Varāha Purāṇa 160

अथ मथुरापरिक्रमप्रादुर्भावः ।। श्रीवराह उवाच ।। अष्टम्यां मथुरां प्राप्य कार्त्तिकस्यासिते नरः ।। स्नात्वा विश्रांतितीर्थे तु पितृदेवार्च्चने रतः

atha mathurāparikramaprādurbhāvaḥ || śrīvarāha uvāca || aṣṭamyāṃ mathurāṃ prāpya kārttikasyāsite naraḥ || snātvā viśrāṃtitīrthe tu pitṛdevārccane rataḥ

Sanskrit only: no published translation is held for this verse.

विश्रांतिदर्शनं कृत्वा दीर्घविष्णुं च केशवम् ।। प्रदक्षिणायाः सम्यग्वै फलमाप्नोति मानवः

viśrāṃtidarśanaṃ kṛtvā dīrghaviṣṇuṃ ca keśavam || pradakṣiṇāyāḥ samyagvai phalamāpnoti mānavaḥ

Sanskrit only: no published translation is held for this verse.

उपवासरतः सम्यगल्पमेध्याशनोऽथवा ।। दन्तकाष्ठं च सायाह्ने कृत्वा शुद्ध्यर्थमात्मनः

upavāsarataḥ samyagalpamedhyāśano'thavā || dantakāṣṭhaṃ ca sāyāhne kṛtvā śuddhyarthamātmanaḥ

Sanskrit only: no published translation is held for this verse.

ब्रह्मचर्येण तां रात्रिं कृत्वा सङ्कल्प्य मानसे ।। धौतवस्त्रेण सुस्नातो मौनव्रतपरायणः

brahmacaryeṇa tāṃ rātriṃ kṛtvā saṅkalpya mānase || dhautavastreṇa susnāto maunavrataparāyaṇaḥ

Sanskrit only: no published translation is held for this verse.

तिलाक्षतकुशान् गृह्य पितृदेवार्थमुद्यतः ।। दीपहस्तो वनं गत्वा श्रान्तो विश्रान्तिजागरे

tilākṣatakuśān gṛhya pitṛdevārthamudyataḥ || dīpahasto vanaṃ gatvā śrānto viśrāntijāgare

Sanskrit only: no published translation is held for this verse.

यथानुक्रमणं तैश्च ध्रुवाद्यैर्ऋषिभिः कृतम् ।। एवं परंपरायातं क्रमणीयं नरोत्तमैः

yathānukramaṇaṃ taiśca dhruvādyairṛṣibhiḥ kṛtam || evaṃ paraṃparāyātaṃ kramaṇīyaṃ narottamaiḥ

Sanskrit only: no published translation is held for this verse.

प्रदक्षिणा वर्त्तमाना भक्तिश्रद्धासमन्वितः ।। सर्वान्कामानवाप्नोति हयमेधफलं लभेत्

pradakṣiṇā varttamānā bhaktiśraddhāsamanvitaḥ || sarvānkāmānavāpnoti hayamedhaphalaṃ labhet

Sanskrit only: no published translation is held for this verse.

एवं जागरणं कृत्वा नवम्यां नियतः शुचिः ।। ब्राह्मे मुहुर्त्ते संप्राप्ते ततो यात्रामुपक्रमेत्

evaṃ jāgaraṇaṃ kṛtvā navamyāṃ niyataḥ śuciḥ || brāhme muhurtte saṃprāpte tato yātrāmupakramet

Sanskrit only: no published translation is held for this verse.

तथा प्रारभयेद्यात्रां यावन्नोदयते रविः ।। प्रातः स्नानं तथा कुर्यात्तीर्थे दक्षिणकोटिके

tathā prārabhayedyātrāṃ yāvannodayate raviḥ || prātaḥ snānaṃ tathā kuryāttīrthe dakṣiṇakoṭike

Sanskrit only: no published translation is held for this verse.

प्रक्षाल्य पादावाचम्य हनुमन्तं प्रसादयेत् ।। सर्वमङ्गलमाङ्गल्यं कुमारं ब्रह्मचारिणम्

prakṣālya pādāvācamya hanumantaṃ prasādayet || sarvamaṅgalamāṅgalyaṃ kumāraṃ brahmacāriṇam

Sanskrit only: no published translation is held for this verse.

विज्ञाप्य सिद्धिकर्त्तारं यात्रासिद्धिप्रदायकम् ।। यस्य संस्मरणादेव सर्वे नश्यन्त्युपद्रवाः

vijñāpya siddhikarttāraṃ yātrāsiddhipradāyakam || yasya saṃsmaraṇādeva sarve naśyantyupadravāḥ

Sanskrit only: no published translation is held for this verse.

यथा रामस्य यात्रायां सिद्धिस्ते सुप्रतिष्ठिता ।। तथा परिभ्रमन्तेऽद्य भवान्सिद्धिप्रदो भव

yathā rāmasya yātrāyāṃ siddhiste supratiṣṭhitā || tathā paribhramante'dya bhavānsiddhiprado bhava

Sanskrit only: no published translation is held for this verse.

इति विज्ञाप्य विधिवद्धनूमन्तं गणेश्वरम् ।। दीपपुष्पोपहारैस्तु पूजयित्वा विसर्ज्जयेत्

iti vijñāpya vidhivaddhanūmantaṃ gaṇeśvaram || dīpapuṣpopahāraistu pūjayitvā visarjjayet

Sanskrit only: no published translation is held for this verse.

तथैव पद्मनाभं तु दीर्घविष्णुं भयापहम् ।। विज्ञाप्य सिद्धिकर्त्तारं देव्यश्च तदनन्तरम्

tathaiva padmanābhaṃ tu dīrghaviṣṇuṃ bhayāpaham || vijñāpya siddhikarttāraṃ devyaśca tadanantaram

Sanskrit only: no published translation is held for this verse.

दृष्ट्वा वसुमतीं देवीं तथैव ह्यपराजिताम् ।। आयुधागारसंस्थां च नृणां सर्वभयापहाम्

dṛṣṭvā vasumatīṃ devīṃ tathaiva hyaparājitām || āyudhāgārasaṃsthāṃ ca nṛṇāṃ sarvabhayāpahām

Sanskrit only: no published translation is held for this verse.

कंसवासनिकां तद्वदौग्रसेनां च चर्च्चिकाम् ।। वधूटीं च तथा देवि दानवक्षयकारिणीम्

kaṃsavāsanikāṃ tadvadaugrasenāṃ ca carccikām || vadhūṭīṃ ca tathā devi dānavakṣayakāriṇīm

Sanskrit only: no published translation is held for this verse.

जयदां देवतानां च मातरो देवपूजिताः ।। गृहदेव्यो वास्तुदेव्यो दृष्ट्वानुज्ञाप्य निर्गमेत्

jayadāṃ devatānāṃ ca mātaro devapūjitāḥ || gṛhadevyo vāstudevyo dṛṣṭvānujñāpya nirgamet

Sanskrit only: no published translation is held for this verse.

मौनव्रतधरो गच्छेद्यावद्दक्षिणकोटिके ।। प्राप्य स्नात्वा पितृँस्तर्प्य दृष्ट्वा देवं प्रणम्य च

maunavratadharo gacchedyāvaddakṣiṇakoṭike || prāpya snātvā pitṛ~starpya dṛṣṭvā devaṃ praṇamya ca

Sanskrit only: no published translation is held for this verse.

नत्वा गच्छेदिक्षुवासां देवि कृष्णसुपूजिताम् ।। बालक्रीडनरूपाणि कृतानि सह गोपकैः ।। यानि तीर्थानि तान्येव स्थापितानि महर्षिभिः

natvā gacchedikṣuvāsāṃ devi kṛṣṇasupūjitām || bālakrīḍanarūpāṇi kṛtāni saha gopakaiḥ || yāni tīrthāni tānyeva sthāpitāni maharṣibhiḥ

Sanskrit only: no published translation is held for this verse.

ख्यातिं गतानि सर्वाणि सर्वपापहराणि च ।। वत्सपुत्रं ततो गच्छेत्सर्वपापहरं परम् ।। अर्कस्थलं वीरस्थलं कुशस्थलमनन्तरम्

khyātiṃ gatāni sarvāṇi sarvapāpaharāṇi ca || vatsaputraṃ tato gacchetsarvapāpaharaṃ param || arkasthalaṃ vīrasthalaṃ kuśasthalamanantaram

Sanskrit only: no published translation is held for this verse.

पुण्यस्थल महास्थल महापापविनाशनम् ।। पंचस्थलानि तत्रैव सर्वपापहराणि च

puṇyasthala mahāsthala mahāpāpavināśanam || paṃcasthalāni tatraiva sarvapāpaharāṇi ca

Sanskrit only: no published translation is held for this verse.

येषां तु दर्शनादेव ब्रह्मणा सह मोदते ।। शिवं सिद्धमुखं दृष्ट्वा स्थलानां फलमाप्नुयात्

yeṣāṃ tu darśanādeva brahmaṇā saha modate || śivaṃ siddhamukhaṃ dṛṣṭvā sthalānāṃ phalamāpnuyāt

Sanskrit only: no published translation is held for this verse.

हयमुक्तिं ततो गच्छेत्सिंदूरं ससहायकम् ।। श्रूयते चात्र ऋषिभिर्गाथा गीता पुरातनी

hayamuktiṃ tato gacchetsiṃdūraṃ sasahāyakam || śrūyate cātra ṛṣibhirgāthā gītā purātanī

Sanskrit only: no published translation is held for this verse.

अश्वारूढेन तेनैव यत्रेयं समनुष्ठिता ।। अश्वो मुक्तिं गतस्तत्र सहायसहितः सुखम्

aśvārūḍhena tenaiva yatreyaṃ samanuṣṭhitā || aśvo muktiṃ gatastatra sahāyasahitaḥ sukham

Sanskrit only: no published translation is held for this verse.

राजपुत्रः स्थितस्तत्र यानयात्रा न मुक्तिदा ।। तस्माद्यानैश्च यात्रा तु न कर्त्तव्या फलेच्छया

rājaputraḥ sthitastatra yānayātrā na muktidā || tasmādyānaiśca yātrā tu na karttavyā phalecchayā

Sanskrit only: no published translation is held for this verse.

तस्मिंस्तीर्थे तु तं दृष्ट्वा स्पृष्ट्वा पापैः प्रमुच्यते ।। कुण्डं शिवस्य विख्यातं तत्र स्नानफलं महत्

tasmiṃstīrthe tu taṃ dṛṣṭvā spṛṣṭvā pāpaiḥ pramucyate || kuṇḍaṃ śivasya vikhyātaṃ tatra snānaphalaṃ mahat

Sanskrit only: no published translation is held for this verse.

मल्लिकादर्शनं कृत्वा कृष्णस्य जयदं शुभम् ।। ततः कदंबखण्डस्य गमनात्सिद्धिमाप्नुयात्

mallikādarśanaṃ kṛtvā kṛṣṇasya jayadaṃ śubham || tataḥ kadaṃbakhaṇḍasya gamanātsiddhimāpnuyāt

Sanskrit only: no published translation is held for this verse.

चर्चिका योगिनी तत्र योगिनीपरिवारिता ।। कृष्णस्य रक्षणार्थं हि स्थिता सा दक्षिणां दिशम्

carcikā yoginī tatra yoginīparivāritā || kṛṣṇasya rakṣaṇārthaṃ hi sthitā sā dakṣiṇāṃ diśam

Sanskrit only: no published translation is held for this verse.

अस्पृश्या चास्पृशा चैव मातरौ लोकपूजितौ ।। बालानां दर्शनं ताभ्यां महारक्षां करिष्यति

aspṛśyā cāspṛśā caiva mātarau lokapūjitau || bālānāṃ darśanaṃ tābhyāṃ mahārakṣāṃ kariṣyati

Sanskrit only: no published translation is held for this verse.

वर्षखातं ततो गत्वा कुण्डं पापहरं परम् ।। गत्वा स्नात्वा पितॄँस्तर्प्य सर्वपापैः प्रमुच्यते

varṣakhātaṃ tato gatvā kuṇḍaṃ pāpaharaṃ param || gatvā snātvā pitṝ~starpya sarvapāpaiḥ pramucyate

Sanskrit only: no published translation is held for this verse.

क्षेत्रपालं ततो गत्वा शिवं भूतेश्वरं हरम् ।। मथुराक्रमणं तस्य जायते सफलं तथा

kṣetrapālaṃ tato gatvā śivaṃ bhūteśvaraṃ haram || mathurākramaṇaṃ tasya jāyate saphalaṃ tathā

Sanskrit only: no published translation is held for this verse.

कृष्णक्रीडासेतुबन्धं महापातकनाशनम् ।। बालानां क्रीडनार्थं च कृत्वा देवो गदाधरः

kṛṣṇakrīḍāsetubandhaṃ mahāpātakanāśanam || bālānāṃ krīḍanārthaṃ ca kṛtvā devo gadādharaḥ

Sanskrit only: no published translation is held for this verse.

गोपकैः सहितस्तत्र क्षणमेकं दिनेदिने ।। तत्रैव रमणार्थं हि नित्यकालं स गच्छति

gopakaiḥ sahitastatra kṣaṇamekaṃ dinedine || tatraiva ramaṇārthaṃ hi nityakālaṃ sa gacchati

Sanskrit only: no published translation is held for this verse.

बलिह्रदं च तत्रैव जलक्रीडाकृतं शुभम् ।। यस्य सन्दर्शनादेव सर्वपापैः प्रमुच्यते

balihradaṃ ca tatraiva jalakrīḍākṛtaṃ śubham || yasya sandarśanādeva sarvapāpaiḥ pramucyate

Sanskrit only: no published translation is held for this verse.

ततः परं च कृष्णेन कुक्कुटैः क्रीडनं कृतम् ।। यस्य दर्शनमात्रेण चण्डोऽपि गतिमाप्नुयात्

tataḥ paraṃ ca kṛṣṇena kukkuṭaiḥ krīḍanaṃ kṛtam || yasya darśanamātreṇa caṇḍo'pi gatimāpnuyāt

Sanskrit only: no published translation is held for this verse.

स्तम्भोच्चयं सुशिखरं सौरभैः सुसुगन्धिभिः ।। भूषितं पूजितं तत्र कृष्णेनाक्लिष्टकर्मणा

stambhoccayaṃ suśikharaṃ saurabhaiḥ susugandhibhiḥ || bhūṣitaṃ pūjitaṃ tatra kṛṣṇenākliṣṭakarmaṇā

Sanskrit only: no published translation is held for this verse.

तस्य प्रदक्षिणं कृत्वा परिपूज्य प्रयत्नतः ।। मुच्यते सर्वपापेभ्यो विष्णुलोकं व्रजेत्तु सः

tasya pradakṣiṇaṃ kṛtvā paripūjya prayatnataḥ || mucyate sarvapāpebhyo viṣṇulokaṃ vrajettu saḥ

Sanskrit only: no published translation is held for this verse.

वसुदेवेन देवक्या गर्भस्य रक्षणाय च ।। कृतमेकान्तशयनं महापातकनाशनम्

vasudevena devakyā garbhasya rakṣaṇāya ca || kṛtamekāntaśayanaṃ mahāpātakanāśanam

Sanskrit only: no published translation is held for this verse.

ततो नारायणस्थानं प्रविशेन्मुक्तिहेतवे ।। परिक्रम्य ततो देवान्नारायणपुरोगमान्

tato nārāyaṇasthānaṃ praviśenmuktihetave || parikramya tato devānnārāyaṇapurogamān

Sanskrit only: no published translation is held for this verse.

दृष्ट्वा ततः सुविज्ञाप्य गणं विधिविनायकम् ।। कुब्जिकां वामनां चैव ब्राह्मण्यौ कृष्णपालिते

dṛṣṭvā tataḥ suvijñāpya gaṇaṃ vidhivināyakam || kubjikāṃ vāmanāṃ caiva brāhmaṇyau kṛṣṇapālite

Sanskrit only: no published translation is held for this verse.

अनुज्ञाय ततः स्थानं द्रष्टुं गर्त्तेश्वरं शिवम् ।। दृष्टमात्रेण तत्रैव यात्राफलमवाप्यते

anujñāya tataḥ sthānaṃ draṣṭuṃ gartteśvaraṃ śivam || dṛṣṭamātreṇa tatraiva yātrāphalamavāpyate

Sanskrit only: no published translation is held for this verse.

महाविद्येश्वरी देवी आरक्षं पापकं हरेत् ।। क्षेत्रस्य रक्षणार्थं हि यात्रायाः सिद्धिदां नृणाम्

mahāvidyeśvarī devī ārakṣaṃ pāpakaṃ haret || kṣetrasya rakṣaṇārthaṃ hi yātrāyāḥ siddhidāṃ nṛṇām

Sanskrit only: no published translation is held for this verse.

प्रभा मल्ली च तत्रैव दृष्ट्वा कामानवाप्नुयात् ।। महाविद्येश्वरी देवी कृष्णरक्षार्थमुद्यता

prabhā mallī ca tatraiva dṛṣṭvā kāmānavāpnuyāt || mahāvidyeśvarī devī kṛṣṇarakṣārthamudyatā

Sanskrit only: no published translation is held for this verse.

नित्यं सन्निहिता तत्र सिद्धिदा पापनाशिनी ।। कृष्णेन बलभद्रेण गोपैः कंसं जिघांसुभिः

nityaṃ sannihitā tatra siddhidā pāpanāśinī || kṛṣṇena balabhadreṇa gopaiḥ kaṃsaṃ jighāṃsubhiḥ

Sanskrit only: no published translation is held for this verse.

सङ्केतकं कृतं तत्र मन्त्रनिश्चयकारकम् ।। तदा संकेतकैः सा च सिद्धा देवी प्रतिष्ठिता

saṅketakaṃ kṛtaṃ tatra mantraniścayakārakam || tadā saṃketakaiḥ sā ca siddhā devī pratiṣṭhitā

Sanskrit only: no published translation is held for this verse.

सिद्धिप्रदा भोगदा च तेन सिद्धेश्वरी स्मृता ।। संकेतकेश्वरीं चैव दृष्ट्वा सिद्धिमवाप्नुयात्

siddhipradā bhogadā ca tena siddheśvarī smṛtā || saṃketakeśvarīṃ caiva dṛṣṭvā siddhimavāpnuyāt

Sanskrit only: no published translation is held for this verse.

तत्र कुण्डं स्वच्छजलं महापातकनाशनम् ।। ततो दृष्ट्वा महादेवं गोकर्णेश्वरनामतः

tatra kuṇḍaṃ svacchajalaṃ mahāpātakanāśanam || tato dṛṣṭvā mahādevaṃ gokarṇeśvaranāmataḥ

Sanskrit only: no published translation is held for this verse.

यस्य दर्शनमात्रेण सर्वपापैः प्रमुच्यते ।। सरस्वतीं नदीं दृष्ट्वा ततो भद्राणि पश्यति

yasya darśanamātreṇa sarvapāpaiḥ pramucyate || sarasvatīṃ nadīṃ dṛṣṭvā tato bhadrāṇi paśyati

Sanskrit only: no published translation is held for this verse.

विघ्नराजं ततो गच्छेद्गणेशं विघ्ननायकम् ।। सर्वसिद्धिप्रदं रम्यं दर्शनाच्च फलं लभेत्

vighnarājaṃ tato gacchedgaṇeśaṃ vighnanāyakam || sarvasiddhipradaṃ ramyaṃ darśanācca phalaṃ labhet

Sanskrit only: no published translation is held for this verse.

गंगा साध्वी च तत्रैव महापातकनाशिनी ।। दृष्ट्वा स्पृष्ट्वा तथा ध्यात्वा सर्वकामान्समश्नुते

gaṃgā sādhvī ca tatraiva mahāpātakanāśinī || dṛṣṭvā spṛṣṭvā tathā dhyātvā sarvakāmānsamaśnute

Sanskrit only: no published translation is held for this verse.

महादेवमुखाकारं नाम्ना रुद्रमहालयम् ।। क्षेत्रपं तं परं दृष्ट्वा क्षेत्रवासफलं लभेत्

mahādevamukhākāraṃ nāmnā rudramahālayam || kṣetrapaṃ taṃ paraṃ dṛṣṭvā kṣetravāsaphalaṃ labhet

Sanskrit only: no published translation is held for this verse.

तस्मादुत्तरकोटिं च दृष्ट्वा देवं गणेश्वरम् ।। द्यूतक्रीडा भगवता कृता गोपजनैः सह

tasmāduttarakoṭiṃ ca dṛṣṭvā devaṃ gaṇeśvaram || dyūtakrīḍā bhagavatā kṛtā gopajanaiḥ saha

Sanskrit only: no published translation is held for this verse.

नानापहासरूपेण जिता गोप्यो धनानि च ।। गोपैरानीय ताश्चैव कृष्णाय च निवेदिताः

nānāpahāsarūpeṇa jitā gopyo dhanāni ca || gopairānīya tāścaiva kṛṣṇāya ca niveditāḥ

Sanskrit only: no published translation is held for this verse.

गोपालकृष्णगमनं महापातकनाशनम् ।। समस्तं बालचरितं भ्रमणं च यथासुखम्

gopālakṛṣṇagamanaṃ mahāpātakanāśanam || samastaṃ bālacaritaṃ bhramaṇaṃ ca yathāsukham

Sanskrit only: no published translation is held for this verse.

कृतं तत्र यथारूपं यद्रूपं च यथा तथा ।। ऋषिभिः सेवितं ध्यातं विष्णोर्माहात्म्यमुत्तमम्

kṛtaṃ tatra yathārūpaṃ yadrūpaṃ ca yathā tathā || ṛṣibhiḥ sevitaṃ dhyātaṃ viṣṇormāhātmyamuttamam

Sanskrit only: no published translation is held for this verse.

ततो गच्छेन्महातीर्थं विमलं यमुनाम्भसि ।। स्नात्वा पीत्वा पितॄंस्तर्प्य नाम्ना रुद्रमहालयम्

tato gacchenmahātīrthaṃ vimalaṃ yamunāmbhasi || snātvā pītvā pitṝṃstarpya nāmnā rudramahālayam

Sanskrit only: no published translation is held for this verse.

गार्ग्यतीर्थे महापुण्ये नरस्तत्र तथा क्रमेत् ।। भद्रेश्वरे महातीर्थे सोमतीर्थे तथैव च

gārgyatīrthe mahāpuṇye narastatra tathā kramet || bhadreśvare mahātīrthe somatīrthe tathaiva ca

Sanskrit only: no published translation is held for this verse.

स्नात्वा सोमेश्वरं देवं दृष्ट्वा यात्राफलं लभेत् ।। सरस्वत्याः सङ्गमे च देवर्षिपितृमानवान्

snātvā someśvaraṃ devaṃ dṛṣṭvā yātrāphalaṃ labhet || sarasvatyāḥ saṅgame ca devarṣipitṛmānavān

Sanskrit only: no published translation is held for this verse.

सन्तर्प्य विधिवद्दत्त्वा विष्णुसायुज्यमाप्नुयात् ।। घण्टाभरणके तद्वत्तथा गरुडकेशवे

santarpya vidhivaddattvā viṣṇusāyujyamāpnuyāt || ghaṇṭābharaṇake tadvattathā garuḍakeśave

Sanskrit only: no published translation is held for this verse.

धारालोपनके तद्वद्वैकुण्ठे खण्डवेलके ।। मन्दाकिन्याः संयमने असिकुण्डे तथैव च

dhārālopanake tadvadvaikuṇṭhe khaṇḍavelake || mandākinyāḥ saṃyamane asikuṇḍe tathaiva ca

Sanskrit only: no published translation is held for this verse.

गोपानां तीर्थके चैव तथा वै मुक्तिकेश्वरे ।। वैलक्षगरुडे चैव महापातकनाशने

gopānāṃ tīrthake caiva tathā vai muktikeśvare || vailakṣagaruḍe caiva mahāpātakanāśane

Sanskrit only: no published translation is held for this verse.

तीर्थान्येतानि पुण्यानि यथा विश्रान्तिसंज्ञकम् ।। एषु तीर्थेषु क्रमितो भक्तिमांश्च जितेन्द्रियः

tīrthānyetāni puṇyāni yathā viśrāntisaṃjñakam || eṣu tīrtheṣu kramito bhaktimāṃśca jitendriyaḥ

Sanskrit only: no published translation is held for this verse.

देवान्पितॄन् समभ्यर्च्य ततो देवं प्रसादयेत् ।। अविमुक्तेश देवेश सप्तर्षिभिरभिष्टुत

devānpitṝn samabhyarcya tato devaṃ prasādayet || avimukteśa deveśa saptarṣibhirabhiṣṭuta

Sanskrit only: no published translation is held for this verse.

मथुराक्रमणीयं मे सफलं स्यात्तवाज्ञया ।। इत्येवं देवदेवेशं विज्ञाप्य क्षेत्रपं शिवम्

mathurākramaṇīyaṃ me saphalaṃ syāttavājñayā || ityevaṃ devadeveśaṃ vijñāpya kṣetrapaṃ śivam

Sanskrit only: no published translation is held for this verse.

विश्रान्तिसंज्ञके स्नानं कृत्वा च पितृतर्पणम् ।। गतश्रमं परिक्रम्य स्तुत्वा दृष्ट्वा प्रणम्य च

viśrāntisaṃjñake snānaṃ kṛtvā ca pitṛtarpaṇam || gataśramaṃ parikramya stutvā dṛṣṭvā praṇamya ca

Sanskrit only: no published translation is held for this verse.

सुमङ्गलां ततो गच्छेद्यात्रासिद्धिं प्रसादयेत् ।। सर्वमङ्गलमांगल्ये शिवे सर्वार्थसाधिके

sumaṅgalāṃ tato gacchedyātrāsiddhiṃ prasādayet || sarvamaṅgalamāṃgalye śive sarvārthasādhike

Sanskrit only: no published translation is held for this verse.

यात्रेयं त्वत्प्रसादेन सफला मे भवत्विति ।। पिप्पलादेश्वरं देवं पिप्पलादेन पूजितम्

yātreyaṃ tvatprasādena saphalā me bhavatviti || pippalādeśvaraṃ devaṃ pippalādena pūjitam

Sanskrit only: no published translation is held for this verse.

विश्रान्तस्तु परिक्रम्य त्रातस्तत्र महातपाः ।। उपलिप्य ततस्तस्य शीर्षोपरि महच्छिवम्

viśrāntastu parikramya trātastatra mahātapāḥ || upalipya tatastasya śīrṣopari mahacchivam

Sanskrit only: no published translation is held for this verse.

स्वनाम्ना चिह्नितं स्थाप्य तदा यात्राफलं लभेत् ।। कर्कोटकं तथा नागं महादुष्टनिवारणम्

svanāmnā cihnitaṃ sthāpya tadā yātrāphalaṃ labhet || karkoṭakaṃ tathā nāgaṃ mahāduṣṭanivāraṇam

Sanskrit only: no published translation is held for this verse.

दृष्ट्वा गच्छेत्ततो देवीं या कृष्णेन विनिर्मिता ।। कंसभेदं प्रथमतः श्रुतं यत्र कुमन्त्रितम्

dṛṣṭvā gacchettato devīṃ yā kṛṣṇena vinirmitā || kaṃsabhedaṃ prathamataḥ śrutaṃ yatra kumantritam

Sanskrit only: no published translation is held for this verse.

सुखवासं च वरदं कृष्णस्याक्लिष्टकर्मणः ।। सुखासीनं च तत्रैव स्थापितं शकुनाय वै

sukhavāsaṃ ca varadaṃ kṛṣṇasyākliṣṭakarmaṇaḥ || sukhāsīnaṃ ca tatraiva sthāpitaṃ śakunāya vai

Sanskrit only: no published translation is held for this verse.

स्वानुकूलः स्वरो यत्र प्रवेशे दक्षिणः स्वनः ।। ध्याता स्वभावे कृष्णेन स्वसा सातिसुखप्रदा

svānukūlaḥ svaro yatra praveśe dakṣiṇaḥ svanaḥ || dhyātā svabhāve kṛṣṇena svasā sātisukhapradā

Sanskrit only: no published translation is held for this verse.

भयार्तेन च कृष्णेन ध्याता देवी च चण्डिका ।। स्थापिता सिद्धिदा तत्र नाम्ना चार्त्तिहरा ततः

bhayārtena ca kṛṣṇena dhyātā devī ca caṇḍikā || sthāpitā siddhidā tatra nāmnā cārttiharā tataḥ

Sanskrit only: no published translation is held for this verse.

दृष्ट्वा सर्वार्त्तिहरणं यस्या देव्याः सुखी नरः ।। अग्रोत्तरं शुभवरं शकुनार्थं च याचतः

dṛṣṭvā sarvārttiharaṇaṃ yasyā devyāḥ sukhī naraḥ || agrottaraṃ śubhavaraṃ śakunārthaṃ ca yācataḥ

Sanskrit only: no published translation is held for this verse.

कृष्णस्य कंसघातार्थं संभूता सा तथोत्तरे ।। तां दृष्ट्वा मनुजः कामान्सर्वानिष्टानवाप्नुयात्

kṛṣṇasya kaṃsaghātārthaṃ saṃbhūtā sā tathottare || tāṃ dṛṣṭvā manujaḥ kāmānsarvāniṣṭānavāpnuyāt

Sanskrit only: no published translation is held for this verse.

वज्राननं ततो ध्यात्वा कृष्णो मल्लजिघांसया।। निहत्य मल्लान्पश्चाद्धि वज्राननमकल्पयत्

vajrānanaṃ tato dhyātvā kṛṣṇo mallajighāṃsayā|| nihatya mallānpaścāddhi vajrānanamakalpayat

Sanskrit only: no published translation is held for this verse.

वाञ्छितार्थफलं चक्रे कृष्णेनास्य मनोरथान्।। यस्यै यस्यै देवतायै तस्यै तस्यै ददौ मखम्

vāñchitārthaphalaṃ cakre kṛṣṇenāsya manorathān|| yasyai yasyai devatāyai tasyai tasyai dadau makham

Sanskrit only: no published translation is held for this verse.

उपयाचितं तु माङ्गल्यं सर्वपापहरं शुभम्।। कृष्णस्य बालचरितं महापातकनाशनम्

upayācitaṃ tu māṅgalyaṃ sarvapāpaharaṃ śubham|| kṛṣṇasya bālacaritaṃ mahāpātakanāśanam

Sanskrit only: no published translation is held for this verse.

सूर्यं तं वरदं देवं माथुराणां कुलेश्वरम् ।। दृष्ट्वा तत्रैव दानं च दत्त्वा यात्रां समापयेत्

sūryaṃ taṃ varadaṃ devaṃ māthurāṇāṃ kuleśvaram || dṛṣṭvā tatraiva dānaṃ ca dattvā yātrāṃ samāpayet

Sanskrit only: no published translation is held for this verse.

एवं प्रदक्षिणं कृत्वा नवम्यां शुक्लकौमुदे ।। सर्वं कुलं समादाय विष्णुलोके महीयते

evaṃ pradakṣiṇaṃ kṛtvā navamyāṃ śuklakaumude || sarvaṃ kulaṃ samādāya viṣṇuloke mahīyate

Sanskrit only: no published translation is held for this verse.

क्रमतः पदविन्यासाद्यावन्तः सर्वतो दिशः ।। तावन्तः कुलसंभूताः सूर्ये तिष्ठन्ति शाश्वते

kramataḥ padavinyāsādyāvantaḥ sarvato diśaḥ || tāvantaḥ kulasaṃbhūtāḥ sūrye tiṣṭhanti śāśvate

Sanskrit only: no published translation is held for this verse.

ब्रह्मघ्नश्च सुरापश्च चौरा भग्नव्रताश्च ये ।। अगम्यागमने शीलाः क्षेत्रदारापहारकाः

brahmaghnaśca surāpaśca caurā bhagnavratāśca ye || agamyāgamane śīlāḥ kṣetradārāpahārakāḥ

Sanskrit only: no published translation is held for this verse.

मथुराक्रमणं कृत्वा विपाप्मानो भवन्ति ते ।। अन्यदेशागतो दूरात्परिभ्रमति यो नरः

mathurākramaṇaṃ kṛtvā vipāpmāno bhavanti te || anyadeśāgato dūrātparibhramati yo naraḥ

Sanskrit only: no published translation is held for this verse.

तस्य सन्दर्शनादन्ये पूताः स्युर्विगतामयाः ।। श्रुतं यैश्च विदूरस्थैः कृतयात्रं नरं नरैः

tasya sandarśanādanye pūtāḥ syurvigatāmayāḥ || śrutaṃ yaiśca vidūrasthaiḥ kṛtayātraṃ naraṃ naraiḥ

Sanskrit only: no published translation is held for this verse.

सर्वपापविनिर्मुक्तास्ते यान्ति परमं पदम्

sarvapāpavinirmuktāste yānti paramaṃ padam

Sanskrit only: no published translation is held for this verse.

इति श्रीवराहपुराणे मथुरा परिक्रमप्रादुर्भावो नाम षष्ट्यधिकशततमोऽध्यायः

iti śrīvarāhapurāṇe mathurā parikramaprādurbhāvo nāma ṣaṣṭyadhikaśatatamo'dhyāyaḥ

Sanskrit only: no published translation is held for this verse.