Varāha Purāṇa 129

अथ चतुर्वर्णदीक्षा ।। श्रीवराह उवाच ।। भूषितालंकृतं कृत्वा मम कर्मपरायणः ।। शुक्लं यज्ञोपवीतं च देयं नवगुणं तथा

atha caturvarṇadīkṣā || śrīvarāha uvāca || bhūṣitālaṃkṛtaṃ kṛtvā mama karmaparāyaṇaḥ || śuklaṃ yajñopavītaṃ ca deyaṃ navaguṇaṃ tathā

Sanskrit only: no published translation is held for this verse.

य एवं पठते नित्यं न स पापेन लिप्यते।। नादीक्षिताय दातव्यं नोपवीते कथंचन ।। दीक्षितायैव दातव्यमुपपन्ने तथैव च ।। पुनरन्यत्प्रवक्ष्यामि देवि तत्त्वेन मे शृणु ।। न दीपमपि गृह्णाति दत्तं भागवतैः शुभैः।। कृत्वा तु मम कर्माणि गृह्य दीपकमुत्तमम् ।। जानुसंस्थां ततः कृत्वा इमं मन्त्रमुदीरयेत।। मन्त्रः – ॐ नमो भगवतेऽनुग्रह तेजसे विष्णो सर्वदेवास्त्वाग्निसंस्थाः प्रविष्टा एवं चाग्निस्तव तेजसा भविष्यति स्वतेजसा मामाशु मन्त्रस्य तेजसा संसारार्थं देव गृह्यं दीपकं मन्त्रं मूर्त्तिमन्त्रं श्वो भूत्वा इमं कर्म निष्फलम् ।। तत्करोति यथान्याय्यं दीपकं ददते नरः ।। तारिताः पितरस्तेन निष्कलाश्च पितामहाः ।।) गन्धेन तिलकं दद्याल्ललाटे मम सुन्दरि ।। अन्यच्च ते प्रवक्ष्यामि कर्म लोकसुखावहम्

ya evaṃ paṭhate nityaṃ na sa pāpena lipyate|| nādīkṣitāya dātavyaṃ nopavīte kathaṃcana || dīkṣitāyaiva dātavyamupapanne tathaiva ca || punaranyatpravakṣyāmi devi tattvena me śṛṇu || na dīpamapi gṛhṇāti dattaṃ bhāgavataiḥ śubhaiḥ|| kṛtvā tu mama karmāṇi gṛhya dīpakamuttamam || jānusaṃsthāṃ tataḥ kṛtvā imaṃ mantramudīrayeta|| mantraḥ – oṃ namo bhagavate'nugraha tejase viṣṇo sarvadevāstvāgnisaṃsthāḥ praviṣṭā evaṃ cāgnistava tejasā bhaviṣyati svatejasā māmāśu mantrasya tejasā saṃsārārthaṃ deva gṛhyaṃ dīpakaṃ mantraṃ mūrttimantraṃ śvo bhūtvā imaṃ karma niṣphalam || tatkaroti yathānyāyyaṃ dīpakaṃ dadate naraḥ || tāritāḥ pitarastena niṣkalāśca pitāmahāḥ ||) gandhena tilakaṃ dadyāllalāṭe mama sundari || anyacca te pravakṣyāmi karma lokasukhāvaham

Sanskrit only: no published translation is held for this verse.

येन मन्त्रेण दातव्यं ललाटे तिलकं मम

yena mantreṇa dātavyaṃ lalāṭe tilakaṃ mama

Sanskrit only: no published translation is held for this verse.

मन्त्रः – मुखमण्डनं चिन्तया वासुदेव त्वया प्रयुक्तं च मयोपनीतम् ।। एतेन चित्रं कुरु वासुदेव मम चैवं कुरु संसारमोक्षम्

mantraḥ – mukhamaṇḍanaṃ cintayā vāsudeva tvayā prayuktaṃ ca mayopanītam || etena citraṃ kuru vāsudeva mama caivaṃ kuru saṃsāramokṣam

Sanskrit only: no published translation is held for this verse.

एतेन मन्त्रेण चित्रकं मे दद्याल्ललाटे तिलकं धरित्रि ।। ततः सुमनसो गृह्य इमं मन्त्रमुदाहरेत्

etena mantreṇa citrakaṃ me dadyāllalāṭe tilakaṃ dharitri || tataḥ sumanaso gṛhya imaṃ mantramudāharet

Sanskrit only: no published translation is held for this verse.

मन्त्रः – इमाः सुमनसः सौमनस्याय भगवन् सर्वं सुमनसं कुरु त्वयैते सौमनस्याय निर्मिता गृहीताः स्वाहा

mantraḥ – imāḥ sumanasaḥ saumanasyāya bhagavan sarvaṃ sumanasaṃ kuru tvayaite saumanasyāya nirmitā gṛhītāḥ svāhā

Sanskrit only: no published translation is held for this verse.

एवं सुमनसो दत्त्वा धूपं चैव निवेदयेत् ।। ततो गृहीत्वा धूपं तु सुगन्धं सुमनोहरम्

evaṃ sumanaso dattvā dhūpaṃ caiva nivedayet || tato gṛhītvā dhūpaṃ tu sugandhaṃ sumanoharam

Sanskrit only: no published translation is held for this verse.

नमो नारायणेत्युक्त्वा इमं मन्त्रमुदीरयेत् ।। मन्त्रः – सुगन्धानि तवाङ्गानि स्वभावेनैव केशव

namo nārāyaṇetyuktvā imaṃ mantramudīrayet || mantraḥ – sugandhāni tavāṅgāni svabhāvenaiva keśava

Sanskrit only: no published translation is held for this verse.

अमुना चैव धूपेन धूपितानि तवाऽनघ ।। तवाङ्गानां सुगन्धेन सर्वं सौगन्धिकं कुरु

amunā caiva dhūpena dhūpitāni tavā'nagha || tavāṅgānāṃ sugandhena sarvaṃ saugandhikaṃ kuru

Sanskrit only: no published translation is held for this verse.

गृहाणेमं च मे धूपं सर्वसंसारमोक्षणम् ।। पुनरन्यत्प्रवक्ष्यामि यथा दीपं निवेदयेत्

gṛhāṇemaṃ ca me dhūpaṃ sarvasaṃsāramokṣaṇam || punaranyatpravakṣyāmi yathā dīpaṃ nivedayet

Sanskrit only: no published translation is held for this verse.

यथावृत्तं तु गृह्णामि मम भक्तैः सुखावहम् ।। कृत्वा तु मम कर्माणि गृह्य दीपमनुत्तमम्

yathāvṛttaṃ tu gṛhṇāmi mama bhaktaiḥ sukhāvaham || kṛtvā tu mama karmāṇi gṛhya dīpamanuttamam

Sanskrit only: no published translation is held for this verse.

जानुसंस्थं ततः कृत्वा इमं मन्त्रमुदीरयेत्

jānusaṃsthaṃ tataḥ kṛtvā imaṃ mantramudīrayet

Sanskrit only: no published translation is held for this verse.

मन्त्रः – नमो भगवते तेजते विष्णो सर्वे देवास्त्वग्निसंस्थाः प्रतिष्ठा ।। एवं चाग्निस्तव तेजसा प्रतिष्ठितो तेजश्चात्मा स्वयमेव

mantraḥ – namo bhagavate tejate viṣṇo sarve devāstvagnisaṃsthāḥ pratiṣṭhā || evaṃ cāgnistava tejasā pratiṣṭhito tejaścātmā svayameva

Sanskrit only: no published translation is held for this verse.

मन्त्रश्च – तेजः संसारान्मोचयितुं देव गृह्णीष्व दीपं द्युतिमन्तश्च ।। मूर्तिश्च भूत्वा इदं कर्म निष्कलम्

mantraśca – tejaḥ saṃsārānmocayituṃ deva gṛhṇīṣva dīpaṃ dyutimantaśca || mūrtiśca bhūtvā idaṃ karma niṣkalam

Sanskrit only: no published translation is held for this verse.

मां करोति यथान्यायं दीपकं ददते नरः ।। तारिताः पितरस्तेन निष्कलाश्च पितामहाः

māṃ karoti yathānyāyaṃ dīpakaṃ dadate naraḥ || tāritāḥ pitarastena niṣkalāśca pitāmahāḥ

Sanskrit only: no published translation is held for this verse.

नारायणवचः श्रुत्वा विस्मिता च वसुन्धरा ।। वराहरूपिणं देवं प्रत्युवाच वसुन्धरा

nārāyaṇavacaḥ śrutvā vismitā ca vasundharā || varāharūpiṇaṃ devaṃ pratyuvāca vasundharā

Sanskrit only: no published translation is held for this verse.

श्रुता मया भागवतास्तव कर्मपरायणाः ।। शेषसंश्रवणार्थाय मनो धावति सत्पथे

śrutā mayā bhāgavatāstava karmaparāyaṇāḥ || śeṣasaṃśravaṇārthāya mano dhāvati satpathe

Sanskrit only: no published translation is held for this verse.

तव प्रापणकं कृत्यं केषु पात्रेषु कारयेत् ।। एतदाचक्ष्व तत्त्वेन येन तुष्यति माधव

tava prāpaṇakaṃ kṛtyaṃ keṣu pātreṣu kārayet || etadācakṣva tattvena yena tuṣyati mādhava

Sanskrit only: no published translation is held for this verse.

ततो भूमेर्वचः श्रुत्वा लोकनाथोऽब्रवीदिदम् ।। शृणु तत्त्वेन मे देवि यानि पात्राणि रोचते

tato bhūmervacaḥ śrutvā lokanātho'bravīdidam || śṛṇu tattvena me devi yāni pātrāṇi rocate

Sanskrit only: no published translation is held for this verse.

तानि ते कथयिष्यामि त्वया मे पूर्वपृच्छितम् ।। सौवर्णं राजतं कांस्यं येषु दद्यात्प्रपाणकम्

tāni te kathayiṣyāmi tvayā me pūrvapṛcchitam || sauvarṇaṃ rājataṃ kāṃsyaṃ yeṣu dadyātprapāṇakam

Sanskrit only: no published translation is held for this verse.

सर्वाणि तानि त्यक्त्वेह ताम्रं च मम रोचते ।। एतन्नारायणाच्छ्रुत्वा धर्मकामा वसुन्धरा

sarvāṇi tāni tyaktveha tāmraṃ ca mama rocate || etannārāyaṇācchrutvā dharmakāmā vasundharā

Sanskrit only: no published translation is held for this verse.

उवाच मधुरं वाक्यं लोकनाथं जनार्द्दनम् ।। एतन्मे परमं गुह्यं ताम्रं ते रोचते कथम्

uvāca madhuraṃ vākyaṃ lokanāthaṃ janārddanam || etanme paramaṃ guhyaṃ tāmraṃ te rocate katham

Sanskrit only: no published translation is held for this verse.

ततो भूमेर्वचः श्रुत्वा अनादिरपराजितः ।। लोकानां प्रवरः श्रेष्ठः प्रत्युवाच वसुन्धराम्

tato bhūmervacaḥ śrutvā anādiraparājitaḥ || lokānāṃ pravaraḥ śreṣṭhaḥ pratyuvāca vasundharām

Sanskrit only: no published translation is held for this verse.

शृणु तत्त्वेन मे भूमे कथ्यमानं मयाऽनघे ।। एकाग्रं चित्तमाधाय येन ताम्रं मम प्रियम्

śṛṇu tattvena me bhūme kathyamānaṃ mayā'naghe || ekāgraṃ cittamādhāya yena tāmraṃ mama priyam

Sanskrit only: no published translation is held for this verse.

सप्तयुगसहस्राणि आदिकालेऽथ माधवि ।। यथा ताम्रं समुत्पन्नं यथैव प्रियदर्शनम्

saptayugasahasrāṇi ādikāle'tha mādhavi || yathā tāmraṃ samutpannaṃ yathaiva priyadarśanam

Sanskrit only: no published translation is held for this verse.

पूर्वं कमलपत्राक्षि गुडाकेशो महासुरः ।। ताम्ररूपं समादाय ममैवाराधने रतः

pūrvaṃ kamalapatrākṣi guḍākeśo mahāsuraḥ || tāmrarūpaṃ samādāya mamaivārādhane rataḥ

Sanskrit only: no published translation is held for this verse.

तत आराधितस्तेन वर्षाणां तु चतुर्दश ।। सहस्राणि विशालाक्षि धर्मकामेन निश्चलम्

tata ārādhitastena varṣāṇāṃ tu caturdaśa || sahasrāṇi viśālākṣi dharmakāmena niścalam

Sanskrit only: no published translation is held for this verse.

अहं तु तपसा तुष्टस्तीव्रेण कृतनिश्चयात् ।। ततस्ताम्रमये रम्ये यत्र ताम्रसमुद्भवः

ahaṃ tu tapasā tuṣṭastīvreṇa kṛtaniścayāt || tatastāmramaye ramye yatra tāmrasamudbhavaḥ

Sanskrit only: no published translation is held for this verse.

दृष्ट्वाश्रमं महादेवि किञ्चिदेव सुभाषितम् ।। ततो जानुस्थितो भूत्वा मम एष विचिन्तयेत्

dṛṣṭvāśramaṃ mahādevi kiñcideva subhāṣitam || tato jānusthito bhūtvā mama eṣa vicintayet

Sanskrit only: no published translation is held for this verse.

चतुर्बाहुं च मां दृष्ट्वा मम कर्मपरायणः ।। प्रणतः प्राञ्जलिः प्राह शिरो भूमौ निधाप्य सः ।। तं च दृष्ट्वा मया प्रोक्तं प्रसन्नेनान्तरात्मना

caturbāhuṃ ca māṃ dṛṣṭvā mama karmaparāyaṇaḥ || praṇataḥ prāñjaliḥ prāha śiro bhūmau nidhāpya saḥ || taṃ ca dṛṣṭvā mayā proktaṃ prasannenāntarātmanā

Sanskrit only: no published translation is held for this verse.

गुडाकेश महाभाग ब्रूहि किं करवाणि ते ।। तोषितोऽस्म्यनया भक्त्या दुराराध्योऽपि सुव्रत

guḍākeśa mahābhāga brūhi kiṃ karavāṇi te || toṣito'smyanayā bhaktyā durārādhyo'pi suvrata

Sanskrit only: no published translation is held for this verse.

यत्त्वया चिन्तितं सौम्य कर्मणा मनसा गिरा ।। वरं ब्रूहि महाभाग तुभ्यं यद्रोचतेऽनघ

yattvayā cintitaṃ saumya karmaṇā manasā girā || varaṃ brūhi mahābhāga tubhyaṃ yadrocate'nagha

Sanskrit only: no published translation is held for this verse.

एवं मम वचः श्रुत्वा गुडकेशोऽब्रवीदिदम् ।। कराभ्यामञ्जलिं कृत्वा विशुद्धेनान्तरात्मना

evaṃ mama vacaḥ śrutvā guḍakeśo'bravīdidam || karābhyāmañjaliṃ kṛtvā viśuddhenāntarātmanā

Sanskrit only: no published translation is held for this verse.

यदि तुष्टोऽसि मे देव समस्तेनान्तरात्मना ।। जन्मनां तु सहस्रणि त्वयि भक्तिर्दृढाऽस्तु मे

yadi tuṣṭo'si me deva samastenāntarātmanā || janmanāṃ tu sahasraṇi tvayi bhaktirdṛḍhā'stu me

Sanskrit only: no published translation is held for this verse.

चक्रेण वधमिच्छामि त्वया मुक्तेन केशव

cakreṇa vadhamicchāmi tvayā muktena keśava

Sanskrit only: no published translation is held for this verse.

चकेण पातितस्यैतद्वसामांसानि किं चन ।। ताम्रं नाम भवेदेव पवित्रीकरणं शुभम्

cakeṇa pātitasyaitadvasāmāṃsāni kiṃ cana || tāmraṃ nāma bhavedeva pavitrīkaraṇaṃ śubham

Sanskrit only: no published translation is held for this verse.

तेन पात्रं ततः कृत्वा शुभधर्मविनिश्चितः ।। तस्मिन्प्रापणकं कृत्वा शुद्धे वै ताम्रभाजने

tena pātraṃ tataḥ kṛtvā śubhadharmaviniścitaḥ || tasminprāpaṇakaṃ kṛtvā śuddhe vai tāmrabhājane

Sanskrit only: no published translation is held for this verse.

निवेदिते परा प्रीतिर्भवत्वेतन्मनोगतम् ।। प्रसन्नो यदि मे देव ह्येष मे दीयतां वरः

nivedite parā prītirbhavatvetanmanogatam || prasanno yadi me deva hyeṣa me dīyatāṃ varaḥ

Sanskrit only: no published translation is held for this verse.

यच्चिन्तितोऽसि देवेश उग्रे तपति तिष्ठता ।। बाढमित्येव सोऽप्युक्तो यावल्लोकस्थितिर्मया

yaccintito'si deveśa ugre tapati tiṣṭhatā || bāḍhamityeva so'pyukto yāvallokasthitirmayā

Sanskrit only: no published translation is held for this verse.

तावत्ताम्रस्थितो भूत्वा मम संस्थो भविष्यसि ।। ततः प्रभृति ताम्रात्मा गुडाकेशो व्यवस्थितः

tāvattāmrasthito bhūtvā mama saṃstho bhaviṣyasi || tataḥ prabhṛti tāmrātmā guḍākeśo vyavasthitaḥ

Sanskrit only: no published translation is held for this verse.

तत्ताम्रभाजने मह्यं दीयते यत्सुपुष्कलम् ।। अतुला तेन मे प्रीतिर्भूमे जानीहि सुव्रते

tattāmrabhājane mahyaṃ dīyate yatsupuṣkalam || atulā tena me prītirbhūme jānīhi suvrate

Sanskrit only: no published translation is held for this verse.

मङ्गल्यं च पवित्रं च ताम्रं तेन प्रियं मम ।। त्वं च द्रक्ष्यसि तच्चक्रं मध्यसंस्थे दिवाकरे

maṅgalyaṃ ca pavitraṃ ca tāmraṃ tena priyaṃ mama || tvaṃ ca drakṣyasi taccakraṃ madhyasaṃsthe divākare

Sanskrit only: no published translation is held for this verse.

वैशाखस्य तु मासस्य शुक्लपक्षे तु द्वादशी ।। मम तेजोमयं चक्रं त्वां वधिष्यत्यसंशयम्

vaiśākhasya tu māsasya śuklapakṣe tu dvādaśī || mama tejomayaṃ cakraṃ tvāṃ vadhiṣyatyasaṃśayam

Sanskrit only: no published translation is held for this verse.

एष्यसे मम लोकाय एवमेतन्न संशयः ।। एवमुक्त्वा गुडाकेशं तत्रैवान्तर्हितोऽभवम्

eṣyase mama lokāya evametanna saṃśayaḥ || evamuktvā guḍākeśaṃ tatraivāntarhito'bhavam

Sanskrit only: no published translation is held for this verse.

चक्राद्वधमभीप्सन्वै सोऽपि मत्कर्मणि स्थितः ।। दिने दिने विशिष्टं तु शुभं कुर्वंस्तपस्यति

cakrādvadhamabhīpsanvai so'pi matkarmaṇi sthitaḥ || dine dine viśiṣṭaṃ tu śubhaṃ kurvaṃstapasyati

Sanskrit only: no published translation is held for this verse.

शुक्लपक्षस्य सम्प्राप्ता तस्यां धर्मविनिश्चितः ।। विष्णुपूजां ततः कृत्वा प्रार्थयामास मां प्रतिं

śuklapakṣasya samprāptā tasyāṃ dharmaviniścitaḥ || viṣṇupūjāṃ tataḥ kṛtvā prārthayāmāsa māṃ pratiṃ

Sanskrit only: no published translation is held for this verse.

मुञ्च मुञ्च प्रभो चक्रमपि वह्निसमप्रभम् ।। आत्मा मे नीयतां शीघ्रं निकृत्त्याङ्गानि सर्वशः

muñca muñca prabho cakramapi vahnisamaprabham || ātmā me nīyatāṃ śīghraṃ nikṛttyāṅgāni sarvaśaḥ

Sanskrit only: no published translation is held for this verse.

तदैव चक्रेण विपाटितोऽसौ प्राप्तोऽपि मां भागवतप्रधानः ।। ताम्रं तु तन्मांसमसृक् सुवर्णमस्थीनि रूप्यं बहुधातवश्च ।। रङ्गं च सीसं त्रपुधातुसंस्थं कांस्यं च रीतिश्च मलस्तु तेषाम्

tadaiva cakreṇa vipāṭito'sau prāpto'pi māṃ bhāgavatapradhānaḥ || tāmraṃ tu tanmāṃsamasṛk suvarṇamasthīni rūpyaṃ bahudhātavaśca || raṅgaṃ ca sīsaṃ trapudhātusaṃsthaṃ kāṃsyaṃ ca rītiśca malastu teṣām

Sanskrit only: no published translation is held for this verse.

ताम्रपात्रेण वै भूमे प्रापणं यत्प्रदीयते ।। सिक्थे सिक्थे फलं तस्य शृणुष्व गदतो मम

tāmrapātreṇa vai bhūme prāpaṇaṃ yatpradīyate || sikthe sikthe phalaṃ tasya śṛṇuṣva gadato mama

Sanskrit only: no published translation is held for this verse.

एतद्भागवतैः कार्यं मम प्रियकरैः सदा ।। एवं ताम्रं समुत्पन्नमिति मे रोचते हि तत्

etadbhāgavataiḥ kāryaṃ mama priyakaraiḥ sadā || evaṃ tāmraṃ samutpannamiti me rocate hi tat

Sanskrit only: no published translation is held for this verse.

दीक्षितैर्वै भागवतैः पाद्यार्घ्यादौ च दीयते ।। एवं दीक्षाविधिः प्रोक्त एवं ताम्रसमुद्भवः

dīkṣitairvai bhāgavataiḥ pādyārghyādau ca dīyate || evaṃ dīkṣāvidhiḥ prokta evaṃ tāmrasamudbhavaḥ

Sanskrit only: no published translation is held for this verse.

देवि तत्त्वेन कथितः किमन्यत् परिपृच्छसि ।। भूमिरुवाच ।। देवदेव कथं सन्ध्यां दीक्षितः कुरुते वद

devi tattvena kathitaḥ kimanyat paripṛcchasi || bhūmiruvāca || devadeva kathaṃ sandhyāṃ dīkṣitaḥ kurute vada

Sanskrit only: no published translation is held for this verse.

केन मन्त्रेण वा भक्तस्तव कर्मपरायणः ।। श्रीवराह उवाच ।। शृणु माधवि तत्त्वेन सन्ध्यामन्त्रमनुत्तमम्

kena mantreṇa vā bhaktastava karmaparāyaṇaḥ || śrīvarāha uvāca || śṛṇu mādhavi tattvena sandhyāmantramanuttamam

Sanskrit only: no published translation is held for this verse.

यथा वदन्ति वै सूर्यं सन्ध्यां पूर्वां परां तथा ।। जलाञ्जलिं गृहीत्वा तु मम भक्त्या व्यवस्थितः

yathā vadanti vai sūryaṃ sandhyāṃ pūrvāṃ parāṃ tathā || jalāñjaliṃ gṛhītvā tu mama bhaktyā vyavasthitaḥ

Sanskrit only: no published translation is held for this verse.

मुहूर्त्तं ध्यानमास्थाय इमं मन्त्रमुदीरयेत् ।। सिक्थानि तत्र यावन्ति ताम्रप्रापणके धरे

muhūrttaṃ dhyānamāsthāya imaṃ mantramudīrayet || sikthāni tatra yāvanti tāmraprāpaṇake dhare

Sanskrit only: no published translation is held for this verse.

तावद्वर्षसहस्राणि मम लोके स मोदते

tāvadvarṣasahasrāṇi mama loke sa modate

Sanskrit only: no published translation is held for this verse.

मन्त्रः – भवोद्भवमादिव्यक्तरूपमादित्यं सर्वे देवा ब्रह्मरुद्रेन्द्रास्त्वां च ।। कृष्णे यथासीद्ध्यानयोगस्थितास्ते सन्ध्यासंस्था वासुदेवं नमन्ति

mantraḥ – bhavodbhavamādivyaktarūpamādityaṃ sarve devā brahmarudrendrāstvāṃ ca || kṛṣṇe yathāsīddhyānayogasthitāste sandhyāsaṃsthā vāsudevaṃ namanti

Sanskrit only: no published translation is held for this verse.

वयं देवमादिमव्यक्तरूपं कृत्वा चात्मनि देव संस्थास्तथापि ।। संसारार्थं कर्म तत्करणमेव सन्ध्यासंस्था वासुदेव नमो नमः

vayaṃ devamādimavyaktarūpaṃ kṛtvā cātmani deva saṃsthāstathāpi || saṃsārārthaṃ karma tatkaraṇameva sandhyāsaṃsthā vāsudeva namo namaḥ

Sanskrit only: no published translation is held for this verse.

अनेनैव हि मन्त्रेण सन्ध्यां कुर्यात्तु दीक्षितः

anenaiva hi mantreṇa sandhyāṃ kuryāttu dīkṣitaḥ

Sanskrit only: no published translation is held for this verse.

इति श्रीवराहपुराणे चतुर्वर्णदीक्षाताम्रवर्णनं नामोनत्रिंशदधिकशततमोऽध्यायः

iti śrīvarāhapurāṇe caturvarṇadīkṣātāmravarṇanaṃ nāmonatriṃśadadhikaśatatamo'dhyāyaḥ

Sanskrit only: no published translation is held for this verse.