Varāha Purāṇa 181

अथ मधुकाष्ठाप्रतिमायामर्चास्थापनम् ।। सूत उवाच ।। एवं श्रुत्वा परं स्थानं सा मही संशितव्रता।। सर्वक्षेत्रविभागेषु यश्च वै परमो विधिः

atha madhukāṣṭhāpratimāyāmarcāsthāpanam || sūta uvāca || evaṃ śrutvā paraṃ sthānaṃ sā mahī saṃśitavratā|| sarvakṣetravibhāgeṣu yaśca vai paramo vidhiḥ

Sanskrit only: no published translation is held for this verse.

संश्रुत्य विस्मयाविष्टा प्रत्युवाच वसुन्धरा ।। धरण्युवाच ।। अहो क्षेत्रप्रभावो वै यस्त्वया समुदाहृतः

saṃśrutya vismayāviṣṭā pratyuvāca vasundharā || dharaṇyuvāca || aho kṣetraprabhāvo vai yastvayā samudāhṛtaḥ

Sanskrit only: no published translation is held for this verse.

यं श्रुत्वा देवतत्त्वेन जातास्मि विगतज्वरा ।। एकं मे परमं गुह्यं यन्नित्यं हृदि वर्त्तते

yaṃ śrutvā devatattvena jātāsmi vigatajvarā || ekaṃ me paramaṃ guhyaṃ yannityaṃ hṛdi varttate

Sanskrit only: no published translation is held for this verse.

मम प्रीत्यर्थमखिलं तद्विष्णो वक्तुमर्हसि ।। कथं तिष्ठसि काष्ठेषु शैलमृन्मयजेषु च

mama prītyarthamakhilaṃ tadviṣṇo vaktumarhasi || kathaṃ tiṣṭhasi kāṣṭheṣu śailamṛnmayajeṣu ca

Sanskrit only: no published translation is held for this verse.

ताम्रे कांस्ये च रौप्ये च तिष्ठसि स्थापितः कथम् ।। सौवर्णेषु च सर्वेषु तिष्ठसि स्थापितः कथम्

tāmre kāṃsye ca raupye ca tiṣṭhasi sthāpitaḥ katham || sauvarṇeṣu ca sarveṣu tiṣṭhasi sthāpitaḥ katham

Sanskrit only: no published translation is held for this verse.

ब्रह्मचारी समासाद्य कथं तिष्ठसि माधव ।। दन्तरत्ने समासाद्य कथं सन्तिष्ठते भवान्

brahmacārī samāsādya kathaṃ tiṣṭhasi mādhava || dantaratne samāsādya kathaṃ santiṣṭhate bhavān

Sanskrit only: no published translation is held for this verse.

कथं तिष्ठसि वा सव्ये भित्तिसंस्थो जनार्दनः ।। भूमिसंस्थो महाभाग विधिदृष्टेन कर्मणा

kathaṃ tiṣṭhasi vā savye bhittisaṃstho janārdanaḥ || bhūmisaṃstho mahābhāga vidhidṛṣṭena karmaṇā

Sanskrit only: no published translation is held for this verse.

एवं धरावचः श्रुत्वा प्रत्युवाचादिसूकरः ।। श्रीवराह उवाच ।। प्रतिमा यस्य कर्त्तव्या तदानीय वसुन्धरे

evaṃ dharāvacaḥ śrutvā pratyuvācādisūkaraḥ || śrīvarāha uvāca || pratimā yasya karttavyā tadānīya vasundhare

Sanskrit only: no published translation is held for this verse.

प्रतिमां कारयेच्चैव लक्षणोक्तां वसुन्धरे ।। अर्चाशुद्धिं ततः कृत्वा प्रतिष्ठाप्य विधानतः

pratimāṃ kārayeccaiva lakṣaṇoktāṃ vasundhare || arcāśuddhiṃ tataḥ kṛtvā pratiṣṭhāpya vidhānataḥ

Sanskrit only: no published translation is held for this verse.

ततः सम्पूजयेद्देवि संसारभवमुक्तये ।। तत्र काष्ठेषु मधुकमानीय च वसुन्धरे

tataḥ sampūjayeddevi saṃsārabhavamuktaye || tatra kāṣṭheṣu madhukamānīya ca vasundhare

Sanskrit only: no published translation is held for this verse.

कृत्वा तत्प्रतिमां चैव प्रतिष्ठाविधिनार्च्चयेत् ।। तांस्तु दद्यात्तु गन्धांश्च ये मया समुदाहृताः

kṛtvā tatpratimāṃ caiva pratiṣṭhāvidhinārccayet || tāṃstu dadyāttu gandhāṃśca ye mayā samudāhṛtāḥ

Sanskrit only: no published translation is held for this verse.

कर्पूरं कुंकुमं चैव त्वचं चागुरुमेव च ।। रसं च चन्दनं चैव सिल्हकोशीरकं तथा

karpūraṃ kuṃkumaṃ caiva tvacaṃ cāgurumeva ca || rasaṃ ca candanaṃ caiva silhakośīrakaṃ tathā

Sanskrit only: no published translation is held for this verse.

एतैर्विलेपनं दद्यादर्चितस्तु विचक्षणः ।। स्वस्तिकं वर्द्धमानं च श्रीवत्सं कौस्तुभं तथा

etairvilepanaṃ dadyādarcitastu vicakṣaṇaḥ || svastikaṃ varddhamānaṃ ca śrīvatsaṃ kaustubhaṃ tathā

Sanskrit only: no published translation is held for this verse.

विधानपूर्वकं चैव मंगल्यं चैव पायसम् ।। वर्त्तिस्तिलफलं चैव कर्मण्यानि न संशयः

vidhānapūrvakaṃ caiva maṃgalyaṃ caiva pāyasam || varttistilaphalaṃ caiva karmaṇyāni na saṃśayaḥ

Sanskrit only: no published translation is held for this verse.

एवं सर्वं ततो दद्यात्पूजायां विहितं शुभम् ।। कर्मणा विधिदृष्टेन शुद्धो भागवतः शुचिः

evaṃ sarvaṃ tato dadyātpūjāyāṃ vihitaṃ śubham || karmaṇā vidhidṛṣṭena śuddho bhāgavataḥ śuciḥ

Sanskrit only: no published translation is held for this verse.

प्राणायामं ततः कृत्वा इमं मन्त्रमुदीरयेत् ।। योऽसौ भवांस्तिष्ठते च सर्वयोगप्रधानतः

prāṇāyāmaṃ tataḥ kṛtvā imaṃ mantramudīrayet || yo'sau bhavāṃstiṣṭhate ca sarvayogapradhānataḥ

Sanskrit only: no published translation is held for this verse.

ससम्भ्रमं लोके सुप्रतीतस्तिष्ठ काष्ठे स त्वं भुवि ।। एवं संस्थापनं कृत्वा काष्ठस्य प्रतिमासु च

sasambhramaṃ loke supratītastiṣṭha kāṣṭhe sa tvaṃ bhuvi || evaṃ saṃsthāpanaṃ kṛtvā kāṣṭhasya pratimāsu ca

Sanskrit only: no published translation is held for this verse.

पुनः प्रदक्षिणीकृत्य शुद्धैर्भागवतैः सह ।। प्रज्वाल्य दीपं तत्रैव चार्च्चायाः सम्मुखं स्थितः

punaḥ pradakṣiṇīkṛtya śuddhairbhāgavataiḥ saha || prajvālya dīpaṃ tatraiva cārccāyāḥ sammukhaṃ sthitaḥ

Sanskrit only: no published translation is held for this verse.

नोर्द्ध्वं न तिर्यगीक्षेत कामक्रोधविवर्जितः ।। नमो नारायणायेति इमं मन्त्रमुदीरयेत्

norddhvaṃ na tiryagīkṣeta kāmakrodhavivarjitaḥ || namo nārāyaṇāyeti imaṃ mantramudīrayet

Sanskrit only: no published translation is held for this verse.

कुर्यात्संस्करणं तेषां विधिदृष्टेन कर्मणा

kuryātsaṃskaraṇaṃ teṣāṃ vidhidṛṣṭena karmaṇā

Sanskrit only: no published translation is held for this verse.

मन्त्रः – योऽसौ भवान्सर्वजनप्रवीर गतिः प्रभुस्त्वं वससि ह्यमोघ ।। अनेन मन्त्रेण च लोकनाथ संस्थापितस्तिष्ठ च वासुदेव

mantraḥ – yo'sau bhavānsarvajanapravīra gatiḥ prabhustvaṃ vasasi hyamogha || anena mantreṇa ca lokanātha saṃsthāpitastiṣṭha ca vāsudeva

Sanskrit only: no published translation is held for this verse.

सर्वामेवं ततः कृत्वा मम संस्थापनक्रियाम् ।। पूज्या भागवताः सर्वे ये तत्र समुपागताः

sarvāmevaṃ tataḥ kṛtvā mama saṃsthāpanakriyām || pūjyā bhāgavatāḥ sarve ye tatra samupāgatāḥ

Sanskrit only: no published translation is held for this verse.

गन्धमाल्यैरर्चयित्वा उपलेपैश्च भोजनैः ।। कुर्यात्संस्करणं तेषां विधिदृष्टेन कर्मणा

gandhamālyairarcayitvā upalepaiśca bhojanaiḥ || kuryātsaṃskaraṇaṃ teṣāṃ vidhidṛṣṭena karmaṇā

Sanskrit only: no published translation is held for this verse.

एतत्कर्मविधानेन मधुकाष्ठस्य सुन्दरि ।। धर्मसंस्थापनार्थाय एतत्ते कथितं मया

etatkarmavidhānena madhukāṣṭhasya sundari || dharmasaṃsthāpanārthāya etatte kathitaṃ mayā

Sanskrit only: no published translation is held for this verse.

यस्त्वनेन विधानेन अर्च्चां काष्ठस्य स्थापयेत् ।। स न गच्छति संसारं मम लोकं च गच्छति

yastvanena vidhānena arccāṃ kāṣṭhasya sthāpayet || sa na gacchati saṃsāraṃ mama lokaṃ ca gacchati

Sanskrit only: no published translation is held for this verse.

इति श्रीवराहपुराणे भगवच्छास्त्रे मधुकाष्ठायां प्रतिमार्च्चास्थापनं नाम एकाशीत्यधिकशततमोऽध्यायः

iti śrīvarāhapurāṇe bhagavacchāstre madhukāṣṭhāyāṃ pratimārccāsthāpanaṃ nāma ekāśītyadhikaśatatamo'dhyāyaḥ

Sanskrit only: no published translation is held for this verse.