Library·Varāha Purāṇa·176
श्रीवराह उवाच ।। पंचानां तु कनिष्ठो यः पंचालो ब्राह्मणात्मजः ।। वाणिज्यभाण्डमादाय समूहस्य प्रसंगतः
śrīvarāha uvāca || paṃcānāṃ tu kaniṣṭho yaḥ paṃcālo brāhmaṇātmajaḥ || vāṇijyabhāṇḍamādāya samūhasya prasaṃgataḥ
Sanskrit only: no published translation is held for this verse.
सार्थेन निष्ठितः सोऽथ धनवान्रूपवांस्ततः ।। क्रमेण ते सर्वदेशान्विषयान् पर्वतान्नदीः
sārthena niṣṭhitaḥ so'tha dhanavānrūpavāṃstataḥ || krameṇa te sarvadeśānviṣayān parvatānnadīḥ
Sanskrit only: no published translation is held for this verse.
आक्रम्य तत्र सम्प्राप्ता यत्र सा मथुरा पुरी ।। आवासं कारयामासुः प्रभूतयवसेन्धने
ākramya tatra samprāptā yatra sā mathurā purī || āvāsaṃ kārayāmāsuḥ prabhūtayavasendhane
Sanskrit only: no published translation is held for this verse.
तस्मिन्स्थाने स पांचालः प्रातस्तु पुरुषैः सह ।। तस्मिंस्तीर्थवरे स्नाप्य वस्त्रालङ्कारभूषितः ।। ऐश्वर्यमदभावेन यानेन महता तदा
tasminsthāne sa pāṃcālaḥ prātastu puruṣaiḥ saha || tasmiṃstīrthavare snāpya vastrālaṅkārabhūṣitaḥ || aiśvaryamadabhāvena yānena mahatā tadā
Sanskrit only: no published translation is held for this verse.
कौतुकार्थं ततो गत्वा देवं गर्त्तेश्वरं तदा ।। तिलोत्तमायास्तद्रूपं दृष्ट्वा मोहवशं गतः
kautukārthaṃ tato gatvā devaṃ gartteśvaraṃ tadā || tilottamāyāstadrūpaṃ dṛṣṭvā mohavaśaṃ gataḥ
Sanskrit only: no published translation is held for this verse.
धात्रेयिकायास्तस्याश्च बहुमानपुरःसरम् ।। वस्त्राणि बद्धरूपाणि कटकानां शतानि च
dhātreyikāyāstasyāśca bahumānapuraḥsaram || vastrāṇi baddharūpāṇi kaṭakānāṃ śatāni ca
Sanskrit only: no published translation is held for this verse.
हारा रत्नमयास्तद्वद्ददौ लोभविमोहितः ।। ददावगुरुसारं च सकर्पूरं सचन्दनम्
hārā ratnamayāstadvaddadau lobhavimohitaḥ || dadāvagurusāraṃ ca sakarpūraṃ sacandanam
Sanskrit only: no published translation is held for this verse.
देवतादर्शनं कृत्वा दत्त्वा दानान्यनेकशः
devatādarśanaṃ kṛtvā dattvā dānānyanekaśaḥ
Sanskrit only: no published translation is held for this verse.
स्नात्वा तीर्थे समीपे च कृष्णगङ्गोद्भवे सदा ।। एवं नित्यं प्रसक्तो हि करोति द्रव्यगर्वितः
snātvā tīrthe samīpe ca kṛṣṇagaṅgodbhave sadā || evaṃ nityaṃ prasakto hi karoti dravyagarvitaḥ
Sanskrit only: no published translation is held for this verse.
एवं तु कुर्वतस्तस्य मासषट्कं ततो गतम् ।। अथैकदा समायातः स्नातुं तत्र सुमन्तुना
evaṃ tu kurvatastasya māsaṣaṭkaṃ tato gatam || athaikadā samāyātaḥ snātuṃ tatra sumantunā
Sanskrit only: no published translation is held for this verse.
स्वाश्रमस्थेन दृष्टः स कृमियुक्तः समागतः ।। कृमयो रोमकूपेभ्यः पतमाना अनेकशः
svāśramasthena dṛṣṭaḥ sa kṛmiyuktaḥ samāgataḥ || kṛmayo romakūpebhyaḥ patamānā anekaśaḥ
Sanskrit only: no published translation is held for this verse.
यावत्स्नानं स कुरुते पतते राशिमात्रकः ।। स्नाने कृते नश्यति च सुरूपश्चाभिजायते
yāvatsnānaṃ sa kurute patate rāśimātrakaḥ || snāne kṛte naśyati ca surūpaścābhijāyate
Sanskrit only: no published translation is held for this verse.
एवं सुमन्तुना दृष्टमाश्चर्यं बहुवासरम् ।। सुमन्तुस्तर्कयामास कोऽयं कस्यात्मजो युवा
evaṃ sumantunā dṛṣṭamāścaryaṃ bahuvāsaram || sumantustarkayāmāsa ko'yaṃ kasyātmajo yuvā
Sanskrit only: no published translation is held for this verse.
इति चिन्तासमायुक्तस्तमपृच्छद्विशंकितः ।। कस्त्वं कस्यासि सुभग का जातिः कश्च ते पिता
iti cintāsamāyuktastamapṛcchadviśaṃkitaḥ || kastvaṃ kasyāsi subhaga kā jātiḥ kaśca te pitā
Sanskrit only: no published translation is held for this verse.
किं करोषि दिवारात्रौ ब्रूहि त्वं पृच्छतो मम ।। पाञ्चाल उवाच ।। पांचालो ब्राह्मणसुतो वाणिज्यं च समाश्रितः
kiṃ karoṣi divārātrau brūhi tvaṃ pṛcchato mama || pāñcāla uvāca || pāṃcālo brāhmaṇasuto vāṇijyaṃ ca samāśritaḥ
Sanskrit only: no published translation is held for this verse.
दक्षिणापथदेशाच्च मथुरायां समागतः ।। निशामुषित्वा शिबिरे प्रातस्तीर्थं समाश्रितः
dakṣiṇāpathadeśācca mathurāyāṃ samāgataḥ || niśāmuṣitvā śibire prātastīrthaṃ samāśritaḥ
Sanskrit only: no published translation is held for this verse.
स्नात्वा महेश्वरं दृष्ट्वा त्रिगर्तेश्वरसंज्ञितम् ।। कालिञ्जरं भवत्पादौ गच्छामि शिबिरं ततः
snātvā maheśvaraṃ dṛṣṭvā trigarteśvarasaṃjñitam || kāliñjaraṃ bhavatpādau gacchāmi śibiraṃ tataḥ
Sanskrit only: no published translation is held for this verse.
सुमन्तुरुवाच ।। आश्चर्यं तव देहेऽस्मिन्नित्यं पश्यामि निःसृतम् ।। अस्नाते कृमिसम्पूर्णं स्नाते निर्मलवर्चसम्
sumanturuvāca || āścaryaṃ tava dehe'sminnityaṃ paśyāmi niḥsṛtam || asnāte kṛmisampūrṇaṃ snāte nirmalavarcasam
Sanskrit only: no published translation is held for this verse.
अस्ति किंचिन्महत्पापं तव प्रच्छन्नसम्भवम् ।। अस्यां तीर्थप्रभावेण स्नानाद्गच्छति दूरतः
asti kiṃcinmahatpāpaṃ tava pracchannasambhavam || asyāṃ tīrthaprabhāveṇa snānādgacchati dūrataḥ
Sanskrit only: no published translation is held for this verse.
कालिञ्जरस्य संस्पर्शाच्छुद्धं देहं च दृश्यते
kāliñjarasya saṃsparśācchuddhaṃ dehaṃ ca dṛśyate
Sanskrit only: no published translation is held for this verse.
निरूप्य कथयास्माकं यत्ते प्रच्छन्नकिल्बिषम्
nirūpya kathayāsmākaṃ yatte pracchannakilbiṣam
Sanskrit only: no published translation is held for this verse.
तीर्थमाहात्म्याभवं च दृष्ट्वा पृच्छामि ते हितम् ।। इति तस्य मुनेः श्रुत्वा त्रिकालज्ञस्य भाषितम्
tīrthamāhātmyābhavaṃ ca dṛṣṭvā pṛcchāmi te hitam || iti tasya muneḥ śrutvā trikālajñasya bhāṣitam
Sanskrit only: no published translation is held for this verse.
किंचिन्नोवाच पृष्टोऽपि एवमेव गतः पुनः ।। तस्यामासीत्स एकान्ते तां तु पप्रच्छ सादरम्
kiṃcinnovāca pṛṣṭo'pi evameva gataḥ punaḥ || tasyāmāsītsa ekānte tāṃ tu papraccha sādaram
Sanskrit only: no published translation is held for this verse.
का त्वं कस्यासि सुभगे कश्च देशः प्रियंवदे ।। किं तत्कारणमुद्दिश्य वसस्यत्र सुखं सदा
kā tvaṃ kasyāsi subhage kaśca deśaḥ priyaṃvade || kiṃ tatkāraṇamuddiśya vasasyatra sukhaṃ sadā
Sanskrit only: no published translation is held for this verse.
किंचित्कालं समास्थाय तेनोक्तं हि प्रियां प्रति ।। त्यक्ष्यामि हि प्रियान्प्राणान्यदि सत्यं न वक्ष्यति
kiṃcitkālaṃ samāsthāya tenoktaṃ hi priyāṃ prati || tyakṣyāmi hi priyānprāṇānyadi satyaṃ na vakṣyati
Sanskrit only: no published translation is held for this verse.
निर्बन्धं तस्य तज्ज्ञात्वा दुःखेनोवाच तं प्रति ।। पितरौ भ्रातरश्चेति देशं ज्ञातिं ततः कुलम्
nirbandhaṃ tasya tajjñātvā duḥkhenovāca taṃ prati || pitarau bhrātaraśceti deśaṃ jñātiṃ tataḥ kulam
Sanskrit only: no published translation is held for this verse.
पंचालनगरी रम्या गङ्गायाश्चोत्तरे तटे ।। तस्यां तौ पितरौ मह्यं वसतश्च यदृच्छया
paṃcālanagarī ramyā gaṅgāyāścottare taṭe || tasyāṃ tau pitarau mahyaṃ vasataśca yadṛcchayā
Sanskrit only: no published translation is held for this verse.
दुर्भिक्षपीडिते राष्ट्रे गतौ तौ दक्षिणापथम् ।। नर्मदादक्षिणे कूले ब्राह्मणानां पुरोत्तमे
durbhikṣapīḍite rāṣṭre gatau tau dakṣiṇāpatham || narmadādakṣiṇe kūle brāhmaṇānāṃ purottame
Sanskrit only: no published translation is held for this verse.
तस्मिन् स्थाने पितुर्मह्यं पंच पुत्रा मया सह ।। जातास्तेषामहं षष्ठी कनिष्ठा विधवाऽभवम्
tasmin sthāne piturmahyaṃ paṃca putrā mayā saha || jātāsteṣāmahaṃ ṣaṣṭhī kaniṣṭhā vidhavā'bhavam
Sanskrit only: no published translation is held for this verse.
योऽसौ कनिष्ठको भ्राता मम ज्येष्ठश्च पंचमः ।। बाल एव गतो देशं धनतृष्णाप्रलोभितः
yo'sau kaniṣṭhako bhrātā mama jyeṣṭhaśca paṃcamaḥ || bāla eva gato deśaṃ dhanatṛṣṇāpralobhitaḥ
Sanskrit only: no published translation is held for this verse.
तस्मिन्गतेऽथ पितरौ कालधर्ममुपेयतुः ।। तीर्थेऽस्मिन्नस्थिपातार्थमहं सार्थैः सहागता
tasmingate'tha pitarau kāladharmamupeyatuḥ || tīrthe'sminnasthipātārthamahaṃ sārthaiḥ sahāgatā
Sanskrit only: no published translation is held for this verse.
अत्र स्नानपरा नित्यं देवब्राह्मणवन्दनम् ।। कुर्वन्ती वशमापन्ना आसां यस्या ममेदृशम्
atra snānaparā nityaṃ devabrāhmaṇavandanam || kurvantī vaśamāpannā āsāṃ yasyā mamedṛśam
Sanskrit only: no published translation is held for this verse.
नीता नरकमत्युग्रं मया पापिष्ठया भृशम् ।। एवं सा तस्य तत्सर्वं कथयित्वा तिलोत्तमा
nītā narakamatyugraṃ mayā pāpiṣṭhayā bhṛśam || evaṃ sā tasya tatsarvaṃ kathayitvā tilottamā
Sanskrit only: no published translation is held for this verse.
रुरोद सुस्वरं दीना स्मृत्वा पूर्वं कुलं वरम् ।। विलप्य बहुधा रात्रौ संस्मृत्य स्वं विचेष्टितम्
ruroda susvaraṃ dīnā smṛtvā pūrvaṃ kulaṃ varam || vilapya bahudhā rātrau saṃsmṛtya svaṃ viceṣṭitam
Sanskrit only: no published translation is held for this verse.
तस्या विलपितं श्रुत्वा स्त्रीजनः स तदागतः ।। सान्त्वयामास तां बालां कि भद्रे रुदितं तव
tasyā vilapitaṃ śrutvā strījanaḥ sa tadāgataḥ || sāntvayāmāsa tāṃ bālāṃ ki bhadre ruditaṃ tava
Sanskrit only: no published translation is held for this verse.
आश्रिता कुलटाधर्मं कुलनाशो मया कृतः ।। कुलद्वये च पुरुषा एकविंशतिसंख्यया
āśritā kulaṭādharmaṃ kulanāśo mayā kṛtaḥ || kuladvaye ca puruṣā ekaviṃśatisaṃkhyayā
Sanskrit only: no published translation is held for this verse.
तैस्तैरुपायैर्विविधैर्जीवयित्वा च तं नरम् ।। लब्धप्राणं तु तं दृष्ट्वा पप्रच्छुर्मोहकारणम्
taistairupāyairvividhairjīvayitvā ca taṃ naram || labdhaprāṇaṃ tu taṃ dṛṣṭvā papracchurmohakāraṇam
Sanskrit only: no published translation is held for this verse.
ततस्तेन सवृत्तान्तं कथितं च कुलं महत् ।। तिलोत्तमासहायानां स्त्रीणामग्रे सविस्तरम्
tatastena savṛttāntaṃ kathitaṃ ca kulaṃ mahat || tilottamāsahāyānāṃ strīṇāmagre savistaram
Sanskrit only: no published translation is held for this verse.
ततः स विमना जातो अगम्यागमनेन च ।। प्रायश्चित्ते मतिरभून्निर्विण्णस्य दुरात्मनः
tataḥ sa vimanā jāto agamyāgamanena ca || prāyaścitte matirabhūnnirviṇṇasya durātmanaḥ
Sanskrit only: no published translation is held for this verse.
ब्रह्महा च सुरापश्च ब्राह्मणो यदि जायते ।। प्रायश्चित्तं विनिर्दिष्टं मुनिभिर्देहनाशनम्
brahmahā ca surāpaśca brāhmaṇo yadi jāyate || prāyaścittaṃ vinirdiṣṭaṃ munibhirdehanāśanam
Sanskrit only: no published translation is held for this verse.
मातरं गुरुपत्नीं च स्वसारं पुत्रिकां वधूम् ।। गत्वा तु प्रविशेदग्निं नान्या शुद्धिर्विधीयते
mātaraṃ gurupatnīṃ ca svasāraṃ putrikāṃ vadhūm || gatvā tu praviśedagniṃ nānyā śuddhirvidhīyate
Sanskrit only: no published translation is held for this verse.
ब्रह्मघ्नश्च सुरापश्च स्त्रीघ्नश्च गुरुतल्पगः ।। अगम्यागमनं कृत्वा एषां स समतामियात्
brahmaghnaśca surāpaśca strīghnaśca gurutalpagaḥ || agamyāgamanaṃ kṛtvā eṣāṃ sa samatāmiyāt
Sanskrit only: no published translation is held for this verse.
इति श्रुत्वा तु पांचाली ज्येष्ठभ्रातरमेव तम् ।। द्विजेभ्यः प्रददौ सर्वमङ्गलग्नं विभूषणम्
iti śrutvā tu pāṃcālī jyeṣṭhabhrātarameva tam || dvijebhyaḥ pradadau sarvamaṅgalagnaṃ vibhūṣaṇam
Sanskrit only: no published translation is held for this verse.
रत्नं वस्त्रं धनं धान्यं यत्किंचित्तत्र संस्थितम् ।। तत्सर्वं ब्राह्मणेभ्यश्च दत्त्वाशेषं ददौ धनम्
ratnaṃ vastraṃ dhanaṃ dhānyaṃ yatkiṃcittatra saṃsthitam || tatsarvaṃ brāhmaṇebhyaśca dattvāśeṣaṃ dadau dhanam
Sanskrit only: no published translation is held for this verse.
कालिञ्जरस्य भूषार्थमारामार्थं विशेषतः ।। कृष्णगङ्गोद्भवे तीर्थे चितां कृत्वा विधानतः
kāliñjarasya bhūṣārthamārāmārthaṃ viśeṣataḥ || kṛṣṇagaṅgodbhave tīrthe citāṃ kṛtvā vidhānataḥ
Sanskrit only: no published translation is held for this verse.
आत्मनश्च विशुद्ध्यर्थं प्रजज्वाल हुताशनम् ।। इति निश्चित्य तत्रैव स्नात्वा देवं प्रणम्य च
ātmanaśca viśuddhyarthaṃ prajajvāla hutāśanam || iti niścitya tatraiva snātvā devaṃ praṇamya ca
Sanskrit only: no published translation is held for this verse.
पंचालोऽपि विधानेन नमस्कृत्य मुनिं गुरुम् ।। सुमन्तुं च महाभागमुपविश्याग्रतश्च सः
paṃcālo'pi vidhānena namaskṛtya muniṃ gurum || sumantuṃ ca mahābhāgamupaviśyāgrataśca saḥ
Sanskrit only: no published translation is held for this verse.
मरणायोपयोग्यानि कृत्वा कर्माणि तत्र च ।। माथुरान्स समाहूय दत्त्वा दानानि सर्वशः
maraṇāyopayogyāni kṛtvā karmāṇi tatra ca || māthurānsa samāhūya dattvā dānāni sarvaśaḥ
Sanskrit only: no published translation is held for this verse.
क्रीत्वा ग्रामांश्च तत्रैव ब्राह्मणेभ्यो ददौ तदा ।। ईशावास्यं जपं दिव्यं जापकेभ्यः शृणोति च
krītvā grāmāṃśca tatraiva brāhmaṇebhyo dadau tadā || īśāvāsyaṃ japaṃ divyaṃ jāpakebhyaḥ śṛṇoti ca
Sanskrit only: no published translation is held for this verse.
तेभ्योऽपि प्रददौ द्रव्यं सत्रार्थं च विभागशः ।। और्ध्वदेहिकभागार्थं कल्पयित्वा यथाविधि
tebhyo'pi pradadau dravyaṃ satrārthaṃ ca vibhāgaśaḥ || aurdhvadehikabhāgārthaṃ kalpayitvā yathāvidhi
Sanskrit only: no published translation is held for this verse.
स्नात्वा तीर्थे च कृष्णस्य देवं दृष्ट्वा प्रणम्य च ।। कालिञ्जरस्य पूजार्थं सत्रार्थं परिकल्प्य च
snātvā tīrthe ca kṛṣṇasya devaṃ dṛṣṭvā praṇamya ca || kāliñjarasya pūjārthaṃ satrārthaṃ parikalpya ca
Sanskrit only: no published translation is held for this verse.
देवालयं च तत्रैव कृत्वा सन्दिश्य सार्थकान् ।। सुमन्तोः प्रवरस्याथ पादौ जग्राह धर्मवित्
devālayaṃ ca tatraiva kṛtvā sandiśya sārthakān || sumantoḥ pravarasyātha pādau jagrāha dharmavit
Sanskrit only: no published translation is held for this verse.
देव ज्ञानं च ते दिव्यमद्भुतं लोमहर्षणम् ।। अगम्यागमनादेव पापं जातं मम प्रभो
deva jñānaṃ ca te divyamadbhutaṃ lomaharṣaṇam || agamyāgamanādeva pāpaṃ jātaṃ mama prabho
Sanskrit only: no published translation is held for this verse.
आगतोऽहं यदारभ्य मथुरायां ततो गुरो ।। भगिन्या सह संयोगे जातोऽयं कुलनाशकः
āgato'haṃ yadārabhya mathurāyāṃ tato guro || bhaginyā saha saṃyoge jāto'yaṃ kulanāśakaḥ
Sanskrit only: no published translation is held for this verse.
त्वया निर्मलदृष्ट्या च वीक्षितोऽहं पुरा मुने ।। कृमयो मम गात्रात्तु निर्गच्छन्तो हि नित्यदा
tvayā nirmaladṛṣṭyā ca vīkṣito'haṃ purā mune || kṛmayo mama gātrāttu nirgacchanto hi nityadā
Sanskrit only: no published translation is held for this verse.
कृष्णगंगाप्रभावेण पुनर्निर्मलतां गतम् ।। तत्सर्वं हि त्वया दृष्टं पृष्टश्चाहं पुनः पुनः
kṛṣṇagaṃgāprabhāveṇa punarnirmalatāṃ gatam || tatsarvaṃ hi tvayā dṛṣṭaṃ pṛṣṭaścāhaṃ punaḥ punaḥ
Sanskrit only: no published translation is held for this verse.
तत्सत्यं मम सञ्जातमगम्यागमपातकम् ।। तत्पापस्य विशुद्ध्यर्थं देहत्यागं करोमि वै
tatsatyaṃ mama sañjātamagamyāgamapātakam || tatpāpasya viśuddhyarthaṃ dehatyāgaṃ karomi vai
Sanskrit only: no published translation is held for this verse.
अनुज्ञां देहि भो स्वामिंस्तव पादौ नमाम्यहम् ।। विश्राव्य तस्य तत्पापं चितां दीप्य घृतोक्षिताम्
anujñāṃ dehi bho svāmiṃstava pādau namāmyaham || viśrāvya tasya tatpāpaṃ citāṃ dīpya ghṛtokṣitām
Sanskrit only: no published translation is held for this verse.
प्रवेष्टुकामं तत्राग्नौ खे प्रोवाचाशरीरिणी ।। मैवं कार्षीः साहसं च विपाप्मानौ यतश्च वाम्
praveṣṭukāmaṃ tatrāgnau khe provācāśarīriṇī || maivaṃ kārṣīḥ sāhasaṃ ca vipāpmānau yataśca vām
Sanskrit only: no published translation is held for this verse.
कस्माद्वा कस्य सन्त्रासान्मरणे कृतनिश्चयौ ।। यत्र कृष्णस्य संचारः क्रीडितं च यथासुखम्
kasmādvā kasya santrāsānmaraṇe kṛtaniścayau || yatra kṛṣṇasya saṃcāraḥ krīḍitaṃ ca yathāsukham
Sanskrit only: no published translation is held for this verse.
चक्राङ्कितपदा तेन स्थानं ब्रह्मसमं शुभम् ।। अन्यत्र हि कृतं पापं तीर्थमासाद्य गच्छति
cakrāṅkitapadā tena sthānaṃ brahmasamaṃ śubham || anyatra hi kṛtaṃ pāpaṃ tīrthamāsādya gacchati
Sanskrit only: no published translation is held for this verse.
तीर्थे च यत्कृतं पापं वज्रलेपो भविष्यति ।। द्वावेतौ च यथावश्यं गंगासागरसंगमे
tīrthe ca yatkṛtaṃ pāpaṃ vajralepo bhaviṣyati || dvāvetau ca yathāvaśyaṃ gaṃgāsāgarasaṃgame
Sanskrit only: no published translation is held for this verse.
सकृदेव नरः स्नात्वा मुच्यते ब्रह्महत्यया ।। पृथिव्यां यानि तीर्थानि सर्वाण्येवाभिषेचनात्
sakṛdeva naraḥ snātvā mucyate brahmahatyayā || pṛthivyāṃ yāni tīrthāni sarvāṇyevābhiṣecanāt
Sanskrit only: no published translation is held for this verse.
तत्पंचतीर्थस्नानेन समं नास्त्यत्र संशयः ।। एकादश्यां च विश्रान्तौ द्वादश्यां सौकरे तथा
tatpaṃcatīrthasnānena samaṃ nāstyatra saṃśayaḥ || ekādaśyāṃ ca viśrāntau dvādaśyāṃ saukare tathā
Sanskrit only: no published translation is held for this verse.
त्रयोदश्यां नैमिषे च प्रयागे च चतुर्दशीम् ।। कार्त्तिक्यां पुष्करे चैव कार्त्तिकस्य सितासिते
trayodaśyāṃ naimiṣe ca prayāge ca caturdaśīm || kārttikyāṃ puṣkare caiva kārttikasya sitāsite
Sanskrit only: no published translation is held for this verse.
कालेष्वेषु नरः स्नात्वा सर्वपापं व्यपोहति ।। मथुरायां च तीर्थेभ्यो विश्रान्तः पंचतीर्थके
kāleṣveṣu naraḥ snātvā sarvapāpaṃ vyapohati || mathurāyāṃ ca tīrthebhyo viśrāntaḥ paṃcatīrthake
Sanskrit only: no published translation is held for this verse.
असिकुण्डे सरस्वत्यां तथा कालिञ्जरस्य च ।। पंचतीर्थाभिषेकाच्च यत्फलं लभते नरः
asikuṇḍe sarasvatyāṃ tathā kāliñjarasya ca || paṃcatīrthābhiṣekācca yatphalaṃ labhate naraḥ
Sanskrit only: no published translation is held for this verse.
कृष्णगंगा दशगुणं लभते च दिनेदिने ।। ज्ञानतोऽज्ञानतो वापि यत्पापं समुपार्जितम्
kṛṣṇagaṃgā daśaguṇaṃ labhate ca dinedine || jñānato'jñānato vāpi yatpāpaṃ samupārjitam
Sanskrit only: no published translation is held for this verse.
सुकृतं दुष्कृतं चापि मथुरायां प्रणश्यति ।। वराहेण पुरा चेदं पृथिव्यै कथितं शुभम्
sukṛtaṃ duṣkṛtaṃ cāpi mathurāyāṃ praṇaśyati || varāheṇa purā cedaṃ pṛthivyai kathitaṃ śubham
Sanskrit only: no published translation is held for this verse.
तीर्थानां गुणमाहात्म्यं महापातकनाशनम् ।। सर्वदेवमयो योऽसौ सर्ववेदमयस्तथा
tīrthānāṃ guṇamāhātmyaṃ mahāpātakanāśanam || sarvadevamayo yo'sau sarvavedamayastathā
Sanskrit only: no published translation is held for this verse.
अनन्तश्चाप्रमेयश्च यस्य चान्तो न विद्यते ।। यस्य श्रोत्रैकदेशे तु आकाशो लेशमात्रकः
anantaścāprameyaśca yasya cānto na vidyate || yasya śrotraikadeśe tu ākāśo leśamātrakaḥ
Sanskrit only: no published translation is held for this verse.
विलीनो ज्ञायते नैव तस्य देवस्य का कथा ।। तथा नयनयोः प्रान्ते तेजो लीनं न दृश्यते
vilīno jñāyate naiva tasya devasya kā kathā || tathā nayanayoḥ prānte tejo līnaṃ na dṛśyate
Sanskrit only: no published translation is held for this verse.
निःश्वासे च विलीनोऽसौ वायुर्नष्टो न दृश्यते ।। खुराग्रेषु तथा लीनाः समुद्राः सप्त च प्रभोः
niḥśvāse ca vilīno'sau vāyurnaṣṭo na dṛśyate || khurāgreṣu tathā līnāḥ samudrāḥ sapta ca prabhoḥ
Sanskrit only: no published translation is held for this verse.
दृश्यन्ते स्वेदसङ्काशा नाममात्रा यथा पुरा ।। रोमकूपान्तरे लग्ना सशैलवनकानना
dṛśyante svedasaṅkāśā nāmamātrā yathā purā || romakūpāntare lagnā saśailavanakānanā
Sanskrit only: no published translation is held for this verse.
नष्टा पृथ्वी न लभ्येत तस्माद्देवात्तु कोऽधिकः ।। सोऽत्र तीर्थपरित्राणं कुर्वन्देवः स्वयं प्रभुः
naṣṭā pṛthvī na labhyeta tasmāddevāttu ko'dhikaḥ || so'tra tīrthaparitrāṇaṃ kurvandevaḥ svayaṃ prabhuḥ
Sanskrit only: no published translation is held for this verse.
वराहः संस्थितः साक्षात्पुराणं येन सूचितम् ।। पृथिव्याः सर्वसन्देहान् स्फोटयामास योऽव्ययः
varāhaḥ saṃsthitaḥ sākṣātpurāṇaṃ yena sūcitam || pṛthivyāḥ sarvasandehān sphoṭayāmāsa yo'vyayaḥ
Sanskrit only: no published translation is held for this verse.
तस्य सन्दर्शनादेव सर्वपापविवर्जितः ।। तत्क्षणादेव जायेत नात्र कार्या विचारणा
tasya sandarśanādeva sarvapāpavivarjitaḥ || tatkṣaṇādeva jāyeta nātra kāryā vicāraṇā
Sanskrit only: no published translation is held for this verse.
नवम्यां ज्येष्ठ शुक्लस्य स्नात्वा गङ्गोदके नरः ।। सूकरे तु त्रिरात्रं च मानवो दीपदः सकृत्
navamyāṃ jyeṣṭha śuklasya snātvā gaṅgodake naraḥ || sūkare tu trirātraṃ ca mānavo dīpadaḥ sakṛt
Sanskrit only: no published translation is held for this verse.
दत्त्वा दानं यथाशक्ति सर्वपापैः प्रमुच्यते ।। कालिञ्जरे च द्वादश्यां स्नात्वा संपूज्य देवताम्
dattvā dānaṃ yathāśakti sarvapāpaiḥ pramucyate || kāliñjare ca dvādaśyāṃ snātvā saṃpūjya devatām
Sanskrit only: no published translation is held for this verse.
द्वादशादित्यसङ्काशो विमाने च समास्थितः ।। विष्णुना समनुज्ञातो विष्णुलोके महीयते
dvādaśādityasaṅkāśo vimāne ca samāsthitaḥ || viṣṇunā samanujñāto viṣṇuloke mahīyate
Sanskrit only: no published translation is held for this verse.
वराह उवाच ।। एवं सुखदशब्देन देववाण्या प्रचोदितः ।। पांचालसंज्ञकस्तत्र सुमन्तुं पर्यपृच्छत
varāha uvāca || evaṃ sukhadaśabdena devavāṇyā pracoditaḥ || pāṃcālasaṃjñakastatra sumantuṃ paryapṛcchata
Sanskrit only: no published translation is held for this verse.
अस्मद्गुरुः पिता त्वं च ब्रूहि किं करवाणि वै ।। पावकालम्भनं मे स्यादुताहो तीर्थसेवनम्
asmadguruḥ pitā tvaṃ ca brūhi kiṃ karavāṇi vai || pāvakālambhanaṃ me syādutāho tīrthasevanam
Sanskrit only: no published translation is held for this verse.
त्रिरात्रं कृच्छ्रपाराक चान्द्रायणमथापि वा ।। तव पादांकिते वापि स्थित्वा मोक्षमवाप्नुयाम्
trirātraṃ kṛcchrapārāka cāndrāyaṇamathāpi vā || tava pādāṃkite vāpi sthitvā mokṣamavāpnuyām
Sanskrit only: no published translation is held for this verse.
आकाशभारती यत्तु तत्सत्यं नानृतं क्वचित् ।। मया प्रत्यक्षतः पूर्वं तव गात्रेषु पातकम्
ākāśabhāratī yattu tatsatyaṃ nānṛtaṃ kvacit || mayā pratyakṣataḥ pūrvaṃ tava gātreṣu pātakam
Sanskrit only: no published translation is held for this verse.
दिनेदिने च स्नानात्प्राक् प्रतिगच्छति नित्यशः ।। आश्रमे त्वं स्थितश्चात्र निर्मलश्च शशी यथा
dinedine ca snānātprāk pratigacchati nityaśaḥ || āśrame tvaṃ sthitaścātra nirmalaśca śaśī yathā
Sanskrit only: no published translation is held for this verse.
तिष्ठोपरमितः पापाद्यावत्कालं च जीवसि ।। इयं तु भगिनी पापादुपावृत्ता सती परम्
tiṣṭhoparamitaḥ pāpādyāvatkālaṃ ca jīvasi || iyaṃ tu bhaginī pāpādupāvṛttā satī param
Sanskrit only: no published translation is held for this verse.
सगतिश्च विपापा च भविष्यति न संशयः ।। श्रीवराह उवाच ।। एवं प्रभावस्तीर्थस्य मथुरायां वसुन्धरे
sagatiśca vipāpā ca bhaviṣyati na saṃśayaḥ || śrīvarāha uvāca || evaṃ prabhāvastīrthasya mathurāyāṃ vasundhare
Sanskrit only: no published translation is held for this verse.
कृष्णगंगोद्भवस्यापि तथा कालिञ्जरस्य च ।। सूकरस्य च माहात्म्यं यथा ते वर्णितं पुरा
kṛṣṇagaṃgodbhavasyāpi tathā kāliñjarasya ca || sūkarasya ca māhātmyaṃ yathā te varṇitaṃ purā
Sanskrit only: no published translation is held for this verse.
यः शृणोति वरारोहे श्रद्धया परया युतः ।। पठति प्रातरेवापि न स पापेन लिप्यते
yaḥ śṛṇoti varārohe śraddhayā parayā yutaḥ || paṭhati prātarevāpi na sa pāpena lipyate
Sanskrit only: no published translation is held for this verse.
सप्तजन्मकृतं पापं तस्य सर्वं व्यपोहति ।। फलं च गोशतस्यापि दत्तस्य समवाप्नुयात्।। अमृतत्वं च लभते स्वर्गलोकं च गच्छति
saptajanmakṛtaṃ pāpaṃ tasya sarvaṃ vyapohati || phalaṃ ca gośatasyāpi dattasya samavāpnuyāt|| amṛtatvaṃ ca labhate svargalokaṃ ca gacchati
Sanskrit only: no published translation is held for this verse.