Varāha Purāṇa 149

अथ द्वारकामाहात्म्यम् ।। सूत उवाच ।। श्रीस्तुतस्वामिमाहात्म्यं श्रुत्वा धर्मपरायणा ।। परितुष्टमना देवी वाक्यमेतदुवाच ह

atha dvārakāmāhātmyam || sūta uvāca || śrīstutasvāmimāhātmyaṃ śrutvā dharmaparāyaṇā || parituṣṭamanā devī vākyametaduvāca ha

Sanskrit only: no published translation is held for this verse.

धरण्युवाच।। एतच्छ्रुत्वा तु माहात्म्यं देव देववर प्रभो ।। मम चित्तस्य परमा जाता शान्तिरनुत्तमा

dharaṇyuvāca|| etacchrutvā tu māhātmyaṃ deva devavara prabho || mama cittasya paramā jātā śāntiranuttamā

Sanskrit only: no published translation is held for this verse.

नाराचधारावरणासिधारी सुररिपुवधकारी धरणीधरः ।। धृतशङ्खगदाब्जचक्रपाणिः स्वयमिह शास्त्रमुदावहत्प्रधानम्

nārācadhārāvaraṇāsidhārī suraripuvadhakārī dharaṇīdharaḥ || dhṛtaśaṅkhagadābjacakrapāṇiḥ svayamiha śāstramudāvahatpradhānam

Sanskrit only: no published translation is held for this verse.

एवं हि गुणमाहात्म्यं स्तुतस्वामिनि मच्छ्रुतम् ।। अस्माच्चेदं परं श्रेष्ठं तन्मे वद कृपानिधे

evaṃ hi guṇamāhātmyaṃ stutasvāmini macchrutam || asmāccedaṃ paraṃ śreṣṭhaṃ tanme vada kṛpānidhe

Sanskrit only: no published translation is held for this verse.

श्रीवराह उवाच ।। एवं भूमे वरं श्रेष्ठे फुल्लपंकजमालिनि ।। कथयिष्यामि चान्यत्ते गुह्यं पापभयापहम्

śrīvarāha uvāca || evaṃ bhūme varaṃ śreṣṭhe phullapaṃkajamālini || kathayiṣyāmi cānyatte guhyaṃ pāpabhayāpaham

Sanskrit only: no published translation is held for this verse.

द्वापरं युगमासाद्य यादवानां कुलोद्वहः ।। शौरीति तत्र विख्यातो भविष्यति पिता मम

dvāparaṃ yugamāsādya yādavānāṃ kulodvahaḥ || śaurīti tatra vikhyāto bhaviṣyati pitā mama

Sanskrit only: no published translation is held for this verse.

द्वारकेति च विख्याता पुरी तत्र स्थिताऽभवत् ।। या च देवपुरी रम्या विश्वकर्मविनिर्मिता

dvāraketi ca vikhyātā purī tatra sthitā'bhavat || yā ca devapurī ramyā viśvakarmavinirmitā

Sanskrit only: no published translation is held for this verse.

पंचयोजनविस्तारा दशयोजनमायता ।। वसाम्यत्र वरारोहे शतपञ्चसमास्तथा

paṃcayojanavistārā daśayojanamāyatā || vasāmyatra varārohe śatapañcasamāstathā

Sanskrit only: no published translation is held for this verse.

भारावतरणं कृत्वा देवानां सुमहत्प्रियम् ।। पुनरप्यागमिष्यामि स्वर्लोकं प्रति सुन्दरि

bhārāvataraṇaṃ kṛtvā devānāṃ sumahatpriyam || punarapyāgamiṣyāmi svarlokaṃ prati sundari

Sanskrit only: no published translation is held for this verse.

भविष्यति वरारोहे ईश्वरः सदृशो मम।। दुर्वासा इति विख्यातः शपिष्यति कुलं मम

bhaviṣyati varārohe īśvaraḥ sadṛśo mama|| durvāsā iti vikhyātaḥ śapiṣyati kulaṃ mama

Sanskrit only: no published translation is held for this verse.

तस्य शापाभिसन्तापाद्द्वारकावासिनो धरे ।। वृष्ण्यन्धकाश्च भोजाश्च गमिष्यन्ति यमक्षयम्

tasya śāpābhisantāpāddvārakāvāsino dhare || vṛṣṇyandhakāśca bhojāśca gamiṣyanti yamakṣayam

Sanskrit only: no published translation is held for this verse.

चन्द्रपाण्डुरसंकाशो वनमाली हलायुधः ।। हलेनाकृष्य नगरं समुद्रं गमयिष्यति

candrapāṇḍurasaṃkāśo vanamālī halāyudhaḥ || halenākṛṣya nagaraṃ samudraṃ gamayiṣyati

Sanskrit only: no published translation is held for this verse.

नारायणवचः श्रुत्वा धर्मकामा वसुन्धरा ।। उभौ तौ चरणौ गृह्य पुनः पप्रच्छ माधवी

nārāyaṇavacaḥ śrutvā dharmakāmā vasundharā || ubhau tau caraṇau gṛhya punaḥ papraccha mādhavī

Sanskrit only: no published translation is held for this verse.

धरण्युवाच ।। लोकनाथोऽसि सर्वेषां देव मायाकरण्डक ।। शपिष्यति कथं तत्र दुर्वासास्तद्वदस्व मे

dharaṇyuvāca || lokanātho'si sarveṣāṃ deva māyākaraṇḍaka || śapiṣyati kathaṃ tatra durvāsāstadvadasva me

Sanskrit only: no published translation is held for this verse.

श्रीवराह उवाच ।। तत्र जाम्बवती नाम मम पत्नी भविष्यति ।। रूपयौवनसम्पन्ना मम भोगसमन्विता

śrīvarāha uvāca || tatra jāmbavatī nāma mama patnī bhaviṣyati || rūpayauvanasampannā mama bhogasamanvitā

Sanskrit only: no published translation is held for this verse.

तस्याः पुत्रो महाभागो रूपयौवनदर्पितः ।। सांब इत्यभिविख्यातो ममैव सततं प्रियः

tasyāḥ putro mahābhāgo rūpayauvanadarpitaḥ || sāṃba ityabhivikhyāto mamaiva satataṃ priyaḥ

Sanskrit only: no published translation is held for this verse.

तेनैव क्रीडमानेन कृत्वा गर्भमतथ्यतः ।। स पृष्टः परमश्रेष्ठ ऋषिरेषा प्रसोष्यति

tenaiva krīḍamānena kṛtvā garbhamatathyataḥ || sa pṛṣṭaḥ paramaśreṣṭha ṛṣireṣā prasoṣyati

Sanskrit only: no published translation is held for this verse.

पुत्रकामा त्वियं बाला मुने तत्प्रब्रवीहि मे ।। साम्बोऽयमिति च ज्ञात्वा स मुनिः कोपमूर्च्छितः

putrakāmā tviyaṃ bālā mune tatprabravīhi me || sāmbo'yamiti ca jñātvā sa muniḥ kopamūrcchitaḥ

Sanskrit only: no published translation is held for this verse.

उवाच तर्हि ते गर्भान्मुसलं कुलनाशनम् ।। येन वृष्ण्यन्धकाः सर्वे गमिष्यन्ति यमक्षयम्

uvāca tarhi te garbhānmusalaṃ kulanāśanam || yena vṛṣṇyandhakāḥ sarve gamiṣyanti yamakṣayam

Sanskrit only: no published translation is held for this verse.

श्रुत्वा दुर्वाससः शापं ते च सर्वे कुमारकाः ।। शापेन सन्तप्तधियो मामूचुर्भयसंयुताः

śrutvā durvāsasaḥ śāpaṃ te ca sarve kumārakāḥ || śāpena santaptadhiyo māmūcurbhayasaṃyutāḥ

Sanskrit only: no published translation is held for this verse.

ततस्तानागतान्दृष्ट्वा कुमारान् पृष्टवानहम् ।। ते च मामब्रुवन्सर्वे यथावृत्तं समुत्सुकाः

tatastānāgatāndṛṣṭvā kumārān pṛṣṭavānaham || te ca māmabruvansarve yathāvṛttaṃ samutsukāḥ

Sanskrit only: no published translation is held for this verse.

तच्च तेषां वचः श्रुत्वा प्रोक्तवानस्मि तच्छृणु ।। भविष्यति न सन्देहो दुर्वासा यदुवाच ह

tacca teṣāṃ vacaḥ śrutvā proktavānasmi tacchṛṇu || bhaviṣyati na sandeho durvāsā yaduvāca ha

Sanskrit only: no published translation is held for this verse.

एवं ते कथितं भूमे वृष्ण्यादेः शापकारणम् ।। तत्र स्थानानि मे भूमे कथ्यमानानि मे शृणु

evaṃ te kathitaṃ bhūme vṛṣṇyādeḥ śāpakāraṇam || tatra sthānāni me bhūme kathyamānāni me śṛṇu

Sanskrit only: no published translation is held for this verse.

द्वारकायां महाभागे वैष्णवानां सुखावहे ।। अस्ति पंचसरो नाम गुह्यं क्षेत्रं परं मम

dvārakāyāṃ mahābhāge vaiṣṇavānāṃ sukhāvahe || asti paṃcasaro nāma guhyaṃ kṣetraṃ paraṃ mama

Sanskrit only: no published translation is held for this verse.

समुद्रतीरमुत्सृज्य मम कर्मसुखावहम् ।। तत्र स्नानं तु कुर्वीत षष्ठकालोषितो नरः

samudratīramutsṛjya mama karmasukhāvaham || tatra snānaṃ tu kurvīta ṣaṣṭhakāloṣito naraḥ

Sanskrit only: no published translation is held for this verse.

मोदते नाकपृष्ठे तु अप्सरोगणसंकुले ।। अथात्र मुंचते प्राणान्क्षेत्रे पंचसरे मम

modate nākapṛṣṭhe tu apsarogaṇasaṃkule || athātra muṃcate prāṇānkṣetre paṃcasare mama

Sanskrit only: no published translation is held for this verse.

देवलोकं समुत्सृज्य मम लोके महीयते ।। प्लक्षो वै तत्र सुश्रोणि शतशाखो महाद्रुमः

devalokaṃ samutsṛjya mama loke mahīyate || plakṣo vai tatra suśroṇi śataśākho mahādrumaḥ

Sanskrit only: no published translation is held for this verse.

सुफलैः शोभनैः कुम्भाकृतिभिर्बहुभिः फलैः ।। बहवस्तत्र गच्छन्ति लाभलौल्येन मानवाः

suphalaiḥ śobhanaiḥ kumbhākṛtibhirbahubhiḥ phalaiḥ || bahavastatra gacchanti lābhalaulyena mānavāḥ

Sanskrit only: no published translation is held for this verse.

फलं न लभते कश्चिन्मुक्त्वा भागवतं नरम् ।। लभन्ते ये फलं तत्र मुक्ताः पापेन कर्मणा

phalaṃ na labhate kaścinmuktvā bhāgavataṃ naram || labhante ye phalaṃ tatra muktāḥ pāpena karmaṇā

Sanskrit only: no published translation is held for this verse.

ते लभन्ते परां सिद्धिं मम कर्मणि संस्थिताः ।। प्रभासमिति विख्यातं तस्मिंस्तीर्थे परे मम

te labhante parāṃ siddhiṃ mama karmaṇi saṃsthitāḥ || prabhāsamiti vikhyātaṃ tasmiṃstīrthe pare mama

Sanskrit only: no published translation is held for this verse.

मनुजा यं न पश्यन्ति रागलोभसमन्विताः ।। तत्र स्नानं प्रकुर्वीत पंचभक्तोषितो नरः

manujā yaṃ na paśyanti rāgalobhasamanvitāḥ || tatra snānaṃ prakurvīta paṃcabhaktoṣito naraḥ

Sanskrit only: no published translation is held for this verse.

मोदते सप्तद्वीपेषु गुह्यानि च स गच्छति ।। अथ चेन्मुंचते प्राणान्प्रभाते गतकिल्बिषः

modate saptadvīpeṣu guhyāni ca sa gacchati || atha cenmuṃcate prāṇānprabhāte gatakilbiṣaḥ

Sanskrit only: no published translation is held for this verse.

सर्वसंगं परित्यज्य मम लोकं स गच्छति ।। तत्राश्चर्यं महाभागे कथ्यमानं मया शृणु

sarvasaṃgaṃ parityajya mama lokaṃ sa gacchati || tatrāścaryaṃ mahābhāge kathyamānaṃ mayā śṛṇu

Sanskrit only: no published translation is held for this verse.

प्रभासे यत्र शृण्वन्ति सागरे न म (ग) रं प्रति ।। मकरास्तत्र दृश्यंते भ्रममाणा इतस्ततः

prabhāse yatra śṛṇvanti sāgare na ma (ga) raṃ prati || makarāstatra dṛśyaṃte bhramamāṇā itastataḥ

Sanskrit only: no published translation is held for this verse.

न किंचिदपराध्यन्ति स्नायमाना जले ततः ।। अथात्र प्रक्षिपेत्पिण्डान्प्रसन्ने सलिले नरः

na kiṃcidaparādhyanti snāyamānā jale tataḥ || athātra prakṣipetpiṇḍānprasanne salile naraḥ

Sanskrit only: no published translation is held for this verse.

असम्प्राप्ते च गृह्णन्ति एवमेतन्न संशयः ।। पापकर्मरतस्यापि न गृह्णन्ति जलं प्रति

asamprāpte ca gṛhṇanti evametanna saṃśayaḥ || pāpakarmaratasyāpi na gṛhṇanti jalaṃ prati

Sanskrit only: no published translation is held for this verse.

धर्मात्मनां च गृह्णन्ति पिण्डमेव न संशयः ।। पञ्चपिण्डमिति ख्यातं तस्मिन्गुह्यं परं मम

dharmātmanāṃ ca gṛhṇanti piṇḍameva na saṃśayaḥ || pañcapiṇḍamiti khyātaṃ tasminguhyaṃ paraṃ mama

Sanskrit only: no published translation is held for this verse.

अगाधस्याप्यपारस्य क्रोशविस्तार एव च ।। तत्राभिषकं कुर्वीत पञ्चकालोषितो नरः

agādhasyāpyapārasya krośavistāra eva ca || tatrābhiṣakaṃ kurvīta pañcakāloṣito naraḥ

Sanskrit only: no published translation is held for this verse.

मोदते शक्रलोके स एवमेतन्न संशयः ।। अथात्र मुञ्चते प्राणान्पञ्चकुण्डे यशस्विनि

modate śakraloke sa evametanna saṃśayaḥ || athātra muñcate prāṇānpañcakuṇḍe yaśasvini

Sanskrit only: no published translation is held for this verse.

शक्रलोकं परित्यज्य मम लोकं स गच्छति ।। तत्राश्चर्यं महाभागे कथ्यमानं मया शृणु

śakralokaṃ parityajya mama lokaṃ sa gacchati || tatrāścaryaṃ mahābhāge kathyamānaṃ mayā śṛṇu

Sanskrit only: no published translation is held for this verse.

न पश्येत्पापकर्मा वै शुभकर्मैव पश्यति ।। चतुर्विंशतिद्वादश्यां मध्याह्ने च दिवाकरे

na paśyetpāpakarmā vai śubhakarmaiva paśyati || caturviṃśatidvādaśyāṃ madhyāhne ca divākare

Sanskrit only: no published translation is held for this verse.

रौप्यं सुवर्णकं पद्मं दृश्यते नात्र संशयः ।। क्षेत्रं संगमनं नाम तस्मिंस्तीर्थे परं मम

raupyaṃ suvarṇakaṃ padmaṃ dṛśyate nātra saṃśayaḥ || kṣetraṃ saṃgamanaṃ nāma tasmiṃstīrthe paraṃ mama

Sanskrit only: no published translation is held for this verse.

चतुर्धाराः पतन्त्यत्र मणिपूरगिरिं श्रिताः ।। तत्राभिषेकं कुर्वीत चतुर्भक्तोषितो नरः

caturdhārāḥ patantyatra maṇipūragiriṃ śritāḥ || tatrābhiṣekaṃ kurvīta caturbhaktoṣito naraḥ

Sanskrit only: no published translation is held for this verse.

वैखानसेषु लोकेषु मोदते नाऽत्र संशयः ।। अथात्र मुंचते प्राणान्मम् भक्तिपरायणः

vaikhānaseṣu lokeṣu modate nā'tra saṃśayaḥ || athātra muṃcate prāṇānmam bhaktiparāyaṇaḥ

Sanskrit only: no published translation is held for this verse.

त्यक्त्वा वैखानसाँल्लोकान्मम लोकं स गच्छति ।। तत्रापि परमाश्चर्यं कथ्यमानं शृणुष्व मे

tyaktvā vaikhānasā~llokānmama lokaṃ sa gacchati || tatrāpi paramāścaryaṃ kathyamānaṃ śṛṇuṣva me

Sanskrit only: no published translation is held for this verse.

दृश्यन्ते यानि कुण्डेषु मणिपूरगिरौ तथा ।। प्रक्षीयमाणे पापे तु नयते तज्जलं भुवि

dṛśyante yāni kuṇḍeṣu maṇipūragirau tathā || prakṣīyamāṇe pāpe tu nayate tajjalaṃ bhuvi

Sanskrit only: no published translation is held for this verse.

स्नायमानेषु पापेषु न पतेत्तद्यथा पुरा ।। हंसकुण्डेति विख्यातं तस्मिन्क्षेत्रे परे मम

snāyamāneṣu pāpeṣu na patettadyathā purā || haṃsakuṇḍeti vikhyātaṃ tasminkṣetre pare mama

Sanskrit only: no published translation is held for this verse.

धारा चैका पतत्यत्र मणिपूरगिरौ श्रिता ।। तत्राभिषेकं कुर्वीत षष्ठकालोषितो नरः

dhārā caikā patatyatra maṇipūragirau śritā || tatrābhiṣekaṃ kurvīta ṣaṣṭhakāloṣito naraḥ

Sanskrit only: no published translation is held for this verse.

मुक्तसंगो महाभागे मोदते वरुणालये ।। अथाऽत्र मुंचते प्राणान् हंसकुण्डे वरानने

muktasaṃgo mahābhāge modate varuṇālaye || athā'tra muṃcate prāṇān haṃsakuṇḍe varānane

Sanskrit only: no published translation is held for this verse.

वारुणं लोकमुत्सृज्य मम लोके महीयते ।। तत्राश्चर्यं प्रवक्ष्यामि हंसकुण्डे यशस्विनि

vāruṇaṃ lokamutsṛjya mama loke mahīyate || tatrāścaryaṃ pravakṣyāmi haṃsakuṇḍe yaśasvini

Sanskrit only: no published translation is held for this verse.

शुद्धाः पश्यन्ति मनुजाः पापकर्मा न पश्यति ।। चतुर्विंशतिद्वादश्यां मध्याह्ने च दिवाकरे

śuddhāḥ paśyanti manujāḥ pāpakarmā na paśyati || caturviṃśatidvādaśyāṃ madhyāhne ca divākare

Sanskrit only: no published translation is held for this verse.

हंसाश्चैवात्र दृश्यन्ते चन्द्रकुन्दसमप्रभाः ।। हंसान्पश्यति यस्तत्र भ्रममाणानितस्ततः

haṃsāścaivātra dṛśyante candrakundasamaprabhāḥ || haṃsānpaśyati yastatra bhramamāṇānitastataḥ

Sanskrit only: no published translation is held for this verse.

लभन्ते ते परां सिद्धिं धरे नास्त्यत्र संशयः ।। कदम्बमिति विख्यातं तस्मिन्क्षेत्रे परं मम

labhante te parāṃ siddhiṃ dhare nāstyatra saṃśayaḥ || kadambamiti vikhyātaṃ tasminkṣetre paraṃ mama

Sanskrit only: no published translation is held for this verse.

मोदते ऋषिलोकेषु पुण्यात्मा वै न संशयः ।। अथात्र मुञ्चते प्राणान्कृत्वा कर्म सुदुष्करम्

modate ṛṣilokeṣu puṇyātmā vai na saṃśayaḥ || athātra muñcate prāṇānkṛtvā karma suduṣkaram

Sanskrit only: no published translation is held for this verse.

वृष्णयो यत्र वै शुद्धाः संप्राप्ताश्च ममालयम् ।। तत्राभिषेकं कुर्वीत चतुःकालोषितो नरः

vṛṣṇayo yatra vai śuddhāḥ saṃprāptāśca mamālayam || tatrābhiṣekaṃ kurvīta catuḥkāloṣito naraḥ

Sanskrit only: no published translation is held for this verse.

कदम्बात्पतते धारा तत्र पूर्वविनिःसृता ।। स कदम्बो महाभागे माघमासस्य द्वादशी

kadambātpatate dhārā tatra pūrvaviniḥsṛtā || sa kadambo mahābhāge māghamāsasya dvādaśī

Sanskrit only: no published translation is held for this verse.

पुष्पाणि वै प्रकटयत्युदयस्थे दिवाकरे ।। ये वा लभन्ते तत्पुष्पं मम मार्गानुसारिणः

puṣpāṇi vai prakaṭayatyudayasthe divākare || ye vā labhante tatpuṣpaṃ mama mārgānusāriṇaḥ

Sanskrit only: no published translation is held for this verse.

ते लभन्ते परां सिद्धिमेवमेतन्न संशयः ।। चक्रतीर्थमिति ख्यातं तस्मिन्क्षेत्रे परं मम

te labhante parāṃ siddhimevametanna saṃśayaḥ || cakratīrthamiti khyātaṃ tasminkṣetre paraṃ mama

Sanskrit only: no published translation is held for this verse.

पंच धाराः पतन्त्यत्र मणिपूरसमाश्रिताः ।। तत्राभिषेकं कुर्वीत पंचकालोषितो नरः

paṃca dhārāḥ patantyatra maṇipūrasamāśritāḥ || tatrābhiṣekaṃ kurvīta paṃcakāloṣito naraḥ

Sanskrit only: no published translation is held for this verse.

दशवर्षसहस्राणि स्वर्गलोके स मोदते ।। अथात्र मुंचते प्राणाँल्लोभमोहविवर्जितः

daśavarṣasahasrāṇi svargaloke sa modate || athātra muṃcate prāṇā~llobhamohavivarjitaḥ

Sanskrit only: no published translation is held for this verse.

सर्वान्स्वर्गान्समुत्सृज्य मम लोकं स गच्छति।। तत्राश्चर्यं प्रवक्ष्यामि कथ्यमानं शृणुष्व मे

sarvānsvargānsamutsṛjya mama lokaṃ sa gacchati|| tatrāścaryaṃ pravakṣyāmi kathyamānaṃ śṛṇuṣva me

Sanskrit only: no published translation is held for this verse.

अन्यथैतन्न पश्यन्ति मम कर्मपरायणाः ।। चतुर्विंशतिद्वादश्यामर्द्धरात्रे यशस्विनि

anyathaitanna paśyanti mama karmaparāyaṇāḥ || caturviṃśatidvādaśyāmarddharātre yaśasvini

Sanskrit only: no published translation is held for this verse.

श्रूयते तत्र निर्घोषो मनःकर्णसुखावहः ।। सुगन्धो वहते वायुर्बहुमाल्यसमन्वितः

śrūyate tatra nirghoṣo manaḥkarṇasukhāvahaḥ || sugandho vahate vāyurbahumālyasamanvitaḥ

Sanskrit only: no published translation is held for this verse.

दुर्ल्लभः पापिनां चैव सुलभः पुण्यकर्मिणाम्।। तस्य चोत्तरपार्श्वेन अशोकश्च महाद्रुमः

durllabhaḥ pāpināṃ caiva sulabhaḥ puṇyakarmiṇām|| tasya cottarapārśvena aśokaśca mahādrumaḥ

Sanskrit only: no published translation is held for this verse.

पुष्प्यते सोऽथ तत्रापि सूर्ये चाभ्युदिते सति ।। ये तत्र लभते पुष्पं मम मार्गानुसारिणः

puṣpyate so'tha tatrāpi sūrye cābhyudite sati || ye tatra labhate puṣpaṃ mama mārgānusāriṇaḥ

Sanskrit only: no published translation is held for this verse.

ते लभन्ते परां सिद्धिं एवं भूमे न संशयः ।। अस्ति रैवतकं नाम तस्मिन् क्षेत्रे परं मम

te labhante parāṃ siddhiṃ evaṃ bhūme na saṃśayaḥ || asti raivatakaṃ nāma tasmin kṣetre paraṃ mama

Sanskrit only: no published translation is held for this verse.

सर्वलोकेषु विख्यातं यत्र विक्रीडितं मया ।। बहुगुल्मलताकीर्णं बहुपुष्पैश्च शोभितम्

sarvalokeṣu vikhyātaṃ yatra vikrīḍitaṃ mayā || bahugulmalatākīrṇaṃ bahupuṣpaiśca śobhitam

Sanskrit only: no published translation is held for this verse.

बहुवर्णशिलापङ्क्तिर्गुहाश्चापि दिशो दश ।। वाप्यश्च कन्दराश्चैव देवानामपि दुर्ल्लभाः

bahuvarṇaśilāpaṅktirguhāścāpi diśo daśa || vāpyaśca kandarāścaiva devānāmapi durllabhāḥ

Sanskrit only: no published translation is held for this verse.

तत्राभिषेकं कुर्वीत षष्ठकालोषितो नरः ।। गच्छेत्तु सोमलोकं तु कृतकृत्यो न संशयः

tatrābhiṣekaṃ kurvīta ṣaṣṭhakāloṣito naraḥ || gacchettu somalokaṃ tu kṛtakṛtyo na saṃśayaḥ

Sanskrit only: no published translation is held for this verse.

अथात्र मुंचते प्राणान्मम कर्मसु निष्ठितः ।। सोमलोकं समुत्सृज्य मम लोकं प्रपद्यते

athātra muṃcate prāṇānmama karmasu niṣṭhitaḥ || somalokaṃ samutsṛjya mama lokaṃ prapadyate

Sanskrit only: no published translation is held for this verse.

तत्राश्चर्यं महाभागे कथ्यमानं मया शृणु ।। पश्यन्ति मनुजाः सर्वे धर्मकामा न संशयः

tatrāścaryaṃ mahābhāge kathyamānaṃ mayā śṛṇu || paśyanti manujāḥ sarve dharmakāmā na saṃśayaḥ

Sanskrit only: no published translation is held for this verse.

पतन्ति सर्ववृक्षाणां पत्राणि सुबहून्यपि ।। एकं चापि न दृश्येत प्रसन्नं याति तज्जलम्

patanti sarvavṛkṣāṇāṃ patrāṇi subahūnyapi || ekaṃ cāpi na dṛśyeta prasannaṃ yāti tajjalam

Sanskrit only: no published translation is held for this verse.

स च पूर्वेण पार्श्वेन शोभते वै महाद्रुमः ।। अपरो मम पार्श्वेन देवानामपि दुर्ल्लभः

sa ca pūrveṇa pārśvena śobhate vai mahādrumaḥ || aparo mama pārśvena devānāmapi durllabhaḥ

Sanskrit only: no published translation is held for this verse.

पंचक्रोशसुविस्तारः शोभते वै महाद्रुमः ।। पद्मैश्चैवोत्पलैश्छन्नं सुगन्धिकुसुमैः सह

paṃcakrośasuvistāraḥ śobhate vai mahādrumaḥ || padmaiścaivotpalaiśchannaṃ sugandhikusumaiḥ saha

Sanskrit only: no published translation is held for this verse.

बहुमत्स्यजलाकीर्णं सर्वतस्तु फलान्वितम्।। शिलातलागुहाच्छन्नं सुगन्धिकुसुमैः सह

bahumatsyajalākīrṇaṃ sarvatastu phalānvitam|| śilātalāguhācchannaṃ sugandhikusumaiḥ saha

Sanskrit only: no published translation is held for this verse.

तत्राभिषेकं कुर्वीत अष्टभक्तोषितो नरः ।। मोदते नन्दने दिव्ये अप्सरोभिः समन्विते

tatrābhiṣekaṃ kurvīta aṣṭabhaktoṣito naraḥ || modate nandane divye apsarobhiḥ samanvite

Sanskrit only: no published translation is held for this verse.

अत्राश्चर्यं महाभागे कथ्यमानं मया शृणु ।। पश्यन्ति मनुजाः सर्वे धर्मकामा न संशयः

atrāścaryaṃ mahābhāge kathyamānaṃ mayā śṛṇu || paśyanti manujāḥ sarve dharmakāmā na saṃśayaḥ

Sanskrit only: no published translation is held for this verse.

मध्याह्ने च पुनः पूर्णश्चार्द्धरात्रे समो वहेत्।। वर्द्धते क्षीयते चैव यथैव च महोदधिः

madhyāhne ca punaḥ pūrṇaścārddharātre samo vahet|| varddhate kṣīyate caiva yathaiva ca mahodadhiḥ

Sanskrit only: no published translation is held for this verse.

तस्य पश्चिमपार्श्वे तु बिल्वश्चैव महाद्रुमः ।। चतुर्विंशतिद्वादश्यां स पुष्यति च निष्कलम्

tasya paścimapārśve tu bilvaścaiva mahādrumaḥ || caturviṃśatidvādaśyāṃ sa puṣyati ca niṣkalam

Sanskrit only: no published translation is held for this verse.

पश्येत्तु शुभकर्मा च पापकर्मा न पश्यति ।। दृश्यते च महाभागे अस्तमेते दिवाकरे

paśyettu śubhakarmā ca pāpakarmā na paśyati || dṛśyate ca mahābhāge astamete divākare

Sanskrit only: no published translation is held for this verse.

यस्तत्र लभते पुष्पं मम मार्गानुसारकः ।। स लभेत परां सिद्धिमेवं भूमे न संशयः

yastatra labhate puṣpaṃ mama mārgānusārakaḥ || sa labheta parāṃ siddhimevaṃ bhūme na saṃśayaḥ

Sanskrit only: no published translation is held for this verse.

विष्णुसंक्रमणं नाम तस्मिन्क्षेत्रे परे मम ।। विद्धोऽस्मि यत्र व्याधेन स्वमूर्त्तिं चास्थितः पुनः

viṣṇusaṃkramaṇaṃ nāma tasminkṣetre pare mama || viddho'smi yatra vyādhena svamūrttiṃ cāsthitaḥ punaḥ

Sanskrit only: no published translation is held for this verse.

तत्र कुंडं महाभागे मणिपूरगिरा श्रुतम् ।। धारा चैका पतत्यत्र लाभालाभविवर्जितः

tatra kuṃḍaṃ mahābhāge maṇipūragirā śrutam || dhārā caikā patatyatra lābhālābhavivarjitaḥ

Sanskrit only: no published translation is held for this verse.

सूर्यलोकं समुत्सृज्य मम लोके महीयते ।। तत्राश्चर्यं प्रवक्ष्यामि विष्णुं शत्रुगणेश्वरम्

sūryalokaṃ samutsṛjya mama loke mahīyate || tatrāścaryaṃ pravakṣyāmi viṣṇuṃ śatrugaṇeśvaram

Sanskrit only: no published translation is held for this verse.

पापिनां यस्तु दुर्दर्शः सुदृश्यः पुण्यचारिणाम् ।। तस्य दक्षिणपार्श्वेन अश्वत्थो वै महाद्रुमः

pāpināṃ yastu durdarśaḥ sudṛśyaḥ puṇyacāriṇām || tasya dakṣiṇapārśvena aśvattho vai mahādrumaḥ

Sanskrit only: no published translation is held for this verse.

चतुर्विंशतिद्वादश्यां मध्याह्ने तु दिवाकरे ।। फलते स यथान्यायं सर्वभागवतप्रियम्

caturviṃśatidvādaśyāṃ madhyāhne tu divākare || phalate sa yathānyāyaṃ sarvabhāgavatapriyam

Sanskrit only: no published translation is held for this verse.

उच्चश्चैव विशालश्च मनोज्ञश्चैव शीतलः ।। ये लभंते फलं तत्र मम मार्गानुसारिणः

uccaścaiva viśālaśca manojñaścaiva śītalaḥ || ye labhaṃte phalaṃ tatra mama mārgānusāriṇaḥ

Sanskrit only: no published translation is held for this verse.

ते लभन्ते परां सिद्धिमेवमेतन्न संशयः ।। तस्मिन् क्षेत्रे महाभागे तिष्ठामि चोत्तरामुखः

te labhante parāṃ siddhimevametanna saṃśayaḥ || tasmin kṣetre mahābhāge tiṣṭhāmi cottarāmukhaḥ

Sanskrit only: no published translation is held for this verse.

सर्वभागवतप्रीतिं समुद्रतटमाश्रितः ।। अहं रामेण सहितः सा चाप्येकादशी शुभा

sarvabhāgavataprītiṃ samudrataṭamāśritaḥ || ahaṃ rāmeṇa sahitaḥ sā cāpyekādaśī śubhā

Sanskrit only: no published translation is held for this verse.

त्रयस्तत्रैव तिष्ठामो द्वारकायां यशस्विनि ।। तस्मिन् क्षेत्रे महाभागे त्रयो मोदामहे वयम्

trayastatraiva tiṣṭhāmo dvārakāyāṃ yaśasvini || tasmin kṣetre mahābhāge trayo modāmahe vayam

Sanskrit only: no published translation is held for this verse.

त्रिंशद्योजनविस्तारः सर्वतस्तु दिशो दश ।। तत्र गत्वा वरारोहे ये मां द्रक्ष्यन्ति भक्तितः

triṃśadyojanavistāraḥ sarvatastu diśo daśa || tatra gatvā varārohe ye māṃ drakṣyanti bhaktitaḥ

Sanskrit only: no published translation is held for this verse.

अदीर्घेणैव कालेन प्राप्नुवंति परां गतिम् ।। आख्यानानां महाख्यानं शान्तीनां शान्तिरुत्तमा

adīrgheṇaiva kālena prāpnuvaṃti parāṃ gatim || ākhyānānāṃ mahākhyānaṃ śāntīnāṃ śāntiruttamā

Sanskrit only: no published translation is held for this verse.

धर्माणां परमो धर्मो द्युतीनां परमा द्युतिः ।। लाभानां परमो लाभः क्रियाणां परमा क्रिया

dharmāṇāṃ paramo dharmo dyutīnāṃ paramā dyutiḥ || lābhānāṃ paramo lābhaḥ kriyāṇāṃ paramā kriyā

Sanskrit only: no published translation is held for this verse.

यदीच्छेत्परमां सिद्धिं मम लोकं स गच्छति ।। य एतत्पठते भद्रे कल्यमुत्थाय मानवः

yadīcchetparamāṃ siddhiṃ mama lokaṃ sa gacchati || ya etatpaṭhate bhadre kalyamutthāya mānavaḥ

Sanskrit only: no published translation is held for this verse.

सकुल्यास्तारितास्तेन सप्त सप्त च सप्त च।। एतत्ते कथितं भद्रे द्वारकायाः सुनिश्चयम्

sakulyāstāritāstena sapta sapta ca sapta ca|| etatte kathitaṃ bhadre dvārakāyāḥ suniścayam

Sanskrit only: no published translation is held for this verse.

उचितेनोपचारेण किमन्यत्परिपृच्छति

ucitenopacāreṇa kimanyatparipṛcchati

Sanskrit only: no published translation is held for this verse.

श्रुतीनां परमं श्रेष्ठं तपसा च परं तपः ।। एतन्मरणकालेऽपि मा कदाचित्तु विस्मरेत्

śrutīnāṃ paramaṃ śreṣṭhaṃ tapasā ca paraṃ tapaḥ || etanmaraṇakāle'pi mā kadācittu vismaret

Sanskrit only: no published translation is held for this verse.

इति श्रीवराहपुराणे भगवच्छास्त्रे द्वारकामाहात्म्यं नामैकोनपंचाशदधिकशततमोऽध्यायः

iti śrīvarāhapurāṇe bhagavacchāstre dvārakāmāhātmyaṃ nāmaikonapaṃcāśadadhikaśatatamo'dhyāyaḥ

Sanskrit only: no published translation is held for this verse.