Varāha Purāṇa 166

धरण्युवाच ।। श्रुतानि तु महादेव तीर्थानि विविधानि तु ।। असिकुण्डेति संज्ञेयं तन्मे त्वं कथय प्रभो

dharaṇyuvāca || śrutāni tu mahādeva tīrthāni vividhāni tu || asikuṇḍeti saṃjñeyaṃ tanme tvaṃ kathaya prabho

Sanskrit only: no published translation is held for this verse.

श्रीवराह उवाच ।। सुमतिर्नाम राजासीद्धार्मिको लोकविश्रुतः ।। तीर्थयात्रानिमित्तेन स्वर्गलोकं गतः पुरा

śrīvarāha uvāca || sumatirnāma rājāsīddhārmiko lokaviśrutaḥ || tīrthayātrānimittena svargalokaṃ gataḥ purā

Sanskrit only: no published translation is held for this verse.

गते स्वर्गं तु नृपतौ पुत्रो राज्यं चकार ह ।। विमतिर्नाम नाम्ना च राज्ये पैतामहे स्थितः

gate svargaṃ tu nṛpatau putro rājyaṃ cakāra ha || vimatirnāma nāmnā ca rājye paitāmahe sthitaḥ

Sanskrit only: no published translation is held for this verse.

राज्यं च कुर्वतस्तस्य आगतो नारदस्तदा ।। विष्टरं पाद्यमर्घ्यं च तस्मै दत्तं यथोचितम्

rājyaṃ ca kurvatastasya āgato nāradastadā || viṣṭaraṃ pādyamarghyaṃ ca tasmai dattaṃ yathocitam

Sanskrit only: no published translation is held for this verse.

प्रतिगृह्य च तत्सर्वं तमुवाच स नारदः ।। पितुर्ह्यनृणतां गत्वा स पुत्रो धर्मभाग्भवेत्

pratigṛhya ca tatsarvaṃ tamuvāca sa nāradaḥ || piturhyanṛṇatāṃ gatvā sa putro dharmabhāgbhavet

Sanskrit only: no published translation is held for this verse.

इत्युक्त्वा नारदस्तत्र तत्रैवान्तरधीयत ।। नारदे तु गते राजा पप्रच्छ स्वात्ममन्त्रिणः

ityuktvā nāradastatra tatraivāntaradhīyata || nārade tu gate rājā papraccha svātmamantriṇaḥ

Sanskrit only: no published translation is held for this verse.

तदा किमुक्तमृषिणा नारदेन पितुः कृते ।। आनृण्यमिति यद्वाक्यं मया बुद्धं न किंचन

tadā kimuktamṛṣiṇā nāradena pituḥ kṛte || ānṛṇyamiti yadvākyaṃ mayā buddhaṃ na kiṃcana

Sanskrit only: no published translation is held for this verse.

मन्त्रिणश्च ततो ज्ञात्वा पितुर्मरणमेव च ।। तीर्थयात्रानिमित्तं च तस्मै राज्ञे न्यवेदयन्

mantriṇaśca tato jñātvā piturmaraṇameva ca || tīrthayātrānimittaṃ ca tasmai rājñe nyavedayan

Sanskrit only: no published translation is held for this verse.

अतएवोक्तमानृण्यं नारदेन पितुस्तव ।। श्रुत्वा वाक्यं तदा राजा तीर्थयात्रां चकार ह

ataevoktamānṛṇyaṃ nāradena pitustava || śrutvā vākyaṃ tadā rājā tīrthayātrāṃ cakāra ha

Sanskrit only: no published translation is held for this verse.

विमतेर्बुद्धिरुत्पन्ना गच्छामो मथुरां पुरीम् ।। चतुरो वार्षिकान्मासान्मथुरायां वसामहे

vimaterbuddhirutpannā gacchāmo mathurāṃ purīm || caturo vārṣikānmāsānmathurāyāṃ vasāmahe

Sanskrit only: no published translation is held for this verse.

सर्वाणि तत्र तीर्थानि तिष्ठन्ति विविधानि च ।। आगते तु नृपे तत्र तीर्थान्यूचुः परस्परम्

sarvāṇi tatra tīrthāni tiṣṭhanti vividhāni ca || āgate tu nṛpe tatra tīrthānyūcuḥ parasparam

Sanskrit only: no published translation is held for this verse.

युद्धं विमतिना सार्द्धं स्वयं कर्त्तुं न शक्नुमः ।। कल्पग्रामं तु गच्छामो वराहो यत्र तिष्ठति

yuddhaṃ vimatinā sārddhaṃ svayaṃ karttuṃ na śaknumaḥ || kalpagrāmaṃ tu gacchāmo varāho yatra tiṣṭhati

Sanskrit only: no published translation is held for this verse.

यावन्निरीक्षयाम्यग्रं तावत्तिष्ठन्ति सन्निधौ ।। तीर्थान्यूचुः ।। जय विष्णो जयाचिंत्य जय देव जयाच्युत

yāvannirīkṣayāmyagraṃ tāvattiṣṭhanti sannidhau || tīrthānyūcuḥ || jaya viṣṇo jayāciṃtya jaya deva jayācyuta

Sanskrit only: no published translation is held for this verse.

जय विश्वेश कर्त्तेश जय देव नमोऽस्तु ते ।। श्रीवराह उवाच ।। तीर्थैः स्तुतोऽहं वसुधे वचनं चेदमब्रुवम्

jaya viśveśa kartteśa jaya deva namo'stu te || śrīvarāha uvāca || tīrthaiḥ stuto'haṃ vasudhe vacanaṃ cedamabruvam

Sanskrit only: no published translation is held for this verse.

वरं वृणुत भद्रं वो यद्वो मनसि वर्त्तते ।। तीर्थान्यूचुः ।। वराह यदि देवेश अभयं दातुमर्हसि

varaṃ vṛṇuta bhadraṃ vo yadvo manasi varttate || tīrthānyūcuḥ || varāha yadi deveśa abhayaṃ dātumarhasi

Sanskrit only: no published translation is held for this verse.

सुपापिना विमतिना कृतस्त्रासः सुदारुणः ।। तं नियच्छस्व पापिष्ठं यदि पश्यसि नः सुखम्

supāpinā vimatinā kṛtastrāsaḥ sudāruṇaḥ || taṃ niyacchasva pāpiṣṭhaṃ yadi paśyasi naḥ sukham

Sanskrit only: no published translation is held for this verse.

श्रीवराह उवाच ।। हिताय सर्वतीर्थानां हनिष्यामि महारिपुम् ।। तत्र तीर्थनियोगेन आगतो मथुरां पुरीम्

śrīvarāha uvāca || hitāya sarvatīrthānāṃ haniṣyāmi mahāripum || tatra tīrthaniyogena āgato mathurāṃ purīm

Sanskrit only: no published translation is held for this verse.

तत्रागते तु वसुधे युद्धं कृत्वा तु तेन वै ।। तदासिना तु दिव्येन स राजा बलदर्पितः ।। सूदितो हि मया देवि अस्यग्रं निहितं भुवि

tatrāgate tu vasudhe yuddhaṃ kṛtvā tu tena vai || tadāsinā tu divyena sa rājā baladarpitaḥ || sūdito hi mayā devi asyagraṃ nihitaṃ bhuvi

Sanskrit only: no published translation is held for this verse.

असेरग्रेण तूद्धृत्य मृत्तिकां वरवर्णिनि ।। तत्र कुण्डं महद्दिव्यं देवर्षिविधिनिर्मितम् ।। असिकुण्डेति संज्ञा च प्राप्ता तेन वसुन्धरे

aseragreṇa tūddhṛtya mṛttikāṃ varavarṇini || tatra kuṇḍaṃ mahaddivyaṃ devarṣividhinirmitam || asikuṇḍeti saṃjñā ca prāptā tena vasundhare

Sanskrit only: no published translation is held for this verse.

तत्राश्चर्यं प्रवक्ष्यामि मनःकर्णसुखावहम् ।। पश्यन्ति मनुजाः सिद्धाः सर्वपापविवर्जिताः

tatrāścaryaṃ pravakṣyāmi manaḥkarṇasukhāvaham || paśyanti manujāḥ siddhāḥ sarvapāpavivarjitāḥ

Sanskrit only: no published translation is held for this verse.

द्वादश्यां च चतुर्दश्यां श्रद्दधाना जितेन्द्रियाः ।। फलानि तस्य पश्यन्ति लभन्ते न सुनिश्चिताः

dvādaśyāṃ ca caturdaśyāṃ śraddadhānā jitendriyāḥ || phalāni tasya paśyanti labhante na suniścitāḥ

Sanskrit only: no published translation is held for this verse.

तस्मिन्काले ह्यहं देवि मथुरायां समागतः ।। तत्र तिष्ठाम्यहं भद्रे पश्चिमां दिशमाश्रितः

tasminkāle hyahaṃ devi mathurāyāṃ samāgataḥ || tatra tiṣṭhāmyahaṃ bhadre paścimāṃ diśamāśritaḥ

Sanskrit only: no published translation is held for this verse.

तत्र कृत्वा च हैरण्या मूर्त्तयश्च चतुर्विधाः ।। तीर्थे वराहसंज्ञे तु मथुरायां व्यवस्थिताः

tatra kṛtvā ca hairaṇyā mūrttayaśca caturvidhāḥ || tīrthe varāhasaṃjñe tu mathurāyāṃ vyavasthitāḥ

Sanskrit only: no published translation is held for this verse.

सुदृढाः सुदृशः सुभ्रू यः पश्यति स मुच्यते ।। एका वराहसंज्ञा च तथा नारायणस्य च

sudṛḍhāḥ sudṛśaḥ subhrū yaḥ paśyati sa mucyate || ekā varāhasaṃjñā ca tathā nārāyaṇasya ca

Sanskrit only: no published translation is held for this verse.

वामनस्य तृतीया वै चतुर्थी राघवस्य च ।। एताश्चतस्रो यः पश्येत्स्नात्वा कुण्डेऽसिसंज्ञिते

vāmanasya tṛtīyā vai caturthī rāghavasya ca || etāścatasro yaḥ paśyetsnātvā kuṇḍe'sisaṃjñite

Sanskrit only: no published translation is held for this verse.

चतुःसागरपर्यन्ता क्रान्ता तेन धरा ध्रुवम् ।। तीर्थानां माथुराणां च सर्वेषां फलमश्नुते

catuḥsāgaraparyantā krāntā tena dharā dhruvam || tīrthānāṃ māthurāṇāṃ ca sarveṣāṃ phalamaśnute

Sanskrit only: no published translation is held for this verse.

तत्र सर्वेषु तीर्थेषु असिकुण्डं महत्तरम् ।। या संख्या कथिता पूर्वं तीर्थानां दक्षिणोत्तरे

tatra sarveṣu tīrtheṣu asikuṇḍaṃ mahattaram || yā saṃkhyā kathitā pūrvaṃ tīrthānāṃ dakṣiṇottare

Sanskrit only: no published translation is held for this verse.

असिकुण्डं समारभ्य तीर्थानुक्रमणिका वरा ।। सुप्तोत्थितोऽपि द्वादश्यामसिकुण्डाप्लुतो नरः

asikuṇḍaṃ samārabhya tīrthānukramaṇikā varā || suptotthito'pi dvādaśyāmasikuṇḍāpluto naraḥ

Sanskrit only: no published translation is held for this verse.

मूर्त्तीः पश्यति यस्तास्तु ब्रह्मभूयाय कल्पते ।। नास्तीह पुनरावृत्तिर्भवेत्कालविपर्यये

mūrttīḥ paśyati yastāstu brahmabhūyāya kalpate || nāstīha punarāvṛttirbhavetkālaviparyaye

Sanskrit only: no published translation is held for this verse.

गतानि तत्र तीर्थानि कल्पग्रामं वसुन्धरे ।। तत्र वाराहरूपेण स्थितोऽहं च यदृच्छया

gatāni tatra tīrthāni kalpagrāmaṃ vasundhare || tatra vārāharūpeṇa sthito'haṃ ca yadṛcchayā

Sanskrit only: no published translation is held for this verse.

इति श्रीवराहपुराणे असिकुण्डप्रभावो नाम षट्षष्ट्यधिकशततमोऽध्यायः

iti śrīvarāhapurāṇe asikuṇḍaprabhāvo nāma ṣaṭṣaṣṭyadhikaśatatamo'dhyāyaḥ

Sanskrit only: no published translation is held for this verse.