Varāha Purāṇa 134

अथ पूजादिसामयिकापराधेषु प्रायश्चित्तानि ।। श्रीवराह उवाच ।। मुक्त्वा तु मम कर्माणि मम कर्मपरायणः ।। प्रायश्चित्तविधिं देवि यस्तु वाक्यं प्रभाषते

atha pūjādisāmayikāparādheṣu prāyaścittāni || śrīvarāha uvāca || muktvā tu mama karmāṇi mama karmaparāyaṇaḥ || prāyaścittavidhiṃ devi yastu vākyaṃ prabhāṣate

Sanskrit only: no published translation is held for this verse.

मूर्खो भवति सुश्रोणि मम कर्मपरायणः ।। प्रायश्चित्तविधिं देवि येन मुच्येत किल्बिषात्

mūrkho bhavati suśroṇi mama karmaparāyaṇaḥ || prāyaścittavidhiṃ devi yena mucyeta kilbiṣāt

Sanskrit only: no published translation is held for this verse.

आकाशशयनं कृत्वा दिनानि दश पञ्च च ।। मुच्यते किल्बिषात्तत्र देवि चैव न संशयः

ākāśaśayanaṃ kṛtvā dināni daśa pañca ca || mucyate kilbiṣāttatra devi caiva na saṃśayaḥ

Sanskrit only: no published translation is held for this verse.

इति मौनत्यागप्रायश्चित्तम् ।। श्रीवराह उवाच ।। भूषितो नीलवस्त्रेण यो हि मामुपपद्यते ।। वर्षाणां हि शतं पञ्च कृमिर्भूत्वा स तिष्ठति

iti maunatyāgaprāyaścittam || śrīvarāha uvāca || bhūṣito nīlavastreṇa yo hi māmupapadyate || varṣāṇāṃ hi śataṃ pañca kṛmirbhūtvā sa tiṣṭhati

Sanskrit only: no published translation is held for this verse.

तस्य वक्ष्यामि सुश्रोणि अपराधविशोधनम् ।। प्रायश्चित्तं विशालाक्षि येन मुच्येत किल्बिषात्

tasya vakṣyāmi suśroṇi aparādhaviśodhanam || prāyaścittaṃ viśālākṣi yena mucyeta kilbiṣāt

Sanskrit only: no published translation is held for this verse.

व्रतं चान्द्रायणं कृत्वा विधिदृष्टेन कर्मणा ।। मुच्यते किल्बिषाद्भूमे एवमेतन्न संशयः

vrataṃ cāndrāyaṇaṃ kṛtvā vidhidṛṣṭena karmaṇā || mucyate kilbiṣādbhūme evametanna saṃśayaḥ

Sanskrit only: no published translation is held for this verse.

अविधानेन संस्पृश्य यो हि मामुपसर्पति ।। स मूर्खः पापकर्मा च मम विप्रियकारकः

avidhānena saṃspṛśya yo hi māmupasarpati || sa mūrkhaḥ pāpakarmā ca mama vipriyakārakaḥ

Sanskrit only: no published translation is held for this verse.

तेन दत्तं वरारोहे गन्धमाल्यसुगन्धितम् ।। प्रापणं च न गृह्णामि मृष्टं चापि कदाचन

tena dattaṃ varārohe gandhamālyasugandhitam || prāpaṇaṃ ca na gṛhṇāmi mṛṣṭaṃ cāpi kadācana

Sanskrit only: no published translation is held for this verse.

ततो नारायणवचः श्रुत्वा सा संशितव्रता ।। उवाच मधुरं वाक्यं धर्मकामा वसुन्धरा

tato nārāyaṇavacaḥ śrutvā sā saṃśitavratā || uvāca madhuraṃ vākyaṃ dharmakāmā vasundharā

Sanskrit only: no published translation is held for this verse.

धरण्युवाच ।। यन्मां त्वं भाषसे नाथ आचारस्य व्यतिक्रमम् ।। उपस्पृश्य समाचारं रहस्यं वक्तुमर्हसि

dharaṇyuvāca || yanmāṃ tvaṃ bhāṣase nātha ācārasya vyatikramam || upaspṛśya samācāraṃ rahasyaṃ vaktumarhasi

Sanskrit only: no published translation is held for this verse.

केन कर्मविधानेन भूत्वा भागवता भुवि ।। उपस्पृश्योपसर्पन्ति तव कर्मपरायणाः

kena karmavidhānena bhūtvā bhāgavatā bhuvi || upaspṛśyopasarpanti tava karmaparāyaṇāḥ

Sanskrit only: no published translation is held for this verse.

एतन्मे संशयं देव परं कौतूहलं हि मे ।। तव भक्तसुखार्थाय निष्कलं वक्तुमर्हसि

etanme saṃśayaṃ deva paraṃ kautūhalaṃ hi me || tava bhaktasukhārthāya niṣkalaṃ vaktumarhasi

Sanskrit only: no published translation is held for this verse.

श्रीवराह उवाच ।। शृणु तत्त्वेन मे देवि यन्मां त्वं भीरु भाषसे ।। कथितं मम तत्त्वेन गुह्यमेतत्परं महत्

śrīvarāha uvāca || śṛṇu tattvena me devi yanmāṃ tvaṃ bhīru bhāṣase || kathitaṃ mama tattvena guhyametatparaṃ mahat

Sanskrit only: no published translation is held for this verse.

विमुच्य सर्वकर्माणि यो हि मामुपसर्पति ।। तस्य वै शृणु सुश्रोणि उपस्पृश्य च या क्रिया

vimucya sarvakarmāṇi yo hi māmupasarpati || tasya vai śṛṇu suśroṇi upaspṛśya ca yā kriyā

Sanskrit only: no published translation is held for this verse.

भूत्वा पूर्वमुखस्तत्र पादौ प्रक्षाल्य चाम्बुभिः ।। उपस्पृश्य यथान्यायं तिस्रो वै गृह्य मृत्तिकाः

bhūtvā pūrvamukhastatra pādau prakṣālya cāmbubhiḥ || upaspṛśya yathānyāyaṃ tisro vai gṛhya mṛttikāḥ

Sanskrit only: no published translation is held for this verse.

ततः प्रक्षालितं हस्तं जलेन तदनन्तरम् ।। सप्तकोशं ततो गृह्य जलेन क्षालयेत्ततः

tataḥ prakṣālitaṃ hastaṃ jalena tadanantaram || saptakośaṃ tato gṛhya jalena kṣālayettataḥ

Sanskrit only: no published translation is held for this verse.

पादमेकैकशस्तद्वत्पंच पञ्च वदेत्ततः ।। कोशौ संमृज्यतां तत्र यदीच्छेत्तु मम प्रियम्

pādamekaikaśastadvatpaṃca pañca vadettataḥ || kośau saṃmṛjyatāṃ tatra yadīcchettu mama priyam

Sanskrit only: no published translation is held for this verse.

त्रीणि कोशान्पिबेत्तत्र सर्वपापविशोधनम् ।। मुखं कराभ्यां मार्जेत सर्वमिन्द्रियनिग्रहम्

trīṇi kośānpibettatra sarvapāpaviśodhanam || mukhaṃ karābhyāṃ mārjeta sarvamindriyanigraham

Sanskrit only: no published translation is held for this verse.

प्राणायामं ततः कृत्वा मम चिन्तापरायणः ।। कर्मणा विधिदृष्टेन कुर्यात्संसारमोक्षणम्

prāṇāyāmaṃ tataḥ kṛtvā mama cintāparāyaṇaḥ || karmaṇā vidhidṛṣṭena kuryātsaṃsāramokṣaṇam

Sanskrit only: no published translation is held for this verse.

त्रीणि वारान्स्पृशेत्तत्र शिरो ब्रह्मणि संस्थितः ।। त्रीणि वारान्पुनस्तत्र उभे ते कर्णनासिके

trīṇi vārānspṛśettatra śiro brahmaṇi saṃsthitaḥ || trīṇi vārānpunastatra ubhe te karṇanāsike

Sanskrit only: no published translation is held for this verse.

स्पृशेत्तु निष्कलस्तत्र यो हि यत्र प्रतिष्ठितः ।। विक्षिपेत्त्रीणि वाराणि सलिलं प्रवरं त्रयम्

spṛśettu niṣkalastatra yo hi yatra pratiṣṭhitaḥ || vikṣipettrīṇi vārāṇi salilaṃ pravaraṃ trayam

Sanskrit only: no published translation is held for this verse.

एवमुक्तस्य कर्त्तव्यं ममाभिगमनेषु च ।। उपस्पृश्य तनुं वामे यदीक्षेत प्रियं मम

evamuktasya karttavyaṃ mamābhigamaneṣu ca || upaspṛśya tanuṃ vāme yadīkṣeta priyaṃ mama

Sanskrit only: no published translation is held for this verse.

एवं च कुर्वतस्तस्य मम कर्मव्यवस्थितः ।। अपराधं न विन्देत एवं देवि न संशयः

evaṃ ca kurvatastasya mama karmavyavasthitaḥ || aparādhaṃ na vindeta evaṃ devi na saṃśayaḥ

Sanskrit only: no published translation is held for this verse.

ततो नारायणवचः श्रुत्वा देवी वसुन्धरा ।। उवाच मधुरं वाक्यं सर्वभागवतप्रियम्

tato nārāyaṇavacaḥ śrutvā devī vasundharā || uvāca madhuraṃ vākyaṃ sarvabhāgavatapriyam

Sanskrit only: no published translation is held for this verse.

धरण्युवाच।। उपस्पृश्य विधानेन यस्तु कर्माणि चाप्नुयात् ।। तापनं शोधनं चैव तद्भवान्वक्तुमर्हति

dharaṇyuvāca|| upaspṛśya vidhānena yastu karmāṇi cāpnuyāt || tāpanaṃ śodhanaṃ caiva tadbhavānvaktumarhati

Sanskrit only: no published translation is held for this verse.

श्रीवराह उवाच ।। शृणु तत्त्वेन मे भूमे इमं गुह्यमनिन्दिते ।। यां गतिं च प्रपद्यन्ते मम कर्मबहिष्कृताः

śrīvarāha uvāca || śṛṇu tattvena me bhūme imaṃ guhyamanindite || yāṃ gatiṃ ca prapadyante mama karmabahiṣkṛtāḥ

Sanskrit only: no published translation is held for this verse.

व्यभिचारं च मे कृत्वा यश्च मामुपसर्पति ।। दशवर्षसहस्राणि दशवर्षशतानि च

vyabhicāraṃ ca me kṛtvā yaśca māmupasarpati || daśavarṣasahasrāṇi daśavarṣaśatāni ca

Sanskrit only: no published translation is held for this verse.

कृमिर्भूत्वा यथान्याय्यं तिष्ठते नात्र संशयः ।। प्रायश्चित्तं प्रवक्ष्यामि तस्य मूर्खस्य माधवि

kṛmirbhūtvā yathānyāyyaṃ tiṣṭhate nātra saṃśayaḥ || prāyaścittaṃ pravakṣyāmi tasya mūrkhasya mādhavi

Sanskrit only: no published translation is held for this verse.

यच्च कृत्वा महाभागे कृतकृत्यः पुनर्भवेत् ।। महासान्तपनं कृत्वा तप्तकृच्छ्रं च निष्कलम्

yacca kṛtvā mahābhāge kṛtakṛtyaḥ punarbhavet || mahāsāntapanaṃ kṛtvā taptakṛcchraṃ ca niṣkalam

Sanskrit only: no published translation is held for this verse.

ब्राह्मणः क्षत्रियो वैश्यो मम ये च मते स्थिताः ।। अनेन विधिना कृत्वा प्रायश्चित्तं यशस्विनि

brāhmaṇaḥ kṣatriyo vaiśyo mama ye ca mate sthitāḥ || anena vidhinā kṛtvā prāyaścittaṃ yaśasvini

Sanskrit only: no published translation is held for this verse.

किल्बिषात्तु प्रमुक्तास्ते गच्छन्ति परमां गतिम् ।। यस्तु क्रोधसमाविष्टो मम भक्तिपरायणः

kilbiṣāttu pramuktāste gacchanti paramāṃ gatim || yastu krodhasamāviṣṭo mama bhaktiparāyaṇaḥ

Sanskrit only: no published translation is held for this verse.

स्पृशेत मम गात्राणि चित्तं कृत्वा चलाचलम् ।। न चाहं रागमिच्छामि क्रुद्धमेव यशस्विनि

spṛśeta mama gātrāṇi cittaṃ kṛtvā calācalam || na cāhaṃ rāgamicchāmi kruddhameva yaśasvini

Sanskrit only: no published translation is held for this verse.

इच्छामि च सदा दान्तं शुभं भागवतं शुचिम् ।। पंचेन्द्रियसमायुक्तं लाभालाभविवर्जितम्

icchāmi ca sadā dāntaṃ śubhaṃ bhāgavataṃ śucim || paṃcendriyasamāyuktaṃ lābhālābhavivarjitam

Sanskrit only: no published translation is held for this verse.

अहङ्कारविनिर्मुक्तं कमर्ण्यभिरतं मम ।। अन्यच्च ते प्रवक्ष्यामि तच्छृणुष्व वरानने

ahaṅkāravinirmuktaṃ kamarṇyabhirataṃ mama || anyacca te pravakṣyāmi tacchṛṇuṣva varānane

Sanskrit only: no published translation is held for this verse.

मां यदा लभते क्रुद्धः शुद्धो भागवतः शुचिः ।। चिल्ली जातो वर्षशतं श्येनो वर्षशतं पुनः

māṃ yadā labhate kruddhaḥ śuddho bhāgavataḥ śuciḥ || cillī jāto varṣaśataṃ śyeno varṣaśataṃ punaḥ

Sanskrit only: no published translation is held for this verse.

भेकस्त्रिशतवर्षाणि यातुधानः पुनर्दश ।। अपुमान्षट् च वर्षाणि रेतोभक्षस्तु जायते

bhekastriśatavarṣāṇi yātudhānaḥ punardaśa || apumānṣaṭ ca varṣāṇi retobhakṣastu jāyate

Sanskrit only: no published translation is held for this verse.

अन्धो जायेत सुश्रोणि पंच सप्त तथा नव ।। गृध्रो द्वात्रिंशवर्षाणि चक्रवाको दशैव तु

andho jāyeta suśroṇi paṃca sapta tathā nava || gṛdhro dvātriṃśavarṣāṇi cakravāko daśaiva tu

Sanskrit only: no published translation is held for this verse.

शैवालभक्षिता चैव ह्याकाशगमनं तथा ।। ब्राह्मणो जायते भूमे क्रोधस्य च पथे स्थितः

śaivālabhakṣitā caiva hyākāśagamanaṃ tathā || brāhmaṇo jāyate bhūme krodhasya ca pathe sthitaḥ

Sanskrit only: no published translation is held for this verse.

आत्मकर्मापराधेन प्राप्तः संसारसागरे ।। धरण्युवाच ।। अहो वै परमं गुह्यं यत्त्वया पूर्वभाषितम्

ātmakarmāparādhena prāptaḥ saṃsārasāgare || dharaṇyuvāca || aho vai paramaṃ guhyaṃ yattvayā pūrvabhāṣitam

Sanskrit only: no published translation is held for this verse.

जातं मे विह्वलं चित्तं न स्थिरं जायते क्वचित् ।। यत्त्वया भाषितं हीदं भक्तानां च दुरासदम्

jātaṃ me vihvalaṃ cittaṃ na sthiraṃ jāyate kvacit || yattvayā bhāṣitaṃ hīdaṃ bhaktānāṃ ca durāsadam

Sanskrit only: no published translation is held for this verse.

श्रुत्वा सुदुस्तरं सारं भीतास्मि परिदेविता ।। नाहमाज्ञापयामि त्वां देवदेव जगत्पते

śrutvā sudustaraṃ sāraṃ bhītāsmi paridevitā || nāhamājñāpayāmi tvāṃ devadeva jagatpate

Sanskrit only: no published translation is held for this verse.

मम चैव प्रियार्थाय सर्वलोकसुखावहम् ।। येन मुच्यन्ति संशुद्धा बुधाः कर्मपरायणाः

mama caiva priyārthāya sarvalokasukhāvaham || yena mucyanti saṃśuddhā budhāḥ karmaparāyaṇāḥ

Sanskrit only: no published translation is held for this verse.

अल्पसत्त्वा गतभया लोभमोहसमन्विताः ।। तरन्ति येन दुर्गाणि प्रायश्चित्तं च मे वद

alpasattvā gatabhayā lobhamohasamanvitāḥ || taranti yena durgāṇi prāyaścittaṃ ca me vada

Sanskrit only: no published translation is held for this verse.

ततः कमलपत्राक्षो वराहः सम्मुखे स्थितः ।। सनत्कुमारो मे भक्तो पुनर्नारायणोऽब्रवीत्

tataḥ kamalapatrākṣo varāhaḥ sammukhe sthitaḥ || sanatkumāro me bhakto punarnārāyaṇo'bravīt

Sanskrit only: no published translation is held for this verse.

ततो भूम्या वचः श्रुत्वा ब्रह्मणश्च सुतो मुनिः ।। सनत्कुमारो योगज्ञः प्रत्युवाच वसुन्धराम्

tato bhūmyā vacaḥ śrutvā brahmaṇaśca suto muniḥ || sanatkumāro yogajñaḥ pratyuvāca vasundharām

Sanskrit only: no published translation is held for this verse.

धन्या चैव सुभाग्या च यत्त्वया परिपृच्छितम् ।। वराहरूपी भगवान्सर्वमायाकरण्डकः

dhanyā caiva subhāgyā ca yattvayā paripṛcchitam || varāharūpī bhagavānsarvamāyākaraṇḍakaḥ

Sanskrit only: no published translation is held for this verse.

किं त्वया भाषितो देवि सर्वयोगाङ्गयोगवित् ।। देवो नारायणस्तत्र सर्वधर्मविदां वरः

kiṃ tvayā bhāṣito devi sarvayogāṅgayogavit || devo nārāyaṇastatra sarvadharmavidāṃ varaḥ

Sanskrit only: no published translation is held for this verse.

कुमारवचनं श्रुत्वा तं मही प्रत्यभाषत ।। शृणु तत्त्वेन मे ब्रह्मन्यन्मया परिपृच्छितम्

kumāravacanaṃ śrutvā taṃ mahī pratyabhāṣata || śṛṇu tattvena me brahmanyanmayā paripṛcchitam

Sanskrit only: no published translation is held for this verse.

कार्यं क्रियां च योगं च आध्यात्म्यं पार्थिवस्थितम् ।। एतन्मे पृच्छते ब्रह्मन्देवो नारायणः प्रभुः

kāryaṃ kriyāṃ ca yogaṃ ca ādhyātmyaṃ pārthivasthitam || etanme pṛcchate brahmandevo nārāyaṇaḥ prabhuḥ

Sanskrit only: no published translation is held for this verse.

ततो मां भाषते ब्रह्मन्विष्णुर्मायाकरण्डकः ।। क्रुद्धा भागवता ब्रह्मन्येन शुद्ध्यन्ति किल्बिषात्

tato māṃ bhāṣate brahmanviṣṇurmāyākaraṇḍakaḥ || kruddhā bhāgavatā brahmanyena śuddhyanti kilbiṣāt

Sanskrit only: no published translation is held for this verse.

कृत्वा तेन व्रतं चैव मम कर्मपरायणः ।। षष्ठे काले तु भुञ्जीत गृहभिक्षामनिन्दिताम्

kṛtvā tena vrataṃ caiva mama karmaparāyaṇaḥ || ṣaṣṭhe kāle tu bhuñjīta gṛhabhikṣāmaninditām

Sanskrit only: no published translation is held for this verse.

अष्टौ भिक्षा यथान्यायं शुद्धभागवतां गृहे ।। य एतेन विधानेन ब्रह्मकर्माणि कारयेत्

aṣṭau bhikṣā yathānyāyaṃ śuddhabhāgavatāṃ gṛhe || ya etena vidhānena brahmakarmāṇi kārayet

Sanskrit only: no published translation is held for this verse.

मुच्यते किल्बिषात्तस्मादेवमाह जनार्दनः ।। यदीच्छसि परां सिद्धिं विष्णुलोकं जनार्दनात्

mucyate kilbiṣāttasmādevamāha janārdanaḥ || yadīcchasi parāṃ siddhiṃ viṣṇulokaṃ janārdanāt

Sanskrit only: no published translation is held for this verse.

शीघ्रमाराधयेद्विष्णुं द्विजमुख्यो न संशयः ।। ततो भूमेर्वचः श्रुत्वा ब्रह्मणश्च सुतो मुनिः

śīghramārādhayedviṣṇuṃ dvijamukhyo na saṃśayaḥ || tato bhūmervacaḥ śrutvā brahmaṇaśca suto muniḥ

Sanskrit only: no published translation is held for this verse.

प्रत्युवाच विशालाक्षीं धर्मकामो वसुन्धराम् ।। अहो गुह्यं रहस्यं च यत्त्वया देवि भाषितम्

pratyuvāca viśālākṣīṃ dharmakāmo vasundharām || aho guhyaṃ rahasyaṃ ca yattvayā devi bhāṣitam

Sanskrit only: no published translation is held for this verse.

तस्य ये मुखनिष्क्रान्ता धर्मास्तान्वक्तुमर्हसि ।। धरण्युवाच ।। ततः स पुण्डरीकाक्षः शङ्खचक्रगदाधरः

tasya ye mukhaniṣkrāntā dharmāstānvaktumarhasi || dharaṇyuvāca || tataḥ sa puṇḍarīkākṣaḥ śaṅkhacakragadādharaḥ

Sanskrit only: no published translation is held for this verse.

वराहरूपी भगवाँल्लोकनाथो जनार्दनः । उवाच मधुरं वाक्यं मेघदुन्दुभिनिःस्वनः

varāharūpī bhagavā~llokanātho janārdanaḥ | uvāca madhuraṃ vākyaṃ meghadundubhiniḥsvanaḥ

Sanskrit only: no published translation is held for this verse.

भक्तकर्मसुखार्थाय गुणवित्तसमन्विताम् ।। अनेनैव विधानेन आचारेण समन्वितः

bhaktakarmasukhārthāya guṇavittasamanvitām || anenaiva vidhānena ācāreṇa samanvitaḥ

Sanskrit only: no published translation is held for this verse.

देवि कारयते कर्म मम लोकं स गच्छति ।। क्रुद्धेन न च कर्त्तव्यं लोभेन त्वरया न च

devi kārayate karma mama lokaṃ sa gacchati || kruddhena na ca karttavyaṃ lobhena tvarayā na ca

Sanskrit only: no published translation is held for this verse.

मत्पूजनं विधानेन यदीच्छेत्परमां गतिम् ।। ये मां देवि यजिष्यन्ति क्रोधं त्यक्त्वा जितेन्द्रियाः

matpūjanaṃ vidhānena yadīcchetparamāṃ gatim || ye māṃ devi yajiṣyanti krodhaṃ tyaktvā jitendriyāḥ

Sanskrit only: no published translation is held for this verse.

संसारं ते न गच्छन्ति अपराधविवर्ज्जिताः ।। श्रीवराह उवाच ।। अकर्मण्येन पुष्पेण यो मामर्चयते भुवि

saṃsāraṃ te na gacchanti aparādhavivarjjitāḥ || śrīvarāha uvāca || akarmaṇyena puṣpeṇa yo māmarcayate bhuvi

Sanskrit only: no published translation is held for this verse.

पातनं तस्य वक्ष्यामि तच्छृणुष्व वसुन्धरे ।। नाहं तत्प्रतिगृह्णामि न च ते वै मम प्रियाः

pātanaṃ tasya vakṣyāmi tacchṛṇuṣva vasundhare || nāhaṃ tatpratigṛhṇāmi na ca te vai mama priyāḥ

Sanskrit only: no published translation is held for this verse.

मूर्खा भागवता देवि मम विप्रियकारिणः ।। पतन्ति नरके घोरे रौरवे तदनन्तरम्

mūrkhā bhāgavatā devi mama vipriyakāriṇaḥ || patanti narake ghore raurave tadanantaram

Sanskrit only: no published translation is held for this verse.

अज्ञानस्य च दोषेण दुःखान्यनुभवन्ति च ।। वानरो दश वर्षाणि मार्जारश्च त्रयोदश

ajñānasya ca doṣeṇa duḥkhānyanubhavanti ca || vānaro daśa varṣāṇi mārjāraśca trayodaśa

Sanskrit only: no published translation is held for this verse.

मूकः पञ्च च वर्षाणि बलीवर्दश्च द्वादश ।। छागश्चैवाष्टवर्षाणि मासं वै ग्रामकुक्कुटः

mūkaḥ pañca ca varṣāṇi balīvardaśca dvādaśa || chāgaścaivāṣṭavarṣāṇi māsaṃ vai grāmakukkuṭaḥ

Sanskrit only: no published translation is held for this verse.

त्रीणि वर्षाणि महिषो भवत्येव न संशयः ।। एतत्ते कथितं भद्रे पुष्पं यन्मे न रोचते

trīṇi varṣāṇi mahiṣo bhavatyeva na saṃśayaḥ || etatte kathitaṃ bhadre puṣpaṃ yanme na rocate

Sanskrit only: no published translation is held for this verse.

अकर्मण्यं विशालाक्षि पुष्पं ये च ददन्ति वै ।। धरण्युवाच ।। भगवन्यदि तुष्टोऽसि विशुद्धेनान्तरान्मना

akarmaṇyaṃ viśālākṣi puṣpaṃ ye ca dadanti vai || dharaṇyuvāca || bhagavanyadi tuṣṭo'si viśuddhenāntarānmanā

Sanskrit only: no published translation is held for this verse.

येन शुध्यन्ति ते भक्तास्तव कर्मपरायणाः ।। श्रीवराह उवाच ।। शृणु तत्त्वेन मे देवि यन्मां त्वं परिपृच्छसि

yena śudhyanti te bhaktāstava karmaparāyaṇāḥ || śrīvarāha uvāca || śṛṇu tattvena me devi yanmāṃ tvaṃ paripṛcchasi

Sanskrit only: no published translation is held for this verse.

प्रायश्चित्तं महाभागे येन शुध्यन्ति मानवाः ।। एकाहारं ततः कृत्वा मासमेकं वरानने

prāyaścittaṃ mahābhāge yena śudhyanti mānavāḥ || ekāhāraṃ tataḥ kṛtvā māsamekaṃ varānane

Sanskrit only: no published translation is held for this verse.

वीरासनविधींश्चैव कारयेत्सप्त सप्त च ।। चतुर्थं भक्ष्यमेकेन मासेन घृतपायसम् ।।

vīrāsanavidhīṃścaiva kārayetsapta sapta ca || caturthaṃ bhakṣyamekena māsena ghṛtapāyasam ||

Sanskrit only: no published translation is held for this verse.

यावकान्नं त्रीण्यहानि वायुभक्षो दिनत्रयम् ।। य एतेन विधानेन देवि कर्माणि कारयेत् ।।७१ ।। । सवर्पापप्रमुक्तश्च मम लोकं स गच्छति

yāvakānnaṃ trīṇyahāni vāyubhakṣo dinatrayam || ya etena vidhānena devi karmāṇi kārayet ||71 || | savarpāpapramuktaśca mama lokaṃ sa gacchati

Sanskrit only: no published translation is held for this verse.

इति श्रीवराहपुराणे पूजादिसामयिकापराधप्रायश्चित्तं नाम चतुस्त्रिंशदधिकशततमोऽध्यायः

iti śrīvarāhapurāṇe pūjādisāmayikāparādhaprāyaścittaṃ nāma catustriṃśadadhikaśatatamo'dhyāyaḥ

Sanskrit only: no published translation is held for this verse.