Varāha Purāṇa 133

अथ पूजासामयिकगुदरवपुरीषोत्सर्जनयोः प्रायश्चित्तम् ।। श्रीवराह उवाच ।। स्पृशमानेन मां भूमे वातकर्म प्रमुच्यते ।। एवञ्च पुरुषो युक्तो वायुपीडितमानसः

atha pūjāsāmayikagudaravapurīṣotsarjanayoḥ prāyaścittam || śrīvarāha uvāca || spṛśamānena māṃ bhūme vātakarma pramucyate || evañca puruṣo yukto vāyupīḍitamānasaḥ

Sanskrit only: no published translation is held for this verse.

मक्षिका पञ्च वर्षाणि त्रीणि वर्षाणि मूषकः ।। श्वा चैव त्रीणि वर्षाणि कूर्मो वै जायते नव

makṣikā pañca varṣāṇi trīṇi varṣāṇi mūṣakaḥ || śvā caiva trīṇi varṣāṇi kūrmo vai jāyate nava

Sanskrit only: no published translation is held for this verse.

एष वै तापनं देवि मोहनं मम सांप्रतम् ।। यो वै शास्त्रं विजानाति मम कर्मपरायणः

eṣa vai tāpanaṃ devi mohanaṃ mama sāṃpratam || yo vai śāstraṃ vijānāti mama karmaparāyaṇaḥ

Sanskrit only: no published translation is held for this verse.

श्रुत्वा वाक्यं हृषीकेशं प्रत्युवाच वसुन्धरा ।। धरण्युवाच ।। अतुलं लभते पापं तव कर्मपरायणः

śrutvā vākyaṃ hṛṣīkeśaṃ pratyuvāca vasundharā || dharaṇyuvāca || atulaṃ labhate pāpaṃ tava karmaparāyaṇaḥ

Sanskrit only: no published translation is held for this verse.

तस्य देव सुखार्थाय विशुद्धिं वक्तुमर्हसि ।। श्रीवराह उवाच ।। शृणु कार्त्स्न्येन मे देवि कथ्यमानं मयाऽनघे

tasya deva sukhārthāya viśuddhiṃ vaktumarhasi || śrīvarāha uvāca || śṛṇu kārtsnyena me devi kathyamānaṃ mayā'naghe

Sanskrit only: no published translation is held for this verse.

अपराधमिमं कृत्वा सन्तरेद्येन कर्मणा ।। पावकेन दिनं त्रीणि नक्तानि च पुनस्त्रयः

aparādhamimaṃ kṛtvā santaredyena karmaṇā || pāvakena dinaṃ trīṇi naktāni ca punastrayaḥ

Sanskrit only: no published translation is held for this verse.

कर्म चैवं ततः कृत्वा स च मे नापराध्यति ।। सर्वसङ्गं परित्यज्य मम लोकं स गच्छति

karma caivaṃ tataḥ kṛtvā sa ca me nāparādhyati || sarvasaṅgaṃ parityajya mama lokaṃ sa gacchati

Sanskrit only: no published translation is held for this verse.

एतत्ते कथितं भद्रे महाकर्मापराधिनः ।। दोषं चैव गुणं चैव यत्त्वया परिपृच्छितम्

etatte kathitaṃ bhadre mahākarmāparādhinaḥ || doṣaṃ caiva guṇaṃ caiva yattvayā paripṛcchitam

Sanskrit only: no published translation is held for this verse.

शृणु तत्त्वेन मे भूमे कथ्यमानं मयाऽनघे ।। पुरीषं मुच्यते यस्तु मम कर्म समाचरन्

śṛṇu tattvena me bhūme kathyamānaṃ mayā'naghe || purīṣaṃ mucyate yastu mama karma samācaran

Sanskrit only: no published translation is held for this verse.

दिव्यवर्षसहस्रं तु रौरवे नरके वसेत् ।। पुरीषं भक्षयेत्तत्र मम कर्मपरायणः

divyavarṣasahasraṃ tu raurave narake vaset || purīṣaṃ bhakṣayettatra mama karmaparāyaṇaḥ

Sanskrit only: no published translation is held for this verse.

प्रायश्चित्तं वदाम्यत्र येन मुच्येत किल्बिषात् ।। मम कर्मपरिभ्रष्टो विह्वलेनान्तरात्मना

prāyaścittaṃ vadāmyatra yena mucyeta kilbiṣāt || mama karmaparibhraṣṭo vihvalenāntarātmanā

Sanskrit only: no published translation is held for this verse.

एकां जलमयीं शय्यामेकामाकाशशायिनीम् ।। एवं कृत्वा विधानं तु सोऽपराधात्प्रमुच्यते

ekāṃ jalamayīṃ śayyāmekāmākāśaśāyinīm || evaṃ kṛtvā vidhānaṃ tu so'parādhātpramucyate

Sanskrit only: no published translation is held for this verse.

एतत्ते कथितं भद्रे पुरीषं यः समुत्सृजेत् ।। मद्भक्तेषु विशालाक्षि अपराधविनिश्चयः

etatte kathitaṃ bhadre purīṣaṃ yaḥ samutsṛjet || madbhakteṣu viśālākṣi aparādhaviniścayaḥ

Sanskrit only: no published translation is held for this verse.

इति श्रीवराहपुराणे पूजासमये गुदरवपुरीषोत्सर्गयोः प्रायश्चित्तं नाम त्रयस्त्रिंशदधिकशततमोऽध्यायः

iti śrīvarāhapurāṇe pūjāsamaye gudaravapurīṣotsargayoḥ prāyaścittaṃ nāma trayastriṃśadadhikaśatatamo'dhyāyaḥ

Sanskrit only: no published translation is held for this verse.