। तव प्रसादाच्च गुरो यथा च
adho'dho bhūtvā yadyahaṃ bhrāmyalla~bdho gururviṣṇudīkṣā ca labdhā || tava prasādācca guro yathā ca
Sanskrit only: no published translation is held for this verse.
एतेन मन्त्रेण मुखपदं कारयेत् ।। शौचसेके वै कुर्याद्देवान्तन्तुवाससम्
etena mantreṇa mukhapadaṃ kārayet || śaucaseke vai kuryāddevāntantuvāsasam
Sanskrit only: no published translation is held for this verse.
एवं वै वास आदत्ते गृह्ण वत्स कमण्डलुम् ।। इमं लोकेषु विख्यातं शोधनं सर्वकर्मसु
evaṃ vai vāsa ādatte gṛhṇa vatsa kamaṇḍalum || imaṃ lokeṣu vikhyātaṃ śodhanaṃ sarvakarmasu
Sanskrit only: no published translation is held for this verse.
मन्त्रः – गृह्णीष्व गन्धपात्राणि सर्वगन्धं सुखोचितम् ।। सर्ववैष्णवकं शुद्धं सर्वसंसारमोक्षणम्
mantraḥ – gṛhṇīṣva gandhapātrāṇi sarvagandhaṃ sukhocitam || sarvavaiṣṇavakaṃ śuddhaṃ sarvasaṃsāramokṣaṇam
Sanskrit only: no published translation is held for this verse.
मधुपर्कं गृहीत्वा च त्विमं मन्त्रमुदीरयेत् ।। मन्त्रः – गृहाण मधुपर्कं च प्रार्थकाय विशोधनम्
madhuparkaṃ gṛhītvā ca tvimaṃ mantramudīrayet || mantraḥ – gṛhāṇa madhuparkaṃ ca prārthakāya viśodhanam
Sanskrit only: no published translation is held for this verse.
ततो गृहीत्वा चरणौ गुरोर्यत्नात्सुतोषयेत् ।। शिरसा चाञ्जलिं कृत्वा मनश्चैव सुसंयतम् ।। गुरूपदिष्टं सन्धार्य इमं मन्त्रमुदीरयेत्
tato gṛhītvā caraṇau guroryatnātsutoṣayet || śirasā cāñjaliṃ kṛtvā manaścaiva susaṃyatam || gurūpadiṣṭaṃ sandhārya imaṃ mantramudīrayet
Sanskrit only: no published translation is held for this verse.
मन्त्रः – शृण्वन्तु मे भागवतास्तु सर्वे गुरुश्च मे सर्वकामक्षयं चकार ।। अहं शिष्यो दासभूतस्तथैव देवसमो गुरुश्च मे तथोपपन्नम्
mantraḥ – śṛṇvantu me bhāgavatāstu sarve guruśca me sarvakāmakṣayaṃ cakāra || ahaṃ śiṣyo dāsabhūtastathaiva devasamo guruśca me tathopapannam
Sanskrit only: no published translation is held for this verse.
एषागमे ब्राह्मणस्य दीक्षा भूमे ह्युदाहृता ।। त्रयाणामथ वर्णानां मम दीक्षाविधीञ्छृणु
eṣāgame brāhmaṇasya dīkṣā bhūme hyudāhṛtā || trayāṇāmatha varṇānāṃ mama dīkṣāvidhīñchṛṇu
Sanskrit only: no published translation is held for this verse.
एतेनैव विधानेन दीक्षयेत वसुन्धरे ।। उभौ च प्राप्नुतां सिद्धिमाचार्यः शिष्य एव च
etenaiva vidhānena dīkṣayeta vasundhare || ubhau ca prāpnutāṃ siddhimācāryaḥ śiṣya eva ca
Sanskrit only: no published translation is held for this verse.
इति श्रीवराहपुराणे ब्राह्मणदीक्षासूत्रं नाम सप्तविंशत्यधिकशततमोऽध्यायः
iti śrīvarāhapurāṇe brāhmaṇadīkṣāsūtraṃ nāma saptaviṃśatyadhikaśatatamo'dhyāyaḥ
Sanskrit only: no published translation is held for this verse.