Varāha Purāṇa 140

अथ कोकामुख(बदरी) माहात्म्यम्।। धरण्युवाच।। श्रुतानि देवस्थानानि त्वया प्रोक्तानि यान्युत।। कस्मिंस्तिष्ठसि नित्यं त्वं तद्भवान्वक्तुमर्हति

atha kokāmukha(badarī) māhātmyam|| dharaṇyuvāca|| śrutāni devasthānāni tvayā proktāni yānyuta|| kasmiṃstiṣṭhasi nityaṃ tvaṃ tadbhavānvaktumarhati

Sanskrit only: no published translation is held for this verse.

किंच ते परमं स्थानं यत्र मूर्त्त्याकृतिर्भवान्।। कस्मिन्स्थाने कृतं कर्म येन यात्युत्तमां गतिम्

kiṃca te paramaṃ sthānaṃ yatra mūrttyākṛtirbhavān|| kasminsthāne kṛtaṃ karma yena yātyuttamāṃ gatim

Sanskrit only: no published translation is held for this verse.

श्रीवराह उवाच।। शृणु तत्त्वेन मे देवि भक्तानां भक्तवत्सले ।। येषु स्थानेषु तिष्ठामि कथ्यमानानिमाञ्छृणु

śrīvarāha uvāca|| śṛṇu tattvena me devi bhaktānāṃ bhaktavatsale || yeṣu sthāneṣu tiṣṭhāmi kathyamānānimāñchṛṇu

Sanskrit only: no published translation is held for this verse.

तव कोकामुखं नाम यन्मया पूर्वभाषितम्।। बदरीति च विख्यातं गिरिराजशिलातलम्

tava kokāmukhaṃ nāma yanmayā pūrvabhāṣitam|| badarīti ca vikhyātaṃ girirājaśilātalam

Sanskrit only: no published translation is held for this verse.

स्थानं लोहार्गलं नाम म्लेच्छराजसमाश्रितम्।। क्षणं चापि न मुंचामि एवमेतन्न संशयः

sthānaṃ lohārgalaṃ nāma mleccharājasamāśritam|| kṣaṇaṃ cāpi na muṃcāmi evametanna saṃśayaḥ

Sanskrit only: no published translation is held for this verse.

सचैत्यं पश्य मे स्थानं जगदेतच्चराचरम्।। सर्वत्राहं वरारोहे न मन्न्यूनं हि जानते

sacaityaṃ paśya me sthānaṃ jagadetaccarācaram|| sarvatrāhaṃ varārohe na mannyūnaṃ hi jānate

Sanskrit only: no published translation is held for this verse.

ये तु जानन्ति मां देवि गुह्यां कामगतिं मम।। शीघ्रं कोकामुखं यान्तु मम कर्मपरायणाः

ye tu jānanti māṃ devi guhyāṃ kāmagatiṃ mama|| śīghraṃ kokāmukhaṃ yāntu mama karmaparāyaṇāḥ

Sanskrit only: no published translation is held for this verse.

ततो देववचः श्रुत्वा पृथिवी वाक्यमब्रवीत्।। शिरस्यञ्जलिमाधाय निर्वृतेनान्तरात्मना

tato devavacaḥ śrutvā pṛthivī vākyamabravīt|| śirasyañjalimādhāya nirvṛtenāntarātmanā

Sanskrit only: no published translation is held for this verse.

धरण्युवाच।। सर्वतो लोकनाथेश परं कौतूहलं हि मे।। कथं कोकामुखं श्रेष्ठं तद्भवान्वक्तुमर्हसि

dharaṇyuvāca|| sarvato lokanātheśa paraṃ kautūhalaṃ hi me|| kathaṃ kokāmukhaṃ śreṣṭhaṃ tadbhavānvaktumarhasi

Sanskrit only: no published translation is held for this verse.

श्रीवराह उवाच।। नास्ति कोकामुखात्क्षेत्रं श्रेष्ठं कोकामुखाच्छुचि।। नास्ति कोकामुखात्स्थानं नास्ति कोकामुखात्प्रियम्

śrīvarāha uvāca|| nāsti kokāmukhātkṣetraṃ śreṣṭhaṃ kokāmukhācchuci|| nāsti kokāmukhātsthānaṃ nāsti kokāmukhātpriyam

Sanskrit only: no published translation is held for this verse.

यस्तु कोकामुखं गत्वा भूयो विनिवर्त्तते।। कर्माणि तत्र कुर्वीत चेष्टं भवति चात्मनि

yastu kokāmukhaṃ gatvā bhūyo vinivarttate|| karmāṇi tatra kurvīta ceṣṭaṃ bhavati cātmani

Sanskrit only: no published translation is held for this verse.

यानि यानि च क्षेत्राणि त्वया पृष्टानि वै धरे।. कोकामुखसमं स्थानं न भूतं न भविष्यति

yāni yāni ca kṣetrāṇi tvayā pṛṣṭāni vai dhare|. kokāmukhasamaṃ sthānaṃ na bhūtaṃ na bhaviṣyati

Sanskrit only: no published translation is held for this verse.

मम सा परमा मूर्त्तिर्यां न जानन्ति गोपिताम्।। स्थितं कोकामुखं नाम एतत्ते कथितं मया

mama sā paramā mūrttiryāṃ na jānanti gopitām|| sthitaṃ kokāmukhaṃ nāma etatte kathitaṃ mayā

Sanskrit only: no published translation is held for this verse.

श्रीवराह उवाच।। शृणु तत्त्वेन मे देवि यन्मां त्वं परिपृच्छसि।। तस्मिन् कोकामुखं रम्यं कथ्यमानं मयाऽनघे

śrīvarāha uvāca|| śṛṇu tattvena me devi yanmāṃ tvaṃ paripṛcchasi|| tasmin kokāmukhaṃ ramyaṃ kathyamānaṃ mayā'naghe

Sanskrit only: no published translation is held for this verse.

जलबिन्दुरिति ख्यातात्पर्वतात्पत्तनाद्भुवि।। तत्तु गुह्यतमं देवि कृत्वा कर्म महौजसम्

jalabinduriti khyātātparvatātpattanādbhuvi|| tattu guhyatamaṃ devi kṛtvā karma mahaujasam

Sanskrit only: no published translation is held for this verse.

सर्वसङ्गान्परित्यज्य मम लोकं स गच्छति।। विष्णुधारेति विख्याता कोकायां मम मण्डले

sarvasaṅgānparityajya mama lokaṃ sa gacchati|| viṣṇudhāreti vikhyātā kokāyāṃ mama maṇḍale

Sanskrit only: no published translation is held for this verse.

पर्वतात्पतिता भूमौ धारा मुसलसन्निभा।। अहोरात्रोषितो भूत्वा स्नायात्तत्र प्रयत्नतः

parvatātpatitā bhūmau dhārā musalasannibhā|| ahorātroṣito bhūtvā snāyāttatra prayatnataḥ

Sanskrit only: no published translation is held for this verse.

अग्निष्टोमसहस्राणां फलं प्राप्नोति मानवः।. न मुह्यति स कर्त्तव्ये फलं प्राप्नोति चोत्तमम्

agniṣṭomasahasrāṇāṃ phalaṃ prāpnoti mānavaḥ|. na muhyati sa karttavye phalaṃ prāpnoti cottamam

Sanskrit only: no published translation is held for this verse.

जायते विपुले शुद्धे मम मार्गानुसारिणि।। तत्राथ मुंचति प्राणान्विष्णुधारां समाश्रितः

jāyate vipule śuddhe mama mārgānusāriṇi|| tatrātha muṃcati prāṇānviṣṇudhārāṃ samāśritaḥ

Sanskrit only: no published translation is held for this verse.

पश्यते परमां मूर्त्तिमेतां मम न संशयः।। तत्र विष्णुपदं नाम स्थानं कोकामुकाश्रितम्

paśyate paramāṃ mūrttimetāṃ mama na saṃśayaḥ|| tatra viṣṇupadaṃ nāma sthānaṃ kokāmukāśritam

Sanskrit only: no published translation is held for this verse.

एतत्कश्चिन्न जानाति धरे वाराहसंश्रितम्।। तस्मिन्कृतोदको देवि नरो रात्रावुपोषितः

etatkaścinna jānāti dhare vārāhasaṃśritam|| tasminkṛtodako devi naro rātrāvupoṣitaḥ

Sanskrit only: no published translation is held for this verse.

क्रौंचद्वीपे प्रजायेत मम भक्तिपरायणः।। तत्राथ मुंचति प्राणान्गुह्यस्थाने परे मम

krauṃcadvīpe prajāyeta mama bhaktiparāyaṇaḥ|| tatrātha muṃcati prāṇānguhyasthāne pare mama

Sanskrit only: no published translation is held for this verse.

सर्वसङ्गान्परित्यज्य मम लोके स गच्छति।। अस्ति विष्णुसरो नाम क्रीडितं यत्त्वया सह

sarvasaṅgānparityajya mama loke sa gacchati|| asti viṣṇusaro nāma krīḍitaṃ yattvayā saha

Sanskrit only: no published translation is held for this verse.

यत्र दंष्ट्राप्रहारेण चाहृतासि वसुन्धरे।। तत्र स्नानं तु कुर्वीत प्रातःकाले वसुन्धरे

yatra daṃṣṭrāprahāreṇa cāhṛtāsi vasundhare|| tatra snānaṃ tu kurvīta prātaḥkāle vasundhare

Sanskrit only: no published translation is held for this verse.

सर्वपापविशुद्धात्मा मम लोकं स गच्छति ।। सोमतीर्थमिति ख्यातं कोकायां मम मण्डले

sarvapāpaviśuddhātmā mama lokaṃ sa gacchati || somatīrthamiti khyātaṃ kokāyāṃ mama maṇḍale

Sanskrit only: no published translation is held for this verse.

यत्र पञ्चशिलाभूभिर्विष्णुनाम्ना तथाङ्किता ।। यस्तत्र कुरुते स्नानं पञ्चरात्रोषितो नरः

yatra pañcaśilābhūbhirviṣṇunāmnā tathāṅkitā || yastatra kurute snānaṃ pañcarātroṣito naraḥ

Sanskrit only: no published translation is held for this verse.

गोमेदे जायते द्वीपे मम मार्गानुसारकः ।। तत्राथ मुञ्चते प्राणन्गुह्यक्षेत्रे परे मम

gomede jāyate dvīpe mama mārgānusārakaḥ || tatrātha muñcate prāṇanguhyakṣetre pare mama

Sanskrit only: no published translation is held for this verse.

सर्वपापविनिर्मुक्तः शुद्धात्मा मां स पश्यति ।। तुंगकूटेतिविख्यातं कोकायां मम मण्डले

sarvapāpavinirmuktaḥ śuddhātmā māṃ sa paśyati || tuṃgakūṭetivikhyātaṃ kokāyāṃ mama maṇḍale

Sanskrit only: no published translation is held for this verse.

चतुर्धाराः पतन्त्यत्र पर्वतादुच्छ्रयं श्रिताः ।। यस्तत्र कुरुते स्नानं पञ्चरात्रोषितो नरः

caturdhārāḥ patantyatra parvatāducchrayaṃ śritāḥ || yastatra kurute snānaṃ pañcarātroṣito naraḥ

Sanskrit only: no published translation is held for this verse.

कुशद्वीपं समासाद्य मम लोकेषु तिष्ठति ।। अनित्यमाश्रमं नाम क्षेत्रकर्मसुखावहम्

kuśadvīpaṃ samāsādya mama lokeṣu tiṣṭhati || anityamāśramaṃ nāma kṣetrakarmasukhāvaham

Sanskrit only: no published translation is held for this verse.

देवाश्च यं न जानन्ति किम्पुनर्मनुजादयः ।। तत्र स्नात्वा वरारोहे अहोरात्रोषितो नरः

devāśca yaṃ na jānanti kimpunarmanujādayaḥ || tatra snātvā varārohe ahorātroṣito naraḥ

Sanskrit only: no published translation is held for this verse.

जायते पुष्करद्वीपे मम कर्मपरायणः ।। अथ तत्र मृतो भूमे पुण्यक्षेत्रे महाशुचिः

jāyate puṣkaradvīpe mama karmaparāyaṇaḥ || atha tatra mṛto bhūme puṇyakṣetre mahāśuciḥ

Sanskrit only: no published translation is held for this verse.

सर्वपापविनिर्मुक्तो मम लोकं स गच्छति ।। अस्त्यत्राग्निसरो नाम परं गुह्यं मम स्थितम्

sarvapāpavinirmukto mama lokaṃ sa gacchati || astyatrāgnisaro nāma paraṃ guhyaṃ mama sthitam

Sanskrit only: no published translation is held for this verse.

पंच धाराः पतन्त्यत्र गिरिकुञ्जसमाश्रिताः ।। तत्र चापि कृतस्नानः पञ्चरात्रोषितो नरः

paṃca dhārāḥ patantyatra girikuñjasamāśritāḥ || tatra cāpi kṛtasnānaḥ pañcarātroṣito naraḥ

Sanskrit only: no published translation is held for this verse.

कुशद्वीपे च जायेत मम कर्मपरायणः ।। तत्राथ मुञ्चते प्राणान् कृत्वा कर्म महौजसम्

kuśadvīpe ca jāyeta mama karmaparāyaṇaḥ || tatrātha muñcate prāṇān kṛtvā karma mahaujasam

Sanskrit only: no published translation is held for this verse.

कुशद्वीपात्परिभ्रष्टो ब्रह्मलोकं स गच्छति।। अस्ति ब्रह्मसरो नाम गुह्यं क्षेत्रं परं मम ।।३७।।। यत्र धारा पतत्येका पुण्या भूमिशिलातले।। तत्र स्नानं प्रकुर्वीत पञ्चरात्रोषितो नरः

kuśadvīpātparibhraṣṭo brahmalokaṃ sa gacchati|| asti brahmasaro nāma guhyaṃ kṣetraṃ paraṃ mama ||37||| yatra dhārā patatyekā puṇyā bhūmiśilātale|| tatra snānaṃ prakurvīta pañcarātroṣito naraḥ

Sanskrit only: no published translation is held for this verse.

वसते सूर्यलोकेषु मम मार्गानुसारकः ।। अथाऽत्र मुंचते प्राणान्सूर्यधारां समाश्रितः

vasate sūryalokeṣu mama mārgānusārakaḥ || athā'tra muṃcate prāṇānsūryadhārāṃ samāśritaḥ

Sanskrit only: no published translation is held for this verse.

सूर्यलोकमतिक्रम्य मम लोकं तु गच्छति ।। अस्ति धेनुवटं नाम गुह्यं क्षेत्रं परं मम

sūryalokamatikramya mama lokaṃ tu gacchati || asti dhenuvaṭaṃ nāma guhyaṃ kṣetraṃ paraṃ mama

Sanskrit only: no published translation is held for this verse.

एका धारा पतत्यत्र देवि पूर्णा शिलोच्चयात् ।। तत्र स्नानं प्रकुर्वीत एकमेकं दिनं तथा

ekā dhārā patatyatra devi pūrṇā śiloccayāt || tatra snānaṃ prakurvīta ekamekaṃ dinaṃ tathā

Sanskrit only: no published translation is held for this verse.

सप्तरात्रोषितो भूत्वा मम कर्म समाश्रितः ।। स्नात्वा सप्तसमुद्रेषु लब्धसंज्ञः समाहितः

saptarātroṣito bhūtvā mama karma samāśritaḥ || snātvā saptasamudreṣu labdhasaṃjñaḥ samāhitaḥ

Sanskrit only: no published translation is held for this verse.

सप्तद्वीपेषु विहरेन्मम कर्मपरायणः ।। तत्राथ मुंचते प्राणान्मम भक्तिसमन्वितः

saptadvīpeṣu viharenmama karmaparāyaṇaḥ || tatrātha muṃcate prāṇānmama bhaktisamanvitaḥ

Sanskrit only: no published translation is held for this verse.

सप्तद्वीपमतिक्रम्य मम लोकं तु गच्छति ।। अस्ति धर्मोद्भवं नाम तस्मिन्क्षेत्रे परे मम

saptadvīpamatikramya mama lokaṃ tu gacchati || asti dharmodbhavaṃ nāma tasminkṣetre pare mama

Sanskrit only: no published translation is held for this verse.

गिरिकुञ्जात्पतत्येका धारा भूमितले शुभा ।। तत्र स्नानं प्रकुर्वीत एकरात्रोषितो नरः

girikuñjātpatatyekā dhārā bhūmitale śubhā || tatra snānaṃ prakurvīta ekarātroṣito naraḥ

Sanskrit only: no published translation is held for this verse.

स वैश्यो जायते शूद्रो मम कर्मपरायणः ।। तत्राऽथ मुंचते प्राणान्गुह्ये देवि शिलोच्चये

sa vaiśyo jāyate śūdro mama karmaparāyaṇaḥ || tatrā'tha muṃcate prāṇānguhye devi śiloccaye

Sanskrit only: no published translation is held for this verse.

सांगयज्ञं सदक्षिण्यं भुक्त्वा मां प्रतिपद्यते ।। अस्ति कोटिवटं नाम क्षेत्रं गुह्यं परं मम

sāṃgayajñaṃ sadakṣiṇyaṃ bhuktvā māṃ pratipadyate || asti koṭivaṭaṃ nāma kṣetraṃ guhyaṃ paraṃ mama

Sanskrit only: no published translation is held for this verse.

एका धारा पतत्यत्र वटमूलमुपाश्रिता ।। तत्र स्नानं तु कुरुते नरो रात्रावुपोषितः

ekā dhārā patatyatra vaṭamūlamupāśritā || tatra snānaṃ tu kurute naro rātrāvupoṣitaḥ

Sanskrit only: no published translation is held for this verse.

यावन्ति वटपत्राणि तस्मिञ्छृंगे परे मम ।। तावद्वर्षसहस्राणि रूपसंपत्समन्वितः

yāvanti vaṭapatrāṇi tasmiñchṛṃge pare mama || tāvadvarṣasahasrāṇi rūpasaṃpatsamanvitaḥ

Sanskrit only: no published translation is held for this verse.

तिष्ठते तु वरारोहे मम मार्गानुसारिणि।। तत्राऽथ मुंचते प्राणान्कृत्वा कर्म सुदुष्करम्

tiṣṭhate tu varārohe mama mārgānusāriṇi|| tatrā'tha muṃcate prāṇānkṛtvā karma suduṣkaram

Sanskrit only: no published translation is held for this verse.

अग्निवर्णस्ततो भूत्वा मम लोकं स गच्छति।। पापप्रमोचनं नाम गुह्यमस्मिन्परं मम

agnivarṇastato bhūtvā mama lokaṃ sa gacchati|| pāpapramocanaṃ nāma guhyamasminparaṃ mama

Sanskrit only: no published translation is held for this verse.

पतत्येकतमा धारा स्थूला कुंभसमा ततः।। यस्तत्र कुरुते स्नानमहोरात्रोषितो नरः

patatyekatamā dhārā sthūlā kuṃbhasamā tataḥ|| yastatra kurute snānamahorātroṣito naraḥ

Sanskrit only: no published translation is held for this verse.

जायते च चतुर्वेदी मम कर्मपरायणः ।। तत्राऽथ मुञ्चते प्राणान्कौशिकीमाश्रितो नदीम्

jāyate ca caturvedī mama karmaparāyaṇaḥ || tatrā'tha muñcate prāṇānkauśikīmāśrito nadīm

Sanskrit only: no published translation is held for this verse.

यस्तत्र कुरुते स्नानं पंचरात्रोषितो नरः ।। मोदते वासवे लोके मम मार्गानुसारिणि

yastatra kurute snānaṃ paṃcarātroṣito naraḥ || modate vāsave loke mama mārgānusāriṇi

Sanskrit only: no published translation is held for this verse.

तत्राथ मुंचते प्राणान्मम कर्मपरायणः ।। वासवं लोकमुत्सृज्य मम लोक च गच्छति

tatrātha muṃcate prāṇānmama karmaparāyaṇaḥ || vāsavaṃ lokamutsṛjya mama loka ca gacchati

Sanskrit only: no published translation is held for this verse.

यमव्यसनकं नाम गुह्यमस्ति परं मम ।। स्रोतो वहति तत्रैकं कौशिकीमाश्रितं नदीम्

yamavyasanakaṃ nāma guhyamasti paraṃ mama || sroto vahati tatraikaṃ kauśikīmāśritaṃ nadīm

Sanskrit only: no published translation is held for this verse.

यस्तत्र कुरुते स्नानमेकरात्रोषितो नरः ।। न स गच्छति दुर्गाणि यमस्य व्यसनं महत्

yastatra kurute snānamekarātroṣito naraḥ || na sa gacchati durgāṇi yamasya vyasanaṃ mahat

Sanskrit only: no published translation is held for this verse.

अथ तत्र त्यजेत्प्राणान्मम कर्मपरायणः ।। विशुद्धो मुक्तपापोऽसौ मम लोकं स गच्छति

atha tatra tyajetprāṇānmama karmaparāyaṇaḥ || viśuddho muktapāpo'sau mama lokaṃ sa gacchati

Sanskrit only: no published translation is held for this verse.

मातंगं नाम विख्यातं तस्मिन्क्षेत्रे परं मम ।। स्रोतो वहति तत्रैव आश्रितं कौशिकीं नदीम्

mātaṃgaṃ nāma vikhyātaṃ tasminkṣetre paraṃ mama || sroto vahati tatraiva āśritaṃ kauśikīṃ nadīm

Sanskrit only: no published translation is held for this verse.

स्नानं कुर्वंति ये तत्र एकरात्रोषिता नराः ।। भेदं किम्पुरुषं प्राप्य जायते नात्र संशयः

snānaṃ kurvaṃti ye tatra ekarātroṣitā narāḥ || bhedaṃ kimpuruṣaṃ prāpya jāyate nātra saṃśayaḥ

Sanskrit only: no published translation is held for this verse.

विद्वाञ्छुचिश्च जायेत ममकमार्नुसारकः ।। तत्राऽथ मुंचते प्राणान्गुह्ये देवि परे मम

vidvāñchuciśca jāyeta mamakamārnusārakaḥ || tatrā'tha muṃcate prāṇānguhye devi pare mama

Sanskrit only: no published translation is held for this verse.

मुक्त्वा किम्पुरुषं भेदं मम लोकं च गच्छति।। अस्ति वज्रभवं नाम गुह्ये तस्मिन्परं मम

muktvā kimpuruṣaṃ bhedaṃ mama lokaṃ ca gacchati|| asti vajrabhavaṃ nāma guhye tasminparaṃ mama

Sanskrit only: no published translation is held for this verse.

स्रोतो वहति तत्रैकमाश्रितं कौशिकीं नदीम् ।। स्नानं करोति यस्तत्र एकरात्रोषितो नरः

sroto vahati tatraikamāśritaṃ kauśikīṃ nadīm || snānaṃ karoti yastatra ekarātroṣito naraḥ

Sanskrit only: no published translation is held for this verse.

जायते शक्रलोके तु मम कर्मानुसारकः ।। शरीरचक्रसङ्घाते वज्रहस्तस्वरूपकः

jāyate śakraloke tu mama karmānusārakaḥ || śarīracakrasaṅghāte vajrahastasvarūpakaḥ

Sanskrit only: no published translation is held for this verse.

तत्र स्नानप्रभावेण जायते नात्र संशयः ।। अथाऽत्र मुच्यते प्राणान्मम चिन्तनतत्परः

tatra snānaprabhāveṇa jāyate nātra saṃśayaḥ || athā'tra mucyate prāṇānmama cintanatatparaḥ

Sanskrit only: no published translation is held for this verse.

शक्रलोकमतिक्रम्य मम लोकं प्रपद्यते ।। तत्र त्रिक्रोशमात्रेण गुह्यं क्षेत्रं परं मम

śakralokamatikramya mama lokaṃ prapadyate || tatra trikrośamātreṇa guhyaṃ kṣetraṃ paraṃ mama

Sanskrit only: no published translation is held for this verse.

शक्ररुद्रेति विख्यातं तस्मिन्कोकाशिलातले ।। स्नानं करोति यस्तत्र त्रिरात्रोपोषितो नरः

śakrarudreti vikhyātaṃ tasminkokāśilātale || snānaṃ karoti yastatra trirātropoṣito naraḥ

Sanskrit only: no published translation is held for this verse.

अस्ति चान्यन्महद्भद्रे क्षेत्रे गुह्ये विशेषितम् ।। मनुजा येन गच्छन्ति मुक्त्वा संसारसागरम्

asti cānyanmahadbhadre kṣetre guhye viśeṣitam || manujā yena gacchanti muktvā saṃsārasāgaram

Sanskrit only: no published translation is held for this verse.

दंष्ट्रांकुरेति विख्यातं यत्र कोका विनिःसृता ।। एतद्गुह्य न जानन्ति यतो मुंचंति जन्तवः

daṃṣṭrāṃkureti vikhyātaṃ yatra kokā viniḥsṛtā || etadguhya na jānanti yato muṃcaṃti jantavaḥ

Sanskrit only: no published translation is held for this verse.

कृतोदकस्तत्र भद्रे अहोरात्रोषितो नरः ।। जायते शाल्मलिद्वीपे मम कर्मानुसारिणि

kṛtodakastatra bhadre ahorātroṣito naraḥ || jāyate śālmalidvīpe mama karmānusāriṇi

Sanskrit only: no published translation is held for this verse.

तत्राथ मुंचते प्राणान्मम कर्मसु निष्ठितः ।। शाल्मलिद्वीपमुत्सृज्य मम पार्श्वे स तिष्ठति

tatrātha muṃcate prāṇānmama karmasu niṣṭhitaḥ || śālmalidvīpamutsṛjya mama pārśve sa tiṣṭhati

Sanskrit only: no published translation is held for this verse.

तस्मिन्क्षेत्रे महागुह्ये परमस्ति फलोदयम् ।। विष्णुतीर्थमिति ख्यातं मम भक्तसुखावहम्

tasminkṣetre mahāguhye paramasti phalodayam || viṣṇutīrthamiti khyātaṃ mama bhaktasukhāvaham

Sanskrit only: no published translation is held for this verse.

ततः पर्वतमध्यात्तु कोकायां पतते जलम् ।। त्रिस्रोतसं महाभागे सर्वसंसारमोक्षणम्

tataḥ parvatamadhyāttu kokāyāṃ patate jalam || trisrotasaṃ mahābhāge sarvasaṃsāramokṣaṇam

Sanskrit only: no published translation is held for this verse.

तस्मिन् कृतोदको भूमे छित्त्वा संसारबन्धनम् ।। वायोः स भवनं प्राप्य वायुभूतस्तु तिष्ठति

tasmin kṛtodako bhūme chittvā saṃsārabandhanam || vāyoḥ sa bhavanaṃ prāpya vāyubhūtastu tiṣṭhati

Sanskrit only: no published translation is held for this verse.

तत्राऽथ मुंचते प्राणान्मम कर्मसु निष्ठितः ।। वायुलोकमतिक्रम्य मम लोकं स गच्छति

tatrā'tha muṃcate prāṇānmama karmasu niṣṭhitaḥ || vāyulokamatikramya mama lokaṃ sa gacchati

Sanskrit only: no published translation is held for this verse.

अस्ति तत्र वरं स्थानं सङ्गमं कौशिकोकयोः ।। सर्वकामिकेति विख्याता शिला तिष्ठति चोत्तरे

asti tatra varaṃ sthānaṃ saṅgamaṃ kauśikokayoḥ || sarvakāmiketi vikhyātā śilā tiṣṭhati cottare

Sanskrit only: no published translation is held for this verse.

तत्र यः कुरुते स्नानमहोरात्रोषितो नरः ।। विस्तीर्णे जायते वंशे जातिं स्मरति चात्मनः

tatra yaḥ kurute snānamahorātroṣito naraḥ || vistīrṇe jāyate vaṃśe jātiṃ smarati cātmanaḥ

Sanskrit only: no published translation is held for this verse.

स्वर्गे वा यदि वा भूमौ यं यं कामयते नरः ।। तं तं प्राप्नोति वै कामं स्नातमात्रः शिलातले

svarge vā yadi vā bhūmau yaṃ yaṃ kāmayate naraḥ || taṃ taṃ prāpnoti vai kāmaṃ snātamātraḥ śilātale

Sanskrit only: no published translation is held for this verse.

तत्राऽथ मुंचते प्राणान्मम कर्मण्यवस्थितः ।। सर्वसंगं परित्यज्य मम लोकं स गच्छति ।।140.८०।।। अस्ति मत्स्यशिला नाम गुह्यं कोकामुखे वरम् ।। धाराः पतन्ति तिस्रो वै कौशिकीमाश्रिता नदीम्

tatrā'tha muṃcate prāṇānmama karmaṇyavasthitaḥ || sarvasaṃgaṃ parityajya mama lokaṃ sa gacchati ||140.80||| asti matsyaśilā nāma guhyaṃ kokāmukhe varam || dhārāḥ patanti tisro vai kauśikīmāśritā nadīm

Sanskrit only: no published translation is held for this verse.

तत्र च स्नायमानस्तु यदि मत्स्यं प्रपश्यति ।। ततो जानाम्यहं देवि प्राप्तो नारायणः स्वयम्

tatra ca snāyamānastu yadi matsyaṃ prapaśyati || tato jānāmyahaṃ devi prāpto nārāyaṇaḥ svayam

Sanskrit only: no published translation is held for this verse.

तत्र मत्स्यं पुनर्दृष्ट्वा यजमानस्तु सुन्दरि ।। दद्यादर्घ्यं ततो भद्रे मधुलाजसमन्वितम्

tatra matsyaṃ punardṛṣṭvā yajamānastu sundari || dadyādarghyaṃ tato bhadre madhulājasamanvitam

Sanskrit only: no published translation is held for this verse.

यस्तत्र कुरुते स्नानं देवि गुह्ये ततः परे ।। तिष्ठते पद्मपत्रे तु सोत्तरे मेरुसंश्रिते

yastatra kurute snānaṃ devi guhye tataḥ pare || tiṣṭhate padmapatre tu sottare merusaṃśrite

Sanskrit only: no published translation is held for this verse.

अथ संप्राप्य मुच्येत मत्स्यं गुह्यं परं मम ।। मेरुशृंगं समुल्लङ्घ्य गम लोकं च गच्छति

atha saṃprāpya mucyeta matsyaṃ guhyaṃ paraṃ mama || meruśṛṃgaṃ samullaṅghya gama lokaṃ ca gacchati

Sanskrit only: no published translation is held for this verse.

पंचयोजनविस्तारं क्षेत्रं कोकामुखं मम ।। यस्त्वेतत्तु विजानाति न स पापेन लिप्यते

paṃcayojanavistāraṃ kṣetraṃ kokāmukhaṃ mama || yastvetattu vijānāti na sa pāpena lipyate

Sanskrit only: no published translation is held for this verse.

अन्यच्च ते प्रवक्ष्यामि तच्छृणुष्व वसुन्धरे ।। तस्मिन्कोकामुखे रम्ये तिष्ठामि दक्षिणामुखः

anyacca te pravakṣyāmi tacchṛṇuṣva vasundhare || tasminkokāmukhe ramye tiṣṭhāmi dakṣiṇāmukhaḥ

Sanskrit only: no published translation is held for this verse.

शिलाचन्दनसंकाशं देवानामपि दुर्लभम् ।। वराहरूपमादाय तिष्ठामि पुरुषाकृतिः

śilācandanasaṃkāśaṃ devānāmapi durlabham || varāharūpamādāya tiṣṭhāmi puruṣākṛtiḥ

Sanskrit only: no published translation is held for this verse.

वामोन्नतमुखं कृत्वा वामदंष्ट्रासमुन्नतम् ।। पश्यामि च जगत्सर्वं ये च भक्ता मम प्रियाः

vāmonnatamukhaṃ kṛtvā vāmadaṃṣṭrāsamunnatam || paśyāmi ca jagatsarvaṃ ye ca bhaktā mama priyāḥ

Sanskrit only: no published translation is held for this verse.

ये मां स्मरन्ति वै भूमे पुरुषा मुक्तकिल्बिषाः ।। तत्र कुर्वन्ति कर्माणि शुद्धाः संसारमोक्षणे

ye māṃ smaranti vai bhūme puruṣā muktakilbiṣāḥ || tatra kurvanti karmāṇi śuddhāḥ saṃsāramokṣaṇe

Sanskrit only: no published translation is held for this verse.

यदि कोकामुखं गच्छेत् कदाचित्कालपर्यये ।। मा ततो विनिवर्त्तेत यदीच्छेन्मम तुल्यताम्

yadi kokāmukhaṃ gacchet kadācitkālaparyaye || mā tato vinivartteta yadīcchenmama tulyatām

Sanskrit only: no published translation is held for this verse.

गुह्यानां परमं गुह्यमेतत्स्थानं परं महत् ।। सिद्धानां परमा सिद्धिर्गुह्यं कोकामुखं परम्

guhyānāṃ paramaṃ guhyametatsthānaṃ paraṃ mahat || siddhānāṃ paramā siddhirguhyaṃ kokāmukhaṃ param

Sanskrit only: no published translation is held for this verse.

न च सांख्येन योगेन सिद्धिं यान्ति महापराम् ।। याति कोकामुखं गत्वा रहस्यं कथितं मया

na ca sāṃkhyena yogena siddhiṃ yānti mahāparām || yāti kokāmukhaṃ gatvā rahasyaṃ kathitaṃ mayā

Sanskrit only: no published translation is held for this verse.

एवं श्रेष्ठं महाभागे यत्त्वया परिपृच्छिम् ।। परमं कथितं सर्वं किमन्यच्छ्रोतुमिच्छसे

evaṃ śreṣṭhaṃ mahābhāge yattvayā paripṛcchim || paramaṃ kathitaṃ sarvaṃ kimanyacchrotumicchase

Sanskrit only: no published translation is held for this verse.

य एतत्कथितं भूमे कोकामुखमनुत्तमम् ।। तारिताः पितरस्तेन दश पूर्वास्तथा पराः

ya etatkathitaṃ bhūme kokāmukhamanuttamam || tāritāḥ pitarastena daśa pūrvāstathā parāḥ

Sanskrit only: no published translation is held for this verse.

मृतो वा तत्र जायेत शुद्धे भागवते कुले ।। अनन्यमानसो भूत्वा मम मार्गप्रदर्शकः

mṛto vā tatra jāyeta śuddhe bhāgavate kule || ananyamānaso bhūtvā mama mārgapradarśakaḥ

Sanskrit only: no published translation is held for this verse.

यश्चेदं शृणुयान्नित्यं कल्य उत्थाय मानवः ।। त्यक्त्वा पंचशतं जन्म मम भक्तश्च जायते

yaścedaṃ śṛṇuyānnityaṃ kalya utthāya mānavaḥ || tyaktvā paṃcaśataṃ janma mama bhaktaśca jāyate

Sanskrit only: no published translation is held for this verse.

य एतत्पठते नित्यं कोकाख्यानं तथोषसि ।। गच्छते परमं स्थानमेवमेतन्न संशयः

ya etatpaṭhate nityaṃ kokākhyānaṃ tathoṣasi || gacchate paramaṃ sthānamevametanna saṃśayaḥ

Sanskrit only: no published translation is held for this verse.

इति श्रीवराहपुराणे भगवच्छास्त्रे कोकामुखमाहात्म्यवर्णनं नाम चत्वारिंशदधिकशततमोऽध्यायः

iti śrīvarāhapurāṇe bhagavacchāstre kokāmukhamāhātmyavarṇanaṃ nāma catvāriṃśadadhikaśatatamo'dhyāyaḥ

Sanskrit only: no published translation is held for this verse.