Varāha Purāṇa 152

अथ मथुरातीर्थ प्रशंसा ।। सूत उवाच ।। श्रुत्वा देवस्य माहात्म्यं लोहार्गलनिवासिनः ।। त्रैलोक्यनाथाधिपतेर्विस्मयं परमं गता

atha mathurātīrtha praśaṃsā || sūta uvāca || śrutvā devasya māhātmyaṃ lohārgalanivāsinaḥ || trailokyanāthādhipatervismayaṃ paramaṃ gatā

Sanskrit only: no published translation is held for this verse.

धरण्युवाच ।। पद्मपत्र विशालाक्ष लोकनाथ जगत्पते ।। त्वत्प्रसादाच्च देवेश श्रुतं शास्त्रं महौजसम्

dharaṇyuvāca || padmapatra viśālākṣa lokanātha jagatpate || tvatprasādācca deveśa śrutaṃ śāstraṃ mahaujasam

Sanskrit only: no published translation is held for this verse.

तव शिष्या च दासी च त्वामहं शरणङ्गता ।। जगद्धाता जगज्ज्योतिर्जगत्प्रभुरतन्द्रितः

tava śiṣyā ca dāsī ca tvāmahaṃ śaraṇaṅgatā || jagaddhātā jagajjyotirjagatprabhuratandritaḥ

Sanskrit only: no published translation is held for this verse.

तव सम्भावनाद्देव जातास्मि कनकोज्ज्वला ।। अलंकृता च शस्ता च सर्वशास्त्रेण मानद

tava sambhāvanāddeva jātāsmi kanakojjvalā || alaṃkṛtā ca śastā ca sarvaśāstreṇa mānada

Sanskrit only: no published translation is held for this verse.

जगद्धातुर्जगच्छास्त्रकृते न हि परिश्रमः ।। त्वय्यायत्तं जगत्सर्वं यच्च किंचित्प्रवर्त्तते

jagaddhāturjagacchāstrakṛte na hi pariśramaḥ || tvayyāyattaṃ jagatsarvaṃ yacca kiṃcitpravarttate

Sanskrit only: no published translation is held for this verse.

इति कृत्वा च मे देव त्वाह्लादो हृदि वर्त्तते ।। लोहार्गलात् परं श्रेष्ठं गुह्यं परमदुर्लभम्

iti kṛtvā ca me deva tvāhlādo hṛdi varttate || lohārgalāt paraṃ śreṣṭhaṃ guhyaṃ paramadurlabham

Sanskrit only: no published translation is held for this verse.

तीर्थं तद्वद कल्याणं तीर्थानामुत्तमोत्तमम् ।। यदस्ति दुर्लभं तीर्थं तत्त्वं कथय मे प्रभो

tīrthaṃ tadvada kalyāṇaṃ tīrthānāmuttamottamam || yadasti durlabhaṃ tīrthaṃ tattvaṃ kathaya me prabho

Sanskrit only: no published translation is held for this verse.

श्रीवराह उवाच ।। न विद्यते च पाताले नान्तरिक्षे न मानुषे ।। समानं मथुराया हि प्रियं मम वसुन्धरे

śrīvarāha uvāca || na vidyate ca pātāle nāntarikṣe na mānuṣe || samānaṃ mathurāyā hi priyaṃ mama vasundhare

Sanskrit only: no published translation is held for this verse.

सूत उवाच ।। तच्छ्रुत्वा वचनं तस्य प्रियं च वसुधा तदा ।। प्रणम्य शिरसा देवी वराहं पुनरब्रवीत्

sūta uvāca || tacchrutvā vacanaṃ tasya priyaṃ ca vasudhā tadā || praṇamya śirasā devī varāhaṃ punarabravīt

Sanskrit only: no published translation is held for this verse.

पृथिव्युवाच।। पुष्करं नैमिषं चैव पुरीं वाराणसीं तथा ।। एतान्हित्वा महाभाग मथुरां किं प्रशंसति

pṛthivyuvāca|| puṣkaraṃ naimiṣaṃ caiva purīṃ vārāṇasīṃ tathā || etānhitvā mahābhāga mathurāṃ kiṃ praśaṃsati

Sanskrit only: no published translation is held for this verse.

श्रीवराह उवाच ।। शृणु कार्त्स्न्येन वसुधे कथ्यमानं मयानघे ।। मथुरेति च विख्यातं तस्मान्नास्ति परं मम

śrīvarāha uvāca || śṛṇu kārtsnyena vasudhe kathyamānaṃ mayānaghe || mathureti ca vikhyātaṃ tasmānnāsti paraṃ mama

Sanskrit only: no published translation is held for this verse.

सा रम्या च सुशस्ता च जन्मभूमिस्तथा मम ।। शृणु देवि यथा स्तौमि मथुरां पापहारिणीम्

sā ramyā ca suśastā ca janmabhūmistathā mama || śṛṇu devi yathā staumi mathurāṃ pāpahāriṇīm

Sanskrit only: no published translation is held for this verse.

तत्र वासी नरो याति मोक्षं नास्त्यत्र संशयः ।। महामाघ्यां प्रयागे तु यत्फलं लभते नरः

tatra vāsī naro yāti mokṣaṃ nāstyatra saṃśayaḥ || mahāmāghyāṃ prayāge tu yatphalaṃ labhate naraḥ

Sanskrit only: no published translation is held for this verse.

तत्फलं लभते देवि मथुरायां दिने दिने ।। पूर्णे वर्ष सहस्रं तु वाराणस्यां तु यत्फलम्

tatphalaṃ labhate devi mathurāyāṃ dine dine || pūrṇe varṣa sahasraṃ tu vārāṇasyāṃ tu yatphalam

Sanskrit only: no published translation is held for this verse.

तत्फलं लभते देवि मथुरायां क्षणेन हि ।। कार्त्तिक्यां चैव यत्पुण्यं पुष्करे तु वसुन्धरे

tatphalaṃ labhate devi mathurāyāṃ kṣaṇena hi || kārttikyāṃ caiva yatpuṇyaṃ puṣkare tu vasundhare

Sanskrit only: no published translation is held for this verse.

तत्फलं लभते देवि मथुरायां जितेन्द्रियः ।। मथुरां तु परित्यज्य योऽन्यत्र कुरुते रतिम्

tatphalaṃ labhate devi mathurāyāṃ jitendriyaḥ || mathurāṃ tu parityajya yo'nyatra kurute ratim

Sanskrit only: no published translation is held for this verse.

मूढो भ्रमति संसारे मोहितो मम मायया ।। यः शृणोति वरारोहे माथुरं मम मण्डलम्

mūḍho bhramati saṃsāre mohito mama māyayā || yaḥ śṛṇoti varārohe māthuraṃ mama maṇḍalam

Sanskrit only: no published translation is held for this verse.

अन्येनोच्चारितं शश्वत्सोऽपि पापैः प्रमुच्यते ।। पृथिव्यां यानि तीर्थानि आसमुद्रं सरांसि च

anyenoccāritaṃ śaśvatso'pi pāpaiḥ pramucyate || pṛthivyāṃ yāni tīrthāni āsamudraṃ sarāṃsi ca

Sanskrit only: no published translation is held for this verse.

मथुरायां प्रयान्त्यत्र सुप्ते चैव जनार्दने ।। मथुरामण्डलं प्राप्य श्राद्धं कृत्वा यथाविधि

mathurāyāṃ prayāntyatra supte caiva janārdane || mathurāmaṇḍalaṃ prāpya śrāddhaṃ kṛtvā yathāvidhi

Sanskrit only: no published translation is held for this verse.

तृप्तिं प्रयान्ति पितरो यावत्स्थित्यग्रजन्मनः ।। ये वसंति महाभागे मथुरामितरे जनाः

tṛptiṃ prayānti pitaro yāvatsthityagrajanmanaḥ || ye vasaṃti mahābhāge mathurāmitare janāḥ

Sanskrit only: no published translation is held for this verse.

तेऽपि यान्ति परां सिद्धिं मत्प्रसादान्न संशयः ।। कुब्जाम्रके सौकरवे मथुरायां विशेषतः

te'pi yānti parāṃ siddhiṃ matprasādānna saṃśayaḥ || kubjāmrake saukarave mathurāyāṃ viśeṣataḥ

Sanskrit only: no published translation is held for this verse.

विना सांख्येन योगेन मत्प्रसादान्न संशयः ।। मथुरायां महापुर्यां ये वसंति शुचिव्रताः

vinā sāṃkhyena yogena matprasādānna saṃśayaḥ || mathurāyāṃ mahāpuryāṃ ye vasaṃti śucivratāḥ

Sanskrit only: no published translation is held for this verse.

बलिभिक्षाप्रदातारो देवास्ते नरविग्रहाः ।। भविष्यामि वरारोहे द्वापरे युगसंस्थिते

balibhikṣāpradātāro devāste naravigrahāḥ || bhaviṣyāmi varārohe dvāpare yugasaṃsthite

Sanskrit only: no published translation is held for this verse.

ययातिभूपवंशाच्च क्षत्रियः कुलवर्द्धनः ।। भविष्यामि वरारोहे मथुरायां न संशयः

yayātibhūpavaṃśācca kṣatriyaḥ kulavarddhanaḥ || bhaviṣyāmi varārohe mathurāyāṃ na saṃśayaḥ

Sanskrit only: no published translation is held for this verse.

मूर्तिं चतुर्विधां कृत्वा स्थास्यामि ऋषिभिः स्तुतः ।। वत्सराणां शतं तत्र युद्धेषु कृतनिश्चयः

mūrtiṃ caturvidhāṃ kṛtvā sthāsyāmi ṛṣibhiḥ stutaḥ || vatsarāṇāṃ śataṃ tatra yuddheṣu kṛtaniścayaḥ

Sanskrit only: no published translation is held for this verse.

एका चन्दनसङ्काशा द्वितीया कनकप्रभा ।। अशोकसदृशा चान्या अन्या चोत्पलसन्निभा

ekā candanasaṅkāśā dvitīyā kanakaprabhā || aśokasadṛśā cānyā anyā cotpalasannibhā

Sanskrit only: no published translation is held for this verse.

तत्र गुह्यानि नामानि भविष्यन्ति मम प्रिये ।। पुण्यानि च पवित्राणि संसारच्छेदनानि च

tatra guhyāni nāmāni bhaviṣyanti mama priye || puṇyāni ca pavitrāṇi saṃsāracchedanāni ca

Sanskrit only: no published translation is held for this verse.

यत्राहं पातयिष्यामि द्वात्रिंशत्तु वसुन्धरे ।। दैत्यान्घोरान्महाभागे कंसादीन्धर्मदूषकान्

yatrāhaṃ pātayiṣyāmi dvātriṃśattu vasundhare || daityānghorānmahābhāge kaṃsādīndharmadūṣakān

Sanskrit only: no published translation is held for this verse.

यमुना यत्र सुवहा नित्यं सन्निहिता ध्रुवम् ।। वैवस्वतसुता रम्या यमुना यत्र विश्रुता

yamunā yatra suvahā nityaṃ sannihitā dhruvam || vaivasvatasutā ramyā yamunā yatra viśrutā

Sanskrit only: no published translation is held for this verse.

गङ्गां प्राप्य प्रयागे या वेणीति प्रथिता भुवि ।। गङ्गाशतगुणा पुण्या माथुरे मम मण्डले

gaṅgāṃ prāpya prayāge yā veṇīti prathitā bhuvi || gaṅgāśataguṇā puṇyā māthure mama maṇḍale

Sanskrit only: no published translation is held for this verse.

यमुना विश्रुता देवि नात्र कार्या विचारणा ।। तत्र तीर्थानि गुह्यानि भविष्यन्ति ममानघे

yamunā viśrutā devi nātra kāryā vicāraṇā || tatra tīrthāni guhyāni bhaviṣyanti mamānaghe

Sanskrit only: no published translation is held for this verse.

येषु स्नाने नरो देवि मम लोके महीयते ।। अथात्र मुञ्चते प्राणान्मम कर्मपरायणः

yeṣu snāne naro devi mama loke mahīyate || athātra muñcate prāṇānmama karmaparāyaṇaḥ

Sanskrit only: no published translation is held for this verse.

न जायत स मर्त्त्येषु जायते च चतुर्भुजः ।। अविमुक्ते नरः स्नातो मुक्तिं प्राप्नोत्यसंशयम्

na jāyata sa marttyeṣu jāyate ca caturbhujaḥ || avimukte naraḥ snāto muktiṃ prāpnotyasaṃśayam

Sanskrit only: no published translation is held for this verse.

तथात्र मुञ्चते प्राणान्मम लोकं स गच्छति ।। विश्रान्तिसंज्ञकं नाम तीर्थं त्रैलोक्यविश्रुतम्

tathātra muñcate prāṇānmama lokaṃ sa gacchati || viśrāntisaṃjñakaṃ nāma tīrthaṃ trailokyaviśrutam

Sanskrit only: no published translation is held for this verse.

यस्मिन्स्नातो नरो देवि मम लोकं प्रपद्यते ।। सर्वतीर्थेषु यत्स्नानं सर्वतीर्थेषु यत्फलम्

yasminsnāto naro devi mama lokaṃ prapadyate || sarvatīrtheṣu yatsnānaṃ sarvatīrtheṣu yatphalam

Sanskrit only: no published translation is held for this verse.

तत्फलं लभते देवि दृष्ट्वा देवं गतश्रमः ।। न च यज्ञैर्न तपसा न ध्यानैर्न च संयमैः

tatphalaṃ labhate devi dṛṣṭvā devaṃ gataśramaḥ || na ca yajñairna tapasā na dhyānairna ca saṃyamaiḥ

Sanskrit only: no published translation is held for this verse.

तत्फलं लभते स्नातो यथा विश्रान्तिसंज्ञके ।। कालत्रयं तु वसुधे यः पश्यति गतश्रमः

tatphalaṃ labhate snāto yathā viśrāntisaṃjñake || kālatrayaṃ tu vasudhe yaḥ paśyati gataśramaḥ

Sanskrit only: no published translation is held for this verse.

कृत्वा प्रदक्षिणे द्वे तु विष्णुलोकं स गच्छति ।। अस्ति चान्यत्परं गुह्यं सर्वसंसारमोक्षणम्

kṛtvā pradakṣiṇe dve tu viṣṇulokaṃ sa gacchati || asti cānyatparaṃ guhyaṃ sarvasaṃsāramokṣaṇam

Sanskrit only: no published translation is held for this verse.

यस्मिन्स्नातो नरो देवि मम लोकं प्रपद्यते ।। प्रयागं नाम तीर्थं तु देवानामपि दुर्ल्लभम्

yasminsnāto naro devi mama lokaṃ prapadyate || prayāgaṃ nāma tīrthaṃ tu devānāmapi durllabham

Sanskrit only: no published translation is held for this verse.

यस्मिन्स्नातो नरो देवि अग्निष्टोमफलं लभेत् ।। इन्द्रलोकं समासाद्य नरोऽसौ देवि मोदते

yasminsnāto naro devi agniṣṭomaphalaṃ labhet || indralokaṃ samāsādya naro'sau devi modate

Sanskrit only: no published translation is held for this verse.

अथात्र मुंचते प्राणान्मम लोके स गच्छति ।। तथा कनखलं नाम तीर्थं गुह्यं परं मम

athātra muṃcate prāṇānmama loke sa gacchati || tathā kanakhalaṃ nāma tīrthaṃ guhyaṃ paraṃ mama

Sanskrit only: no published translation is held for this verse.

स्नानमात्रेण तत्रापि नाकपृष्ठे स मोदते ।। अस्ति क्षेत्रं परं गुह्यं तिंदुकं नाम नामतः

snānamātreṇa tatrāpi nākapṛṣṭhe sa modate || asti kṣetraṃ paraṃ guhyaṃ tiṃdukaṃ nāma nāmataḥ

Sanskrit only: no published translation is held for this verse.

तस्मिन्स्नातो नरो देवि मम लोके महीयते ।। अस्मिंस्तीर्थे पुरा वृत्तं तच्छृणुष्व वसुन्धरे

tasminsnāto naro devi mama loke mahīyate || asmiṃstīrthe purā vṛttaṃ tacchṛṇuṣva vasundhare

Sanskrit only: no published translation is held for this verse.

पांचालविषये देवि काम्पिल्यं च पुरोत्तमम्।। धनधान्यसमायुक्तं ब्रह्मदत्तेन पालितम्

pāṃcālaviṣaye devi kāmpilyaṃ ca purottamam|| dhanadhānyasamāyuktaṃ brahmadattena pālitam

Sanskrit only: no published translation is held for this verse.

तस्मिंस्तु वसते देवि तिंदुको नाम नापितः।। तस्मिंस्तु वसतस्तस्य नापितस्य पुरोत्तमे

tasmiṃstu vasate devi tiṃduko nāma nāpitaḥ|| tasmiṃstu vasatastasya nāpitasya purottame

Sanskrit only: no published translation is held for this verse.

कालेन महता तस्य कुटुम्बं च क्षयं गतम् ।। क्षीणे कुटुम्बे तु तदा सुभृशं दुःखपीडितः

kālena mahatā tasya kuṭumbaṃ ca kṣayaṃ gatam || kṣīṇe kuṭumbe tu tadā subhṛśaṃ duḥkhapīḍitaḥ

Sanskrit only: no published translation is held for this verse.

सर्वसंगं परित्यज्य सोऽगच्छन्मथुरां तदा ।। ब्राह्मणावसथे सोऽपि वसमानो वसुन्धरे

sarvasaṃgaṃ parityajya so'gacchanmathurāṃ tadā || brāhmaṇāvasathe so'pi vasamāno vasundhare

Sanskrit only: no published translation is held for this verse.

तस्य कर्मशतं कृत्वा स्नात्वैव यमुनां नदीम् ।। नित्यं स यमुनां स्नाति चिरकालं दृढव्रतः

tasya karmaśataṃ kṛtvā snātvaiva yamunāṃ nadīm || nityaṃ sa yamunāṃ snāti cirakālaṃ dṛḍhavrataḥ

Sanskrit only: no published translation is held for this verse.

ततः कालेन महता पंचत्वं समुपागतः ।। स च तीर्थप्रभावेण जातोऽसौ ब्राह्मणोत्तमः

tataḥ kālena mahatā paṃcatvaṃ samupāgataḥ || sa ca tīrthaprabhāveṇa jāto'sau brāhmaṇottamaḥ

Sanskrit only: no published translation is held for this verse.

तस्मिन् वरगृहे देवि ब्राह्मणो योगिनां वरः।। जातिस्मरो महाप्राज्ञो विष्णुभक्तो वसुन्धरे

tasmin varagṛhe devi brāhmaṇo yogināṃ varaḥ|| jātismaro mahāprājño viṣṇubhakto vasundhare

Sanskrit only: no published translation is held for this verse.

तत्तीर्थस्य प्रभावेण जाता मुक्तिः सुदुर्ल्लभा ।। ततः परं सूर्यतीर्थं सर्वपापप्रमोचनम्

tattīrthasya prabhāveṇa jātā muktiḥ sudurllabhā || tataḥ paraṃ sūryatīrthaṃ sarvapāpapramocanam

Sanskrit only: no published translation is held for this verse.

वैरोचनेन बलिना सूर्यस्त्वाराधितः पुरा ।। भ्रष्टराज्येन हि तथा धनकामेन सुन्दरि

vairocanena balinā sūryastvārādhitaḥ purā || bhraṣṭarājyena hi tathā dhanakāmena sundari

Sanskrit only: no published translation is held for this verse.

ऊर्द्ध्वबाहुर्निराहारस्तताप परमं तपः ।। साग्रं संवत्सरं देवि ततः काममवाप्तवान्

ūrddhvabāhurnirāhārastatāpa paramaṃ tapaḥ || sāgraṃ saṃvatsaraṃ devi tataḥ kāmamavāptavān

Sanskrit only: no published translation is held for this verse.

तस्य प्रसन्नो भगवान् द्युमणिः प्रत्यभाषत।। किं कारणं बले ब्रूहि तपस्यसि महत्तपः

tasya prasanno bhagavān dyumaṇiḥ pratyabhāṣata|| kiṃ kāraṇaṃ bale brūhi tapasyasi mahattapaḥ

Sanskrit only: no published translation is held for this verse.

बलिरुवाच।। भ्रष्टराज्योऽस्मि देवेश पाताले निवसाम्यहम् ।। वित्तेनापि विहीनस्य कुटुम्बभरणं कृतः

baliruvāca|| bhraṣṭarājyo'smi deveśa pātāle nivasāmyaham || vittenāpi vihīnasya kuṭumbabharaṇaṃ kṛtaḥ

Sanskrit only: no published translation is held for this verse.

मुकुटात्तस्य वै सूर्यो ददौ चिन्तामणिं ततः ।। चिन्तामणिं समासाद्य पातालमगमद्बलिः

mukuṭāttasya vai sūryo dadau cintāmaṇiṃ tataḥ || cintāmaṇiṃ samāsādya pātālamagamadbaliḥ

Sanskrit only: no published translation is held for this verse.

तस्मिंस्तीर्थे नरः स्नातः सर्वपापैः प्रमुच्यते ।। तत्राथ मुञ्चते प्राणान्मम लोकं स गच्छति

tasmiṃstīrthe naraḥ snātaḥ sarvapāpaiḥ pramucyate || tatrātha muñcate prāṇānmama lokaṃ sa gacchati

Sanskrit only: no published translation is held for this verse.

आदित्याहनि संक्रान्तौ ग्रहणे चन्द्रसूर्ययोः ।। तस्मिन्स्नातो नरो देवि राजसूयफलं लभेत्

ādityāhani saṃkrāntau grahaṇe candrasūryayoḥ || tasminsnāto naro devi rājasūyaphalaṃ labhet

Sanskrit only: no published translation is held for this verse.

ध्रुवेण यत्र सन्तप्तं स्वेच्छया परमं तपः ।। तत्र वै स्नानमात्रेण ध्रुवलोके महीयते

dhruveṇa yatra santaptaṃ svecchayā paramaṃ tapaḥ || tatra vai snānamātreṇa dhruvaloke mahīyate

Sanskrit only: no published translation is held for this verse.

तत्राथ मुञ्चते प्राणान्मम लोके महीयते ।। ध्रुवतीर्थे तु वसुधे यः श्राद्धं कुरुते नरः

tatrātha muñcate prāṇānmama loke mahīyate || dhruvatīrthe tu vasudhe yaḥ śrāddhaṃ kurute naraḥ

Sanskrit only: no published translation is held for this verse.

पितॄंस्तारयते सर्वं पितृपक्षे विशेषतः ।। दक्षिणे ध्रुवतीर्थस्य तीर्थराजं प्रकीर्तितम्

pitṝṃstārayate sarvaṃ pitṛpakṣe viśeṣataḥ || dakṣiṇe dhruvatīrthasya tīrtharājaṃ prakīrtitam

Sanskrit only: no published translation is held for this verse.

तस्मिन् स्नाते नरो देवि मम लोकं प्रपद्यते ।। तद्दक्षिणे महादेवि ऋषितीर्थं परं मम

tasmin snāte naro devi mama lokaṃ prapadyate || taddakṣiṇe mahādevi ṛṣitīrthaṃ paraṃ mama

Sanskrit only: no published translation is held for this verse.

तत्र स्नातो नरो देवि ऋषिलोकं प्रपद्यते ।। अथात्र मुञ्चते प्राणान्मम लोके महीयते

tatra snāto naro devi ṛṣilokaṃ prapadyate || athātra muñcate prāṇānmama loke mahīyate

Sanskrit only: no published translation is held for this verse.

दक्षिणे ऋषितीर्थस्य मोक्षतीर्थं परं मम ।। तत्र वै स्नानमात्रेण मोक्षमेव प्रपद्यते

dakṣiṇe ṛṣitīrthasya mokṣatīrthaṃ paraṃ mama || tatra vai snānamātreṇa mokṣameva prapadyate

Sanskrit only: no published translation is held for this verse.

तत्र वै कोटितीर्थं हि देवानामपि दुर्ल्लभम्।। तत्र स्नानेन दानेन मम लोके महीयते

tatra vai koṭitīrthaṃ hi devānāmapi durllabham|| tatra snānena dānena mama loke mahīyate

Sanskrit only: no published translation is held for this verse.

कोटितीर्थे नरः स्नात्वा सन्तर्प्य पितृदेवताः ।। तारिताः पितरस्तेन तथैव प्रपितामहाः

koṭitīrthe naraḥ snātvā santarpya pitṛdevatāḥ || tāritāḥ pitarastena tathaiva prapitāmahāḥ

Sanskrit only: no published translation is held for this verse.

कोटितीर्थे नरः स्नात्वा ब्रह्मलोके महीयते ।। तत्रैव वायुतीर्थं तु पितॄणामपि दुर्ल्लभम्

koṭitīrthe naraḥ snātvā brahmaloke mahīyate || tatraiva vāyutīrthaṃ tu pitṝṇāmapi durllabham

Sanskrit only: no published translation is held for this verse.

पिण्डदानात्तु तत्रैव पितृलोके स गच्छति ।। गया पिण्डप्रदानेन यत्फलं लभते नरः ।। तत्फलं लभते देवि ज्येष्ठे दानान्न संशयः

piṇḍadānāttu tatraiva pitṛloke sa gacchati || gayā piṇḍapradānena yatphalaṃ labhate naraḥ || tatphalaṃ labhate devi jyeṣṭhe dānānna saṃśayaḥ

Sanskrit only: no published translation is held for this verse.

द्वादशैतानि तीर्थानि देवानां दुर्ल्लभानि च ।। स्नानं दानं जपं होमं सहस्रगुणितं भवेत्

dvādaśaitāni tīrthāni devānāṃ durllabhāni ca || snānaṃ dānaṃ japaṃ homaṃ sahasraguṇitaṃ bhavet

Sanskrit only: no published translation is held for this verse.

येषां स्मरणमात्रेण सर्वपापैः प्रमुच्यते।। तीर्थानां चैव माहात्म्यं श्रुत्वा कामानवाप्नुयात्

yeṣāṃ smaraṇamātreṇa sarvapāpaiḥ pramucyate|| tīrthānāṃ caiva māhātmyaṃ śrutvā kāmānavāpnuyāt

Sanskrit only: no published translation is held for this verse.

इति श्रीवराहपुराणे मथुरामाहात्म्ये मथुरातीर्थप्रशंसा नाम द्वापंचाशदधिकशततमोऽध्यायः

iti śrīvarāhapurāṇe mathurāmāhātmye mathurātīrthapraśaṃsā nāma dvāpaṃcāśadadhikaśatatamo'dhyāyaḥ

Sanskrit only: no published translation is held for this verse.