Varāha Purāṇa 147

अथ गोनिष्क्रमणमाहात्म्यम्।। धरण्युवाच ।। अत्याश्चर्यं श्रुतं ह्येतद्रुरुक्षेत्रसमुद्भवम् ।। हृषीकेशस्य महिमा त्वया य उपवर्णितः

atha goniṣkramaṇamāhātmyam|| dharaṇyuvāca || atyāścaryaṃ śrutaṃ hyetadrurukṣetrasamudbhavam || hṛṣīkeśasya mahimā tvayā ya upavarṇitaḥ

Sanskrit only: no published translation is held for this verse.

अन्यच्च यत्परं गुह्यं क्षेत्रं परमपावनम् ।। वक्तुमर्हसि देवेश परं कौतूहलं मम

anyacca yatparaṃ guhyaṃ kṣetraṃ paramapāvanam || vaktumarhasi deveśa paraṃ kautūhalaṃ mama

Sanskrit only: no published translation is held for this verse.

श्रीवराह उवाच ।। शृणु भूमे प्रयत्नेन कारणं परमं मम ।। गुह्यमस्त्यपरं चैव हिमशृङ्ग शिलोच्चये

śrīvarāha uvāca || śṛṇu bhūme prayatnena kāraṇaṃ paramaṃ mama || guhyamastyaparaṃ caiva himaśṛṅga śiloccaye

Sanskrit only: no published translation is held for this verse.

गोनिष्क्रमणकं नाम गावो यत्र प्रतारिताः ।। यथा निष्क्रमणं प्राप्य सुरभीणां वसुन्धरे

goniṣkramaṇakaṃ nāma gāvo yatra pratāritāḥ || yathā niṣkramaṇaṃ prāpya surabhīṇāṃ vasundhare

Sanskrit only: no published translation is held for this verse.

सप्ततिर्यत्र कल्पानि और्वो यत्र प्रजापतिः ।। तपश्चचार परमं मम मायाबलान्वितः

saptatiryatra kalpāni aurvo yatra prajāpatiḥ || tapaścacāra paramaṃ mama māyābalānvitaḥ

Sanskrit only: no published translation is held for this verse.

तस्यैवं वर्त्तमानस्य याति काले महत्तरे ।। एवं हि तप्यमानस्य सर्वलोकस्य संशयः

tasyaivaṃ varttamānasya yāti kāle mahattare || evaṃ hi tapyamānasya sarvalokasya saṃśayaḥ

Sanskrit only: no published translation is held for this verse.

न वरं प्रार्थयत्येष लाभालाभसमन्वितः ।। सूचकोऽपि न विद्येत बलिकर्मसु संयतः

na varaṃ prārthayatyeṣa lābhālābhasamanvitaḥ || sūcako'pi na vidyeta balikarmasu saṃyataḥ

Sanskrit only: no published translation is held for this verse.

अथ दीर्घस्य कालस्य कश्चिद्ब्रह्मयतिस्तदा ।। तपस्तपस्यति मुनौ तस्मिन्शैलोच्चये धरे

atha dīrghasya kālasya kaścidbrahmayatistadā || tapastapasyati munau tasminśailoccaye dhare

Sanskrit only: no published translation is held for this verse.

ईश्वरोऽपि महाभागे तत्पार्श्वं समुपागतः ।। गोनिष्क्रमेति विख्याते तस्मिंस्तीर्थे महौजसि

īśvaro'pi mahābhāge tatpārśvaṃ samupāgataḥ || goniṣkrameti vikhyāte tasmiṃstīrthe mahaujasi

Sanskrit only: no published translation is held for this verse.

तत्र त्वौर्वो महाभागे तप्यते समदर्शनः ।। पद्मानां कारणादौर्वो गंगाद्वारमुपागतः

tatra tvaurvo mahābhāge tapyate samadarśanaḥ || padmānāṃ kāraṇādaurvo gaṃgādvāramupāgataḥ

Sanskrit only: no published translation is held for this verse.

तन्निर्गतं ततो ज्ञात्वा और्वं सर्वे तपस्विनः ।। महेश्वरो महातेजाः सम्भ्रमात्समुपागतः

tannirgataṃ tato jñātvā aurvaṃ sarve tapasvinaḥ || maheśvaro mahātejāḥ sambhramātsamupāgataḥ

Sanskrit only: no published translation is held for this verse.

फलपुष्पसमाकीर्णा लक्ष्मीश्चैवोपजायते ।। आश्रमं रूपसम्पन्नं फलपुष्पोपशोभितम्

phalapuṣpasamākīrṇā lakṣmīścaivopajāyate || āśramaṃ rūpasampannaṃ phalapuṣpopaśobhitam

Sanskrit only: no published translation is held for this verse.

तच्च वै भस्मसाद्भूतं महारुद्रस्य तेजसा।। दग्ध्वा तं चाश्रमं पुण्यमौरवस्य सुमहत्प्रियम्

tacca vai bhasmasādbhūtaṃ mahārudrasya tejasā|| dagdhvā taṃ cāśramaṃ puṇyamauravasya sumahatpriyam

Sanskrit only: no published translation is held for this verse.

ईश्वरोऽपि ततः प्राप्तः शीघ्रमेव हिमालयम् ।। एतस्मिन्नन्तरे देवि गृह्य पुष्पकरण्डकम्

īśvaro'pi tataḥ prāptaḥ śīghrameva himālayam || etasminnantare devi gṛhya puṣpakaraṇḍakam

Sanskrit only: no published translation is held for this verse.

आश्रमं समनुप्राप्त और्वोऽपि मुनिपुंगवः ।। शान्तो दान्तः क्षमाशीलः सत्यव्रतपरायणः

āśramaṃ samanuprāpta aurvo'pi munipuṃgavaḥ || śānto dāntaḥ kṣamāśīlaḥ satyavrataparāyaṇaḥ

Sanskrit only: no published translation is held for this verse.

दृष्ट्वा स्वमाश्रमं दग्धं बहुपुष्पफलोदकम् ।। मन्युना परमाविष्टो दुःखनेत्रपरिप्लुतः

dṛṣṭvā svamāśramaṃ dagdhaṃ bahupuṣpaphalodakam || manyunā paramāviṣṭo duḥkhanetrapariplutaḥ

Sanskrit only: no published translation is held for this verse.

उवाच क्रोधरक्ताक्षो वचनं निर्दहन्निव ।। येनैष चाश्रमो दग्धो बहुपुष्पफलोदकः

uvāca krodharaktākṣo vacanaṃ nirdahanniva || yenaiṣa cāśramo dagdho bahupuṣpaphalodakaḥ

Sanskrit only: no published translation is held for this verse.

सोऽपि दुःखेन सन्तप्तः सर्वलोकान्भ्रमिष्यति ।। एवमौर्वेण दत्ते तु शापे तस्मिन्महौजसि

so'pi duḥkhena santaptaḥ sarvalokānbhramiṣyati || evamaurveṇa datte tu śāpe tasminmahaujasi

Sanskrit only: no published translation is held for this verse.

महाभयात्तु लोकानां न कश्चित्पर्यवारयत् ।। तत्क्षणादेव देवेशि ईशोऽपि जगतो विभुः

mahābhayāttu lokānāṃ na kaścitparyavārayat || tatkṣaṇādeva deveśi īśo'pi jagato vibhuḥ

Sanskrit only: no published translation is held for this verse.

महादाहेन सन्तप्तः शम्भुर्देवीमुवाच ह ।। और्वस्य तु तपो दृष्ट्वा भीतैर्देवैरुदाहृतम्

mahādāhena santaptaḥ śambhurdevīmuvāca ha || aurvasya tu tapo dṛṣṭvā bhītairdevairudāhṛtam

Sanskrit only: no published translation is held for this verse.

दह्यते स्म जगत्सर्वं स तु किञ्चिन्न चेच्छति ।। को वा प्रति विधिस्तत्र यथा सर्वस्य सम्भवेत्

dahyate sma jagatsarvaṃ sa tu kiñcinna cecchati || ko vā prati vidhistatra yathā sarvasya sambhavet

Sanskrit only: no published translation is held for this verse.

एवमुक्ते मया क्रोधादीक्षितस्तस्य चाश्रमः ।। दग्धोऽभवत्क्षणेनैव वयं तस्माद्विनिर्गताः

evamukte mayā krodhādīkṣitastasya cāśramaḥ || dagdho'bhavatkṣaṇenaiva vayaṃ tasmādvinirgatāḥ

Sanskrit only: no published translation is held for this verse.

एतद्दुःखेन सन्तप्तो मन्युना च परिप्लुतः ।। और्वः शशाप रोषेण तेन तप्ता वयं शिवे

etadduḥkhena santapto manyunā ca pariplutaḥ || aurvaḥ śaśāpa roṣeṇa tena taptā vayaṃ śive

Sanskrit only: no published translation is held for this verse.

ततोऽभ्रमद्विरूपाक्षः शं न प्राप्नोति कर्हिचित् ।। अहं च परितप्तोऽस्मि आत्मत्वादीश्वरस्य च

tato'bhramadvirūpākṣaḥ śaṃ na prāpnoti karhicit || ahaṃ ca paritapto'smi ātmatvādīśvarasya ca

Sanskrit only: no published translation is held for this verse.

तेन दाहेन सन्तप्तो न शक्नोमि विचेष्टितुम् ।। पार्वत्या च ततः प्रोक्तः आवां नारायणं प्रति

tena dāhena santapto na śaknomi viceṣṭitum || pārvatyā ca tataḥ proktaḥ āvāṃ nārāyaṇaṃ prati

Sanskrit only: no published translation is held for this verse.

गच्छावस्तस्य वाक्येन सुखं यत्र भविष्यति ।। ततो नारायणं गत्वा सह तेन तमौर्वकम्

gacchāvastasya vākyena sukhaṃ yatra bhaviṣyati || tato nārāyaṇaṃ gatvā saha tena tamaurvakam

Sanskrit only: no published translation is held for this verse.

विज्ञापयामो रुद्रस्य शापोऽयं विनिवर्त्तताम् ।। सन्तप्ताः स्म वयं सर्वे तस्माच्छापं निवर्त्तय

vijñāpayāmo rudrasya śāpo'yaṃ vinivarttatām || santaptāḥ sma vayaṃ sarve tasmācchāpaṃ nivarttaya

Sanskrit only: no published translation is held for this verse.

और्वोऽप्युवाच नोक्तं मे अनृतं तु कदाचन ।। सुरभीगणमानीय गत्वैतं स्नापयन्तु वै

aurvo'pyuvāca noktaṃ me anṛtaṃ tu kadācana || surabhīgaṇamānīya gatvaitaṃ snāpayantu vai

Sanskrit only: no published translation is held for this verse.

रुद्रशापो निवृत्तः स्यात्तेनैव किल नान्यथा ।। एतस्मिन्नन्तरे देवि मया गावोऽवतारिताः

rudraśāpo nivṛttaḥ syāttenaiva kila nānyathā || etasminnantare devi mayā gāvo'vatāritāḥ

Sanskrit only: no published translation is held for this verse.

सप्तसप्ततिः कल्याणि सौरभेया महौजसः ।। तेनाप्लावितदेहाश्च परां निर्वृतिमागताः

saptasaptatiḥ kalyāṇi saurabheyā mahaujasaḥ || tenāplāvitadehāśca parāṃ nirvṛtimāgatāḥ

Sanskrit only: no published translation is held for this verse.

तच्च गोनिष्क्रमं नाम तीर्थं परमपावनम् ।। तत्र स्नानं तु कुर्वीत एकरात्रोषितो नरः

tacca goniṣkramaṃ nāma tīrthaṃ paramapāvanam || tatra snānaṃ tu kurvīta ekarātroṣito naraḥ

Sanskrit only: no published translation is held for this verse.

गोलोकं च समासाद्य मोदते नात्र संशयः ।। अथात्र मुञ्चते प्राणान्कृत्वा कर्म सुदुष्करम्

golokaṃ ca samāsādya modate nātra saṃśayaḥ || athātra muñcate prāṇānkṛtvā karma suduṣkaram

Sanskrit only: no published translation is held for this verse.

शंखचक्रगदायुक्तो मम लोके महीयते ।। पंच धाराः पतन्त्यत्र मूले मूलवटस्य हि

śaṃkhacakragadāyukto mama loke mahīyate || paṃca dhārāḥ patantyatra mūle mūlavaṭasya hi

Sanskrit only: no published translation is held for this verse.

तत्र स्नानं प्रकुर्वीत पंचरात्रोषितो नरः ।। पंचानामपि यज्ञानां फलमाप्नोति मानवः

tatra snānaṃ prakurvīta paṃcarātroṣito naraḥ || paṃcānāmapi yajñānāṃ phalamāpnoti mānavaḥ

Sanskrit only: no published translation is held for this verse.

अथात्र मुञ्चते प्राणान्कृत्वा कर्म सुदुष्करम् ।। पंचयज्ञफलं भुक्त्वा मम लोकं प्रपद्यते

athātra muñcate prāṇānkṛtvā karma suduṣkaram || paṃcayajñaphalaṃ bhuktvā mama lokaṃ prapadyate

Sanskrit only: no published translation is held for this verse.

अस्ति पंचपदं नाम तस्मिन्क्षेत्रे परं मम।। मम पूर्वेण पार्श्वेण दृढाः पंच महाशिलाः

asti paṃcapadaṃ nāma tasminkṣetre paraṃ mama|| mama pūrveṇa pārśveṇa dṛḍhāḥ paṃca mahāśilāḥ

Sanskrit only: no published translation is held for this verse.

मत्पूर्वां दिशमाश्रित्य तत्र ब्रह्मपदद्वयम् ।। मध्ये तु तस्य कुण्डस्य शिला विस्तीर्णसंश्रिता

matpūrvāṃ diśamāśritya tatra brahmapadadvayam || madhye tu tasya kuṇḍasya śilā vistīrṇasaṃśritā

Sanskrit only: no published translation is held for this verse.

ऊर्द्ध्वं नालपरीणाहं तत्र विष्णुपदं मम ।। तत्र स्नानं तु कुर्वीत पंचरात्रोषितो नरः

ūrddhvaṃ nālaparīṇāhaṃ tatra viṣṇupadaṃ mama || tatra snānaṃ tu kurvīta paṃcarātroṣito naraḥ

Sanskrit only: no published translation is held for this verse.

यांति शुद्धांस्तु लोकांस्ते ये च भागवतप्रियाः ।। अथात्र मुञ्चते प्राणान्युक्तः पञ्चपदे नरः

yāṃti śuddhāṃstu lokāṃste ye ca bhāgavatapriyāḥ || athātra muñcate prāṇānyuktaḥ pañcapade naraḥ

Sanskrit only: no published translation is held for this verse.

विमुक्तः सर्वसंसारान्मम लोकं च गच्छति ।। ततो ब्रह्मपदं नाम क्षेत्रं गुह्यं परं मम

vimuktaḥ sarvasaṃsārānmama lokaṃ ca gacchati || tato brahmapadaṃ nāma kṣetraṃ guhyaṃ paraṃ mama

Sanskrit only: no published translation is held for this verse.

यत्र धारा पतत्येका पश्चिमां दिशमाश्रिता ।। तत्र स्नानं तु कुर्वीत एकरात्रोषितो नरः

yatra dhārā patatyekā paścimāṃ diśamāśritā || tatra snānaṃ tu kurvīta ekarātroṣito naraḥ

Sanskrit only: no published translation is held for this verse.

ब्रह्मलोकमवाप्नोति ब्रह्मणा सह मोदते ।। कौमुदस्य तु मासस्य शुक्लपक्षस्य द्वादशी

brahmalokamavāpnoti brahmaṇā saha modate || kaumudasya tu māsasya śuklapakṣasya dvādaśī

Sanskrit only: no published translation is held for this verse.

यज्ञानां वाजपेयानां फलं प्राप्नोति मानवः ।। अथात्र मुंचते प्राणान्मम कर्मसु निष्ठितः

yajñānāṃ vājapeyānāṃ phalaṃ prāpnoti mānavaḥ || athātra muṃcate prāṇānmama karmasu niṣṭhitaḥ

Sanskrit only: no published translation is held for this verse.

वाजपेयफलं भुक्त्वा मम लोकं प्रपद्यते ।। अस्ति कोटिवटं नाम तस्मिन् क्षेत्रे परं मम

vājapeyaphalaṃ bhuktvā mama lokaṃ prapadyate || asti koṭivaṭaṃ nāma tasmin kṣetre paraṃ mama

Sanskrit only: no published translation is held for this verse.

पंचक्रोशं ततो गत्वा वायव्यां दिशि संस्थितः ।। तत्र स्नानं तु कुर्वीत षष्ठकालोषितो नरः

paṃcakrośaṃ tato gatvā vāyavyāṃ diśi saṃsthitaḥ || tatra snānaṃ tu kurvīta ṣaṣṭhakāloṣito naraḥ

Sanskrit only: no published translation is held for this verse.

बहुयज्ञस्य कोटीनां फलं प्राप्नोति निष्कलम् ।। अथात्र मुंचते प्राणान्भूमे कोटिवटे शुभे

bahuyajñasya koṭīnāṃ phalaṃ prāpnoti niṣkalam || athātra muṃcate prāṇānbhūme koṭivaṭe śubhe

Sanskrit only: no published translation is held for this verse.

यज्ञकोटिफलं भुक्त्वा मम कोटिं प्रपद्यते ।। अस्ति विष्णुसरो नाम तस्मिन् क्षेत्रे परं मम

yajñakoṭiphalaṃ bhuktvā mama koṭiṃ prapadyate || asti viṣṇusaro nāma tasmin kṣetre paraṃ mama

Sanskrit only: no published translation is held for this verse.

पूर्वोत्तरेण पार्श्वेन पंचक्रोशं न संशयः ।। मत्सरः पद्मपत्राक्षि आगाधं परिसंस्थितम्

pūrvottareṇa pārśvena paṃcakrośaṃ na saṃśayaḥ || matsaraḥ padmapatrākṣi āgādhaṃ parisaṃsthitam

Sanskrit only: no published translation is held for this verse.

पंचक्रोशश्च विस्तारः पर्वतः परिमण्डलः ।। तत्र भ्रमति यो भद्रे कुर्याच्चैव प्रदक्षिणम्

paṃcakrośaśca vistāraḥ parvataḥ parimaṇḍalaḥ || tatra bhramati yo bhadre kuryāccaiva pradakṣiṇam

Sanskrit only: no published translation is held for this verse.

उपवासं त्रिरात्रं तु कृत्वा कर्म सुदुष्करम् ।। यावन्ति भ्रममाणस्य पदानि ननु सुन्दरि

upavāsaṃ trirātraṃ tu kṛtvā karma suduṣkaram || yāvanti bhramamāṇasya padāni nanu sundari

Sanskrit only: no published translation is held for this verse.

तावद्वर्षसहस्राणि ब्रह्मलोके महीयते ।। अथाऽत्र मुंचते प्राणान्स्वकर्मपरिनिष्ठितः

tāvadvarṣasahasrāṇi brahmaloke mahīyate || athā'tra muṃcate prāṇānsvakarmapariniṣṭhitaḥ

Sanskrit only: no published translation is held for this verse.

ब्रह्मलोकं समुत्सृज्य मम लोके महीयते ।। तस्मिन् क्षेत्रे महाभागे आश्चर्यं शृणु सुन्दरि

brahmalokaṃ samutsṛjya mama loke mahīyate || tasmin kṣetre mahābhāge āścaryaṃ śṛṇu sundari

Sanskrit only: no published translation is held for this verse.

गवां वै श्रूयते शब्दो मम कर्मसुखावहः ।। अथात्र ज्येष्ठमासस्य शुक्लपक्षस्य द्वादशी

gavāṃ vai śrūyate śabdo mama karmasukhāvahaḥ || athātra jyeṣṭhamāsasya śuklapakṣasya dvādaśī

Sanskrit only: no published translation is held for this verse.

श्रूयते सुमहाञ्छब्दः स्वयमेतन्न संशयः ।। एवं गोस्थलके पुण्ये महाभागवतः शुचिः

śrūyate sumahāñchabdaḥ svayametanna saṃśayaḥ || evaṃ gosthalake puṇye mahābhāgavataḥ śuciḥ

Sanskrit only: no published translation is held for this verse.

करोति शुभकर्माणि शीघ्रं मुच्येत किल्बिषात् ।। एवं तेन महाभागे ईश्वरेण यशस्विनि

karoti śubhakarmāṇi śīghraṃ mucyeta kilbiṣāt || evaṃ tena mahābhāge īśvareṇa yaśasvini

Sanskrit only: no published translation is held for this verse.

शापदाहो विनिर्मुक्तः सर्वैः सह मरुद्गणैः।। एतद्गोस्थलकं नाम सर्वशान्तिकरं परम्

śāpadāho vinirmuktaḥ sarvaiḥ saha marudgaṇaiḥ|| etadgosthalakaṃ nāma sarvaśāntikaraṃ param

Sanskrit only: no published translation is held for this verse.

कथितं देवि कार्त्स्न्येन तवानुग्रहकाम्यया।। एषोऽध्यायो महाभागे सर्वमङ्गलकारकः

kathitaṃ devi kārtsnyena tavānugrahakāmyayā|| eṣo'dhyāyo mahābhāge sarvamaṅgalakārakaḥ

Sanskrit only: no published translation is held for this verse.

मम मार्गानुसाराणां मम च प्रीतिवर्द्धनः ।। श्रेष्ठानां परमं श्रेष्ठं मङ्गलानां च मङ्गलम्

mama mārgānusārāṇāṃ mama ca prītivarddhanaḥ || śreṣṭhānāṃ paramaṃ śreṣṭhaṃ maṅgalānāṃ ca maṅgalam

Sanskrit only: no published translation is held for this verse.

लाभानां परमो लाभो धर्माणां धर्म उत्तमः ।। लभन्ते पठमाना वै मम मार्गानुसारिणः

lābhānāṃ paramo lābho dharmāṇāṃ dharma uttamaḥ || labhante paṭhamānā vai mama mārgānusāriṇaḥ

Sanskrit only: no published translation is held for this verse.

तेजः श्रियं च लक्ष्मीं च सर्वकामान्यशस्विनि ।। यावन्ति चाक्षराणि स्युरत्राध्याये मनस्विनि

tejaḥ śriyaṃ ca lakṣmīṃ ca sarvakāmānyaśasvini || yāvanti cākṣarāṇi syuratrādhyāye manasvini

Sanskrit only: no published translation is held for this verse.

तावद्वर्षसहस्राणि मम लोके महीयते ।। पतनं च न विद्येत पठमानो दिने दिने

tāvadvarṣasahasrāṇi mama loke mahīyate || patanaṃ ca na vidyeta paṭhamāno dine dine

Sanskrit only: no published translation is held for this verse.

तारितानि कुलान्येभिः सप्त सप्त च सप्त च ।। पिशुनाय न दातव्यं न मूर्खाय शठाय च

tāritāni kulānyebhiḥ sapta sapta ca sapta ca || piśunāya na dātavyaṃ na mūrkhāya śaṭhāya ca

Sanskrit only: no published translation is held for this verse.

देयं पुत्राय शिष्याय यश्च जानाति सेवितुम् ।। एतन्मरणकाले तु न कदाचित्तु विस्मरेत्

deyaṃ putrāya śiṣyāya yaśca jānāti sevitum || etanmaraṇakāle tu na kadācittu vismaret

Sanskrit only: no published translation is held for this verse.

श्लोकं वा यदि वा पादं यदीच्छेत्परमां गतिम् ।। तत्क्षेत्रं तु महाभागे पंचयोजनमण्डलम्

ślokaṃ vā yadi vā pādaṃ yadīcchetparamāṃ gatim || tatkṣetraṃ tu mahābhāge paṃcayojanamaṇḍalam

Sanskrit only: no published translation is held for this verse.

तिष्ठामि परया प्रीत्या दिशं पूर्वामुपाश्रितः ।। पश्चिमेन वहेद्गङ्गां निष्कामेन वसुन्धरे

tiṣṭhāmi parayā prītyā diśaṃ pūrvāmupāśritaḥ || paścimena vahedgaṅgāṃ niṣkāmena vasundhare

Sanskrit only: no published translation is held for this verse.

एवं रहस्यं गुह्यं च सर्वकर्मसुखावहम् ।। एतत्ते परमं भद्रे गुह्यं धर्मसमन्वितम्

evaṃ rahasyaṃ guhyaṃ ca sarvakarmasukhāvaham || etatte paramaṃ bhadre guhyaṃ dharmasamanvitam

Sanskrit only: no published translation is held for this verse.

मम क्षेत्रं महाभागे यत्त्वया परिपृच्छितम्

mama kṣetraṃ mahābhāge yattvayā paripṛcchitam

Sanskrit only: no published translation is held for this verse.

इति श्रीवराहपुराणे भगवच्छास्त्रे गोनिष्क्रमण माहात्म्यं नाम सप्तचत्वारिंशदधिकशततमोऽध्यायः

iti śrīvarāhapurāṇe bhagavacchāstre goniṣkramaṇa māhātmyaṃ nāma saptacatvāriṃśadadhikaśatatamo'dhyāyaḥ

Sanskrit only: no published translation is held for this verse.