Varāha Purāṇa 132

अथ मृतकस्पर्शप्रायश्चित्तम् ।। श्रीवराह उवाच ।। गत्वा तु मैथुनं भद्रे अस्नातो यः शवं स्पृशेत् ।। रेतः पिबति दुर्बुद्धिः सहस्रं नव पंच च

atha mṛtakasparśaprāyaścittam || śrīvarāha uvāca || gatvā tu maithunaṃ bhadre asnāto yaḥ śavaṃ spṛśet || retaḥ pibati durbuddhiḥ sahasraṃ nava paṃca ca

Sanskrit only: no published translation is held for this verse.

वर्षं नारायणाच्छ्रुत्वा सा मही संशितव्रता ।। ततो दीनमना भूत्वा प्रोवाच मधुसूदनम्

varṣaṃ nārāyaṇācchrutvā sā mahī saṃśitavratā || tato dīnamanā bhūtvā provāca madhusūdanam

Sanskrit only: no published translation is held for this verse.

धरण्युवाच ।। किमिदं भाषसे देव धर्मं भीषणसङ्कटम् ।। कथमेवं पुमान्वै स रेतःपानपरो भवेत्

dharaṇyuvāca || kimidaṃ bhāṣase deva dharmaṃ bhīṣaṇasaṅkaṭam || kathamevaṃ pumānvai sa retaḥpānaparo bhavet

Sanskrit only: no published translation is held for this verse.

एतन्मे परमं दुःखं तद्भवान्वक्तुमर्हति ।। श्रीवराह उवाच ।। शृणु तत्त्वेन मे देवि इदं गुह्यमनुत्तमम्

etanme paramaṃ duḥkhaṃ tadbhavānvaktumarhati || śrīvarāha uvāca || śṛṇu tattvena me devi idaṃ guhyamanuttamam

Sanskrit only: no published translation is held for this verse.

चिह्नमैतद्वरारोहे आधिचारविनिश्चयः।। पुरुषः स्त्रीषु कर्माणि यो विकुर्वीत निर्घृणः

cihnamaitadvarārohe ādhicāraviniścayaḥ|| puruṣaḥ strīṣu karmāṇi yo vikurvīta nirghṛṇaḥ

Sanskrit only: no published translation is held for this verse.

दृष्टं तस्यापराधस्य फलं प्राप्नोति मानवः ।। एवमेतद्वरारोहे यन्मां त्वं परिपृच्छसि

dṛṣṭaṃ tasyāparādhasya phalaṃ prāpnoti mānavaḥ || evametadvarārohe yanmāṃ tvaṃ paripṛcchasi

Sanskrit only: no published translation is held for this verse.

अपराधस्य दोषेण विशुद्धिश्च न जायते ।। प्रायश्चित्तं प्रवक्ष्यामि रागदोषेण दोषितम्

aparādhasya doṣeṇa viśuddhiśca na jāyate || prāyaścittaṃ pravakṣyāmi rāgadoṣeṇa doṣitam

Sanskrit only: no published translation is held for this verse.

गृहस्थाः पुरुषा भद्रे मम कर्मपरायणाः ।। यावकेन त्रयं क्षिप्त्वा पिण्याकेन दिनत्रयम्

gṛhasthāḥ puruṣā bhadre mama karmaparāyaṇāḥ || yāvakena trayaṃ kṣiptvā piṇyākena dinatrayam

Sanskrit only: no published translation is held for this verse.

वायुभक्षं दिनं त्वेकं ततो मुच्येत किल्बिषात् ।। य एवं कुरुते भूमे विधिदृष्टेन कर्मणा

vāyubhakṣaṃ dinaṃ tvekaṃ tato mucyeta kilbiṣāt || ya evaṃ kurute bhūme vidhidṛṣṭena karmaṇā

Sanskrit only: no published translation is held for this verse.

ज्ञात्वा कर्मापराधं तु न स पापेन लिप्यते ।। एतत्ते कथितं भद्रे मिथुनं योऽभिगच्छति

jñātvā karmāparādhaṃ tu na sa pāpena lipyate || etatte kathitaṃ bhadre mithunaṃ yo'bhigacchati

Sanskrit only: no published translation is held for this verse.

प्रायश्चित्तं महाभागे मम लोकसुखावहम् ।। स्पृष्ट्वा तु मृतकं भद्रे नरं पंचत्वमागतम्

prāyaścittaṃ mahābhāge mama lokasukhāvaham || spṛṣṭvā tu mṛtakaṃ bhadre naraṃ paṃcatvamāgatam

Sanskrit only: no published translation is held for this verse.

मम शास्त्रं बहिष्कृत्य यः श्मशानं प्रपद्यते ।। पितरस्तस्य सुश्रोणि आत्मनश्च पितामहाः

mama śāstraṃ bahiṣkṛtya yaḥ śmaśānaṃ prapadyate || pitarastasya suśroṇi ātmanaśca pitāmahāḥ

Sanskrit only: no published translation is held for this verse.

श्मशाने जम्बुका भूत्वा भक्षयन्ति शवान् तथा ।। ततो हरेवर्चः श्रुत्वा धर्मकामा वसुन्धरा

śmaśāne jambukā bhūtvā bhakṣayanti śavān tathā || tato harevarcaḥ śrutvā dharmakāmā vasundharā

Sanskrit only: no published translation is held for this verse.

उवाच मधुरं वाक्यं सर्वलोकहिताय वै ।। धरण्युवाच ।। तव नाथ प्रपन्नानां क्व पापं विद्यते प्रभो

uvāca madhuraṃ vākyaṃ sarvalokahitāya vai || dharaṇyuvāca || tava nātha prapannānāṃ kva pāpaṃ vidyate prabho

Sanskrit only: no published translation is held for this verse.

प्रायश्चित्तं च मे ब्रूहि येन मुच्यन्ति किल्बिषात् ।। श्रीवराह उवाच ।। शृणु सुन्दरि तत्त्वेन यन्मां त्वं परिपृच्छसि

prāyaścittaṃ ca me brūhi yena mucyanti kilbiṣāt || śrīvarāha uvāca || śṛṇu sundari tattvena yanmāṃ tvaṃ paripṛcchasi

Sanskrit only: no published translation is held for this verse.

कथयिष्यामि ते हीदं शोभनं पापनाशनम् ।। एकाहारो दिनान्सप्त त्रिरात्रं चाप्युपोषितः

kathayiṣyāmi te hīdaṃ śobhanaṃ pāpanāśanam || ekāhāro dinānsapta trirātraṃ cāpyupoṣitaḥ

Sanskrit only: no published translation is held for this verse.

पंचगव्यं ततः पीत्वा ततो मुच्येत किल्बिषात् ।। शवे स्पृष्टेऽपराधस्य एष ते कथितो विधिः

paṃcagavyaṃ tataḥ pītvā tato mucyeta kilbiṣāt || śave spṛṣṭe'parādhasya eṣa te kathito vidhiḥ

Sanskrit only: no published translation is held for this verse.

सर्वथा वर्जनीयं वै सर्वभागवतेन तु ।। य एतेन विधानेन प्रायश्चित्तं समाचरेत्

sarvathā varjanīyaṃ vai sarvabhāgavatena tu || ya etena vidhānena prāyaścittaṃ samācaret

Sanskrit only: no published translation is held for this verse.

विमुक्तः सर्वपापेभ्यो नापराधोऽस्ति तस्य वै ।। नारीं रजस्वलां स्पृष्ट्वा यो मां स्पृशति निर्भयः

vimuktaḥ sarvapāpebhyo nāparādho'sti tasya vai || nārīṃ rajasvalāṃ spṛṣṭvā yo māṃ spṛśati nirbhayaḥ

Sanskrit only: no published translation is held for this verse.

रागमोहेन संयुक्तः कामेन च वशीकृतः।। वर्षाणां तु सहस्रैकं रजः पिबति निर्घृणः

rāgamohena saṃyuktaḥ kāmena ca vaśīkṛtaḥ|| varṣāṇāṃ tu sahasraikaṃ rajaḥ pibati nirghṛṇaḥ

Sanskrit only: no published translation is held for this verse.

अन्धश्च जायते देवि दरिद्रो ज्ञानमूर्खवान्।। न च विन्दति चात्मानं पतितो नरके यथा

andhaśca jāyate devi daridro jñānamūrkhavān|| na ca vindati cātmānaṃ patito narake yathā

Sanskrit only: no published translation is held for this verse.

अपराधमिमं कृत्वा तत्रैवं नास्ति संशयः ।। धरण्युवाच ।। तव देव प्रपन्नानां मोक्षं संसारसागरात्

aparādhamimaṃ kṛtvā tatraivaṃ nāsti saṃśayaḥ || dharaṇyuvāca || tava deva prapannānāṃ mokṣaṃ saṃsārasāgarāt

Sanskrit only: no published translation is held for this verse.

अपराधसमायुक्तस्तव कर्मपरायणः ।। कर्मणा येन शुध्येत तन्मे ब्रूहि जनार्दन

aparādhasamāyuktastava karmaparāyaṇaḥ || karmaṇā yena śudhyeta tanme brūhi janārdana

Sanskrit only: no published translation is held for this verse.

श्रीवराह उवाच ।। स्पृष्ट्वा रजस्वलां नारीं नरो मद्भक्तितत्परः ।। तपः कृत्वा त्रिरात्रं तु आकाशशयने वसेत्

śrīvarāha uvāca || spṛṣṭvā rajasvalāṃ nārīṃ naro madbhaktitatparaḥ || tapaḥ kṛtvā trirātraṃ tu ākāśaśayane vaset

Sanskrit only: no published translation is held for this verse.

शुद्धो भागवतो भूत्वा मम कर्मपरायणः ।। एवं कृत्वा महाभागे प्रायश्चित्तं मम प्रियम् ।। २५ ।। । मुच्यते किल्बिषाद्देवि आचारेण बहिष्कृतः ।। एतत्ते कथितं भद्रे यत्स्पृष्ट्वा तु रजस्वलाम्

śuddho bhāgavato bhūtvā mama karmaparāyaṇaḥ || evaṃ kṛtvā mahābhāge prāyaścittaṃ mama priyam || 25 || | mucyate kilbiṣāddevi ācāreṇa bahiṣkṛtaḥ || etatte kathitaṃ bhadre yatspṛṣṭvā tu rajasvalām

Sanskrit only: no published translation is held for this verse.

स्पृष्ट्वा तु मृतकं देवि यो मत्क्षेत्रेषु तिष्ठति ।। शतवर्षसहस्राणि गर्भेषु परिवर्त्तते

spṛṣṭvā tu mṛtakaṃ devi yo matkṣetreṣu tiṣṭhati || śatavarṣasahasrāṇi garbheṣu parivarttate

Sanskrit only: no published translation is held for this verse.

दशवषर्सहस्राणि चण्डालश्चैव जायते ।। अन्धः सप्तसहस्राणि मण्डूकश्च शतं समाः

daśavaṣarsahasrāṇi caṇḍālaścaiva jāyate || andhaḥ saptasahasrāṇi maṇḍūkaśca śataṃ samāḥ

Sanskrit only: no published translation is held for this verse.

मक्षिका त्रीणि वर्षाणि टिट्टिभैकादशं समाः ।। दंशो वै सप्त चान्यानि कृकलासो भवेत्समाः

makṣikā trīṇi varṣāṇi ṭiṭṭibhaikādaśaṃ samāḥ || daṃśo vai sapta cānyāni kṛkalāso bhavetsamāḥ

Sanskrit only: no published translation is held for this verse.

हस्ती वर्षशतं चैव खरो द्वात्रिंशकं भवेत् ।। मार्जारो नववर्षाणि वानरो दशपञ्च च

hastī varṣaśataṃ caiva kharo dvātriṃśakaṃ bhavet || mārjāro navavarṣāṇi vānaro daśapañca ca

Sanskrit only: no published translation is held for this verse.

एवं स चात्मदोषेण मम कर्मपरायणः ।। प्राप्नोति सुमहद्दुःखं देवि चैवं न संशयः

evaṃ sa cātmadoṣeṇa mama karmaparāyaṇaḥ || prāpnoti sumahadduḥkhaṃ devi caivaṃ na saṃśayaḥ

Sanskrit only: no published translation is held for this verse.

ततो हरेर्वचः श्रुत्वा दुःखेन परिपृच्छति ।। सर्वसंसारमोक्षाय प्रत्युवाच वसुन्धरा

tato harervacaḥ śrutvā duḥkhena paripṛcchati || sarvasaṃsāramokṣāya pratyuvāca vasundharā

Sanskrit only: no published translation is held for this verse.

धरण्युवाच ।। किमिदं भाषसे देव मानुषाणां दुरासदम् ।। वाक्यं भीषणमत्यन्तं मम मर्मप्रभेदकम्

dharaṇyuvāca || kimidaṃ bhāṣase deva mānuṣāṇāṃ durāsadam || vākyaṃ bhīṣaṇamatyantaṃ mama marmaprabhedakam

Sanskrit only: no published translation is held for this verse.

आचाराच्च परिभ्रष्टस्तवकर्मपरायणः ।। यथा तरति दुर्गाणि प्रायश्चित्तं तथा वद

ācārācca paribhraṣṭastavakarmaparāyaṇaḥ || yathā tarati durgāṇi prāyaścittaṃ tathā vada

Sanskrit only: no published translation is held for this verse.

श्रुत्वा पृथ्व्यास्तथा वाक्यं लोकनाथो जनार्द्दनः ।। धर्मसंरक्षणार्थाय प्रत्युवाच वसुन्धराम्

śrutvā pṛthvyāstathā vākyaṃ lokanātho janārddanaḥ || dharmasaṃrakṣaṇārthāya pratyuvāca vasundharām

Sanskrit only: no published translation is held for this verse.

श्रीवराह उवाच ।। स्पृष्ट्वा तु मृतकं भूमे मम कर्मपरायणः ।। एकाहारं ततस्तिष्ठेद्दिनानि दश पञ्च च

śrīvarāha uvāca || spṛṣṭvā tu mṛtakaṃ bhūme mama karmaparāyaṇaḥ || ekāhāraṃ tatastiṣṭheddināni daśa pañca ca

Sanskrit only: no published translation is held for this verse.

तत एवं विधिं कृत्वा पञ्चगव्यं तु प्राशयेत् ।। शुद्धभावं विशुद्धात्मा कर्मणा च न लिप्यते

tata evaṃ vidhiṃ kṛtvā pañcagavyaṃ tu prāśayet || śuddhabhāvaṃ viśuddhātmā karmaṇā ca na lipyate

Sanskrit only: no published translation is held for this verse.

एतत्ते कथितं देवि स्पृष्ट्वा मृतकमेव च ।। दोषं चैव विशुद्ध्यर्थं यत्त्वया पूर्वपृच्छितम्

etatte kathitaṃ devi spṛṣṭvā mṛtakameva ca || doṣaṃ caiva viśuddhyarthaṃ yattvayā pūrvapṛcchitam

Sanskrit only: no published translation is held for this verse.

य एतेन विधानेन प्रायश्चित्तं समाचरेत् ।। अपराधविमुक्तो वै मम लोकं स गच्छति

ya etena vidhānena prāyaścittaṃ samācaret || aparādhavimukto vai mama lokaṃ sa gacchati

Sanskrit only: no published translation is held for this verse.

इति श्रीवराहपुराणे मृतकस्पर्शनप्रायश्चित्तं नाम द्वात्रिंशदधिकशततमोऽध्यायः

iti śrīvarāhapurāṇe mṛtakasparśanaprāyaścittaṃ nāma dvātriṃśadadhikaśatatamo'dhyāyaḥ

Sanskrit only: no published translation is held for this verse.