Varāha Purāṇa 175

श्रीवराह उवाच ।। शृणु चान्यद्वरारोहे कृष्णगङ्गासमुद्भवम् ।। यमुनास्रोतसि स्नात्वा कृष्णद्वैपायनो मुनिः

śrīvarāha uvāca || śṛṇu cānyadvarārohe kṛṣṇagaṅgāsamudbhavam || yamunāsrotasi snātvā kṛṣṇadvaipāyano muniḥ

Sanskrit only: no published translation is held for this verse.

ध्यात्वा मनसि गङ्गां तां कालिन्दीं पापहारिणीम् ।। नित्यं च कर्म कुरुते तत्र तीर्थजलाप्लुतिम्

dhyātvā manasi gaṅgāṃ tāṃ kālindīṃ pāpahāriṇīm || nityaṃ ca karma kurute tatra tīrthajalāplutim

Sanskrit only: no published translation is held for this verse.

सोमवैकुण्ठयोर्मध्ये कृष्णङ्गेति कथ्यते ।। यत्रातप्यत स व्यासो मथुरायां स्थितोऽमलः

somavaikuṇṭhayormadhye kṛṣṇaṅgeti kathyate || yatrātapyata sa vyāso mathurāyāṃ sthito'malaḥ

Sanskrit only: no published translation is held for this verse.

तत्राश्रमपदं दिव्यं मुनिप्रवरसेवितम् ।। आगच्छन्ति सदा तत्र चातुर्मास्यमुपासितुम्

tatrāśramapadaṃ divyaṃ munipravarasevitam || āgacchanti sadā tatra cāturmāsyamupāsitum

Sanskrit only: no published translation is held for this verse.

मुनयो वेदतत्त्वज्ञा ज्ञानिनः संशितव्रताः ।। श्रौतस्मार्त्तपुराणेषु सन्देहो यस्य कस्यचित्

munayo vedatattvajñā jñāninaḥ saṃśitavratāḥ || śrautasmārttapurāṇeṣu sandeho yasya kasyacit

Sanskrit only: no published translation is held for this verse.

व्यासोऽपनोदयामास नानावाक्यैः सताङ्गतिः

vyāso'panodayāmāsa nānāvākyaiḥ satāṅgatiḥ

Sanskrit only: no published translation is held for this verse.

कालञ्जरे महादेवं तत्र तीर्थपतिं शिवम्।। यस्य सन्दर्शनादेव कृष्णगंगाफलं भवेत्

kālañjare mahādevaṃ tatra tīrthapatiṃ śivam|| yasya sandarśanādeva kṛṣṇagaṃgāphalaṃ bhavet

Sanskrit only: no published translation is held for this verse.

तत्र स्थितो द्वादशाब्दव्रती संगविवर्जितः।। पक्षाहारी च फलभुग्दर्शे वै पौर्णमासिके

tatra sthito dvādaśābdavratī saṃgavivarjitaḥ|| pakṣāhārī ca phalabhugdarśe vai paurṇamāsike

Sanskrit only: no published translation is held for this verse.

गत्वा हिमालयं चासौ बदरीमभितो गतः।। व्यासश्चर्यापरस्तत्र ध्यानयोगपरायणः

gatvā himālayaṃ cāsau badarīmabhito gataḥ|| vyāsaścaryāparastatra dhyānayogaparāyaṇaḥ

Sanskrit only: no published translation is held for this verse.

त्रिकालदर्शी शुद्धात्मा सिद्धत्वं प्राप्नुयात्प्रभुः।। तस्याश्रमपदस्थस्य यद्दृष्टं ज्ञानचक्षुषा।।175.१० । प्रत्यक्षं कृष्णतीर्थे तु पांचाल्यकुलतन्तुना। पांचाल्योऽथ द्विजः कश्चिन्नाम्ना वसुरिति श्रुतः

trikāladarśī śuddhātmā siddhatvaṃ prāpnuyātprabhuḥ|| tasyāśramapadasthasya yaddṛṣṭaṃ jñānacakṣuṣā||175.10 | pratyakṣaṃ kṛṣṇatīrthe tu pāṃcālyakulatantunā| pāṃcālyo'tha dvijaḥ kaścinnāmnā vasuriti śrutaḥ

Sanskrit only: no published translation is held for this verse.

दुर्भिक्षपीडितोऽत्यन्तं सभार्यो दक्षिणां गतः।। शिवनद्या दक्षिणे तु कूले स वरपत्तने

durbhikṣapīḍito'tyantaṃ sabhāryo dakṣiṇāṃ gataḥ|| śivanadyā dakṣiṇe tu kūle sa varapattane

Sanskrit only: no published translation is held for this verse.

निवासमकरोत्तत्र ब्राह्मणीं वृत्तिमाश्रितः।। तत्रस्थस्य तदा पंच पुत्राः कन्याभवंस्तदा

nivāsamakarottatra brāhmaṇīṃ vṛttimāśritaḥ|| tatrasthasya tadā paṃca putrāḥ kanyābhavaṃstadā

Sanskrit only: no published translation is held for this verse.

ब्राह्मणाय च दत्ता सा धनधान्यसमन्विता ।। स द्विजः कालसम्पन्नः सभार्यस्तत्र संस्थितः

brāhmaṇāya ca dattā sā dhanadhānyasamanvitā || sa dvijaḥ kālasampannaḥ sabhāryastatra saṃsthitaḥ

Sanskrit only: no published translation is held for this verse.

कन्याऽस्थीनि तु संगृह्य मथुरामाजगाम ह ।। श्रुत्वा पुराणे पतितमर्द्धचन्द्रेऽस्थिपातनम्

kanyā'sthīni tu saṃgṛhya mathurāmājagāma ha || śrutvā purāṇe patitamarddhacandre'sthipātanam

Sanskrit only: no published translation is held for this verse.

नित्यं स्वर्गे वसति स यस्यास्थि ह्यर्द्धचन्द्रके।। तीर्थयात्राप्रसंगेन लोकैः प्रचलिता बहिः

nityaṃ svarge vasati sa yasyāsthi hyarddhacandrake|| tīrthayātrāprasaṃgena lokaiḥ pracalitā bahiḥ

Sanskrit only: no published translation is held for this verse.

तेन सार्थेन सा कन्या मथुरायां जगाम च ।। कनिष्ठा भगिनी तेषां बालरण्डा बभूव ह

tena sārthena sā kanyā mathurāyāṃ jagāma ca || kaniṣṭhā bhaginī teṣāṃ bālaraṇḍā babhūva ha

Sanskrit only: no published translation is held for this verse.

सुरूपा सुकुमाराङ्गी नीलकुंचितमूर्द्धजा ।। कदलीकाण्डसंकाशे तस्या ऊरू सुमांसले

surūpā sukumārāṅgī nīlakuṃcitamūrddhajā || kadalīkāṇḍasaṃkāśe tasyā ūrū sumāṃsale

Sanskrit only: no published translation is held for this verse.

सुश्लिष्टाङ्गुलिपादा तु नखास्ताम्रोज्ज्वलाः शुभाः ।। गम्भीरा दक्षिणावर्त्ता नाभिस्त्रिवलि .शोभिता

suśliṣṭāṅgulipādā tu nakhāstāmrojjvalāḥ śubhāḥ || gambhīrā dakṣiṇāvarttā nābhistrivali .śobhitā

Sanskrit only: no published translation is held for this verse.

क्षामोदरी समकुक्षिः पीनोन्नतपयोधरा ।। कम्बुग्रीवा संवृतास्या सुदती स्वधराहनुः

kṣāmodarī samakukṣiḥ pīnonnatapayodharā || kambugrīvā saṃvṛtāsyā sudatī svadharāhanuḥ

Sanskrit only: no published translation is held for this verse.

सुनखी स्वक्षिणी सुभ्रूः सुप्रमाणा सुभाषिणी ।। तेन तेनैव सम्पूर्णरूपेण च तिलोत्तमा

sunakhī svakṣiṇī subhrūḥ supramāṇā subhāṣiṇī || tena tenaiva sampūrṇarūpeṇa ca tilottamā

Sanskrit only: no published translation is held for this verse.

यं यं पश्यति चार्वङ्गी यस्तां चैव प्रपश्यति ।। स स चित्र इव न्यस्तो विचेता जायते नरः

yaṃ yaṃ paśyati cārvaṅgī yastāṃ caiva prapaśyati || sa sa citra iva nyasto vicetā jāyate naraḥ

Sanskrit only: no published translation is held for this verse.

एवंविधा तत्र तत्र तीर्थस्नानपरायणा ।। दृष्टा वेश्यासमूहेन प्रागल्भ्येन तदा क्वचित्

evaṃvidhā tatra tatra tīrthasnānaparāyaṇā || dṛṣṭā veśyāsamūhena prāgalbhyena tadā kvacit

Sanskrit only: no published translation is held for this verse.

कान्यकुब्जाधिपो राजा क्षत्रधर्मे व्यवस्थितः ।। तस्य सत्रं सर्वकालं देवगर्त्तेश्वरे शिवे

kānyakubjādhipo rājā kṣatradharme vyavasthitaḥ || tasya satraṃ sarvakālaṃ devagartteśvare śive

Sanskrit only: no published translation is held for this verse.

प्रवर्त्तते सुवित्ताढ्य प्रेक्षणीयं मनोरमम् ।। वादित्राणि च गीतानि शक्रस्य भवने यथा

pravarttate suvittāḍhya prekṣaṇīyaṃ manoramam || vāditrāṇi ca gītāni śakrasya bhavane yathā

Sanskrit only: no published translation is held for this verse.

तस्य देवस्य या वेश्यास्ताभिः सा प्रतिलोभिता

tasya devasya yā veśyāstābhiḥ sā pratilobhitā

Sanskrit only: no published translation is held for this verse.

गीतनृत्यादिषु रता तासां धर्ममुपागता ।। अल्पैस्तु दिवसैः साध्वी असाध्वीभिः परीवृता

gītanṛtyādiṣu ratā tāsāṃ dharmamupāgatā || alpaistu divasaiḥ sādhvī asādhvībhiḥ parīvṛtā

Sanskrit only: no published translation is held for this verse.

एवं वसति सा बाला देवस्यास्य परिग्रहा ।। यथासुखं समेताभिर्विहरन्ती दिनेदिने

evaṃ vasati sā bālā devasyāsya parigrahā || yathāsukhaṃ sametābhirviharantī dinedine

Sanskrit only: no published translation is held for this verse.

इति श्रीवराहपुराणे मथुरामाहात्म्ये कृष्णगंगाकालिञ्जरप्रभावे पंचसप्तत्यधिकशततमोऽध्यायः

iti śrīvarāhapurāṇe mathurāmāhātmye kṛṣṇagaṃgākāliñjaraprabhāve paṃcasaptatyadhikaśatatamo'dhyāyaḥ

Sanskrit only: no published translation is held for this verse.