Varāha Purāṇa 184

अथ ताम्रार्चास्थापनम् ।। श्रीवराह उवाच ।। ताम्रेण प्रतिमां कृत्वा सुरूपां चैव भास्वराम् ।। उचितेनोपचारेण वेश्ममध्यमुपानयेत्

atha tāmrārcāsthāpanam || śrīvarāha uvāca || tāmreṇa pratimāṃ kṛtvā surūpāṃ caiva bhāsvarām || ucitenopacāreṇa veśmamadhyamupānayet

Sanskrit only: no published translation is held for this verse.

ततो वेश्मन्युपागम्य स्थापयित्वा उदङ्मुखः ।। चित्रायां चैव नक्षत्रे कुर्याच्चैवाधिवासनम्

tato veśmanyupāgamya sthāpayitvā udaṅmukhaḥ || citrāyāṃ caiva nakṣatre kuryāccaivādhivāsanam

Sanskrit only: no published translation is held for this verse.

जलं च सर्वगन्धेन पंचगव्येन मिश्रितम् ।। स्नापयेच्च ततो मां वै इमं मन्त्रमुदाहरेत्

jalaṃ ca sarvagandhena paṃcagavyena miśritam || snāpayecca tato māṃ vai imaṃ mantramudāharet

Sanskrit only: no published translation is held for this verse.

मन्त्रः- योऽसौ भवांस्तिष्ठति सारभूतः त्वं ताम्रके तिष्ठसि नेत्रभूतः ।। आगच्छ मूर्त्तौ सह पंचभूतैर्मया च पात्रैः सह विश्वधामन्

mantraḥ- yo'sau bhavāṃstiṣṭhati sārabhūtaḥ tvaṃ tāmrake tiṣṭhasi netrabhūtaḥ || āgaccha mūrttau saha paṃcabhūtairmayā ca pātraiḥ saha viśvadhāman

Sanskrit only: no published translation is held for this verse.

अनेनैव तु मन्त्रेण स्थापयित्वा यशस्विनि ।। पूर्वन्यायेन कर्त्तव्यमधिवासनपूजनम्

anenaiva tu mantreṇa sthāpayitvā yaśasvini || pūrvanyāyena karttavyamadhivāsanapūjanam

Sanskrit only: no published translation is held for this verse.

व्यतीतायां च शर्वर्यामुदिते च दिवाकरे ।। ऋचा शुद्धिं विधायाऽथ स्नापयेन्मन्त्रपूर्वकम्

vyatītāyāṃ ca śarvaryāmudite ca divākare || ṛcā śuddhiṃ vidhāyā'tha snāpayenmantrapūrvakam

Sanskrit only: no published translation is held for this verse.

ब्राह्मणा वेदपाठांश्च कुर्युस्तत्र समागताः ।। बहुनि मङ्गलान्यत्र मण्डपे स्थापयेत्ततः

brāhmaṇā vedapāṭhāṃśca kuryustatra samāgatāḥ || bahuni maṅgalānyatra maṇḍape sthāpayettataḥ

Sanskrit only: no published translation is held for this verse.

सुगन्धद्रव्यसंयुक्तं जलं चादाय पूजकः।। ततो मे स्नपनं कार्यमिमं मन्त्रमुदाहरेत्

sugandhadravyasaṃyuktaṃ jalaṃ cādāya pūjakaḥ|| tato me snapanaṃ kāryamimaṃ mantramudāharet

Sanskrit only: no published translation is held for this verse.

मन्त्रः – ॐ योऽसौ भवान्सर्ववरः प्रभुश्च माया बलो योगबलप्रधानः ।। आगच्छ शीघ्रं च मम प्रियाय सन्तिष्ठ ताम्रेष्वपि लोकनाथ

mantraḥ – oṃ yo'sau bhavānsarvavaraḥ prabhuśca māyā balo yogabalapradhānaḥ || āgaccha śīghraṃ ca mama priyāya santiṣṭha tāmreṣvapi lokanātha

Sanskrit only: no published translation is held for this verse.

ज्वलन पवनतुल्यावन भावन तपन श्वासन स्वयं तिष्ठ भगवन् पुरुषोत्तम ओम् ।। इति ।। ततो द्वारमुपागम्य वेश्म शीघ्रं प्रवेशयेत् ।। आसने चापि मां स्थाप्य पूजयेद्भक्तिपूर्वकम्

jvalana pavanatulyāvana bhāvana tapana śvāsana svayaṃ tiṣṭha bhagavan puruṣottama om || iti || tato dvāramupāgamya veśma śīghraṃ praveśayet || āsane cāpi māṃ sthāpya pūjayedbhaktipūrvakam

Sanskrit only: no published translation is held for this verse.

मन्त्रेणानेन मां स्थाप्य गन्धपुष्पादिदीपकैः

mantreṇānena māṃ sthāpya gandhapuṣpādidīpakaiḥ

Sanskrit only: no published translation is held for this verse.

स्थापनामन्त्रः – ॐ प्रकाशप्रकाश जगत्प्रकाश विज्ञानमयानन्दमय त्रैलोक्यनाथात्रागच्छ इह सन्तिष्ठतां भवान्पुरुषोत्तम मामव इति ।। अनेन स्थापनां कृत्वा मम शास्त्रानुसारतः ।। शुक्लवस्त्रं समादाय इमं मन्त्रमुदाहरेत्

sthāpanāmantraḥ – oṃ prakāśaprakāśa jagatprakāśa vijñānamayānandamaya trailokyanāthātrāgaccha iha santiṣṭhatāṃ bhavānpuruṣottama māmava iti || anena sthāpanāṃ kṛtvā mama śāstrānusārataḥ || śuklavastraṃ samādāya imaṃ mantramudāharet

Sanskrit only: no published translation is held for this verse.

मन्त्रः- ॐ शुद्धस्त्वमात्मा पुरुषः पुराणो जगत्सु तत्त्वं सुरलोकनाथ ।। वस्त्राणि गृह्णीष्व मम प्रियाणि नमोऽस्तु तस्मै पुरुषोत्तमाय

mantraḥ- oṃ śuddhastvamātmā puruṣaḥ purāṇo jagatsu tattvaṃ suralokanātha || vastrāṇi gṛhṇīṣva mama priyāṇi namo'stu tasmai puruṣottamāya

Sanskrit only: no published translation is held for this verse.

वस्त्रैर्विभूषितं कृत्वा मम कर्मपरायणः।। यथान्यायेन मे शीघ्रमर्च्चनं तत्र कारयेत्

vastrairvibhūṣitaṃ kṛtvā mama karmaparāyaṇaḥ|| yathānyāyena me śīghramarccanaṃ tatra kārayet

Sanskrit only: no published translation is held for this verse.

अर्च्चनालंकृतं कृत्वा गन्धधूपादिभिः प्रभुम् ।। सम्पूज्य विधिवन्मां तु नैवेद्यं परिकल्पयेत्

arccanālaṃkṛtaṃ kṛtvā gandhadhūpādibhiḥ prabhum || sampūjya vidhivanmāṃ tu naivedyaṃ parikalpayet

Sanskrit only: no published translation is held for this verse.

दत्त्वा स्वादु च नैवेद्यं शान्तिपाठं तु कारयेत् ।। मन्त्रः – शान्तिर्भवतु देवानां विप्राणां शान्तिरुत्तमा

dattvā svādu ca naivedyaṃ śāntipāṭhaṃ tu kārayet || mantraḥ – śāntirbhavatu devānāṃ viprāṇāṃ śāntiruttamā

Sanskrit only: no published translation is held for this verse.

शान्तिर्भवतु राज्ञां च सराष्ट्राणां तथा विशाम् ।। बालानां व्रीहिपण्यानां गर्भिणीनां च देहिनाम्

śāntirbhavatu rājñāṃ ca sarāṣṭrāṇāṃ tathā viśām || bālānāṃ vrīhipaṇyānāṃ garbhiṇīnāṃ ca dehinām

Sanskrit only: no published translation is held for this verse.

शान्तिर्भवतु देवेश त्वत्प्रसादान्ममाखिला।। एवं शान्तिं पठित्वा तु ब्राह्मणांस्तत्र पूजयेत्

śāntirbhavatu deveśa tvatprasādānmamākhilā|| evaṃ śāntiṃ paṭhitvā tu brāhmaṇāṃstatra pūjayet

Sanskrit only: no published translation is held for this verse.

गुरुं भागवतं चैवमर्चयेच्च यथाविधि।। ब्राह्मणान्भोजयेत्तत्र यथोत्पन्नेन माधवि

guruṃ bhāgavataṃ caivamarcayecca yathāvidhi|| brāhmaṇānbhojayettatra yathotpannena mādhavi

Sanskrit only: no published translation is held for this verse.

विशेषेण गुरुं पूज्य वस्त्रालंकारभोजनैः ।। तेनाहं पूजितो भूमे सत्यमेतद्ब्रवीमि ते

viśeṣeṇa guruṃ pūjya vastrālaṃkārabhojanaiḥ || tenāhaṃ pūjito bhūme satyametadbravīmi te

Sanskrit only: no published translation is held for this verse.

गुरुर्यस्य न तुष्टो वै तस्माद्दूरतरो ह्ययम् ।। य एतेन विधानेन कुर्यात्संस्थापनं मम

gururyasya na tuṣṭo vai tasmāddūrataro hyayam || ya etena vidhānena kuryātsaṃsthāpanaṃ mama

Sanskrit only: no published translation is held for this verse.

तारितं च कुलं तेन नवभिः सप्तविंशतिः ।। एतत्ते कथितं भद्रे ताम्रार्च्चास्थापनं मम

tāritaṃ ca kulaṃ tena navabhiḥ saptaviṃśatiḥ || etatte kathitaṃ bhadre tāmrārccāsthāpanaṃ mama

Sanskrit only: no published translation is held for this verse.

कथयिष्यामि ते ह्येवं कार्त्स्न्येन प्रतिमार्च्चनम् ।। जलस्य बिन्दवो यावन्मम स्नाने च सुन्दरि ।। तावद्वर्षसहस्राणि मम लोके महीयते

kathayiṣyāmi te hyevaṃ kārtsnyena pratimārccanam || jalasya bindavo yāvanmama snāne ca sundari || tāvadvarṣasahasrāṇi mama loke mahīyate

Sanskrit only: no published translation is held for this verse.

इति श्रीवराहपुराणे ताम्रार्चास्थापनं नाम चतुरशीत्यधिकशततमोऽध्यायः

iti śrīvarāhapurāṇe tāmrārcāsthāpanaṃ nāma caturaśītyadhikaśatatamo'dhyāyaḥ

Sanskrit only: no published translation is held for this verse.