Varāha Purāṇa 162

अथ चक्रतीर्थप्रभावः ।। श्रीवराह उवाच ।। पुनरन्यत्प्रवक्ष्यामि तच्छृणुष्व वसुन्धरे ।। चक्रतीर्थे पुरावृत्तं मथुरायास्तथोत्तरे

atha cakratīrthaprabhāvaḥ || śrīvarāha uvāca || punaranyatpravakṣyāmi tacchṛṇuṣva vasundhare || cakratīrthe purāvṛttaṃ mathurāyāstathottare

Sanskrit only: no published translation is held for this verse.

महागृहोदयं नाम जम्बूद्वीपस्य भूषणम् ।। तस्मिन् पुरवरे दिव्ये ब्राह्मणो वसते शुभे

mahāgṛhodayaṃ nāma jambūdvīpasya bhūṣaṇam || tasmin puravare divye brāhmaṇo vasate śubhe

Sanskrit only: no published translation is held for this verse.

स कन्यां पुत्रमादाय ब्राह्मणो वेदपारगः ।। शालिग्रामं महापुण्यमगच्छद्ब्राह्मणोत्तमः

sa kanyāṃ putramādāya brāhmaṇo vedapāragaḥ || śāligrāmaṃ mahāpuṇyamagacchadbrāhmaṇottamaḥ

Sanskrit only: no published translation is held for this verse.

तत्रासौ वासमकरोत्पुण्यसेवी जितेन्द्रियः ।। तीर्थसेवी तथा स्नायी देवतादर्शने रतः

tatrāsau vāsamakarotpuṇyasevī jitendriyaḥ || tīrthasevī tathā snāyī devatādarśane rataḥ

Sanskrit only: no published translation is held for this verse.

तत्र सिद्धेन संवासो ब्राह्मणस्याभवत्तदा।। स सिद्धो वसते नित्यं कल्पग्रामे च सर्वदा

tatra siddhena saṃvāso brāhmaṇasyābhavattadā|| sa siddho vasate nityaṃ kalpagrāme ca sarvadā

Sanskrit only: no published translation is held for this verse.

गच्छेत्स सर्वकालं तु शालिग्रामे वसुन्धरे ।। स तेन सह सङ्गत्य कान्यकुब्जनिवासिना

gacchetsa sarvakālaṃ tu śāligrāme vasundhare || sa tena saha saṅgatya kānyakubjanivāsinā

Sanskrit only: no published translation is held for this verse.

कल्पग्राम विभूतिं च नित्यकालमवर्णयत् ।। कल्पग्रामविभूतिं च श्रुत्वा स मुनिसत्तमः

kalpagrāma vibhūtiṃ ca nityakālamavarṇayat || kalpagrāmavibhūtiṃ ca śrutvā sa munisattamaḥ

Sanskrit only: no published translation is held for this verse.

गमने बुद्धिरुत्पन्ना ततः सिद्धमयाचत ।। मित्रत्वं वर्त्तते सिद्ध नयस्वात्मनिवेशने

gamane buddhirutpannā tataḥ siddhamayācata || mitratvaṃ varttate siddha nayasvātmaniveśane

Sanskrit only: no published translation is held for this verse.

ब्राह्मणस्य वचः श्रुत्वा सिद्धो वचनमब्रवीत् ।। तत्र सिद्धा हि गच्छन्ति तेन तत्र गतिर्भवेत्

brāhmaṇasya vacaḥ śrutvā siddho vacanamabravīt || tatra siddhā hi gacchanti tena tatra gatirbhavet

Sanskrit only: no published translation is held for this verse.

प्रार्थना दुःखलाभं तु शृणु वै ब्राह्मणोत्तम ।। आत्मयोगबलेनैव चलिष्यामि सपुत्रकः

prārthanā duḥkhalābhaṃ tu śṛṇu vai brāhmaṇottama || ātmayogabalenaiva caliṣyāmi saputrakaḥ

Sanskrit only: no published translation is held for this verse.

दक्षिणे तु करे गृह्य ब्राह्मणं वेदपारगम् ।। वामे चैव करे गृह्य तस्य पुत्रं महामतिम्

dakṣiṇe tu kare gṛhya brāhmaṇaṃ vedapāragam || vāme caiva kare gṛhya tasya putraṃ mahāmatim

Sanskrit only: no published translation is held for this verse.

उत्पपात तदा सिद्धो गृहीत्वा ब्राह्मणोत्तमौ ।। कल्पग्रामे तु तौ मुक्तौ पितापुत्रौ वसुन्धरे

utpapāta tadā siddho gṛhītvā brāhmaṇottamau || kalpagrāme tu tau muktau pitāputrau vasundhare

Sanskrit only: no published translation is held for this verse.

तत्र तौ वसतो नित्यं कल्पग्रामे द्विजोत्तमौ ।। तत्र कालेन महता रुग्देहे चाभवत्तदा

tatra tau vasato nityaṃ kalpagrāme dvijottamau || tatra kālena mahatā rugdehe cābhavattadā

Sanskrit only: no published translation is held for this verse.

रुजा तु पीड्यमानः स दशमीं च दशां गतः ।। मर्तुकामो द्विजवरो निरीक्ष्य सुतमुत्तमम्

rujā tu pīḍyamānaḥ sa daśamīṃ ca daśāṃ gataḥ || martukāmo dvijavaro nirīkṣya sutamuttamam

Sanskrit only: no published translation is held for this verse.

उवाच पुत्रं धर्मात्मा मरणे समुपस्थिते ।। गंगातीरे च मां पुत्र नय त्वं मा विलम्बय

uvāca putraṃ dharmātmā maraṇe samupasthite || gaṃgātīre ca māṃ putra naya tvaṃ mā vilambaya

Sanskrit only: no published translation is held for this verse.

तेन पुत्रेण नीतोऽसौ गंगातीरे महामुनिः ।। रुरोद पुत्रस्तु तदा पितृस्नेहसमन्वितः

tena putreṇa nīto'sau gaṃgātīre mahāmuniḥ || ruroda putrastu tadā pitṛsnehasamanvitaḥ

Sanskrit only: no published translation is held for this verse.

वेदाध्ययनशीलः स पितृभक्त्या नियन्त्रितः ।। वसतस्तस्य वै तत्र कालो जातो महामतेः

vedādhyayanaśīlaḥ sa pitṛbhaktyā niyantritaḥ || vasatastasya vai tatra kālo jāto mahāmateḥ

Sanskrit only: no published translation is held for this verse.

कल्पग्रामे तदा सिद्धस्तस्य कन्या सुमध्यमा ।। वरमन्वेषयन्ती सा न प्राप्तस्तु तया मतः

kalpagrāme tadā siddhastasya kanyā sumadhyamā || varamanveṣayantī sā na prāptastu tayā mataḥ

Sanskrit only: no published translation is held for this verse.

कदाचिद्देवयोगेन कान्यकुब्जनिवासिनः ।। गृहे प्रविष्टो विप्रः स भोजनार्थं महामतिः

kadāciddevayogena kānyakubjanivāsinaḥ || gṛhe praviṣṭo vipraḥ sa bhojanārthaṃ mahāmatiḥ

Sanskrit only: no published translation is held for this verse.

पृष्टोऽसौ ब्राह्मणो भद्रे क्व भवांस्त्वमिहागतः।। स सर्वं कथयामास यथावृत्तं दृढव्रतः

pṛṣṭo'sau brāhmaṇo bhadre kva bhavāṃstvamihāgataḥ|| sa sarvaṃ kathayāmāsa yathāvṛttaṃ dṛḍhavrataḥ

Sanskrit only: no published translation is held for this verse.

दिव्यज्ञानेन तं ज्ञात्वा पूजयामास तं द्विजः।। पूजयित्वा यथान्यायं कन्यां तस्मै ददौ तदा

divyajñānena taṃ jñātvā pūjayāmāsa taṃ dvijaḥ|| pūjayitvā yathānyāyaṃ kanyāṃ tasmai dadau tadā

Sanskrit only: no published translation is held for this verse.

श्वशुरस्य गृहे नित्यं भोजनं कुरुते द्विजः ।। वसते पितृसान्निध्ये प्रतिचारी स पुत्रकः

śvaśurasya gṛhe nityaṃ bhojanaṃ kurute dvijaḥ || vasate pitṛsānnidhye praticārī sa putrakaḥ

Sanskrit only: no published translation is held for this verse.

काले भगवतस्तस्य अतिक्षीणः पिता तदा ।। तं दृष्ट्वा क्षीणतां प्राप्तं श्वशुरं पर्यपृच्छत

kāle bhagavatastasya atikṣīṇaḥ pitā tadā || taṃ dṛṣṭvā kṣīṇatāṃ prāptaṃ śvaśuraṃ paryapṛcchata

Sanskrit only: no published translation is held for this verse.

स्वामिन्पितुर्मे मरणं भविष्यति वदस्व माम् ।। जामातृवचनं श्रुत्वा प्रहस्य श्वशुरोऽब्रवीत्

svāminpiturme maraṇaṃ bhaviṣyati vadasva mām || jāmātṛvacanaṃ śrutvā prahasya śvaśuro'bravīt

Sanskrit only: no published translation is held for this verse.

शूद्रान्नं भक्षितं तेन नित्यकालं द्विजोत्तम ।। तस्य चाहारदोषेण मृत्युर्दूरं गतः पितुः

śūdrānnaṃ bhakṣitaṃ tena nityakālaṃ dvijottama || tasya cāhāradoṣeṇa mṛtyurdūraṃ gataḥ pituḥ

Sanskrit only: no published translation is held for this verse.

पादयोर्विद्यते तच्च शूद्रान्नं च पितुस्तव ।। जान्वोरूर्द्ध्वे न विद्येत शूद्रान्नं च द्विजोत्तम

pādayorvidyate tacca śūdrānnaṃ ca pitustava || jānvorūrddhve na vidyeta śūdrānnaṃ ca dvijottama

Sanskrit only: no published translation is held for this verse.

शूद्रान्नेन विहीनस्य तस्य मृत्युर्भविष्यति ।। श्वशुरस्य वचस्तस्य पितुरग्रे न्यवेदयत्

śūdrānnena vihīnasya tasya mṛtyurbhaviṣyati || śvaśurasya vacastasya pituragre nyavedayat

Sanskrit only: no published translation is held for this verse.

तस्य पुत्रस्य वचनं श्रुत्वात्मानं विगर्हयत् ।। ततः प्रभाते विमले उदिते च दिवाकरे

tasya putrasya vacanaṃ śrutvātmānaṃ vigarhayat || tataḥ prabhāte vimale udite ca divākare

Sanskrit only: no published translation is held for this verse.

पितुः समीपात्स गतः श्वशुरस्य निवेशनम् ।। गते पुत्रे पिता तस्य रुजा त्वत्यन्तपीडितः

pituḥ samīpātsa gataḥ śvaśurasya niveśanam || gate putre pitā tasya rujā tvatyantapīḍitaḥ

Sanskrit only: no published translation is held for this verse.

दुःखेन पीडितः क्षीणो मर्त्तुकामो द्विजोत्तमः ।। गंगातीरात्समुत्तिष्ठन्दिशः सर्वा विलोकयन्

duḥkhena pīḍitaḥ kṣīṇo marttukāmo dvijottamaḥ || gaṃgātīrātsamuttiṣṭhandiśaḥ sarvā vilokayan

Sanskrit only: no published translation is held for this verse.

सन्निधावुपलं दृष्ट्वा गृहीतं तेन तत्पदा ।। चूर्णयामास तौ पादौ पीडया मोहितो द्विजः

sannidhāvupalaṃ dṛṣṭvā gṛhītaṃ tena tatpadā || cūrṇayāmāsa tau pādau pīḍayā mohito dvijaḥ

Sanskrit only: no published translation is held for this verse.

ततः प्राणान्परित्यज्य गतोऽसौ कालवर्त्तनम् ।। स्नात्वा भुक्त्वा ततो गत्वा प्रेक्ष्य तं पितरं मृतम्

tataḥ prāṇānparityajya gato'sau kālavarttanam || snātvā bhuktvā tato gatvā prekṣya taṃ pitaraṃ mṛtam

Sanskrit only: no published translation is held for this verse.

गतसंज्ञं च पितरं दृष्ट्वा स रुरुदे भृशम् ।। रुदित्वा सुचिरं कालं शास्त्रं दृष्ट्वा व्यचिन्तयत्

gatasaṃjñaṃ ca pitaraṃ dṛṣṭvā sa rurude bhṛśam || ruditvā suciraṃ kālaṃ śāstraṃ dṛṣṭvā vyacintayat

Sanskrit only: no published translation is held for this verse.

संस्कारयोग्यता नास्ति इत्येवं पुनरब्रवीत् ।। सर्पशृङ्गिहतानां च दंष्ट्रविग्रहतस्य च

saṃskārayogyatā nāsti ityevaṃ punarabravīt || sarpaśṛṅgihatānāṃ ca daṃṣṭravigrahatasya ca

Sanskrit only: no published translation is held for this verse.

आत्मनस्त्यागिनश्चैव आपस्तम्बोऽब्रवीदिदम् ।। आत्मघाती नरः पापो नरके पच्यते चिरम्

ātmanastyāginaścaiva āpastambo'bravīdidam || ātmaghātī naraḥ pāpo narake pacyate ciram

Sanskrit only: no published translation is held for this verse.

प्रायश्चितं विधीयीत न दद्याच्चोदकक्रियाम्।। अहो दैवं सुबलवत्पौरुषं तु निरर्थकम्

prāyaścitaṃ vidhīyīta na dadyāccodakakriyām|| aho daivaṃ subalavatpauruṣaṃ tu nirarthakam

Sanskrit only: no published translation is held for this verse.

तस्य पुत्रो महाभागे गतः श्वशुरमन्दिरम् ।। तं दृष्ट्वा श्वशुरो दीनमिदं वचनमब्रवीत्

tasya putro mahābhāge gataḥ śvaśuramandiram || taṃ dṛṣṭvā śvaśuro dīnamidaṃ vacanamabravīt

Sanskrit only: no published translation is held for this verse.

ब्रह्महत्या तु ते जाता गच्छ त्वं च यथेप्सितम् ।। श्वशुरस्य वचः श्रुत्वा जामाता वाक्यमब्रवीत्

brahmahatyā tu te jātā gaccha tvaṃ ca yathepsitam || śvaśurasya vacaḥ śrutvā jāmātā vākyamabravīt

Sanskrit only: no published translation is held for this verse.

न मया ब्राह्मणवधः कदाचिदपि कारितः ।। केन दोषेण मे सिद्धं ब्रह्महत्याफलं महत्

na mayā brāhmaṇavadhaḥ kadācidapi kāritaḥ || kena doṣeṇa me siddhaṃ brahmahatyāphalaṃ mahat

Sanskrit only: no published translation is held for this verse.

जामातुर्वचनं श्रुत्वा श्वशुरो वाक्यमब्रवीत् ।। पितुस्त्वया वधोपायो विनिर्दिष्टश्च पुत्रक

jāmāturvacanaṃ śrutvā śvaśuro vākyamabravīt || pitustvayā vadhopāyo vinirdiṣṭaśca putraka

Sanskrit only: no published translation is held for this verse.

तेन दोषेण विप्रर्षे ब्रह्महत्याफलं तव ।। आसन्नशयनाच्चैनं भोजनात्कथनादिषु

tena doṣeṇa viprarṣe brahmahatyāphalaṃ tava || āsannaśayanāccainaṃ bhojanātkathanādiṣu

Sanskrit only: no published translation is held for this verse.

संवत्सरेण पतति पतितेन सहाचरन् ।। तस्मान्मम गृहे नास्ति वासस्ते हि द्विजोत्तम

saṃvatsareṇa patati patitena sahācaran || tasmānmama gṛhe nāsti vāsaste hi dvijottama

Sanskrit only: no published translation is held for this verse.

श्वशुरस्य वचः श्रुत्वा जामाता वाक्यमब्रवीत् ।। किं मया वद कर्त्तव्यं त्वया त्यक्तेन सुव्रत

śvaśurasya vacaḥ śrutvā jāmātā vākyamabravīt || kiṃ mayā vada karttavyaṃ tvayā tyaktena suvrata

Sanskrit only: no published translation is held for this verse.

तस्य तद्वचनं श्रुत्वा ब्राह्मणः संशितव्रतः ।। कल्पग्रामं परित्यज्य मथुरां याहि सुव्रत

tasya tadvacanaṃ śrutvā brāhmaṇaḥ saṃśitavrataḥ || kalpagrāmaṃ parityajya mathurāṃ yāhi suvrata

Sanskrit only: no published translation is held for this verse.

ततः कालेन महता सम्प्राप्तो मथुरां पुरीम् ।। ब्राह्मणेभ्यो बहिःस्थाने नित्यं तु वसते द्विजः

tataḥ kālena mahatā samprāpto mathurāṃ purīm || brāhmaṇebhyo bahiḥsthāne nityaṃ tu vasate dvijaḥ

Sanskrit only: no published translation is held for this verse.

कन्यापुरनिवासी तु कुशिकोऽयं नराधिपः ।। तस्य सत्रं नित्यकालं मथुरायां प्रवर्त्तते

kanyāpuranivāsī tu kuśiko'yaṃ narādhipaḥ || tasya satraṃ nityakālaṃ mathurāyāṃ pravarttate

Sanskrit only: no published translation is held for this verse.

द्वेसहस्रे तु विप्राणां तस्य सत्रे च भुञ्जते ।। ब्राह्मणानां सदोच्छिष्टं ततश्चोद्धरते तु सः

dvesahasre tu viprāṇāṃ tasya satre ca bhuñjate || brāhmaṇānāṃ sadocchiṣṭaṃ tataścoddharate tu saḥ

Sanskrit only: no published translation is held for this verse.

नान्यत्र तव संशुद्धिः कदाचित्पितृघातिनः ।। कल्पग्रामं परित्यज्य तत्क्षणादेव निःसृतः

nānyatra tava saṃśuddhiḥ kadācitpitṛghātinaḥ || kalpagrāmaṃ parityajya tatkṣaṇādeva niḥsṛtaḥ

Sanskrit only: no published translation is held for this verse.

ततः कालेन महता चिन्ताभूच्छ्वशुरस्य च ।। दिव्यज्ञानेन तत्सर्वं ज्ञात्वा जामातृचेष्टितम्

tataḥ kālena mahatā cintābhūcchvaśurasya ca || divyajñānena tatsarvaṃ jñātvā jāmātṛceṣṭitam

Sanskrit only: no published translation is held for this verse.

स्वां सुतां चोदयामास गच्छ तां मथुरां पुरीम् ।। भोजनं गृह्य तत्रैव गच्छ त्वं भर्तृसन्निधौ

svāṃ sutāṃ codayāmāsa gaccha tāṃ mathurāṃ purīm || bhojanaṃ gṛhya tatraiva gaccha tvaṃ bhartṛsannidhau

Sanskrit only: no published translation is held for this verse.

दिव्यज्ञानेन च तदा नित्यं सा भर्तृसन्निधौ ।। दिनेदिने गच्छति सा भर्तृभोजनकारणात्

divyajñānena ca tadā nityaṃ sā bhartṛsannidhau || dinedine gacchati sā bhartṛbhojanakāraṇāt

Sanskrit only: no published translation is held for this verse.

दिवसस्यावसाने तु भोजनं गृह्य गच्छति ।। भोजनं कुरुते नित्यं प्रियादत्तं वसुन्धरे

divasasyāvasāne tu bhojanaṃ gṛhya gacchati || bhojanaṃ kurute nityaṃ priyādattaṃ vasundhare

Sanskrit only: no published translation is held for this verse.

पात्रं निःक्षिप्य कुण्डे तु सत्रे वसति सर्वदा ।। एवं निवसतस्तस्य वर्षार्द्धं तु गतं तदा

pātraṃ niḥkṣipya kuṇḍe tu satre vasati sarvadā || evaṃ nivasatastasya varṣārddhaṃ tu gataṃ tadā

Sanskrit only: no published translation is held for this verse.

ततः कालेन महता तैः पृष्टः स द्विजोत्तमः ।। कुत्र सन्तिष्ठते नित्यं भोजनं कुरुषे कुतः

tataḥ kālena mahatā taiḥ pṛṣṭaḥ sa dvijottamaḥ || kutra santiṣṭhate nityaṃ bhojanaṃ kuruṣe kutaḥ

Sanskrit only: no published translation is held for this verse.

कथयामास वृत्तान्तं तं सर्वं चात्मनो हि सः ।। ते श्रुत्वा ब्राह्मणाः सर्वे एकीभूता वसुन्धरे

kathayāmāsa vṛttāntaṃ taṃ sarvaṃ cātmano hi saḥ || te śrutvā brāhmaṇāḥ sarve ekībhūtā vasundhare

Sanskrit only: no published translation is held for this verse.

इदमूचुस्ततो विप्राः शुद्रोऽसीति द्विजं प्रति ।। चक्रतीर्थप्रभावेण पापान्मुक्तः सनातनः

idamūcustato viprāḥ śudro'sīti dvijaṃ prati || cakratīrthaprabhāveṇa pāpānmuktaḥ sanātanaḥ

Sanskrit only: no published translation is held for this verse.

अस्माकं वदनाच्चैव पुनः सिद्धोऽसि वै द्विज ।। ब्राह्मणानां वचः श्रुत्वा स द्विजो हृष्टमानसः

asmākaṃ vadanāccaiva punaḥ siddho'si vai dvija || brāhmaṇānāṃ vacaḥ śrutvā sa dvijo hṛṣṭamānasaḥ

Sanskrit only: no published translation is held for this verse.

स्नानार्थं तु ततः स्थानाच्चक्रतीर्थं समागतः ।। गते तस्मिंस्तस्य भार्या भिक्षामादाय चागता

snānārthaṃ tu tataḥ sthānāccakratīrthaṃ samāgataḥ || gate tasmiṃstasya bhāryā bhikṣāmādāya cāgatā

Sanskrit only: no published translation is held for this verse.

सा तु हृष्टेन मनसा भर्तारं वाक्यमब्रवीत् ।। भोजनं कुरु मे दत्तं हत्यां लक्ष्यामि ते गताम्

sā tu hṛṣṭena manasā bhartāraṃ vākyamabravīt || bhojanaṃ kuru me dattaṃ hatyāṃ lakṣyāmi te gatām

Sanskrit only: no published translation is held for this verse.

प्रियावचनमाकर्ण्य भर्ता वचनमब्रवीत् ।। पुनराभाषितं ब्रूहि यदिदं भाषितं त्वया

priyāvacanamākarṇya bhartā vacanamabravīt || punarābhāṣitaṃ brūhi yadidaṃ bhāṣitaṃ tvayā

Sanskrit only: no published translation is held for this verse.

भर्त्तुर्वचनमाकर्ण्य पत्नी वचनमब्रवीत् ।। न त्वं सम्भाषितः पूर्वं ब्रह्महत्यासमन्वितः

bhartturvacanamākarṇya patnī vacanamabravīt || na tvaṃ sambhāṣitaḥ pūrvaṃ brahmahatyāsamanvitaḥ

Sanskrit only: no published translation is held for this verse.

चक्रतीर्थप्रभावेण मुक्तोऽसि द्विजसत्तम।। उत्तिष्ठ कान्त गच्छाव कल्पग्रामं सुशोभितम्

cakratīrthaprabhāveṇa mukto'si dvijasattama|| uttiṣṭha kānta gacchāva kalpagrāmaṃ suśobhitam

Sanskrit only: no published translation is held for this verse.

तया सार्द्धं जगामाथ कल्पग्रामं द्विजोत्तमः ।। भद्रेश्वरनिमित्तं हि द्रव्यं च कथितं शुभम्

tayā sārddhaṃ jagāmātha kalpagrāmaṃ dvijottamaḥ || bhadreśvaranimittaṃ hi dravyaṃ ca kathitaṃ śubham

Sanskrit only: no published translation is held for this verse.

कल्पग्रामाच्छतगुणं चक्रतीर्थं वसुन्धरे ।। अहोरात्रोपवासेन मुच्यते ब्रह्महत्यया

kalpagrāmācchataguṇaṃ cakratīrthaṃ vasundhare || ahorātropavāsena mucyate brahmahatyayā

Sanskrit only: no published translation is held for this verse.

कल्पग्रामेण किं तस्य वाराणस्यां च वा शुभे ।। मथुरां तु समासाद्य यः कश्चिन्म्रियते भुवि

kalpagrāmeṇa kiṃ tasya vārāṇasyāṃ ca vā śubhe || mathurāṃ tu samāsādya yaḥ kaścinmriyate bhuvi

Sanskrit only: no published translation is held for this verse.

अपि कीटः पतङ्गो वा जायते स चतुर्भुजः

api kīṭaḥ pataṅgo vā jāyate sa caturbhujaḥ

Sanskrit only: no published translation is held for this verse.

नित्यं च भुञ्जते यत्र पात्रं द्रव्यसमर्पितम् ।। दृष्ट्वा भद्रेश्वरं देवं चक्रतीर्थे फलं लभेत्

nityaṃ ca bhuñjate yatra pātraṃ dravyasamarpitam || dṛṣṭvā bhadreśvaraṃ devaṃ cakratīrthe phalaṃ labhet

Sanskrit only: no published translation is held for this verse.

इति श्रीवराहपुराणे मथुरामाहात्म्ये चक्रतीर्थप्रभावो नाम द्विषष्टयधिकशततमोऽध्यायः

iti śrīvarāhapurāṇe mathurāmāhātmye cakratīrthaprabhāvo nāma dviṣaṣṭayadhikaśatatamo'dhyāyaḥ

Sanskrit only: no published translation is held for this verse.