Varāha Purāṇa 130

अथ राजान्नभोगे प्रायश्चित्तम् ।। सूत उवाच ।। एवं दीक्षां ततः श्रुत्वा नारायणमुखान्मही ।। विशुद्धमानसा देवी नारायणमथाब्रवीत्

atha rājānnabhoge prāyaścittam || sūta uvāca || evaṃ dīkṣāṃ tataḥ śrutvā nārāyaṇamukhānmahī || viśuddhamānasā devī nārāyaṇamathābravīt

Sanskrit only: no published translation is held for this verse.

धरण्युवाच ।। अहो ते दीक्षामाहात्म्यं यस्य वै व्युष्टिरुत्तमा ।। श्रुत्वाहं तु महाभाग जातास्मि विमला विभो

dharaṇyuvāca || aho te dīkṣāmāhātmyaṃ yasya vai vyuṣṭiruttamā || śrutvāhaṃ tu mahābhāga jātāsmi vimalā vibho

Sanskrit only: no published translation is held for this verse.

अहो देवस्य माहात्म्यं लोकनाथस्य तत्त्वतः ।। येन सा कारिता दीक्षा चातुर्वर्ण्यसुखावहा

aho devasya māhātmyaṃ lokanāthasya tattvataḥ || yena sā kāritā dīkṣā cāturvarṇyasukhāvahā

Sanskrit only: no published translation is held for this verse.

एकं मे परमं गुह्यं यदीश हृदि वर्त्तते ।। भव भक्तसुखार्थाय तत्त्वं मे वक्तुमर्हसि

ekaṃ me paramaṃ guhyaṃ yadīśa hṛdi varttate || bhava bhaktasukhārthāya tattvaṃ me vaktumarhasi

Sanskrit only: no published translation is held for this verse.

देव पूर्वापराधास्ते द्वात्रिंशदपि कीर्तिताः ।। एवं कृत्वापराधानि मनुजा ह्यल्पचेतसः

deva pūrvāparādhāste dvātriṃśadapi kīrtitāḥ || evaṃ kṛtvāparādhāni manujā hyalpacetasaḥ

Sanskrit only: no published translation is held for this verse.

कर्मणा केन शुद्ध्यन्ति अपराधस्य कारिणः ।। तन्ममाचक्ष्व तत्त्वेन मम प्रीत्या च माधव

karmaṇā kena śuddhyanti aparādhasya kāriṇaḥ || tanmamācakṣva tattvena mama prītyā ca mādhava

Sanskrit only: no published translation is held for this verse.

तद्वै भूम्या वचः श्रुत्वा हृषीकेशो महामनाः ।। दिव्यं ध्यानं समादाय प्रत्युवाच वसुन्धराम्

tadvai bhūmyā vacaḥ śrutvā hṛṣīkeśo mahāmanāḥ || divyaṃ dhyānaṃ samādāya pratyuvāca vasundharām

Sanskrit only: no published translation is held for this verse.

श्रीवराह उवाच ।। शुद्धा भागवता भूत्वा मम कर्मपरायणाः ।। ये तु भुञ्जन्ति राजान्नं लोभेन च भयेन वा

śrīvarāha uvāca || śuddhā bhāgavatā bhūtvā mama karmaparāyaṇāḥ || ye tu bhuñjanti rājānnaṃ lobhena ca bhayena vā

Sanskrit only: no published translation is held for this verse.

आपद्गता हि भुञ्जन्ति राजान्नं तु वसुन्धरे ।। दशवर्षसहस्राणि पच्यन्ते नरके नराः

āpadgatā hi bhuñjanti rājānnaṃ tu vasundhare || daśavarṣasahasrāṇi pacyante narake narāḥ

Sanskrit only: no published translation is held for this verse.

भगवद्वचनं श्रुत्वा कम्पिता च वसुन्धरा ।। दिनानि सप्त दश च भयं तीव्रमजायत

bhagavadvacanaṃ śrutvā kampitā ca vasundharā || dināni sapta daśa ca bhayaṃ tīvramajāyata

Sanskrit only: no published translation is held for this verse.

ततो दीनमना भूत्वा सा मही संशितव्रता ।। उवाच मधुरं वाक्यं सर्वलोकसुखावहम्

tato dīnamanā bhūtvā sā mahī saṃśitavratā || uvāca madhuraṃ vākyaṃ sarvalokasukhāvaham

Sanskrit only: no published translation is held for this verse.

धरण्युवाच ।। शृणु तत्त्वेन मे देव हृदये हि व्यवस्थितम् ।। को नु दोषोऽस्ति राज्ञां हि तन्मे त्वं वक्तुमर्हसि

dharaṇyuvāca || śṛṇu tattvena me deva hṛdaye hi vyavasthitam || ko nu doṣo'sti rājñāṃ hi tanme tvaṃ vaktumarhasi

Sanskrit only: no published translation is held for this verse.

ततो भूम्या वचः श्रुत्वा सर्वधर्मविदां वरः ।। प्राह नारायणो वाक्यं धर्मकामां वसुन्धराम्

tato bhūmyā vacaḥ śrutvā sarvadharmavidāṃ varaḥ || prāha nārāyaṇo vākyaṃ dharmakāmāṃ vasundharām

Sanskrit only: no published translation is held for this verse.

श्रीवराह उवाच ।। शृणु सुन्दरि तत्त्वेन गुह्यमेतदनिन्दिते ।। राजान्नं तु न भोक्तव्यं शुभैभार्गवतैः सदा

śrīvarāha uvāca || śṛṇu sundari tattvena guhyametadanindite || rājānnaṃ tu na bhoktavyaṃ śubhaibhārgavataiḥ sadā

Sanskrit only: no published translation is held for this verse.

यद्यप्येष समत्वेन राजा लोके प्रवर्त्तते ।। राजसं तामसं वापि कुर्वन्कर्म सुदारुणम्

yadyapyeṣa samatvena rājā loke pravarttate || rājasaṃ tāmasaṃ vāpi kurvankarma sudāruṇam

Sanskrit only: no published translation is held for this verse.

अपि वा गर्हितं तेन राजान्नं तु वसुन्धरे ।। धर्मसन्धारणार्थाय न तु मे रोचते भुवि

api vā garhitaṃ tena rājānnaṃ tu vasundhare || dharmasandhāraṇārthāya na tu me rocate bhuvi

Sanskrit only: no published translation is held for this verse.

ततो यद्यत्प्रवक्ष्यामि तच्छृणुष्व वसुन्धरे ।। यथा राज्ञां तु भोज्यं वै शुद्धैर्भागवतैर्नरैः

tato yadyatpravakṣyāmi tacchṛṇuṣva vasundhare || yathā rājñāṃ tu bhojyaṃ vai śuddhairbhāgavatairnaraiḥ

Sanskrit only: no published translation is held for this verse.

स्थापयित्वा तु मां देवि विधिदृष्टेन कर्मणा ।। धनधान्यसमृद्धानि दत्त्वा भागवतैरपि

sthāpayitvā tu māṃ devi vidhidṛṣṭena karmaṇā || dhanadhānyasamṛddhāni dattvā bhāgavatairapi

Sanskrit only: no published translation is held for this verse.

सिद्धं भागवतैश्चान्नं मम प्रापणशेषकम् ।। भुञ्जानस्तु वरारोहे न स पापेन लिप्यते

siddhaṃ bhāgavataiścānnaṃ mama prāpaṇaśeṣakam || bhuñjānastu varārohe na sa pāpena lipyate

Sanskrit only: no published translation is held for this verse.

एवं विष्णुवचः श्रुत्वा धरणी संशितव्रता ।। वराहरूपिणं देवं प्रत्युवाच वरानना

evaṃ viṣṇuvacaḥ śrutvā dharaṇī saṃśitavratā || varāharūpiṇaṃ devaṃ pratyuvāca varānanā

Sanskrit only: no published translation is held for this verse.

धरण्युवाच ।। राजान्नं तु नरो भुक्त्वा शुद्धो भागवतः शुचिः ।। कर्मणा केन शुद्ध्येत तन्मे ब्रूहि जनार्दन

dharaṇyuvāca || rājānnaṃ tu naro bhuktvā śuddho bhāgavataḥ śuciḥ || karmaṇā kena śuddhyeta tanme brūhi janārdana

Sanskrit only: no published translation is held for this verse.

श्रीवराह उवाच ।। शृणु तत्त्वेन मे देवि यन्मां त्वं भीरु भाषसे ।। तरन्ति पुरुषा येन राजान्नस्योपभुञ्जकाः

śrīvarāha uvāca || śṛṇu tattvena me devi yanmāṃ tvaṃ bhīru bhāṣase || taranti puruṣā yena rājānnasyopabhuñjakāḥ

Sanskrit only: no published translation is held for this verse.

एकं चान्द्रायणं कृत्वा तप्तकृच्छ्रं च पुष्कलम् ।। कुर्यात्सान्तपनं चैकं शीघ्रं मुच्यन्ति किल्बिषात्

ekaṃ cāndrāyaṇaṃ kṛtvā taptakṛcchraṃ ca puṣkalam || kuryātsāntapanaṃ caikaṃ śīghraṃ mucyanti kilbiṣāt

Sanskrit only: no published translation is held for this verse.

न तस्य चापराधोऽस्ति वसुधे वै वचो मम ।। एवमेव न भोक्तव्यं राजान्नं वै कदाचन ।। ममात्र पूजाकामेन यदीच्छेत्परमां गतिम्

na tasya cāparādho'sti vasudhe vai vaco mama || evameva na bhoktavyaṃ rājānnaṃ vai kadācana || mamātra pūjākāmena yadīcchetparamāṃ gatim

Sanskrit only: no published translation is held for this verse.

इति श्रीवराहपुराणे भगवच्छास्त्रे राजान्नप्रायश्चित्तं नाम त्रिंशदधिकशततमोऽध्यायः

iti śrīvarāhapurāṇe bhagavacchāstre rājānnaprāyaścittaṃ nāma triṃśadadhikaśatatamo'dhyāyaḥ

Sanskrit only: no published translation is held for this verse.