Library·Varāha Purāṇa·174
श्रीवराह उवाच।। पुनरन्यत्प्रवक्ष्यामि महापातकनाशनम् ।। संगमस्य प्रभावं हि पापिनामपि मुक्तिदम्
śrīvarāha uvāca|| punaranyatpravakṣyāmi mahāpātakanāśanam || saṃgamasya prabhāvaṃ hi pāpināmapi muktidam
Sanskrit only: no published translation is held for this verse.
अत्रैव श्रूयते पूर्वं ब्राह्मणः संशितव्रतः ।। महानामेति विख्यातः स्थितोऽसौ वनमाश्रितः
atraiva śrūyate pūrvaṃ brāhmaṇaḥ saṃśitavrataḥ || mahānāmeti vikhyātaḥ sthito'sau vanamāśritaḥ
Sanskrit only: no published translation is held for this verse.
स्वाध्याययुक्तो होमे च नित्ययुक्तः सः योगवित् ।। जपहोमपरो नित्यं स्वकालं क्षपते च सः
svādhyāyayukto home ca nityayuktaḥ saḥ yogavit || japahomaparo nityaṃ svakālaṃ kṣapate ca saḥ
Sanskrit only: no published translation is held for this verse.
एवं कर्माणि कुर्वन्स ब्रह्मलोकजिगीषया।। बहून्यब्दान्यतीतानि ब्राह्मणस्य वने तदा
evaṃ karmāṇi kurvansa brahmalokajigīṣayā|| bahūnyabdānyatītāni brāhmaṇasya vane tadā
Sanskrit only: no published translation is held for this verse.
तस्य बुद्धिरियं जाता तीर्थाभिगमनं प्रति।। पुनस्तीर्थजलैरेतत्क्षालयामि कलेवरम्
tasya buddhiriyaṃ jātā tīrthābhigamanaṃ prati|| punastīrthajalairetatkṣālayāmi kalevaram
Sanskrit only: no published translation is held for this verse.
प्रयातो विधिवत्साक्षात् सूर्यस्योदयनं प्रति ।। असिकुण्डादितः कृत्वा दक्षिणां कोटिकां ततः
prayāto vidhivatsākṣāt sūryasyodayanaṃ prati || asikuṇḍāditaḥ kṛtvā dakṣiṇāṃ koṭikāṃ tataḥ
Sanskrit only: no published translation is held for this verse.
तथा चोत्तरकोट्यां तु तथा मन्माथुरं च यत् ।। क्रमेण सर्वतीर्थानि स्नात्वा मामपि पुष्करम्
tathā cottarakoṭyāṃ tu tathā manmāthuraṃ ca yat || krameṇa sarvatīrthāni snātvā māmapi puṣkaram
Sanskrit only: no published translation is held for this verse.
गत्वा सर्वाणि तीर्थानि स्नात्वा पूतो भवाम्यहम् ।। इति कृत्वा मथुराया निर्जगामाथ स द्विजः
gatvā sarvāṇi tīrthāni snātvā pūto bhavāmyaham || iti kṛtvā mathurāyā nirjagāmātha sa dvijaḥ
Sanskrit only: no published translation is held for this verse.
कृतपूजानमस्कारः अध्वानं प्रत्यपद्यत ।। अध्वप्रपन्नो ह्यदृशत्पंचप्रेतान्सुभीषणान्
kṛtapūjānamaskāraḥ adhvānaṃ pratyapadyata || adhvaprapanno hyadṛśatpaṃcapretānsubhīṣaṇān
Sanskrit only: no published translation is held for this verse.
अरण्ये कण्टकवृते निर्जने शब्दवर्जिते ।। तान्दृष्ट्वा विकृताकारानतितीव्रभयङ्करान्
araṇye kaṇṭakavṛte nirjane śabdavarjite || tāndṛṣṭvā vikṛtākārānatitīvrabhayaṅkarān
Sanskrit only: no published translation is held for this verse.
ईषदुत्त्रस्तहृदयस्तिष्ठदुन्मील्य चक्षुषी ।। आलम्ब्य स ततो धैर्यं त्रासमुत्सृज्य दूरतः
īṣaduttrastahṛdayastiṣṭhadunmīlya cakṣuṣī || ālambya sa tato dhairyaṃ trāsamutsṛjya dūrataḥ
Sanskrit only: no published translation is held for this verse.
पप्रच्छ मधुरालापः के यूयं रौद्रमूर्त्तयः ।। भवन्तः कर्मणा केन दुष्कृतेन भयावहाः
papraccha madhurālāpaḥ ke yūyaṃ raudramūrttayaḥ || bhavantaḥ karmaṇā kena duṣkṛtena bhayāvahāḥ
Sanskrit only: no published translation is held for this verse.
एकस्थानात्सदा यूयं प्रस्थिताः कुत्र वा सदा ।। प्रेता ऊचुः ।। क्षुत्पिपासातुरा नित्यं बहुदुःखसमन्विताः
ekasthānātsadā yūyaṃ prasthitāḥ kutra vā sadā || pretā ūcuḥ || kṣutpipāsāturā nityaṃ bahuduḥkhasamanvitāḥ
Sanskrit only: no published translation is held for this verse.
दुर्बुद्ध्या च वृताः सर्वे हीनज्ञाना विचेतसः ।। न जानीमो दिशं काचिद्विदिशं चापि चाध्वनि
durbuddhyā ca vṛtāḥ sarve hīnajñānā vicetasaḥ || na jānīmo diśaṃ kācidvidiśaṃ cāpi cādhvani
Sanskrit only: no published translation is held for this verse.
नान्तरिक्षं महीं चापि जानीमो दिवसं तथा ।। यदेतद्दुःखमापन्नं सुखोदर्कफलं भवेत्
nāntarikṣaṃ mahīṃ cāpi jānīmo divasaṃ tathā || yadetadduḥkhamāpannaṃ sukhodarkaphalaṃ bhavet
Sanskrit only: no published translation is held for this verse.
अप्रकाममिदं भाति भास्करोदयनं प्रति ।। अहं पर्युषितो नाम परः सूचीमुखस्ततः
aprakāmamidaṃ bhāti bhāskarodayanaṃ prati || ahaṃ paryuṣito nāma paraḥ sūcīmukhastataḥ
Sanskrit only: no published translation is held for this verse.
शीघ्रगो रोधकश्चैव पंचमो लेखकस्तथा ।। ब्राह्मण उवाच ।। प्रेतानां कर्मजातानां नाम्नां वै सम्भवः कुतः
śīghrago rodhakaścaiva paṃcamo lekhakastathā || brāhmaṇa uvāca || pretānāṃ karmajātānāṃ nāmnāṃ vai sambhavaḥ kutaḥ
Sanskrit only: no published translation is held for this verse.
किं तत्कारणमेतद्धि यूयं सर्वे सनामकाः ।। प्रेत उवाच ।। अहं स्वादु सदाश्नामि दद्मि पर्युषितं द्विजे
kiṃ tatkāraṇametaddhi yūyaṃ sarve sanāmakāḥ || preta uvāca || ahaṃ svādu sadāśnāmi dadmi paryuṣitaṃ dvije
Sanskrit only: no published translation is held for this verse.
एतत्कारणमुद्दिश्य नाम पर्युषितं द्विज ।। सूचीता बहवोऽनेन विप्राश्चान्नादिकांक्षिणः
etatkāraṇamuddiśya nāma paryuṣitaṃ dvija || sūcītā bahavo'nena viprāścānnādikāṃkṣiṇaḥ
Sanskrit only: no published translation is held for this verse.
एतत्कारणमुद्दिश्य परः सूचीमुखस्ततः ।। समर्थितो द्विजेनैव शीघ्रं याति यतो हि सः
etatkāraṇamuddiśya paraḥ sūcīmukhastataḥ || samarthito dvijenaiva śīghraṃ yāti yato hi saḥ
Sanskrit only: no published translation is held for this verse.
एतत्कारणमुद्दिश्य शीघ्रगस्तेन सोच्यते ।। एको गृहस्य मध्ये तु भुङ्क्ते द्विजभयेन हि
etatkāraṇamuddiśya śīghragastena socyate || eko gṛhasya madhye tu bhuṅkte dvijabhayena hi
Sanskrit only: no published translation is held for this verse.
समारुह्योद्विग्नमना रोधकस्तेन चोच्यते ।। मौनेनापि स्थितो नित्यं याचितोऽपि लिखेन्महीम्
samāruhyodvignamanā rodhakastena cocyate || maunenāpi sthito nityaṃ yācito'pi likhenmahīm
Sanskrit only: no published translation is held for this verse.
अस्माकमपि पापिष्ठो लेखकस्तेन नाम वै ।। मदेन लेखको याति रोधकस्तु ह्यवाक्छिराः
asmākamapi pāpiṣṭho lekhakastena nāma vai || madena lekhako yāti rodhakastu hyavākchirāḥ
Sanskrit only: no published translation is held for this verse.
शीघ्रगः पङ्गुतां प्राप्तः परं सूचीमुखस्ततः ।। उषितः केवलग्रीवो लम्बौष्ठो वै महोदरः
śīghragaḥ paṅgutāṃ prāptaḥ paraṃ sūcīmukhastataḥ || uṣitaḥ kevalagrīvo lambauṣṭho vai mahodaraḥ
Sanskrit only: no published translation is held for this verse.
बृहद्वृषणशुष्काङ्गः पापादेव प्रजायते ।। एतत्ते सर्वमाख्यातमात्मवृत्तान्त सम्भवम्
bṛhadvṛṣaṇaśuṣkāṅgaḥ pāpādeva prajāyate || etatte sarvamākhyātamātmavṛttānta sambhavam
Sanskrit only: no published translation is held for this verse.
यदि ते श्रवणे श्रद्धा पृच्छ चान्यद्यदिच्छसि ।। ब्राह्मण उवाच ।। ये जीवा भुवि तिष्ठन्ति सर्व आहारजीविनः
yadi te śravaṇe śraddhā pṛccha cānyadyadicchasi || brāhmaṇa uvāca || ye jīvā bhuvi tiṣṭhanti sarva āhārajīvinaḥ
Sanskrit only: no published translation is held for this verse.
युष्माकमपि चाहारं श्रोतुमिच्छामि तत्त्वतः ।। प्रेता ऊचुः ।। शृणु चाहारमस्माकं सर्वभूतदयापर
yuṣmākamapi cāhāraṃ śrotumicchāmi tattvataḥ || pretā ūcuḥ || śṛṇu cāhāramasmākaṃ sarvabhūtadayāpara
Sanskrit only: no published translation is held for this verse.
यच्छ्रुत्वा निन्दसे नित्यं भूयो भूयश्च नित्यशः ।। श्लेष्ममूत्रपुरीषेण योषितां च समन्ततः
yacchrutvā nindase nityaṃ bhūyo bhūyaśca nityaśaḥ || śleṣmamūtrapurīṣeṇa yoṣitāṃ ca samantataḥ
Sanskrit only: no published translation is held for this verse.
गृहाणि त्यक्तशौचानि प्रेता भुञ्जन्ति तत्र वै ।। बलिमन्त्रविहीनानि दानहीनानि यानि च
gṛhāṇi tyaktaśaucāni pretā bhuñjanti tatra vai || balimantravihīnāni dānahīnāni yāni ca
Sanskrit only: no published translation is held for this verse.
गुरवो नैव पूज्यन्ते स्त्रीजितानि गृहाणि च ।। यानि प्रकीर्णभाण्डानि प्रकीर्णोच्छेषणानि च
guravo naiva pūjyante strījitāni gṛhāṇi ca || yāni prakīrṇabhāṇḍāni prakīrṇoccheṣaṇāni ca
Sanskrit only: no published translation is held for this verse.
नित्यं च कलहो यत्र प्रेता भुञ्जन्ति तत्र वै ।। अपात्रे प्रतिदत्तानि विधिहीनानि यानि च ।। निन्दितानां द्विजातीनां जुगुप्सितकुलोद्भवे
nityaṃ ca kalaho yatra pretā bhuñjanti tatra vai || apātre pratidattāni vidhihīnāni yāni ca || ninditānāṃ dvijātīnāṃ jugupsitakulodbhave
Sanskrit only: no published translation is held for this verse.
जातानां विहितानां च दुष्कृतं कर्म कुर्वताम् ।। तेभ्यो दत्तं तदस्माकमुपतिष्ठति भोजने
jātānāṃ vihitānāṃ ca duṣkṛtaṃ karma kurvatām || tebhyo dattaṃ tadasmākamupatiṣṭhati bhojane
Sanskrit only: no published translation is held for this verse.
एतत्पापतरं चान्यद्भोजनं दुष्टकर्मिणाम् ।। निर्विण्णाः प्रेतभावेन पृच्छामः सुदृढव्रत
etatpāpataraṃ cānyadbhojanaṃ duṣṭakarmiṇām || nirviṇṇāḥ pretabhāvena pṛcchāmaḥ sudṛḍhavrata
Sanskrit only: no published translation is held for this verse.
प्रेतो यथा न भवति तथा ब्रूहि तपोधन ।। ब्राह्मण उवाच ।। एकरात्रत्रिरात्रेण कृच्छ्रचान्द्रायणादिभिः
preto yathā na bhavati tathā brūhi tapodhana || brāhmaṇa uvāca || ekarātratrirātreṇa kṛcchracāndrāyaṇādibhiḥ
Sanskrit only: no published translation is held for this verse.
व्रतैरभ्युद्यतः पूतो न प्रेतो जायते नरः ।। मिष्टान्नपानदाता च सततं श्रद्धयान्वितः
vratairabhyudyataḥ pūto na preto jāyate naraḥ || miṣṭānnapānadātā ca satataṃ śraddhayānvitaḥ
Sanskrit only: no published translation is held for this verse.
यतीनां पूजको नित्यं न प्रेतो जायते नरः ।। त्रीनद्भिः पंच चैकं वा प्रतिनित्यं तु पोषयेत्
yatīnāṃ pūjako nityaṃ na preto jāyate naraḥ || trīnadbhiḥ paṃca caikaṃ vā pratinityaṃ tu poṣayet
Sanskrit only: no published translation is held for this verse.
सर्वभूतदयालुश्च न प्रेतो जायते नरः ।। देवातिथिषु पूजासु गुरुपूजासु नित्यशः
sarvabhūtadayāluśca na preto jāyate naraḥ || devātithiṣu pūjāsu gurupūjāsu nityaśaḥ
Sanskrit only: no published translation is held for this verse.
रतो वै पितृपूजायां न प्रेतो जायते नरः ।। जितक्रोधो ह्यमात्सर्यस्तृष्णासङ्गविवर्जितः
rato vai pitṛpūjāyāṃ na preto jāyate naraḥ || jitakrodho hyamātsaryastṛṣṇāsaṅgavivarjitaḥ
Sanskrit only: no published translation is held for this verse.
क्षमायुक्तो दानशीलो न प्रेतो जायते नरः ।। एकादशीं सितां कृष्णां सप्तमीं वा चतुर्दशीम्
kṣamāyukto dānaśīlo na preto jāyate naraḥ || ekādaśīṃ sitāṃ kṛṣṇāṃ saptamīṃ vā caturdaśīm
Sanskrit only: no published translation is held for this verse.
उपवासपरो नित्यं न स प्रेतोऽभिजायते ।। गां ब्राह्मणं च तीर्थानि पर्वतांश्च नदीस्तथा
upavāsaparo nityaṃ na sa preto'bhijāyate || gāṃ brāhmaṇaṃ ca tīrthāni parvatāṃśca nadīstathā
Sanskrit only: no published translation is held for this verse.
देवांश्च वन्दते नित्यं न प्रेतो जायते हि सः ।। प्रेता ऊचुः ।। त्वत्तस्तच्छ्रुतमस्माभिर्यो न प्रेतोऽभिजायते
devāṃśca vandate nityaṃ na preto jāyate hi saḥ || pretā ūcuḥ || tvattastacchrutamasmābhiryo na preto'bhijāyate
Sanskrit only: no published translation is held for this verse.
प्रेतस्तु जायते केन तद्वद त्वं महामुने ।। विप्र उवाच ।। शूद्रान्नेन तु भुक्तेन ब्राह्मणो म्रियते यदि
pretastu jāyate kena tadvada tvaṃ mahāmune || vipra uvāca || śūdrānnena tu bhuktena brāhmaṇo mriyate yadi
Sanskrit only: no published translation is held for this verse.
तेनैव चोदरस्थेन स प्रेतो जायते ध्रुवम् ।। नग्नकापालिपाषण्डसङ्गतासनभोजनैः
tenaiva codarasthena sa preto jāyate dhruvam || nagnakāpālipāṣaṇḍasaṅgatāsanabhojanaiḥ
Sanskrit only: no published translation is held for this verse.
मनुष्यः प्रेततां याति स्पर्शेन सुतरां तथा ।। पूर्वपुण्यं विनश्येत्तु प्रेतो भवति नित्यशः
manuṣyaḥ pretatāṃ yāti sparśena sutarāṃ tathā || pūrvapuṇyaṃ vinaśyettu preto bhavati nityaśaḥ
Sanskrit only: no published translation is held for this verse.
पाषण्डाश्रमसंस्थश्च मद्यपः पारदारिकः ।। वृथामांसरतो नित्यं स च प्रेतोऽभिजायते
pāṣaṇḍāśramasaṃsthaśca madyapaḥ pāradārikaḥ || vṛthāmāṃsarato nityaṃ sa ca preto'bhijāyate
Sanskrit only: no published translation is held for this verse.
देवस्वं ब्राह्मणस्वं च गुरोर्द्रव्यं हरेत्तु यः ।। कन्यां ददाति शुल्केन स च प्रेतोऽभिजायते
devasvaṃ brāhmaṇasvaṃ ca gurordravyaṃ harettu yaḥ || kanyāṃ dadāti śulkena sa ca preto'bhijāyate
Sanskrit only: no published translation is held for this verse.
मातरं पितरं भ्रातृभगिन्यौ च स्त्रियं सुतम् ।। अदुष्टान्यस्त्यजेत्सोऽपि प्रेतो भवति च ध्रुवम्
mātaraṃ pitaraṃ bhrātṛbhaginyau ca striyaṃ sutam || aduṣṭānyastyajetso'pi preto bhavati ca dhruvam
Sanskrit only: no published translation is held for this verse.
अयाज्ययाजनाच्चैव याज्यानां परिवर्जनात् ।। रतो वा शूद्रसेवायां स प्रेतो जायते नरः
ayājyayājanāccaiva yājyānāṃ parivarjanāt || rato vā śūdrasevāyāṃ sa preto jāyate naraḥ
Sanskrit only: no published translation is held for this verse.
ब्रह्महा च कृतघ्नश्च गोघ्नो वै पञ्चपातकी ।। भूमिकन्यापहर्ता च स प्रेतो जायते नरः
brahmahā ca kṛtaghnaśca goghno vai pañcapātakī || bhūmikanyāpahartā ca sa preto jāyate naraḥ
Sanskrit only: no published translation is held for this verse.
गुरोर्धर्म्मोपदेष्टुश्च नित्यं हितमभीप्सतः ।। न करोति वचस्तस्य स प्रेतो जायते नरः
gurordharmmopadeṣṭuśca nityaṃ hitamabhīpsataḥ || na karoti vacastasya sa preto jāyate naraḥ
Sanskrit only: no published translation is held for this verse.
असद्भ्यः प्रतिगृह्णाति नास्तिकेभ्यो विशेषतः ।। स पापो जायते प्रेत आहारादिविवर्जितः
asadbhyaḥ pratigṛhṇāti nāstikebhyo viśeṣataḥ || sa pāpo jāyate preta āhārādivivarjitaḥ
Sanskrit only: no published translation is held for this verse.
प्रेता ऊचुः ।। य एतत्कर्म कुर्वन्ति मूढाऽधर्मपरायणाः ।। विरुद्धकारिणः पापास्तेषां कांचिद्गतिं वद
pretā ūcuḥ || ya etatkarma kurvanti mūḍhā'dharmaparāyaṇāḥ || viruddhakāriṇaḥ pāpāsteṣāṃ kāṃcidgatiṃ vada
Sanskrit only: no published translation is held for this verse.
ब्राह्मण उवाच ।। ये धर्मविमुखा मूढा दयादानविवर्जिताः ।। तेषां गतिर्भवेदेका मथुरायान्तु सङ्गमे
brāhmaṇa uvāca || ye dharmavimukhā mūḍhā dayādānavivarjitāḥ || teṣāṃ gatirbhavedekā mathurāyāntu saṅgame
Sanskrit only: no published translation is held for this verse.
श्रवणद्वादशीयोगे मासि भाद्रपदे तथा ।। वामनं तत्र देवं तु पूजयेज्जुहुयात्तथा
śravaṇadvādaśīyoge māsi bhādrapade tathā || vāmanaṃ tatra devaṃ tu pūjayejjuhuyāttathā
Sanskrit only: no published translation is held for this verse.
सुवर्णमन्नं वस्त्रं च च्छत्रोपानत्सुसंयुतम् ।। तत्र स्नातो पितॄंस्तर्प्य दत्त्वा करकमेव च
suvarṇamannaṃ vastraṃ ca cchatropānatsusaṃyutam || tatra snāto pitṝṃstarpya dattvā karakameva ca
Sanskrit only: no published translation is held for this verse.
न ते प्रेता भविष्यन्ति मार्गस्थो यो नमस्यते ।। विमानवरमारुह्य विष्णुलोकं स गच्छति
na te pretā bhaviṣyanti mārgastho yo namasyate || vimānavaramāruhya viṣṇulokaṃ sa gacchati
Sanskrit only: no published translation is held for this verse.
तत्र तीर्थे नरः स्नातो हृष्टपुष्टो यथाश्रुतः ।। ध्यातश्च कीर्त्तितो वापि तेन गङ्गावगाहिता
tatra tīrthe naraḥ snāto hṛṣṭapuṣṭo yathāśrutaḥ || dhyātaśca kīrttito vāpi tena gaṅgāvagāhitā
Sanskrit only: no published translation is held for this verse.
तीर्थस्यैव तु माहात्म्यं प्रेतो भूत्वा शृणोति यः ।। तस्याक्षयपदं विष्णोर्भवतीति मया श्रुतम्
tīrthasyaiva tu māhātmyaṃ preto bhūtvā śṛṇoti yaḥ || tasyākṣayapadaṃ viṣṇorbhavatīti mayā śrutam
Sanskrit only: no published translation is held for this verse.
प्रेता ऊचुः ।। अस्माकं वद कल्याण व्रतस्यास्य विधिं परम् ।। येन वै क्रियमाणेन प्रेतत्वात्तु विमुच्यते
pretā ūcuḥ || asmākaṃ vada kalyāṇa vratasyāsya vidhiṃ param || yena vai kriyamāṇena pretatvāttu vimucyate
Sanskrit only: no published translation is held for this verse.
ब्राह्मण उवाच ।। एवमेव व्रतस्यास्य विधानं कर्मसंहितम् ।। पुराणं कथितं राज्ञे मान्धात्रे पृच्छते पुरा
brāhmaṇa uvāca || evameva vratasyāsya vidhānaṃ karmasaṃhitam || purāṇaṃ kathitaṃ rājñe māndhātre pṛcchate purā
Sanskrit only: no published translation is held for this verse.
वसिष्ठेन महाभागाः शृणुध्वं कथयाम्यहम् ।। प्रेतानां मोक्षणं पुण्यं गतिप्रवरदायकम्
vasiṣṭhena mahābhāgāḥ śṛṇudhvaṃ kathayāmyaham || pretānāṃ mokṣaṇaṃ puṇyaṃ gatipravaradāyakam
Sanskrit only: no published translation is held for this verse.
मासि भाद्रपदे शुद्धा द्वादशी श्रवणान्विता ।। तस्यां दत्तं हुतं स्नानं सर्वं लक्षगुणं भवेत्
māsi bhādrapade śuddhā dvādaśī śravaṇānvitā || tasyāṃ dattaṃ hutaṃ snānaṃ sarvaṃ lakṣaguṇaṃ bhavet
Sanskrit only: no published translation is held for this verse.
सङ्गमे च पुनः स्नात्वा पूजयित्वा तु वामनम् ।। कलशं विधिना दत्त्वा तस्य पुण्यफलं शृणु
saṅgame ca punaḥ snātvā pūjayitvā tu vāmanam || kalaśaṃ vidhinā dattvā tasya puṇyaphalaṃ śṛṇu
Sanskrit only: no published translation is held for this verse.
कपिलानां शतं दत्त्वा हिरण्योपस्कराञ्चितम् ।। तेन यत्फलमाप्नोति तद्द्वादश्यामखण्डितम्
kapilānāṃ śataṃ dattvā hiraṇyopaskarāñcitam || tena yatphalamāpnoti taddvādaśyāmakhaṇḍitam
Sanskrit only: no published translation is held for this verse.
ततः स्वर्गात्परिभ्रष्टो ब्राह्मणो वेदपारगः ।। जातिस्मरो महायोगी मोक्षमार्गपरायणः
tataḥ svargātparibhraṣṭo brāhmaṇo vedapāragaḥ || jātismaro mahāyogī mokṣamārgaparāyaṇaḥ
Sanskrit only: no published translation is held for this verse.
ध्यानयुक्तेन भावेन मुक्तो यात्यपुनर्भवम् ।। कनकं च सुसंपीतं सान्नं रत्नसमन्वितम्
dhyānayuktena bhāvena mukto yātyapunarbhavam || kanakaṃ ca susaṃpītaṃ sānnaṃ ratnasamanvitam
Sanskrit only: no published translation is held for this verse.
यथालाभोपपन्नेन सौवर्णो वामनः कृतः ।। उपानच्छत्रसंयुक्तो विधिमन्त्रपुरःसरः
yathālābhopapannena sauvarṇo vāmanaḥ kṛtaḥ || upānacchatrasaṃyukto vidhimantrapuraḥsaraḥ
Sanskrit only: no published translation is held for this verse.
राक्षसत्वं न गच्छेत्तु श्रवणद्वादशीव्रतात् ।। स्वर्गे च वसते तावद्यावदिन्द्राश्चतुर्दश
rākṣasatvaṃ na gacchettu śravaṇadvādaśīvratāt || svarge ca vasate tāvadyāvadindrāścaturdaśa
Sanskrit only: no published translation is held for this verse.
आगच्छ वरदानन्त श्रीपते मदनुग्रहात् ।। सर्वगोपि निजांशेन स्थानमेतदलङ्कुरु
āgaccha varadānanta śrīpate madanugrahāt || sarvagopi nijāṃśena sthānametadalaṅkuru
Sanskrit only: no published translation is held for this verse.
(आवाहनम्) यत्त्वं नक्षत्ररूपेण दवादश्यां नभसि स्थितः ।। तन्नक्षत्रमहं वन्दे मनोवाञ्छितसिद्धये
(āvāhanam) yattvaṃ nakṣatrarūpeṇa davādaśyāṃ nabhasi sthitaḥ || tannakṣatramahaṃ vande manovāñchitasiddhaye
Sanskrit only: no published translation is held for this verse.
( नक्षत्रम्) नमः कमलनाभाय कमलालय केशव ।। ( स्नानम् ) अमूर्त्ते सर्वतोव्यापिन्नारायण नमोऽस्तु ते
( nakṣatram) namaḥ kamalanābhāya kamalālaya keśava || ( snānam ) amūrtte sarvatovyāpinnārāyaṇa namo'stu te
Sanskrit only: no published translation is held for this verse.
सर्वव्यापिन्जगद्योने नमः सर्वमयाच्युत ।। ( पूजा) श्रवणद्वादशीयोगे पूजां गृह्णीष्व केशव
sarvavyāpinjagadyone namaḥ sarvamayācyuta || ( pūjā) śravaṇadvādaśīyoge pūjāṃ gṛhṇīṣva keśava
Sanskrit only: no published translation is held for this verse.
धूपोऽयं देवदेवेश शंखचक्रगदाधर ।। (धूपं) अच्युतानन्त गोविन्द वासुदेव नमोऽस्तु ते
dhūpo'yaṃ devadeveśa śaṃkhacakragadādhara || (dhūpaṃ) acyutānanta govinda vāsudeva namo'stu te
Sanskrit only: no published translation is held for this verse.
तेजसा सर्वलोकाश्च विवृताः सन्तु तेऽव्ययाः ।। ( दीपम्) त्वं हि सर्वगतं तेजो जनार्दन नमोऽस्तु ते
tejasā sarvalokāśca vivṛtāḥ santu te'vyayāḥ || ( dīpam) tvaṃ hi sarvagataṃ tejo janārdana namo'stu te
Sanskrit only: no published translation is held for this verse.
अग्निर्वैश्रवणो देवः पापं हरतु मेऽव्ययः ।। 174.८० ।। ( वामनस्तुतिम्) अन्नं प्रजापतिर्विष्णुरुद्रचन्द्रेन्द्रभास्कराः ।। अन्नं त्वष्टा यमोऽग्निश्च पापं हरतु मेऽव्ययः ।। ८१ ।। ( करकदानं) वामनो बुद्धिदाता च द्रवस्थो वामनः स्वयम् ।। वामनस्तारकोभाभ्यां वामनाय नमोऽस्तु ये ।। ८२ ।।( यजमानः) वामनं प्रतिगृह्णामि वामनो मे प्रयच्छति ।। वामनस्तारकोभाभ्यां वामनाय नमो नमः ।। ८३ ।। ( द्विजः प्रतिग्रहीता) कपिलाङ्गेषु तिष्ठन्ति भुवनानि चतुर्दश ।। दत्त्वा कामदुघां लोका भवन्ति सफला नृणाम् ।।८४।। ( गोदानं) मम पापच्छिदे तुभ्यं देवगर्भ सुपूजित ।। मया विसर्जितो देव स्थानमन्यदलङ्कुरु ।।८५।। (विसर्जनम्) एवं विद्वांस्तु द्वादश्यां यो नरः श्रद्धयान्वितः ।। यत्र तत्र नभस्ये तु कृत्वा फलमवाप्नुयात्
agnirvaiśravaṇo devaḥ pāpaṃ haratu me'vyayaḥ || 174.80 || ( vāmanastutim) annaṃ prajāpatirviṣṇurudracandrendrabhāskarāḥ || annaṃ tvaṣṭā yamo'gniśca pāpaṃ haratu me'vyayaḥ || 81 || ( karakadānaṃ) vāmano buddhidātā ca dravastho vāmanaḥ svayam || vāmanastārakobhābhyāṃ vāmanāya namo'stu ye || 82 ||( yajamānaḥ) vāmanaṃ pratigṛhṇāmi vāmano me prayacchati || vāmanastārakobhābhyāṃ vāmanāya namo namaḥ || 83 || ( dvijaḥ pratigrahītā) kapilāṅgeṣu tiṣṭhanti bhuvanāni caturdaśa || dattvā kāmadughāṃ lokā bhavanti saphalā nṛṇām ||84|| ( godānaṃ) mama pāpacchide tubhyaṃ devagarbha supūjita || mayā visarjito deva sthānamanyadalaṅkuru ||85|| (visarjanam) evaṃ vidvāṃstu dvādaśyāṃ yo naraḥ śraddhayānvitaḥ || yatra tatra nabhasye tu kṛtvā phalamavāpnuyāt
Sanskrit only: no published translation is held for this verse.
ब्राह्मण उवाच ।। यस्तु सारस्वते तीर्थे यमुनायाश्च सङ्गमे ।। करोति विधिनानेन तस्य पुण्यं शतोत्तरम्
brāhmaṇa uvāca || yastu sārasvate tīrthe yamunāyāśca saṅgame || karoti vidhinānena tasya puṇyaṃ śatottaram
Sanskrit only: no published translation is held for this verse.
मयापि श्रद्धया चैतत्कालं तीर्थस्य सेवनम् ।। क्षेत्रसंन्यासरूपेण कृतभक्तिसमन्वितम्
mayāpi śraddhayā caitatkālaṃ tīrthasya sevanam || kṣetrasaṃnyāsarūpeṇa kṛtabhaktisamanvitam
Sanskrit only: no published translation is held for this verse.
येन यूयं न शक्ता मां बाधितुं पापकर्मिणः ।। श्रवणद्वादशीयोगे व्रतं तिथिसमन्वितम्
yena yūyaṃ na śaktā māṃ bādhituṃ pāpakarmiṇaḥ || śravaṇadvādaśīyoge vrataṃ tithisamanvitam
Sanskrit only: no published translation is held for this verse.
तावद्व्रतं तु कर्त्तव्यं यावदेकं क्षयं व्रजेत् ।। तीर्थस्यैव प्रभावो हि प्रत्यक्षमिह दृश्यते
tāvadvrataṃ tu karttavyaṃ yāvadekaṃ kṣayaṃ vrajet || tīrthasyaiva prabhāvo hi pratyakṣamiha dṛśyate
Sanskrit only: no published translation is held for this verse.
श्रवणाद्वो गतिः साक्षात्साधु लक्ष्यामि चाऽधुना ।। श्रीवराह उवाच ।। एवं ब्रुवति विप्रे तु आकाशे दुन्दुभिस्वनः ।। पुष्पवृष्टिर्भुव्यपतद्देवैर्मुक्ता सहस्रशः
śravaṇādvo gatiḥ sākṣātsādhu lakṣyāmi cā'dhunā || śrīvarāha uvāca || evaṃ bruvati vipre tu ākāśe dundubhisvanaḥ || puṣpavṛṣṭirbhuvyapataddevairmuktā sahasraśaḥ
Sanskrit only: no published translation is held for this verse.
प्रेतानां तु विमानानि आगतानि समन्ततः ।। देवदूत उवाचेदं प्रेतानां शृण्वतां तदा
pretānāṃ tu vimānāni āgatāni samantataḥ || devadūta uvācedaṃ pretānāṃ śṛṇvatāṃ tadā
Sanskrit only: no published translation is held for this verse.
अस्य विप्रस्य सम्भाषात्पुण्यसत्कीर्त्तितेन च ।। प्रेतभावविमुक्ताः स्थ तीर्थस्य श्रवणादपि
asya viprasya sambhāṣātpuṇyasatkīrttitena ca || pretabhāvavimuktāḥ stha tīrthasya śravaṇādapi
Sanskrit only: no published translation is held for this verse.
तस्मात्सर्वप्रयत्नेन सता सम्भाषणं वरम् ।। कर्त्तव्यस्तीर्थभावश्च व्रतभावश्च मानसे
tasmātsarvaprayatnena satā sambhāṣaṇaṃ varam || karttavyastīrthabhāvaśca vratabhāvaśca mānase
Sanskrit only: no published translation is held for this verse.
तीर्थाभिषेकिपुरुषाद्यथा तेषां दुरात्मनाम् ।। प्रेतानामक्षयः स्वर्गः सरस्वत्याश्च सङ्गमात्
tīrthābhiṣekipuruṣādyathā teṣāṃ durātmanām || pretānāmakṣayaḥ svargaḥ sarasvatyāśca saṅgamāt
Sanskrit only: no published translation is held for this verse.
प्राप्तं तीर्थप्रभावस्य श्रवणान्मुक्तिदं फलम् ।। तिलकं सर्वधर्माणां पंचप्रेतत्वमुक्तिदम्
prāptaṃ tīrthaprabhāvasya śravaṇānmuktidaṃ phalam || tilakaṃ sarvadharmāṇāṃ paṃcapretatvamuktidam
Sanskrit only: no published translation is held for this verse.
यः पठेत्परया भक्त्या शृणुयाद्भक्तितत्परः ।। करोति श्रद्धया युक्तो न प्रेतो जायते नरः
yaḥ paṭhetparayā bhaktyā śṛṇuyādbhaktitatparaḥ || karoti śraddhayā yukto na preto jāyate naraḥ
Sanskrit only: no published translation is held for this verse.
पिशाचसंज्ञकं नाम तीर्थं त्रैलोक्यविश्रुतम् ।। यस्य श्रवणमात्रेण न प्रेतो जायते नरः
piśācasaṃjñakaṃ nāma tīrthaṃ trailokyaviśrutam || yasya śravaṇamātreṇa na preto jāyate naraḥ
Sanskrit only: no published translation is held for this verse.
इति श्रीवराहपुराणे मधु० मा० सर्वतीर्थे यमुनासंगमप्रभावोनाम चतुःसप्तत्यधिकशततमोऽध्यायः
iti śrīvarāhapurāṇe madhu0 mā0 sarvatīrthe yamunāsaṃgamaprabhāvonāma catuḥsaptatyadhikaśatatamo'dhyāyaḥ
Sanskrit only: no published translation is held for this verse.