Varāha Purāṇa 179

धरण्युवाच ।। तवापराधाद्देवेश वर्ज्योऽयं वैष्णवेन च ।। विनापराधो मनुजः सापराधश्च जायते

dharaṇyuvāca || tavāparādhāddeveśa varjyo'yaṃ vaiṣṇavena ca || vināparādho manujaḥ sāparādhaśca jāyate

Sanskrit only: no published translation is held for this verse.

कर्मणाचरणेनैव करणेन जुगुप्सितः ।। तच्च पूजाफलं सर्वं ज्ञायते तद्वदस्व मे

karmaṇācaraṇenaiva karaṇena jugupsitaḥ || tacca pūjāphalaṃ sarvaṃ jñāyate tadvadasva me

Sanskrit only: no published translation is held for this verse.

श्रीवराह उवाच ।। कर्मणा मनसा वाचा ये पापरुचयो जनाः ।। भक्षणं दन्तकाष्ठस्य राजान्नस्य तु भोजनम्

śrīvarāha uvāca || karmaṇā manasā vācā ye pāparucayo janāḥ || bhakṣaṇaṃ dantakāṣṭhasya rājānnasya tu bhojanam

Sanskrit only: no published translation is held for this verse.

मैथुनं शवसंस्पर्शं पुरीषोत्सर्गमेव च ।। सूतक्युदक्याप्रेक्षा च स्पर्शनं मेहनं तथा

maithunaṃ śavasaṃsparśaṃ purīṣotsargameva ca || sūtakyudakyāprekṣā ca sparśanaṃ mehanaṃ tathā

Sanskrit only: no published translation is held for this verse.

अभाष्य भाषणं चैव पिण्याकस्य च भक्षणम् ।। रक्तपारक्यमलिनवस्त्रधारित्वनीलिजम्

abhāṣya bhāṣaṇaṃ caiva piṇyākasya ca bhakṣaṇam || raktapārakyamalinavastradhāritvanīlijam

Sanskrit only: no published translation is held for this verse.

गुरोश्चालीकनिर्बन्धः पतितान्नस्य भक्षणम् ।। अभक्ष्य भक्षणं चैव तण्डुलीयविभीतकम्

guroścālīkanirbandhaḥ patitānnasya bhakṣaṇam || abhakṣya bhakṣaṇaṃ caiva taṇḍulīyavibhītakam

Sanskrit only: no published translation is held for this verse.

अदानं तुवरान्नस्य जालपादवराकयोः ।। भक्षणं देवतागारे सोपानत्कोपसर्पणम्

adānaṃ tuvarānnasya jālapādavarākayoḥ || bhakṣaṇaṃ devatāgāre sopānatkopasarpaṇam

Sanskrit only: no published translation is held for this verse.

तथैव देव पूजायां निषिद्धकुसुमार्च्चनम् ।। अनुत्तार्य च निर्माल्यं पूजा क्षीणान्धकारयोः

tathaiva deva pūjāyāṃ niṣiddhakusumārccanam || anuttārya ca nirmālyaṃ pūjā kṣīṇāndhakārayoḥ

Sanskrit only: no published translation is held for this verse.

पानं सुराया देवस्य अन्धकारे प्रबोधनम् ।। तावत्कर्मार्च्चने विष्णोरनमस्करणं तथा

pānaṃ surāyā devasya andhakāre prabodhanam || tāvatkarmārccane viṣṇoranamaskaraṇaṃ tathā

Sanskrit only: no published translation is held for this verse.

अपराधास्त्रयस्त्रिंशत्समाख्याता मया धरे ।। एभिर्युक्तस्तु पुरुषो विष्णुं नैव प्रपश्यति

aparādhāstrayastriṃśatsamākhyātā mayā dhare || ebhiryuktastu puruṣo viṣṇuṃ naiva prapaśyati

Sanskrit only: no published translation is held for this verse.

दूरस्थो न नमस्कारं कुर्यात्पूजा तु राक्षसी।। एकरात्रं द्विरात्रं वा त्रिरात्रं स्नानमेव च ।। सवासाः पंचगव्याशी मलसंवस्त्रकं क्रमात् ।। नीलीरक्षापनोदार्थं गोमयेन प्रघर्षणम् ।। प्राजापत्येन शुद्धिः स्यान्नीलीवस्त्रस्य धारणात्

dūrastho na namaskāraṃ kuryātpūjā tu rākṣasī|| ekarātraṃ dvirātraṃ vā trirātraṃ snānameva ca || savāsāḥ paṃcagavyāśī malasaṃvastrakaṃ kramāt || nīlīrakṣāpanodārthaṃ gomayena pragharṣaṇam || prājāpatyena śuddhiḥ syānnīlīvastrasya dhāraṇāt

Sanskrit only: no published translation is held for this verse.

चान्द्रायणद्वयं कुर्याद्गुरोः क्षयितमुत्तमम् ।। चान्द्रायणं पराकं च पतितान्नस्य भक्षणात्

cāndrāyaṇadvayaṃ kuryādguroḥ kṣayitamuttamam || cāndrāyaṇaṃ parākaṃ ca patitānnasya bhakṣaṇāt

Sanskrit only: no published translation is held for this verse.

चान्द्रायणं पराकं च प्राजापत्यं तथैव च ।। गोप्रदानं च भोज्यं च अभक्षस्य च भक्षणे

cāndrāyaṇaṃ parākaṃ ca prājāpatyaṃ tathaiva ca || gopradānaṃ ca bhojyaṃ ca abhakṣasya ca bhakṣaṇe

Sanskrit only: no published translation is held for this verse.

उपवासस्तु पंचाहं पंचगव्येन शुद्ध्यति।। सोपानत्कश्चरेत्पाद कृच्छ्रस्य द्विरभोजनम्

upavāsastu paṃcāhaṃ paṃcagavyena śuddhyati|| sopānatkaścaretpāda kṛcchrasya dvirabhojanam

Sanskrit only: no published translation is held for this verse.

पुष्पाभावेऽर्च्चनं स्नानं देवस्पर्शं च कारयन् ।। अनिर्माल्यनमस्कारं स्नानं पंचामृतेन तु ।।

puṣpābhāve'rccanaṃ snānaṃ devasparśaṃ ca kārayan || anirmālyanamaskāraṃ snānaṃ paṃcāmṛtena tu ||

Sanskrit only: no published translation is held for this verse.

सुरापाने द्विजातीनां चान्द्रायणचतुष्टयम् ।। तथैव द्वादशाब्दं तु प्राजापत्यत्रयं चरेत्

surāpāne dvijātīnāṃ cāndrāyaṇacatuṣṭayam || tathaiva dvādaśābdaṃ tu prājāpatyatrayaṃ caret

Sanskrit only: no published translation is held for this verse.

ब्रह्मकूर्च्चेन शुद्धिः स्याद्गोप्रदानत्रयेण च ।। त्रयाणामेकरात्रेण पंचामृतनिषेवणात्

brahmakūrccena śuddhiḥ syādgopradānatrayeṇa ca || trayāṇāmekarātreṇa paṃcāmṛtaniṣevaṇāt

Sanskrit only: no published translation is held for this verse.

मुच्यते त्वपराधैस्तु तथा विष्णोः स्तवं पठन् ।। एतत्ते कथितं गुह्यं किमन्यच्छ्रोतुमिच्छसि

mucyate tvaparādhaistu tathā viṣṇoḥ stavaṃ paṭhan || etatte kathitaṃ guhyaṃ kimanyacchrotumicchasi

Sanskrit only: no published translation is held for this verse.

पुनः पुनरुवाचेदं देवदेवो जनार्दनः ।। मोहङ्गता तु शृणुते नष्टसंज्ञेव लक्ष्यते

punaḥ punaruvācedaṃ devadevo janārdanaḥ || mohaṅgatā tu śṛṇute naṣṭasaṃjñeva lakṣyate

Sanskrit only: no published translation is held for this verse.

मुहुर्त्तमात्रे सा देवी संज्ञां प्राप्येदमब्रवीत् ।। अपराधे कृते देव सूतकी हि प्रजायते

muhurttamātre sā devī saṃjñāṃ prāpyedamabravīt || aparādhe kṛte deva sūtakī hi prajāyate

Sanskrit only: no published translation is held for this verse.

प्रायश्चित्तानि भूरीणि कृतानि तु नरैः सदा ।। तेन मे मनसो मोहः दुःखदो यः समभ्ययात्

prāyaścittāni bhūrīṇi kṛtāni tu naraiḥ sadā || tena me manaso mohaḥ duḥkhado yaḥ samabhyayāt

Sanskrit only: no published translation is held for this verse.

अस्ति कश्चिदुपायोऽत्र येन त्वं नृषु तुष्यसि ।। पूजितः सफलश्चासि अपराधविशोधनम्

asti kaścidupāyo'tra yena tvaṃ nṛṣu tuṣyasi || pūjitaḥ saphalaścāsi aparādhaviśodhanam

Sanskrit only: no published translation is held for this verse.

श्रीवराह उवाच ।। संवत्सरस्य मध्ये तु तीर्थे सौकरवे मम ।। कृतोपवासः स्नानेन गंगायां शुद्धिमाप्नुयात्

śrīvarāha uvāca || saṃvatsarasya madhye tu tīrthe saukarave mama || kṛtopavāsaḥ snānena gaṃgāyāṃ śuddhimāpnuyāt

Sanskrit only: no published translation is held for this verse.

मथुरायां तथाप्येवं सापराधः शुचिर्भवेत् ।। अनयोस्तीर्थयोरेवं यः सेवेत सकृन्नरः

mathurāyāṃ tathāpyevaṃ sāparādhaḥ śucirbhavet || anayostīrthayorevaṃ yaḥ seveta sakṛnnaraḥ

Sanskrit only: no published translation is held for this verse.

सहस्रजन्मसु कृतानपराधाञ्जहाति सः ।। स्नानात्पानात्तथा ध्यानात्कीर्त्तनाद्धारणात्तथा ।।२६। श्रवणान्मननाच्चैव दर्शनाद्याति पातकम् ।। पृथिव्युवाच ।। मथुरा सूकरं चैव द्वावेतौ तव वल्लभौ

sahasrajanmasu kṛtānaparādhāñjahāti saḥ || snānātpānāttathā dhyānātkīrttanāddhāraṇāttathā ||26| śravaṇānmananāccaiva darśanādyāti pātakam || pṛthivyuvāca || mathurā sūkaraṃ caiva dvāvetau tava vallabhau

Sanskrit only: no published translation is held for this verse.

विशिष्टमनयोः किं च सत्यं ब्रूहि सुरेश्वर ।। श्रीवराह उवाच ।। पृथिव्यां यानि तीर्थानि आसमुद्रसरांसि च

viśiṣṭamanayoḥ kiṃ ca satyaṃ brūhi sureśvara || śrīvarāha uvāca || pṛthivyāṃ yāni tīrthāni āsamudrasarāṃsi ca

Sanskrit only: no published translation is held for this verse.

कुब्जाम्रकं प्रशंसन्ति सदा मद्भावभाविताः ।। तस्मात्कोटिगुणं गुह्यं सौकरतीर्थमुत्तमम्

kubjāmrakaṃ praśaṃsanti sadā madbhāvabhāvitāḥ || tasmātkoṭiguṇaṃ guhyaṃ saukaratīrthamuttamam

Sanskrit only: no published translation is held for this verse.

एकाहं मार्गशीर्ष्यां च द्वादश्यां सितवैष्णवम् ।। गंगासागरिकं नाम पुराणेषु च पठ्यते

ekāhaṃ mārgaśīrṣyāṃ ca dvādaśyāṃ sitavaiṣṇavam || gaṃgāsāgarikaṃ nāma purāṇeṣu ca paṭhyate

Sanskrit only: no published translation is held for this verse.

गुह्याद्गुह्यतरं पुण्यं माथुरं मम मण्डलम् ।। फलं परार्द्धगुणितं सिततीर्थान्न संशयः

guhyādguhyataraṃ puṇyaṃ māthuraṃ mama maṇḍalam || phalaṃ parārddhaguṇitaṃ sitatīrthānna saṃśayaḥ

Sanskrit only: no published translation is held for this verse.

अटित्वा सर्वतीर्थानि कुब्जाम्रादीनि नित्यशः ।। अघं विनश्यते क्षिप्रं मथुरामागतस्य च

aṭitvā sarvatīrthāni kubjāmrādīni nityaśaḥ || aghaṃ vinaśyate kṣipraṃ mathurāmāgatasya ca

Sanskrit only: no published translation is held for this verse.

विश्रमणाच्च विश्रान्तिस्तेन संज्ञा वरा मम ।। सारात्सारतरं स्नानं गुह्यानां गुह्यमुत्तमम्

viśramaṇācca viśrāntistena saṃjñā varā mama || sārātsārataraṃ snānaṃ guhyānāṃ guhyamuttamam

Sanskrit only: no published translation is held for this verse.

गतिरन्वेषणीयानां मथुरा परमा गतिः ।। कुब्जाम्रके सौकरे च मथुरायां विशेषतः

gatiranveṣaṇīyānāṃ mathurā paramā gatiḥ || kubjāmrake saukare ca mathurāyāṃ viśeṣataḥ

Sanskrit only: no published translation is held for this verse.

विना सांख्येन योगेन मुच्यते नात्र संशयः ।। या गतिर्योगयुक्तस्य ब्राह्मणस्य मनीषिणः

vinā sāṃkhyena yogena mucyate nātra saṃśayaḥ || yā gatiryogayuktasya brāhmaṇasya manīṣiṇaḥ

Sanskrit only: no published translation is held for this verse.

सा गतिस्त्यजतः प्राणान्मथुरायां न संशयः ।। एतत्ते कथितं सारं मया सत्येन सुव्रते ।। न तीर्थं मथुराया हि न देवः केशवात्परः

sā gatistyajataḥ prāṇānmathurāyāṃ na saṃśayaḥ || etatte kathitaṃ sāraṃ mayā satyena suvrate || na tīrthaṃ mathurāyā hi na devaḥ keśavātparaḥ

Sanskrit only: no published translation is held for this verse.

इति श्रीवराहपुराणे मथुरामाहात्म्ये अपराधप्रायश्चित्तमाहात्म्यं नाम ऊनाशीत्यधिकशततमोऽध्यायः

iti śrīvarāhapurāṇe mathurāmāhātmye aparādhaprāyaścittamāhātmyaṃ nāma ūnāśītyadhikaśatatamo'dhyāyaḥ

Sanskrit only: no published translation is held for this verse.