Varāha Purāṇa 178

श्रीवराह उवाच ।। शत्रुघ्नेन पुरा घोरो लवणः सूदितो यथा ।। द्विजानुग्रहकामार्थमन्नमुग्रस्वरूपिणम्

śrīvarāha uvāca || śatrughnena purā ghoro lavaṇaḥ sūdito yathā || dvijānugrahakāmārthamannamugrasvarūpiṇam

Sanskrit only: no published translation is held for this verse.

द्वादश्यां मार्गशीर्षस्य उपोष्य नियतः शुचिः ।। यः करोति वरारोहे शत्रुघ्नचरितं यथा

dvādaśyāṃ mārgaśīrṣasya upoṣya niyataḥ śuciḥ || yaḥ karoti varārohe śatrughnacaritaṃ yathā

Sanskrit only: no published translation is held for this verse.

द्विजानां प्रीणनं कृत्वा स्वधान्नपटुभोजनैः ।। लवणस्य वधादेव शत्रुघ्नस्य शरीरके

dvijānāṃ prīṇanaṃ kṛtvā svadhānnapaṭubhojanaiḥ || lavaṇasya vadhādeva śatrughnasya śarīrake

Sanskrit only: no published translation is held for this verse.

हर्षस्तु सुमहाञ्जातो रामस्याक्लिष्टकर्मणः ।। अयोध्यायाः समायातो रामः सबलवाहनः

harṣastu sumahāñjāto rāmasyākliṣṭakarmaṇaḥ || ayodhyāyāḥ samāyāto rāmaḥ sabalavāhanaḥ

Sanskrit only: no published translation is held for this verse.

महोत्सवं च कर्तुं स शत्रुघ्नस्य महात्मनः ।। सितामाग्रहणीं प्राप्य मथुरां लवणान्तकः

mahotsavaṃ ca kartuṃ sa śatrughnasya mahātmanaḥ || sitāmāgrahaṇīṃ prāpya mathurāṃ lavaṇāntakaḥ

Sanskrit only: no published translation is held for this verse.

एकादश्यां सोपवासः स्नात्वा विश्रान्तिसंज्ञके ।। कृत्वा महोत्सवं तत्र कुटुम्बसहितः पुरा

ekādaśyāṃ sopavāsaḥ snātvā viśrāntisaṃjñake || kṛtvā mahotsavaṃ tatra kuṭumbasahitaḥ purā

Sanskrit only: no published translation is held for this verse.

तस्मिन्मुक्त्वा यथाकामं ब्राह्मणान्वै प्रतर्प्य च ।। तस्मिन्नहनि तत्रैव यः कुर्यात्स महोत्सवम्

tasminmuktvā yathākāmaṃ brāhmaṇānvai pratarpya ca || tasminnahani tatraiva yaḥ kuryātsa mahotsavam

Sanskrit only: no published translation is held for this verse.

सर्वपापविनिर्मुक्तः पितृभिः सह मोदते ।। स्वर्गलोके चिरं कालं यावत्स्थित्यन्तजन्मनः

sarvapāpavinirmuktaḥ pitṛbhiḥ saha modate || svargaloke ciraṃ kālaṃ yāvatsthityantajanmanaḥ

Sanskrit only: no published translation is held for this verse.

इति श्रीवराहपुराणे मथुरामाहात्म्ये शत्रुघ्नलावणे रामतीर्थयात्रायामष्टसप्तत्यधिकशततमोऽध्यायः

iti śrīvarāhapurāṇe mathurāmāhātmye śatrughnalāvaṇe rāmatīrthayātrāyāmaṣṭasaptatyadhikaśatatamo'dhyāyaḥ

Sanskrit only: no published translation is held for this verse.