Varāha Purāṇa 139

अथ सौकरमाहात्म्यम् ।। श्रीवराह उवाच ।। शृणु तत्त्वेन मे देवि लिप्यमानस्य यत्फलम् ।। सर्वं ते कथयष्यामि यथा प्राप्नोति मानवः

atha saukaramāhātmyam || śrīvarāha uvāca || śṛṇu tattvena me devi lipyamānasya yatphalam || sarvaṃ te kathayaṣyāmi yathā prāpnoti mānavaḥ

Sanskrit only: no published translation is held for this verse.

गृहीत्वा गोमयं भूमे मम वेश्मोपलेपयेत् ।। न्यस्तानि तत्र यावन्ति पदानि च विलिम्पतः

gṛhītvā gomayaṃ bhūme mama veśmopalepayet || nyastāni tatra yāvanti padāni ca vilimpataḥ

Sanskrit only: no published translation is held for this verse.

तावद्वर्षसहस्राणि दिव्यानि दिवि मोदते ।। यदि द्वादशवर्षाणि लिप्यते मम कर्मसु

tāvadvarṣasahasrāṇi divyāni divi modate || yadi dvādaśavarṣāṇi lipyate mama karmasu

Sanskrit only: no published translation is held for this verse.

जायते विपुले शुद्धे धनधान्यसमाकुले ।। दिव्यैर्नमस्कृतो देवि कुशद्वीपं च गच्छति

jāyate vipule śuddhe dhanadhānyasamākule || divyairnamaskṛto devi kuśadvīpaṃ ca gacchati

Sanskrit only: no published translation is held for this verse.

कुशद्वीपमनुप्राप्य सहस्राणि च जीवति ।। दश चैव तु वर्षाणां मम भक्तो महाञ्छुचिः

kuśadvīpamanuprāpya sahasrāṇi ca jīvati || daśa caiva tu varṣāṇāṃ mama bhakto mahāñchuciḥ

Sanskrit only: no published translation is held for this verse.

कुशद्वीपात्परिभ्रष्टो मम कर्मपरायणः।। राजा वै जायते सुभ्रु सर्वधर्मेषु निष्ठितः

kuśadvīpātparibhraṣṭo mama karmaparāyaṇaḥ|| rājā vai jāyate subhru sarvadharmeṣu niṣṭhitaḥ

Sanskrit only: no published translation is held for this verse.

तेन तस्य प्रभावेण मम कर्मपरायणः ।। भक्तौ व्यवस्थितश्चापि सर्वशास्त्राणि पृच्छति

tena tasya prabhāveṇa mama karmaparāyaṇaḥ || bhaktau vyavasthitaścāpi sarvaśāstrāṇi pṛcchati

Sanskrit only: no published translation is held for this verse.

देवि कारयते सर्वं मम चायतनानि च।। कारयित्वा यथान्यायं मम लोकं स गच्छति

devi kārayate sarvaṃ mama cāyatanāni ca|| kārayitvā yathānyāyaṃ mama lokaṃ sa gacchati

Sanskrit only: no published translation is held for this verse.

गोमयस्य तु वक्ष्यामि तच्छृणुष्व वसुन्धरे।। गोमयन्तु समासाद्य यावल्लोकोऽनुगच्छति

gomayasya tu vakṣyāmi tacchṛṇuṣva vasundhare|| gomayantu samāsādya yāvalloko'nugacchati

Sanskrit only: no published translation is held for this verse.

समीपे यदि वा दूरे गत्वा नयति गोमयम्।। यावन्ति तत्पदान्यस्य तावद्वर्ष सहस्रकम्

samīpe yadi vā dūre gatvā nayati gomayam|| yāvanti tatpadānyasya tāvadvarṣa sahasrakam

Sanskrit only: no published translation is held for this verse.

गोमयानां च नेता वै स्वर्गलोके महीयते।। ततः स शाल्मले द्वीपे रमते च मुदा युतः

gomayānāṃ ca netā vai svargaloke mahīyate|| tataḥ sa śālmale dvīpe ramate ca mudā yutaḥ

Sanskrit only: no published translation is held for this verse.

एकादशसहस्राणि एकादशशतानि च ।। शाल्मलात्तु परिभ्रष्टो राजा भवति धार्मिकः

ekādaśasahasrāṇi ekādaśaśatāni ca || śālmalāttu paribhraṣṭo rājā bhavati dhārmikaḥ

Sanskrit only: no published translation is held for this verse.

मद्भक्तश्चैव जायेत सर्वधर्मविदां वरः ।। अथ द्वादशवर्षाणि मच्छ्रितः सुदृढव्रतः

madbhaktaścaiva jāyeta sarvadharmavidāṃ varaḥ || atha dvādaśavarṣāṇi macchritaḥ sudṛḍhavrataḥ

Sanskrit only: no published translation is held for this verse.

वहते गोमयं सुष्ठु मम लोकं स गच्छति ।। स्नानोपलेपने भूमे सलिलं यो ददाति च

vahate gomayaṃ suṣṭhu mama lokaṃ sa gacchati || snānopalepane bhūme salilaṃ yo dadāti ca

Sanskrit only: no published translation is held for this verse.

तस्य पुण्यं महाभागे शृणु तत्वेन निष्कलम् ।। यावन्तो बिन्दवस्तत्र पानीयस्य वसुन्धरे

tasya puṇyaṃ mahābhāge śṛṇu tatvena niṣkalam || yāvanto bindavastatra pānīyasya vasundhare

Sanskrit only: no published translation is held for this verse.

तावद्वर्षसहस्राणि स्वर्गलोके महीयते ।। स्वर्गलोकात्परिभ्रष्टः क्रौचद्वीपं च गच्छति

tāvadvarṣasahasrāṇi svargaloke mahīyate || svargalokātparibhraṣṭaḥ kraucadvīpaṃ ca gacchati

Sanskrit only: no published translation is held for this verse.

क्रौंचद्वीपात्परिभ्रष्टो राजा भवति धार्मिकः ।। तेनैव गुणयोगेन श्वेतद्वीपं च गच्छति

krauṃcadvīpātparibhraṣṭo rājā bhavati dhārmikaḥ || tenaiva guṇayogena śvetadvīpaṃ ca gacchati

Sanskrit only: no published translation is held for this verse.

संमार्ज्जनं प्रवक्ष्यामि तच्छृणुष्व वसुन्धरे ।। यां गतिं पुरुषा यान्ति स्त्रियो वा कर्मसु स्थिताः

saṃmārjjanaṃ pravakṣyāmi tacchṛṇuṣva vasundhare || yāṃ gatiṃ puruṣā yānti striyo vā karmasu sthitāḥ

Sanskrit only: no published translation is held for this verse.

शुचिर्भागवतः शुद्धो अपराधविवर्जितः ।। यावन्तः पांसवो भूमेरुड्डीयन्ते तु चालिताः

śucirbhāgavataḥ śuddho aparādhavivarjitaḥ || yāvantaḥ pāṃsavo bhūmeruḍḍīyante tu cālitāḥ

Sanskrit only: no published translation is held for this verse.

तावद्वर्षशतान्याशु स्वर्गलोके महीयते ।। स्वर्गलोकात्परिभ्रष्टः शाकद्वीपं स गच्छति

tāvadvarṣaśatānyāśu svargaloke mahīyate || svargalokātparibhraṣṭaḥ śākadvīpaṃ sa gacchati

Sanskrit only: no published translation is held for this verse.

तत्र स्थित्वा चिरङ्कालं राजा भवति धार्मिकः ।। ततो भुक्त्वा सर्वभोगान्स्थित्वा संसारसागरे

tatra sthitvā ciraṅkālaṃ rājā bhavati dhārmikaḥ || tato bhuktvā sarvabhogānsthitvā saṃsārasāgare

Sanskrit only: no published translation is held for this verse.

श्वेतद्वीपं ततो गच्छेन्मत्कर्मनिरतः शुचिः ।। अन्यच्च ते प्रवक्ष्यामि शृणुष्व गदतो मम

śvetadvīpaṃ tato gacchenmatkarmanirataḥ śuciḥ || anyacca te pravakṣyāmi śṛṇuṣva gadato mama

Sanskrit only: no published translation is held for this verse.

गायनं ये प्रकुर्वन्ति मम कर्मपरायणाः ।। तेषां यद्यत्फलं भूमे शृणुष्व गदतो मम

gāyanaṃ ye prakurvanti mama karmaparāyaṇāḥ || teṣāṃ yadyatphalaṃ bhūme śṛṇuṣva gadato mama

Sanskrit only: no published translation is held for this verse.

गीयमानस्य गीतस्य यावदक्षरपङ्क्तयः ।। तावद्वर्षसहस्राणि इन्द्रलोके महीयते

gīyamānasya gītasya yāvadakṣarapaṅktayaḥ || tāvadvarṣasahasrāṇi indraloke mahīyate

Sanskrit only: no published translation is held for this verse.

रूपवान्गुणवान् सिद्धः सर्ववेदविदां वरः ।। नित्यं पश्यति तत्रस्थो देवराजं न संशयः

rūpavānguṇavān siddhaḥ sarvavedavidāṃ varaḥ || nityaṃ paśyati tatrastho devarājaṃ na saṃśayaḥ

Sanskrit only: no published translation is held for this verse.

मद्भक्तश्चैव जायेत इन्द्रलोकपथे स्थितः ।। सर्वकर्मगुणश्रेष्ठस्तत्रापि मम पूजकः

madbhaktaścaiva jāyeta indralokapathe sthitaḥ || sarvakarmaguṇaśreṣṭhastatrāpi mama pūjakaḥ

Sanskrit only: no published translation is held for this verse.

इन्द्रलोकात्परिभ्रष्टो मम गीतपरायणः ।। नन्दनोपवने रम्ये रमन्देवगणैः सह

indralokātparibhraṣṭo mama gītaparāyaṇaḥ || nandanopavane ramye ramandevagaṇaiḥ saha

Sanskrit only: no published translation is held for this verse.

ततः स भूमौ जायेत वैष्णवैः सह संस्थितः ।। गायन्मम यशो नित्यं भक्त्या परमया युतः

tataḥ sa bhūmau jāyeta vaiṣṇavaiḥ saha saṃsthitaḥ || gāyanmama yaśo nityaṃ bhaktyā paramayā yutaḥ

Sanskrit only: no published translation is held for this verse.

मत्प्रसादात्स शुद्धात्मा मम लोकं हि गच्छति

matprasādātsa śuddhātmā mama lokaṃ hi gacchati

Sanskrit only: no published translation is held for this verse.

सूत उवाच ।। तस्य तद्वचनं श्रुत्वा माधवस्य यशस्विनी ।। कृताञ्जलिपुटा भूयः प्रत्युवाच वसुन्धरा

sūta uvāca || tasya tadvacanaṃ śrutvā mādhavasya yaśasvinī || kṛtāñjalipuṭā bhūyaḥ pratyuvāca vasundharā

Sanskrit only: no published translation is held for this verse.

धरण्युवाच ।। अहो गीतप्रभावो वै यस्त्वया कीर्त्तितो महान् ।। के च गीतप्रभावेण सिद्धिं प्राप्ता महौजसः

dharaṇyuvāca || aho gītaprabhāvo vai yastvayā kīrttito mahān || ke ca gītaprabhāveṇa siddhiṃ prāptā mahaujasaḥ

Sanskrit only: no published translation is held for this verse.

वराह उवाच ।। तत्रैव चाश्रमे भद्रे चाण्डालः कृतनिश्चयः ।। दूराज्जागरणे याति मम भक्तौ व्यवस्थितः

varāha uvāca || tatraiva cāśrame bhadre cāṇḍālaḥ kṛtaniścayaḥ || dūrājjāgaraṇe yāti mama bhaktau vyavasthitaḥ

Sanskrit only: no published translation is held for this verse.

गायमानश्च गीतानि संवत्सरगणान्बहून् ।। श्वपाकः स गुणज्ञश्च मद्भक्तश्चैव सुन्दरि

gāyamānaśca gītāni saṃvatsaragaṇānbahūn || śvapākaḥ sa guṇajñaśca madbhaktaścaiva sundari

Sanskrit only: no published translation is held for this verse.

कौमुदस्य तु मासस्य शुक्लपक्षे तु द्वादशी ।। सुप्ते गते येन जाते वीणामादाय चंक्रमत्

kaumudasya tu māsasya śuklapakṣe tu dvādaśī || supte gate yena jāte vīṇāmādāya caṃkramat

Sanskrit only: no published translation is held for this verse.

जाग्रंस्तत्र स चाण्डालो गृहीतो ब्रह्मरक्षसा ।। अल्पप्राणः श्वपाको वै बलवान्ब्रह्मराक्षसः

jāgraṃstatra sa cāṇḍālo gṛhīto brahmarakṣasā || alpaprāṇaḥ śvapāko vai balavānbrahmarākṣasaḥ

Sanskrit only: no published translation is held for this verse.

दुःखशोकेन सन्तप्तो न शक्नोति विचेष्टितुम् ।। तेन प्रोक्तः श्वपाकेन बलवान्ब्रह्मराक्षसः

duḥkhaśokena santapto na śaknoti viceṣṭitum || tena proktaḥ śvapākena balavānbrahmarākṣasaḥ

Sanskrit only: no published translation is held for this verse.

किं त्वया चेष्टितं मह्यं यस्त्वेवं परिधावसि ।। श्वपाकवचनं श्रुत्वा तेन वै ब्रह्मरक्षसा

kiṃ tvayā ceṣṭitaṃ mahyaṃ yastvevaṃ paridhāvasi || śvapākavacanaṃ śrutvā tena vai brahmarakṣasā

Sanskrit only: no published translation is held for this verse.

ततः प्रोवाच तं श्वादं मानुषाहारलोलुपः ।। अथेह दशरात्रं मे निराहारस्य तिष्ठतः

tataḥ provāca taṃ śvādaṃ mānuṣāhāralolupaḥ || atheha daśarātraṃ me nirāhārasya tiṣṭhataḥ

Sanskrit only: no published translation is held for this verse.

विधात्रा विहितस्त्वं व आहारः पारणाविधौ ।। अद्य तां भक्षयिष्यामि सवसामांसशोणितैः

vidhātrā vihitastvaṃ va āhāraḥ pāraṇāvidhau || adya tāṃ bhakṣayiṣyāmi savasāmāṃsaśoṇitaiḥ

Sanskrit only: no published translation is held for this verse.

तृप्तिं यास्यामि परमां विधात्रा विहितां मम ।। ब्रह्मरक्षोवचः श्रुत्वा श्वपाको गीतलालसः

tṛptiṃ yāsyāmi paramāṃ vidhātrā vihitāṃ mama || brahmarakṣovacaḥ śrutvā śvapāko gītalālasaḥ

Sanskrit only: no published translation is held for this verse.

राक्षसं छन्दयामास मम भक्त्या व्यवस्थितः ।। एवमेतन्महाभाग भक्ष्योऽहं समुपागतः

rākṣasaṃ chandayāmāsa mama bhaktyā vyavasthitaḥ || evametanmahābhāga bhakṣyo'haṃ samupāgataḥ

Sanskrit only: no published translation is held for this verse.

अवश्यमेतत्कर्तव्यं धात्रा दत्तं यथा तव ।। किं त्वहं देवदेवस्य भक्त्या गातुं च जागरे

avaśyametatkartavyaṃ dhātrā dattaṃ yathā tava || kiṃ tvahaṃ devadevasya bhaktyā gātuṃ ca jāgare

Sanskrit only: no published translation is held for this verse.

उद्यंस्तत्र गत्वाहमुपास्य विधिना हरिम् ।। पश्चात्खादस्व मां रक्षो जागराद्विनिवर्तितम्

udyaṃstatra gatvāhamupāsya vidhinā harim || paścātkhādasva māṃ rakṣo jāgarādvinivartitam

Sanskrit only: no published translation is held for this verse.

विष्णोः सन्तोषणार्थाय यतो मे व्रतमास्थितम् ।। जागरे विनिवृत्ते मां भक्षय त्वं यदीच्छति

viṣṇoḥ santoṣaṇārthāya yato me vratamāsthitam || jāgare vinivṛtte māṃ bhakṣaya tvaṃ yadīcchati

Sanskrit only: no published translation is held for this verse.

श्वपाकस्य वचः श्रुत्वा ब्रह्मरक्षः क्षुधार्दितः ।। उवाच पुरुषं वाक्यं श्वपाकं तदनन्तरम्

śvapākasya vacaḥ śrutvā brahmarakṣaḥ kṣudhārditaḥ || uvāca puruṣaṃ vākyaṃ śvapākaṃ tadanantaram

Sanskrit only: no published translation is held for this verse.

रक्षसो मुखविभ्रष्टः पुनरागन्तुमिच्छसि ।। राक्षसस्य वचः श्रुत्वा चाण्डालस्तमथाब्रवीत्

rakṣaso mukhavibhraṣṭaḥ punarāgantumicchasi || rākṣasasya vacaḥ śrutvā cāṇḍālastamathābravīt

Sanskrit only: no published translation is held for this verse.

यद्यप्यहं हि चाण्डालः पूर्वकर्मविदूषितः ।। सम्प्राप्तो मानुषं भावं विहितेनान्तरात्मना

yadyapyahaṃ hi cāṇḍālaḥ pūrvakarmavidūṣitaḥ || samprāpto mānuṣaṃ bhāvaṃ vihitenāntarātmanā

Sanskrit only: no published translation is held for this verse.

शृणु मत्समयं रक्षो येनाहं पुनरागमम् ।। दूराज्जागरणं कृत्वा लोकस्य द्विजराक्षस

śṛṇu matsamayaṃ rakṣo yenāhaṃ punarāgamam || dūrājjāgaraṇaṃ kṛtvā lokasya dvijarākṣasa

Sanskrit only: no published translation is held for this verse.

सत्येन पुनरेष्यामि मन्यसे यदि मुंच माम् ।। सत्यमूलं जगत्सर्वं लोकाः सत्ये प्रतिष्ठिताः

satyena punareṣyāmi manyase yadi muṃca mām || satyamūlaṃ jagatsarvaṃ lokāḥ satye pratiṣṭhitāḥ

Sanskrit only: no published translation is held for this verse.

सत्येन सिद्धिं प्राप्ता हि ऋषयो ब्रह्मवादिनः ।। सत्येन दीयते कन्या सत्यं जल्पन्ति ब्राह्मणाः

satyena siddhiṃ prāptā hi ṛṣayo brahmavādinaḥ || satyena dīyate kanyā satyaṃ jalpanti brāhmaṇāḥ

Sanskrit only: no published translation is held for this verse.

सत्यं जयन्ति राजानस्त्रीण्येतान्यब्रुवन्नृतम् ।। सत्येन गम्यते स्वर्गो मोक्षः सत्येन चाप्यते

satyaṃ jayanti rājānastrīṇyetānyabruvannṛtam || satyena gamyate svargo mokṣaḥ satyena cāpyate

Sanskrit only: no published translation is held for this verse.

सत्येन तपते सूर्यः सोमः सत्येन रज्यते ।। षष्ठ्यष्टमीममावास्यामुभे पक्षे चतुर्दशी

satyena tapate sūryaḥ somaḥ satyena rajyate || ṣaṣṭhyaṣṭamīmamāvāsyāmubhe pakṣe caturdaśī

Sanskrit only: no published translation is held for this verse.

अस्नातानां गतिं यास्ये यद्यहं नागमे पुनः ।। गुरुपत्नीं राजपत्नीं योऽभिगच्छति मोहितः

asnātānāṃ gatiṃ yāsye yadyahaṃ nāgame punaḥ || gurupatnīṃ rājapatnīṃ yo'bhigacchati mohitaḥ

Sanskrit only: no published translation is held for this verse.

तां गतिं सम्प्रपद्येऽहं यद्यहं नागमे पुनः।। याजकानां च ये लोका ये च मिथ्याभिभाषिणाम्

tāṃ gatiṃ samprapadye'haṃ yadyahaṃ nāgame punaḥ|| yājakānāṃ ca ye lokā ye ca mithyābhibhāṣiṇām

Sanskrit only: no published translation is held for this verse.

तां गतिं सम्प्रपद्येऽहं यद्यं नागमे पुनः।। ब्रह्मघ्ने च सुरापे वा स्तेने भग्नव्रते तथा

tāṃ gatiṃ samprapadye'haṃ yadyaṃ nāgame punaḥ|| brahmaghne ca surāpe vā stene bhagnavrate tathā

Sanskrit only: no published translation is held for this verse.

तेषां गतिं प्रपद्येऽहं यद्यहं नागमे पुनः।। श्वपाकवचनं श्रुत्वा तुष्टो ब्राह्मणराक्षसः

teṣāṃ gatiṃ prapadye'haṃ yadyahaṃ nāgame punaḥ|| śvapākavacanaṃ śrutvā tuṣṭo brāhmaṇarākṣasaḥ

Sanskrit only: no published translation is held for this verse.

उवाच मधुरं वाक्यं गच्छ शीघ्रं नमोऽस्तु ते।। ब्रह्मराक्षसमुक्त्वा तु श्वपाकः कृतनिश्चयः

uvāca madhuraṃ vākyaṃ gaccha śīghraṃ namo'stu te|| brahmarākṣasamuktvā tu śvapākaḥ kṛtaniścayaḥ

Sanskrit only: no published translation is held for this verse.

पुनर्गायति मह्यं वै मम भक्तौ व्यवस्थितः।। अथ प्रभाते विमले गीते नृत्ये च जागरे

punargāyati mahyaṃ vai mama bhaktau vyavasthitaḥ|| atha prabhāte vimale gīte nṛtye ca jāgare

Sanskrit only: no published translation is held for this verse.

नमो नारायणायेति श्वपाकः परिवर्त्तते।। ततस्त्वरितमागत्य पुमांस्तस्याग्रतः स्थितः

namo nārāyaṇāyeti śvapākaḥ parivarttate|| tatastvaritamāgatya pumāṃstasyāgrataḥ sthitaḥ

Sanskrit only: no published translation is held for this verse.

उवाच मधुरं वाक्यं चाण्डालं कृतनिश्चयम्।। क्व यासि त्वरितः साधो न च त्वं गन्तुमर्हसि

uvāca madhuraṃ vākyaṃ cāṇḍālaṃ kṛtaniścayam|| kva yāsi tvaritaḥ sādho na ca tvaṃ gantumarhasi

Sanskrit only: no published translation is held for this verse.

जानन्कौणपपं तं च न त्वं मर्त्तुमिहार्हसि।। पुरुषस्य वचः श्रुत्वा चाण्डालः पुनरब्रवीत्

jānankauṇapapaṃ taṃ ca na tvaṃ marttumihārhasi|| puruṣasya vacaḥ śrutvā cāṇḍālaḥ punarabravīt

Sanskrit only: no published translation is held for this verse.

समयो मे कृतः पूर्वं राक्षसेन हि भक्षता।। तेन तत्र गमिष्यामि सत्यं च परिपालयन्

samayo me kṛtaḥ pūrvaṃ rākṣasena hi bhakṣatā|| tena tatra gamiṣyāmi satyaṃ ca paripālayan

Sanskrit only: no published translation is held for this verse.

ततः स पद्मपत्राक्षः श्वपाकं प्रत्युवाच ह।। मधुरां गिरमादाय विहितेनान्तरात्मना

tataḥ sa padmapatrākṣaḥ śvapākaṃ pratyuvāca ha|| madhurāṃ giramādāya vihitenāntarātmanā

Sanskrit only: no published translation is held for this verse.

मा गच्छ तत्र चाण्डाल यत्रासौ पापराक्षसः।। जीवितार्थाय सत्यस्य न दोषः परिहापनात्

mā gaccha tatra cāṇḍāla yatrāsau pāparākṣasaḥ|| jīvitārthāya satyasya na doṣaḥ parihāpanāt

Sanskrit only: no published translation is held for this verse.

ततस्तस्य वचः श्रुत्वा श्वपाकः संशितव्रतः।। उवाच मधुरं वाक्यं मरणे कृतनिश्चयः

tatastasya vacaḥ śrutvā śvapākaḥ saṃśitavrataḥ|| uvāca madhuraṃ vākyaṃ maraṇe kṛtaniścayaḥ

Sanskrit only: no published translation is held for this verse.

नाहमेवं करिष्यामि यन्मां त्वं परिभाषसे।। न चाहं नाशये सत्यमेतन्मे निश्चितं व्रतम्

nāhamevaṃ kariṣyāmi yanmāṃ tvaṃ paribhāṣase|| na cāhaṃ nāśaye satyametanme niścitaṃ vratam

Sanskrit only: no published translation is held for this verse.

सत्यमूलं जगत्सर्वं कुलं सत्ये प्रतिष्ठितम्।। सत्यमेव परो धर्म आत्मा सत्ये प्रतिष्ठितः

satyamūlaṃ jagatsarvaṃ kulaṃ satye pratiṣṭhitam|| satyameva paro dharma ātmā satye pratiṣṭhitaḥ

Sanskrit only: no published translation is held for this verse.

न चैवाहं तदुत्सृज्य असत्यः स्यां कदाचन।। नाहं मिथ्या चरिष्यामि गच्छ तात नमोऽस्तु ते

na caivāhaṃ tadutsṛjya asatyaḥ syāṃ kadācana|| nāhaṃ mithyā cariṣyāmi gaccha tāta namo'stu te

Sanskrit only: no published translation is held for this verse.

एवमुक्त्वा श्वपाकोपि नित्यं सत्यव्रते स्थितः।। राक्षसं समनुप्राप्तस्तमुवाचाथ पूजयन्

evamuktvā śvapākopi nityaṃ satyavrate sthitaḥ|| rākṣasaṃ samanuprāptastamuvācātha pūjayan

Sanskrit only: no published translation is held for this verse.

आगतोऽस्मि महाभाग मा विलम्बय भक्षय।। त्वत्प्रसादादहं गन्ता वैष्णवं स्थानमुत्तमम्

āgato'smi mahābhāga mā vilambaya bhakṣaya|| tvatprasādādahaṃ gantā vaiṣṇavaṃ sthānamuttamam

Sanskrit only: no published translation is held for this verse.

एतानि मम गात्राणि भक्षयस्व यथेष्टतः।। पिबोष्णं रुधिरं मह्यं पीडितोऽसि क्षुधा भृशम्

etāni mama gātrāṇi bhakṣayasva yatheṣṭataḥ|| piboṣṇaṃ rudhiraṃ mahyaṃ pīḍito'si kṣudhā bhṛśam

Sanskrit only: no published translation is held for this verse.

तर्पयस्व स्वमात्मानं कुरुष्व मम वै हितम्।। श्वपाकस्य वचः श्रुत्वा ततः स ब्रह्मराक्षसः

tarpayasva svamātmānaṃ kuruṣva mama vai hitam|| śvapākasya vacaḥ śrutvā tataḥ sa brahmarākṣasaḥ

Sanskrit only: no published translation is held for this verse.

उवाच मधुरं वाक्यं श्वपाकं तदनन्तरम्।। साधु तुष्टोऽस्म्यहं वत्स सत्यं धर्मं च पालितम्

uvāca madhuraṃ vākyaṃ śvapākaṃ tadanantaram|| sādhu tuṣṭo'smyahaṃ vatsa satyaṃ dharmaṃ ca pālitam

Sanskrit only: no published translation is held for this verse.

चण्डालस्याविधिज्ञस्य यस्य ते मतिरीदृशी।। ब्रह्मरक्षोवचः श्रुत्वा श्वपाकः सत्यसङ्गरः

caṇḍālasyāvidhijñasya yasya te matirīdṛśī|| brahmarakṣovacaḥ śrutvā śvapākaḥ satyasaṅgaraḥ

Sanskrit only: no published translation is held for this verse.

उवाच मधुरं वाक्यं ब्रह्मराक्षसमेव तु।। यद्यप्यहं वै चाण्डालः सर्वकर्मविवर्जितः

uvāca madhuraṃ vākyaṃ brahmarākṣasameva tu|| yadyapyahaṃ vai cāṇḍālaḥ sarvakarmavivarjitaḥ

Sanskrit only: no published translation is held for this verse.

तथापि सत्यं वक्तव्यं ब्रह्मराक्षस नित्यशः।। श्वपाकवचनं श्रुत्वा ब्रह्मरक्षो भयानकम्

tathāpi satyaṃ vaktavyaṃ brahmarākṣasa nityaśaḥ|| śvapākavacanaṃ śrutvā brahmarakṣo bhayānakam

Sanskrit only: no published translation is held for this verse.

उवाच मधुरं वाक्यं श्वपाकं संशितव्रतम् ।। यत्त्वया गीयते रात्रौ विष्णोर्जागरणं प्रति

uvāca madhuraṃ vākyaṃ śvapākaṃ saṃśitavratam || yattvayā gīyate rātrau viṣṇorjāgaraṇaṃ prati

Sanskrit only: no published translation is held for this verse.

फलं गीतस्य मे देहि यदीच्छेर्जीवितं स्वकम् ।। ततो मोक्ष्यामि कल्याण भक्ष्यामि न च भीषणः

phalaṃ gītasya me dehi yadīccherjīvitaṃ svakam || tato mokṣyāmi kalyāṇa bhakṣyāmi na ca bhīṣaṇaḥ

Sanskrit only: no published translation is held for this verse.

ब्रह्मरक्षोवचः श्रुत्वा श्वपाकः प्रत्युवाच ह।। मनोऽज्ञातमिदं वाक्यं ब्रह्मरक्षो निभाषसे

brahmarakṣovacaḥ śrutvā śvapākaḥ pratyuvāca ha|| mano'jñātamidaṃ vākyaṃ brahmarakṣo nibhāṣase

Sanskrit only: no published translation is held for this verse.

भक्षयामीति चोक्त्वा मां गीतपुण्यं किमिच्छसि ।। श्वपाकवचनं श्रुत्वा ब्रह्मरक्षोऽब्रवीत्पुनः

bhakṣayāmīti coktvā māṃ gītapuṇyaṃ kimicchasi || śvapākavacanaṃ śrutvā brahmarakṣo'bravītpunaḥ

Sanskrit only: no published translation is held for this verse.

देहि मे त्वेकयामीयं पुण्यं गीतस्य वै परम् ।। ततो मोक्ष्यसि भक्ष्येण संगतः पुत्रदारकैः

dehi me tvekayāmīyaṃ puṇyaṃ gītasya vai param || tato mokṣyasi bhakṣyeṇa saṃgataḥ putradārakaiḥ

Sanskrit only: no published translation is held for this verse.

श्रुत्वा राक्षसवाक्यानि चाण्डालो गीतलोभितः ।। उवाच मधुरं वाक्यं राक्षसं कृतनिश्चयः

śrutvā rākṣasavākyāni cāṇḍālo gītalobhitaḥ || uvāca madhuraṃ vākyaṃ rākṣasaṃ kṛtaniścayaḥ

Sanskrit only: no published translation is held for this verse.

न गायनफलं दद्मि ब्रह्मरक्षस्तवेप्सितम् ।। भक्षयस्व यथान्यायं रुधिरं पिब चेप्सितम्

na gāyanaphalaṃ dadmi brahmarakṣastavepsitam || bhakṣayasva yathānyāyaṃ rudhiraṃ piba cepsitam

Sanskrit only: no published translation is held for this verse.

एतेन तारितोऽस्मीति तव गीतफलेन वै ।। श्रुत्वा वाक्यानि चाण्डालो राक्षसस्य निवारयन्

etena tārito'smīti tava gītaphalena vai || śrutvā vākyāni cāṇḍālo rākṣasasya nivārayan

Sanskrit only: no published translation is held for this verse.

उवाच मधुरं वाक्यं चाण्डालो विस्मयान्वितः ।। किं त्वया विकृतं कर्म तद्ब्रूहि मम राक्षस

uvāca madhuraṃ vākyaṃ cāṇḍālo vismayānvitaḥ || kiṃ tvayā vikṛtaṃ karma tadbrūhi mama rākṣasa

Sanskrit only: no published translation is held for this verse.

कर्मणो यस्य दोषेण राक्षसत्वं समागतः ।। श्वपाकवचनं श्रुत्वा ब्रह्मरक्षो महायशाः

karmaṇo yasya doṣeṇa rākṣasatvaṃ samāgataḥ || śvapākavacanaṃ śrutvā brahmarakṣo mahāyaśāḥ

Sanskrit only: no published translation is held for this verse.

श्वपाकवचनं श्रुत्वा राक्षसः पुनरब्रवीत् ।। एकगीतस्य मे देहि यत्त्वया विष्णुसंसदि

śvapākavacanaṃ śrutvā rākṣasaḥ punarabravīt || ekagītasya me dehi yattvayā viṣṇusaṃsadi

Sanskrit only: no published translation is held for this verse.

सूत्रमन्त्रपरिभ्रष्टो यज्ञकर्मसु निष्ठितः ।। ततोऽहं याजयाम्यज्ञान् लोभमोहप्रपीडितः

sūtramantraparibhraṣṭo yajñakarmasu niṣṭhitaḥ || tato'haṃ yājayāmyajñān lobhamohaprapīḍitaḥ

Sanskrit only: no published translation is held for this verse.

प्रवर्तमाने यज्ञे तु कदाचिद्दैवयोगतः ।। उदरे जातशूलोऽहं तेन पंचत्वमागतः

pravartamāne yajñe tu kadāciddaivayogataḥ || udare jātaśūlo'haṃ tena paṃcatvamāgataḥ

Sanskrit only: no published translation is held for this verse.

अथ पञ्चमहारात्रे ह्यसमाप्ते क्रतौ तथा ।। अस्य यज्ञस्य दोषेण मातंग शृणु मे वचः

atha pañcamahārātre hyasamāpte kratau tathā || asya yajñasya doṣeṇa mātaṃga śṛṇu me vacaḥ

Sanskrit only: no published translation is held for this verse.

राक्षसत्वमनुप्राप्तस्तेन दुष्टेन कर्मणा ।। मंत्रहीनं मया तत्र स्वरहीनं च तत्कृतम्

rākṣasatvamanuprāptastena duṣṭena karmaṇā || maṃtrahīnaṃ mayā tatra svarahīnaṃ ca tatkṛtam

Sanskrit only: no published translation is held for this verse.

सूत्रहीनं तथा तत्र प्राग्वंशादि कृतं मया ।। परिमाणं च रूपं च मया तत्रोपलक्षितम्

sūtrahīnaṃ tathā tatra prāgvaṃśādi kṛtaṃ mayā || parimāṇaṃ ca rūpaṃ ca mayā tatropalakṣitam

Sanskrit only: no published translation is held for this verse.

कृतस्य तस्य दोषेण योनिं प्राप्तोऽस्मि राक्षसीम् ।। स्वगीतफलदानेन निस्तारयितुमर्हसि

kṛtasya tasya doṣeṇa yoniṃ prāpto'smi rākṣasīm || svagītaphaladānena nistārayitumarhasi

Sanskrit only: no published translation is held for this verse.

बाढमित्येव तद्वाक्यं राक्षसं प्राब्रवीत्तदा ।। एतस्य मम गीतस्य सुस्वरस्य फलं तु यत्

bāḍhamityeva tadvākyaṃ rākṣasaṃ prābravīttadā || etasya mama gītasya susvarasya phalaṃ tu yat

Sanskrit only: no published translation is held for this verse.

ददामि राक्षस त्वं चेन्मुच्यसे शुद्धमानसः ।। यस्तु गायति संयुक्तं गीतकं विष्णुसन्निधौ

dadāmi rākṣasa tvaṃ cenmucyase śuddhamānasaḥ || yastu gāyati saṃyuktaṃ gītakaṃ viṣṇusannidhau

Sanskrit only: no published translation is held for this verse.

स तारयति दुर्गाणीत्युक्त्वा तद्दत्तवान् फलम् ।। एवं तस्मात्फलं प्राप्य श्वपाकाद्राक्षसस्तदा

sa tārayati durgāṇītyuktvā taddattavān phalam || evaṃ tasmātphalaṃ prāpya śvapākādrākṣasastadā

Sanskrit only: no published translation is held for this verse.

जातः सुविमलो भद्रे शरदीव यथा शशी।। श्वपकश्चापि सुश्रोणि मम चैवोपगायकः

jātaḥ suvimalo bhadre śaradīva yathā śaśī|| śvapakaścāpi suśroṇi mama caivopagāyakaḥ

Sanskrit only: no published translation is held for this verse.

कृत्वा सुविपुलं कर्म स ब्रह्मत्वमुपागतः।। एतद्गीतफलं देवि प्राप्नोति मनुजो भुवि

kṛtvā suvipulaṃ karma sa brahmatvamupāgataḥ|| etadgītaphalaṃ devi prāpnoti manujo bhuvi

Sanskrit only: no published translation is held for this verse.

मह्यं जागरतो भद्रे गीयमानं मनस्विनि।। यस्तु गायति सुश्रोणि कौमुदीं द्वादशीं प्रति

mahyaṃ jāgarato bhadre gīyamānaṃ manasvini|| yastu gāyati suśroṇi kaumudīṃ dvādaśīṃ prati

Sanskrit only: no published translation is held for this verse.

सर्वसंगं परित्यज्य मम लोकं स गच्छति।। यस्तु गायति गीतानि मम जागरणे सदा

sarvasaṃgaṃ parityajya mama lokaṃ sa gacchati|| yastu gāyati gītāni mama jāgaraṇe sadā

Sanskrit only: no published translation is held for this verse.

सर्वसंगात्प्रमुक्तो वै मम लोकं स गच्छति।। एतत्ते कथितं देवि गायनस्य फलं महत्

sarvasaṃgātpramukto vai mama lokaṃ sa gacchati|| etatte kathitaṃ devi gāyanasya phalaṃ mahat

Sanskrit only: no published translation is held for this verse.

यस्य गीतस्य शब्देन तरेत्संसारसागरम्।। वादित्रस्य प्रवक्ष्यामि तच्छृणुष्व वसुन्धरे

yasya gītasya śabdena taretsaṃsārasāgaram|| vāditrasya pravakṣyāmi tacchṛṇuṣva vasundhare

Sanskrit only: no published translation is held for this verse.

प्राप्तवान्मानुषो येन देवेभ्यः सबलां स्वयम्।। शम्पातालप्रयोगेण सन्निपातेन वा पुनः

prāptavānmānuṣo yena devebhyaḥ sabalāṃ svayam|| śampātālaprayogeṇa sannipātena vā punaḥ

Sanskrit only: no published translation is held for this verse.

नववर्षसहस्राणि नववर्षशतानि च ।। कुबेरभवनं गत्वा मोदते वै यदृच्छया

navavarṣasahasrāṇi navavarṣaśatāni ca || kuberabhavanaṃ gatvā modate vai yadṛcchayā

Sanskrit only: no published translation is held for this verse.

कुबेरभवनाद्भ्रष्टः स्वच्छन्दगमनालयः।। शम्यादितालसम्पातैर्मम लोकं स गच्छति

kuberabhavanādbhraṣṭaḥ svacchandagamanālayaḥ|| śamyāditālasampātairmama lokaṃ sa gacchati

Sanskrit only: no published translation is held for this verse.

नृत्यमानस्य वक्ष्यामि तच्छृणुष्व वसुन्धरे।. मानवो येन गच्छेत्तु च्छित्त्वा संसारबन्धनम्

nṛtyamānasya vakṣyāmi tacchṛṇuṣva vasundhare|. mānavo yena gacchettu cchittvā saṃsārabandhanam

Sanskrit only: no published translation is held for this verse.

त्रिंशद्वर्षसहस्राणि त्रिंशद्वर्षशतानि च।। पुष्करद्वीपमासाद्य स्वच्छन्दगमनालयः

triṃśadvarṣasahasrāṇi triṃśadvarṣaśatāni ca|| puṣkaradvīpamāsādya svacchandagamanālayaḥ

Sanskrit only: no published translation is held for this verse.

फलं प्राप्नोति सुश्रोणि मम कर्मपरायणः।। रूपवान् गुणवाञ्छूरः शीलवान्सत्पथे स्थितः

phalaṃ prāpnoti suśroṇi mama karmaparāyaṇaḥ|| rūpavān guṇavāñchūraḥ śīlavānsatpathe sthitaḥ

Sanskrit only: no published translation is held for this verse.

मद्भक्तश्चैव जायेत संसारपरिमोचितः।। यस्तु जागरितो नित्यं गीतवाद्येन नर्त्तकः

madbhaktaścaiva jāyeta saṃsāraparimocitaḥ|| yastu jāgarito nityaṃ gītavādyena narttakaḥ

Sanskrit only: no published translation is held for this verse.

जम्बूद्वीपं समासाद्य राजराजस्तु जायते।। सर्वकर्मसमायुक्तो रक्षिता वै महीपतिः

jambūdvīpaṃ samāsādya rājarājastu jāyate|| sarvakarmasamāyukto rakṣitā vai mahīpatiḥ

Sanskrit only: no published translation is held for this verse.

मद्भक्तश्चैव जायेत मम कर्मपरायणः।। उपहार्याणि पुष्पाणि मम कर्मपरायणः

madbhaktaścaiva jāyeta mama karmaparāyaṇaḥ|| upahāryāṇi puṣpāṇi mama karmaparāyaṇaḥ

Sanskrit only: no published translation is held for this verse.

यो मामुपनयेद्भूमे मम कर्मपथे स्थितः।। पुष्पाणि तत्र यावन्ति मम मूर्द्धनि धारयेत्

yo māmupanayedbhūme mama karmapathe sthitaḥ|| puṣpāṇi tatra yāvanti mama mūrddhani dhārayet

Sanskrit only: no published translation is held for this verse.

स कृत्वा पुष्कलं कर्म मम लोकं स गच्छति।। एतत्ते कथितं देवि भक्तानां तु महौजसाम्

sa kṛtvā puṣkalaṃ karma mama lokaṃ sa gacchati|| etatte kathitaṃ devi bhaktānāṃ tu mahaujasām

Sanskrit only: no published translation is held for this verse.

मम भक्तसुखार्थाय सर्वसंसारमोक्षणम्।। य एतत्पठते भूमे कल्यमुत्थाय मानवः

mama bhaktasukhārthāya sarvasaṃsāramokṣaṇam|| ya etatpaṭhate bhūme kalyamutthāya mānavaḥ

Sanskrit only: no published translation is held for this verse.

स तु तारयते जन्तुर्दश पूर्वान्दशापरान्।। न पठेन्मूर्खमध्ये तु पिशुनानां पुरो न च

sa tu tārayate janturdaśa pūrvāndaśāparān|| na paṭhenmūrkhamadhye tu piśunānāṃ puro na ca

Sanskrit only: no published translation is held for this verse.

पठेद्भागवतानां च मध्ये मुक्तिरतात्मनाम्।। अश्रद्दधाने क्रूरे वा न पठेद्देवले तथा

paṭhedbhāgavatānāṃ ca madhye muktiratātmanām|| aśraddadhāne krūre vā na paṭheddevale tathā

Sanskrit only: no published translation is held for this verse.

यदीच्छेत्सिद्धिकल्याणं मंगलं च मम प्रियम्।। धर्माणां परमो धर्मः क्रियाणां परमा क्रिया

yadīcchetsiddhikalyāṇaṃ maṃgalaṃ ca mama priyam|| dharmāṇāṃ paramo dharmaḥ kriyāṇāṃ paramā kriyā

Sanskrit only: no published translation is held for this verse.

मा पठेच्छास्त्रदूषाय अध्यायं वा कदाचन।। यदीच्छेत्परमां सिद्धिं मम लोके महीयते

mā paṭhecchāstradūṣāya adhyāyaṃ vā kadācana|| yadīcchetparamāṃ siddhiṃ mama loke mahīyate

Sanskrit only: no published translation is held for this verse.

इति श्रीवराहपुराणे भगवच्छास्त्रे सौकरे चाण्डालब्रह्मराक्षससंवादे सौकरमाहात्म्यं नामैकोनचत्वारिंशदधिकशततमोऽध्यायः

iti śrīvarāhapurāṇe bhagavacchāstre saukare cāṇḍālabrahmarākṣasasaṃvāde saukaramāhātmyaṃ nāmaikonacatvāriṃśadadhikaśatatamo'dhyāyaḥ

Sanskrit only: no published translation is held for this verse.