Library·Varāha Purāṇa·136
अथ प्रायश्चित्तकर्मसूत्रम्।। श्रीवराह उवाच ।। दीपं स्पृष्ट्वा तु यो देवि मम कर्माणि कारयेत् ।। तस्यापराधाद्वै भूमे पापं प्राप्नोति मानवः
atha prāyaścittakarmasūtram|| śrīvarāha uvāca || dīpaṃ spṛṣṭvā tu yo devi mama karmāṇi kārayet || tasyāparādhādvai bhūme pāpaṃ prāpnoti mānavaḥ
Sanskrit only: no published translation is held for this verse.
तच्छृणुष्व महाभागे कथ्यमानं मयाऽनघे।। जायते षष्टिवर्षाणि कुष्ठी गात्रपरिप्लुत
tacchṛṇuṣva mahābhāge kathyamānaṃ mayā'naghe|| jāyate ṣaṣṭivarṣāṇi kuṣṭhī gātraparipluta
Sanskrit only: no published translation is held for this verse.
चाण्डालस्य गृहे तत्र एवमेतन्न संशयः ।। एवं भुक्त्वा तु तत्कर्म मम क्षेत्रे मृतो यदि
cāṇḍālasya gṛhe tatra evametanna saṃśayaḥ || evaṃ bhuktvā tu tatkarma mama kṣetre mṛto yadi
Sanskrit only: no published translation is held for this verse.
मद्भक्तश्चैव जायेत शुद्धे भागवते गृहे ।। प्रायश्चित्तं प्रवक्ष्यामि दीपस्य स्पर्शनाद्भुवि
madbhaktaścaiva jāyeta śuddhe bhāgavate gṛhe || prāyaścittaṃ pravakṣyāmi dīpasya sparśanādbhuvi
Sanskrit only: no published translation is held for this verse.
तरन्ति मनुजा येन कष्टं चाण्डालयोनिषु ।। यस्य कस्यापि मासस्य शुक्लपक्षे च द्वादशी
taranti manujā yena kaṣṭaṃ cāṇḍālayoniṣu || yasya kasyāpi māsasya śuklapakṣe ca dvādaśī
Sanskrit only: no published translation is held for this verse.
चतुर्थभक्तमाहारमाकाशशयने स्वपेत् ।। दीपं दत्त्वापराधाद्वै तरन्ति मनुजा भुवि
caturthabhaktamāhāramākāśaśayane svapet || dīpaṃ dattvāparādhādvai taranti manujā bhuvi
Sanskrit only: no published translation is held for this verse.
शुचिर्भूत्वा यथान्यायं मम कर्मपथे स्थितः ।। एतत्ते कथितं भद्रे स्पर्शने दीपकस्य तु
śucirbhūtvā yathānyāyaṃ mama karmapathe sthitaḥ || etatte kathitaṃ bhadre sparśane dīpakasya tu
Sanskrit only: no published translation is held for this verse.
संसारशोधनं चैव यत्कृत्वा लभते शुभम् ।। श्मशानं यो नरो गत्वा अस्नात्वैव तु मां स्पृशेत्
saṃsāraśodhanaṃ caiva yatkṛtvā labhate śubham || śmaśānaṃ yo naro gatvā asnātvaiva tu māṃ spṛśet
Sanskrit only: no published translation is held for this verse.
मम दोषापराधस्य शृणु तत्त्वेन यत्फलम् ।। जम्बुको जायते भूमौ वर्षाणां नव पंच च
mama doṣāparādhasya śṛṇu tattvena yatphalam || jambuko jāyate bhūmau varṣāṇāṃ nava paṃca ca
Sanskrit only: no published translation is held for this verse.
गृध्रस्तु सप्त वर्षाणि जायते खचरेश्वरः ।। चरन्तौ मानुषं मांसमुभौ तौ गृध्रजम्बुकौ
gṛdhrastu sapta varṣāṇi jāyate khacareśvaraḥ || carantau mānuṣaṃ māṃsamubhau tau gṛdhrajambukau
Sanskrit only: no published translation is held for this verse.
पिशाचो जायते तत्र वर्षाणि नव पंच च ।। ततस्तु कुणपोच्छिष्टं त्रिंशद्वर्षाणि खादति
piśāco jāyate tatra varṣāṇi nava paṃca ca || tatastu kuṇapocchiṣṭaṃ triṃśadvarṣāṇi khādati
Sanskrit only: no published translation is held for this verse.
ततो नारायणाच्छ्रुत्वा धरणी वाक्यमब्रवीत् ।। एतन्मे परमं गुह्यं लोकनाथ जनार्दन
tato nārāyaṇācchrutvā dharaṇī vākyamabravīt || etanme paramaṃ guhyaṃ lokanātha janārdana
Sanskrit only: no published translation is held for this verse.
परं कौतूहलं देव निखिलं वक्तुमर्हसि ।। श्मशानं पुण्डरीकाक्ष ईश्वरेण प्रशंसितम्
paraṃ kautūhalaṃ deva nikhilaṃ vaktumarhasi || śmaśānaṃ puṇḍarīkākṣa īśvareṇa praśaṃsitam
Sanskrit only: no published translation is held for this verse.
किन्त्वत्र त्रिगुणं देव पवित्रे शिवभाषिते ।। स तव रमते नित्यं भगवांस्तु महामतिः
kintvatra triguṇaṃ deva pavitre śivabhāṣite || sa tava ramate nityaṃ bhagavāṃstu mahāmatiḥ
Sanskrit only: no published translation is held for this verse.
कपालं गृह्य देवोऽत्र दीप्तिमन्तं महौजसम् ।। प्रशंसितं च रुद्रेण भवता किं विनिन्दितम्
kapālaṃ gṛhya devo'tra dīptimantaṃ mahaujasam || praśaṃsitaṃ ca rudreṇa bhavatā kiṃ vininditam
Sanskrit only: no published translation is held for this verse.
श्मशानं पद्मपत्राक्ष रुद्रस्य च निशि प्रियम् ।। श्रीवराह उवाच ।। शृणु तत्त्वेन मे देवि इदमाख्यानमुत्तमम्
śmaśānaṃ padmapatrākṣa rudrasya ca niśi priyam || śrīvarāha uvāca || śṛṇu tattvena me devi idamākhyānamuttamam
Sanskrit only: no published translation is held for this verse.
अद्यापि ते न जानन्ति ह्यनघे संशितव्रताः ।। कृत्वा सुदुष्करं कर्म सर्वभूतपतिं हरिम्
adyāpi te na jānanti hyanaghe saṃśitavratāḥ || kṛtvā suduṣkaraṃ karma sarvabhūtapatiṃ harim
Sanskrit only: no published translation is held for this verse.
हत्वा च बालान्वृद्धांश्च त्रिपुरे रूपिणीः स्त्रियः ।। तेन पापेन सम्बद्धो न शक्नोति विचेष्टितुम्
hatvā ca bālānvṛddhāṃśca tripure rūpiṇīḥ striyaḥ || tena pāpena sambaddho na śaknoti viceṣṭitum
Sanskrit only: no published translation is held for this verse.
प्रणष्टमानसैश्वर्यो नष्टा माया च योगिनः ।। विवर्णवदनो भूत्वा तिष्ठते स महेश्वरः
praṇaṣṭamānasaiśvaryo naṣṭā māyā ca yoginaḥ || vivarṇavadano bhūtvā tiṣṭhate sa maheśvaraḥ
Sanskrit only: no published translation is held for this verse.
तत्र स्थाने शिवो भूमे गणैः सर्वैः समावृतः ।। नष्टमायं ततो देवि चिन्तयामि वसुन्धरे
tatra sthāne śivo bhūme gaṇaiḥ sarvaiḥ samāvṛtaḥ || naṣṭamāyaṃ tato devi cintayāmi vasundhare
Sanskrit only: no published translation is held for this verse.
ततो ध्यातो मया देवि शङ्करः पुनरेष्यति ।। यावत्पश्यामि तं देवं देवि दिव्येन चक्षुषा
tato dhyāto mayā devi śaṅkaraḥ punareṣyati || yāvatpaśyāmi taṃ devaṃ devi divyena cakṣuṣā
Sanskrit only: no published translation is held for this verse.
नष्टं मायाबलं रुद्रं सर्वभूतमहेश्वरम् ।। ततोऽहं तत्र गत्वा तु यष्टुकामं त्रियम्बकम्
naṣṭaṃ māyābalaṃ rudraṃ sarvabhūtamaheśvaram || tato'haṃ tatra gatvā tu yaṣṭukāmaṃ triyambakam
Sanskrit only: no published translation is held for this verse.
नष्टसंज्ञो हतज्ञानो नष्टयोगबलोऽबलः ।। तत ईशो मया चोक्तो वाक्यमेवं सुखावहम्
naṣṭasaṃjño hatajñāno naṣṭayogabalo'balaḥ || tata īśo mayā cokto vākyamevaṃ sukhāvaham
Sanskrit only: no published translation is held for this verse.
किमिदं तिष्ठसे रुद्र कश्मलेन समावृतः ।। त्वं कर्त्ता च विकर्त्ता च विकाराकार एव च
kimidaṃ tiṣṭhase rudra kaśmalena samāvṛtaḥ || tvaṃ karttā ca vikarttā ca vikārākāra eva ca
Sanskrit only: no published translation is held for this verse.
त्वं वैशाख्यं वियोगं च त्वं योनिस्त्वं परायणम् ।। त्वमुग्रदेवदेवादिस्त्वं साम त्वं तथा दिशः
tvaṃ vaiśākhyaṃ viyogaṃ ca tvaṃ yonistvaṃ parāyaṇam || tvamugradevadevādistvaṃ sāma tvaṃ tathā diśaḥ
Sanskrit only: no published translation is held for this verse.
किं न बुध्यति चात्मानं गणैः परिवृतो भवान् ।। किमिदं देवदेवेश विवर्णः पृथुलोचनः
kiṃ na budhyati cātmānaṃ gaṇaiḥ parivṛto bhavān || kimidaṃ devadeveśa vivarṇaḥ pṛthulocanaḥ
Sanskrit only: no published translation is held for this verse.
तन्ममाचक्ष्व तत्त्वेन यत्पृष्टोसि मया भवान् ।। स्मर योगं च मायां च पश्य विष्णोर्महात्मनः
tanmamācakṣva tattvena yatpṛṣṭosi mayā bhavān || smara yogaṃ ca māyāṃ ca paśya viṣṇormahātmanaḥ
Sanskrit only: no published translation is held for this verse.
तव चैव प्रियार्थाय येनाहमिह चागतः ।। ततो मम वचः श्रुत्वा लब्धसंज्ञो महेश्वरः
tava caiva priyārthāya yenāhamiha cāgataḥ || tato mama vacaḥ śrutvā labdhasaṃjño maheśvaraḥ
Sanskrit only: no published translation is held for this verse.
उवाच मधुरं वाक्यं पापसन्तप्तलोचनः ।। श्रृणु तत्त्वेन मे देव कोऽन्योऽप्येवं करिष्यति
uvāca madhuraṃ vākyaṃ pāpasantaptalocanaḥ || śrṛṇu tattvena me deva ko'nyo'pyevaṃ kariṣyati
Sanskrit only: no published translation is held for this verse.
देवं नारायणं चैकं सर्वलोकमहेश्वरम् ।। हे विष्णो त्वत्प्रसादेन देवत्वं चैव माधव
devaṃ nārāyaṇaṃ caikaṃ sarvalokamaheśvaram || he viṣṇo tvatprasādena devatvaṃ caiva mādhava
Sanskrit only: no published translation is held for this verse.
लब्धो योगश्च साङ्ख्यं च जातोऽस्मि विगतज्वरः ।। त्वत्प्रसादेन जातोऽस्मि पूर्णाम्बुरिव सागरः
labdho yogaśca sāṅkhyaṃ ca jāto'smi vigatajvaraḥ || tvatprasādena jāto'smi pūrṇāmburiva sāgaraḥ
Sanskrit only: no published translation is held for this verse.
अहं त्वां तु विजानामि मां त्वं जानासि माधव ।। आवयोरन्तरं कोऽपि न पश्यति जनार्दन
ahaṃ tvāṃ tu vijānāmi māṃ tvaṃ jānāsi mādhava || āvayorantaraṃ ko'pi na paśyati janārdana
Sanskrit only: no published translation is held for this verse.
ब्रह्माणं तु विजानाति नावयोरन्तरेण हि ।। साधु विष्णो महाभाग सर्वमायाकरण्डक
brahmāṇaṃ tu vijānāti nāvayorantareṇa hi || sādhu viṣṇo mahābhāga sarvamāyākaraṇḍaka
Sanskrit only: no published translation is held for this verse.
एवं मह्यं हरो वाक्यमुक्त्वा भूतमहेश्वरः ।। मुहूर्त्तं ध्यानमास्थाय पुनः प्रोवाच माधवि
evaṃ mahyaṃ haro vākyamuktvā bhūtamaheśvaraḥ || muhūrttaṃ dhyānamāsthāya punaḥ provāca mādhavi
Sanskrit only: no published translation is held for this verse.
तव विष्णो प्रसादेन मया तत्त्रिपुरं हतम् ।। निहता दानवास्तत्र गर्भिण्यश्च निपातिताः
tava viṣṇo prasādena mayā tattripuraṃ hatam || nihatā dānavāstatra garbhiṇyaśca nipātitāḥ
Sanskrit only: no published translation is held for this verse.
बालवृद्धा हतास्तत्र विस्फुरन्तो दिशो दश ।। तस्य पापस्य दोषेण न शक्नोमि विचेष्टितुम्
bālavṛddhā hatāstatra visphuranto diśo daśa || tasya pāpasya doṣeṇa na śaknomi viceṣṭitum
Sanskrit only: no published translation is held for this verse.
प्रणष्टयोगमायश्च नष्टैश्वर्यश्च माधव ।। कि कर्त्तव्यं मया विष्णो पापावस्थेन सम्प्रति
praṇaṣṭayogamāyaśca naṣṭaiśvaryaśca mādhava || ki karttavyaṃ mayā viṣṇo pāpāvasthena samprati
Sanskrit only: no published translation is held for this verse.
विष्णो तत्त्वेन मे ब्रूहि शोधनं पाप नाशनम् ।। येन वै कृतमात्रेण शुद्धो मुच्येत किल्बिषात्
viṣṇo tattvena me brūhi śodhanaṃ pāpa nāśanam || yena vai kṛtamātreṇa śuddho mucyeta kilbiṣāt
Sanskrit only: no published translation is held for this verse.
एवं चिन्तात्मनस्तस्य मया रुद्रस्य भाषितम् ।। कपालमालां गृहीत्वा समलं गच्छ शङ्कर
evaṃ cintātmanastasya mayā rudrasya bhāṣitam || kapālamālāṃ gṛhītvā samalaṃ gaccha śaṅkara
Sanskrit only: no published translation is held for this verse.
ममैवं वचनं श्रुत्वा भगवान्परमेश्वरः ।। उवाच मां पुनर्व्यक्तं मां बोधय जगत्पते
mamaivaṃ vacanaṃ śrutvā bhagavānparameśvaraḥ || uvāca māṃ punarvyaktaṃ māṃ bodhaya jagatpate
Sanskrit only: no published translation is held for this verse.
कीदृशः समलो विष्णो यत्र गच्छामहे वयम् ।। ततस्तस्य वचः श्रुत्वा शङ्करस्य महेश्वरि
kīdṛśaḥ samalo viṣṇo yatra gacchāmahe vayam || tatastasya vacaḥ śrutvā śaṅkarasya maheśvari
Sanskrit only: no published translation is held for this verse.
तत्पापशोधनार्थाय मया वाक्यं प्रभाषितम् ।। श्मशानं समलं रुद्र पूतिको व्रणगन्धिकः
tatpāpaśodhanārthāya mayā vākyaṃ prabhāṣitam || śmaśānaṃ samalaṃ rudra pūtiko vraṇagandhikaḥ
Sanskrit only: no published translation is held for this verse.
स्वयं तिष्ठन्ति वै तत्र मनुजा विगतस्पृहः ।। तत्र गृह्य कपालानि रम तत्रैव शङ्कर
svayaṃ tiṣṭhanti vai tatra manujā vigataspṛhaḥ || tatra gṛhya kapālāni rama tatraiva śaṅkara
Sanskrit only: no published translation is held for this verse.
तत्र वर्षसहस्राणि दिव्यान्येव दृढव्रतः ।। ततो भक्षय मांसानि पापक्षयचिकीर्षुकः
tatra varṣasahasrāṇi divyānyeva dṛḍhavrataḥ || tato bhakṣaya māṃsāni pāpakṣayacikīrṣukaḥ
Sanskrit only: no published translation is held for this verse.
हतानां चैव मांसानि ये च भोज्यास्तव प्रियाः ।। एवं सर्वैर्गणैः सार्द्धं वस तत्र सुनिश्चितः
hatānāṃ caiva māṃsāni ye ca bhojyāstava priyāḥ || evaṃ sarvairgaṇaiḥ sārddhaṃ vasa tatra suniścitaḥ
Sanskrit only: no published translation is held for this verse.
पूर्णे वर्षसहस्रे तु स्थित्वा त्वं समले पुनः ।। गच्छाश्रमपदं पश्चाद्गौतमस्य महामुनेः
pūrṇe varṣasahasre tu sthitvā tvaṃ samale punaḥ || gacchāśramapadaṃ paścādgautamasya mahāmuneḥ
Sanskrit only: no published translation is held for this verse.
तत्र ज्ञास्यसि चात्मानं गौतमाश्रमसंस्थितः ।। प्रसादाद्गौतममुनेर्भवता गतकिल्बिषः
tatra jñāsyasi cātmānaṃ gautamāśramasaṃsthitaḥ || prasādādgautamamunerbhavatā gatakilbiṣaḥ
Sanskrit only: no published translation is held for this verse.
सततं पापसम्पन्नं कपालं शिरसि स्थितम् ।। ऋषिः पातयितुं शक्तस्त्वत्प्रसादान्न सशंयः
satataṃ pāpasampannaṃ kapālaṃ śirasi sthitam || ṛṣiḥ pātayituṃ śaktastvatprasādānna saśaṃyaḥ
Sanskrit only: no published translation is held for this verse.
एवं रुद्रं वरं दत्त्वा तत्रैवान्तर्हितोऽभवम् ।। रुद्रोऽपि भ्रमते तत्र श्मशाने पापसंवृते
evaṃ rudraṃ varaṃ dattvā tatraivāntarhito'bhavam || rudro'pi bhramate tatra śmaśāne pāpasaṃvṛte
Sanskrit only: no published translation is held for this verse.
अतो न रोचते भूमे श्मशानं मे कदाचन ।। यत्र रुद्रकृतं पापं स्थितं किल भयावहम्
ato na rocate bhūme śmaśānaṃ me kadācana || yatra rudrakṛtaṃ pāpaṃ sthitaṃ kila bhayāvaham
Sanskrit only: no published translation is held for this verse.
एतत्ते कथितं भद्रे श्मशानं मे जुगुप्सितम् ।। विना तु कृतसंस्कारो मम कर्मपरायणः
etatte kathitaṃ bhadre śmaśānaṃ me jugupsitam || vinā tu kṛtasaṃskāro mama karmaparāyaṇaḥ
Sanskrit only: no published translation is held for this verse.
प्रायश्चित्तं प्रवक्ष्यामि येन शुध्यति किल्बिषात् ।। कृत्वा चतुर्थभक्षं तु दिनानि दश पंच च
prāyaścittaṃ pravakṣyāmi yena śudhyati kilbiṣāt || kṛtvā caturthabhakṣaṃ tu dināni daśa paṃca ca
Sanskrit only: no published translation is held for this verse.
आकाशशयनं कुर्यादेकवस्त्रः कुशासने ।। प्रभाते पंचगव्यं च पातव्यं कर्मशोधनम्
ākāśaśayanaṃ kuryādekavastraḥ kuśāsane || prabhāte paṃcagavyaṃ ca pātavyaṃ karmaśodhanam
Sanskrit only: no published translation is held for this verse.
विमुक्तः सर्वपापेभ्यो मम लोकं स गच्छति ।। पिण्याकं भक्षयित्वा तु यो देवमुपसर्पति
vimuktaḥ sarvapāpebhyo mama lokaṃ sa gacchati || piṇyākaṃ bhakṣayitvā tu yo devamupasarpati
Sanskrit only: no published translation is held for this verse.
तस्य वै शृणु सुश्रोणि प्रायश्चित्तं सुशोधनम् ।। उलूको दश वर्षाणि कच्छपस्तु समास्त्रयः
tasya vai śṛṇu suśroṇi prāyaścittaṃ suśodhanam || ulūko daśa varṣāṇi kacchapastu samāstrayaḥ
Sanskrit only: no published translation is held for this verse.
जायते मानवस्तत्र मम कर्मपरायणः ।। यांस्तु दोषान्प्रपश्यन्ते संसारेऽस्मिन्वसुन्धरे
jāyate mānavastatra mama karmaparāyaṇaḥ || yāṃstu doṣānprapaśyante saṃsāre'sminvasundhare
Sanskrit only: no published translation is held for this verse.
तस्य वक्ष्यामि सुश्रोणि प्रायश्चित्तं महौजसम् ।। किल्बिषाद्येन मुच्येत संसारान्तं च गच्छति
tasya vakṣyāmi suśroṇi prāyaścittaṃ mahaujasam || kilbiṣādyena mucyeta saṃsārāntaṃ ca gacchati
Sanskrit only: no published translation is held for this verse.
यावकेन दिनैकं तु गोमूत्रेण च कारयेत्।। रात्रौ वीरासनं कुर्यादाकाशशयने वसेत्
yāvakena dinaikaṃ tu gomūtreṇa ca kārayet|| rātrau vīrāsanaṃ kuryādākāśaśayane vaset
Sanskrit only: no published translation is held for this verse.
न स गच्छति संसारं मम लोकं स गच्छति ।। वराहमांसेन तु यो मम कुर्वीत प्रापणम्
na sa gacchati saṃsāraṃ mama lokaṃ sa gacchati || varāhamāṃsena tu yo mama kurvīta prāpaṇam
Sanskrit only: no published translation is held for this verse.
मूर्खः स पापकर्मा च मम कर्मपरायणः ।। यांस्तु दोषान्प्रपद्येत संसारं च वसुन्धरे
mūrkhaḥ sa pāpakarmā ca mama karmaparāyaṇaḥ || yāṃstu doṣānprapadyeta saṃsāraṃ ca vasundhare
Sanskrit only: no published translation is held for this verse.
यावद्रोम वराहस्य मम गात्रेषु संस्थितम् ।। तावद्वर्षसहस्राणि नरके पच्यते भुवि
yāvadroma varāhasya mama gātreṣu saṃsthitam || tāvadvarṣasahasrāṇi narake pacyate bhuvi
Sanskrit only: no published translation is held for this verse.
अन्यच्च ते प्रवक्ष्यामि तच्छृणुष्व वसुन्धरे ।। वाराहेण तु मांसेन यस्तु कुर्वीत प्रापणम्
anyacca te pravakṣyāmi tacchṛṇuṣva vasundhare || vārāheṇa tu māṃsena yastu kurvīta prāpaṇam
Sanskrit only: no published translation is held for this verse.
यावत् तत्तनुसंस्थं तु भजते तु प्रतिष्ठितम् ।। तावत्स पतते देवि सौकरीं योनिमास्थितः
yāvat tattanusaṃsthaṃ tu bhajate tu pratiṣṭhitam || tāvatsa patate devi saukarīṃ yonimāsthitaḥ
Sanskrit only: no published translation is held for this verse.
अन्यच्च ते प्रवक्ष्यामि तच्छृणुष्व वसुन्धरे ।। यां गतिं सम्प्रपद्येत मम कर्मपरायणः
anyacca te pravakṣyāmi tacchṛṇuṣva vasundhare || yāṃ gatiṃ samprapadyeta mama karmaparāyaṇaḥ
Sanskrit only: no published translation is held for this verse.
अन्धो भूत्वा ततो देवि जन्म चैवं प्रतिष्ठितम् ।। एवं गत्वा तु संसारं वराहमांसप्रापणात्
andho bhūtvā tato devi janma caivaṃ pratiṣṭhitam || evaṃ gatvā tu saṃsāraṃ varāhamāṃsaprāpaṇāt
Sanskrit only: no published translation is held for this verse.
जायते विपुले सिद्धे कुले भागवते शुचिः ।। विनीतः कृतसंस्कारो मम कमर्परायणः
jāyate vipule siddhe kule bhāgavate śuciḥ || vinītaḥ kṛtasaṃskāro mama kamarparāyaṇaḥ
Sanskrit only: no published translation is held for this verse.
द्रव्यवान्गुणवांश्चैव रूपवाञ्छीलवाञ्छुचिः ।। प्रायश्चित्तं प्रवक्ष्यामि तस्य कायविशोधनम्
dravyavānguṇavāṃścaiva rūpavāñchīlavāñchuciḥ || prāyaścittaṃ pravakṣyāmi tasya kāyaviśodhanam
Sanskrit only: no published translation is held for this verse.
किल्बिषाद्येन मुच्येत मम कर्मपरायणः ।। फलाहारो दिनान्सप्त सप्त मूलाशनस्तथा
kilbiṣādyena mucyeta mama karmaparāyaṇaḥ || phalāhāro dinānsapta sapta mūlāśanastathā
Sanskrit only: no published translation is held for this verse.
दिनानि सप्त तिष्ठेत सप्त वै पायसेन च ।। तक्रेण सप्त दिवसान्सप्त पावकभोजनः
dināni sapta tiṣṭheta sapta vai pāyasena ca || takreṇa sapta divasānsapta pāvakabhojanaḥ
Sanskrit only: no published translation is held for this verse.
प्रायश्चित्तान्महाभागे मम लोकं स गच्छति ।। मद्यं पीत्वा वरारोहे यस्तु मामुपसर्पति
prāyaścittānmahābhāge mama lokaṃ sa gacchati || madyaṃ pītvā varārohe yastu māmupasarpati
Sanskrit only: no published translation is held for this verse.
तत्र दोषं प्रवक्ष्यामि शृणु सुन्दरि तत्त्वतः ।। दशवर्षसहस्राणि दरिद्रो जायते पुनः
tatra doṣaṃ pravakṣyāmi śṛṇu sundari tattvataḥ || daśavarṣasahasrāṇi daridro jāyate punaḥ
Sanskrit only: no published translation is held for this verse.
ततो भवेत्सुपूतात्मा मद्भक्तः स न संशयः ।। यस्तु भागवतो भूत्वा कामरागेण मोहितः
tato bhavetsupūtātmā madbhaktaḥ sa na saṃśayaḥ || yastu bhāgavato bhūtvā kāmarāgeṇa mohitaḥ
Sanskrit only: no published translation is held for this verse.
दीक्षितः पिबते मद्यं प्रायश्चित्तं न विद्यते ।। अन्यच्च ते प्रवक्ष्यामि तच्छृणुष्व वसुन्धरे
dīkṣitaḥ pibate madyaṃ prāyaścittaṃ na vidyate || anyacca te pravakṣyāmi tacchṛṇuṣva vasundhare
Sanskrit only: no published translation is held for this verse.
अग्निवर्णां सुरां पीत्वा तेन मुच्येत किल्बिषात् ।। य एतेन विधानेन प्रायश्चित्तं समाचरेत्
agnivarṇāṃ surāṃ pītvā tena mucyeta kilbiṣāt || ya etena vidhānena prāyaścittaṃ samācaret
Sanskrit only: no published translation is held for this verse.
न स लिप्यति पापेन संसारं च न गच्छति ।। कौसुम्भं चैव यः शाकं भक्षयेन्मम पूजकः
na sa lipyati pāpena saṃsāraṃ ca na gacchati || kausumbhaṃ caiva yaḥ śākaṃ bhakṣayenmama pūjakaḥ
Sanskrit only: no published translation is held for this verse.
नरके पच्यते घोरे दश पंच च सूकरः ।। ततो गच्छेच्छ्वयोनौ च त्रीणि वर्षाणि जम्बुकः
narake pacyate ghore daśa paṃca ca sūkaraḥ || tato gacchecchvayonau ca trīṇi varṣāṇi jambukaḥ
Sanskrit only: no published translation is held for this verse.
वर्षमेकं ततः शुध्येन्मत्कर्मणि रतः शुचिः ।। मम लोकमवाप्नोति शुद्धो भूत्वा वसुन्धरे
varṣamekaṃ tataḥ śudhyenmatkarmaṇi rataḥ śuciḥ || mama lokamavāpnoti śuddho bhūtvā vasundhare
Sanskrit only: no published translation is held for this verse.
ततो भूमिर्वचः श्रुत्वा प्रत्युवाच पुनर्हरिम् ।। कुसुम्भशाकनैवेद्यप्रापणेन च किल्बिषात्
tato bhūmirvacaḥ śrutvā pratyuvāca punarharim || kusumbhaśākanaivedyaprāpaṇena ca kilbiṣāt
Sanskrit only: no published translation is held for this verse.
कथं मुच्येत देवेश प्रायश्चित्तं वद प्रभो ।। श्रीवराह उवाच ।। यो मे कुसुम्भशाकेन प्रापणं कुरुते नरः
kathaṃ mucyeta deveśa prāyaścittaṃ vada prabho || śrīvarāha uvāca || yo me kusumbhaśākena prāpaṇaṃ kurute naraḥ
Sanskrit only: no published translation is held for this verse.
दशवर्षसहस्राणि नरके परिपच्यते ।। प्रायश्चित्तं प्रवक्ष्यामि तच्च मे वदतः शृणु
daśavarṣasahasrāṇi narake paripacyate || prāyaścittaṃ pravakṣyāmi tacca me vadataḥ śṛṇu
Sanskrit only: no published translation is held for this verse.
भक्षणे तु कृते कुर्याच्चान्द्रायणमतन्द्रितः ।। प्रापणे तु कृते कुर्याद्द्वादशाहं पयोव्रतम्
bhakṣaṇe tu kṛte kuryāccāndrāyaṇamatandritaḥ || prāpaṇe tu kṛte kuryāddvādaśāhaṃ payovratam
Sanskrit only: no published translation is held for this verse.
य एतेन विधानेन प्रायश्चित्तं समाचरेत् ।। न स लिप्येत पापेन मम लोकं च गच्छति
ya etena vidhānena prāyaścittaṃ samācaret || na sa lipyeta pāpena mama lokaṃ ca gacchati
Sanskrit only: no published translation is held for this verse.
यः पारक्येण वस्त्रेण न धूतेन च माधवि ।। प्रायश्चित्ती भवेन्मूर्खो मम कर्मपरायणः
yaḥ pārakyeṇa vastreṇa na dhūtena ca mādhavi || prāyaścittī bhavenmūrkho mama karmaparāyaṇaḥ
Sanskrit only: no published translation is held for this verse.
करोति मम कर्माणि स्पृशते मां तदा स्थितः ।। मृगो वै जायते देवि वर्षाणि त्रीणि सप्त च
karoti mama karmāṇi spṛśate māṃ tadā sthitaḥ || mṛgo vai jāyate devi varṣāṇi trīṇi sapta ca
Sanskrit only: no published translation is held for this verse.
हीनपादेन जायेत चैकं जन्म वसुन्धरे ।। मूर्खश्च क्रोधनश्चैव मद्भक्तश्चैव जायते
hīnapādena jāyeta caikaṃ janma vasundhare || mūrkhaśca krodhanaścaiva madbhaktaścaiva jāyate
Sanskrit only: no published translation is held for this verse.
तस्य वक्ष्यामि सुश्रोणि प्रायश्चित्तं महौजसम् ।। येन गच्छति संसारं मम भक्तो व्यवस्थितः
tasya vakṣyāmi suśroṇi prāyaścittaṃ mahaujasam || yena gacchati saṃsāraṃ mama bhakto vyavasthitaḥ
Sanskrit only: no published translation is held for this verse.
अष्टभक्तं ततः कृत्वा मम भक्तिपरायणः ।। माघस्यैव तु मासस्य शुक्लपक्षस्य द्वादशीम्
aṣṭabhaktaṃ tataḥ kṛtvā mama bhaktiparāyaṇaḥ || māghasyaiva tu māsasya śuklapakṣasya dvādaśīm
Sanskrit only: no published translation is held for this verse.
तिष्ठेज्जलाशये गत्वा शान्तो दान्तो यतव्रतः ।। अनन्यमानसो भूत्वा मम चिन्तापरायणः
tiṣṭhejjalāśaye gatvā śānto dānto yatavrataḥ || ananyamānaso bhūtvā mama cintāparāyaṇaḥ
Sanskrit only: no published translation is held for this verse.
प्रभातायां तु शर्वर्यामुदिते तु दिवाकरे ।। पचगव्यं ततः पीत्वा मम कर्माणि कारयेत्
prabhātāyāṃ tu śarvaryāmudite tu divākare || pacagavyaṃ tataḥ pītvā mama karmāṇi kārayet
Sanskrit only: no published translation is held for this verse.
य एतेन विधानेन प्रायश्चित्तं समाचरेत्।। सर्वपापविनिर्मुक्तो मम लोकं स गच्छति
ya etena vidhānena prāyaścittaṃ samācaret|| sarvapāpavinirmukto mama lokaṃ sa gacchati
Sanskrit only: no published translation is held for this verse.
( अकृत्वा यो नवान्नानि मम कर्मपरायणः ।।) ततो भागवतो भूत्वा नवान्नं यो न कारयेत्
( akṛtvā yo navānnāni mama karmaparāyaṇaḥ ||) tato bhāgavato bhūtvā navānnaṃ yo na kārayet
Sanskrit only: no published translation is held for this verse.
पितरस्तस्य नाश्नन्ति वर्षाणि दश पंच च ।। अदत्त्वा यस्तु भुञ्जीत नवान्नानि कदाचन
pitarastasya nāśnanti varṣāṇi daśa paṃca ca || adattvā yastu bhuñjīta navānnāni kadācana
Sanskrit only: no published translation is held for this verse.
न तस्य धर्मो विद्येत एवमेतन्न संशयः ।। अन्यच्च ते प्रवक्ष्यामि येन तस्मात्प्रमुच्यते
na tasya dharmo vidyeta evametanna saṃśayaḥ || anyacca te pravakṣyāmi yena tasmātpramucyate
Sanskrit only: no published translation is held for this verse.
प्रायश्चित्तं महाभागे मम भक्तसुखावहम् ।। उपवासं त्रिरात्रं तु तत एकेन वा पुनः
prāyaścittaṃ mahābhāge mama bhaktasukhāvaham || upavāsaṃ trirātraṃ tu tata ekena vā punaḥ
Sanskrit only: no published translation is held for this verse.
आकाशशयनं कृत्वा चतुर्थेऽहनि शुध्यति ।। एवं तत्र विधिं कृत्वा उदिते च दिवाकरे
ākāśaśayanaṃ kṛtvā caturthe'hani śudhyati || evaṃ tatra vidhiṃ kṛtvā udite ca divākare
Sanskrit only: no published translation is held for this verse.
पंचगव्यं ततः पीत्वा शीघ्रं मुच्येत किल्बिषात् ।। य एतेन विधानेन प्रायश्चित्तं समाचरेत्
paṃcagavyaṃ tataḥ pītvā śīghraṃ mucyeta kilbiṣāt || ya etena vidhānena prāyaścittaṃ samācaret
Sanskrit only: no published translation is held for this verse.
सर्वसङ्गं परित्यज्य मम लोकं स गच्छति ।। अदत्त्वा गन्धमाल्यानि यो मे धूपं प्रयच्छति
sarvasaṅgaṃ parityajya mama lokaṃ sa gacchati || adattvā gandhamālyāni yo me dhūpaṃ prayacchati
Sanskrit only: no published translation is held for this verse.
कुणपो जायते भूमे यातुधानो न संशयः ।। वर्षाणि चैकविंशानि अयस्कारनिवासकः
kuṇapo jāyate bhūme yātudhāno na saṃśayaḥ || varṣāṇi caikaviṃśāni ayaskāranivāsakaḥ
Sanskrit only: no published translation is held for this verse.
तिष्ठत्यत्र महाभागे एवमेतन्न संशयः ।। अन्यच्च ते प्रवक्ष्यामि तच्छृणुष्व वसुन्धरे
tiṣṭhatyatra mahābhāge evametanna saṃśayaḥ || anyacca te pravakṣyāmi tacchṛṇuṣva vasundhare
Sanskrit only: no published translation is held for this verse.
प्रायश्चित्तं प्रवक्ष्यामि येन मुच्येत किल्बिषात् ।। यस्य कस्यचिन्मासस्य शुक्लपक्षस्य द्वादशीम्
prāyaścittaṃ pravakṣyāmi yena mucyeta kilbiṣāt || yasya kasyacinmāsasya śuklapakṣasya dvādaśīm
Sanskrit only: no published translation is held for this verse.
उपोष्य चाष्टभक्तं तु दशैकादशमेव च ।। प्रभातायां तु शर्वर्यामुदिते रविमण्डले
upoṣya cāṣṭabhaktaṃ tu daśaikādaśameva ca || prabhātāyāṃ tu śarvaryāmudite ravimaṇḍale
Sanskrit only: no published translation is held for this verse.
पंचगव्यं ततः पीत्वा शीघ्रं मुच्यति किल्बिषात् ।। य एतेन विधानेन प्रायश्चित्तं समाचरेत्
paṃcagavyaṃ tataḥ pītvā śīghraṃ mucyati kilbiṣāt || ya etena vidhānena prāyaścittaṃ samācaret
Sanskrit only: no published translation is held for this verse.
तानि तानि तरन्त्येव सर्व एव पितामहाः ।। वहन्नुपानहौ पद्भ्यां यस्तु मामुपचक्रमेत्
tāni tāni tarantyeva sarva eva pitāmahāḥ || vahannupānahau padbhyāṃ yastu māmupacakramet
Sanskrit only: no published translation is held for this verse.
चर्मकारस्तु जायेत वर्षाणां तु त्रयोदश ।। तज्जन्मनः परिभ्रष्टः सूकरो जायते पुनः
carmakārastu jāyeta varṣāṇāṃ tu trayodaśa || tajjanmanaḥ paribhraṣṭaḥ sūkaro jāyate punaḥ
Sanskrit only: no published translation is held for this verse.
सूकरत्वात्परिभ्रष्टः श्वा भवेच्च जुगुप्सितः ।। ततः श्वत्त्वात्परिभ्रष्टो मानुषेषूपजायते
sūkaratvātparibhraṣṭaḥ śvā bhavecca jugupsitaḥ || tataḥ śvattvātparibhraṣṭo mānuṣeṣūpajāyate
Sanskrit only: no published translation is held for this verse.
मद्भक्तश्च विनीतश्च अपराधविवर्जितः ।। मुक्तस्तु सर्वसंसारान्मम लोकं स गच्छति
madbhaktaśca vinītaśca aparādhavivarjitaḥ || muktastu sarvasaṃsārānmama lokaṃ sa gacchati
Sanskrit only: no published translation is held for this verse.
य एतेन विधानेन वसुधे कर्म कारयेत् ।। न स लिप्येत पापेन एवमेतन्न संशयः
ya etena vidhānena vasudhe karma kārayet || na sa lipyeta pāpena evametanna saṃśayaḥ
Sanskrit only: no published translation is held for this verse.
भेरीशब्दमकृत्वा तु यस्तु मां प्रतिबोधयेत् ।। बधिरो जायते भूमे एकं जन्म न संशयः
bherīśabdamakṛtvā tu yastu māṃ pratibodhayet || badhiro jāyate bhūme ekaṃ janma na saṃśayaḥ
Sanskrit only: no published translation is held for this verse.
तस्य वक्ष्यामि सुश्रोणि प्रायश्चित्तं मम प्रियम् ।। किल्बिषाद्येन मुच्येत भेरीताडनमोहितः
tasya vakṣyāmi suśroṇi prāyaścittaṃ mama priyam || kilbiṣādyena mucyeta bherītāḍanamohitaḥ
Sanskrit only: no published translation is held for this verse.
यस्य कस्यचिन्मासस्य शुक्लपक्षे तु द्वादशी ।। आकाशशयनं कृत्वा शीघ्रं मुच्येत किल्बिषात्
yasya kasyacinmāsasya śuklapakṣe tu dvādaśī || ākāśaśayanaṃ kṛtvā śīghraṃ mucyeta kilbiṣāt
Sanskrit only: no published translation is held for this verse.
य एतेन विधानेन वसुधे कर्म कारयेत् ।। अपराधं न गच्छेत्तु मम लोकं स गच्छति
ya etena vidhānena vasudhe karma kārayet || aparādhaṃ na gacchettu mama lokaṃ sa gacchati
Sanskrit only: no published translation is held for this verse.
अन्नं भुक्त्वा बहुतरमजीर्णेन परिप्लुतः ।। उद्गारेण समायुक्तः अस्नात उपसर्पति
annaṃ bhuktvā bahutaramajīrṇena pariplutaḥ || udgāreṇa samāyuktaḥ asnāta upasarpati
Sanskrit only: no published translation is held for this verse.
एकजन्मनि श्वा चैव वानरश्चैव जायते ।। एकस्मिञ्जन्मनि च्छागः सृगालश्चैकजन्मनि
ekajanmani śvā caiva vānaraścaiva jāyate || ekasmiñjanmani cchāgaḥ sṛgālaścaikajanmani
Sanskrit only: no published translation is held for this verse.
एकजन्म भवेदन्धो मूषको जायते पुनः ।। तारितो ह्येष संसाराज्जायते विपुले कुले
ekajanma bhavedandho mūṣako jāyate punaḥ || tārito hyeṣa saṃsārājjāyate vipule kule
Sanskrit only: no published translation is held for this verse.
शुद्धो भागवतः श्रेष्ठस्त्वपराधविवर्ज्जित।। प्रायश्चित्तं प्रवक्ष्यामि मम भक्तसुखावहम्
śuddho bhāgavataḥ śreṣṭhastvaparādhavivarjjita|| prāyaścittaṃ pravakṣyāmi mama bhaktasukhāvaham
Sanskrit only: no published translation is held for this verse.
किल्बिषाद्येन मुच्येत मम भक्तिपरायणः ।। त्रिदिनं पावकाहारो मूलाहारो दिनत्रयम्
kilbiṣādyena mucyeta mama bhaktiparāyaṇaḥ || tridinaṃ pāvakāhāro mūlāhāro dinatrayam
Sanskrit only: no published translation is held for this verse.
पायसेन दिनत्रय्यां त्रिदिनं सक्तुना तथा ।। त्रिदिनं वायुभक्षोऽपि आकाशशयनस्त्रिकम्
pāyasena dinatrayyāṃ tridinaṃ saktunā tathā || tridinaṃ vāyubhakṣo'pi ākāśaśayanastrikam
Sanskrit only: no published translation is held for this verse.
उत्थायापररात्रे तु कृत्वा वै दन्तधावनम्।। पंचगव्यं पिबेच्चैव शरीरपरिशोधनम्
utthāyāpararātre tu kṛtvā vai dantadhāvanam|| paṃcagavyaṃ pibeccaiva śarīrapariśodhanam
Sanskrit only: no published translation is held for this verse.
य एतेन विधानेन प्रायश्चित्तं समाचरेत् ।। न स लिप्येत पापेन मम लोकं स गच्छति
ya etena vidhānena prāyaścittaṃ samācaret || na sa lipyeta pāpena mama lokaṃ sa gacchati
Sanskrit only: no published translation is held for this verse.
आख्यानानां महाख्यानं तपसां च परं तपः ।। अत्राहं कीर्त्तयिष्यामि ब्राह्मणेभ्यो महेश्वरि
ākhyānānāṃ mahākhyānaṃ tapasāṃ ca paraṃ tapaḥ || atrāhaṃ kīrttayiṣyāmi brāhmaṇebhyo maheśvari
Sanskrit only: no published translation is held for this verse.