Varāha Purāṇa 131

अथ दन्तकाष्ठाचर्वणप्रायश्चित्तम् ।। श्रीवराह उवाच ।। दन्तकाष्ठमचर्वित्वा यो हि मामुपसर्पति ।। पूर्वकालकृतं कर्म तेन चैकेन नश्यति

atha dantakāṣṭhācarvaṇaprāyaścittam || śrīvarāha uvāca || dantakāṣṭhamacarvitvā yo hi māmupasarpati || pūrvakālakṛtaṃ karma tena caikena naśyati

Sanskrit only: no published translation is held for this verse.

नारायणवचः श्रुत्वा पृथिवी धर्मसंश्रितः ।। विष्णुभक्तसुखार्थाय हृषीकेशमुवाच ह

nārāyaṇavacaḥ śrutvā pṛthivī dharmasaṃśritaḥ || viṣṇubhaktasukhārthāya hṛṣīkeśamuvāca ha

Sanskrit only: no published translation is held for this verse.

धरण्युवाच ।। सर्वकालकृतं कर्म क्लेशेन महताऽनघ ।। कथमेकापराधेन सर्वमेव प्रणश्यति

dharaṇyuvāca || sarvakālakṛtaṃ karma kleśena mahatā'nagha || kathamekāparādhena sarvameva praṇaśyati

Sanskrit only: no published translation is held for this verse.

श्रीवराह उवाच ।। शृणु सुन्दरि तत्त्वेन कथ्यमानं मयाऽनघे ।। येन चैकापराधेन पूर्वकर्म प्रणश्यति

śrīvarāha uvāca || śṛṇu sundari tattvena kathyamānaṃ mayā'naghe || yena caikāparādhena pūrvakarma praṇaśyati

Sanskrit only: no published translation is held for this verse.

मनुष्यः किल्बिषी भद्रे कफपित्तसमन्वितः ।। पूयशोणितसम्पूर्णं दुर्गन्धि मुखमस्य तत्

manuṣyaḥ kilbiṣī bhadre kaphapittasamanvitaḥ || pūyaśoṇitasampūrṇaṃ durgandhi mukhamasya tat

Sanskrit only: no published translation is held for this verse.

तत्सर्वबीजं नश्येत दन्तकाष्ठस्य भक्षणात् ।। शुद्धिर्भागवती चैव आचारेण विवर्जिता

tatsarvabījaṃ naśyeta dantakāṣṭhasya bhakṣaṇāt || śuddhirbhāgavatī caiva ācāreṇa vivarjitā

Sanskrit only: no published translation is held for this verse.

धरण्युवाच ।। दन्तकाष्ठमखादित्वा यः कर्माणि करोति ते ।। प्रायश्चित्तं च मे ब्रूहि येन धर्मो न नश्यति

dharaṇyuvāca || dantakāṣṭhamakhāditvā yaḥ karmāṇi karoti te || prāyaścittaṃ ca me brūhi yena dharmo na naśyati

Sanskrit only: no published translation is held for this verse.

श्रीवराह उवाच ।। एवमेतन्महाभागे यन्मां त्वं परिपृच्छसि ।। कथयिष्यामि हीदं ते यथा शुद्ध्यन्ति मानवाः

śrīvarāha uvāca || evametanmahābhāge yanmāṃ tvaṃ paripṛcchasi || kathayiṣyāmi hīdaṃ te yathā śuddhyanti mānavāḥ

Sanskrit only: no published translation is held for this verse.

आकाशशयनं कृत्वा दिनानि द्वे च पंच च ।। अभुक्तदन्तकाष्ठाश्च एवं शुध्यन्ति मानवाः

ākāśaśayanaṃ kṛtvā dināni dve ca paṃca ca || abhuktadantakāṣṭhāśca evaṃ śudhyanti mānavāḥ

Sanskrit only: no published translation is held for this verse.

एवं ते कथितं भद्रे दन्तकाष्ठस्य भक्षणम् ।। य एतेन विधानेन प्रायश्चित्तं समाचरेत्

evaṃ te kathitaṃ bhadre dantakāṣṭhasya bhakṣaṇam || ya etena vidhānena prāyaścittaṃ samācaret

Sanskrit only: no published translation is held for this verse.

कुतस्तस्यापराधोऽस्ति एवमेव न संशयः

kutastasyāparādho'sti evameva na saṃśayaḥ

Sanskrit only: no published translation is held for this verse.

इति श्रीवराहपुराणे दन्तकाष्ठाचर्वणप्रायश्चित्तं नामैकत्रिंशदधिकशततमोऽध्यायः

iti śrīvarāhapurāṇe dantakāṣṭhācarvaṇaprāyaścittaṃ nāmaikatriṃśadadhikaśatatamo'dhyāyaḥ

Sanskrit only: no published translation is held for this verse.