महातपा उवाच । विष्णोर्विभूतिमाहात्म्यं कथितं ते प्रसङ्गतः । तिथीनां श्रृणु माहात्म्यं कथ्यमानं मया नृप
mahātapā uvāca | viṣṇorvibhūtimāhātmyaṃ kathitaṃ te prasaṅgataḥ | tithīnāṃ śrṛṇu māhātmyaṃ kathyamānaṃ mayā nṛpa
Sanskrit only: no published translation is held for this verse.
इत्थंभूतो महानग्निर्ब्रह्मक्रोधोद्भवो महान् । उवाच देवं ब्रह्माणं तिथिर्मे दीयतां विभो । यस्यामहं समस्तस्य जगतः ख्यातिमाप्नुयाम्
itthaṃbhūto mahānagnirbrahmakrodhodbhavo mahān | uvāca devaṃ brahmāṇaṃ tithirme dīyatāṃ vibho | yasyāmahaṃ samastasya jagataḥ khyātimāpnuyām
Sanskrit only: no published translation is held for this verse.
ब्रह्मोवाच । देवानामथ यक्षाणां गन्धर्वाणां च सत्तम । आदौ प्रतिपदा येन त्वमुत्पन्नोऽसि पावक
brahmovāca | devānāmatha yakṣāṇāṃ gandharvāṇāṃ ca sattama | ādau pratipadā yena tvamutpanno'si pāvaka
Sanskrit only: no published translation is held for this verse.
त्वत्पदात् प्रतिपदं चान्या संभविष्यन्ति देवताः । अतस्ते प्रतिपन्नाम तिथिरेषा भविष्यति
tvatpadāt pratipadaṃ cānyā saṃbhaviṣyanti devatāḥ | ataste pratipannāma tithireṣā bhaviṣyati
Sanskrit only: no published translation is held for this verse.
तस्यां तिथौ हविष्येण प्राजापत्येन मूर्तिना । होष्यन्ति तेषां प्रीताः स्युः पितरः सर्वदेवताः
tasyāṃ tithau haviṣyeṇa prājāpatyena mūrtinā | hoṣyanti teṣāṃ prītāḥ syuḥ pitaraḥ sarvadevatāḥ
Sanskrit only: no published translation is held for this verse.
चतुर्विधानि भूतानि मनुष्याः पशवोऽसुराः । देवाः सर्वे सगन्धर्वाः प्रीताः स्युस्तर्पिते त्वयि
caturvidhāni bhūtāni manuṣyāḥ paśavo'surāḥ | devāḥ sarve sagandharvāḥ prītāḥ syustarpite tvayi
Sanskrit only: no published translation is held for this verse.
यश्चोपवासं कुर्वीत त्वद्भक्तः प्रतिपद्दिने । क्षीराशनो वा वर्त्तेत श्रृणु तस्य फलं महत्
yaścopavāsaṃ kurvīta tvadbhaktaḥ pratipaddine | kṣīrāśano vā vartteta śrṛṇu tasya phalaṃ mahat
Sanskrit only: no published translation is held for this verse.
चतुर्युगानि षट्त्रिंशत् स्वर्लोकेऽसौ महीयते । तेजस्वी रूपसंपन्नो द्रव्यवान् जायते नरः
caturyugāni ṣaṭtriṃśat svarloke'sau mahīyate | tejasvī rūpasaṃpanno dravyavān jāyate naraḥ
Sanskrit only: no published translation is held for this verse.
इह जन्मन्यसौ राजा प्रेत्य स्वर्गे महीयते । तूष्णीं बभूव सोप्यग्निर्ब्रह्मदत्ताश्रयं ययौ
iha janmanyasau rājā pretya svarge mahīyate | tūṣṇīṃ babhūva sopyagnirbrahmadattāśrayaṃ yayau
Sanskrit only: no published translation is held for this verse.
य इदं श्रृणुयान्नित्यं प्रातरुत्थाय मानवः । अग्नेर्जन्म स पापेभ्यो मुच्यते नात्र संशयः
ya idaṃ śrṛṇuyānnityaṃ prātarutthāya mānavaḥ | agnerjanma sa pāpebhyo mucyate nātra saṃśayaḥ
Sanskrit only: no published translation is held for this verse.
।। इति श्रीवराहपुराणे भगवच्छास्त्रे एकोनविंशोऽध्यायः
|| iti śrīvarāhapurāṇe bhagavacchāstre ekonaviṃśo'dhyāyaḥ
Sanskrit only: no published translation is held for this verse.