Varāha Purāṇa 154

अथ यमुनातीर्थप्रभावः ।। वराह उवाच ।। एवंविधां च मथुरां दृष्ट्वा तौ मुदमापतुः ।। एवं तु वसतस्तस्य राज्ञस्तत्र वसुन्धरे

atha yamunātīrthaprabhāvaḥ || varāha uvāca || evaṃvidhāṃ ca mathurāṃ dṛṣṭvā tau mudamāpatuḥ || evaṃ tu vasatastasya rājñastatra vasundhare

Sanskrit only: no published translation is held for this verse.

पप्रच्छ च तदा भार्या यद्गुह्यं पूर्वभाषितम् ।। पुरस्थेन तदा राज्ञा वक्ष्यामि मथुरां प्रति

papraccha ca tadā bhāryā yadguhyaṃ pūrvabhāṣitam || purasthena tadā rājñā vakṣyāmi mathurāṃ prati

Sanskrit only: no published translation is held for this verse.

तन्मे वद महाराज यद्गोप्यं पूर्वभाषितम् ।। राजाप्युवाच तां राज्ञीं त्वयाप्युक्तं पुरा मम

tanme vada mahārāja yadgopyaṃ pūrvabhāṣitam || rājāpyuvāca tāṃ rājñīṃ tvayāpyuktaṃ purā mama

Sanskrit only: no published translation is held for this verse.

तद्वदस्व स्वकं गुह्यं पश्चाद्वक्ष्याम्यहं तव ।। इत्युक्त्वा पीवरी ज्ञात्वा प्रहस्य तु गुणालया

tadvadasva svakaṃ guhyaṃ paścādvakṣyāmyahaṃ tava || ityuktvā pīvarī jñātvā prahasya tu guṇālayā

Sanskrit only: no published translation is held for this verse.

प्रोवाच चैव राजानं मनसः प्रीतिकारणम् ।। अहं तु पीवरी नाम गंगातीरनिवासिनी

provāca caiva rājānaṃ manasaḥ prītikāraṇam || ahaṃ tu pīvarī nāma gaṃgātīranivāsinī

Sanskrit only: no published translation is held for this verse.

आगतेमां पुरीं द्रष्टुं कुमुदस्य तु द्वादशीम् ।। नावमारुह्य यान्तीह पतिता यमुनाजले

āgatemāṃ purīṃ draṣṭuṃ kumudasya tu dvādaśīm || nāvamāruhya yāntīha patitā yamunājale

Sanskrit only: no published translation is held for this verse.

सद्यः प्राणैर्वियुक्ता च तत्तीर्थस्य प्रभावतः ।। काशीराजपतेः कन्या यातास्मि वसुधाधिप

sadyaḥ prāṇairviyuktā ca tattīrthasya prabhāvataḥ || kāśīrājapateḥ kanyā yātāsmi vasudhādhipa

Sanskrit only: no published translation is held for this verse.

त्वया विवाहिता राजन्न च मां विजहात्स्मृतिः ।। एतत्तीर्थप्रभावेण धर्मयुक्ता तथाऽनघ

tvayā vivāhitā rājanna ca māṃ vijahātsmṛtiḥ || etattīrthaprabhāveṇa dharmayuktā tathā'nagha

Sanskrit only: no published translation is held for this verse.

धारापतनके तीर्थे त्यक्त्वा जीवितमात्मनः।। एतच्छ्रुत्वा ततो राजा कथां प्राग्जन्मसम्भवाम्

dhārāpatanake tīrthe tyaktvā jīvitamātmanaḥ|| etacchrutvā tato rājā kathāṃ prāgjanmasambhavām

Sanskrit only: no published translation is held for this verse.

स्वां चाप्यकथयत्तस्यै यथा संयमने मृतः ।। एवं तौ मथुरां प्राप्य स्नात्वा यामुनतीर्थके

svāṃ cāpyakathayattasyai yathā saṃyamane mṛtaḥ || evaṃ tau mathurāṃ prāpya snātvā yāmunatīrthake

Sanskrit only: no published translation is held for this verse.

मां पश्यन्तौ नियमतस्तत्रैव निधनं गतौ ।। मृतौ सर्वपरित्यक्तौ गतौ मम सलोकताम्

māṃ paśyantau niyamatastatraiva nidhanaṃ gatau || mṛtau sarvaparityaktau gatau mama salokatām

Sanskrit only: no published translation is held for this verse.

एतत्ते कथितं देवि आश्चर्यं यदभून्महत् ।। त्यक्त्वा चात्मतनुं तीर्थे धारापतनसंज्ञके

etatte kathitaṃ devi āścaryaṃ yadabhūnmahat || tyaktvā cātmatanuṃ tīrthe dhārāpatanasaṃjñake

Sanskrit only: no published translation is held for this verse.

नाकलोकमवाप्नोति त्यक्तपापो न संशयः ।। यमुनेश्वरमासाद्य त्यक्त्वा जीवितमात्मनः

nākalokamavāpnoti tyaktapāpo na saṃśayaḥ || yamuneśvaramāsādya tyaktvā jīvitamātmanaḥ

Sanskrit only: no published translation is held for this verse.

विष्णुलोकमवाप्नोति दिव्यमूर्तिश्चतुर्भुजः ।। धारापतनके स्नात्वा नाकलोके स मोदते

viṣṇulokamavāpnoti divyamūrtiścaturbhujaḥ || dhārāpatanake snātvā nākaloke sa modate

Sanskrit only: no published translation is held for this verse.

अथात्र मुंचते प्राणान्मम लोकं स गच्छति ।। अतः परं नागतीर्थं तीर्थानामुत्तमोत्तमम्

athātra muṃcate prāṇānmama lokaṃ sa gacchati || ataḥ paraṃ nāgatīrthaṃ tīrthānāmuttamottamam

Sanskrit only: no published translation is held for this verse.

यत्र स्नात्वा दिवं यान्ति ये मृतास्तेऽपुनर्भवाः ।। घण्टाभरणकं तीर्थं सर्वपापप्रमोचनम् ।।

yatra snātvā divaṃ yānti ye mṛtāste'punarbhavāḥ || ghaṇṭābharaṇakaṃ tīrthaṃ sarvapāpapramocanam ||

Sanskrit only: no published translation is held for this verse.

यस्मिन्स्नातो नरो याति सूर्यलोकं न संशयः ।। अथाऽत्र मुंचते प्राणान्मम लोकं स गच्छति

yasminsnāto naro yāti sūryalokaṃ na saṃśayaḥ || athā'tra muṃcate prāṇānmama lokaṃ sa gacchati

Sanskrit only: no published translation is held for this verse.

पुनरन्यत् प्रवक्ष्यामि तच्छृणुष्व वसुन्धरे ।। तीर्थानामुत्तमं तीर्थं ब्रह्मलोकेषु विश्रुतम्

punaranyat pravakṣyāmi tacchṛṇuṣva vasundhare || tīrthānāmuttamaṃ tīrthaṃ brahmalokeṣu viśrutam

Sanskrit only: no published translation is held for this verse.

तत्र स्नात्वा च पीत्वा च नियतो नियताशनः ।। ब्रह्मणा समनुज्ञातो मम लोकं स गच्छति

tatra snātvā ca pītvā ca niyato niyatāśanaḥ || brahmaṇā samanujñāto mama lokaṃ sa gacchati

Sanskrit only: no published translation is held for this verse.

सोमतीर्थे तु वसुधे पवित्रे यमुनाम्भसि ।। यत्र पश्यति मां सोमो द्वापरे युगसंस्थिते

somatīrthe tu vasudhe pavitre yamunāmbhasi || yatra paśyati māṃ somo dvāpare yugasaṃsthite

Sanskrit only: no published translation is held for this verse.

तत्राभिषेकं कुर्वीत स्वकर्मपरिनिष्ठितः ।। मोदते सोमलोके तु एवमेव न संशयः

tatrābhiṣekaṃ kurvīta svakarmapariniṣṭhitaḥ || modate somaloke tu evameva na saṃśayaḥ

Sanskrit only: no published translation is held for this verse.

अथात्र मुंचते प्राणान्मम लोकं स गच्छति ।। सरस्वत्याश्च पतनं सर्वपापहरं शुभम्

athātra muṃcate prāṇānmama lokaṃ sa gacchati || sarasvatyāśca patanaṃ sarvapāpaharaṃ śubham

Sanskrit only: no published translation is held for this verse.

तत्र स्नातो नरो देवि अवर्णोऽपि यतिर्भवेत् ।। पुनरन्यत्प्रवक्ष्यामि माथुरे मम मण्डले

tatra snāto naro devi avarṇo'pi yatirbhavet || punaranyatpravakṣyāmi māthure mama maṇḍale

Sanskrit only: no published translation is held for this verse.

यस्तत्र कुरुते स्नानं त्रिरात्रोपोषितो नरः।। स्नानमात्रेण मनुजो मुच्यते ब्रह्महत्यया

yastatra kurute snānaṃ trirātropoṣito naraḥ|| snānamātreṇa manujo mucyate brahmahatyayā

Sanskrit only: no published translation is held for this verse.

अथात्र मुंचते प्राणान्मम लोकं स गच्छति ।। दशाश्वमेधमृषिभिः पूजितं सर्वदा मुदा

athātra muṃcate prāṇānmama lokaṃ sa gacchati || daśāśvamedhamṛṣibhiḥ pūjitaṃ sarvadā mudā

Sanskrit only: no published translation is held for this verse.

तत्र ये स्नान्ति नियतास्तेषां स्वर्गो न दुर्लभः ।। मथुरापश्चिमे पार्श्वे सततं त्वृषिपूजितम्

tatra ye snānti niyatāsteṣāṃ svargo na durlabhaḥ || mathurāpaścime pārśve satataṃ tvṛṣipūjitam

Sanskrit only: no published translation is held for this verse.

ब्रह्मणा सृष्टिकाले तु मनसा निर्मितं पुरा ।। मानसं नाम तीर्थं तु ऋषिभिः पूजितं पुरा

brahmaṇā sṛṣṭikāle tu manasā nirmitaṃ purā || mānasaṃ nāma tīrthaṃ tu ṛṣibhiḥ pūjitaṃ purā

Sanskrit only: no published translation is held for this verse.

तत्र स्नात्वा दिवं यान्ति ये मृतास्तेऽपुनर्भवाः ।। तीर्थं तु विघ्नराजस्य पुण्यं पापहरं शुभम्

tatra snātvā divaṃ yānti ye mṛtāste'punarbhavāḥ || tīrthaṃ tu vighnarājasya puṇyaṃ pāpaharaṃ śubham

Sanskrit only: no published translation is held for this verse.

यत्र स्नातान्मनुष्यांश्च विघ्नराजो न पीडयेत् ।। अष्टम्यां च चतुर्दश्यां चतुर्थ्यां तु विशेषतः

yatra snātānmanuṣyāṃśca vighnarājo na pīḍayet || aṣṭamyāṃ ca caturdaśyāṃ caturthyāṃ tu viśeṣataḥ

Sanskrit only: no published translation is held for this verse.

तस्मिंस्तीर्थवरे स्नातं न पीडयति विघ्नराट् ।। विद्यारम्भेषु सर्वेषु यज्ञदानक्रियासु च

tasmiṃstīrthavare snātaṃ na pīḍayati vighnarāṭ || vidyārambheṣu sarveṣu yajñadānakriyāsu ca

Sanskrit only: no published translation is held for this verse.

अविघ्नं कुरुते तस्य सततं पार्वतीसुतः ।। तत्राथ मुञ्चते प्राणान्मम लोकं स गच्छति

avighnaṃ kurute tasya satataṃ pārvatīsutaḥ || tatrātha muñcate prāṇānmama lokaṃ sa gacchati

Sanskrit only: no published translation is held for this verse.

ततः परे कोटितीर्थे पवित्रं परमं स्मृतम् ।। तत्र वै स्नानमात्रेण गवां कोटिफलं लभेत्

tataḥ pare koṭitīrthe pavitraṃ paramaṃ smṛtam || tatra vai snānamātreṇa gavāṃ koṭiphalaṃ labhet

Sanskrit only: no published translation is held for this verse.

तथात्र मुञ्चते प्राणाँल्लोभमोहविवर्जितः ।। सोमलोकमतिक्रम्य मम लोकं च गच्छति

tathātra muñcate prāṇā~llobhamohavivarjitaḥ || somalokamatikramya mama lokaṃ ca gacchati

Sanskrit only: no published translation is held for this verse.

अतः परं शिवक्षेत्रमर्द्धक्रोशं तु दुष्करम् ।। तत्र स्थितो हरो देवो मथुरां रक्षते सदा

ataḥ paraṃ śivakṣetramarddhakrośaṃ tu duṣkaram || tatra sthito haro devo mathurāṃ rakṣate sadā

Sanskrit only: no published translation is held for this verse.

तत्र स्नात्वा च पीत्वा च माथुरं लभते फलम् ।। अथाऽत्र मुञ्चते प्राणान्मम लोकं स गच्छति

tatra snātvā ca pītvā ca māthuraṃ labhate phalam || athā'tra muñcate prāṇānmama lokaṃ sa gacchati

Sanskrit only: no published translation is held for this verse.

इति श्रीवराहपुराणे मथुरामाहात्म्ये यमुनातीर्थप्रभावो नाम चतुष्पञ्चाशदधिकशततमोऽध्यायः

iti śrīvarāhapurāṇe mathurāmāhātmye yamunātīrthaprabhāvo nāma catuṣpañcāśadadhikaśatatamo'dhyāyaḥ

Sanskrit only: no published translation is held for this verse.