Varāha Purāṇa 151

अथ लोहार्गलमाहात्म्यम् ।। सूत उवाच ।। सानन्दूरस्य माहात्म्यमेतच्छ्रुत्वा वसुन्धरा ।। कृताञ्जलिपुटा भूत्वा वराहं पुनरब्रवीत्

atha lohārgalamāhātmyam || sūta uvāca || sānandūrasya māhātmyametacchrutvā vasundharā || kṛtāñjalipuṭā bhūtvā varāhaṃ punarabravīt

Sanskrit only: no published translation is held for this verse.

धरण्युवाच ।। श्रुतमेतज्जगन्नाथ विष्णो गुह्यमनुत्तमम् ।। यच्छ्रुत्वा सुमहाभाग जाताऽस्मि विगतज्वरा

dharaṇyuvāca || śrutametajjagannātha viṣṇo guhyamanuttamam || yacchrutvā sumahābhāga jātā'smi vigatajvarā

Sanskrit only: no published translation is held for this verse.

अपरं वाऽस्ति चेत्किंचिद्गुह्यं क्षेत्रं शुभावहम् ।। सानन्दूरात्परं गुह्यं क्षेत्रमस्ति न वा परम्

aparaṃ vā'sti cetkiṃcidguhyaṃ kṣetraṃ śubhāvaham || sānandūrātparaṃ guhyaṃ kṣetramasti na vā param

Sanskrit only: no published translation is held for this verse.

सुरकरण नृसिंह लोकनाथ युतससुरसुरधीर देववीर ।। कमलदलसहस्रनेत्र रूपो जयति कृतान्तसमानकालरूपः

surakaraṇa nṛsiṃha lokanātha yutasasurasuradhīra devavīra || kamaladalasahasranetra rūpo jayati kṛtāntasamānakālarūpaḥ

Sanskrit only: no published translation is held for this verse.

गद्गदं वचनं श्रुत्वा पृथिव्याः स जनार्दनः ।। उवाच मधुरं वाक्यं सर्वलोकार्त्तिहा हरिः

gadgadaṃ vacanaṃ śrutvā pṛthivyāḥ sa janārdanaḥ || uvāca madhuraṃ vākyaṃ sarvalokārttihā hariḥ

Sanskrit only: no published translation is held for this verse.

श्रीवराह उवाच ।। शृणु देवि च तत्त्वेन यन्मां त्वं परिपृच्छसि ।। गुह्यमन्यत्प्रवक्ष्यामि मद्व्रतः कर्मणो जनिः

śrīvarāha uvāca || śṛṇu devi ca tattvena yanmāṃ tvaṃ paripṛcchasi || guhyamanyatpravakṣyāmi madvrataḥ karmaṇo janiḥ

Sanskrit only: no published translation is held for this verse.

ततः सिद्धवटे गत्वा त्रिंशद्योजनदूरतः ।। म्लेच्छमध्ये वरारोहे हिमवन्तं समाश्रितम्

tataḥ siddhavaṭe gatvā triṃśadyojanadūrataḥ || mlecchamadhye varārohe himavantaṃ samāśritam

Sanskrit only: no published translation is held for this verse.

तत्र लोहार्गले क्षेत्रे निवासो विहितः शुभः ।। गुह्यं पंचदशायामं समन्तात्पञ्चयोजनम्

tatra lohārgale kṣetre nivāso vihitaḥ śubhaḥ || guhyaṃ paṃcadaśāyāmaṃ samantātpañcayojanam

Sanskrit only: no published translation is held for this verse.

दुर्गमं दुःसहं चैव पापैः सर्वत्र वेष्टितम् ।। सुलभं पुण्ययुक्तानां मम चिन्तानुसारिणाम्

durgamaṃ duḥsahaṃ caiva pāpaiḥ sarvatra veṣṭitam || sulabhaṃ puṇyayuktānāṃ mama cintānusāriṇām

Sanskrit only: no published translation is held for this verse.

तत्र तिष्ठाम्यहं भद्रे उदीचीं दिशमाश्रितः ।। हिरण्यप्रतिमां कृत्वा जातरूपां न संशयः

tatra tiṣṭhāmyahaṃ bhadre udīcīṃ diśamāśritaḥ || hiraṇyapratimāṃ kṛtvā jātarūpāṃ na saṃśayaḥ

Sanskrit only: no published translation is held for this verse.

ततो मे दानवाः सर्वे क्रमन्तो लोकमुत्तमम् ।। मया चैवान्तरं कृत्वा कृत्वा मायां च वैष्णवीम्

tato me dānavāḥ sarve kramanto lokamuttamam || mayā caivāntaraṃ kṛtvā kṛtvā māyāṃ ca vaiṣṇavīm

Sanskrit only: no published translation is held for this verse.

तत्र ब्रह्मा च रुद्राश्च स्कन्देन्द्रो समुरुद्गणाः ।। आदित्या वसवो वायुरश्विनौ च महौजसम्

tatra brahmā ca rudrāśca skandendro samurudgaṇāḥ || ādityā vasavo vāyuraśvinau ca mahaujasam

Sanskrit only: no published translation is held for this verse.

सोमो बृहस्पतिश्चैव ये चान्ये वै दिवौकसः ।। तेषां चैवार्गलं दत्त्वा चक्रं गृह्य महौजसम्

somo bṛhaspatiścaiva ye cānye vai divaukasaḥ || teṣāṃ caivārgalaṃ dattvā cakraṃ gṛhya mahaujasam

Sanskrit only: no published translation is held for this verse.

शतकोटिसहस्राणि शीघ्रमेव निपातितम् ।। ततश्च देवताः सर्वास्तुष्यमाणा इतस्ततः

śatakoṭisahasrāṇi śīghrameva nipātitam || tataśca devatāḥ sarvāstuṣyamāṇā itastataḥ

Sanskrit only: no published translation is held for this verse.

एवं लोहार्गलं नाम क्षेत्रं चैव मया कृतम् ।। ततो देवासुरे युद्धे हत्वा त्रिदशकण्टकान्

evaṃ lohārgalaṃ nāma kṣetraṃ caiva mayā kṛtam || tato devāsure yuddhe hatvā tridaśakaṇṭakān

Sanskrit only: no published translation is held for this verse.

तेषां संस्थापनं तत्र कृतं चैव महौजसाम् ।। यो मां पश्यति तत्रस्थं प्रयत्नेन कदाचन

teṣāṃ saṃsthāpanaṃ tatra kṛtaṃ caiva mahaujasām || yo māṃ paśyati tatrasthaṃ prayatnena kadācana

Sanskrit only: no published translation is held for this verse.

सोपि भागवतो भूमे भवत्येव सुनिष्ठितः ।। तस्मिन्कुण्डे तु सुश्रोणि यः स्नाति नियतो नरः

sopi bhāgavato bhūme bhavatyeva suniṣṭhitaḥ || tasminkuṇḍe tu suśroṇi yaḥ snāti niyato naraḥ

Sanskrit only: no published translation is held for this verse.

उपोष्य च त्रिरात्रं तु विधिदृष्टेन कर्मणा ।। ततः स्वर्गसहस्रेषु मोदते नात्र संशयः

upoṣya ca trirātraṃ tu vidhidṛṣṭena karmaṇā || tataḥ svargasahasreṣu modate nātra saṃśayaḥ

Sanskrit only: no published translation is held for this verse.

अथात्र मुंचते प्राणान्स्वकर्मपरिनिष्ठितः ।। सर्वान्स्वर्गान्परित्यज्य मम लोकं प्रपद्यते

athātra muṃcate prāṇānsvakarmapariniṣṭhitaḥ || sarvānsvargānparityajya mama lokaṃ prapadyate

Sanskrit only: no published translation is held for this verse.

अन्यच्च ते प्रवक्ष्यामि यत्र तत्परमाद्भुतम् ।। लोकविस्मापनार्थाय मया तत्र च यत्कृतम्

anyacca te pravakṣyāmi yatra tatparamādbhutam || lokavismāpanārthāya mayā tatra ca yatkṛtam

Sanskrit only: no published translation is held for this verse.

चतुर्विंशतिद्वादश्यां मासेन विधिना मम ।। बलिः प्रदीयते तत्र सर्वकामविशोधनः

caturviṃśatidvādaśyāṃ māsena vidhinā mama || baliḥ pradīyate tatra sarvakāmaviśodhanaḥ

Sanskrit only: no published translation is held for this verse.

अश्वो मे कल्पितस्तत्र सर्वरत्नविभूषितः ।। श्वेतः कुमुदवर्णाभः शङ्खकुन्दसमप्रभः

aśvo me kalpitastatra sarvaratnavibhūṣitaḥ || śvetaḥ kumudavarṇābhaḥ śaṅkhakundasamaprabhaḥ

Sanskrit only: no published translation is held for this verse.

मार्गणा मे धनुस्तत्र अक्षसूत्रं कमण्डलुः ।। आसनं विततं दिव्यं दीयतेऽश्वोपरि स्थिरम्

mārgaṇā me dhanustatra akṣasūtraṃ kamaṇḍaluḥ || āsanaṃ vitataṃ divyaṃ dīyate'śvopari sthiram

Sanskrit only: no published translation is held for this verse.

श्वेतपर्वतमारुह्य पतमानः कुरून्बहून् ।। पतितस्तत्र दृश्येत क्षतं तत्र न दृश्यते

śvetaparvatamāruhya patamānaḥ kurūnbahūn || patitastatra dṛśyeta kṣataṃ tatra na dṛśyate

Sanskrit only: no published translation is held for this verse.

अनेकान्येव रूपाणि पातयित्वा नभस्तलात् ।। शान्तो दान्तः परिक्लिष्टः स चाश्वो दिवि वर्त्तते

anekānyeva rūpāṇi pātayitvā nabhastalāt || śānto dāntaḥ parikliṣṭaḥ sa cāśvo divi varttate

Sanskrit only: no published translation is held for this verse.

सूत उवाच ।। ततो भूम्या वचः श्रुत्वा ब्रह्मपुत्रो महामुनिः ।। विस्मयं परमं प्राप्तो विष्णुमायोपबृंहितः

sūta uvāca || tato bhūmyā vacaḥ śrutvā brahmaputro mahāmuniḥ || vismayaṃ paramaṃ prāpto viṣṇumāyopabṛṃhitaḥ

Sanskrit only: no published translation is held for this verse.

ततः स विस्मयाविष्टो ब्रह्मपुत्रो महामतिः ।। सनत्कुमारो भगवान्पुनरेवमभाषत

tataḥ sa vismayāviṣṭo brahmaputro mahāmatiḥ || sanatkumāro bhagavānpunarevamabhāṣata

Sanskrit only: no published translation is held for this verse.

सनत्कुमार उवाच ।। धन्यासि देवि सुश्रोणि सुपुण्यासि वरानने ।। देवि यल्लोकनाथस्य साक्षाद्दर्शनमागता

sanatkumāra uvāca || dhanyāsi devi suśroṇi supuṇyāsi varānane || devi yallokanāthasya sākṣāddarśanamāgatā

Sanskrit only: no published translation is held for this verse.

पद्मपत्रविशालाक्षो यत्त्वया परिभाषितः ।। तेनोक्तं शंस सकलं सर्वेषां सुखवर्द्धनम्

padmapatraviśālākṣo yattvayā paribhāṣitaḥ || tenoktaṃ śaṃsa sakalaṃ sarveṣāṃ sukhavarddhanam

Sanskrit only: no published translation is held for this verse.

यथा यथा वदसि च धर्मसंहितं गुह्यं परं देववरप्रणीतम् ।। गुणोत्तमं कारणसम्प्रयुक्तं तथा तथा भावयसे मनो मम

yathā yathā vadasi ca dharmasaṃhitaṃ guhyaṃ paraṃ devavarapraṇītam || guṇottamaṃ kāraṇasamprayuktaṃ tathā tathā bhāvayase mano mama

Sanskrit only: no published translation is held for this verse.

ततः स पुण्डरीकाक्षः किमाचष्ट ततः परम् ।। कर्मणा विधिदृष्टेन सर्वभागवतप्रियः

tataḥ sa puṇḍarīkākṣaḥ kimācaṣṭa tataḥ param || karmaṇā vidhidṛṣṭena sarvabhāgavatapriyaḥ

Sanskrit only: no published translation is held for this verse.

( सूतउवाच) ।। तस्य तद्वचनं श्रुत्वा कुमारस्य महौजसः ।। उवाच मधुरं वाक्यमाभाष्य ब्रह्मणः सुतम्

( sūtauvāca) || tasya tadvacanaṃ śrutvā kumārasya mahaujasaḥ || uvāca madhuraṃ vākyamābhāṣya brahmaṇaḥ sutam

Sanskrit only: no published translation is held for this verse.

शृणु वत्स जगन्नाथो यथा मामाह चोदितः ।। श्रीवराह उवाच ।। एवं तत्रैव कर्माणि क्रियन्ते विधिपूर्वकम्

śṛṇu vatsa jagannātho yathā māmāha coditaḥ || śrīvarāha uvāca || evaṃ tatraiva karmāṇi kriyante vidhipūrvakam

Sanskrit only: no published translation is held for this verse.

शोधकानि च पापानां मृदूनि च शुभानि च ।। अश्वानां तत्कुलीनानामावहन्ति सुमध्यमे

śodhakāni ca pāpānāṃ mṛdūni ca śubhāni ca || aśvānāṃ tatkulīnānāmāvahanti sumadhyame

Sanskrit only: no published translation is held for this verse.

नान्यं वहन्ति ते चाश्वा मम वाहा दुरत्ययाः।। कुण्डं पंचसरो नाम गुह्यं क्षेत्रं परं मम

nānyaṃ vahanti te cāśvā mama vāhā duratyayāḥ|| kuṇḍaṃ paṃcasaro nāma guhyaṃ kṣetraṃ paraṃ mama

Sanskrit only: no published translation is held for this verse.

चतुर्धाराः पतन्त्यत्र शङ्खवर्णा मनोजवाः ।। तत्र स्नानं तु कुर्वीत चतुर्भक्तोषितो नरः

caturdhārāḥ patantyatra śaṅkhavarṇā manojavāḥ || tatra snānaṃ tu kurvīta caturbhaktoṣito naraḥ

Sanskrit only: no published translation is held for this verse.

लोकं चैत्राङ्गदं गत्वा गन्धर्वैः सह मोदते ।। अथ चेन्मुञ्चते प्राणांस्तस्मिन्क्षेत्रे परे मम

lokaṃ caitrāṅgadaṃ gatvā gandharvaiḥ saha modate || atha cenmuñcate prāṇāṃstasminkṣetre pare mama

Sanskrit only: no published translation is held for this verse.

गन्धर्वलोकमुत्सृज्य मम लोकं स गच्छति ।। ततो नारदकुण्डे तु मम क्षेत्रे परे महत्

gandharvalokamutsṛjya mama lokaṃ sa gacchati || tato nāradakuṇḍe tu mama kṣetre pare mahat

Sanskrit only: no published translation is held for this verse.

पंच धाराः पतन्त्यत्र तालवृक्षसमोपमाः ।। तत्र स्नानं तु कुर्वीत एकभक्तोषितो नरः

paṃca dhārāḥ patantyatra tālavṛkṣasamopamāḥ || tatra snānaṃ tu kurvīta ekabhaktoṣito naraḥ

Sanskrit only: no published translation is held for this verse.

देवर्षिनारदं पश्येन्मोदते तेन वै समम् ।। अथात्र मुंचते प्राणान्मम गुह्यविनिश्चितः

devarṣināradaṃ paśyenmodate tena vai samam || athātra muṃcate prāṇānmama guhyaviniścitaḥ

Sanskrit only: no published translation is held for this verse.

प्रमुच्य नारदं द्विव्यं ममलोकं च गच्छति ।। ततो वसिष्ठकुण्डं तु तस्मिन्क्षेत्रं परं मम

pramucya nāradaṃ dvivyaṃ mamalokaṃ ca gacchati || tato vasiṣṭhakuṇḍaṃ tu tasminkṣetraṃ paraṃ mama

Sanskrit only: no published translation is held for this verse.

धाराः पतन्ति तिस्रस्तु न स्थूला नाति वै कृशाः ।। तत्राभिषेकं कुर्वीत पंच कालोषितो नरः

dhārāḥ patanti tisrastu na sthūlā nāti vai kṛśāḥ || tatrābhiṣekaṃ kurvīta paṃca kāloṣito naraḥ

Sanskrit only: no published translation is held for this verse.

वासिष्ठं लोकमासाद्य मोदते नात्र संशयः ।। अथात्र मुंचते प्राणान्मम कर्मसु निष्ठितः।

vāsiṣṭhaṃ lokamāsādya modate nātra saṃśayaḥ || athātra muṃcate prāṇānmama karmasu niṣṭhitaḥ|

Sanskrit only: no published translation is held for this verse.

वासिष्ठं लोकमुत्सृज्य मम लोकं प्रपद्यते ।। पंचकुण्डेति विख्यातं तस्मिन्क्षेत्रे परं मम

vāsiṣṭhaṃ lokamutsṛjya mama lokaṃ prapadyate || paṃcakuṇḍeti vikhyātaṃ tasminkṣetre paraṃ mama

Sanskrit only: no published translation is held for this verse.

पंच धाराः पतन्त्यत्र हिमकूटविनिःसृताः ।। तत्राभिषेकं कुर्वीत पंचकालोषितो नरः

paṃca dhārāḥ patantyatra himakūṭaviniḥsṛtāḥ || tatrābhiṣekaṃ kurvīta paṃcakāloṣito naraḥ

Sanskrit only: no published translation is held for this verse.

स तत्र गच्छेद्वै भूमे यत्र पंचशिखो मुनिः ।। अथात्र मुंचते प्राणान्मम भक्तो जितेन्द्रियः

sa tatra gacchedvai bhūme yatra paṃcaśikho muniḥ || athātra muṃcate prāṇānmama bhakto jitendriyaḥ

Sanskrit only: no published translation is held for this verse.

पंचचूडं समुत्सृज्य स याति परमां गतिम् ।। सप्तर्षिकुण्डं विख्यातमस्मिन्क्षेत्रे परं मम

paṃcacūḍaṃ samutsṛjya sa yāti paramāṃ gatim || saptarṣikuṇḍaṃ vikhyātamasminkṣetre paraṃ mama

Sanskrit only: no published translation is held for this verse.

सप्त धाराः पतन्त्यत्र हिमवत्पर्वतस्थिताः ।। तत्राभिषेकं कुर्वीत सप्तभक्तोषितो नरः

sapta dhārāḥ patantyatra himavatparvatasthitāḥ || tatrābhiṣekaṃ kurvīta saptabhaktoṣito naraḥ

Sanskrit only: no published translation is held for this verse.

मोदते ऋषिलोकेषु ऋषिकन्याभिसंवृतः ।। अथात्र मुंचते प्राणान्रागलोभविवर्जितः

modate ṛṣilokeṣu ṛṣikanyābhisaṃvṛtaḥ || athātra muṃcate prāṇānrāgalobhavivarjitaḥ

Sanskrit only: no published translation is held for this verse.

सप्तर्षीन्स समुत्सृज्य मोदते मम संस्थितः ।। शरभङ्गस्य कुण्डं वै क्षेत्रे गुह्यं परे मम

saptarṣīnsa samutsṛjya modate mama saṃsthitaḥ || śarabhaṅgasya kuṇḍaṃ vai kṣetre guhyaṃ pare mama

Sanskrit only: no published translation is held for this verse.

तत्र धारा पतत्येका शरभङ्गश्रिता नदी ।। स्नानं यस्तत्र कुर्वीत षष्ठभक्तोषितो नरः

tatra dhārā patatyekā śarabhaṅgaśritā nadī || snānaṃ yastatra kurvīta ṣaṣṭhabhaktoṣito naraḥ

Sanskrit only: no published translation is held for this verse.

मोदते तस्य लोकेषु ऋषिकन्याप्रमोदितः ।। अथात्र मुंचते प्राणान्सर्वसङ्गविवज्जितः

modate tasya lokeṣu ṛṣikanyāpramoditaḥ || athātra muṃcate prāṇānsarvasaṅgavivajjitaḥ

Sanskrit only: no published translation is held for this verse.

शरभङ्गं समुत्सृज्य मम लोके महीयते ।। कुण्डमग्निसरो नाम सर्वमायाभिसंवृतम्

śarabhaṅgaṃ samutsṛjya mama loke mahīyate || kuṇḍamagnisaro nāma sarvamāyābhisaṃvṛtam

Sanskrit only: no published translation is held for this verse.

भूमिं नीत्वा जलं तत्र तिष्ठत्येव वरानने ।। तत्र स्नानं प्रकुर्वीत चाष्टकालोषितो नरः

bhūmiṃ nītvā jalaṃ tatra tiṣṭhatyeva varānane || tatra snānaṃ prakurvīta cāṣṭakāloṣito naraḥ

Sanskrit only: no published translation is held for this verse.

गच्छत्यङ्गिरसो लोकं सुखभागी न संशयः ।। अथात्र मुंचते प्राणान्मम कर्मपरायणः

gacchatyaṅgiraso lokaṃ sukhabhāgī na saṃśayaḥ || athātra muṃcate prāṇānmama karmaparāyaṇaḥ

Sanskrit only: no published translation is held for this verse.

अग्निलोकं समुत्सृज्य मम लोकं स गच्छति ।। कुण्डं बृहस्पतेर्भूमे सर्ववेदोदकाश्रितम्

agnilokaṃ samutsṛjya mama lokaṃ sa gacchati || kuṇḍaṃ bṛhaspaterbhūme sarvavedodakāśritam

Sanskrit only: no published translation is held for this verse.

धारा चैका पतत्यत्र हिमकूटसमाश्रिता ।। तत्र स्नानं प्रकुर्वीत षष्ठकालोषितो नरः

dhārā caikā patatyatra himakūṭasamāśritā || tatra snānaṃ prakurvīta ṣaṣṭhakāloṣito naraḥ

Sanskrit only: no published translation is held for this verse.

गत्वा बृहस्पतेर्लोकं मुनिकन्याभिमोदितः ।। अथात्र मुंचते प्राणान्मम लोकं समाश्रितः

gatvā bṛhaspaterlokaṃ munikanyābhimoditaḥ || athātra muṃcate prāṇānmama lokaṃ samāśritaḥ

Sanskrit only: no published translation is held for this verse.

सोऽपि याति परां सिद्धिं समुत्सृज्य बृहस्पतिम् ।। वैश्वानरस्य कुण्डं तु गुह्यं क्षेत्रं परं मम्

so'pi yāti parāṃ siddhiṃ samutsṛjya bṛhaspatim || vaiśvānarasya kuṇḍaṃ tu guhyaṃ kṣetraṃ paraṃ mam

Sanskrit only: no published translation is held for this verse.

धारा चैका पतत्यत्र दृश्यते हिमसंश्रयात् ।। तत्राभिषेकं कुर्वीत षष्ठभक्तोषितो नरः

dhārā caikā patatyatra dṛśyate himasaṃśrayāt || tatrābhiṣekaṃ kurvīta ṣaṣṭhabhaktoṣito naraḥ

Sanskrit only: no published translation is held for this verse.

गत्वा बृहस्पतेर्लोकं मुनिकन्याभिमोहितः ।। वैश्वानरेषु लोकेषु मोदते नाऽत्र संशयः

gatvā bṛhaspaterlokaṃ munikanyābhimohitaḥ || vaiśvānareṣu lokeṣu modate nā'tra saṃśayaḥ

Sanskrit only: no published translation is held for this verse.

अथात्र मुंचते प्राणान्मम कर्मपरायणः ।। वैश्वानरं समुत्सृज्य मम लोकं स गच्छति

athātra muṃcate prāṇānmama karmaparāyaṇaḥ || vaiśvānaraṃ samutsṛjya mama lokaṃ sa gacchati

Sanskrit only: no published translation is held for this verse.

कार्त्तिकेयस्य कुण्डं तु गुह्यं क्षेत्रं परं मम ।। यत्र पंचदशा धाराः पतन्ति हिमपर्वतात्

kārttikeyasya kuṇḍaṃ tu guhyaṃ kṣetraṃ paraṃ mama || yatra paṃcadaśā dhārāḥ patanti himaparvatāt

Sanskrit only: no published translation is held for this verse.

तत्र स्नानं प्रकुर्वीत षष्ठकालोषितो नरः ।। कुमारं पश्यति व्यक्तं षण्मुखं शुभदर्शनम्

tatra snānaṃ prakurvīta ṣaṣṭhakāloṣito naraḥ || kumāraṃ paśyati vyaktaṃ ṣaṇmukhaṃ śubhadarśanam

Sanskrit only: no published translation is held for this verse.

अथात्र मुंचते प्राणान्कृत्वा चान्द्रायणं शुचिः ।। कार्त्तिकेयं समुत्सृज्य मोदते मम मण्डले

athātra muṃcate prāṇānkṛtvā cāndrāyaṇaṃ śuciḥ || kārttikeyaṃ samutsṛjya modate mama maṇḍale

Sanskrit only: no published translation is held for this verse.

उमाकुण्डमिति ख्यातं तस्मिन्क्षेत्रे परं मम ।। सा गौरी यत्र चोत्पन्ना महादेववराङ्गना

umākuṇḍamiti khyātaṃ tasminkṣetre paraṃ mama || sā gaurī yatra cotpannā mahādevavarāṅganā

Sanskrit only: no published translation is held for this verse.

तत्र स्नानं तु कुर्वीत दशरात्रोषितो नरः ।। गौरीं देवीं स पश्येत्तु तस्या लोके च मोदते

tatra snānaṃ tu kurvīta daśarātroṣito naraḥ || gaurīṃ devīṃ sa paśyettu tasyā loke ca modate

Sanskrit only: no published translation is held for this verse.

अथ प्राणान्प्रमुंचेत दशरात्रोषितो नरः ।। उमालोकं समुत्सृज्य मम लोकं प्रपद्यते

atha prāṇānpramuṃceta daśarātroṣito naraḥ || umālokaṃ samutsṛjya mama lokaṃ prapadyate

Sanskrit only: no published translation is held for this verse.

महेश्वरस्य वै कुण्डं यत्र चोद्वाहिता उमा ।। कादम्बैश्चक्रवाकैश्च हंससारससेवितम्

maheśvarasya vai kuṇḍaṃ yatra codvāhitā umā || kādambaiścakravākaiśca haṃsasārasasevitam

Sanskrit only: no published translation is held for this verse.

तिस्रो धाराः पतन्त्यत्र हिमवत्पर्वताश्रिताः ।। स्थूलाश्च रमणीयाश्च न ह्रस्वाश्चातिनिर्मलाः

tisro dhārāḥ patantyatra himavatparvatāśritāḥ || sthūlāśca ramaṇīyāśca na hrasvāścātinirmalāḥ

Sanskrit only: no published translation is held for this verse.

तत्र स्नानं तु कुर्वीत द्वादशाहोषितो नरः ।। मोदते रुद्रलोकेषु रुद्रकन्याभिरावृतः

tatra snānaṃ tu kurvīta dvādaśāhoṣito naraḥ || modate rudralokeṣu rudrakanyābhirāvṛtaḥ

Sanskrit only: no published translation is held for this verse.

अथात्र मुञ्चते प्राणान्कृत्वा कर्म सुदुष्करम् ।। रुद्रलोकं समुत्सृज्य मम लोकं च गच्छति

athātra muñcate prāṇānkṛtvā karma suduṣkaram || rudralokaṃ samutsṛjya mama lokaṃ ca gacchati

Sanskrit only: no published translation is held for this verse.

प्रख्यातं ब्रह्मकुण्डं तु वेदा यत्र समुत्थिताः ।। चतस्रो वेद धारास्तु पतन्ति च हिमालयात्

prakhyātaṃ brahmakuṇḍaṃ tu vedā yatra samutthitāḥ || catasro veda dhārāstu patanti ca himālayāt

Sanskrit only: no published translation is held for this verse.

ततः पूर्वेण पार्श्वेन समा धारा पतेच्छुभा ।। उच्चा च रमणीया च पाण्डरोदकशोभिता

tataḥ pūrveṇa pārśvena samā dhārā patecchubhā || uccā ca ramaṇīyā ca pāṇḍarodakaśobhitā

Sanskrit only: no published translation is held for this verse.

अथ पश्चिमपार्श्वेन यजुर्वेदेन संयुता ।। अथ दक्षिणपार्श्वेन चाथर्वणसमन्विता

atha paścimapārśvena yajurvedena saṃyutā || atha dakṣiṇapārśvena cātharvaṇasamanvitā

Sanskrit only: no published translation is held for this verse.

एका धारा पतत्यत्र इन्द्रगोपकसन्निभा ।। यस्तत्र कुरुते स्नानं सप्तरात्रोषितो नरः

ekā dhārā patatyatra indragopakasannibhā || yastatra kurute snānaṃ saptarātroṣito naraḥ

Sanskrit only: no published translation is held for this verse.

ब्रह्मलोकं समासाद्य ब्रह्मणा सह मोदते ।। अथात्र मुञ्चते प्राणानहङ्कारविवर्जितः

brahmalokaṃ samāsādya brahmaṇā saha modate || athātra muñcate prāṇānahaṅkāravivarjitaḥ

Sanskrit only: no published translation is held for this verse.

पुनरस्योत्तरे पार्श्वे सुवर्णसदृशोपमा ।। ऋग्वेदः पतते धारा प्रसन्ना विमलोदका

punarasyottare pārśve suvarṇasadṛśopamā || ṛgvedaḥ patate dhārā prasannā vimalodakā

Sanskrit only: no published translation is held for this verse.

सिद्धिकामेन मर्त्येन गन्तव्यं नात्र संशयः ।। समन्तात्पञ्चविंशति योजनानि वरानने

siddhikāmena martyena gantavyaṃ nātra saṃśayaḥ || samantātpañcaviṃśati yojanāni varānane

Sanskrit only: no published translation is held for this verse.

न तस्य कर्म विद्येत स एवमपि संस्थितः ।। आख्यानानां महाख्यानं धर्माणां धर्म उत्तमः

na tasya karma vidyeta sa evamapi saṃsthitaḥ || ākhyānānāṃ mahākhyānaṃ dharmāṇāṃ dharma uttamaḥ

Sanskrit only: no published translation is held for this verse.

पवित्राणां पवित्रं तु न देयं यस्य कस्यचित् ।। ये पठंति महाभागे स्थिताः शृण्वन्ति मत्पथे

pavitrāṇāṃ pavitraṃ tu na deyaṃ yasya kasyacit || ye paṭhaṃti mahābhāge sthitāḥ śṛṇvanti matpathe

Sanskrit only: no published translation is held for this verse.

तारितानि कुलानि स्युरुभयत्र दशापि च ।। एतन्मरणकाले तु न कदाचित्तु विस्मरेत्

tāritāni kulāni syurubhayatra daśāpi ca || etanmaraṇakāle tu na kadācittu vismaret

Sanskrit only: no published translation is held for this verse.

यदीच्छेत्परमां सिद्धिं सर्वसंसारमोक्षणीम् ।। एतत्ते कथितं भद्रे लोहार्गलमनुत्तमम्

yadīcchetparamāṃ siddhiṃ sarvasaṃsāramokṣaṇīm || etatte kathitaṃ bhadre lohārgalamanuttamam

Sanskrit only: no published translation is held for this verse.

माहात्म्यं पद्मपत्राक्षि गुह्यं यच्च महौजसम् ।। मङ्गल्यं च पवित्रं च मम भक्त सुखावहम्

māhātmyaṃ padmapatrākṣi guhyaṃ yacca mahaujasam || maṅgalyaṃ ca pavitraṃ ca mama bhakta sukhāvaham

Sanskrit only: no published translation is held for this verse.

इति श्रीवराहपुराणे भगवच्छास्त्रे लोहार्गलमाहात्म्यं नामैकपंचाशदधिकशततमोऽध्यायः

iti śrīvarāhapurāṇe bhagavacchāstre lohārgalamāhātmyaṃ nāmaikapaṃcāśadadhikaśatatamo'dhyāyaḥ

Sanskrit only: no published translation is held for this verse.