Varāha Purāṇa 158

अथ मथुरातीर्थप्रादुर्भावः ।। श्रीवराह उवाच ।। विंशतिर्योजनानां तु माथुरं मम मण्डलम् ।। यत्रतत्र नरः स्नातो मुच्यते सर्वकिल्बिषैः

atha mathurātīrthaprādurbhāvaḥ || śrīvarāha uvāca || viṃśatiryojanānāṃ tu māthuraṃ mama maṇḍalam || yatratatra naraḥ snāto mucyate sarvakilbiṣaiḥ

Sanskrit only: no published translation is held for this verse.

वर्षाकाले तु स्थातव्यं यच्च स्थानं तु हर्षदम् ।। पुण्यात्पुण्यतरं चैव माथुरे मम मण्डले

varṣākāle tu sthātavyaṃ yacca sthānaṃ tu harṣadam || puṇyātpuṇyataraṃ caiva māthure mama maṇḍale

Sanskrit only: no published translation is held for this verse.

सप्तद्वीपेषु तीर्थानि पुण्यान्यायतनानि च ।। मथुरायां गमिष्यन्ति प्रसुप्ते तु सदा मयि

saptadvīpeṣu tīrthāni puṇyānyāyatanāni ca || mathurāyāṃ gamiṣyanti prasupte tu sadā mayi

Sanskrit only: no published translation is held for this verse.

सुप्तोत्थितं तु दृष्ट्वा मां मथुरायां वसुन्धरे ।। ते नरा मां प्रपश्यन्ति सर्वकालं न संशयः

suptotthitaṃ tu dṛṣṭvā māṃ mathurāyāṃ vasundhare || te narā māṃ prapaśyanti sarvakālaṃ na saṃśayaḥ

Sanskrit only: no published translation is held for this verse.

सुप्तोत्थितं तु वसुधे दृष्ट्वा मे मुखपङ्कजम् ।। सप्तजन्मकृतं पापं तत्क्षणादेव मुञ्चति

suptotthitaṃ tu vasudhe dṛṣṭvā me mukhapaṅkajam || saptajanmakṛtaṃ pāpaṃ tatkṣaṇādeva muñcati

Sanskrit only: no published translation is held for this verse.

मथुरावासिनो लोकाः सर्वे ते मुक्तिभाजनाः ।। मथुरां समनुप्राप्य दृष्ट्वा देवं तु केशवम्

mathurāvāsino lokāḥ sarve te muktibhājanāḥ || mathurāṃ samanuprāpya dṛṣṭvā devaṃ tu keśavam

Sanskrit only: no published translation is held for this verse.

स्नात्वा पुनस्तु कालिन्द्यां मम लोके महीयते ।। स तत्फलमवाप्नोति राजसूयाश्वमेधयोः

snātvā punastu kālindyāṃ mama loke mahīyate || sa tatphalamavāpnoti rājasūyāśvamedhayoḥ

Sanskrit only: no published translation is held for this verse.

प्रदक्षिणीकृतो येन मथुरायां तु केशवः ।। प्रदक्षिणीकृता तेन सप्तद्वीपा वसुन्धरा

pradakṣiṇīkṛto yena mathurāyāṃ tu keśavaḥ || pradakṣiṇīkṛtā tena saptadvīpā vasundharā

Sanskrit only: no published translation is held for this verse.

घृतपूर्णेन पात्रेण समग्रेण च वाससा ।। केशवस्याग्रतो दत्त्वा दीपकं तु वसुन्धरे

ghṛtapūrṇena pātreṇa samagreṇa ca vāsasā || keśavasyāgrato dattvā dīpakaṃ tu vasundhare

Sanskrit only: no published translation is held for this verse.

पंचयोजनविस्तारमायामं पंच विस्तरम् ।। दीपमालासमाकीर्णं विमानं लभते नरः

paṃcayojanavistāramāyāmaṃ paṃca vistaram || dīpamālāsamākīrṇaṃ vimānaṃ labhate naraḥ

Sanskrit only: no published translation is held for this verse.

सर्वकामसमृद्धं तदप्सरोगणसेवितम् ।। रम्यमालासमाकीर्णं भोगाढ्यं सर्वकामिकम्

sarvakāmasamṛddhaṃ tadapsarogaṇasevitam || ramyamālāsamākīrṇaṃ bhogāḍhyaṃ sarvakāmikam

Sanskrit only: no published translation is held for this verse.

समारोहति वै नित्यं प्रभामण्डलमण्डितम् ।। ये देवा ये च गन्धर्वाः सिद्धाश्चारणपन्नगाः

samārohati vai nityaṃ prabhāmaṇḍalamaṇḍitam || ye devā ye ca gandharvāḥ siddhāścāraṇapannagāḥ

Sanskrit only: no published translation is held for this verse.

तं स्पृहन्ति सदा देवि पुण्यमस्ति कृतं भुवि ।। यदि कालान्तरे पुण्यं हीयतेऽस्य पुरा कृतम्

taṃ spṛhanti sadā devi puṇyamasti kṛtaṃ bhuvi || yadi kālāntare puṇyaṃ hīyate'sya purā kṛtam

Sanskrit only: no published translation is held for this verse.

सतां पुण्यगृहे देवि जायते मानवो हि सः ।। धरण्युवाच ।। क्षेत्रं हि रक्षते देव कस्त्विदं पापनाशनम्

satāṃ puṇyagṛhe devi jāyate mānavo hi saḥ || dharaṇyuvāca || kṣetraṃ hi rakṣate deva kastvidaṃ pāpanāśanam

Sanskrit only: no published translation is held for this verse.

पशुभूतपिशाचैश्च रक्षोभूतविनायकैः ।। एवमादिभिराकृष्टं तत्क्षेत्रं फलदं भवेत्

paśubhūtapiśācaiśca rakṣobhūtavināyakaiḥ || evamādibhirākṛṣṭaṃ tatkṣetraṃ phaladaṃ bhavet

Sanskrit only: no published translation is held for this verse.

श्रीवराह उवाच ।। मत्क्षेत्रं ते न पश्यन्ति मत्प्रभावात्कदाचन ।। न विकुर्वन्ति ते दृष्ट्वा मत्पराणां हि देहिनाम्

śrīvarāha uvāca || matkṣetraṃ te na paśyanti matprabhāvātkadācana || na vikurvanti te dṛṣṭvā matparāṇāṃ hi dehinām

Sanskrit only: no published translation is held for this verse.

रक्षार्थं हि मया दत्ता दिक्पालास्तु वरानने ।। लोकपालास्तु चत्वारस्तीर्थं रक्षन्ति ये सदा

rakṣārthaṃ hi mayā dattā dikpālāstu varānane || lokapālāstu catvārastīrthaṃ rakṣanti ye sadā

Sanskrit only: no published translation is held for this verse.

पूर्वां रक्षति इन्द्रस्तु यमो रक्षति दक्षिणाम् ।। पश्चिमां रक्षते नित्यं वरुणः पाशभृत्स्वयम्

pūrvāṃ rakṣati indrastu yamo rakṣati dakṣiṇām || paścimāṃ rakṣate nityaṃ varuṇaḥ pāśabhṛtsvayam

Sanskrit only: no published translation is held for this verse.

उत्तरां वै कुबेरस्तु महाबलपराक्रमः ।। मध्यं तु रक्षते नित्यं शिवो देव उमापतिः

uttarāṃ vai kuberastu mahābalaparākramaḥ || madhyaṃ tu rakṣate nityaṃ śivo deva umāpatiḥ

Sanskrit only: no published translation is held for this verse.

मथुरायां गृहं यस्तु प्रासादं कुरुते नरः ।। चतुर्भुजस्तु विज्ञेयो जीवन्मुक्तो न संशयः

mathurāyāṃ gṛhaṃ yastu prāsādaṃ kurute naraḥ || caturbhujastu vijñeyo jīvanmukto na saṃśayaḥ

Sanskrit only: no published translation is held for this verse.

मथुराया महाभागे कुण्डे च विमलोदके ।। गम्भीरे सर्वदा देवि तिष्ठते च चतुर्भुजः

mathurāyā mahābhāge kuṇḍe ca vimalodake || gambhīre sarvadā devi tiṣṭhate ca caturbhujaḥ

Sanskrit only: no published translation is held for this verse.

तत्र मुञ्चेत यः प्राणान् स्नानं कृत्वा वसुन्धरे ।। वैष्णवं लोकमासाद्य क्रीडते स सुखादिव

tatra muñceta yaḥ prāṇān snānaṃ kṛtvā vasundhare || vaiṣṇavaṃ lokamāsādya krīḍate sa sukhādiva

Sanskrit only: no published translation is held for this verse.

तत्रैव तु सदाश्चर्यं कथ्यमानं मया शृणु ।। यदुच्यते वै सुश्रोणि कुण्डे तु विमलोदके

tatraiva tu sadāścaryaṃ kathyamānaṃ mayā śṛṇu || yaducyate vai suśroṇi kuṇḍe tu vimalodake

Sanskrit only: no published translation is held for this verse.

हेमन्ते तु भवेच्चोष्णं शीतलं ग्रीष्मके भवेत् ।। तेजसा मम सुश्रोणि तुषारतदृशोपमम्

hemante tu bhaveccoṣṇaṃ śītalaṃ grīṣmake bhavet || tejasā mama suśroṇi tuṣāratadṛśopamam

Sanskrit only: no published translation is held for this verse.

न वर्द्धते च वर्षासु ग्रीष्मे चापि न हीयते ।। एतच्च महदाश्चर्यं तस्मिन्कुण्डे परं मम

na varddhate ca varṣāsu grīṣme cāpi na hīyate || etacca mahadāścaryaṃ tasminkuṇḍe paraṃ mama

Sanskrit only: no published translation is held for this verse.

पदे पदे तीर्थफलं मथुरायां वसुंधरे।। तत्र तत्र नरः स्नातो मुच्यते सर्वपातकैः

pade pade tīrthaphalaṃ mathurāyāṃ vasuṃdhare|| tatra tatra naraḥ snāto mucyate sarvapātakaiḥ

Sanskrit only: no published translation is held for this verse.

वर्षासु स्थूलतीर्थेषु स्नातव्यं तु प्रयत्नतः ।। कूपे ह्रदे देवखाते गर्तेषु च नदीषु च

varṣāsu sthūlatīrtheṣu snātavyaṃ tu prayatnataḥ || kūpe hrade devakhāte garteṣu ca nadīṣu ca

Sanskrit only: no published translation is held for this verse.

प्रवाहेषु च दिव्येषु नदीनां सङ्मेषु च ।। वर्षासु सर्वतः स्नायाद्यदीच्छेत्परमां गतिम्

pravāheṣu ca divyeṣu nadīnāṃ saṅmeṣu ca || varṣāsu sarvataḥ snāyādyadīcchetparamāṃ gatim

Sanskrit only: no published translation is held for this verse.

अस्ति क्षेत्रं परं दिव्यं मुचुकुन्दं तु नामतः ।। मुचुकुंदः स्वपित्यत्र दानवासुरपातनः

asti kṣetraṃ paraṃ divyaṃ mucukundaṃ tu nāmataḥ || mucukuṃdaḥ svapityatra dānavāsurapātanaḥ

Sanskrit only: no published translation is held for this verse.

तत्र कुण्डे नरः स्नात्वा प्राप्नोत्यभिमतं जलम् ।। अथात्र मुञ्चते प्राणान्मम लोकं स गच्छति

tatra kuṇḍe naraḥ snātvā prāpnotyabhimataṃ jalam || athātra muñcate prāṇānmama lokaṃ sa gacchati

Sanskrit only: no published translation is held for this verse.

27 इहजन्मकृतं पापमन्यजन्मकृतं च यत् ।। शीघ्रं नश्यति तत्सर्वं कीर्त्तनात्केशवस्य तु

27 ihajanmakṛtaṃ pāpamanyajanmakṛtaṃ ca yat || śīghraṃ naśyati tatsarvaṃ kīrttanātkeśavasya tu

Sanskrit only: no published translation is held for this verse.

किं तस्य बहुभिर्मंत्रैर्भक्तिर्यस्य जनार्दने।। नरके पच्यमानस्य गतिर्देवि जनार्दनः

kiṃ tasya bahubhirmaṃtrairbhaktiryasya janārdane|| narake pacyamānasya gatirdevi janārdanaḥ

Sanskrit only: no published translation is held for this verse.

कृत्वा प्रदक्षिणं देवि विश्रामं कुरुते तु यः ।। नारायणसमीपे तु सोऽनन्तफलमश्नुते

kṛtvā pradakṣiṇaṃ devi viśrāmaṃ kurute tu yaḥ || nārāyaṇasamīpe tu so'nantaphalamaśnute

Sanskrit only: no published translation is held for this verse.

सुप्तोत्थितं हरिं दृष्ट्वा मथुरायां वसुन्धरे ।। न तस्य पुनरावृत्तिर्जायते स चतुर्भुजः

suptotthitaṃ hariṃ dṛṣṭvā mathurāyāṃ vasundhare || na tasya punarāvṛttirjāyate sa caturbhujaḥ

Sanskrit only: no published translation is held for this verse.

कुमुदस्य तु मासस्य नवम्यां तु वसुन्धरे ।। प्रदक्षिणीकृत्य भुवं सर्वपापैः प्रमुच्यते

kumudasya tu māsasya navamyāṃ tu vasundhare || pradakṣiṇīkṛtya bhuvaṃ sarvapāpaiḥ pramucyate

Sanskrit only: no published translation is held for this verse.

ब्रह्मघ्नश्च सुरापश्च गोघ्नो भग्नव्रतस्तथा ।। मथुरां तु परिक्रम्य पूतो भवति मानवः

brahmaghnaśca surāpaśca goghno bhagnavratastathā || mathurāṃ tu parikramya pūto bhavati mānavaḥ

Sanskrit only: no published translation is held for this verse.

अष्टम्यां प्राप्य मथुरां दन्तधावनपूर्वकम् ।। ब्रह्मचर्येण तां रात्रिं कृतसंकल्पमानसः

aṣṭamyāṃ prāpya mathurāṃ dantadhāvanapūrvakam || brahmacaryeṇa tāṃ rātriṃ kṛtasaṃkalpamānasaḥ

Sanskrit only: no published translation is held for this verse.

धौतवस्त्रस्तु सुस्नातो मौनव्रतपरायणः ।। प्रदक्षिणं तु कुर्वीत सर्वपातक नाशनम्

dhautavastrastu susnāto maunavrataparāyaṇaḥ || pradakṣiṇaṃ tu kurvīta sarvapātaka nāśanam

Sanskrit only: no published translation is held for this verse.

प्रदक्षिणां प्रकुर्वाणमन्यो यः स्पृशते नरः ।। सर्वान् कामानवाप्नोति नात्र कार्या विचारणा

pradakṣiṇāṃ prakurvāṇamanyo yaḥ spṛśate naraḥ || sarvān kāmānavāpnoti nātra kāryā vicāraṇā

Sanskrit only: no published translation is held for this verse.

मथुरायां नरो गत्वा दृष्ट्वा देवं स्वयम्भुवम् ।। प्रदक्षिणायां यत्पुण्यं तत्पुण्यं लभते नरः

mathurāyāṃ naro gatvā dṛṣṭvā devaṃ svayambhuvam || pradakṣiṇāyāṃ yatpuṇyaṃ tatpuṇyaṃ labhate naraḥ

Sanskrit only: no published translation is held for this verse.

देवस्याग्रे तु वसुधे कूपं तु विमलोदकम्।। पितरश्चाभिनन्दन्ति पानीयं पिण्डमेव च

devasyāgre tu vasudhe kūpaṃ tu vimalodakam|| pitaraścābhinandanti pānīyaṃ piṇḍameva ca

Sanskrit only: no published translation is held for this verse.

चतुःसामुद्रिकं नाम त्रिषु लोकेषु विश्रुतम् ।। तत्र स्नातो नरो भद्रे देवैश्च सह मोदते

catuḥsāmudrikaṃ nāma triṣu lokeṣu viśrutam || tatra snāto naro bhadre devaiśca saha modate

Sanskrit only: no published translation is held for this verse.

तत्राथ मुञ्चते प्राणान्मम लोकं स गच्छति

tatrātha muñcate prāṇānmama lokaṃ sa gacchati

Sanskrit only: no published translation is held for this verse.

इति श्रीवराहपुराणे मथुरामाहात्म्ये मथुरातीर्थप्रभावो नामाष्टपंचाशदधिकशततमोऽध्यायः

iti śrīvarāhapurāṇe mathurāmāhātmye mathurātīrthaprabhāvo nāmāṣṭapaṃcāśadadhikaśatatamo'dhyāyaḥ

Sanskrit only: no published translation is held for this verse.