Varāha Purāṇa 163

अथ कपिलवराहमाहात्म्यम् ।। श्रीवराह उवाच।। पुनरन्यत्प्रवक्ष्यामि तच्छृणुष्व वसुन्धरे ।। वैकुण्ठतीर्थमासाद्य यद्वृत्तं हि पुरातनम्

atha kapilavarāhamāhātmyam || śrīvarāha uvāca|| punaranyatpravakṣyāmi tacchṛṇuṣva vasundhare || vaikuṇṭhatīrthamāsādya yadvṛttaṃ hi purātanam

Sanskrit only: no published translation is held for this verse.

मिथिलायां पुरी रम्या जनकेन च पालिता ।। मिथिलावासिनो लोकास्तीर्थयात्रां समागताः

mithilāyāṃ purī ramyā janakena ca pālitā || mithilāvāsino lokāstīrthayātrāṃ samāgatāḥ

Sanskrit only: no published translation is held for this verse.

ब्राह्मणाः क्षत्रिया वैश्याः शूद्राश्चापि वसुन्धरे ।। स्नात्वा सौकरवे तीर्थे आयाता मधुरां पुरीम्

brāhmaṇāḥ kṣatriyā vaiśyāḥ śūdrāścāpi vasundhare || snātvā saukarave tīrthe āyātā madhurāṃ purīm

Sanskrit only: no published translation is held for this verse.

तेषां च भक्तिरुत्पन्ना मथुरां प्रति सुन्दरि ।। वैकुण्ठतीर्थमासाद्य सर्वे ते मनुजाः स्थिताः

teṣāṃ ca bhaktirutpannā mathurāṃ prati sundari || vaikuṇṭhatīrthamāsādya sarve te manujāḥ sthitāḥ

Sanskrit only: no published translation is held for this verse.

तेषां तु ब्राह्मणः कश्चिद्ब्रह्महत्यासु चिह्नितः ।। रुधिरस्य हि धारा च स्रवन्ती तस्य हस्ततः

teṣāṃ tu brāhmaṇaḥ kaścidbrahmahatyāsu cihnitaḥ || rudhirasya hi dhārā ca sravantī tasya hastataḥ

Sanskrit only: no published translation is held for this verse.

प्रत्यक्षा दृश्यते सर्वैर्ब्रह्महत्यास्वरूपिणी ।। सर्वतीर्थप्लुतस्यापि ब्राह्मणस्य हि सा तदा

pratyakṣā dṛśyate sarvairbrahmahatyāsvarūpiṇī || sarvatīrthaplutasyāpi brāhmaṇasya hi sā tadā

Sanskrit only: no published translation is held for this verse.

न गता पूर्वमेवासीद्वैकुण्ठे स्नानमाचरत् ।। न सा वै दृश्यते धारा ततस्ते विस्मयङ्गताः

na gatā pūrvamevāsīdvaikuṇṭhe snānamācarat || na sā vai dṛśyate dhārā tataste vismayaṅgatāḥ

Sanskrit only: no published translation is held for this verse.

किमेतत्किमिति प्राहुर्धारा प्रति वसुन्धरे ।। देवो ब्राह्मणरूपेण लोकान्सर्वान् हि पृच्छति

kimetatkimiti prāhurdhārā prati vasundhare || devo brāhmaṇarūpeṇa lokānsarvān hi pṛcchati

Sanskrit only: no published translation is held for this verse.

केन कारणदोषेण धारा त्यक्त्वा गता द्विजम् ।। तत्सर्वं कथयामासुर्ब्राह्मणस्य विचेष्टितम्

kena kāraṇadoṣeṇa dhārā tyaktvā gatā dvijam || tatsarvaṃ kathayāmāsurbrāhmaṇasya viceṣṭitam

Sanskrit only: no published translation is held for this verse.

वैकुण्ठे तु निमग्नोऽयं ब्रह्महत्या गता ततः ।। विस्मयो नात्र कर्त्तव्यस्तीर्थस्येदं महत्फलम्

vaikuṇṭhe tu nimagno'yaṃ brahmahatyā gatā tataḥ || vismayo nātra karttavyastīrthasyedaṃ mahatphalam

Sanskrit only: no published translation is held for this verse.

इत्युक्तस्तैर्देवदेवस्तत्रैवान्तरधीयत ।। एष प्रभावस्तीर्थस्य वैकुण्ठस्य वसुन्धरे

ityuktastairdevadevastatraivāntaradhīyata || eṣa prabhāvastīrthasya vaikuṇṭhasya vasundhare

Sanskrit only: no published translation is held for this verse.

वैकुण्ठतीर्थे यः स्नाति मुच्यते सर्वपातकैः ।। सर्वपापविनिर्मुक्तो विष्णुलोकं स गच्छति

vaikuṇṭhatīrthe yaḥ snāti mucyate sarvapātakaiḥ || sarvapāpavinirmukto viṣṇulokaṃ sa gacchati

Sanskrit only: no published translation is held for this verse.

सूत उवाच ।। पुनरन्यत् प्रवक्ष्यामि असिकुण्डेऽतिपुण्यदे ।। नाम्ना गन्धर्वकुण्डं तु तीर्थानां तीर्थमुत्तमम्

sūta uvāca || punaranyat pravakṣyāmi asikuṇḍe'tipuṇyade || nāmnā gandharvakuṇḍaṃ tu tīrthānāṃ tīrthamuttamam

Sanskrit only: no published translation is held for this verse.

तत्र स्नातो नरो देवि गन्धर्वैः सह मोदते ।। तत्र यो मुंचते प्राणान्मम लोकं स गच्छति

tatra snāto naro devi gandharvaiḥ saha modate || tatra yo muṃcate prāṇānmama lokaṃ sa gacchati

Sanskrit only: no published translation is held for this verse.

विंशतिर्योजनानां तु माथुरं मम मण्डलम् ।। इदं पद्मं महाभागे सर्वेषां मुक्तिदायि च

viṃśatiryojanānāṃ tu māthuraṃ mama maṇḍalam || idaṃ padmaṃ mahābhāge sarveṣāṃ muktidāyi ca

Sanskrit only: no published translation is held for this verse.

कर्णिकायां स्थितो देवि केशवः क्लेशनाशनः ।। कर्णिकायां मृता ये तु तेऽमरा मुक्तिभागिनः

karṇikāyāṃ sthito devi keśavaḥ kleśanāśanaḥ || karṇikāyāṃ mṛtā ye tu te'marā muktibhāginaḥ

Sanskrit only: no published translation is held for this verse.

तत्र मध्ये मृता ये तु तेषां मुक्तिर्वसुन्धरे ।। पश्चिमेन हरिं देवं गोवर्द्धननिवासिनम्

tatra madhye mṛtā ye tu teṣāṃ muktirvasundhare || paścimena hariṃ devaṃ govarddhananivāsinam

Sanskrit only: no published translation is held for this verse.

दृष्ट्वा तं देवदेवेशं किं मनः परितप्यते ।। उत्तरेण तु गोविन्दं दृष्ट्वा देवं परं शुभम्

dṛṣṭvā taṃ devadeveśaṃ kiṃ manaḥ paritapyate || uttareṇa tu govindaṃ dṛṣṭvā devaṃ paraṃ śubham

Sanskrit only: no published translation is held for this verse.

नासौ पतति संसारे यावदाभूतसंप्लवम् ।। विश्रान्तिसंज्ञके देवं पूर्वपत्रे व्यवस्थितम्

nāsau patati saṃsāre yāvadābhūtasaṃplavam || viśrāntisaṃjñake devaṃ pūrvapatre vyavasthitam

Sanskrit only: no published translation is held for this verse.

यं दृष्ट्वा तु नरो याति मुक्तिं नास्त्यत्र संशयः ।। दक्षिणेन तु मां विद्धि प्रतिमां दिव्यरूपिणीम्

yaṃ dṛṣṭvā tu naro yāti muktiṃ nāstyatra saṃśayaḥ || dakṣiṇena tu māṃ viddhi pratimāṃ divyarūpiṇīm

Sanskrit only: no published translation is held for this verse.

महाकायां सुरूपां च केशवाकारसन्निभाम् ।। तां दृष्ट्वा मनुजो देवि ब्रह्मणा सह मोदते

mahākāyāṃ surūpāṃ ca keśavākārasannibhām || tāṃ dṛṣṭvā manujo devi brahmaṇā saha modate

Sanskrit only: no published translation is held for this verse.

कृते युगे तु राजासीन्मान्धाता नाम नामतः ।। तेनाहं तोषितो देवि भक्तियुक्तेन चेतसा

kṛte yuge tu rājāsīnmāndhātā nāma nāmataḥ || tenāhaṃ toṣito devi bhaktiyuktena cetasā

Sanskrit only: no published translation is held for this verse.

तस्य तुष्टेन हि मया प्रतिमेयं समर्पिता ।। तेनेयं पूजिता नित्यमात्ममुक्तिमभीप्सता

tasya tuṣṭena hi mayā pratimeyaṃ samarpitā || teneyaṃ pūjitā nityamātmamuktimabhīpsatā

Sanskrit only: no published translation is held for this verse.

यदा तु मथुरां प्राप्य लवणोऽयं निपातितः ।। तदैव प्रतिमा दिव्या मथुरायां व्यवस्थिता

yadā tu mathurāṃ prāpya lavaṇo'yaṃ nipātitaḥ || tadaiva pratimā divyā mathurāyāṃ vyavasthitā

Sanskrit only: no published translation is held for this verse.

पुण्येयं प्रतिमा दिव्या तैजसी दिव्यरूपिणी ।। कपिलो नाम विप्रर्षिर्मम भक्तिपरायणः

puṇyeyaṃ pratimā divyā taijasī divyarūpiṇī || kapilo nāma viprarṣirmama bhaktiparāyaṇaḥ

Sanskrit only: no published translation is held for this verse.

मनसा निर्मिता तेन वाराही प्रतिमा शुभा ।। कपिलो ध्यायते नित्यमर्चति स्म दिने दिने

manasā nirmitā tena vārāhī pratimā śubhā || kapilo dhyāyate nityamarcati sma dine dine

Sanskrit only: no published translation is held for this verse.

इन्द्रेणाराधितो देवि कपिलो मुनिसत्तमः ।। तस्य प्रीतो ददौ देवं वराहं दिव्यरूपिणम्

indreṇārādhito devi kapilo munisattamaḥ || tasya prīto dadau devaṃ varāhaṃ divyarūpiṇam

Sanskrit only: no published translation is held for this verse.

देवे लब्धे वरारोहे शक्रो हर्षसमन्वितः ।। ध्यायति स्म सदा देवं पूजां कृत्वा हि भक्तितः

deve labdhe varārohe śakro harṣasamanvitaḥ || dhyāyati sma sadā devaṃ pūjāṃ kṛtvā hi bhaktitaḥ

Sanskrit only: no published translation is held for this verse.

इन्द्रेण तु तदा प्राप्तं दिव्यं ज्ञानमनुत्तमम् ।। ततः कालेन महता रावणो नाम राक्षसः

indreṇa tu tadā prāptaṃ divyaṃ jñānamanuttamam || tataḥ kālena mahatā rāvaṇo nāma rākṣasaḥ

Sanskrit only: no published translation is held for this verse.

इन्द्रलोकं गतः सोऽथ स्वर्गं जेतुं महाबलः ।। शक्रेण सह सङ्गम्य ततो युद्धं प्रवर्तितम्

indralokaṃ gataḥ so'tha svargaṃ jetuṃ mahābalaḥ || śakreṇa saha saṅgamya tato yuddhaṃ pravartitam

Sanskrit only: no published translation is held for this verse.

रावणेन जिता देवाः शक्रश्चैव महाबलः ।। बद्ध्वा चेन्द्रं महाबाहुं शक्रस्य भवनं गतः

rāvaṇena jitā devāḥ śakraścaiva mahābalaḥ || baddhvā cendraṃ mahābāhuṃ śakrasya bhavanaṃ gataḥ

Sanskrit only: no published translation is held for this verse.

प्रविश्य रावणस्तत्र गृहे रत्नविभूषिते ।। दृष्ट्वा कपिलवाराहं शिरसा धरणीं गतः

praviśya rāvaṇastatra gṛhe ratnavibhūṣite || dṛṣṭvā kapilavārāhaṃ śirasā dharaṇīṃ gataḥ

Sanskrit only: no published translation is held for this verse.

तेन संमोहितो देवि रावणो नाम राक्षसः ।। त्रातुमर्हसि मे देव धरणीधर माधव

tena saṃmohito devi rāvaṇo nāma rākṣasaḥ || trātumarhasi me deva dharaṇīdhara mādhava

Sanskrit only: no published translation is held for this verse.

दामोदर हषीकेश हिरण्याक्षविदारण ।। वेदगर्भ नमस्तेऽस्तु वासुदेव नमोऽस्तु ते

dāmodara haṣīkeśa hiraṇyākṣavidāraṇa || vedagarbha namaste'stu vāsudeva namo'stu te

Sanskrit only: no published translation is held for this verse.

निरीक्षितुं न शक्नोमि प्रष्टुं चैव गुणव्रत ।। देवदेव नमस्तुभ्यं भक्तानामभयप्रद

nirīkṣituṃ na śaknomi praṣṭuṃ caiva guṇavrata || devadeva namastubhyaṃ bhaktānāmabhayaprada

Sanskrit only: no published translation is held for this verse.

मम त्वं भक्तिनम्रस्य प्रसादं कुरु सर्वदा ।। इति स्तुतो रावणेन देवदेवो जगत्पतिः

mama tvaṃ bhaktinamrasya prasādaṃ kuru sarvadā || iti stuto rāvaṇena devadevo jagatpatiḥ

Sanskrit only: no published translation is held for this verse.

सौम्यरूपोऽभवद्देवो लोक नाथो जनार्दनः ।। सन्निधानमनुप्राप्य पुष्पकारोहणोत्सुकः

saumyarūpo'bhavaddevo loka nātho janārdanaḥ || sannidhānamanuprāpya puṣpakārohaṇotsukaḥ

Sanskrit only: no published translation is held for this verse.

कूर्मरूप नमस्तेऽस्तु नारायण नमोस्तु ते ।। मस्त्यरूपधरं देवं मधुकैटभनाशिनम्

kūrmarūpa namaste'stu nārāyaṇa namostu te || mastyarūpadharaṃ devaṃ madhukaiṭabhanāśinam

Sanskrit only: no published translation is held for this verse.

देव त्वं स्वल्पकायोऽसि नाहमुद्धरणक्षमः ।। प्रसीद देवदेवेश सुरनाथ नमोऽस्तु ते

deva tvaṃ svalpakāyo'si nāhamuddharaṇakṣamaḥ || prasīda devadeveśa suranātha namo'stu te

Sanskrit only: no published translation is held for this verse.

अहं त्वां नेतुमिच्छामि पुरीं लङ्कामनुत्तमाम्

ahaṃ tvāṃ netumicchāmi purīṃ laṅkāmanuttamām

Sanskrit only: no published translation is held for this verse.

श्रीवराह उवाच ।। अवैष्णवोऽसि रक्षस्त्वं कुतो भक्तिस्तवेदृशी ।। कपिलस्य वचः श्रुत्वा रावणो वाक्य मब्रवीत्

śrīvarāha uvāca || avaiṣṇavo'si rakṣastvaṃ kuto bhaktistavedṛśī || kapilasya vacaḥ śrutvā rāvaṇo vākya mabravīt

Sanskrit only: no published translation is held for this verse.

त्वद्दर्शनात्समुत्पन्ना भक्तिरव्यभिचारिणी ।। महात्मस्त्वां नयिष्यामि देवदेव नमोऽस्तु ते

tvaddarśanātsamutpannā bhaktiravyabhicāriṇī || mahātmastvāṃ nayiṣyāmi devadeva namo'stu te

Sanskrit only: no published translation is held for this verse.

भक्तिमुद्वहतस्तस्य लघु वेषोऽभवत्तदा ।। पुष्पके तु समारोप्य देवं त्रैलोक्यविश्रुतम्

bhaktimudvahatastasya laghu veṣo'bhavattadā || puṣpake tu samāropya devaṃ trailokyaviśrutam

Sanskrit only: no published translation is held for this verse.

आनयामास लङ्कायां स्थापयित्वा स्वके गृहे ।। तदा स्थितोऽहं लङ्कायां रावणेन प्रपूजितः

ānayāmāsa laṅkāyāṃ sthāpayitvā svake gṛhe || tadā sthito'haṃ laṅkāyāṃ rāvaṇena prapūjitaḥ

Sanskrit only: no published translation is held for this verse.

अयोध्याधिपती रामो हन्तुं राक्षसपुङ्गवम् ।। गतोऽसौ विक्रमेणैव हत्त्वा राक्षसपुङ्गवम्

ayodhyādhipatī rāmo hantuṃ rākṣasapuṅgavam || gato'sau vikrameṇaiva hattvā rākṣasapuṅgavam

Sanskrit only: no published translation is held for this verse.

विभीषणश्च लङ्काया आधिपत्येऽभिषेचितः ।। विभीषणेन रामस्य सर्वस्वं च निवेदितम्

vibhīṣaṇaśca laṅkāyā ādhipatye'bhiṣecitaḥ || vibhīṣaṇena rāmasya sarvasvaṃ ca niveditam

Sanskrit only: no published translation is held for this verse.

श्रीराम उवाच ।। अनेन नस्ति मे कार्यं तव रक्षा विभीषण ।। देवो मे दीयतां रक्षः शक्रलोकाद्य आगतः

śrīrāma uvāca || anena nasti me kāryaṃ tava rakṣā vibhīṣaṇa || devo me dīyatāṃ rakṣaḥ śakralokādya āgataḥ

Sanskrit only: no published translation is held for this verse.

अहन्यहनि पूजामि देवं वाराहरूपिणम् ।। अयोध्यां चैव नेष्यामि त्वया दत्तं हि राक्षस

ahanyahani pūjāmi devaṃ vārāharūpiṇam || ayodhyāṃ caiva neṣyāmi tvayā dattaṃ hi rākṣasa

Sanskrit only: no published translation is held for this verse.

ततः समर्पयामास कपिलं दिव्यरूपिणम् ।। पुष्पके तु समारोप्य नीतवान्नगरीं प्रति

tataḥ samarpayāmāsa kapilaṃ divyarūpiṇam || puṣpake tu samāropya nītavānnagarīṃ prati

Sanskrit only: no published translation is held for this verse.

अयोध्यायां स्थापयित्वा पूजयामास तं तदा ।। गतं वर्षसहस्रं तु दशोत्तरमतः परम्

ayodhyāyāṃ sthāpayitvā pūjayāmāsa taṃ tadā || gataṃ varṣasahasraṃ tu daśottaramataḥ param

Sanskrit only: no published translation is held for this verse.

लवणस्य वधार्थं हि शत्रुघ्नं प्रेषयत्तदा ।। कृतप्रणामः शत्रुघ्नो राघवाय महात्मने

lavaṇasya vadhārthaṃ hi śatrughnaṃ preṣayattadā || kṛtapraṇāmaḥ śatrughno rāghavāya mahātmane

Sanskrit only: no published translation is held for this verse.

चतुरङ्गबलोपेतो जगाम मथुरां प्रति ।। गत्वा तु राक्षसश्रेष्ठं लवणं रौद्ररूपिणम्

caturaṅgabalopeto jagāma mathurāṃ prati || gatvā tu rākṣasaśreṣṭhaṃ lavaṇaṃ raudrarūpiṇam

Sanskrit only: no published translation is held for this verse.

घातयित्वा तु शत्रुघ्नः प्रविश्य मथुरां पुरीम् ।। ब्राह्मणान्स्थापयित्वा तु मया तुल्यान्महौजसः

ghātayitvā tu śatrughnaḥ praviśya mathurāṃ purīm || brāhmaṇānsthāpayitvā tu mayā tulyānmahaujasaḥ

Sanskrit only: no published translation is held for this verse.

षड्विंशतिसहस्राणि वेदवेदाङ्गपारगान् ।। अनृचो माथुरो यत्र चतुर्वेदस्तथापरः

ṣaḍviṃśatisahasrāṇi vedavedāṅgapāragān || anṛco māthuro yatra caturvedastathāparaḥ

Sanskrit only: no published translation is held for this verse.

एकस्मिन्भोजिते विप्रे कोटिर्भवति भोजितः ।। लवणस्य यथावृत्तं कथितं ते वसुन्धरे

ekasminbhojite vipre koṭirbhavati bhojitaḥ || lavaṇasya yathāvṛttaṃ kathitaṃ te vasundhare

Sanskrit only: no published translation is held for this verse.

राघवस्य वचः श्रुत्वा शत्रुघ्नो वाक्यमब्रवीत् ।। यदि तुष्टोऽसि मे देव वरार्हो यदि वाप्यहम्

rāghavasya vacaḥ śrutvā śatrughno vākyamabravīt || yadi tuṣṭo'si me deva varārho yadi vāpyaham

Sanskrit only: no published translation is held for this verse.

दीयतां मम देवोऽयं यदि मे वरदो भवान् ।। शत्रुघ्नस्य वचः श्रुत्वा राघवो वाक्यमब्रवीत्

dīyatāṃ mama devo'yaṃ yadi me varado bhavān || śatrughnasya vacaḥ śrutvā rāghavo vākyamabravīt

Sanskrit only: no published translation is held for this verse.

नय शत्रुघ्न देवं त्वं दिव्यं वाराहरूपिणम् ।। धन्याऽसौ मण्डली लोके धन्या सा मथुरा पुरी

naya śatrughna devaṃ tvaṃ divyaṃ vārāharūpiṇam || dhanyā'sau maṇḍalī loke dhanyā sā mathurā purī

Sanskrit only: no published translation is held for this verse.

धन्यास्ते माथुरा लोकाः पश्यन्ति कपिलं सदा ।। दृष्टः स्पृष्टः तदा ध्यातः स्नापितश्च दिने दिने

dhanyāste māthurā lokāḥ paśyanti kapilaṃ sadā || dṛṣṭaḥ spṛṣṭaḥ tadā dhyātaḥ snāpitaśca dine dine

Sanskrit only: no published translation is held for this verse.

अनुलिप्तश्च शत्रुघ्न सर्वपापं व्यपोहति ।। पूजितः स्नापितो देवो दृष्टो यैस्तु दिने दिने

anuliptaśca śatrughna sarvapāpaṃ vyapohati || pūjitaḥ snāpito devo dṛṣṭo yaistu dine dine

Sanskrit only: no published translation is held for this verse.

सर्वं हरति वै पापं मोक्षं चैव प्रयच्छति ।। इत्युक्त्वा राघवस्तस्मै देवं प्रादाद्वसुन्धरे

sarvaṃ harati vai pāpaṃ mokṣaṃ caiva prayacchati || ityuktvā rāghavastasmai devaṃ prādādvasundhare

Sanskrit only: no published translation is held for this verse.

देवमादाय शत्रुघ्नो जगाम मथुरां पुरीम् ।। ब्राह्मणं स्थापयित्वा तु आगच्छन्मम सन्निधौ

devamādāya śatrughno jagāma mathurāṃ purīm || brāhmaṇaṃ sthāpayitvā tu āgacchanmama sannidhau

Sanskrit only: no published translation is held for this verse.

तत्र मध्ये तु संस्थाप्य पूजयामास राघवः ।। अनेन क्रमयोगेण मथुरायां स्थितः प्रभुः

tatra madhye tu saṃsthāpya pūjayāmāsa rāghavaḥ || anena kramayogeṇa mathurāyāṃ sthitaḥ prabhuḥ

Sanskrit only: no published translation is held for this verse.

गयायां पिण्डदानेन यत्फलं ज्यष्ठेपुष्करे ।। तत्फलं समवाप्नोति श्वेतं दृष्ट्वा सदा नरः

gayāyāṃ piṇḍadānena yatphalaṃ jyaṣṭhepuṣkare || tatphalaṃ samavāpnoti śvetaṃ dṛṣṭvā sadā naraḥ

Sanskrit only: no published translation is held for this verse.

विश्रान्तिसंज्ञके तद्वद्गोविन्दे च तथा हरौ ।। केशवे दीर्घविष्णौ च तदेव फलमश्नुते

viśrāntisaṃjñake tadvadgovinde ca tathā harau || keśave dīrghaviṣṇau ca tadeva phalamaśnute

Sanskrit only: no published translation is held for this verse.

उदये मामकं तेजः सदा विश्रांतिसंज्ञके ।। मध्याह्ने मामकं तेजो दीर्घविष्णौ व्यवस्थितम् ।। केशवे मामकं तेजो दिनभागे चतुर्थके

udaye māmakaṃ tejaḥ sadā viśrāṃtisaṃjñake || madhyāhne māmakaṃ tejo dīrghaviṣṇau vyavasthitam || keśave māmakaṃ tejo dinabhāge caturthake

Sanskrit only: no published translation is held for this verse.

एषा विद्या पुरा देवि नित्यकालं सुगो पिता ।। भक्ता त्वं मम शिष्या च कथिता ते वसुन्धरे

eṣā vidyā purā devi nityakālaṃ sugo pitā || bhaktā tvaṃ mama śiṣyā ca kathitā te vasundhare

Sanskrit only: no published translation is held for this verse.

लवणस्य वधं श्रुत्वा राघवो वाक्यमब्रवीत् ।। वरं वरय शत्रुघ्न यत्ते मनसि रोचते

lavaṇasya vadhaṃ śrutvā rāghavo vākyamabravīt || varaṃ varaya śatrughna yatte manasi rocate

Sanskrit only: no published translation is held for this verse.

इति श्रीवराहपुराणे मथुरामाहात्म्ये कपिलवराहमाहात्म्यं नाम त्रिषष्ट्यधिकशत तमोऽध्यायः

iti śrīvarāhapurāṇe mathurāmāhātmye kapilavarāhamāhātmyaṃ nāma triṣaṣṭyadhikaśata tamo'dhyāyaḥ

Sanskrit only: no published translation is held for this verse.