Varāha Purāṇa 155

अथाऽक्रूरतीर्थप्रभावः ।। श्रीवराह उवाच ।। पुनरन्यत्प्रवक्ष्यामि मर्त्त्यलोके सुदुर्लभम् ।। अनन्तं विदितं तीर्थमचलं ध्रुवमव्ययम्

athā'krūratīrthaprabhāvaḥ || śrīvarāha uvāca || punaranyatpravakṣyāmi marttyaloke sudurlabham || anantaṃ viditaṃ tīrthamacalaṃ dhruvamavyayam

Sanskrit only: no published translation is held for this verse.

तत्र .नित्यं स्थितो देवि लोकानां हितकाम्यया ।। मां दृष्ट्वा मनुजा देवि मुक्तिभाजो भवन्ति ते

tatra .nityaṃ sthito devi lokānāṃ hitakāmyayā || māṃ dṛṣṭvā manujā devi muktibhājo bhavanti te

Sanskrit only: no published translation is held for this verse.

अयने विषुवे चैव तथा विष्णुपदीषु च ।। अनन्तं तं समासाद्य मुच्यते सर्वपातकैः

ayane viṣuve caiva tathā viṣṇupadīṣu ca || anantaṃ taṃ samāsādya mucyate sarvapātakaiḥ

Sanskrit only: no published translation is held for this verse.

अक्रूरेति च विख्यातं मम क्षेत्रं वसुन्धरे ।। तत्र स्नात्वा महाभागे राहुग्रस्ते दिवाकरे

akrūreti ca vikhyātaṃ mama kṣetraṃ vasundhare || tatra snātvā mahābhāge rāhugraste divākare

Sanskrit only: no published translation is held for this verse.

राजसूयाश्वमेधाभ्यां फलं प्राप्नोति मानवः ।। तीर्थराजं हि चाक्रूरं गुह्यानां गुह्यमुत्तमम्

rājasūyāśvamedhābhyāṃ phalaṃ prāpnoti mānavaḥ || tīrtharājaṃ hi cākrūraṃ guhyānāṃ guhyamuttamam

Sanskrit only: no published translation is held for this verse.

तत्स्नानात्फलमाप्नोति प्रयागस्नानजं फलम् ।। अस्मिंस्तीर्थे पुरावृत्तं तच्छृणुष्व वसुन्धरे

tatsnānātphalamāpnoti prayāgasnānajaṃ phalam || asmiṃstīrthe purāvṛttaṃ tacchṛṇuṣva vasundhare

Sanskrit only: no published translation is held for this verse.

नाम्ना तु सुधनो नाम मम भक्तः सदैव हि ।। धनधान्यसमायुक्तः सुतयुक्तः सदैव हि

nāmnā tu sudhano nāma mama bhaktaḥ sadaiva hi || dhanadhānyasamāyuktaḥ sutayuktaḥ sadaiva hi

Sanskrit only: no published translation is held for this verse.

बन्धुपुत्रकलत्रैश्च गृहे प्रीतिरनुत्तमा ।। पुत्रदारसमेतस्य मयि भक्तिर्वसुन्धरे

bandhuputrakalatraiśca gṛhe prītiranuttamā || putradārasametasya mayi bhaktirvasundhare

Sanskrit only: no published translation is held for this verse.

गच्छन्ति दिवसास्तस्य मासाः संवत्सरास्तथा ।। करोति गृहकृत्यानि धनोपायेन नित्यशः

gacchanti divasāstasya māsāḥ saṃvatsarāstathā || karoti gṛhakṛtyāni dhanopāyena nityaśaḥ

Sanskrit only: no published translation is held for this verse.

मानकूटं तुलाकूटं न करोति स कर्हिचित् ।। एवं च वसतस्तस्य बहवो वत्सरा गताः

mānakūṭaṃ tulākūṭaṃ na karoti sa karhicit || evaṃ ca vasatastasya bahavo vatsarā gatāḥ

Sanskrit only: no published translation is held for this verse.

नित्यं कालं च कुरुते हरिपूजनमुत्तमम् ।। पुष्पदीपप्रदानेन चन्दनेन सुगन्धिना

nityaṃ kālaṃ ca kurute haripūjanamuttamam || puṣpadīpapradānena candanena sugandhinā

Sanskrit only: no published translation is held for this verse.

उपहारेण दिव्येन धूपेन च सुगन्धिना ।। एकादश्यां तु कुरुते पक्षयोरुभयोरपि

upahāreṇa divyena dhūpena ca sugandhinā || ekādaśyāṃ tu kurute pakṣayorubhayorapi

Sanskrit only: no published translation is held for this verse.

उपवासं तु कुरुते रात्रौ जागरणं तथा ।। स गच्छति यथाकालमक्रूरं तीर्थमुत्तमम्

upavāsaṃ tu kurute rātrau jāgaraṇaṃ tathā || sa gacchati yathākālamakrūraṃ tīrthamuttamam

Sanskrit only: no published translation is held for this verse.

तत्रागत्य ममाग्रेऽसौ नृत्यते शुभदर्शनः ।। सुधनस्तु वणिक्श्रेष्ठः कदाचिद्रात्रिजागरे

tatrāgatya mamāgre'sau nṛtyate śubhadarśanaḥ || sudhanastu vaṇikśreṣṭhaḥ kadācidrātrijāgare

Sanskrit only: no published translation is held for this verse.

चलमानो गृहीतस्तु चरणे ब्रह्मरक्षसा ।। कृष्णवर्णी महाकाय ऊर्ध्वकेशो भयंकरः

calamāno gṛhītastu caraṇe brahmarakṣasā || kṛṣṇavarṇī mahākāya ūrdhvakeśo bhayaṃkaraḥ

Sanskrit only: no published translation is held for this verse.

पादे गृहीत्वा वसुधे इदं वचनमब्रवीत्

pāde gṛhītvā vasudhe idaṃ vacanamabravīt

Sanskrit only: no published translation is held for this verse.

राक्षसोऽहं वणिक्श्रेष्ठ वसामि वनमाश्रितः ।। त्वामद्य भक्षयिष्यामि तृप्तिं यास्यामि शाश्वतीम्

rākṣaso'haṃ vaṇikśreṣṭha vasāmi vanamāśritaḥ || tvāmadya bhakṣayiṣyāmi tṛptiṃ yāsyāmi śāśvatīm

Sanskrit only: no published translation is held for this verse.

सुधन उवाच ।। प्रतीक्षस्व क्षणं मेऽद्य दास्यामि तव पुष्कलम् ।। भक्षयिष्यसि मे गात्रं मिष्टान्नपरिपोषितम्

sudhana uvāca || pratīkṣasva kṣaṇaṃ me'dya dāsyāmi tava puṣkalam || bhakṣayiṣyasi me gātraṃ miṣṭānnaparipoṣitam

Sanskrit only: no published translation is held for this verse.

जागरं देवदेवस्य कर्तुमिच्छामि राक्षस ।। मम व्रतं सार्वकालं यज्जागर्मि हरेः पुरः

jāgaraṃ devadevasya kartumicchāmi rākṣasa || mama vrataṃ sārvakālaṃ yajjāgarmi hareḥ puraḥ

Sanskrit only: no published translation is held for this verse.

तत्र जागरणं कृत्वा प्रभाते तव सन्निधौ ।। आगमिष्याम्यहं शीघ्रमादित्योदयनं प्रति

tatra jāgaraṇaṃ kṛtvā prabhāte tava sannidhau || āgamiṣyāmyahaṃ śīghramādityodayanaṃ prati

Sanskrit only: no published translation is held for this verse.

ततः खादिष्यसे गात्रं विनिवृत्तस्य जागरात् ।। विष्णुतुष्ट्यै व्रतमिदमारब्धं सर्वकामदम्

tataḥ khādiṣyase gātraṃ vinivṛttasya jāgarāt || viṣṇutuṣṭyai vratamidamārabdhaṃ sarvakāmadam

Sanskrit only: no published translation is held for this verse.

मा कुरु व्रतभङ्गं मे रक्षो नारायणस्य हि ।। जागरे विनिवृत्ते तु मां भक्षय यथेप्सितम्

mā kuru vratabhaṅgaṃ me rakṣo nārāyaṇasya hi || jāgare vinivṛtte tu māṃ bhakṣaya yathepsitam

Sanskrit only: no published translation is held for this verse.

सुधनस्य वचः श्रुत्वा ब्रह्मरक्षः क्षुधार्दितः ।। उवाच मधुरं वाक्यं वणिजं प्रति सादरम्

sudhanasya vacaḥ śrutvā brahmarakṣaḥ kṣudhārditaḥ || uvāca madhuraṃ vākyaṃ vaṇijaṃ prati sādaram

Sanskrit only: no published translation is held for this verse.

मिथ्या प्रभाषसे साधो त्वं पुनः कथमेष्यसि ।। को हि रक्षोमुखाद्भ्रष्टो मानुषो यो निवर्त्तते

mithyā prabhāṣase sādho tvaṃ punaḥ kathameṣyasi || ko hi rakṣomukhādbhraṣṭo mānuṣo yo nivarttate

Sanskrit only: no published translation is held for this verse.

राक्षसस्य वचः श्रुत्वा स वणिग्वाक्यमब्रवीत्।। सत्यमूलं जगत्सर्वं सर्वं सत्ये प्रतिष्ठितम्

rākṣasasya vacaḥ śrutvā sa vaṇigvākyamabravīt|| satyamūlaṃ jagatsarvaṃ sarvaṃ satye pratiṣṭhitam

Sanskrit only: no published translation is held for this verse.

सिद्धिं लभन्ते सत्येन ऋषयो वेदपारगाः ।। यद्यहं च वणिक् पूर्वं कर्मणा न हि दूषितः

siddhiṃ labhante satyena ṛṣayo vedapāragāḥ || yadyahaṃ ca vaṇik pūrvaṃ karmaṇā na hi dūṣitaḥ

Sanskrit only: no published translation is held for this verse.

प्राप्तश्च मानुषो भावो विहितेनान्तरात्मना ।। शृणु मत्समयं रक्षो येनाहं पुनरागमम्

prāptaśca mānuṣo bhāvo vihitenāntarātmanā || śṛṇu matsamayaṃ rakṣo yenāhaṃ punarāgamam

Sanskrit only: no published translation is held for this verse.

कृत्वा जागरणं तत्र नृत्यं कृत्वा यथासुखम् ।। पुनरेष्याम्यहं रक्षो नासत्यं विद्यते मयि

kṛtvā jāgaraṇaṃ tatra nṛtyaṃ kṛtvā yathāsukham || punareṣyāmyahaṃ rakṣo nāsatyaṃ vidyate mayi

Sanskrit only: no published translation is held for this verse.

सत्येन दीयते कन्या सत्यं जल्पन्ति ब्राह्मणाः ।। सत्योत्तीर्णा हि राजानः सत्येन वसुधा धृता

satyena dīyate kanyā satyaṃ jalpanti brāhmaṇāḥ || satyottīrṇā hi rājānaḥ satyena vasudhā dhṛtā

Sanskrit only: no published translation is held for this verse.

स्वर्गमिच्छन्ति सत्येन मोक्षः सत्येन लभ्यते।। सत्येन सूर्यस्तपति सोमः सत्येन राजते

svargamicchanti satyena mokṣaḥ satyena labhyate|| satyena sūryastapati somaḥ satyena rājate

Sanskrit only: no published translation is held for this verse.

यमः सत्येन हरति सत्यादिन्द्रो विराजते।। तत्सत्यं मम नश्येत यद्यहं नागमे पुनः

yamaḥ satyena harati satyādindro virājate|| tatsatyaṃ mama naśyeta yadyahaṃ nāgame punaḥ

Sanskrit only: no published translation is held for this verse.

परदारांस्तु यो गच्छेत्काममोहप्रपीडितः

paradārāṃstu yo gacchetkāmamohaprapīḍitaḥ

Sanskrit only: no published translation is held for this verse.

तस्य पापेन लिप्येऽहं यदि नायामि ते पुरः

tasya pāpena lipye'haṃ yadi nāyāmi te puraḥ

Sanskrit only: no published translation is held for this verse.

दत्त्वा च भूमिदानं यो ह्यपकारं करोति च ।। तेन पापेन लिप्येऽहं यद्यहं नागमे पुनः

dattvā ca bhūmidānaṃ yo hyapakāraṃ karoti ca || tena pāpena lipye'haṃ yadyahaṃ nāgame punaḥ

Sanskrit only: no published translation is held for this verse.

पूर्वं भुक्त्वा स्त्रियं यस्तु सुखमाप्य विहृत्य च ।। द्वेषात्तां यदि चेज्जह्यात्तस्यायं मे भवत्वलम्

pūrvaṃ bhuktvā striyaṃ yastu sukhamāpya vihṛtya ca || dveṣāttāṃ yadi cejjahyāttasyāyaṃ me bhavatvalam

Sanskrit only: no published translation is held for this verse.

पङ्क्तिभेदं तु यः कुर्यादेकपंक्त्याशिनां धुवम् ।। तस्य पापेन लिप्येऽहं नागन्ता यदि ते पुरः

paṅktibhedaṃ tu yaḥ kuryādekapaṃktyāśināṃ dhuvam || tasya pāpena lipye'haṃ nāgantā yadi te puraḥ

Sanskrit only: no published translation is held for this verse.

अमावस्यां महारक्षः श्राद्धं कृत्वा स्त्रियं व्रजेत् ।। तेन पापेन लिप्येऽहं यद्यहं नागमे पुनः

amāvasyāṃ mahārakṣaḥ śrāddhaṃ kṛtvā striyaṃ vrajet || tena pāpena lipye'haṃ yadyahaṃ nāgame punaḥ

Sanskrit only: no published translation is held for this verse.

अष्टाष्टमी त्वमावास्या उभे पक्षे चतुर्दशी ।। अस्नातानां गतिं यास्याम्यहं वै नागमे पुनः

aṣṭāṣṭamī tvamāvāsyā ubhe pakṣe caturdaśī || asnātānāṃ gatiṃ yāsyāmyahaṃ vai nāgame punaḥ

Sanskrit only: no published translation is held for this verse.

गुरोर्भ्रातुः सुतस्यापि सख्युर्वै मातुलस्य च ।। व्यवस्यति च यन्नारी यो मोहेन विमोहितः

gurorbhrātuḥ sutasyāpi sakhyurvai mātulasya ca || vyavasyati ca yannārī yo mohena vimohitaḥ

Sanskrit only: no published translation is held for this verse.

अभिगच्छति मन्दात्मा तत्पापं मे भवेत्तदा ।। राजपत्नीं ब्रह्मपत्नीं विधवां योऽभिगच्छति

abhigacchati mandātmā tatpāpaṃ me bhavettadā || rājapatnīṃ brahmapatnīṃ vidhavāṃ yo'bhigacchati

Sanskrit only: no published translation is held for this verse.

तस्य पापेन लिप्येऽहं यद्यहं नागमे पुनः ।। यस्तु कन्यां सकृद्दत्त्वा अन्यस्मै चेत्पुनर्ददेत्

tasya pāpena lipye'haṃ yadyahaṃ nāgame punaḥ || yastu kanyāṃ sakṛddattvā anyasmai cetpunardadet

Sanskrit only: no published translation is held for this verse.

तेन पापेन लिप्येऽहं यद्यहं नागमे पुनः ।। राजयाजकयाज्याश्च ये च वै ग्रामयाजकाः

tena pāpena lipye'haṃ yadyahaṃ nāgame punaḥ || rājayājakayājyāśca ye ca vai grāmayājakāḥ

Sanskrit only: no published translation is held for this verse.

तेषां पापेन लिप्येऽहं यद्यहं नागमे पुनः ।। ब्रह्मघ्ने च सुरापे च चौरे भग्नव्रते शठे

teṣāṃ pāpena lipye'haṃ yadyahaṃ nāgame punaḥ || brahmaghne ca surāpe ca caure bhagnavrate śaṭhe

Sanskrit only: no published translation is held for this verse.

या गतिस्तां प्रपद्येऽहं यद्यहं नागमे पुनः ।। श्रीवराह उवाच।। सुधनस्य वचः श्रुत्वा सन्तुष्टो ब्रह्मराक्षसः

yā gatistāṃ prapadye'haṃ yadyahaṃ nāgame punaḥ || śrīvarāha uvāca|| sudhanasya vacaḥ śrutvā santuṣṭo brahmarākṣasaḥ

Sanskrit only: no published translation is held for this verse.

उवाच मधुरं वाक्यं गच्छ शीघ्रं नमोऽस्तु ते।। ब्रह्मराक्षसमुक्तोऽसौ वणिक् तु दृढनिश्चयः

uvāca madhuraṃ vākyaṃ gaccha śīghraṃ namo'stu te|| brahmarākṣasamukto'sau vaṇik tu dṛḍhaniścayaḥ

Sanskrit only: no published translation is held for this verse.

पुनर्नृत्यति चैवाग्रे मम भक्तो व्यवस्थितः ।। अथ प्रभातसमये नृत्यचित्तोऽति कोविदः

punarnṛtyati caivāgre mama bhakto vyavasthitaḥ || atha prabhātasamaye nṛtyacitto'ti kovidaḥ

Sanskrit only: no published translation is held for this verse.

पुनः पुनर्वै उच्चार्य नमो नारायणाय च।। निवृत्ते जागरे सोऽथ कालिन्दीसलिलाप्लुतः

punaḥ punarvai uccārya namo nārāyaṇāya ca|| nivṛtte jāgare so'tha kālindīsalilāplutaḥ

Sanskrit only: no published translation is held for this verse.

दृष्ट्वा मां दिव्यरूपं तु गतोऽसौ मथुरां पुरीम्।। दृष्टश्चाग्रे त्वहं तेन पुरुषो दिव्यरूपवान्

dṛṣṭvā māṃ divyarūpaṃ tu gato'sau mathurāṃ purīm|| dṛṣṭaścāgre tvahaṃ tena puruṣo divyarūpavān

Sanskrit only: no published translation is held for this verse.

स च पृष्टो मया देवि क्व भवान्प्रस्थितो द्रुतम् ।। पुरुषस्य वचः श्रुत्वा सुधनो वाक्यमब्रवीत्

sa ca pṛṣṭo mayā devi kva bhavānprasthito drutam || puruṣasya vacaḥ śrutvā sudhano vākyamabravīt

Sanskrit only: no published translation is held for this verse.

अहं गच्छामि त्वरितो ब्रह्मराक्षससन्निधौ ।। निवारयामास तदा न गंतव्यं त्वयानघ

ahaṃ gacchāmi tvarito brahmarākṣasasannidhau || nivārayāmāsa tadā na gaṃtavyaṃ tvayānagha

Sanskrit only: no published translation is held for this verse.

जीवतो धर्ममाहात्म्यं मृते धर्मः कुतो यशः ।। पुरुषस्य वचः श्रुत्वा स वणिग्वाक्यमब्रवीत् ।। ५१- ।। तत्र सत्यं वदिष्यामि यास्ये राक्षससन्निधौ ।। आगतोऽहं महाभाग नर्त्तयित्वा यथासुखम्

jīvato dharmamāhātmyaṃ mṛte dharmaḥ kuto yaśaḥ || puruṣasya vacaḥ śrutvā sa vaṇigvākyamabravīt || 51- || tatra satyaṃ vadiṣyāmi yāsye rākṣasasannidhau || āgato'haṃ mahābhāga narttayitvā yathāsukham

Sanskrit only: no published translation is held for this verse.

विष्णवे लोकनाथाय चागतो हरिजागरात् ।। इदं शरीरं मे रक्षो भक्षयस्व यथेप्सितम्

viṣṇave lokanāthāya cāgato harijāgarāt || idaṃ śarīraṃ me rakṣo bhakṣayasva yathepsitam

Sanskrit only: no published translation is held for this verse.

यथान्यायं विधानेन यथा वा तव रोचते ।। नोक्तपूर्वं मयाऽसत्यं कदाचिदपि राक्षस

yathānyāyaṃ vidhānena yathā vā tava rocate || noktapūrvaṃ mayā'satyaṃ kadācidapi rākṣasa

Sanskrit only: no published translation is held for this verse.

तेन सत्येन मां भुङ्क्ष्व ब्रह्मराक्षस दारुण ।। वणिजस्तु वचः श्रुत्वा ततोऽसौ ब्रह्मराक्षसः

tena satyena māṃ bhuṅkṣva brahmarākṣasa dāruṇa || vaṇijastu vacaḥ śrutvā tato'sau brahmarākṣasaḥ

Sanskrit only: no published translation is held for this verse.

उवाच मधुरं वाक्यं सुधनं तदनन्तरम् ।। साधु तुष्टोऽस्मि भद्रं ते सत्यं धर्मश्च पालितः

uvāca madhuraṃ vākyaṃ sudhanaṃ tadanantaram || sādhu tuṣṭo'smi bhadraṃ te satyaṃ dharmaśca pālitaḥ

Sanskrit only: no published translation is held for this verse.

वणिक् त्वं चातिविज्ञस्तु यस्य ते गतिरीदृशी ।। जागरस्य समस्तस्य मम पुण्यं प्रयच्छ वै

vaṇik tvaṃ cātivijñastu yasya te gatirīdṛśī || jāgarasya samastasya mama puṇyaṃ prayaccha vai

Sanskrit only: no published translation is held for this verse.

सत्यपुण्यप्रभावेण यथाहं मुक्तिमाप्नुयाम् ।। सुधन उवाच।। नाहं दास्यामि ते पुण्यं नृत्यस्य नरभोजन

satyapuṇyaprabhāveṇa yathāhaṃ muktimāpnuyām || sudhana uvāca|| nāhaṃ dāsyāmi te puṇyaṃ nṛtyasya narabhojana

Sanskrit only: no published translation is held for this verse.

अर्द्धं वाथ समस्तं वा प्रहरं चार्द्धमेव वा ।। सुधनस्य वचः श्रुत्वा अब्रवीद्ब्रह्मराक्षसः

arddhaṃ vātha samastaṃ vā praharaṃ cārddhameva vā || sudhanasya vacaḥ śrutvā abravīdbrahmarākṣasaḥ

Sanskrit only: no published translation is held for this verse.

एकनृत्यस्य मे पुण्यं दद त्वं वणिगुत्तम ।। सुधन उवाच ।। नाऽहं दास्यामि ते पुण्यं यथोक्तं च समाचर

ekanṛtyasya me puṇyaṃ dada tvaṃ vaṇiguttama || sudhana uvāca || nā'haṃ dāsyāmi te puṇyaṃ yathoktaṃ ca samācara

Sanskrit only: no published translation is held for this verse.

केन त्वं कर्मदोषेण राक्षसत्वमुपागतः ।। यत्ते गुह्यं महाभाग सर्वं तत्कथयस्व मे

kena tvaṃ karmadoṣeṇa rākṣasatvamupāgataḥ || yatte guhyaṃ mahābhāga sarvaṃ tatkathayasva me

Sanskrit only: no published translation is held for this verse.

सुधनस्य वचः श्रुत्वा विहसित्वाह राक्षसः ।। किं त्वं मां च विजानासि प्रतिवासि ह्यहं तव

sudhanasya vacaḥ śrutvā vihasitvāha rākṣasaḥ || kiṃ tvaṃ māṃ ca vijānāsi prativāsi hyahaṃ tava

Sanskrit only: no published translation is held for this verse.

अग्निदत्तस्तु वै नाम छान्दसो ब्राह्मणोत्तमः ।। इष्टकांस्तु हरन्नित्यं परकीयांश्च सर्वदा

agnidattastu vai nāma chāndaso brāhmaṇottamaḥ || iṣṭakāṃstu harannityaṃ parakīyāṃśca sarvadā

Sanskrit only: no published translation is held for this verse.

मृतस्सुगृहकामेन राक्षसत्वमुपागतः ।। मया त्वं हि यथा प्राप्त उपकारं कुरुष्व मे

mṛtassugṛhakāmena rākṣasatvamupāgataḥ || mayā tvaṃ hi yathā prāpta upakāraṃ kuruṣva me

Sanskrit only: no published translation is held for this verse.

एकविश्रामपुण्यं मे देहि त्वं वणिगुत्तम ।। कृपया तु समायुक्तो वणिग्वचनमब्रवीत्

ekaviśrāmapuṇyaṃ me dehi tvaṃ vaṇiguttama || kṛpayā tu samāyukto vaṇigvacanamabravīt

Sanskrit only: no published translation is held for this verse.

साधु राक्षस दत्तं ते एकनृत्यं मया तव ।। एकनृत्यप्रभावेण राक्षसो मुक्तिमागतः

sādhu rākṣasa dattaṃ te ekanṛtyaṃ mayā tava || ekanṛtyaprabhāveṇa rākṣaso muktimāgataḥ

Sanskrit only: no published translation is held for this verse.

श्रीवराह उवाच ।। सुधनस्तु ततो देवि विश्वरूपं जनार्दनम् ।। अग्रतस्तु स्थितं देवं दृष्ट्वाऽसौ धरणीं गतः

śrīvarāha uvāca || sudhanastu tato devi viśvarūpaṃ janārdanam || agratastu sthitaṃ devaṃ dṛṣṭvā'sau dharaṇīṃ gataḥ

Sanskrit only: no published translation is held for this verse.

उवाच मधुरं वाक्यं देवदेवो जनार्दनः।। चतुर्भुजो दिव्यतनुः शंखचक्रगदाधरः

uvāca madhuraṃ vākyaṃ devadevo janārdanaḥ|| caturbhujo divyatanuḥ śaṃkhacakragadādharaḥ

Sanskrit only: no published translation is held for this verse.

विमानवरमारुह्य मम लोकं व्रजस्व च ।। इत्युक्त्वा माधवो देवस्तत्रैवान्तरधीयत

vimānavaramāruhya mama lokaṃ vrajasva ca || ityuktvā mādhavo devastatraivāntaradhīyata

Sanskrit only: no published translation is held for this verse.

सुधनः सशरीरोऽपि सकुटुंबो दिवं ययौ ।। विमानवरमारुह्य विष्णोर्लोकं जगाम ह

sudhanaḥ saśarīro'pi sakuṭuṃbo divaṃ yayau || vimānavaramāruhya viṣṇorlokaṃ jagāma ha

Sanskrit only: no published translation is held for this verse.

एष तीर्थप्रभावो वै कथितस्ते वसुन्धरे ।। अक्रूराच्च परं तीर्थं न भूतं न भविष्यति

eṣa tīrthaprabhāvo vai kathitaste vasundhare || akrūrācca paraṃ tīrthaṃ na bhūtaṃ na bhaviṣyati

Sanskrit only: no published translation is held for this verse.

तस्य तीर्थप्रभावेण सुधनो मुक्तिमाप्तवान् ।। द्वादशी शुक्लपक्षे तु कुमुदस्य च वा भवेत्

tasya tīrthaprabhāveṇa sudhano muktimāptavān || dvādaśī śuklapakṣe tu kumudasya ca vā bhavet

Sanskrit only: no published translation is held for this verse.

तस्मिन्स्नातस्य वसुधे राजसूयफलं भवेत् ।। कार्त्तिकीं समनुप्राप्य तत्तीर्थे तु वसुन्धरे

tasminsnātasya vasudhe rājasūyaphalaṃ bhavet || kārttikīṃ samanuprāpya tattīrthe tu vasundhare

Sanskrit only: no published translation is held for this verse.

वृषोत्सर्गं नरः कुर्वंस्तारयेत्सकुलोद्भवान् ।। श्राद्धं यः कुरुते सुभ्रु कार्तिक्यां प्रयतो नरः

vṛṣotsargaṃ naraḥ kurvaṃstārayetsakulodbhavān || śrāddhaṃ yaḥ kurute subhru kārtikyāṃ prayato naraḥ

Sanskrit only: no published translation is held for this verse.

पितरस्तारितास्तेन सदैव प्रपितामहाः

pitarastāritāstena sadaiva prapitāmahāḥ

Sanskrit only: no published translation is held for this verse.

इति श्रीवराहपुरणे मथुरामाहात्म्ये अकूर तीर्थप्रभावो नाम पंचपंचाशदधिकशततमोऽध्यायः

iti śrīvarāhapuraṇe mathurāmāhātmye akūra tīrthaprabhāvo nāma paṃcapaṃcāśadadhikaśatatamo'dhyāyaḥ

Sanskrit only: no published translation is held for this verse.