Varāha Purāṇa 148

अथ स्तुतस्वामिमाहात्म्यम् ।। सूत उवाच ।। गोनिष्क्रमणमाहात्म्यं श्रुत्वा गुह्यमनुत्तमम् ।। विस्मयं परमं गत्वा सर्वरत्नविभूषिता

atha stutasvāmimāhātmyam || sūta uvāca || goniṣkramaṇamāhātmyaṃ śrutvā guhyamanuttamam || vismayaṃ paramaṃ gatvā sarvaratnavibhūṣitā

Sanskrit only: no published translation is held for this verse.

धरण्युवाच ।। अहो गवां हि माहात्म्यं तव चैवं श्रुतं मया ।। यच्छ्रुत्वाऽहं जगन्नाथ जातास्मि परिनिर्वृता

dharaṇyuvāca || aho gavāṃ hi māhātmyaṃ tava caivaṃ śrutaṃ mayā || yacchrutvā'haṃ jagannātha jātāsmi parinirvṛtā

Sanskrit only: no published translation is held for this verse.

एवमेव परं गुह्यं ब्रूहि नारायण प्रभो ।। अस्मात्क्षेत्रात्परं देव यदि क्षेत्रं विशिष्यते

evameva paraṃ guhyaṃ brūhi nārāyaṇa prabho || asmātkṣetrātparaṃ deva yadi kṣetraṃ viśiṣyate

Sanskrit only: no published translation is held for this verse.

श्रीवराह उवाच ।। अहं नारायणो देवः सर्वधर्मव्यपाश्रयः ।। मात्सर्यं चैव मे नास्ति तेनाहं परमः प्रभुः

śrīvarāha uvāca || ahaṃ nārāyaṇo devaḥ sarvadharmavyapāśrayaḥ || mātsaryaṃ caiva me nāsti tenāhaṃ paramaḥ prabhuḥ

Sanskrit only: no published translation is held for this verse.

एतच्छास्त्रं महाभागे प्रयुक्तं लीलया मया ।। वराहरूपमादाय सर्वभागवतप्रियम्

etacchāstraṃ mahābhāge prayuktaṃ līlayā mayā || varāharūpamādāya sarvabhāgavatapriyam

Sanskrit only: no published translation is held for this verse.

धरण्युवाच ।। यथा यथा भाषसि धर्मकारणमिदं वचो धर्मविनिश्चयं महत् ।। तथा तथा देव वराऽप्रमेयं हृद्यं मनो भावयसे जनार्दन

dharaṇyuvāca || yathā yathā bhāṣasi dharmakāraṇamidaṃ vaco dharmaviniścayaṃ mahat || tathā tathā deva varā'prameyaṃ hṛdyaṃ mano bhāvayase janārdana

Sanskrit only: no published translation is held for this verse.

ततो महीवचः श्रुत्वा धर्मश्रेष्ठी महामनाः ।। वराहरूपी भगवान्प्रत्युवाच वसुन्धराम्

tato mahīvacaḥ śrutvā dharmaśreṣṭhī mahāmanāḥ || varāharūpī bhagavānpratyuvāca vasundharām

Sanskrit only: no published translation is held for this verse.

श्रीवराह उवाच ।। साधु भूमे महाभागे मम कर्मव्यवस्थिते ।। कथयिष्याम्यहं ह्येवं गुह्यं लोकसुखावहम्

śrīvarāha uvāca || sādhu bhūme mahābhāge mama karmavyavasthite || kathayiṣyāmyahaṃ hyevaṃ guhyaṃ lokasukhāvaham

Sanskrit only: no published translation is held for this verse.

स्तुतस्वामीति विख्यातं गुह्यं क्षेत्रं परं मम ।। ह्यपरं युगमासाद्य तत्र स्थास्यामि सुन्दरि

stutasvāmīti vikhyātaṃ guhyaṃ kṣetraṃ paraṃ mama || hyaparaṃ yugamāsādya tatra sthāsyāmi sundari

Sanskrit only: no published translation is held for this verse.

पुत्रोऽहं वसुदेवस्य देवक्या गर्भसम्भवः।। वासुदेव इति ख्यातः सर्वदानवसूदनः

putro'haṃ vasudevasya devakyā garbhasambhavaḥ|| vāsudeva iti khyātaḥ sarvadānavasūdanaḥ

Sanskrit only: no published translation is held for this verse.

पञ्च तस्य सुशिष्याश्च भविष्यन्ति विचक्षणाः ।। ऋषयो धर्मसंयुक्ता मत्प्रसादाद्बलाश्रिताः

pañca tasya suśiṣyāśca bhaviṣyanti vicakṣaṇāḥ || ṛṣayo dharmasaṃyuktā matprasādādbalāśritāḥ

Sanskrit only: no published translation is held for this verse.

ते मां संस्थापयिष्पन्ति धर्ममूर्त्तिं महीं गतम् ।। शाण्डिल्यो जाजलिश्चैव कपिलश्चोपसायकः

te māṃ saṃsthāpayiṣpanti dharmamūrttiṃ mahīṃ gatam || śāṇḍilyo jājaliścaiva kapilaścopasāyakaḥ

Sanskrit only: no published translation is held for this verse.

भृगुश्चैव महाभागे मम मागार्नुसारिणः ।। ते च प्रसन्नमनस आत्मदृष्टान्तदर्शिनः

bhṛguścaiva mahābhāge mama māgārnusāriṇaḥ || te ca prasannamanasa ātmadṛṣṭāntadarśinaḥ

Sanskrit only: no published translation is held for this verse.

स्वयं ज्ञानप्रभावेण भासयिष्यन्ति मां सदा।। सङ्कर्षणो वासुदेवो प्रद्युम्नो ह्यनिरुद्धकः

svayaṃ jñānaprabhāveṇa bhāsayiṣyanti māṃ sadā|| saṅkarṣaṇo vāsudevo pradyumno hyaniruddhakaḥ

Sanskrit only: no published translation is held for this verse.

गच्छता बहुकालेन मम कर्मपरायणः ।। ततो दीर्घेण कालेन इज्यापूर्वस्थितेन च

gacchatā bahukālena mama karmaparāyaṇaḥ || tato dīrgheṇa kālena ijyāpūrvasthitena ca

Sanskrit only: no published translation is held for this verse.

वरं तेषां प्रदास्यामि यो यस्य हृदि संस्थितः ।। ते प्रवक्ष्यन्ति मां देवि आत्मशास्त्रव्यवस्थिताः

varaṃ teṣāṃ pradāsyāmi yo yasya hṛdi saṃsthitaḥ || te pravakṣyanti māṃ devi ātmaśāstravyavasthitāḥ

Sanskrit only: no published translation is held for this verse.

आत्मशास्त्रं प्रतिष्ठेत यत्र धर्मः सुनिष्ठितः ।। भवत्वेतन्निश्चयेन न तु मिथ्या कदाचन

ātmaśāstraṃ pratiṣṭheta yatra dharmaḥ suniṣṭhitaḥ || bhavatvetanniścayena na tu mithyā kadācana

Sanskrit only: no published translation is held for this verse.

तव देव प्रसादेन इहलोकः प्रवर्तताम् ।। तानप्येवं वदिष्यामि शिष्याय भवतां प्रियम्

tava deva prasādena ihalokaḥ pravartatām || tānapyevaṃ vadiṣyāmi śiṣyāya bhavatāṃ priyam

Sanskrit only: no published translation is held for this verse.

भविष्यति न संदेहो यतो यूयं मम प्रियाः ।। सुशिष्या बाढमित्येवं भविष्यन्ति न संशयः

bhaviṣyati na saṃdeho yato yūyaṃ mama priyāḥ || suśiṣyā bāḍhamityevaṃ bhaviṣyanti na saṃśayaḥ

Sanskrit only: no published translation is held for this verse.

तदेते प्रवदिष्यन्ति सर्वभागवतप्रियम् ।। यथा च मथ्यमानाद्वै दध्नश्चोद्ध्रियते घृतम्

tadete pravadiṣyanti sarvabhāgavatapriyam || yathā ca mathyamānādvai dadhnaścoddhriyate ghṛtam

Sanskrit only: no published translation is held for this verse.

एवं सर्वेषु शास्त्रेषु वाराहं घृतसम्मितम् ।। वाराहं ज्ञानमुत्सृज्य महाभागं महौजसम्

evaṃ sarveṣu śāstreṣu vārāhaṃ ghṛtasammitam || vārāhaṃ jñānamutsṛjya mahābhāgaṃ mahaujasam

Sanskrit only: no published translation is held for this verse.

एवं समं मया चैव ह्यात्मना परिभाषितम् ।। ते प्रणामं करिष्यन्ति सिद्धिं प्राप्स्यन्ति वै पराम्

evaṃ samaṃ mayā caiva hyātmanā paribhāṣitam || te praṇāmaṃ kariṣyanti siddhiṃ prāpsyanti vai parām

Sanskrit only: no published translation is held for this verse.

महाज्ञानमिदं सूक्ष्मं भूमे भक्तेषु दृश्यते ।। शास्त्राणां परमं शास्त्रं सर्वसंसारमोक्षणम्

mahājñānamidaṃ sūkṣmaṃ bhūme bhakteṣu dṛśyate || śāstrāṇāṃ paramaṃ śāstraṃ sarvasaṃsāramokṣaṇam

Sanskrit only: no published translation is held for this verse.

किञ्चिदन्यत्प्रवक्ष्यामि तच्छृणुष्व वसुन्धरे ।। शास्त्रमेतन्महाभागे स्धूलकर्म महौजसम्

kiñcidanyatpravakṣyāmi tacchṛṇuṣva vasundhare || śāstrametanmahābhāge sdhūlakarma mahaujasam

Sanskrit only: no published translation is held for this verse.

केचित्तरन्ति ज्ञानेन केचित्कर्मणि निष्ठिताः ।। केचिद्यथेष्टं सुश्रोणि केचिद्दानेन कर्मणा

kecittaranti jñānena kecitkarmaṇi niṣṭhitāḥ || kecidyatheṣṭaṃ suśroṇi keciddānena karmaṇā

Sanskrit only: no published translation is held for this verse.

केचिद्योगबलं भुक्ता पश्यन्ति मम संस्थितम् ।। विधिपूर्वं तु मे किञ्चिन्नराः पश्यन्ति निष्ठिताः

kecidyogabalaṃ bhuktā paśyanti mama saṃsthitam || vidhipūrvaṃ tu me kiñcinnarāḥ paśyanti niṣṭhitāḥ

Sanskrit only: no published translation is held for this verse.

सर्वधर्मकराः केचित्सर्वाशाः सर्वविक्रयाः ।। ते मां पश्यन्ति वै भूमे एकचित्त व्यवस्थिताः

sarvadharmakarāḥ kecitsarvāśāḥ sarvavikrayāḥ || te māṃ paśyanti vai bhūme ekacitta vyavasthitāḥ

Sanskrit only: no published translation is held for this verse.

एवमेतन्महाशास्त्रं देवि संसारमोक्षणम् ।। मम भक्तव्यवस्थायै प्रयुक्तं परमं प्रियम्

evametanmahāśāstraṃ devi saṃsāramokṣaṇam || mama bhaktavyavasthāyai prayuktaṃ paramaṃ priyam

Sanskrit only: no published translation is held for this verse.

ते तथा च प्रवक्ष्यन्ति यच्च यस्याभिरोचते ।। अन्यथान्यस्य दृष्टानामृषिभिर्यत्प्रयोजितम्

te tathā ca pravakṣyanti yacca yasyābhirocate || anyathānyasya dṛṣṭānāmṛṣibhiryatprayojitam

Sanskrit only: no published translation is held for this verse.

तद्युगस्य प्रभावेण भूमे कुर्वन्ति मानवाः ।। तैः स्वशिष्यैः समं देवि ये शास्त्रविनियोजिताः

tadyugasya prabhāveṇa bhūme kurvanti mānavāḥ || taiḥ svaśiṣyaiḥ samaṃ devi ye śāstraviniyojitāḥ

Sanskrit only: no published translation is held for this verse.

मत्प्रसादेन ते सर्वे सिद्धिं यास्यन्ति मत्पराम् ।। मम शिष्येषु येषां च मात्सर्योपहतात्मनाम्

matprasādena te sarve siddhiṃ yāsyanti matparām || mama śiṣyeṣu yeṣāṃ ca mātsaryopahatātmanām

Sanskrit only: no published translation is held for this verse.

मच्छास्त्रे च भवेद्दोषस्तेषामत्र पुनर्भवः ।। मात्सर्यं ये च कुर्वन्ति मद्धर्मपरमे जने

macchāstre ca bhaveddoṣasteṣāmatra punarbhavaḥ || mātsaryaṃ ye ca kurvanti maddharmaparame jane

Sanskrit only: no published translation is held for this verse.

तेषां नायं परो लोको मात्सर्योपहतात्मनाम् ।। अन्यच्च ते प्रवक्ष्यामि तच्छृणुष्व वसुन्धरे

teṣāṃ nāyaṃ paro loko mātsaryopahatātmanām || anyacca te pravakṣyāmi tacchṛṇuṣva vasundhare

Sanskrit only: no published translation is held for this verse.

मम मार्गानुसारेण परं गुह्यं मम प्रिये ।। शास्त्रवन्तो विनीताश्च बहुदोषविवर्विताः

mama mārgānusāreṇa paraṃ guhyaṃ mama priye || śāstravanto vinītāśca bahudoṣavivarvitāḥ

Sanskrit only: no published translation is held for this verse.

यस्तु मात्सर्यसंयुक्तो न स पश्यति मां क्वचित् ।। बहुकर्मसमायुक्ता दानाध्ययननिष्ठिताः

yastu mātsaryasaṃyukto na sa paśyati māṃ kvacit || bahukarmasamāyuktā dānādhyayananiṣṭhitāḥ

Sanskrit only: no published translation is held for this verse.

तपसा ज्ञानयुक्ता वा नित्यं कर्मसु चोद्यताः ।। अनेन हि स्वभावेन मात्सर्यं चैव कुर्वते

tapasā jñānayuktā vā nityaṃ karmasu codyatāḥ || anena hi svabhāvena mātsaryaṃ caiva kurvate

Sanskrit only: no published translation is held for this verse.

न ते पश्यन्ति मां भूमे मायया परिदूषिताः ।। न कर्त्तव्यं ततः सर्वैर्मात्सर्यं धर्मघातकम् ।। मम शास्त्रपरेणेह यदीच्छेत्परमां गतिम्

na te paśyanti māṃ bhūme māyayā paridūṣitāḥ || na karttavyaṃ tataḥ sarvairmātsaryaṃ dharmaghātakam || mama śāstrapareṇeha yadīcchetparamāṃ gatim

Sanskrit only: no published translation is held for this verse.

ते तु मात्सर्यर्दोषेण नष्टाचाराः पतन्त्यधः ।। मात्सर्यं सर्वनाशाय मात्सर्यं धर्मनाशकम्

te tu mātsaryardoṣeṇa naṣṭācārāḥ patantyadhaḥ || mātsaryaṃ sarvanāśāya mātsaryaṃ dharmanāśakam

Sanskrit only: no published translation is held for this verse.

एतच्छास्त्रं महाभागे प्रयुक्तं विधिना मया ।। वराहरूपमादाय सर्वभागवतप्रियम्

etacchāstraṃ mahābhāge prayuktaṃ vidhinā mayā || varāharūpamādāya sarvabhāgavatapriyam

Sanskrit only: no published translation is held for this verse.

तत्राश्चर्यं महाभागे शृणु भूतगिरौ मम ।। आयसी प्रतिमा तत्र ह्यभेद्या चैव दृश्यते

tatrāścaryaṃ mahābhāge śṛṇu bhūtagirau mama || āyasī pratimā tatra hyabhedyā caiva dṛśyate

Sanskrit only: no published translation is held for this verse.

ब्रुवन्ति केचित्कांस्येति आयसीत्यपरेऽब्रुवन् ।। पाषाणीत्यपरे केचिदन्ये वज्रमयीति च

bruvanti kecitkāṃsyeti āyasītyapare'bruvan || pāṣāṇītyapare kecidanye vajramayīti ca

Sanskrit only: no published translation is held for this verse.

ऊर्द्ध्वं वा यदि वाऽधो वा ये कुर्वन्ति ममार्चनम् ।। तथापि मां संस्पृशन्ति शिरोमध्ये तु सुन्दरि

ūrddhvaṃ vā yadi vā'dho vā ye kurvanti mamārcanam || tathāpi māṃ saṃspṛśanti śiromadhye tu sundari

Sanskrit only: no published translation is held for this verse.

ये तु पश्यन्ति मां भूमे मणिपूरगिरौ स्थितम् ।। स्तुवन्त्याचार्यवन्तश्च मत्प्रसादत्सु संयताः

ye tu paśyanti māṃ bhūme maṇipūragirau sthitam || stuvantyācāryavantaśca matprasādatsu saṃyatāḥ

Sanskrit only: no published translation is held for this verse.

आचार्याणां गुणान्भुक्त्वा मम कर्मपथे स्थिताः ।। सर्वकिल्बिषमुक्ताश्च यान्ति ते परमां गतिम्

ācāryāṇāṃ guṇānbhuktvā mama karmapathe sthitāḥ || sarvakilbiṣamuktāśca yānti te paramāṃ gatim

Sanskrit only: no published translation is held for this verse.

तस्मिन्क्षेत्रे महाभागे अस्ति गुह्यं परं मम ।। पंचारुमेति विख्यातमुत्तरां दिशमाश्रितम्

tasminkṣetre mahābhāge asti guhyaṃ paraṃ mama || paṃcārumeti vikhyātamuttarāṃ diśamāśritam

Sanskrit only: no published translation is held for this verse.

तत्र स्नानं प्रकुर्वीत पंचकालोषितो नरः ।। मोदते नन्दने दिव्ये ह्यप्सरोभिः समाकुले

tatra snānaṃ prakurvīta paṃcakāloṣito naraḥ || modate nandane divye hyapsarobhiḥ samākule

Sanskrit only: no published translation is held for this verse.

अथात्र मुंचते प्राणान्कृतकृत्यो भवेन्नरः ।। नन्दनं वनमुत्सृत्य मम लोकं च गच्छति

athātra muṃcate prāṇānkṛtakṛtyo bhavennaraḥ || nandanaṃ vanamutsṛtya mama lokaṃ ca gacchati

Sanskrit only: no published translation is held for this verse.

भृगुकुण्डेति विख्यातमत्र गुह्यं परं मम ।। मम दक्षिणपार्श्वे तु अदूरादर्धयोजनात्

bhṛgukuṇḍeti vikhyātamatra guhyaṃ paraṃ mama || mama dakṣiṇapārśve tu adūrādardhayojanāt

Sanskrit only: no published translation is held for this verse.

तत्र स्नानं तु कुर्वीत मम मार्गानुसारकः ।। भूपृष्ठे न तु जायेत कालेन विजितेन्द्रियः

tatra snānaṃ tu kurvīta mama mārgānusārakaḥ || bhūpṛṣṭhe na tu jāyeta kālena vijitendriyaḥ

Sanskrit only: no published translation is held for this verse.

ध्रुवो यत्र तु तिष्ठेत मेरुशृंगे शिलोच्चये ।। तत्र मोदति सुश्रोणि अप्सरोभिर्यथासुखम्

dhruvo yatra tu tiṣṭheta meruśṛṃge śiloccaye || tatra modati suśroṇi apsarobhiryathāsukham

Sanskrit only: no published translation is held for this verse.

अथात्र मुंचते प्राणान् मम कर्मपथे स्थितः ।। ध्रुवलोकं परित्यज्य मम लोके महीयते

athātra muṃcate prāṇān mama karmapathe sthitaḥ || dhruvalokaṃ parityajya mama loke mahīyate

Sanskrit only: no published translation is held for this verse.

मणिकुण्डेति विख्यातं तत्र गुह्यं परं मम ।। मणयो यत्र दृश्यन्ते अनेकालयसंस्थिताः

maṇikuṇḍeti vikhyātaṃ tatra guhyaṃ paraṃ mama || maṇayo yatra dṛśyante anekālayasaṃsthitāḥ

Sanskrit only: no published translation is held for this verse.

अगाधं तं हृदं भद्रे देवानामपि दुर्लभम् ।। विस्मयं किं पुनस्तत्र मलयश्चंचलः स्थितः

agādhaṃ taṃ hṛdaṃ bhadre devānāmapi durlabham || vismayaṃ kiṃ punastatra malayaścaṃcalaḥ sthitaḥ

Sanskrit only: no published translation is held for this verse.

तत्र स्नानं प्रकुर्वीत पंचकालोषितो नरः ।। रत्नभागी भवेद्वीरो राजलक्षणसंयुतः

tatra snānaṃ prakurvīta paṃcakāloṣito naraḥ || ratnabhāgī bhavedvīro rājalakṣaṇasaṃyutaḥ

Sanskrit only: no published translation is held for this verse.

अथात्र मुंचते प्राणान्मम कर्मपथे स्थितः ।। छित्त्वा वै सर्वसंसारं मम लोकं प्रपद्यते

athātra muṃcate prāṇānmama karmapathe sthitaḥ || chittvā vai sarvasaṃsāraṃ mama lokaṃ prapadyate

Sanskrit only: no published translation is held for this verse.

सुगुह्यं पूर्वपार्श्वेन मम क्षेत्रस्य सुन्दरि ।। अदूरतस्त्रिकोशेन परिमाणं विधीयते

suguhyaṃ pūrvapārśvena mama kṣetrasya sundari || adūratastrikośena parimāṇaṃ vidhīyate

Sanskrit only: no published translation is held for this verse.

तत्र स्नानं तु कुर्वीत मम लोकं स गच्छति ।। धूतपापेति विख्यातं तत्र गुह्यं परं मम

tatra snānaṃ tu kurvīta mama lokaṃ sa gacchati || dhūtapāpeti vikhyātaṃ tatra guhyaṃ paraṃ mama

Sanskrit only: no published translation is held for this verse.

पंचक्रोशाददूराद्वै मम क्षेत्रस्य पश्चिमे ।। तत्र कुण्डं महाभागे मम तद्रोचते जलम्

paṃcakrośādadūrādvai mama kṣetrasya paścime || tatra kuṇḍaṃ mahābhāge mama tadrocate jalam

Sanskrit only: no published translation is held for this verse.

सुवर्णाभं मारकतमगाधं निर्मितं मया ।। तत्र स्नानं प्रकुर्वीत पंचभक्तोषितो नरः

suvarṇābhaṃ mārakatamagādhaṃ nirmitaṃ mayā || tatra snānaṃ prakurvīta paṃcabhaktoṣito naraḥ

Sanskrit only: no published translation is held for this verse.

धुन्वानो दुष्करं कर्म पंचभूतात्मनिष्ठितम् ।। कृतोदकस्तत्र भद्रे धूतपापो यशस्विनि

dhunvāno duṣkaraṃ karma paṃcabhūtātmaniṣṭhitam || kṛtodakastatra bhadre dhūtapāpo yaśasvini

Sanskrit only: no published translation is held for this verse.

गत्वेन्द्रलोकं सुश्रोणि देवैः सह स मोदते ।। अथात्र मुंचते प्राणान्मम कर्मपरायणः

gatvendralokaṃ suśroṇi devaiḥ saha sa modate || athātra muṃcate prāṇānmama karmaparāyaṇaḥ

Sanskrit only: no published translation is held for this verse.

इन्द्रलोकं परित्यज्य मम लोकं प्रपद्यते ।। तत्राश्चर्यं महाभागे धूतपापे शृणुष्व मे

indralokaṃ parityajya mama lokaṃ prapadyate || tatrāścaryaṃ mahābhāge dhūtapāpe śṛṇuṣva me

Sanskrit only: no published translation is held for this verse.

वर्त्तते च विशालाक्षि मणिपूरे गिरौ मम ।। तावन्न पतते धारा यावत्पापं न धूयते

varttate ca viśālākṣi maṇipūre girau mama || tāvanna patate dhārā yāvatpāpaṃ na dhūyate

Sanskrit only: no published translation is held for this verse.

धूते पापे च सुश्रोणि धारा च पतति क्षितौ ।। एवं तत्र विशालाक्षि वृक्षमश्वत्थमिश्रितम्

dhūte pāpe ca suśroṇi dhārā ca patati kṣitau || evaṃ tatra viśālākṣi vṛkṣamaśvatthamiśritam

Sanskrit only: no published translation is held for this verse.

धूतपापं न प्रविशेत्प्रविशत्यमले नरे ।। तस्मिन्क्षेत्रे वरारोहे समन्तात्पंचयोजने

dhūtapāpaṃ na praviśetpraviśatyamale nare || tasminkṣetre varārohe samantātpaṃcayojane

Sanskrit only: no published translation is held for this verse.

यत्र तिष्ठाम्यहं देवि पश्चिमां दिशमाश्रितः ।। तत्र चामलकं भद्रे अदूरादर्द्धयोजनात्

yatra tiṣṭhāmyahaṃ devi paścimāṃ diśamāśritaḥ || tatra cāmalakaṃ bhadre adūrādarddhayojanāt

Sanskrit only: no published translation is held for this verse.

मम चैव प्रभावेण सर्वकालफलोदयम् ।। तत्र कश्चिन्न जानाति पापकर्मा नराधमः

mama caiva prabhāveṇa sarvakālaphalodayam || tatra kaścinna jānāti pāpakarmā narādhamaḥ

Sanskrit only: no published translation is held for this verse.

भक्तं भागवतं शुद्धं मम कर्मव्यवस्थितम् ।। उपोष्य च त्रिरात्राणि श्रद्दधानो जितेन्द्रियः

bhaktaṃ bhāgavataṃ śuddhaṃ mama karmavyavasthitam || upoṣya ca trirātrāṇi śraddadhāno jitendriyaḥ

Sanskrit only: no published translation is held for this verse.

तत्र गत्वा वरारोहे उदिते च दिवाकरे ।। अथ मध्याह्नवेलायां यदि वाऽस्तंगतेऽपि वा

tatra gatvā varārohe udite ca divākare || atha madhyāhnavelāyāṃ yadi vā'staṃgate'pi vā

Sanskrit only: no published translation is held for this verse.

एकचित्तेन गन्तव्यं धृतिं कृत्वा सुपुष्कलाम् ।। यत्तत्र लभते भद्रे फलमामलकं शुभम्

ekacittena gantavyaṃ dhṛtiṃ kṛtvā supuṣkalām || yattatra labhate bhadre phalamāmalakaṃ śubham

Sanskrit only: no published translation is held for this verse.

पंचरात्रेण लभते तस्मिन्भूतगिरौ मम ।। ततो हरिवचः श्रुत्वा सा मही संशितव्रता

paṃcarātreṇa labhate tasminbhūtagirau mama || tato harivacaḥ śrutvā sā mahī saṃśitavratā

Sanskrit only: no published translation is held for this verse.

पुनर्नारायणं तत्र प्रोवाच विनयान्विता ।। स्तुतस्वामी श्रुतोऽसि त्वं तत्त्र स्थानानि यानि च

punarnārāyaṇaṃ tatra provāca vinayānvitā || stutasvāmī śruto'si tvaṃ tattra sthānāni yāni ca

Sanskrit only: no published translation is held for this verse.

एतन्नामनिरुक्तिं त्वं वक्तुमर्हसि साम्प्रतम्

etannāmaniruktiṃ tvaṃ vaktumarhasi sāmpratam

Sanskrit only: no published translation is held for this verse.

श्रीवराह उवाच ।। भूमे हित्वा तु संसारान्ये चान्ये देवकण्टकाः ।। द्वापरे युगमासाद्य यत्र स्थास्यामि सुन्दरि

śrīvarāha uvāca || bhūme hitvā tu saṃsārānye cānye devakaṇṭakāḥ || dvāpare yugamāsādya yatra sthāsyāmi sundari

Sanskrit only: no published translation is held for this verse.

ततोऽमरैश्च ब्रह्माद्यैर्बहुभिर्मन्त्रवादिभिः ।। स्तुतिं कर्त्तुं समारब्धं मणिपूराश्रितस्य मे

tato'maraiśca brahmādyairbahubhirmantravādibhiḥ || stutiṃ karttuṃ samārabdhaṃ maṇipūrāśritasya me

Sanskrit only: no published translation is held for this verse.

ततो मां नारदो देवि असितो देवलस्तथा ।। पर्वतश्च महाभागे मम भक्त्या व्यवस्थितः

tato māṃ nārado devi asito devalastathā || parvataśca mahābhāge mama bhaktyā vyavasthitaḥ

Sanskrit only: no published translation is held for this verse.

नाम कुर्वन्ति मे तत्र मणिपूरगिरौ ततः ।। स्तुतस्वामीति विख्यातं मम कर्मव्यपाश्रितम्

nāma kurvanti me tatra maṇipūragirau tataḥ || stutasvāmīti vikhyātaṃ mama karmavyapāśritam

Sanskrit only: no published translation is held for this verse.

एतत्ते कथितं भद्रे निरुक्तिकरणं मया ।। त्वया पृष्टं हि यद्भद्रे सर्वभागवतप्रियम्

etatte kathitaṃ bhadre niruktikaraṇaṃ mayā || tvayā pṛṣṭaṃ hi yadbhadre sarvabhāgavatapriyam

Sanskrit only: no published translation is held for this verse.

एतत्स्तुतगिरेर्देवि माहात्म्यं कथितं मया ।। द्वापरं युगमासाद्य यत्र स्थास्यामि सुन्दरि

etatstutagirerdevi māhātmyaṃ kathitaṃ mayā || dvāparaṃ yugamāsādya yatra sthāsyāmi sundari

Sanskrit only: no published translation is held for this verse.

एतानि भूमे गुह्यानि तत्र भूतगिरौ मम ।। श्रद्धधानेन मर्त्त्येन श्रोतव्यं नात्र संशयः

etāni bhūme guhyāni tatra bhūtagirau mama || śraddhadhānena marttyena śrotavyaṃ nātra saṃśayaḥ

Sanskrit only: no published translation is held for this verse.

एतत्ते कथितं भद्रे सर्वधर्मव्यपाश्रयम् ।। श्रीस्तुतस्वामिमाहात्म्यं किमन्यत्परिपृच्छसि

etatte kathitaṃ bhadre sarvadharmavyapāśrayam || śrīstutasvāmimāhātmyaṃ kimanyatparipṛcchasi

Sanskrit only: no published translation is held for this verse.

इति श्रीवराहपुराणे भगवच्छास्त्रे स्तुतस्वामिमाहात्म्यं नामाष्टचत्वारिंशदधिकशततमोऽध्यायः

iti śrīvarāhapurāṇe bhagavacchāstre stutasvāmimāhātmyaṃ nāmāṣṭacatvāriṃśadadhikaśatatamo'dhyāyaḥ

Sanskrit only: no published translation is held for this verse.