Varāha Purāṇa 159

अथ मथुराप्रदक्षिणा विध्यादिकम् ।। धरण्युवाच ।। श्रुतं सुबहुशो देव तीर्थानां गुणविस्तरम् ।। प्रोच्यमानं तु पुण्याख्यं त्वत्प्रसादाज्जनार्दन

atha mathurāpradakṣiṇā vidhyādikam || dharaṇyuvāca || śrutaṃ subahuśo deva tīrthānāṃ guṇavistaram || procyamānaṃ tu puṇyākhyaṃ tvatprasādājjanārdana

Sanskrit only: no published translation is held for this verse.

न दानैर्न तपोभिश्च न यज्ञैस्तादृशं फलम्।। भूमेः प्रदक्षिणायाश्च यादृशं तीर्थसेवया

na dānairna tapobhiśca na yajñaistādṛśaṃ phalam|| bhūmeḥ pradakṣiṇāyāśca yādṛśaṃ tīrthasevayā

Sanskrit only: no published translation is held for this verse.

भुवश्च चतुरन्तायास्तीर्थप्रक्रमणं हरे ।। सर्वतीर्थाभिगमनमस्ति दुर्गतरं नृणाम्

bhuvaśca caturantāyāstīrthaprakramaṇaṃ hare || sarvatīrthābhigamanamasti durgataraṃ nṛṇām

Sanskrit only: no published translation is held for this verse.

अस्ति कश्चिदुपायोऽत्र येन सम्यगवाप्यते ।। प्रसादसुमुखो भूत्वा तत्सर्वं कथयस्व मे

asti kaścidupāyo'tra yena samyagavāpyate || prasādasumukho bhūtvā tatsarvaṃ kathayasva me

Sanskrit only: no published translation is held for this verse.

श्रीवराह उवाच ।। भद्रे शृणु महत्पुण्यं पृथिव्यां सर्वतोदिशम् ।। परिक्रम्य यथाध्वानं प्रमाणगणितं शुभम्

śrīvarāha uvāca || bhadre śṛṇu mahatpuṇyaṃ pṛthivyāṃ sarvatodiśam || parikramya yathādhvānaṃ pramāṇagaṇitaṃ śubham

Sanskrit only: no published translation is held for this verse.

भूम्याः परिक्रमे सम्यक्योजनानां प्रमाणकम् ।। षष्टिकोटिसहस्राणि षष्टिकोटिशतानि च

bhūmyāḥ parikrame samyakyojanānāṃ pramāṇakam || ṣaṣṭikoṭisahasrāṇi ṣaṣṭikoṭiśatāni ca

Sanskrit only: no published translation is held for this verse.

तीर्थान्येतानि देवाश्च तारकाश्च नभस्थले ।। गणितानि समस्तानि वायुना जगदायुषा

tīrthānyetāni devāśca tārakāśca nabhasthale || gaṇitāni samastāni vāyunā jagadāyuṣā

Sanskrit only: no published translation is held for this verse.

ब्रह्मणा लोमशेनैव नारदेन ध्रुवेण च ।। जाम्बवत्याश्च पुत्रेण रावणेन हनूमता

brahmaṇā lomaśenaiva nāradena dhruveṇa ca || jāmbavatyāśca putreṇa rāvaṇena hanūmatā

Sanskrit only: no published translation is held for this verse.

एतैरनेकधा देवैः ससागरवना मही ।। क्रमिता बलिना चैव बाह्यमण्डलरेखया

etairanekadhā devaiḥ sasāgaravanā mahī || kramitā balinā caiva bāhyamaṇḍalarekhayā

Sanskrit only: no published translation is held for this verse.

अन्तरा भ्रमणेनैव सुग्रीवेण महात्मना ।। तथा च पूर्वं देवेन्द्रैः पंचभिः पाण्डुनन्दनैः

antarā bhramaṇenaiva sugrīveṇa mahātmanā || tathā ca pūrvaṃ devendraiḥ paṃcabhiḥ pāṇḍunandanaiḥ

Sanskrit only: no published translation is held for this verse.

योगसिद्धैस्तथा कैश्चिन्मार्कण्डेयमुखैरपि ।। क्रमिता न क्रमिष्यन्ति न पूर्वे नापरे जनाः

yogasiddhaistathā kaiścinmārkaṇḍeyamukhairapi || kramitā na kramiṣyanti na pūrve nāpare janāḥ

Sanskrit only: no published translation is held for this verse.

अल्पसत्त्वबलोपेतैः प्राणिभिश्चाल्पबुद्धिभिः ।। मनसापि न शक्यंते गमनस्य च का कथा

alpasattvabalopetaiḥ prāṇibhiścālpabuddhibhiḥ || manasāpi na śakyaṃte gamanasya ca kā kathā

Sanskrit only: no published translation is held for this verse.

सप्तद्वीपे च तीर्थानां भ्रमणाद्यत्फलं भवेत् ।। प्राप्यते चाधिकं तस्मान्मथुरायाः परिक्रमे

saptadvīpe ca tīrthānāṃ bhramaṇādyatphalaṃ bhavet || prāpyate cādhikaṃ tasmānmathurāyāḥ parikrame

Sanskrit only: no published translation is held for this verse.

मथुरां समनुप्राप्य यस्तु कुर्यात्प्रदक्षिणम् ।। प्रदक्षिणीकृता तेन सप्तद्वीपा वसुन्धरा

mathurāṃ samanuprāpya yastu kuryātpradakṣiṇam || pradakṣiṇīkṛtā tena saptadvīpā vasundharā

Sanskrit only: no published translation is held for this verse.

तस्मात्सर्वप्रयत्नेन सर्वकामानभीप्सुभिः।। कर्त्तव्या मथुरां प्राप्य नरैः सम्यक्प्रदक्षिणा

tasmātsarvaprayatnena sarvakāmānabhīpsubhiḥ|| karttavyā mathurāṃ prāpya naraiḥ samyakpradakṣiṇā

Sanskrit only: no published translation is held for this verse.

धरण्युवाच ।। यथाविधानक्रमणं मथुरायामवाप्यते ।। प्रदक्षिणाफलं सम्यगनुक्रमविधिं वद

dharaṇyuvāca || yathāvidhānakramaṇaṃ mathurāyāmavāpyate || pradakṣiṇāphalaṃ samyaganukramavidhiṃ vada

Sanskrit only: no published translation is held for this verse.

श्रीवराह उवाच ।। पुरा सप्तर्षिभिः पृष्टो ब्रह्मा लोकपितामहः ।। इदमेव पुरा प्रोक्तं यथा पृष्टा त्वया ह्यहम्

śrīvarāha uvāca || purā saptarṣibhiḥ pṛṣṭo brahmā lokapitāmahaḥ || idameva purā proktaṃ yathā pṛṣṭā tvayā hyaham

Sanskrit only: no published translation is held for this verse.

श्रुत्वा सर्वपुराणोक्तं तीर्थानुक्रमणं परम् ।। पृथिव्याश्चतुरन्तायास्तथा तद्वक्तुमुद्यतः

śrutvā sarvapurāṇoktaṃ tīrthānukramaṇaṃ param || pṛthivyāścaturantāyāstathā tadvaktumudyataḥ

Sanskrit only: no published translation is held for this verse.

सर्वदेवेषु यत्पुण्यं सर्वतीर्थेषु यत्फलम् ।। सर्वदानेषु यत्प्रोक्तमिष्टापूर्त्तेषु चैव हि

sarvadeveṣu yatpuṇyaṃ sarvatīrtheṣu yatphalam || sarvadāneṣu yatproktamiṣṭāpūrtteṣu caiva hi

Sanskrit only: no published translation is held for this verse.

यत्फलं लभ्यते विप्रास्तस्माच्छतगुणोत्तरम् ।। प्रक्रमान्मथुरायास्तु सत्यमेतद्वदामि वः

yatphalaṃ labhyate viprāstasmācchataguṇottaram || prakramānmathurāyāstu satyametadvadāmi vaḥ

Sanskrit only: no published translation is held for this verse.

इत्युक्त्वा ऋषयो जग्मुरभिवाद्य स्वयम्भुवम् ।। आगत्य मथुरां देवीमाश्रमांश्चक्रिरे द्विजाः

ityuktvā ṛṣayo jagmurabhivādya svayambhuvam || āgatya mathurāṃ devīmāśramāṃścakrire dvijāḥ

Sanskrit only: no published translation is held for this verse.

ध्रुवेण सहिताश्चासन्कामयानास्तु तद्दिनम् ।। कुमुदस्य तु मासस्य नवम्यां शुक्लपक्षके

dhruveṇa sahitāścāsankāmayānāstu taddinam || kumudasya tu māsasya navamyāṃ śuklapakṣake

Sanskrit only: no published translation is held for this verse.

मथुरोपक्रमं कृत्वा सर्वपापैः प्रमुच्यते

mathuropakramaṃ kṛtvā sarvapāpaiḥ pramucyate

Sanskrit only: no published translation is held for this verse.

इति श्रीवराहपुराणे मथुरामाहात्म्ये मथुराप्रदक्षिणादिकं नामैकोनषष्ट्यधिकशततमोऽध्यायः

iti śrīvarāhapurāṇe mathurāmāhātmye mathurāpradakṣiṇādikaṃ nāmaikonaṣaṣṭyadhikaśatatamo'dhyāyaḥ

Sanskrit only: no published translation is held for this verse.