Varāha Purāṇa 141

अथ बदरिकाश्रममाहात्म्यम् ।। श्रीवराह उवाच ।। तस्मिन्हिमवतः पृष्ठे परं गुह्यमतः शृणु ।। बदरीति च विख्याता देवानामपि दुर्ल्लभा

atha badarikāśramamāhātmyam || śrīvarāha uvāca || tasminhimavataḥ pṛṣṭhe paraṃ guhyamataḥ śṛṇu || badarīti ca vikhyātā devānāmapi durllabhā

Sanskrit only: no published translation is held for this verse.

न तत्प्राप्नोति मनुजः कृत्वा कर्म सुदुष्करम् ।। प्राप्नुवन्ति च भक्ता ये बदरीं विश्वतारिणीम्

na tatprāpnoti manujaḥ kṛtvā karma suduṣkaram || prāpnuvanti ca bhaktā ye badarīṃ viśvatāriṇīm

Sanskrit only: no published translation is held for this verse.

दुर्ल्लभं तन्मम क्षेत्रं हिमकूटशिलातले ।। यस्तत्प्राप्नोति हि क्षेत्रं कृतकृत्यो भवेन्नरः

durllabhaṃ tanmama kṣetraṃ himakūṭaśilātale || yastatprāpnoti hi kṣetraṃ kṛtakṛtyo bhavennaraḥ

Sanskrit only: no published translation is held for this verse.

ब्रह्मकुण्डमिति ख्यातमास्ते तत्र शिलोच्चये ।। हिमसंस्थं तथात्मानं कृत्वा तिष्ठामि माधवि

brahmakuṇḍamiti khyātamāste tatra śiloccaye || himasaṃsthaṃ tathātmānaṃ kṛtvā tiṣṭhāmi mādhavi

Sanskrit only: no published translation is held for this verse.

मुञ्चेत्प्राणांस्तत्र यदि व्रतनिष्ठो जितेन्द्रियः ।। सत्यलोकमतिक्रम्य मम लोकं च गच्छति

muñcetprāṇāṃstatra yadi vrataniṣṭho jitendriyaḥ || satyalokamatikramya mama lokaṃ ca gacchati

Sanskrit only: no published translation is held for this verse.

अग्निसत्यपदं नाम तस्मिन्क्षेत्रे परं मम ।। शृङ्गत्रयात्पतन्त्यत्र धारा मुसलसन्निभाः

agnisatyapadaṃ nāma tasminkṣetre paraṃ mama || śṛṅgatrayātpatantyatra dhārā musalasannibhāḥ

Sanskrit only: no published translation is held for this verse.

यस्तत्र कुरुते स्नानं त्रिरात्रोपोषितो नरः ।। सत्यवादी भवेद्दक्षो मम कर्मपरायणः

yastatra kurute snānaṃ trirātropoṣito naraḥ || satyavādī bhaveddakṣo mama karmaparāyaṇaḥ

Sanskrit only: no published translation is held for this verse.

स्नानं करोति यस्तत्र त्रिरात्रोपोषितो नरः ।। अग्निष्टोमस्य यज्ञस्य फलं प्राप्नोति मानवः

snānaṃ karoti yastatra trirātropoṣito naraḥ || agniṣṭomasya yajñasya phalaṃ prāpnoti mānavaḥ

Sanskrit only: no published translation is held for this verse.

इन्द्रलोकमिति ख्यातो बदर्यां च ममाश्रमः ।। तत्राहं देवि शक्रेण निष्कलं परितोषितः

indralokamiti khyāto badaryāṃ ca mamāśramaḥ || tatrāhaṃ devi śakreṇa niṣkalaṃ paritoṣitaḥ

Sanskrit only: no published translation is held for this verse.

तत्र चैव तु शृङ्गेभ्यः स्थूलधारा पतेत्पुनः ।। स्थूले शिलातले तत्र मम धर्मो व्यवस्थितः

tatra caiva tu śṛṅgebhyaḥ sthūladhārā patetpunaḥ || sthūle śilātale tatra mama dharmo vyavasthitaḥ

Sanskrit only: no published translation is held for this verse.

स्नानं करोति यस्तत्र एकरात्रोषितो नरः।। सत्यवादी शुचिर्भूत्वा सत्यलोके महीयते

snānaṃ karoti yastatra ekarātroṣito naraḥ|| satyavādī śucirbhūtvā satyaloke mahīyate

Sanskrit only: no published translation is held for this verse.

अस्ति पञ्चशिखं नाम बदर्याश्रमतीर्थकम् ।। यत्र धाराः पतन्त्यत्र पंचशृङ्गसमाश्रिताः

asti pañcaśikhaṃ nāma badaryāśramatīrthakam || yatra dhārāḥ patantyatra paṃcaśṛṅgasamāśritāḥ

Sanskrit only: no published translation is held for this verse.

यस्तत्र कुरुते स्नानं पंचस्रोतसि मानवः ।। अश्वमेधफलं प्राप्य देवैश्च सह मोदते

yastatra kurute snānaṃ paṃcasrotasi mānavaḥ || aśvamedhaphalaṃ prāpya devaiśca saha modate

Sanskrit only: no published translation is held for this verse.

यद्यत्र मुञ्चते प्राणान् कृत्वा कर्म सुदुष्करम् ।। स्वर्गलोकमतिक्रम्य मम लोके महीयते

yadyatra muñcate prāṇān kṛtvā karma suduṣkaram || svargalokamatikramya mama loke mahīyate

Sanskrit only: no published translation is held for this verse.

चतुःस्रोत इति ख्यातं तस्मिन्क्षेत्रे परे मम ।। चतुर्धाराः पतन्त्यत्र चतस्रो दिश आश्रिताः

catuḥsrota iti khyātaṃ tasminkṣetre pare mama || caturdhārāḥ patantyatra catasro diśa āśritāḥ

Sanskrit only: no published translation is held for this verse.

यस्तत्र कुरुते स्नानमेकरात्रोषितो नरः ।। मोदते नाकपृष्ठे तु मम भक्तश्च जायते

yastatra kurute snānamekarātroṣito naraḥ || modate nākapṛṣṭhe tu mama bhaktaśca jāyate

Sanskrit only: no published translation is held for this verse.

अथ प्राणान्परित्यज्य कृत्वा कर्म सुदुष्करम्।। नाकपृष्ठमतिक्रम्य मम लोकं प्रपद्यते

atha prāṇānparityajya kṛtvā karma suduṣkaram|| nākapṛṣṭhamatikramya mama lokaṃ prapadyate

Sanskrit only: no published translation is held for this verse.

वेदधारमिति ख्यातं तस्मिन्क्षेत्रे परे मम ।। यत्र ब्रह्ममुखाद्भ्रष्टा वेदाश्चत्वार एव च

vedadhāramiti khyātaṃ tasminkṣetre pare mama || yatra brahmamukhādbhraṣṭā vedāścatvāra eva ca

Sanskrit only: no published translation is held for this verse.

तत्रैव हिमवत्पृष्ठे चतुःशृङ्गाद्बृहत्तराः ।। चतुर्धाराः पतन्त्यत्र विषमाश्च शिलोच्चये

tatraiva himavatpṛṣṭhe catuḥśṛṅgādbṛhattarāḥ || caturdhārāḥ patantyatra viṣamāśca śiloccaye

Sanskrit only: no published translation is held for this verse.

यस्तत्र कुरुते स्नानं चतूरात्रोषितो नरः ।। चतुर्णामपि वेदानां ग्रहणे कारणं भवेत्

yastatra kurute snānaṃ catūrātroṣito naraḥ || caturṇāmapi vedānāṃ grahaṇe kāraṇaṃ bhavet

Sanskrit only: no published translation is held for this verse.

अथात्र मुञ्चते प्राणान्मम कर्मपथे स्थितः। देवलोकमतिक्रम्य मम लोकं प्रतिष्ठते

athātra muñcate prāṇānmama karmapathe sthitaḥ| devalokamatikramya mama lokaṃ pratiṣṭhate

Sanskrit only: no published translation is held for this verse.

द्वादशादित्यकुण्डेति तस्मिन्क्षेत्रे परे मम ।। यत्र ते द्वादशादित्या देवि संस्थापिता मया

dvādaśādityakuṇḍeti tasminkṣetre pare mama || yatra te dvādaśādityā devi saṃsthāpitā mayā

Sanskrit only: no published translation is held for this verse.

तत्र पर्वतशृंगे तु स्थूलमूले शिलातले ।। द्वादश पतन्ति धारा मम कर्मसुखावहाः

tatra parvataśṛṃge tu sthūlamūle śilātale || dvādaśa patanti dhārā mama karmasukhāvahāḥ

Sanskrit only: no published translation is held for this verse.

यस्तत्र कुरुते स्नानं यां काञ्चिद्द्वादशीं यदि।। यत्र ते द्वादशादित्यास्तत्र गच्छेन्न संशयः

yastatra kurute snānaṃ yāṃ kāñciddvādaśīṃ yadi|| yatra te dvādaśādityāstatra gacchenna saṃśayaḥ

Sanskrit only: no published translation is held for this verse.

अथात्र मुञ्चते प्राणान्मम कर्मणि संस्थितः ।। समतिक्रम्य चादित्यान् मम लोके महीयते

athātra muñcate prāṇānmama karmaṇi saṃsthitaḥ || samatikramya cādityān mama loke mahīyate

Sanskrit only: no published translation is held for this verse.

लोकपालमिति ख्यातं तस्मिन्क्षेत्रे परे मम।। तत्र ते लोकपालास्तु मया संस्थापिताः पुरा

lokapālamiti khyātaṃ tasminkṣetre pare mama|| tatra te lokapālāstu mayā saṃsthāpitāḥ purā

Sanskrit only: no published translation is held for this verse.

तत्र पर्वतमध्ये तु स्थलकुण्डं बृहन्मम ।। भित्वा पर्वतमुद्गीर्णं यत्र सोमसमुद्भवः

tatra parvatamadhye tu sthalakuṇḍaṃ bṛhanmama || bhitvā parvatamudgīrṇaṃ yatra somasamudbhavaḥ

Sanskrit only: no published translation is held for this verse.

तत्र स्नानं तु कुर्वीत ज्येष्ठमासस्य द्वादशीम् ।। मोदते लोकपालेषु मम भक्तश्च जायते

tatra snānaṃ tu kurvīta jyeṣṭhamāsasya dvādaśīm || modate lokapāleṣu mama bhaktaśca jāyate

Sanskrit only: no published translation is held for this verse.

अथात्र मुञ्चते प्राणान्मम कर्मसु तत्परः ।। लोकपालानतिक्रम्य मम लोकं प्रपद्यते

athātra muñcate prāṇānmama karmasu tatparaḥ || lokapālānatikramya mama lokaṃ prapadyate

Sanskrit only: no published translation is held for this verse.

अस्ति मेरोर्वरं नाम तस्मिन् गुह्यं परं मम ।। तत्र स्थितेन वै भूमे मेरुः संस्थापितः स्वयम्

asti merorvaraṃ nāma tasmin guhyaṃ paraṃ mama || tatra sthitena vai bhūme meruḥ saṃsthāpitaḥ svayam

Sanskrit only: no published translation is held for this verse.

धारास्तिस्रः पतन्त्यत्र सुवर्णसदृशप्रभाः ।। पतेत्तु तज्जलं भूमौ व्यक्तिं नैवोपलभ्यते

dhārāstisraḥ patantyatra suvarṇasadṛśaprabhāḥ || patettu tajjalaṃ bhūmau vyaktiṃ naivopalabhyate

Sanskrit only: no published translation is held for this verse.

यस्तत्र कुरुते स्नानं त्रिरात्रोपोषितो नरः ।। मोदते मेरुशृंगेषु मम भक्तश्च जायते

yastatra kurute snānaṃ trirātropoṣito naraḥ || modate meruśṛṃgeṣu mama bhaktaśca jāyate

Sanskrit only: no published translation is held for this verse.

अथ तत्र मृतो देवि तस्मिन् गुह्ये परे मम ।। मेरुपृष्ठमतिक्रम्य मम लोकं तु गच्छति

atha tatra mṛto devi tasmin guhye pare mama || merupṛṣṭhamatikramya mama lokaṃ tu gacchati

Sanskrit only: no published translation is held for this verse.

मानसोद्भेदमिति च तत्रान्यत्तीर्थमुत्तमम् ।। पृथ्वीमुद्भिद्य मध्ये तु जलं गच्छति सत्वरम्

mānasodbhedamiti ca tatrānyattīrthamuttamam || pṛthvīmudbhidya madhye tu jalaṃ gacchati satvaram

Sanskrit only: no published translation is held for this verse.

देवा अपि न जानन्ति तं देशं तत्र संस्थितम् ।। मानुषा हि विजानन्ति भूम्यां पतति तज्जलम्

devā api na jānanti taṃ deśaṃ tatra saṃsthitam || mānuṣā hi vijānanti bhūmyāṃ patati tajjalam

Sanskrit only: no published translation is held for this verse.

यस्तत्र कुरुते स्नानमहोरात्रोषितो नरः ।। मोदते मानसे दिव्ये मम भक्तश्च जायते

yastatra kurute snānamahorātroṣito naraḥ || modate mānase divye mama bhaktaśca jāyate

Sanskrit only: no published translation is held for this verse.

अस्ति पञ्चशिरं नाम तस्मिन्गुह्यं परं मम ।। ब्रह्मणा च्छिद्यते यत्र शिरश्चैव महाद्युति

asti pañcaśiraṃ nāma tasminguhyaṃ paraṃ mama || brahmaṇā cchidyate yatra śiraścaiva mahādyuti

Sanskrit only: no published translation is held for this verse.

तत्र वै पंच कुण्डानि स्थूलशीर्षशिलोच्चये ।। पञ्चात्र शिरसः स्थाने बहुधारासमन्विताः

tatra vai paṃca kuṇḍāni sthūlaśīrṣaśiloccaye || pañcātra śirasaḥ sthāne bahudhārāsamanvitāḥ

Sanskrit only: no published translation is held for this verse.

यत्र तन्मध्यमं कुण्डं छिन्नमेव स्वयम्भुवा ।। तत्र रक्तजला भूमिर्दृश्यते धारसंकुला

yatra tanmadhyamaṃ kuṇḍaṃ chinnameva svayambhuvā || tatra raktajalā bhūmirdṛśyate dhārasaṃkulā

Sanskrit only: no published translation is held for this verse.

यस्तत्र कुरुते स्नानं पंचरात्रोषितो नरः ।। मोदते ब्रह्मलोकस्थो मम भक्तश्च जायते

yastatra kurute snānaṃ paṃcarātroṣito naraḥ || modate brahmalokastho mama bhaktaśca jāyate

Sanskrit only: no published translation is held for this verse.

तथात्र मुञ्चते प्राणान् गुह्ये पञ्चशिरे मम ।। जलचांद्रायणं कृत्वा मम कर्मसु निष्ठितः

tathātra muñcate prāṇān guhye pañcaśire mama || jalacāṃdrāyaṇaṃ kṛtvā mama karmasu niṣṭhitaḥ

Sanskrit only: no published translation is held for this verse.

बुद्धिमान्मतिमांश्चैव रागमोहविवर्जितः ।। ब्रह्मलोकमतिक्रम्य मम लोकं स गच्छति

buddhimānmatimāṃścaiva rāgamohavivarjitaḥ || brahmalokamatikramya mama lokaṃ sa gacchati

Sanskrit only: no published translation is held for this verse.

अस्ति सोमाभिषेकेति तीर्थमन्यत्परं मम। राजत्वे ब्राह्मणानां तु मया सोमोऽभिषेचितः

asti somābhiṣeketi tīrthamanyatparaṃ mama| rājatve brāhmaṇānāṃ tu mayā somo'bhiṣecitaḥ

Sanskrit only: no published translation is held for this verse.

तत्राहं तोषितस्तेन अत्रिपुत्रेण माधवि ।। नवपञ्चककोट्यस्तु कृत्वा कर्म सुदुष्करम्

tatrāhaṃ toṣitastena atriputreṇa mādhavi || navapañcakakoṭyastu kṛtvā karma suduṣkaram

Sanskrit only: no published translation is held for this verse.

प्राप्तश्च परमां सिद्धिं मत्प्रसादाद्वसुन्धरे ।। तदायत्तं जगत्सर्वं व्रीहयः परमौषधीः

prāptaśca paramāṃ siddhiṃ matprasādādvasundhare || tadāyattaṃ jagatsarvaṃ vrīhayaḥ paramauṣadhīḥ

Sanskrit only: no published translation is held for this verse.

जायतेऽस्मिन्प्रलीयंते स्कन्देन्द्राः समरुद्गणाः ।। भूमे सोममयं सर्वं मम संस्थं भविष्यति

jāyate'sminpralīyaṃte skandendrāḥ samarudgaṇāḥ || bhūme somamayaṃ sarvaṃ mama saṃsthaṃ bhaviṣyati

Sanskrit only: no published translation is held for this verse.

तत्र सोमगिरिर्नाम यत्र धारा पतेद्भुवि ।। कुण्डेऽरण्ये विशाले तु एतत्ते कथितं मया

tatra somagirirnāma yatra dhārā patedbhuvi || kuṇḍe'raṇye viśāle tu etatte kathitaṃ mayā

Sanskrit only: no published translation is held for this verse.

यस्तत्र कुरुते स्नानं त्रिरात्रोपोषितो नरः ।। मोदते सोमलोकेषु एवमेतन्न संशयः

yastatra kurute snānaṃ trirātropoṣito naraḥ || modate somalokeṣu evametanna saṃśayaḥ

Sanskrit only: no published translation is held for this verse.

अथात्र म्रियते देवि कृत्वा कर्म सुदुष्करम् ।। सोमलोकमतिक्रम्य मम लोकं प्रपद्यते

athātra mriyate devi kṛtvā karma suduṣkaram || somalokamatikramya mama lokaṃ prapadyate

Sanskrit only: no published translation is held for this verse.

अस्ति चोर्वशिकुण्डेति गुह्यं क्षेत्रे परं मम ।। यत्र चैवोर्वशी भित्त्वा दक्षिणोरुमजायत

asti corvaśikuṇḍeti guhyaṃ kṣetre paraṃ mama || yatra caivorvaśī bhittvā dakṣiṇorumajāyata

Sanskrit only: no published translation is held for this verse.

तत्र तप्याम्यहं देवि देवानामपि कारणात् ।। न मां कश्चिद्विजानाति स्वात्मानो हि विजानते

tatra tapyāmyahaṃ devi devānāmapi kāraṇāt || na māṃ kaścidvijānāti svātmāno hi vijānate

Sanskrit only: no published translation is held for this verse.

ततो मे तप्यमानस्य बहुवर्षव्यतिक्रमात् ।। देवा अपि न जानन्ति वज्रिब्रह्ममहेश्वराः

tato me tapyamānasya bahuvarṣavyatikramāt || devā api na jānanti vajribrahmamaheśvarāḥ

Sanskrit only: no published translation is held for this verse.

एकैकेन फलेनाऽत्र बदर्यां तु सुनिश्चितम् ।। बहुवर्षसहस्रं तु तपश्चीर्णं मया भुवि

ekaikena phalenā'tra badaryāṃ tu suniścitam || bahuvarṣasahasraṃ tu tapaścīrṇaṃ mayā bhuvi

Sanskrit only: no published translation is held for this verse.

तत्राहं दश कोट्यस्तु दशवर्षं दशार्बुदम् ।। दश भूमे तथान्यानि पद्मानि तपसि स्थितः

tatrāhaṃ daśa koṭyastu daśavarṣaṃ daśārbudam || daśa bhūme tathānyāni padmāni tapasi sthitaḥ

Sanskrit only: no published translation is held for this verse.

ततस्ते मां न पश्यन्ति देवा गुह्यपथे स्थितम् ।। विस्मयं परमं जग्मुर्देवा दुःखपरायणाः

tataste māṃ na paśyanti devā guhyapathe sthitam || vismayaṃ paramaṃ jagmurdevā duḥkhaparāyaṇāḥ

Sanskrit only: no published translation is held for this verse.

अहं पश्यामि सर्वं वै तपःसंस्थो वसुन्धरे ।। न मां सर्वे प्रपश्यन्ति योगमायासमावृताः

ahaṃ paśyāmi sarvaṃ vai tapaḥsaṃstho vasundhare || na māṃ sarve prapaśyanti yogamāyāsamāvṛtāḥ

Sanskrit only: no published translation is held for this verse.

ततस्ता देवताः सर्वाः प्रत्यूचुश्च पितामहम् ।। विष्णुना च विना लोके शान्तिं नैव लभामहे

tatastā devatāḥ sarvāḥ pratyūcuśca pitāmaham || viṣṇunā ca vinā loke śāntiṃ naiva labhāmahe

Sanskrit only: no published translation is held for this verse.

देवानां तु वचः श्रुत्वा ब्रह्मा लोकापितामहः ।। योगमायापटच्छन्नं कथयामास मां तदा

devānāṃ tu vacaḥ śrutvā brahmā lokāpitāmahaḥ || yogamāyāpaṭacchannaṃ kathayāmāsa māṃ tadā

Sanskrit only: no published translation is held for this verse.

ततो देवाः सगन्धर्वाः सिद्धाश्च परमर्षयः ।। तत्र जग्मुर्महाभागे तुष्यन्तः परमं मुदा

tato devāḥ sagandharvāḥ siddhāśca paramarṣayaḥ || tatra jagmurmahābhāge tuṣyantaḥ paramaṃ mudā

Sanskrit only: no published translation is held for this verse.

विभावयन्ति मां तत्र देवा इन्द्रपुरोगमाः ।। त्वया नाथ परित्यक्ता दुःखिताः श्रमवर्जिताः

vibhāvayanti māṃ tatra devā indrapurogamāḥ || tvayā nātha parityaktā duḥkhitāḥ śramavarjitāḥ

Sanskrit only: no published translation is held for this verse.

त्रायस्व नो हृषीकेश परमानुग्रहेण वै ।। एतत्कृत्वा विशालाक्षि देवान् प्रणतिपूर्वकम्

trāyasva no hṛṣīkeśa paramānugraheṇa vai || etatkṛtvā viśālākṣi devān praṇatipūrvakam

Sanskrit only: no published translation is held for this verse.

मया विलोकिताः सर्वे परां निर्वृतिमागताः ।। एतस्मिन्नुर्वशीकुण्डे एकरात्रोषितो नरः

mayā vilokitāḥ sarve parāṃ nirvṛtimāgatāḥ || etasminnurvaśīkuṇḍe ekarātroṣito naraḥ

Sanskrit only: no published translation is held for this verse.

यः स्नाति सर्वपापेभ्यो मुच्यते नात्र संशयः ।। उर्वशीलोकमासाद्य क्रीडते कालमक्षयम्

yaḥ snāti sarvapāpebhyo mucyate nātra saṃśayaḥ || urvaśīlokamāsādya krīḍate kālamakṣayam

Sanskrit only: no published translation is held for this verse.

यस्तत्रोत्सृजते प्राणान्मम कर्मपरायणः ।। पुण्यपापविनिर्मुक्तो याति मल्लीनतां प्रिये

yastatrotsṛjate prāṇānmama karmaparāyaṇaḥ || puṇyapāpavinirmukto yāti mallīnatāṃ priye

Sanskrit only: no published translation is held for this verse.

श्रीबदर्याश्रमं पुण्यं यत्र यत्र स्थितः स्मरेत् ।। स याति वैष्णवं स्थानं पुनरावृत्तिवर्जितः

śrībadaryāśramaṃ puṇyaṃ yatra yatra sthitaḥ smaret || sa yāti vaiṣṇavaṃ sthānaṃ punarāvṛttivarjitaḥ

Sanskrit only: no published translation is held for this verse.

य इदं शृणुयान्नित्यं मद्भक्तः सततं पठेत् ।। ब्रह्मचारी जितक्रोधः सत्यवादी जितेन्द्रियः

ya idaṃ śṛṇuyānnityaṃ madbhaktaḥ satataṃ paṭhet || brahmacārī jitakrodhaḥ satyavādī jitendriyaḥ

Sanskrit only: no published translation is held for this verse.

ध्यानयोगरतो नित्यं स मुक्तिफलभाग्भवेत् ।। यस्यैतद्विदितं सर्वं ध्यानयोगं वसुन्धरे

dhyānayogarato nityaṃ sa muktiphalabhāgbhavet || yasyaitadviditaṃ sarvaṃ dhyānayogaṃ vasundhare

Sanskrit only: no published translation is held for this verse.

योऽवगच्छति चात्मानं स गच्छेत्परमां गतिम्

yo'vagacchati cātmānaṃ sa gacchetparamāṃ gatim

Sanskrit only: no published translation is held for this verse.

इति श्रीवराहपुराणे भगवच्छास्त्रे बदरिकाश्रममाहात्म्यवर्णनं नामैकचत्वारिंशदधिकशततमोऽध्यायः

iti śrīvarāhapurāṇe bhagavacchāstre badarikāśramamāhātmyavarṇanaṃ nāmaikacatvāriṃśadadhikaśatatamo'dhyāyaḥ

Sanskrit only: no published translation is held for this verse.